?...The Amida channel|| interview this week||

[Amidamaru]

السلام عليكم ورحمة الله وبركاته..



تحية طيبة أما بعد..



أخواني اردنا أن نزيد معرفتنا وعلاقتنا الأخويه ببعض ^^



لذا قررنا فتح مجال للمقابلات في منتدى الأنمي ..

أو عبارة عن حلقات في قناة The Amida channel|| ||



المهم ما أطول عليكم..



أول شخص نستضيفه في القناة هو ..



الرسام والمصور البارع الخ…:tongue2:



المراقب العام للمنتديات الفنيه والمواهب^^



الأخ Doel



هذا الأفاتار


http://www.tayob.com/up/files/Amidamaru-1121693519.gif
وهذا توقيعه اسمي فيه بعد :tongue2:



213641

?Can you Identify Them; The king, The prince, The Hero and The demon

₪₪₪اللي ما يعرف.... لا يتفلسف₪₪₪
:31: :31: :31:
http://doel.deviantart.com/gallery (http://doel.deviantart.com/gallery)
مكتبة صور منتدى الأنمي (http://www.montada.com/showthread.php?t=385321)


********************************



تم فتح مجال للأسئلة

وأرجو الالتزام بهذه القوانين:

1.عدم طرح أسئلة محرجة للعضو.^_^
2 .عدم الإستخفاف والتعليق على إجابات العضو بشكل هزلي أوجارح.^_^
3 . للعضو الحق في رفض الإجابة على أي سؤال يطرح عليه، إذاكانت الاجابة عليه تضايقه أو لا يريد أن يصرح بها.

وبالإضافة إلى :
ملاحظة من المراقبين: أي شخص لا يلتزم بهذه الشروط سوف تتعرض مشاركته للتحرير أوالحذف مع إمكانية الايقاف كعقوبة على ما اقترف في حق العضوالضيف.^_^

هذه المقابلة مدتهاأسبوع .
نرجوا منكم التعاون معنا .
ودمتم سالمين :)

[Akasuna No Sasori]

هلو

حبيت اكون اول واحد :p


موضوع حلو يذكرني بأيام العصر الذهبي :blackeye:


اممممم في بالي سؤال واحد الحين

اذا جاءت على بالي اسئله ثانيه راح ارجع :p



1- ملاحظه انه مشاركاتك بالنسبه لتاريخ التسجيل متباعده >_<

هذا يعني انك مثلي قطعت عن المنتدى فتره طويله ورجعت ولا كيف

وهل كنت تشارك معنا في الانمي زمان لاني مااتذكر :blackeye:

[Love Hater]

السلام عليكم
اول شي احب اشكر اخي اميدا على موضوعه الجميل
و ان شاء الله كل اسبوع نشوف مقابلة مع عضو رائع
و لكن ليش ما يتثبت الموضوع
ثاني شي ارحب بالمراقب دويل في مكان رقابته
و الحقيقة لا توجد لدي اسئلة له لاني تابعته مقابلته في منتدى الاسرة
و حاليا ماعندي اسئلة >>>> طيب ليش حضرتي داخل على الموضوع
ان شاء الله يخطر ببالي اسئلة و اسئلها
سلام

[AngelMare X]

بسم الله الرحمن الرحيم

ههههه موضوع رائع يا مدوخني و مجنني يا اميدا ههه طيب XD احب ان اقول الاخ دول هه ما اجد شي اقول الا انت مرقب حق و تستحق وشكرا ههه ممكن اخترع شويه اساله غبيه بعدين هه اه ممكن اعرف اسمك اخوي دول <<<مع اني اعرف مو يعطي اسمه لاحد يحب الاحتفاظ به لنفسه
:ds013:

و الســـ(خير الختام)ــــلام

[demon fox]

اول شي السلام عليكم


مشكور الأخ ادي على الموضوع:biggthump

ثاني شي سؤال للمراقب دويل :33:

اها

1_ماهي الأسباب اللي خلتك تصير مراقب ؟

:ciao:

[Amidamaru]

شباب لا تخلون الموضوع بارد عشان نتحمس لغيره..;)



أوكي عندي اسئلة بعد..



1-كيف تعرفت على المنتدى؟

2-ماهو أول أنمي شاهدته؟

3-هل تحب المانجا ؟

4-أفضل أنمي شاهدته؟

5-ما رأيك في حاله منتدى الأنمي الان؟

6-تاريخ ميلادك؟

7-هل تقرأ الكتب ..اذا كنت تقرأ فما الأنواع التي تحبها؟



ومشكوور دويل وان شاء الله تستانس في المقابله^_^



وما أوصيكم اهلكوه بالأسئلة >_<

[Janne Da Arc]

............... دايما تتحفنا بمواضيعك الغير متعلقه بالأنمي :biggthump
غرامك :jap047:
اله تعال يالحبيب كأنك تعرضت لـ Empress uae line :jap026:
لا وبعد اول واحد دول :jap035: المشكله ان كان في له مقابله ماصارلها يمكن شهر او شهر ونص على ماعتقد , والرسايل وصلت للكل.. يارجاااااااااال فين كنت :11:

الموضوع مكرر وللمره الثالثه :
1.المحترم Goal (على راس الجميع) :31:
2.موضوع الأعضاء الجدد والتعارف اذا ماخاب ضني المثبت , الله اعلم وين راح :o
3.موضوعك

فينكم يامراقبين اشتغلتو على المواضيع المكرره قبل اسبوعين ونسيتو الموضوع هذا
مثبت بعد :jap022:
بالنسبه لي هذا يفسر شيء واحد (كيفي رفيجي) :biggthump يامحلى الصداقه :jap027:
أقتباس : (انت ماترضى موضوعك ياخذ مكان موضوع مميز) :jap010: فشلتنه يارااقل

على العموم مابي اطول بالكلام كنت كاتب اكثر بس مسحت مابي اجرح حد :jap021:
بس بغيت اقول ترى حق صاحب الموضوع ترى اشتقنه لتقاريرك المنقوله يامعود لاتنسانا:jap038:

[Janne Da Arc]

سوووووري عندي سؤال نسيت اقوله

دول :31: بذمتك :196: جم عمرك ؟ :33: I was wonder
ياليت مايكون السؤال محرج او شيء لاني متأكد ان سؤال عادي
sorry if i broke your softness :ds009:


لا حياة مع اليأس :jap038:

أضحك للدنيا تضحكلك :jap021:


..Arc was here..

[Akasuna No Sasori]

وعليكم السلام :p



اله تعال يالحبيب كأنك تعرضت لـ Empress uae line :jap026:


ليكون انت مدير الاعمال حقها واحنا ماندري :o



فينكم يامراقبين اشتغلتو على المواضيع المكرره قبل اسبوعين ونسيتو الموضوع هذا
مثبت بعد :jap022:
بالنسبه لي هذا يفسر شيء واحد (كيفي رفيجي) :biggthump يامحلى الصداقه :jap027:
أقتباس : (انت ماترضى موضوعك ياخذ مكان موضوع مميز) :jap010: فشلتنه يارااقل



لا تكون مواضيعك بس ;)

وبعدين طلع لي موضوع مثل هذا في منتدى الانمي

روح سوي بحث بأسمي وتلقى مثله بس من 3 سنوات :p




في النهايه


ماادري اذا المفروض اغير عضويتي واسجل من جديد علشان اكتب هذا الرد ولا لا :p :p

[Amidamaru]

............... دايما تتحفنا بمواضيعك الغير متعلقه بالأنمي :biggthump
غرامك :jap047:
اله تعال يالحبيب كأنك تعرضت لـ Empress uae line :jap026:
لا وبعد اول واحد دول :jap035: المشكله ان كان في له مقابله ماصارلها يمكن شهر او شهر ونص على ماعتقد , والرسايل وصلت للكل.. يارجاااااااااال فين كنت :11:



ماكان في داعي انك تسجل بعضوية ثانيه...لا تخاف انا ما اعض ;)



بالنسبة للمواضيع المنقوله..



من قال هذا منقول!



بعض اقسام المنتديات لها مقابلات واعضاء مختصين بها..



الترفيهي فيه العضوة ريف ماستر



الألعاب في العضو ميستا كوو



الأسرة فيه الأخت الامبراطورة..



فما المانع أن يكون لنا مقابلات وعضو مختص بها؟؟



وبالنسبه لتقاراري المنقوله ..

هذا شغل المراقبين اذا شافوا تقرير منقول بيغلقوه لكن الحمدالله ماعندي تقارير منقوله^_^



عموما انا حذفت الكثير عشان ما اجرح وما اخرب الموضوع^_^



وصدقوا يوم قالوا ( الحقران يقطع المصران)





:p

[Love Hater]

السلام عليكم



انا شايف ان مافي داعي لكل هالكلام

و العضو اميدا كثر خيره مواضيعه روعة

و من حقنا في منتدى الانمي يكون لنا موضوع لمقابلة الاعضاء

ما عليك اخي اميدا



و خلوا الموضوع لاسئلة الاخ دويل

و الان خطر على بالي سؤال

هل تشعر ان الاعضاء الجدد يحسنون من المنتدى ام انهم موجودين فقط لطرح المواضيع الممنوعة ؟؟

[Janne Da Arc]

ماكان في داعي انك تسجل بعضوية ثانيه...لا تخاف انا ما اعض ;)





بالنسبة للمواضيع المنقوله..



من قال هذا منقول!




وبالنسبه لتقاراري المنقوله ..

هذا شغل المراقبين اذا شافوا تقرير منقول بيغلقوه لكن الحمدالله ماعندي تقارير منقوله^_^














كنت ناطر ردك :biggthump
لحظه لحظه

sasori أسمك القديم احلى :p حبيت اقولك كلامي موجه لصاحب الموضوع والمراقبين ولاتزيد بالكلام لايخترب موضوع الرجال , عندك رد دزلي رساله خاصه واتفاهم معاك :)
أضحك على المراقبين السابقين تضحكلك الدنيا:jap021:

نرجع لمحور حديثنه مع صاحب الموضوع : :jap017:

هلا بالحبوب :D !! هلا بالغالي :p
يارجل ماكنت اقصد ان موضوعك هذا منقول بس لانه في واحد قاعد يسوي مقابلات جان قتله وهو يحط واسف اذا كان كلامي اكبر من مستواك :jap005: على (عموم) :D ماتحاتيش اي شيء مو فاهمه راح افهمك اياه :) ولاتزعل يالغالي ;)

وبالنسبه لتقاريرك المنقوله , اوكي خلي المراقبين يغلقوه وانت اقعد حلّف بأسم ربك جذب :أفكر:

على (عموم) هذي مواضيع قديمه ونخليها على جنب .. ونركز على الأصل :)
وعلى طاري التسجيل , do you have a problem with it ?




و من حقنا في منتدى الانمي يكون لنا موضوع لمقابلة الاعضاء


ومن حقنه ان نضع مواضيع في مستوانا حتى لوكانت اصغر من مستوى الاعضاء القدماء او الـ expert بشكل عام , وماتتصكر

واعتذر اذا ضايقك ردي اخوي جواد :) :)

[Pika-Chu]

اتمنى ان ما يتحول الموضوع الى حرب ... :afraid:

حبيت اسأل دول عن رأيه في الانمي تسوباسا كرونكل ؟؟ :ds011:

[**Relena**]

السلام عليكم ورحمة الله

في البداية احب اشكر اخوي Amida - Kun ^_^

عالموضوع الرائع والممتع جدا^^

ماشاء الله عليه دائما مواضيعه مميزة وجميلة

واتمنى له المزيد والمزيد من التقدم والتميز بإذن الله :)

----------

طبعا احب ارحب بمشرفنا العزيز الاخ Doel

وان شاء الله يستمتع معانا وتكون اسئلتنا حلوة وخفيفة ^^

-----------

اما الان فمع اسئلتي ويارب تكون خفيفة وغير مزعجة ^_^

1 - اخوي Doel بصفتك المشرف والاداري لمنتدى الانمي تحب تقدم للاعضاء كلمة او نصيحة؟؟وماهي؟؟

2 - هل هناك اعضاء تعتبرهم مميزين في منتدى الانمي وبالنسبة لك ايضا؟؟ومن هم؟؟

3 - ماهو الانمي المفضل لديك ؟؟

4 - مارأيك بالانمي Gundam SEED Destiny ?? :09:

--------------

هذه اسئلتي حاليا ويارب مااكون اثقلت عليك بالاسئلة
ولك طبعا كامل الحرية في الاجابة او الامتناع^^

وبالتوفيق ان شاء الله

شكرا Amida - Kun ^_^

تحياتي
RaLoOoNa

[o0ism0o]

السلام عليكم^_^


هلا اميدا دوب :jap038:

ماشاءالله دائما مواضيعك مميزة:D

اليوم دول:

هع هع هع دول بهلك بالاسئلة:ds003:

1- وش رايك بقسم الانمي
في الوقت الحالي:ds022:

2- متى تحس كانت احسن فتره
للانمي:ds020:

3-متى تم تعيينك مراقب:ds021:

4-عدد لي الاقسام الاحسن بعد الانمي
بالنسبة لك:jap001:

5-لو انعرضت عليك الرقابة
بقسم غير الانمي وش القسم الي بتختاره:33:

6-البطاطا الشخصية حقتك:ds011:

7-كلمة تحب ترددها كثير:ds015:

8- وش رايك بالمثل الي يقول
(الغيرة طردت الشيطان من الجنة)>>>>مثال يقتدى به:biggthump

9-لا اكون اقلقتك بأسئلتي:ds007:

اميدا موضوعك حلو :05:

ولا تاخذ بكلام الناس;)

سلام:ds010:

[Mibu Wolf]

السلام عليكم ورحمة الله ^^..يعطيك العافيه يالغالي Amida على الموضوع ماشاء الله دايما بحركه انت وهذا غير التقرير اللي بتحطه بعدين بس ماني قايل :) ،نقدر جهدك ويارب للأحسن;) ،بالنسبه للأشخاص المتفلسفين بقول كلمه دويل اللي مايعرف لايتفلسف:31: ،مثل ماقال أخي العزيز sasaori صحيح الموضوع فكرته موجديده ولكن كان هذا قبل 3 او 4 سنين وحتى كان موضوع واحد ،المهم ياجماعه لانخلي الردود هذي تأثر بالموضوع في ناس عندهم هوايه الطرد والرجوع بعضويات ثانيه عشان جذب الأهتمام لهم لوول :09:

أوكي راح أعطي بعض الأسئله الخفيفه للأخ دويل :

1: كيف دخلت عالم الأنمي ؟ وفي أي سن ؟
2: هوايتك اللي تحس انها تجري في عروقك وماتقدر تستغني عنها؟
3: اول انمي شفته شنو ؟ وهل أثر فيك (طبعا ابيك تقولي ال Anime المفضل عندك)
4: هل انت حريص على متابعه المانجا ولاما تهتم فيها؟ وأي مانجا تشاهدها حاليا
5: السؤال الأخير مانبي نطول عليك ، ليش مانشوفك وايد هالأيام بالمنتدى:06:

[Hikaru no Kimi]

السلام عليكم

حبيت أحيي الأخ أميدامارو على هالموضوع الجميل

وأحيي الأخ Doel و حبيت أساله أرجو ان يكون في محله

كيف عرفت الانيمي و عن طريق من؟:jap006:

على فكرة أخوي Janne de arc أنا وايد أحب فرقة Janne de arc و أغانيها :jap004:

[abdulaziz1]

السلام عليكم ورحمة الله وبركاته..

أولا:مشكور أخوي أميدامارو على الموضوع..
ثانيا:عندي 3 أسئله للأخ Doel..

1-كيف حالك.؟
2-ايش أحسن فتره في المنتدى..وياريت تحددها بالضبط..؟
3-اذا ماكانت هذه الفتره..كيف ممكن نرجع المنتدى للأفضل..؟

اذا تبغى تجاوب جاوب واذا ماتبا على راحتك..

تحياتي..

[Kaze]

السلام عليكم

كالعاده موضوع مميز من اخ مميز لي والحمد لله وهو العميد - مارو

وفعلا لقد احييت هذه الذكرى العزيزه وهي ذكرى مقابلات الانمي ^^

حسناً فعلت وبارك الله فيك
-------------------
اما بالنسبه لدول = Doel هذي هي اسالتي ولا تتهرب منها لاني اعرفك وبعد ابي اجابه وافيه ما ابي اجوبه مثل نعم او لا او شيء من هل القبيل :o

الاسأله هي :

أسالة المنتدى :
1) بكل بساطه ابي احسن خمس مواضيع في قسم الانمي تعتبرهم ممن المواضيع او التقارير المميزه ^^
2) احسن خمس اعضاء بنظرك
3 ) الموضوع الذي تفتخر به
4 ) قسم اجيال قسم الانمي من ناحية الافضليه بذكر كل جيل واللقب المناسب له مثل ماهو الحال مع جيل الامل 13 سمي بالجيل الذهبي , اوصف باقي الاجيال مع ذكر السبب ومن اين تبدء واين تنتهي ^^
5 ) انت مراقب ومسؤل قسم ليش ما تثبت وجودك من خلال مشاركتك لمواضيع الاخوان الكرام ؟ او تشجيعهم ؟
6 ) اذكر لي كل الاعضاء المميزين و المراقبين في قسم الانمي مع ذكر السبب وبما كانوا يتميزون به من بداية ظهورك في المنتدى من حوالي 4 سنوات

الاساله الشخصية :
1 )دائما تقولي ( انا اكرهك [ عيون القطو ] ) ابي السبب
2 )قسملي حياتك من بدء انظامك للمنتدى وكيف بدأت و الى ان صرت مراقب عام
3 ) ابيك توصفلي اسلوبك الخاص في الكتابة و في اختيار لمواضيعك ( السؤال واضح )

اساله عن الانمي :
1 ) يقولون انك تكره نروتو ( اذكر لي 10 اسباب مقنعه ) وحتى لو يعجبك تذكر لي 10 اسباب مقنعه
2 ) الانمي الذي تفتخر بمشاهدته كل مره
3 ) انمي تتمنى ان يعيدون رسمه من جديد اي remake <<< مو متاكد من الاسبلنج XD
4 ) اذكر لي خمس انميات قديمه معربه تعتبرها مميزه بالنسبه لك

في النهاية ارجوا اني ماطولة عليك وعلى فكره قسم الادب و علم النفس في القريب العاجل فانتظرني ^^

موهاهاهاها

Angle ^^

[Janne Da Arc]

*sigh*
سبحان الله لازم تلقى ناس فيلسوفه :33: لازم يفزع مايقدر يمسك
كلامي موجه كان لـ صاحب الموضوع وانتهى كلامي معاه والحين دور المراقبين
ليش الموضوع ماتقفل وفي نفس فكرته وكان مثبت بعد :33: ومواضيعنه تتقفل لانها مكرره

وبعدين الناس ماخذه السالفه هواش وجد شسالفه :31: وناس سبحان الله ماتشوفها بقسم الأنمي اله بالسنه مره يمكن.. كلامي واضح. وياليت من صاحب الموضوع يجمع عياله خارج المنتدى :blackeye:
هذا ردي الأخير وماني راد اله بعد المراقبين .. وردي كان فقط للتوضيح عشان محد يجي ويتفلسف قبل لايقرأ ردودي.

أستغفرالله
ياخي أضحك للدنيا تضحكلك :jap021:

[Amidamaru]

*sigh*
سبحان الله لازم تلقى ناس فيلسوفه :33: لازم يفزع مايقدر يمسك
كلامي موجه كان لـ صاحب الموضوع وانتهى كلامي معاه والحين دور المراقبين
ليش الموضوع ماتقفل وفي نفس فكرته وكان مثبت بعد :33: ومواضيعنه تتقفل لانها مكرره

وبعدين الناس ماخذه السالفه هواش وجد شسالفه :31: وناس سبحان الله ماتشوفها بقسم الأنمي اله بالسنه مره يمكن.. كلامي واضح. وياليت من صاحب الموضوع يجمع عياله خارج المنتدى :blackeye:
هذا ردي الأخير وماني راد اله بعد المراقبين .. وردي كان فقط للتوضيح عشان محد يجي ويتفلسف قبل لايقرأ ردودي.

أستغفرالله
ياخي أضحك للدنيا تضحكلك :jap021:



أنا مشغول شوي اعذرني ^^




يخاطبني السفيه بكل قبحا ..فأكره أن أكون له مجيبا



يزداد سفها فأزداد حلما...كعود زاده الأحراق طيبا

^______^

[THUNDER EMPEROR]

السلام عليكم

مع إني متأكد إن دويل ما حيدخل الموضوع مرة وحده أو حيجاوب على بعض الأسئله فقط ...

1 - لي فجأه وبدون سابق إنذار إتوقف نشاط VIII ؟ مع إن ترجمتكم حق Monster كانت روعه ^_^

2 - ما رأيك بقصص الـ sci-fi عموما ؟ وإيش هو النوع الخاص من الأنميات اللي إنت تحبه ؟

هذا والسلام ختام :)

[Mista Koo]

الألعاب في العضو ميستا كوو
سمعت أسمي جيت.... الطيب عند ذكره XD
يا قلووووووود ~_^ J/k

موضوع حلو واخترتوا عضو رائع ^_^ كمشور Amida

& BTW قريبا رح أغزو قسم الأنمي ان شا الله >_<
Ciao

[TNT-BOY]

من وين ابدي ووين انتهي !؟

بالنسبة للأسئلة ماراح اسئل اله اد دويل جاوب على الاسئلة الموجودة <<<< احس انه مطنش الموضوع -_-"


بالنسبة للهوشة <<<< لا تحرموني من الاكشن XD
الموضوع صحيح مكرر بس صار مدة طويلة ما انعمل موضوع كدا ....يمكن من ايام الاخ San_21000
بس يمكن المشكلة الوحيدة هو التثبيت.....ما تلاحظو ان مواضيع واجد تتثبت ؟ ^_~

وعندي كلاحظة اخوي عميدا.......اسبوع وااااااااااجد <<<<< مستكثرنها على دويل XD
افضل ان المقابلة مالها مدة محدده يعني الين ما تحس ان الاسئلة خلصت
وله يمكنتزيد الفترة ادا كان في نقاش
على سبيل المثال انا المعجبات يبغا لي اسبوع لحالهم اجاوب عليهم :09:

و عاد الموضوع بدون بدون استضافت بعض الاعضاء ما بيسوى شي <<<<<< افهمها ياحلو :biggthump

[Rave Master]

السلام عليكم ورحمة الله وبركاته

اووووووووووووووووه قوموا عنهم سوولهم موضوع حلو نفسي <<< اقول قلبي ويهج مش فاضين لج

اقول انتوا ليش تتظاربون كل هذا علشاني << شكلها تبغي رفسة

لا لا اسفة ... بس حبيت ادخل معاكم بالموضوع خخخخخخخخ

المهم
اسالتي لك يا اخ دويل

1. ليش ما تجاوب على اسالة الأعضاء ؟
2. شو الدراسة اللي تدرسها ... وهل ندمت يوما على اختيارك لهذه الدراسة ... ؟
3. شو الانيمي اللي تشوفه حاليا ... وكم انيمي عنك تقريبا ؟ أنا عندي 51 بس احسهم شوي <<< طماعة رسوم خخخخ
4. شو رايك بتوقيعي ؟ <<< سؤال ليسش في محله -_-"
5. شو لونك المفضل ؟
6. شي في خاطرك تسويه بس ما عندك وقت علشان تسويه ؟

ويعطيك العافية
تحياتي
Rave Master ^_^

[Doel]

يا ربي .... الناس خذوا عني فكره مب حلوه مره ثانيه -_-

كل مافي الأمر ان الله أنعم علي بأقارب ما سمعوا للحين باختراع الدي عسل ... و بما اني عندهم .. و بما انهم هم من يملكون الباسورد ... انا تحت سلطتهم

هذا يعطيني فرصه وحده للإجابه على أطنان اسئلتكم يوميا :أفكر:

هيه صح .... مشكور أميدا على المقابله <<-- توه الناس <.<


1- ملاحظه انه مشاركاتك بالنسبه لتاريخ التسجيل متباعده >_<

هذا يعني انك مثلي قطعت عن المنتدى فتره طويله ورجعت ولا كيف

وهل كنت تشارك معنا في الانمي زمان لاني مااتذكر

لا والله .... موجود منذ فجر التاريخ :ds022: .. بس مثل ما تعرفون كلكم أعتقد .. انا انسان ما أشارك إلا لسببين:
1) المزاج :ds022:
2) لما يأذوني الشباب و يقولون لازم ترد

و بالنسبه لمنتدى الأنمي .... موجود أنا من العصر ما قبل الحجري ;) من أول يوم انفتح في القسم


1_ماهي الأسباب اللي خلتك تصير مراقب ؟
و هي لازم أسباب؟ أمل قالت لي "تبا تكون مراقب عالأنمي؟" و أنا رديت "ليش لأ" .. طبعا الكلام كان أكثر رسمية من هذا .. بس هذي هي الفكره العامه :p



1-كيف تعرفت على المنتدى؟

كلمة وحده .... Games4Arab ;)


2-ماهو أول أنمي شاهدته؟
باااال .. سؤال صعب .. والله ما اتذكر

بس أتذكر أول انمي نزلته

كانت أيام .hack//sign ... و كان في موضوع في المنتدى محمسني للأنمي

المشكله ان مصادري ما سامعين بهالأنمي ... و بالتالي ما حصلته (هذيك الأيام ما كان عندي دي اس ال)

و بعدين واحد من ربعي اللي يكرهون الأنمي حط عنده دي اس ال

و توقعوا انتوا شو انا سويت :ds022:


3-هل تحب المانجا ؟
هذا بالله سؤال؟ ;)



4-أفضل أنمي شاهدته؟
همم .. سؤال سئلوني اياه اكثر من مره ... و دايما اقول انيي حيادي و ما عندي انمي محدد ... كلهم نفس الشي

بس عشان خاطرك بقول بيرسرك


5-ما رأيك في حاله منتدى الأنمي الان؟
أقرب للترفيهي منه للأنمي الحين ... بس يالله .. كل جيل أعضاء له اسلوبه



6-تاريخ ميلادك؟
الثاني من يناير من عام ست و ثمانين و تسعمئه و ألف :ds022:

يعني عمري 19 و شوي .... شيبنا -_-


7-هل تقرأ الكتب ..اذا كنت تقرأ فما الأنواع التي تحبها؟
بالطبع أقرأ ... و كنوع مفضل .. انا أفضل الروايات على باقي الأنواع :)


دول بذمتك جم عمرك ؟ I was wonder
ياليت مايكون السؤال محرج او شيء لاني متأكد ان سؤال عادي
sorry if i broke your softness

قلت .. عمري 19

what softness are you talking about? :06:

بالمناسبه ... مبروك عالطرد مستر K-Cobain


هل تشعر ان الاعضاء الجدد يحسنون من المنتدى ام انهم موجودين فقط لطرح المواضيع الممنوعة ؟؟
همم .. بدينا فلسفه .... احم

سلمك الله أنا أشوف أن اغلب الأعضاء الجدد يريدون ان يعرفهم الجميع أول دخولهم ... و لأن قوانين منتدانا تختلف عن أغلب المنتديات العربيه للأنمي، فإنهم يقعون في نفس الخطأ و هو طرح المواضيع الممنوعه باعتبار ان منتدانا مثل بافي المنتديات ^_^

ولكن بمجرد أن يعتادو على القوانين، تجد منهم أشخاصا متميزين


حبيت اسأل دول عن رأيه في الانمي تسوباسا كرونكل ؟؟
والله مسلسل حلو ... مع اني ما شفت منه الا 3 حلقات :أفكر: بس موضوع أميدا حمسني ^_^


1 - اخوي Doel بصفتك المشرف والاداري لمنتدى الانمي تحب تقدم للاعضاء كلمة او نصيحة؟؟وماهي؟؟
نصيحتي هي ... ارحموني :أفكر: .. القوانين موجوده اولا و أخيرا لتنظيم المنتدى .. ما بيضر الناس مراجعة القوانين لدقيقتين قبل ما يحطون موضوع... والله تعبت و انا أقفل و أحذف

شي ثاني ... دايما خلوا أعصابكم هاديه و لا تعصبون ... الواحد يبدأ في الخساره أول ما يغضب



2 - هل هناك اعضاء تعتبرهم مميزين في منتدى الانمي وبالنسبة لك ايضا؟؟ومن هم؟؟
أمتنع عن الإجابه ... هذا سؤال مثل سؤال شخص مشهور في مصر انت تشجع الأهلي ولا الزمالك .... سؤال سياسي <.<


3 - ماهو الانمي المفضل لديك ؟؟
جاوبته قبل :أفكر:


4 - مارأيك بالانمي Gundam SEED Destiny ??
حلو ... مع انه مب مثل جندام وينج .. بس أحنا ما طلبنا انه يكون نفسه بالضبط .. مسلسل له طعمه الخاص



1- وش رايك بقسم الانمي
في الوقت الحالي

انت من وين طلعت؟ :ds022:

والله مافيه شي ... ماشي زي العسل ^_^



2- متى تحس كانت احسن فتره
للانمي
أحسن فتره كانت التسعينات ... شفنا فيها مسلسلات ..... ما تتكرر


3-متى تم تعيينك مراقب
ما ادري ... من زمان:ds022:



4-عدد لي الاقسام الاحسن بعد الانمي
بالنسبة لك
1) العام للألعاب ..... I love that place
2) الإنجليزي و التصوير الفوتوغرافي



5-لو انعرضت عليك الرقابة
بقسم غير الانمي وش القسم الي بتختاره
بقول لهم لا شكرا ... و كثر الله من أمثالكم ... تعلمنا الأدب خلاص :09:


6-البطاطا الشخصية حقتك
مقليه و لا مشويه بس؟

الإسم : **** (يكفيكم تعرفون انه من 4 حروف بس :ds022: )
العمر: مثل ما قلت قبل ... 19
مكان الإقامه : 4 شهور في أبوظبي .. و 8 شهور في Michigan في أمريكا
المرحله: جامعي ... و ادرس هندسه ميكانيكيه
الطول : 183 سم
لون الشعر: أسود
لون العيون : أعتقد عسلي
ما أدري اذا كان يكفي ولا للأ :p



7-كلمة تحب ترددها كثير
اللي ما يعرف لا يتفلسف :ds022:



8- وش رايك بالمثل الي يقول
(الغيرة طردت الشيطان من الجنة)>>>>مثال يقتدى ب
ما ادري .... مب فاضي أسوي تحليل

يلا .. نكمل مع الجزء الثاني

Doel

[demon fox]

اهلين أخ دويل عندي سؤال ثاني:05:


2_ما هي أفضل شخصية عندك بلأنمي ناروتو:05: ؟

[باهاموث]

مثل ما تعودنا من عميدنا مواضيعه تجي في اوقاتها ..
الاسئلة :: انت مسؤل عن قسم كامل يمديك تلحق على كل الاقسام تراقب عليها وتجاوب عليها !! ؟
السؤال :: كم ساعه عطيتنا من وقتك عشان تراقب علينا !! (طلاب ابتدائي صح ! ) :D
السؤال :: بجد انت الحين تحس انك مرتاح ولا تحس انك شايل هم كبير لأنك لازم تفرفر في الموضايع .. :cop:

[Doel]

يلا ... نكمل مع بارت تو :p



1: كيف دخلت عالم الأنمي ؟ وفي أي سن ؟
والله بصراحه ما أذكر .. اتوقع لما كان عمري 9 ولا 8 .. هذا الأنمي الياباني ... العربي من فتحت عيني و أنا أشوفه


2: هوايتك اللي تحس انها تجري في عروقك وماتقدر تستغني عنها؟
السباحه .... أنا مخلوق برمائي .. اموت في الماي لدرجة اني لو ما رحت أسبح .. بدخل الحمام و بتم واقف تحت الشاور ساعه :p


3: اول انمي شفته شنو ؟ وهل أثر فيك (طبعا ابيك تقولي ال Anime المفضل عندك)

والله ما اتذكر ... بكون كذاب لو قلتلك دراجون بول لأني متأكد انه ما كان أول واحد .. و بالنسبه للمفضل ... قلتها قبل .. عشانكم بس .. Berserk


4: هل انت حريص على متابعه المانجا ولاما تهتم فيها؟ وأي مانجا تشاهدها حاليا
أكيد .. ولو اني ما اتابع المانجا أول بأول ..
عندك Hellsing ... Berserk ... 666 Satan ... Death note.... King of thorns ...Zetman ... 20th century boys ...و أخيرا ... Kumanagara


5: السؤال الأخير مانبي نطول عليك ، ليش مانشوفك وايد هالأيام بالمنتدى
ههه سؤال اييني وايد .. السبب الوحيد هو .. من ترجع الإمارات ... ترجع معاك المسؤوليت و الرسميات و الزيارات و الخ ... ما نخلص .. على عكس أمريكا لما تكون تقريبا بروحك و محد يأذيك


كيف عرفت الانيمي و عن طريق من؟
أنا لو أذكر متى ... بتذكر من ... للأسف ما اتذكر


1-كيف حالك.؟
الحمدلله بخير و سهاله .. و انت؟


2-ايش أحسن فتره في المنتدى..وياريت تحددها بالضبط..؟
الكل بيقولون أول أيام المنتدى ... و من أنا عشان أخالف؟ :33:


3-اذا ماكانت هذه الفتره..كيف ممكن نرجع المنتدى للأفضل..؟
صعب أو شبه مستحيل اننا نرجع لهالفتره لسبب واحد بسيط ... و هو ان اللي يميز هذيك الفتره انه كان عدد الأعضاء قليل جدا مقارنة بالعدد الموجوجد اليوم ... و لما يكون في عدد قليل .. الكل يصيرون أصدقاء بسرعه و تكون الصداقه بينهم أقوى.. الحين كثرة الأعضاء تخرب هالشي . و لو ان المنتدى يتميز بشكل معين في كل مرحله :)



أوكيك .... وصل الكابوس ... انجل ...

1- ما بجاوب
2- ما بجاوب
3- ما بجاوب
4- بعد ما بجاوب :ds022:


5 ) انت مراقب ومسؤل قسم ليش ما تثبت وجودك من خلال مشاركتك لمواضيع الاخوان الكرام ؟ او تشجيعهم ؟
و ليش اثبت وجودي أصلا؟ ... و بعدين في نظري اللي يكتب .. المفروض يكتب لأنه اما يحب الأنمي اللي يكتب عنه أو لأنه يريد يعرض فكره معينه ... مب يكتب عشان تشجيع و تميز :)

6- ما بجاوب بعد :ds022:


1 )دائما تقولي ( انا اكرهك [ عيون القطو ] ) ابي السب
لأنك دايما تسألني اسئله ما ادري من وين تطلع :p

أنا أكرهك :ds022:


2 )قسملي حياتك من بدء انظامك للمنتدى وكيف بدأت و الى ان صرت مراقب عام
همم
1- عضو مغمور ..
2- بعدني عضو مغمور و شوية ناس يعرفون ...DJ boy كان من أول الناس اللي كانو و مازالوا عندي عالمسنجر
3- تحمسنا و كتبنا موضوعين باءوا بفشل ذريع
4- يئست من المواضيع و بديت بس أكتب ردود ... كانت قليله بعد
5- كمن موضوع في منتدى الانمي عمرهم ما وصلوا للمميزه
6- موضوع استهبال الكل كرهوني عليه و اعتقدوا اني بسببه استويت مراقب مع ان السالفه هي اني كتبته لما قالولي بنحطك نراقب
8- انتوا تعرفون التكلمه


3 ) ابيك توصفلي اسلوبك الخاص في الكتابة و في اختيار لمواضيعك ( السؤال واضح )
همم ... هو السؤال واضح .. بس الإجابه ابسط من ما تتوقع

انا اكتب لمجرد اني فكرت أكتب ... عادة أتوقع في نص الموضوع و أمسح كل شي .. و اسلوبي في الكتابه هو ... افتح صفحة اضافة موضوع ... اكتب الأفكار مثل ما هي في راسك و بدون أي تعديل .. اضغط زر "أضف موضوع" و انتهينا :p


1 ) يقولون انك تكره نروتو ( اذكر لي 10 اسباب مقنعه ) وحتى لو يعجبك تذكر لي 10 اسباب مقنعه
والله ما اكرهه هو ... أكره الحشره اللي مسوينها عليه .. يعني Overratred ... هذا يتركني مع 5 نقاط ليش انا اتابعه .. و 5 نقاط ليش أنا اكرهه :ds022:

ليش أنا انابع ناروتو:
1- كاكاشي ... كاكاشي ... كاكاشي
2- واحد من الأشياء اللي تميز ناروتو هو كثرة الـ Jutsu و تصنيفهم
3- الموسيقى مرات حلوه
4- في تلميح لأنه بيكون أفضل في المستقبل
5- اسلوب الرسم .... مع ان الأنمي غبي .. بس المانجا لها اسلوب حلو في تصميم الشخصيات و البيئه .. الخ

ليش انا أكره ناروتو:
1- kakashi = rikimaru ....... rock lee is from dragon ball .. and the whole "demon inside" think is overused
2- الشرير دايما ولد تعقد لأنه كان منبوذ
3- اللي صار من الحلقه الأولى لين ال 130 .. ينحط في مسلسل ابو 26 حلقه
4- كثروا وايد من الـ bloodline limit
5- خربو شخصية كاكاشي في الحلقه 100 ولا 101


2 ) الانمي الذي تفتخر بمشاهدته كل مره
هذا بيكون الأنمي اللي أنا سويته :p ... و للأسف انا ما سويت أنمي :p ... بس انمي أحب أشوفه دايما هو Cromartie


3 ) انمي تتمنى ان يعيدون رسمه من جديد اي remake <<< مو متاكد من الاسبلنج XD
هلسنج ... و الحمدلله بيضبطون السالفه هالمره


4 ) اذكر لي خمس انميات قديمه معربه تعتبرها مميزه بالنسبه لك
يا ولد ... حديث الذكريات ..

1- الرجل الحديدي ..... الديناصور .. هاهنا ... الديناصور .. ببابنا :ds022:
2- رعد العملاق .... آآآآخ يا رعد العملاق :أفكر:
3- جرندايزر ... دووووق فلييييييييد
4- مازنجر ..... مازنجر .. الملك الشجاع ... لما تفكر فيها كانت اغنية غبيه شوي :p
5- سندباد ...لا يخاف .. سنننندبااااااد .. مهما تكثر الأخطار و يبعد عن بغداد

أوف ... 4 من أصل 5 عن الروبوتات ... شكلي robot freak و انا ما ادري :p

انجلوه ... لا تقرب مني مرة ثانيه ... أنا اكرهك :ds022:



بارت ثري كومينج سوون

[Doel]

بارت ثري ....




1 - لي فجأه وبدون سابق إنذار إتوقف نشاط VIII ؟ مع إن ترجمتكم حق Monster كانت روعه ^_^
الحمدلله انه عجبك ^_^ ... شو نقول بس... كسل؟ ... اختفاء المترجم <<- انا ..... سويناه أصلا for fun و أخيرا المشاكل اللي صارت مع باقي الشباب و الحمدلله انحلت .. يعني ... اسباب كثيره



2 - ما رأيك بقصص الـ sci-fi عموما ؟ وإيش هو النوع الخاص من الأنميات اللي إنت تحبه ؟
هممم .. في الفتره الأخيره .. هالنوع من القصص في الأنمي بدا ياخذ منحنى كئيب أكثر من اللازم .. و النوع من الأنميات اللي انا احبه؟ .. كل شي تقريبا دام انه يحمل فكره جديده

مستاكوه .... حياك معانا في أي وقت ^_^

نتن بوي :ds022: اسأل و لا تخاف ... عليك الأمان :p


1. ليش ما تجاوب على اسالة الأعضاء ؟
قلتها في بداية اول رد ^_^ و انا بصراحه افضل ارد دفعه وحده على اني ارد على كل الردود واحد واحد اول ما ينزلون


2. شو الدراسة اللي تدرسها ... وهل ندمت يوما على اختيارك لهذه الدراسة ... ؟
هندسه ميكانيكيه ... و عمري ما بندم عليها ^_^



3. شو الانيمي اللي تشوفه حاليا ... وكم انيمي عنك تقريبا ؟ أنا عندي 51 بس احسهم شوي <<< طماعة رسوم خخخخ
وايد أنميات ... ما صار لي يومين كاتب عنهم موضوع .. روحي جوفيه ^_^

و بالنسبه للعدد ... ما اتذكر ... مره من سنتين انا و اخوي الصغير يلسنا نعد كم أنمي عندنا في البيت ... وصلنا ال100 و استسلمنا


4. شو رايك بتوقيعي ؟ <<< سؤال ليسش في محله -_-"
يدل على انج انسانه اجتماعيه


5. شو لونك المفضل ؟
أي لون عامق


6. شي في خاطرك تسويه بس ما عندك وقت علشان تسويه ؟
أرقد :ds022:


2_ما هي أفضل شخصية عندك بلأنمي ناروتو ؟
كاكاشي ^_^


الاسئلة :: انت مسؤل عن قسم كامل يمديك تلحق على كل الاقسام تراقب عليها وتجاوب عليها !! ؟
أمر عليها و اتأكد من النظام .. هيه ... أردعلى الرسايل الخاصه اللي تييني بالأطنان .. بعضها مب كلها .. و المواضيع؟... انسى... نادر لما يتم عندي وقت -_-


السؤال :: كم ساعه عطيتنا من وقتك عشان تراقب علينا !! (طلاب ابتدائي صح ! )
يوميا؟ .. و انا في أمريكا .. من 8 إلى 12 ساعه
في الإمارات ... 4-6 ساعات


السؤال :: بجد انت الحين تحس انك مرتاح ولا تحس انك شايل هم كبير لأنك لازم تفرفر في الموضايع ..
إلا شايل هم الدنيا كلها على راسي .... موضوع موضوع لازم ادخل -_- .. جتني فتره كرهت فيها المنتدى واللي فيه :p ... الحمدلله عندي انجلوه و كنغز عرب يساعدوني الحين ولا كنت بجن :p


آآآآآخ خلصنا

يلا Next

Doel

[TNT-BOY]

امممممممممممممممم :33:
:06:هممممممممممممممممممم
عممممممممممممممممممممممممم :o

اكتشفت انك واحد ماعنده سالفة لان ماجت على بالي اسئلة -_-"


1- نبذة مختصرة عن ايامك في المدرسة <<< لا تتطول واجد محنا فاضيين نقرا -_-"
2- ويش هي احلى طريقة للأعدام بالنسبة لك ؟

3- لما يقولن " هذا الولد خروف"........ويش تستوعب؟

4- ويش تحب تسمع ؟ ومن الحين بقول لك...... صوتك وانت تنطق ما ينحسب -_-"

5- افضل واسوء نوع من الاعضاء.......ورجاء بدون ذكر اسماء

6- تتمرن حديد ؟ وله فلين؟ :33:



وبس حرام فيك وقت زيادة >_>

[asf4ever]

دول العزيز الجميل القوي الشجاع >>>سؤال مصلحة ياي بالطريج:p
الشباب كلهم يعرفون إنه دول يدرس في الخارج
Ahem
شلون خذيت البعثة؟؟كم كانت نسبتك؟؟إستعملت واسطة؟؟البعثة من الديوان ولا الوزارة؟؟البيزات إلي يعطونها لك تكفي ولا الأهل يطرشونلك؟؟ولشو إخترت أمريكا؟؟و شو رايك في إستراليا؟؟
بما إنه حضرتي أفكر أسير بعثة شو عندك من النصايح الطيبة لي؟؟
أكيد ما ثقلت عليك^^؟؟

[solid snake leg]

فكرة الموضوع رائعة
حاليا انا ما عندي اي سؤال

مشكور اخي على الموضوع الرائع

[Yamato]

Oi..Oi

عيل تحب رعد العملاق.. حبيبي انت.. الالي اللي اعتبره فوق كل الاليات الثانية.. هاع هاع هاع

المهم ما نكثر..
خلنا بالاسئلة يا حلو...
بالله عليك ليش ما جيت جامعة الامارات تدرس فيها الميكانيكا بدل البهدلة برع الدولة..
تقدر تقارنلي نظام الدراسة عندكم بنظام الدراسة في الميكانيكا هنا.. هذا اذا كنت تعرف حد كلمك عن الهندسة هنا...
بعد ما تخلص دراستك.. وين بتقدم..

خلصنا من المكنكة..

شو انواع النشاطات اللي تسويها هناك بامريكا.. حتى لو سويتها مرة وحدة...
بالله عليك يا زلمة.. جسطن كان يسال هالسؤال في كل المقابلات في العام.. بس انا بغيره.. هل تتبع مذهب الهاكونا ماتاتا مع قطعة براتا..

بروح وبرجع بعد ما ترد علة هالاسئلة..

ونشكر الاخ اميدامارو عالموضوع... (ياخي شان سميت عمرك اساكورا يوه مش احسن.. احب الانمي هذا)

[fuuchan]

اميدووووووووووو موضوع وايد حلووو حق التواصل بين الاعضاء

لوول دويل اكتشفت فيك اشياء انت وايد دموي كل الانميات اللي تحبها دمويه او قتاليه

سؤالي عمرك طالعت انمي رومانسي؟؟؟

شنو افضل مانجا شوجو قريتها

arigtoooo doel sama

[d.o.d.y]

مشكور أخوي على الموضوع وعندي كم سؤال
1-من هو العضو المفضل لديك؟؟
2-موضوع متميز لديك ؟؟
3-رايك بالمنتدى الآن وسابقا؟؟
هذي الأسئلة الي عندي الحين

[d.o.d.y]

هذي اسئلة ثانية
1-موقف محرج مريت في بالمنتدى ؟؟
2- أنمي تكره وتقول ما له داعي ؟؟

[Kashiwaba]

اقول انا عندي سؤال.
من بعد ما كنت عضو عادي لي مراقب عام ما ادري شنو.
ما حسيت بنفسك انك تغيرت.
طبعا الجواب بلا..
راح يكون مشكوك فيه.

[Angel Tears]

سلااااااااااااااام

ما شاء الله... ولا اوبرا وينفري XD.. :jap021:

مشكور أخوي عميد على الموضوع الرائع وان شاء الله يكون له مستقبل باهر :jap002: ...

فكره جديده وحلوه :jap038: ...وربنا ان شاء الله يوفقك فيها :jap038: ..

بالنسية لاسئلتي لاخوي Doel :jap035: ...

اممممممممم

1-مين العضو المفضل لك؟
2- ما هو التقرير المميز لديك؟
3-ما افضل انمي لديك والشخصية المفضله؟
4- ليش صرت في الجريمه مجرم؟.. انت قتلت احد؟..
5- يعتقد بعض الاعضاء انك ذكي؟..فهل انت من جد ذكي؟..فاذا جاوبت بنعم ؟..فمن من ورثت الذكاء؟..واذا جاوبت بلا ليش خليت الاعضاء يعتقدون انك عبقري؟..
6-ما هي مشاريعك المستقبليه ؟..من ناحيه مواضيعك أو ردودك؟..
7- وطبعا المنتدى لا يخلو من الاخطاء؟..فما هي نصائحك؟..أو الموضوع يلي ما عجبك بأسلوب أو شيء من كذا؟..(صدقني اذا صارحتنا ممكن نعدل شوي من المنتدى)..
8- ما رأيك بنشاط المنتدى اليوم؟..هل توافقيني أن المراقبين ساعدوا المنتدى في ازدهاره بقوه؟..
9-هل تحب قرأت القصص أم المانجا أم الانمي؟..
10-ممكن رأيك الشخصي لقصتي؟..اذا كنت تقرأ القصص؟ :jap021: >>>مو قصدي اعلان بس ابي نقد بليييييييييز :jap032:

وهذا هو اللنك ...هل تعتقد له مستقبل في هذا المنتدى؟...قصص تنعرض؟..ممكن رأيك الشخصي لانه راح يفيد الكثير؟...(مو لازم تقرأ الموضوع :biggthump )
http://www.montada.com/showthread.php?t=390797

معليش كثرت الاسئله :jap050: ...بس صدقوني يوم من الايام سويت مجلتين في هذه المنتدى.. وكان ودي أصير صحفيه :jap048: ...بس المهم مشكور على الموضوع عميد-سان


في الختااااااااام السلاااااااام

[Ryoga Hibiki]

Hellow :)
hi Doel
the first time I saw you I wondered about something, and each time I see you're name it comes to me again
FINALLY I'll ask you about it

"What is Doel"
"What does it mean"
"How to pronounce it"

:)

[Anako]

السلام عليكم :ds008:

موضوع يجننننننننن:ds011:

المهم انا عندي شويه اسئله:ds009: :-

1- انت كيف تشوف نفسك ...اقصد طويل و الا قصير...و كيف يشوفونك الناس؟؟؟؟:ds022:
2- انت الحين و انت يالس اتجاوب على الاسئله ...وين انت ؟؟؟ في امركيا و الا في الامارات؟؟؟؟:ds017:
3- شو وجبتك المفضله؟؟؟؟:ds013:
4- شو احلى دوله زرتها في حياتك؟؟؟؟واي دوله تتمنى تزورها؟؟؟:ds015:
5-ها اخوي وين ناوي تسافر في الصيف...والا انت يالس هاي السنه في البلاد؟؟؟؟:ds021:


ان شاء الله ما اكون ثقلت عليك بالاسئله:ds009:

تحياتي
edo
:ds011:

[Snake-87]

ما شااااء الله
شنو هذا الموضوع؟
ما لاحظته الا توه
تخيل شكلك الأفيتر إلي انتا حاطه :jap002:
وزحمة توك طالع من بناية من بنايات نيويورك والصحفيين حولك ويلحقونك
:outtahere
وأنا أكلمك الحين:

على فكرة :
انا لوني أزرق
واحد ثقيل لونه برتقالي
------------

همم ادري انك متضايق من كثر الأسئلة والفلاشات واشرطة الكاسيت تسجل والصحفيين(الأعضاء)
ملتمين عليك :grouphug:
والزحمة وانتا تقط كلمة الكل يسمع ويسجل وسؤال ثاني ترد عليه لا تعليق :jap008:
و..و.... و ..
.بس ...
ارفع راسك شوي فوق اقصد وايد
راح تلقى واحد واقف فووووووق العمارة إلي جدامك (متخيل الوضع) وماسك علم يلوح وبيده الثانية مكبر صوت
:aetsch:
شفته ؟ هذا انا وبسألك سؤال واحد عن الزحمة؟
شسأل؟؟؟
همممممممممم..
يالله...
صليت الفجر اليوم بالمسجد؟؟؟

(الحبيب سنيك مقطع الصلاة بالمسجد)


ها؟؟؟ لا خلاص هذا مو سؤالي لا لا مو هذا سؤالي
همممم....
(في مرة حبيت)؟ :ds001:



أقول أرموه وهو فوق يالعمارة وين المسدس؟؟ :rocketwho

لا لا خلاص
سؤالي:
همممم..

أذيتنا هممم وهممم أخلص شكلك شاذ عن بقية الأعضاء وانت فوق :ds004:


لا لا خلاص سؤالي (جد) سؤال :


هل انت مستانس بالمنتدى؟
وشلون؟

بس

يعطيه العااااااافية






سيم من الناس :
وين سنيك؟؟؟ :bigeyes:


اوه في واحد توه نط من العمارة


(هذا اهو لا تخاف عليه سبايدر مان :jap048: وين اختفى؟)



منو هذا إلي بالأرض؟ :bigeyes:



خلك منه قطو ب7 ارواح :ds022:



(المشكلة هذا الروح الأخير ماكو كنتنيو يعني جيم أوفر) :afraid:
:saint:


لاا ؟؟
فكة :jap001:






منو فكة يا .... ؟؟ :jap028:


سنييييييييك؟؟ شلون ما مت ؟؟ مو هذا الروح الأخير؟
:afraid:


خايف ها؟؟ تبي الفكة مني :jap054:
بس قاعد على جبدك توني شاري:
http://www.viewonline.com/pages/articles/images/GBA%20GameShark%20Logo.jpg
جيم شااااارك هع هع
:D

[(animation)]

مسكين دول ذبحتوه اسئله

بس حتى انا عندي اسئله
1)متى تحس ان منتدى الانمي بايخ؟؟
2)شلون تنظم وقتك ؟؟؟(من دراسه ومنتدى ومشاهده انمي وغيره)
3)هل شاهدة يويوهاكوشو؟؟
4)هل تحس ان احنا مصخناها معاك؟؟:D

مع تمنيات لك بالنجاح

[Doel]

المعذره شباب .... رحت الشارقه و ابتليت هناك بخط دايل اب -_-

مليت و انا اكتب الرد و احطه و يوقف الخط المنحوس علي ...

من 4 ميجابايت كيبل .... إلى دايل اب :blackeye: :blackeye:

Long live the cable

بسوي بيست للرد أول ما أرجع أبوظبي بكرا ان شاء الله

و سامحوني والله ... ما تتصورون فرحتي باسئلتكم و خيبة أملي باني ما اقدر ارد عليها

نشوفكم بكرا ان شاء الله ... و هذيك الساعه بكون معاكم أول بأول

Doel

[باهاموث]

المعذره شباب .... رحت الشارقه و ابتليت هناك بخط دايل اب -_-

مليت و انا اكتب الرد و احطه و يوقف الخط المنحوس علي ...

من 4 ميجابايت كيبل .... إلى دايل اب :blackeye: :blackeye:

Long live the cable

بسوي بيست للرد أول ما أرجع أبوظبي بكرا ان شاء الله

و سامحوني والله ... ما تتصورون فرحتي باسئلتكم و خيبة أملي باني ما اقدر ارد عليها

نشوفكم بكرا ان شاء الله ... و هذيك الساعه بكون معاكم أول بأول

Doel



ترجع بالسلامة .. :)

[أراميس]

يعطيكم ألف عافية على الموضوع الرائع


سؤالي واحد للأخ دويل :

من تتوقع يكون الوريث لمنصبك؟؟؟؟؟:33:

بعد عمر طويل......................................

وبس

[Doel]

آآخ ... و أخيرا دي اس ال محترم ..

اعذروني عالتأخير شباب ... <<-- يدري ان اميدا بيذبحه <.<


1- نبذة مختصرة عن ايامك في المدرسة <<< لا تتطول واجد محنا فاضيين نقرا -_-"
همم

من أول إلى ثالث ابتدائي ... ما اتذكر
رابع إلى سادس ابتدائي ... درّيس .... أو مثل ما يقولون في السعوديه .. دافور
أول إلى ثالث اعدادي ... بدايه اللعب و التخريب
أول إلى ثالث ثانوي ... يكفيكم تعرفون اني كنت أرجع من الورقه الأولى لامتحان الرياضيات في الثانويه العامه و بكرا عندي ورقه ثانيه .. و مع هذا أطالع بيرسرك لين الساعه 6 المغرب


2- ويش هي احلى طريقة للأعدام بالنسبة لك ؟

هممم ... سؤال وجيه ... اقطع الوريد اللي في رجل المجني عليه و أشوفه ينزف للموت :أفكر:


3- لما يقولن " هذا الولد خروف"........ويش تستوعب؟
واحد من اثنين .... إما غبي و ينقص عليه بسرعه ... أو بريئ و ينقص عليه بسرعه .. طنعا الغباء شي أساسي في الحاله الثانيه


4- ويش تحب تسمع ؟ ومن الحين بقول لك...... صوتك وانت تنطق ما ينحسب -_-"
همم ... كل شي و أي شي

أي شي يعجبني أسمعه .. من الكلاسيكي ... لين الترانس و التكنو و الديث ميتال :p


5- افضل واسوء نوع من الاعضاء.......ورجاء بدون ذكر اسماء
سؤال صعب ...
أفضل نوع أعضاء هم اللي يتعاملون مع غيرهم باحترام ... و عمرهم ما يسوون اللي يسوونه عشان مصلحه شخصيه
و أسوأ نوع هم اللي يكتبلك موضوعين ... و كلهم اغلاط و بعدين يقول لك والله خلهم مميزين .. و إذا ما سمعت كلامه بيسب و بيلعن و ما بتخلص منه لين تعطيه ايقاف


6- تتمرن حديد ؟ وله فلين؟
والله هاليومين يالس أقوي عضلات فكي عن طريق تمرين الأكل :ds022:


شلون خذيت البعثة؟؟كم كانت نسبتك؟؟إستعملت واسطة؟؟البعثة من الديوان ولا الوزارة؟؟البيزات إلي يعطونها لك تكفي ولا الأهل يطرشونلك؟؟ولشو إخترت أمريكا؟؟و شو رايك في إستراليا؟؟
بما إنه حضرتي أفكر أسير بعثة شو عندك من النصايح الطيبة لي؟؟

طوفان اسئله ما شاء الله

كيف خذت البعثه ... قدمت لها بعد كيف؟ :p
نسبتي كانت 94.8
واسطه ... لا و عمري ان شاء الله ما بستخدمها
البعثه من أدنوك
البيزات تكفي و تزيد
همم .. ليش أمريكا ... السبب الرئيسي هو اني قررت هالشي لما كنت صغير ... و بعد على حسب معرفتي .. أحسن جامعات العالم هناك
استراليا ... و الله ما سمعت عنها شي شين .... ولا شي زين :p
نصايح لحضرتك ... همم .... لا تعتقد أن أول سنه جامعه بتكون مثل سنة اللغه :ds022:


عيل تحب رعد العملاق.. حبيبي انت.. الالي اللي اعتبره فوق كل الاليات الثانية.. هاع هاع هاع
منو ما يحبه؟ :أفكر:


بالله عليك ليش ما جيت جامعة الامارات تدرس فيها الميكانيكا بدل البهدلة برع الدولة..
همم ... عدة أسباب ... الشرده من الحر ... الرغبه في الاعتماد على النفس ... و بالتاكيد عشان شوي ابتعد عن تحكم الأهل في حياتي .. مع انهم مساكين ما يسوون شي


تقدر تقارنلي نظام الدراسة عندكم بنظام الدراسة في الميكانيكا هنا.. هذا اذا كنت تعرف حد كلمك عن الهندسة هنا...
همم .. والله مافي حد كلمني بشكل تفصيلي عن النظام في الإمارات .. بس ما اعتقد نظام الدراسه بيختلف ... نظام الحياه و طريقه ادارة الجامعه هي اللي ممكن يكون فيها اختلاف كبير


بعد ما تخلص دراستك.. وين بتقدم..
وين تتوقع؟ ... بشتغل و بتطلع انت مديري :p ... ادنوك ... مجبور أستغل عندهم 5 سنين بحكم شروط العقد


شو انواع النشاطات اللي تسويها هناك بامريكا.. حتى لو سويتها مرة وحدة...
من وين أبدأ بس ...
عندك Sky diving .... ما ادري كيف سويتها .. بس عادي أعيدها مره ثانيه :p
رحت مره Surfing أونه ... بس المكان كان زحمه و هونت
طبعا الأنشطه المعتاده بعد .. كرة قدم .. سله .. بولنج .. سكيتنج ... بيسبول شويه

ما اتذكر بعد ... مسطل شويه


هل تتبع مذهب الهاكونا ماتاتا مع قطعة براتا..
فقط في حال وجود الكيمه :p

ننتظر الدفعه الثانيه من اسئلتك ;)

و الحين الدفعه الثانيه من أجوبتي

[Doel]

لوول دويل اكتشفت فيك اشياء انت وايد دموي كل الانميات اللي تحبها دمويه او قتاليه

من حقي ... ولد :ds022:


سؤالي عمرك طالعت انمي رومانسي؟؟؟
وايد ..


شنو افضل مانجا شوجو قريتها
همم ... هوت جيميك ... و توكي هي اللي كلت جبدي لين رحت و شريت اول فوليوم -_-

اختي dody ... سامحيني ما جاوبت على الدفعه الأولى من اسئلتك .. يبالها تشغيل مخ و انا مخي مبند اليوم


1-موقف محرج مريت في بالمنتدى ؟؟
هممم

والله من كثرتها ما اتذكر شو أكتب :p

بس مره أذكر يام لما كنت عضو فقير ... احتشرت على واحد لأنه ناقل موضوع و يقول انه هو اللي كاتبه ... و بعدين اكتشفت انه أصلا هو اللي كاتبه في منتدانا و المنتدى الآخر


2- أنمي تكره وتقول ما له داعي ؟؟

Tenshi na Konamaiki


من بعد ما كنت عضو عادي لي مراقب عام ما ادري شنو.
ما حسيت بنفسك انك تغيرت.
هيه ... طلعت لي قرون :ds022:


1-مين العضو المفضل لك؟
2- ما هو التقرير المميز لديك؟
3-ما افضل انمي لديك والشخصية المفضله؟

سامحوني .. ما أحب أجاوب هالنوع من الأسئله


4- ليش صرت في الجريمه مجرم؟.. انت قتلت احد؟..
والله انا على راسي مكافأه في كل من مملكة الصراصير .. و مملكة النمل .. و أكيد أكيد امبراطورية السحالي لكثرة جرائمي الشنيعه ضد أفرادهم

و ملكة النحل تطالبني بتعويضات هائله لأني خربت أكثر من قصر لها و انا أدور عسل :p

بس مع البشر ... أنا "حمل وديع" يعض :ds022:


5- يعتقد بعض الاعضاء انك ذكي؟..فهل انت من جد ذكي؟..فاذا جاوبت بنعم ؟..فمن من ورثت الذكاء؟..واذا جاوبت بلا ليش خليت الاعضاء يعتقدون انك عبقري؟..
همم ... والله كل اللي أقوله انهم غلطانين مساكين ... انا ... ذكي؟ .. هههه ولا عقب مليار سنه :ds022:


6-ما هي مشاريعك المستقبليه ؟..من ناحيه مواضيعك أو ردودك؟..
والله مافي مشاريع ... كل شي على حاله


7- وطبعا المنتدى لا يخلو من الاخطاء؟..فما هي نصائحك؟..أو الموضوع يلي ما عجبك بأسلوب أو شيء من كذا؟..(صدقني اذا صارحتنا ممكن نعدل شوي من المنتدى)..
هممم.. والله مافي شي محدد في راسي حاليا


8- ما رأيك بنشاط المنتدى اليوم؟..هل توافقيني أن المراقبين ساعدوا المنتدى في ازدهاره بقوه؟..
أكيد ساعدو في ازدهاره .. ولو أن الأعضاء خلوا منتدى الأنمي مثل المنتدى الترفيهي


9-هل تحب قرأت القصص أم المانجا أم الانمي؟..
كل شي ^_^


10-ممكن رأيك الشخصي لقصتي؟..اذا كنت تقرأ القصص؟ >>>مو قصدي اعلان بس ابي نقد بلييييييييي
والله ما قريتها للحين و لكن باذن الله بقرأها و بقول لك رأيي في رساله خاصه ^_^


hi Doel
the first time I saw you I wondered about something, and each time I see you're name it comes to me again
FINALLY I'll ask you about it

"What is Doel"
"What does it mean"
"How to pronounce it"
well ... it's rather simple

pronounced like "Goal" .. Doel

the story behind is that when i came to register ... there we no names i could think of .. and I was playing the legend of dragoon.. so i named myself after one of the bad guys .. Emperor Doel .. after taking of the "Emperor" thing cuz it didn't seem right to me




بارت ثري كومينج ناو :ds022:

[Doel]

1- انت كيف تشوف نفسك ...اقصد طويل و الا قصير...و كيف يشوفونك الناس؟؟؟؟
والله طويل حبتين ... 183 سم And growing

الناس يشوفوني بعيونهم ... كيف يعني؟ :ds022:



2- انت الحين و انت يالس اتجاوب على الاسئله ...وين انت ؟؟؟ في امركيا و الا في الامارات؟؟؟؟

الإمارات ... و أبوظبي الحبيبه


3- شو وجبتك المفضله؟؟؟؟
سندويتشه داخلها لبنه و شوية دقوس ... أو كما يسمونه في الشعوديه "شطه" و كوب عصير تانج برتقال :ds022:


4- شو احلى دوله زرتها في حياتك؟؟؟؟واي دوله تتمنى تزورها؟؟؟
همم .. سؤال صعب والله .. أحلى دوله زرتها ... كلهم نفس الشي .. بس يالله .. بنقول سويسرا

و دوله أتمنى أروح لها هي ايطاليا


5-ها اخوي وين ناوي تسافر في الصيف...والا انت يالس هاي السنه في البلاد؟؟؟؟
لا والله .. مليت من السفر .. اليلسه في البلاد أحلى بوايد

مع ان اهلي سافروا و خلوني بحجة انه مافي واحد يسافر عشان ياخذ اجازه من إجازته :p



سنيك ... ما شاء الله مسوي تمثليله عشان سؤال واحد بس؟ :p


صليت الفجر اليوم بالمسجد؟؟؟
مع انه ما كان سؤال رسمي .. بس هيه و الحمدلله صليتها في المسجد


هل انت مستانس بالمنتدى؟
لو ما كنت مستانس .. ما كنت بضيع 4 سنين من حياتي معاه ^_^


1)متى تحس ان منتدى الانمي بايخ؟؟
لما يكون كله مواضيع ألعاب و كلام عن أنمي واحد ..
ولما الأعضاء يكونون كلهم جداد على الأنمي و يعتبرون أن الأنمي الوحيد اللي شافوه هو أحسن أنمي في التاريخ


2)شلون تنظم وقتك ؟؟؟(من دراسه ومنتدى ومشاهده انمي وغيره)
والله أحط اولويات .. و أخلص أشغالي اول بأول ... مثلا .. الترتيب الحالي عندي الحين هو : الدراسه .. البيت و الأهل و الأصدقاء .. المنتدى .. و آخر شي الأنمي كونه يستغل جزء ضخم من الوقت


3)هل شاهدة يويوهاكوشو؟؟
مب كله ... بس ربعي مسوينلي حشره يقولون لازم أتابعه كااااامل


4)هل تحس ان احنا مصخناها معاك؟؟
أبدا والله .. بالعكس فرحان باسئلتكم و أتمنى لو تتمدد المقابله ^_^



ترجع بالسلامة ..
الله يسلمك ^_^

Tadaimaaaa ^_^\


من تتوقع يكون الوريث لمنصبك؟؟؟؟؟

بعد عمر طويل......................................

و أنا لازم أموت عشان ياخذ واحد منصبي؟ :ds013:

ممكن أستقيل .. ممكن أسوي غلطه و أتفنش ... ممكن و ممكن و ممكن الأسباب كثيره .. مب شرط اموت :p

بس والله من ياخذ مكاني ... هذا مب رايي أنا ... هذا راي اللجنه العليا ;)


يلا وين أسئلتكم :ds022:


Doel

[(animation)]

مسكين دول ذبحتوه اسئله

بس حتى انا عندي اسئله
1)متى تحس ان منتدى الانمي بايخ؟؟
2)شلون تنظم وقتك ؟؟؟(من دراسه ومنتدى ومشاهده انمي وغيره)
3)هل شاهدة يويوهاكوشو؟؟
4)هل تحس ان احنا مصخناها معاك؟؟:D

مع تمنيات لك بالنجاح


ما جاوبت على اسئلتي

[abdulaziz1]

ما جاوبت على اسئلتي

ايش الأجوبه الا في آخر الرد الأخير..؟

تحياتي..

[d.o.d.y]

موقفك رهيب ويفشل صدق بس مو تنسا اسئلتي شكلك تهرب^_^

[Kaze]

تم الانتهاء من القابله والموضوع سوف يغلق بامر من صاحبه وبسبب انشغاله بظروف خاصه