المرحلة الجامعية تكلم عن دراسة هندسة معدات طبية [الأرشيف]

عبودي الطيب

29-06-2005, 02:58 AM

السلام عليكم ورحمة الله وبركاته
بصراحة يا شباب ابغا مساعدة من اهل الخبرة بخصوص دراسة هندسة معدات طبية يعني المواد اللي راح تدرسها واماكن دراستها ومستقبلها وارجوا المساهمة بالرد حتى لو تكون عندك معلومة بسيطة يستفيد منها اخوانكم ولكم الاجر انشاء الله:)

raayg

01-07-2005, 08:41 AM

والله أخوي أنا في كلية الطب في جدة لكن ما أعرف إذا كنت تقصد قسم التقنية الطبية أو لا ...
أنا حأحاول أعطيك المعلومات اللي أعرفها عن قسم التقنية الطبية ...

كلية التقنية الطبية هي جزء من كلية الطب والعلوم التطبيقية ... دراستها على ما أعتقد 5 سنوات وبعدها يتخرجوا اخصائي تقنية طبية .. في أول سنة يتم دراسة العلوم الأساسية وهذه موحدة في جميع الكليات الصحية وهي أربع مواد بالشكل التالي : Biology - Physics -Organic Chemistry - General Chemistry بالإضافة لمادة الانجليزي اللي هي عبارة عن أربع مواد تدرس مع بعض (Grammer - Reading - Writing - Medical Terminolgy) وفي مادة بسيطة مختصة بقسم التقنية الطبية وهي مبادئ في التقنية الطبية بس ما أعرف رمزها ... يعتبر قسم التقنية الطبية أسهل قسم في الطب لأن منهج الانجليزي اللي نأخذه في الطب في النصف الأول يأخذوه هم في كل السنة ومنهج الأحياء أقل مننا ومحذوف منه أشياء كثيرة .... هذا اللي أعرفه في السنة الأولى لكن ما أعرف دراستهم في بقية السنوات ... لما يتخرجوا تخصصاتهم قليلة نوعًا ما يعني أخصائي أشعة أو أجهزة طبية وبالنسبة للطالبات يدخل التمريض تحت هذا القسم أيضًا يمكن في تخصصات غير هذه أنا ما أعرفها ...

أتمنى أكون أفدتك ولو بالقليل ...

مع محبتي ,,,
رايق