وشلون مغليك

[جابر المزيدي]

قولي لهم واللي زعـل لا يهمـك
اني احبـك حيـل والله واغليـك
اللي يهينك بالحكـي مـا يعلمـك
وكم قلت لك احذر! من اللي يعاديك
وده على انه في يدينـه يترجمـك
ولا على كيفـه بدربـه يمشيـك
لا تحسب انه ينصحك يوم كلمـك
وده على درب التعاسـة يوديـك
والله كأنه فـي كلامـه يساومـك
واكبر دليل انه بما قـال يغريـك
اللي يحط العيب فينـي ويوهمـك
اني انا كـذاب فالحـب وغويـك
وانا الذي لو تنظلم صعب يظلمـك
يعني ابيع الناس يازين واشريـك
وانا الذي من بدت الناس يرحمك
وانا الذي لا ضاق بالـك يسليـك
الله يـدوم الحـب والله يسلمـك
اقولها لـك و اطلـب الله يخليـك
اعلم بأن اللـي زعـل لا يهمـك
عزالله اني اغليك وشلون مغليـك