Pets Tales ~

[Angel whisper]

هلو ..

كيف الحال؟

اتوقع انه اغلبكم يعرفون ان عندي قطوة .. وحاليا عندي بالاضافة لها متوه .. اللي هي الكلمة العامية لـ"ببغاء"

المهم .. كلهم خبايل .. محد منهم صاحي ولا مثل باقي الحيوانات .. فقلت خل احط قصصي وياهم .. وان شاء الله تعيبكم ..

القطوة:
ليلة عيد الاضحى اللي طاف .. وصلتني هدية ..
Persian with smokey coat ..
كان عمرها 3 شهور بس ..
وطبعا بما انه ما كانت عندي خبرة كبيرة ويا القطاو .. فاول شي خطر في بالي .. كان اني استفيد من ادماني على توم وجيري ..
فقمت وصبيتلها حليب .. وقامت تشرب بضمير .. ونيو نيو مياو ..
والمسكينة صابها اسهال وانتو بكرامة ..
ويوم سألنا .. طلعو القطاو الصغار عندهم حساسية من اللاكتوز اللي في الحليب .. يعني لازم ما نعطيهم حليب .. طبعا في حد من القطاو ما يتحسسون .. بس اغلبهم مساكين ما يستحملونه ..
وهيه المشكله كانت تاكل الاخضر واليابس عادي .. احيد على ثاني يوم عندنا .. كلت الـcupcake مال اخويه .. هههه بغى يذبحها :p
وعقب ما كملت شهرين عندنا .. وضمنا ان ابويه ما بيعقها في البر -_- قلنا عاد لازم نوديها البيطري عشان يطعمها ..
وركبت الاخت لاول مرة في حياتها سيارة .. ومتعلقة في الدريشة وتطالع يمين يسار .. ووصلنا البيطري ..
اول ما دخلت .. انصدمت من منظر الحيوانات .. اذكر كان شي طيور وجلاب وقطاو .. وقامت تطلع صوت غريب .. مثل grrrr ..
واول ما شافتها الدكتورة تخبلت عليها .. عادي جيه كانت صغيرة وكيوت ..
واول ما شلتها عشان تفحصها ..
It turned to hell ..
قامت تطالع الدكتورة بـdeath glare وتسويلها RAAAWR ..
الدكتورة قامت تبلع ريقها وحطتها على الطاولة عشان تفحصها ..
لكن منو قال .. It has just started ..
قامت ترفس وتكمل rawring .. وتطالع الجلاب وتزاعق عليهم ..
والجلاب مسويلها (&) ؟!!
في النهاية 3 اشخاص يودوها .. واستلمت اول ابرة .. وعقب ما شليتها سألني الدكتور اذا كانت ماخذه وحده يوم كانت صغيرة .. فقلتله لا ..
فقال انه يبغيلها وحده ثانيه .. وشلاها مني .. وهنيه هو جنى على عمره ..
طلعت الـRAWR مرة ثانيه وشرمختله ويهه وعضت ايده -__-
It was the first time I've ever heard a man scream IRL ..
فردها عليي ولبس قفازين كبار وشلاها ويودها ويا الدكتورة وعطوها الابرة ..
and then she collapsed ..
وانا طالعه قالي اني ان يبتها مرة ثانيه عنده .. بيقاضيني.
==

ومثل ما قلت قبل فقطوتي تحب تاكل كل شي .. واي شي .. من الكيك الين الهريس .. عندها ادمان هريس .. ولو حتى كانت شبعانه .. ان شافت واحد ياكل .. لازم تاكل وياه -__-
فمرة كان اخويه شاري مثل لزق .. يحطونها عاللسان .. refreshment .. وهيه حارة وايد ..
فوهو يحطها على لسانه .. طاحت قطعه منها ..
وهي ما صدقت خبر .. قامت ولحستها .. ولزقت في لسانها ..
:11: *ويوهنا واحنا نتريا ردة فعلها*
اللي استوى كان ان لسانها طلع شبر .. واستوتلها لحية بابا نويل نتيجة لكمية السوائل اللي طلعت من حلجها ..

==

وطبعا بما انه قدر كل قطوة انه يكونلها ريل =.= هذا اللي استوى حق قطوتي ..
ولقتلها اخس boyfriend موجود في الفريج ..
قطو خسف ugly .. ودوم حلجه مفتوح .. 24 ساعة ..
يشبه هذا:
http://img.photobucket.com/albums/v256/jelanda/2306bb26.jpg
فتقدرون تقدرون معاناتي وانا احاول ابعده عنها ..
كنت اطرده باني افره باي شي اشوفه جدامي .. فيقوم ويركب عالايدار .. ويسولها بصوته الكريه MEOOOWWW وهي .. Nyuuuuu ..
وانا .. curse both of you ..
ومره اخويه شافاهم عند الزرع .. يتجلبون ويتمسحون في بعض ومسوين فيها روميو وجولييت ..
فدور شلق .. *العاب نارية* .. ولبقه وفراه عليهم ..
وما تسمعون غير *مياوات* غريبة وقطوتي تنطح الحبيب في بطنه وهو شارد ..
المهم وعلى الرغم من هالجهود كلها .. حملت منه ..
وولدت من اسبوع ويابت قطوتين ..
they look adorable though ..
==

وطبعا لانه قطوتي تحبني وايد .. وتحب في نفس الوقت انها تتفاخر بقوتها وميولها "العلمية" فهي تعودت على انها تطلع في دوريات وتقتل الصراصير والطياطير .. من عقب ما تلعب فيهم كورة طبعا .. وبعدين تشرحهم .. يس تشرحهم .. واتيبهم لي عشان اشوفهم :) مادري من متى استويت عالمة احياء انا ..
==

الببغاء:
هاذي وباختصار survivor ..
لقياناها عند الزرع بعد من عقب ما كفخوها الغربان ..
شلتها اميه وخلتها عندنا .. ودتها عند البيطري وعالجوها واستوت تمام التمام ..
تحب ترد بنفسها على رنات الموبايلات - المسجات - جرس الباب ..
من فترة اخويه طلعها من قفصها .. وقامت وطارت جدا البنكة *المروحة* .. وراح راسها -_-
وودوها عند البيطري وخلوها هناك كم يوم ..
طلعت عندها حالة صدمة فقط :p مع انه اليرح في راسها كان وايد عود ..
وتغير اسمها من Captain Silver الين أقرع مقيرع.

well, that's all folks ..
عندكم قصص او شي؟ I'm interested ^__^

[MoaeD]

i hate all kind of animals and bugs...


بس احس انه فيه واحد قريب... اصير في حالة ترقب من الخطر :196:

[asf4ever]

هههههههه سوالفهم فظيعة XD


اتوقع انه اغلبكم يعرفون ان عندي قطوة .. وحاليا عندي بالاضافة لها متوه .. اللي هي الكلمة العامية لـ"ببغاء"

الحين المتوه هي الكلمة العامية للبغاء ولا نوع منهم ؟


المهم .. كلهم خبايل .. محد منهم صاحي ولا مثل باقي الحيوانات .. فقلت خل احط قصصي وياهم .. وان شاء الله تعيبكم ..

ما ينلامون كان راعيهم مثلهم XD
Ahem
ندخل في الموضوع أبرك...

أما دي البسة بريييئة
وإنتي مثل العادة طالعة الشرانية
وهذا المتوه باين عليه خطيير ناجي من مروحة بس حتى لو راح فيها ترى في غيره واايد في النخيل._.

أنا ما عندي سوالف وي الحيوانات حاليا يمكن قديما بس ما أذكرها عدل
بس مرة أخوي ياب متوه مال ربيعه فكان هادي وإحنا نبي نسمع صوته بس فجأة طلع صوته ويصارخ وصرنا نبيه ينخرس

الصورة من الموضوع من azumanga dioh ما شفت منه غير الحلقة الأولى وشوي من الحلقات الثانية (تطلع خربانة)
بس هالأنمي فظييع أحسهم خبل صدق :p

So Angeloo
Ja Ne

[Master ArNab]

http://i23.photobucket.com/albums/b393/ArNabGear/MyPets/wabit2.jpg
ماي فيفورت سبجيكت ^^


ههههه .. سوالف ظريفه ومسليه ..


تاريخ بيتنا حافل بالحيوانات الأليفه .. دجاج , وبران , ديك , أرانب , قطط , سمك , شارك ×_× , ضبان , ... الخ

معها قصص .. بعضها محزن وأكثرها ممتع

حبيبت الشعب "شوشه" .. سبب تسميتها بهالأسم ..

كانت كلما نحممها بالشامو تطلع نظيفه وكوشه منفوشه .. لذا أطلقنا عليها شوشه ( إسم على مسمى ) .. ولو تناديها تجيك تركض ..

مرحه.. تحب اللعب والحركه .. فرنسية الأصل .. (إضغط على الصور لتكبيرها )

http://i23.photobucket.com/albums/b393/ArNabGear/MyPets/th_bsti0012.jpg (http://i23.photobucket.com/albums/b393/ArNabGear/MyPets/bsti0012.jpg) http://i23.photobucket.com/albums/b393/ArNabGear/MyPets/th_bsti0052.jpg (http://i23.photobucket.com/albums/b393/ArNabGear/MyPets/bsti0052.jpg)


بناتها من قط سعودي :| .. كيف صارت ؟ لغز لا أجد له حل حتى هذه الساعة

http://i23.photobucket.com/albums/b393/ArNabGear/MyPets/th_FlexiCami_001.jpg (http://i23.photobucket.com/albums/b393/ArNabGear/MyPets/FlexiCami_001.jpg)

لها مواقف كثيره وقصة دراميه ونهايه محزنه ومؤثره :02:

جربوعي .. جربوعي

http://i23.photobucket.com/albums/b393/ArNabGear/MyPets/th_jarboo1.jpg (http://i23.photobucket.com/albums/b393/ArNabGear/MyPets/jarboo1.jpg) http://i23.photobucket.com/albums/b393/ArNabGear/MyPets/th_jarboo2.jpg (http://i23.photobucket.com/albums/b393/ArNabGear/MyPets/jarboo2.jpg)

يموت بعلى الخس .. في البدايه كان خجول .. بعدين تعود علينا ولكنه يحب يقرض أي شيء ..


قطتين صغيرتين - توم .. شيرازيات

تحبان اللعب بشكل وراعيات مشاكل ويعفسون البيت عفس.. عن 10 قطط XD

http://i23.photobucket.com/albums/b393/ArNabGear/MyPets/th_relax.jpg (http://i23.photobucket.com/albums/b393/ArNabGear/MyPets/relax.jpg)
مرتاحة ومتكيه على كيفها .. البيت بيتها XD


http://i23.photobucket.com/albums/b393/ArNabGear/MyPets/th_play1.jpg (http://i23.photobucket.com/albums/b393/ArNabGear/MyPets/play1.jpg)
ههه .. هنا التحرش .. والمضايقه

http://i23.photobucket.com/albums/b393/ArNabGear/MyPets/th_play2.jpg (http://i23.photobucket.com/albums/b393/ArNabGear/MyPets/play2.jpg)
إستمرار المضايقه .. في الأخير إستسلمت للواقع .. وطبقت قاعدة .. طنش تعش :09:


بعض الأحيان .. يقعدون يتفرجون على التلفزيون

بعد مشاهدة فلم the underworld
http://i23.photobucket.com/albums/b393/ArNabGear/MyPets/th_shokah_bewolf.jpg (http://i23.photobucket.com/albums/b393/ArNabGear/MyPets/shokah_bewolf.jpg)
.. محاولة التحول الى قط مستـئـذب ..

http://i23.photobucket.com/albums/b393/ArNabGear/MyPets/th_spoon.jpg (http://i23.photobucket.com/albums/b393/ArNabGear/MyPets/spoon.jpg) http://i23.photobucket.com/albums/b393/ArNabGear/MyPets/th_the_team.jpg (http://i23.photobucket.com/albums/b393/ArNabGear/MyPets/the_team.jpg)
http://i23.photobucket.com/albums/b393/ArNabGear/MyPets/th_shokah.jpg (http://i23.photobucket.com/albums/b393/ArNabGear/MyPets/shokah.jpg)

[smigle]

كنت اطرده باني افره باي شي اشوفه جدامي .. فيقوم ويركب عالايدار .. ويسولها بصوته الكريه MEOOOWWW وهي .. Nyuuuuu ..
وانا .. curse both of you ..


loooooooooool I loved these lines specially the curse

حلو موضوعج أنجل....بس لحظه...أنا من متى أصلاً قريت موضوع حق أنجل؟؟؟ تصدقين ما أتذكر...غريبه!!!

عموماٌ إذا تبين سوالف قطاوه أنا عندي وايد، بس للأسف كل نهاياتها مأساويه لأن يدي (الله يرحمه) كان يسوي لهم مصيده (يحط لهم أكل في دبة السياره) ولما يركبون يصكها عليهم ويوديهم فريج بعيييييد عن بيتنا. وأنا لازم أدش في مرحلة الأكتأب.

الحين عندي القدره أني أربي قطاوه بس تبين الصراحة، نفسياً ما أرتاح because I become so attached to them I cant sleep if I heared them roaring فقلت حق نفسي يا ولد بلا هم بلا نيله.
ولو أنه في قطوه (أكرهها كره العمى) مستعمره حوش بيتنا وزبالتنا وفي نفس الوقت عندها boy friend which is honestly honestly the UGLIEST cat EVERRRRR
لا والحلوه كل يوم حامل، بس الخايسه تصدقين أنها ما تييب أكثر من ثلاثه، عالعاده أثنين ماكسيمام، ما أدري أي حبوب تاكل، صج ما يبين عليها الحمال، لا وإذا ربت حدها ترظع شهر أو شهرين وبعدها خلااااص.

مشكوره عموماً على الموضوع الحلو.

[smigle]

بناتها من قط سعودي :| .. كيف صارت ؟ لغز لا أجد له حل حتى هذه الساعة

http://i23.photobucket.com/albums/b393/ArNabGear/MyPets/th_FlexiCami_001.jpg (http://i23.photobucket.com/albums/b393/ArNabGear/MyPets/FlexiCami_001.jpg)



واااايد حلوين ويهبلون.....ـدري من هي أحلى وحده فيهم وعيبتني؟؟؟؟

اللي عيبتني هي -----خدامتكم زليخه اللي في المطبخ....حمود هذا مجنون يصور بجا مال قطوه.

[7_Dark Soul]

هههههههه :p

عندج سوالف ويا الحيوانات

عاد يا كثر سوالفي ويا الحيوانات خاصة القطاوة



وطبعا بما انه قدر كل قطوة انه يكونلها ريل =.= هذا اللي استوى حق قطوتي ..
ولقتلها اخس boyfriend موجود في الفريج ..
قطو خسف ugly .. ودوم حلجه مفتوح .. 24 ساعة


اعرف ناس هم صارت لهم نفس القضية

كان عندهم قطو شيرازي(الي يكون ابيض و فروه كثيف جدا و ناعم ومنفوش)
وكان اخس قطو في الفريج على طول يلحقها

ما بقى نعلة ما بقى حصى ما بقى عصى الا وطقوه فيها وبعده مصر يلحقها


في النهاية ما قدرو عليه و جابت من قطوتين من احلى القطاوة الي شفتهم

مع ان ابوهم ابشع قطو شفته:11:

و بعد رفيجي عنه قطوة تقدرين تقولين انها ام قطاوة الفريج كلهم

كل فترة تولد قطاوة جدد بس حتى الحين ما ندري مين ابوهم

مع انها قطوة شايبة مكحكحة

اما انا ويا قطاوتي

كانت عندي قطوة تاكل غير كل القطاوة الي شفتهم

كانت تاكل كل شي تشوفه

بصل-جبن-خس-اكل عصافير-فضلات طيور(اعزكم الله)-وصخ-خضار......الخ)

و كانت تفضل الاكلات الي قلتها فوف على اللحم و السمج(سمك)

و كان عندي قطو راعي مصالح كان يختفي طول اليوم و ادوره في كل محل ما القاه

بس القاه وقت الي الغدا او الوقت الي احط له اكل

و اكثر قطوة تمتعت بوجودها معاي كانت قطوة لقيتها و هي صغيرة (يمكن كان عمرها شهرين او ثلات)

و ريبتها و لين كبرت شوي و صارت شرانية

كنت ما اقدر اقعد مرتاح بسبها

كنت اجلس على الكنب (الاريكة)و كانت تدخل تحته بس انزل رجلي تنقض عليها مثل النمر

و اذكر اخوي كان منبطح (مضطجع,منسدح)على الارض

كان في شبه نايم شوي الا تدخل القطوة عليه و تدخل في فانيلته

هو خلها ونامت داهل ثيابه(ذي نفس القطوة الي كانت تاكل كل شي)

و عد كانت عندي قطوة مع اولادها الثلات

خليتها عندي اسبوع بعد هذا الاسبوع اختفو اولادها وهي بعدها موجودة

بس كان شوي مجرحة جروح صغيرة

طبعا بيتنا كبير و كنت اخليها في الحوش حق بيتنا لأن اميه(الله يحفظها) تكره القطاوة

كنت كل يوم القاها داخل البيت

و اميه تقول طلعها و اسوي تحقيقات اخواني علشان اعرف مين دخلها البيت بس الكل قال ان مو هو الي يدخلها

و حتى هذا اليوم ما ادري من وين تدخل دلخل البيت


و اذكر.........خلااااااااص بسك سوالف

طبعا مصير كل القطاوة الي ربيتهم الشارع لان اميه تكره القطاوة


الا اخر قطوة من كانت عندي من اسبوعين هي او قطوة تحبها امي

بس تخلصت منها بسب ابويه لأن الريحة مالت اكل القطاوة ما في مخلوق في الوجود يتحملها

وكان مصيرها الشارع بس تخلصو منها و انا ما ادري:vereymad:

عندي سوالف غيرها مع الحيوانات

اذا تبون اقولها لكم(اظن ردي صار اطول من الموضوع صح؟؟:09: )

[7_Dark Soul]

هنا صور حق وحدة من القطاوة الي ربيتهم

و طبعا انقضت على الجوال و انا اصورها

و هنا صور و هي تنقض على الجوال

[ثريول]

أوه, موضوع حلو :). أنا قبل أربع سنين كانت عندي بتّوه خضرا, من كانت فريخ بدون ريش. المهم أنها للحين موجودة و"ترطن" بعد (بتوه, مياو, مرحبا, الله أكبر .. ومجموعة أسماء ثانية خاصة). الحين غيري اللي مهتم فيها, ماعندي "بارض" لها.

أما بالنسبة للقطاوة.. ما أذكر أني كنت لطيف معاهم, لأنهم ما كانوا لطيفين مع حمامي (مب حمّام, حمام), لدرجة أن فيه قطو أكل بروحه 6 فروخ. أذكر كنا ما نتهاون معاهم, وكانت "أم صجم" ما تقصر في الثأر للحمام الوديع.

وشكراً.

[Lunar Poet]

لوووووول موضوع روعة :D

من زمااااااااان .. من 18 سنة ( يعني قبل لا أنا أنولد ! ) كان عند عمتي بيـبيّة / ببغاء / متوه .. كان يقول كلللللل شي .. في وقت الغداء ينادي عيال عمتي عشان يتغدون :D و كان حافظ أساميهم كلهم ^___^ و كان اذا أحد دخل بيتهم يرحب فيه و يسلم عليه @.@ .. أذكر اذا أنا دخلت كان يرحب فيني :D <--- لووول يقول لي يا هلا و يا مرحبا و مادري شنو :D .. المهم .. قبل أسبوع تقريباً هالببغاء ظل يصارخ و يحاول يطلع من القفص ! على غير عادته ! المهم .. ظل يومين على هالحالة .. فجأة صار البيت هادئ و ما في صوت للببغاء @.@؟ مات الله يرحمه T___T <--- لووول هالببغاء أكبر مني -____- عمره 18 سنة أو أكثر !
بس بصراحة حزن زوج عمتي -____- 18 سنة هذي عشرة عمر !

========================

على طاري القطاوة .. واحد من ربعي وراني من 3 أسابيع تقريباً قطوته @__@ روووووعة ! لونها رمادي × رمادي .. ما عدا أطراف رجولها و طرف ذيلها .. لونهم أبيض @__@ .. و حجمها كبير شوي ..
فروها طويل و نااااعم ^.^ أصلها أمريكية أو أوروبية أضن ..
جاء واحد من هاللي 24 ساعة تايهين في الشوارع و جابت منه 3 قطاوة صغار .. 2 ذكر و وحدة انثى ، بعدهم صغار .. بس أحجامهم كبار @_@
واحد من الذكرين ولد عمتي خذه ( ما يوقف عن الحركة @.@ .. 24 ساعة يركض ! ) .. أما الذكر الثاني فهو مريض شوي -____- .. و الانثى سليمة معافاة :D ( بكلمه بحاول أقنعه يعطيني اياها :D )

========================

مشكورة أنجل على الموضوع :D

[Da S.O.S]

انا من النوع الي ما يحب الحيوانات..
يعني بالاصح مافي اهتمام.. بس القطاوة غير..
بس للأسف ولا مرة كان في قطوة لي.
كان في ببيتنا قطوة مسمينها كارلوس -__-.. حقت عمي
وبالنهايه هرب :(

حلو موضوعك انجل.. احب النوع هذا من المواضيع ^_^
حطي لنا صورة لقطوتك..
( وين لينا عن ذا الموضوع :09: )

[kirby64]

موضوعك حلو اينجل ^.^....!!

انا سوالفي مع الحيوانات كثيره خصوصاً لما كنت صغيره @.@ !

كنت امسك قطوه الجيران من ذيلها و اقعد ادور فيها و ارميها فوق السور ( تراني ما ابالغ سويتها حتى امي خافت منيhehehe :silly: ) شوفي هالرسمه ------------->>

http://www.w6w.net/users/18-07-2005/w6w_200507181742432187859d415f6.jpg

و لا كان عندنا دجاجه و جات صديقتي عندنا تبي تشوفها ...المهم هي التفت علي و قالت الدجاج يقدر يسبح ؟! , انا قلت : مدري بجرب <====مجنونه

و رميتها في البركه !! و تشوفين الدجاجه تصارخ *بق بق بقييييييييييييق بقيييق * ! وانا : اوووه طلعت ما تسبح اجل ؟ proud5:

و لا اكبر صدمه في حياتي كانت لما رحت اعطي الديك اكل ...لقيت يدعس على الكتاكيت برجوله و انا مت من االصياح لاااااااااع :pat: (لو انا الي قاتلتهم كان عادي )..لول صار كأنهم بان كيك ...@@ مساكين

اموت على القطاوه انا @@ بس امي تخاف منهم غير طبيعي ...كل ما اجيب قطوه تصادرها >_<

Mata ne'!

[Pentium]

السلام عليكم...وينك يا انجل...؟؟ موضوع روعة...:)

أنا بالنسبة للقطط أحبهم جدا جدا...و لي تجارب مع حيوانات أخرى...زي العصافير و الببغاء و الاسماك و الصيصان....و حتى كان عندي مرة طائر يسمى عندنا باشق ( طائر يصطاد العصافير )...

بالنسبة للقطة...كان عندي واحده رائعة...أخذتها من مزرعة صديقي كانت صغيرة جدا جدا جدا :bigeyes: حتى الفرو كان خفيف جدا...

المهم انا احترت كيف ممكن أشربيها الحليب ( لانها ما تعرف تشرب )...فقلت ما لي حل غير أشتري "ببرونة" زجاجة الحليب الخاصة بالاطفال الصغاااااااار...و صرت أفتح لها فمها و انقط لها الحليب...

و وصلت لدرجة انها لما احضر لها الحليب ( بعد شي شهر )..كانت تستلقي على ظهرها و تمص الزجاجة اللي تكون ماسكتها بأطرافها الاربعة :09: :09: :p

الهم كبرت هذه القطة و ووصلت لحجم كبير جدا...و لكن الوالدة الله يحفظها...بدأت تكرهها و خصوصا لما عملت معها كم مقلب...

يعني مثلا لما ما لقت حدا تلعب معه ملت و قعدت تتسلى بفرش البيت ....و خصوصا في غرفة الجلوس...ههههههههه ساعتها الوالدة كرهتها رسمي...

و حاكوا مؤامرة كبيرة بالتخلص منها و بالفعل تمت العملية حيث تبرعوا فيها لولد عمتي في المزرعة حيث رباها هو و أنجبت بعدها عنده...

ما عاد عرفت عنها شي و ما حبيت أعيد التجربه لاني حبيتها كتير و فجأة راحت و يومتها صار عندنا مأتم ... :31:

فاكتفيت بالحيوانات الاليفة جدا زي العصافير و الاسماك.... :biggthump

شكرا أنجل .....

[كابتن السفينة]

اووووووووووهوووووووووووو.. :p

انا اموت في الحيوانات الاليفة..

انا عندي تاريخ طويل مع القطط.. من يوم كنت صغير..

لحد الحين ربينا أكثر من 70 قط ( بدون مزاح والله.. صدق او لا تصدق )..
لكن حاليا عندنا اربع صغار.. توفت أمهم بمرض غريب.. -__-

وعاد الحين أفهم سلوكهن تمام.. وافهم من أي نبرة صوت ايش تريد ( تعلمت اللغة المياوية :09: )..
وايضا أقدر أقلد الصوت المطلوب حسب وضع القطة عشان تجي او امنعها من المجئ.. لكن تقليد صوت الام صعب شوي.. يعني التحكم بالصغار صعب شوي ( حساسات للاصوات )..

وكثير اضحك على زملائي.. اقلد صوت قط صغير وهم يبحثون عن مكان القط لول..
واعرف زعيم القطط المسيطر بمنطقتنا.. وانا لقبته بـ " طويل القامة ".. لان رجوله طويلة بشكل غريب.. وهو عجوز جدا.. لكنه أقوى قط بالمنطقة على الاطلاق..

والحيوانات اللي ربيتها: سلاحف مائية ، سلاحف برية ، أرانب، أسماك ، عناكب ، ببغاوات ، والخنزير الغيني (اللي يشبه الهامستر) ، وحتى الحلزونات (سمعت عن شخص يربيها.. :p ).. هذي كل الحيوانات اللي ربيتها تقريبا.. ^ ^

واذكر مرة حصل لي هوس البحث عن الخنافس الذهبية.. (البحث عن الكنز لووول).. كنت اسأل واروح المزارع ابحث.. XD

ومواقف كثيرة جدا صارت خاصة مع القطط والخنزير الغيني اللي تعلم فتح باب قفصه.. لول.. XD


شكرا انجل على الموضوع الروعة.. (= ^_^ =)..

[كابتن السفينة]

ونسيت اضيف القنافذ والحمام.. لول

[Yamato]

السلام عليكم..

موضوع قديد.. نايس ايديا انجل..

بالنسبة لي فتاريخي مع الحيوانات لا باس به اقدر يعني اقول اني مثلكم لي تجارب معاهم.. الرغبة في حب السيطرة على مخلوق.. هاع هاع هاع -_-

اللي مروا تحت ايدي من الحيوانات للان.. قطط (وهذا كان عند الكل) عصافير وقنافذ وسلاحف..

القطط.. نهايتهم كلها ماساوية للاسف..
مثلا مرة وجدت قطوة صغيرة.. في البيت.. تميت فترة ارعاها بس الوالدة ما رضت وغصبتني اني اطردها برع البيت.. فانا ببراءة الاطفال وديتها وخليتها برع البيت جنب الجدار.. وبعد عدة ايام.. شفتها مرة ثانية.. بس بعد ما عذبوها عيال الفريج.. اظني قلت سالفة هالقطو من قبل.. وما يحتاج اني اقول شو كانت حالته.. بالطبع ماتت بعد فترة من العذاب المسكينة T_T
وقطوة ثانية تميت ارعاها فترة ايضا.. الى ان اختفت فجاة.. وبعد فترة حصلتها ميتة جدام بيتنا.. كما يبدو انه سيارة دعمتها وماتت T_T
اضافة الى القطاوة اللي موجودين حاليا.. بس ما جربت اني اتقرب منهم وايد.. i dont want to get hurt emotionaly T_T
يا حليلي بس..

العصافير.. وايضا كلهم نهاياتهم حزينة...
كنا نمسكهم في الحوش.. ونظل نرعاهم فترة بس يموتون.. ما ادري ليش.. يمكن عدم الخبرة في التعامل معاهم..

القنافذ.. اللي ياكل لا يقرا هالمقطع ^__^!
والله انهم حلوين وسريعين جدا.. كان عندنا ثنتين منهم.. احيانا كنا نعطيهم رويد.. فشو كان يستوي.. كانوا يرجعون الاكل.. ويقعدون ياكلونه مرة ثانية -__-
بس الحمدلله ما شهدت نهايتهم.. يعني بعد فترة شلهم الوالد وما ادري وين وداهم..

السلاحف..
كانا اول حيوانين اشتريهم في حياتي علشان ارعاهم.. وللاسف خليتهم في البيت علشان يرعونهم هناك.. لاني وقتها كنت بالجامعة.. وعيال اختي الصغار كانوا موجودين.. الكبير فيهم ما رحم السلاحف.. قتلهم T_T
بس ناوي اعيد الكرة.. وهالمرة بضمن سلامتهم..

وكان عندنا ارانب..
الوالد جابهم من عند شخص ثاني.. تمو فترة عندنا.. بعدها الوالد اخذ واحد منهم لمزرعة.. والثاني تم في البيت. الى ان مرض ومات للاسف..

اما الدجاج والديكة.. حدث ولا حرج.. كانت عندنا حظيرة لهم في البيت.. او حظيرتين نقول.. الاولى يوم كنت ياهل.. ووقتها الديكة كانت مسالمة..
بس في الثانية وهذي سووها اول ما دشيت الجامعة اذا ما خانتني الذاكرة.. الديك اللي كان موجود كان يزيغ.. ما نقدر نقترب من اي دجاج او فرخ.. كان يلاحقنا -__-

واتذكر كان في متوه في بيت جيران عمي.. كان يتكلم.. واكثر كلمة كان يرددها هي متوه.. ^^
كنا نحطي حب علشان ياكل..
افكر اشتريلي وحدة خصوصا انها تعمر..

وطرانكس عالموضوع الخفيف يا انجل ساما..

[Snake Eyes]

انا كان اول حيوان دخل البيت هو السمك بس وطبعا هلكت امهم اكل الين ما ماتوا
وتاني حيوان يخش البيت هم السلاحف ههه وكان لكل واحد فينا سلحفة يعني كانوا 5 سلاحف انا حقتي كانت اصغر واحدة وحقت اخوي هي الدووبة وكانت متوحشة المهم قعدوا عندنا يمكن اشهر بس و قاموا يتضاربوا وسار قتل وماتوا اتنين من الطفش وحقتي انقلبت وماتت المهم نهاية مأسوية
قبل كم شهر جابت اختي سلحفتين المهم هالمرة احنا كبار المهم جو عيال خالي ومافي الا لعب بالسلحفة ويمسكوها من فوق ويرموها فوق العشر مرات المهم صحينا اليوم اللي بعده لقينها ميتة
البسس ما لي قصص كتيرة معاهم بس اكتر شي اني دعسهم بالسيارة دايما

[Mada Mada Dane]

ماعندنا تاريخ حافل بالحيوانات >_<

سلاحف اختي -- ضاعوا بالحديقه

قطوه -- كنا حليوين معاها , بعدين زهقت منها وصرت اطيرها من ذيلها وهاجرتنا .

قطوه 2 -- سرقناها من بيت اهلي , حطيناها بالحوش على بالنا بتجلس , باول لحظه ... نقزت فوق السور .. واحنا نطالع !؟؟ ... مياو مياو تعال ... وفانش ... اختفت للأبد ... ولما سالوا وين راحت القطوة ... الجواب ماندري >_< من جد وين راحت ... مانقدر نفتن على ابوي هو الي سارقها >.>


هذا الي اتذكره بس >_<

سلام

[hussien-11]

أنا لي الصراحة بعض القصص و لكن لن أذكرها ... أنا الان أحب الحيوانات الأليفة و لا أريد أن أذكر بعض الماسي التي فعلتها بهذه الكائنات اللطيفة ..

شكرا انجيلوه ..

[Pentium]

أنا لي الصراحة بعض القصص و لكن لن أذكرها ... أنا الان أحب الحيوانات الأليفة و لا أريد أن أذكر بعض الماسي التي فعلتها بهذه الكائنات اللطيفة ..

شكرا انجيلوه ..

ههههههههههه :D....شكلك كنت عامل مجازر :D....

[Lunar Poet]

لول بالنسبة للحيوانات اللي أنا ربيتها كانو واجد :D بكتب منهم اللي أذكره :D

قطاوة -- أكثر الحيوانات اللي ربيتها .. أذكر كانت عندنا قطوة كنا نتسابق معاها :D ..
و مرة زوج احتي جاب لنا قطاوة صغااااار لقاهم تحت سيارته .. اختي قالت له يجيبهم عندنا و احنا توهقنا فيهم >.> .. بس ما طولو عندنا ..
و مصير كل القطاوة اللي كانو عندنا الشارع .. الحمد لله ولا وحدة ماتت عندنا ^_^

سلاحف -- مرة وحدة شرينا سلاحف .. استانسنا عليهم حيل :D .. بس كنا صغار وقتها .. كنا 24 ساعة وياهم @.@ ..
باقي السلاحف اللي صارو عندنا كلهم من مزرعة عمّي .. ما يتمّون عندنا الا كم يوم بعدين نرجعهم المزرعة -__-

عصافير بأنواعهم -- صار عندنا كناريات ( جمع كناري ) ، حساسين ، بلابيل ، طيور حُب ( شريت مرّة جوز مع طير الحسّون ، مرة كنت رايح المسجد في صلاة الظهر .. بعد ما رجعت شفت طير حب ثاني * بس ملوّن بألوان صناعية * واقف على قفصهم من برا ! قربت منه .. خفت يعضني :afraid: بس قلت مب خايف :12: .. بحاول أمسكه :12: .. مديت يديني له بسرعة و مسكته ! .. بعدين ربيته مع الطيرين الثانيين ^_^ .. بس آخر شي عمي خذهم -___- ) و كان عندنا بعد نوع من الطيور مادري شاسمه ( اللي يكون حجمهم صغير و منقارهم كبير شوي ) .. اممم هذا اللي أذكرهم ..

أرانب -- مرتين شريناهم .. و كل مرة نشتري جوز :D ..

كتاكيت ( صيصان ) -- أذكر أكثر كتكوت كنت أحبه كان لونه أسود و أصفر ^^ .. كان صغيير و كيوت ^.^ .. كان هو أصغر كتكوت شريناه .. بس للأسف عمره كان قصير -___-

بط -- شريناهم صغار .. كنا دايماً نلعب معاهم و نخليهم يسبحون :D ...

دجاج -- مرة وحدة شرينا دجاج .. وقتها كان عندنا قطوة ، و الدجاج كانو 4 - 6 .. كان العراك بين الدجاج و القطوة مستمر >.> .. الدجاج ما قصرو في القطوة -____-

طيور السمّن \ السمان -- أكثر من مرة شرينهام ^^ .. كنا لازم نشتري 4 ^^ .. واحد منهم لي و الباقي لاخواني :D أذكر مرة شرينا كتاكيت في فترة كان عندنا سمّن .. اهتمينا بالكتاكيت أكثر من السمن ، و كنا دايماً نلعب معاهم و أهملنا السّمن .. بعدين اختفو ما ندري وين راحو للحين @_@..



امممم هذي الحيوانات اللي أذكرها .. و ان شاء الله هالمرة ناوي على حيوانات ما جربت أربيها بنفسي من قبل :D ..

[hussien-11]

ههههههههههه :D....شكلك كنت عامل مجازر :D....

للأسف كنت أعمل مجازر بالقطط و كنت أكرهها ، لكن الان بحبها ..

أذكرمرة ربيت صيصان :D ، الصوص صغير الديك و الدجاجة :09:

لكن كنت أحبهم وقتها !!

و مرة أخذتهم لعند دار خالتي ، قام تعارك الصوص اللي عندي مع الديك اللي عندهم :D

و النتيجة ؟

صوصي صار جسمه بدون شعر :biggthump

بعدين ذبحناه .. و أكلناه :196:

[كابتن السفينة]

اللي عيبتني هي -----خدامتكم زليخه اللي في المطبخ....حمود هذا مجنون يصور بجا مال قطوه.
ههههههههههه.. الحين لاحظت.. :D


بس للأسف عمره كان قصير -___-
حسبت بتقول اخذهم عمك.. :tongue2:


و ان شاء الله هالمرة ناوي على حيوانات ما جربت أربيها بنفسي من قبل ..
وانا نفس الشئ.. ان شاء الله بربي تنين الماء (مدري ويش اسمه بالانجلزي)..
لكن مدري وين احصله.. اعتقد لازم اطلبه من الخارج.. -__-


بالمناسبة..

لاحظت كثير منكم يسئ معاملة الحيوانات.. (= >m< =).. <--- مخلي نفسه من جمعية الرفق بالحيوان..
تراه الحيوانات تحس وفيها روح يا جماعة.. <--- معلومة جديدة..

[MeMoirs]

ههههههههه ..


أنجل يحليلك تحبين الحيوانات :) ..


مدري ليش أتخيلك مثل الميرا الي في تايني تون :D ..


على طاري البسس والقطوات .. اليوم أنا محلمة فيها :blackeye: ..


أحب أطاردها بس اربيها او المسها لايمكن ..


لي عودة :ciao: ..

[Lunar Poet]

حسبت بتقول اخذهم عمك.. :tongue2:


لوووول تراه مو عم واحد :D


وانا نفس الشئ.. ان شاء الله بربي تنين الماء (مدري ويش اسمه بالانجلزي)..
شنو هذا :blackeye: ؟

[كابتن السفينة]

شنو هذا ؟
هذي سحلية كيوت.. ^.^
وهي تعتبر من الحيوانات الاليفة.. لكنها تكبر كثير و احيانا يصير حجمها تقريبا اقل بشوي من حجم كلب.. :blackeye:

بغيت احط صورة لها.. المشكلة نسيت اسمها بالانجليزي..
جربت اكتب water dragon بجوجل.. طلعت سحالي ثانية.. -.-

[Pentium]

Water Dragon؟؟؟ اسمه يوحي بأنه شي Boss من Final Fantasy :D

[couita]

شكرا شكرا شكرا

[Lunar Poet]

شكرا شكرا شكرا

تزويد مشاركات :31: ؟
تصدق ذكرتني بموضوع " السيد مشكور و علاقته بالسيد قرقور " P:

[gojah]

شكرا اينجل وسبر على الموضوع مره حلو:laugh2:

بس الصراحه عجبني رد كربي ولا معتقل جونتانامو:pat:
ما اقول غير الله يعينهم عليها وخصوصا البان كيك اقصد الكتاكيت:blackeye: مساااااااااااكين (الله يرحمهم)

وعن نفسي انا
كان عندي سلحفتين:turtle: :turtle:
اخذت وحده منهم وحطيتها على راس اخوي وهو نايم واخذها وفضخها في الجدار ومسكينه تكسرت قعدت داخل المُدرعه، صدفتها (مدري وش اسمها) لكم يوم متعقده
واخرتها طلعتهم يتمشون راحو لعند كيس البصل و ضاعوا داخله :ds002:

[كـــــــــاندي]

مشكوووور اخوي على الموضوع وانته لازم لانك مراقبه

[The-waiter]

مشكوره اختي angel whisper على الموضوع و اذا امكن حبيت اقول ان البغبغاء اسمه ميميميتوه:D
سوري بس انا لقافه :أفكر: المهم انا كنت اربي قطاوه street cats :P
لو تشوفونهم تنحاشون من جكرهم هههههههه من كان عمري 7 سنين وبعدين حولت للكواسكو بغبغاءات
الأفرقيه اللي لونها رصاصي و لون ذيله احمر برأيي ان هذا النوع من الكواسكو هو الافضل The Best
اخذته فرخ كان عمره تقريبا 3 او 5 اسابيع معطيني اياه خالي ما قصر قالي بسك من القطاوا و هاك

هذا كاسكو قالتله الكواسكو يموتون بسرعه عطاني اكل خاص لفروخ الكواسكو بودر تحط وياه ماي

دافي نفس السيليلاك:05: و كان غالي 400 غرام ب 7.500 دينار كويتي ooooops :bigeyes: اسبوع


يخلص و اكلت من اكل كاسكووي heheheh keep it a secret it was delicius لوووول

وليقيت طعمه نفس طعم الكورن فليكس و اشتري hony smash و الله مو متأكد اذا هذا اسمه هو

كورن فليكس ابو ضفدع:D و اخلطه مع شويه حليب دافي و اوكله بطريقه خلتني احس انه ولدي كنت

اعطس اصبعي بالكورن فليكس و اخليه يأكل من ايدي و سميت الكاسكو سلبي كانت بدليه ولد عمي اكبر

مني يتمشى بالصاله و ناديته علشان ابيه يختارليه اسم له اول ما قلت بدر قال سلبي يعني شتبي

لووووول و سميته سلبي عن خاطر ولد عمي و ما توقعت انه يعيش وياي اكثر من 3 اشهر عاش وياي


7 سنين كان يحبني و كان يتكلم الا كان قرقه :D و كنت لما يكون بره قفصه و يشوفني اتمشى على

طول يطير على جتفي حتى ناس ساموه ب 230 دينالر كويتي و ما بعته بس كان اب شارعنا واحد

مجنون عمره اكثر من 30 سنه كان متخانق مع اخوي الصغير و كان حاقد عليه يوم من الايام كنت

حاط الكاسكو بالحوش و يدخل المجنون كان ابوه عذده حمام و المجنون علباله ان اذا يبي ينتقم من

واحد يذبح حمامه و شاف الكسكو و اعتقد انه حمامه و اذبه:02: انا مت قهر بس معليه مجنون

أشوه ان ما برد حرته على اخوي بس يوم مات سلبي بكيت كان غالي علي.....



مشكوره اختي على الموضوع و اعذروني على هذه المشاركه الطويله

[The-waiter]

ما شاء الله عليج اختي kirby64 رسمج ممتاز :ds012: http://www.w6w.net/users/18-07-2005/w6w_200507181742432187859d415f6.jpg

[Angel whisper]

*cough*

مشكورين جميعا على الردود!

مؤيد:
يحليلهم ليش انزين ><

آهو:
المتوه هي المتوه .. مادري بس لها اسامي ثانيه على حسب النوع اظن؟
وبعدين جب (&) شو شايفني خبله انا؟! هاه؟! هااااااااااااه؟!
انا اصلا اكثر وحده صاحيه في العالم .. عشان جيه كله ارمس قطاوتي ..
اخويه من فتره يابالنا متوت ربيعه .. كانت تقول مياو .. :p
ياخي تجنن XD
ازومانغا دايوه .. من احلى الانميهات الكوميديه اللي شفتها الين الحين -______-
Yukari Sensei ROX !!!!

ارنوب:
شارك (&)؟
my dad kills them all the time you know ~
*cough*
بس ما شاء الله كولكشن بتس عجيبه ..
انا الارانب ما ارتحت وياهم لانهم يتكاثرون بسرعه عجيبه ×_×
and I hate rodents in general ~
بس قطاوتك يجننون ما شاء الله ×_× والسودا تشبه قطوتي بالضبط يوم كانت صغيره .. amazing!!

سميجل:
ابوك يذكرني بابويه -___-
هو لو ما حب قطاوتي الحاليين جان من زمان مسوبهم نفس الشي ..
هو الحلو في تربية الحيوانات انك تتعلم تكون مسؤول عنهم .. خاصة الصغار يستفيدون من هالشي ..
لكن المشكله انك لو بغيت ولا ما بغيت .. في النهاية بتتعلق فيهم وايد..
وانزين انته شو معورنك يوم انه القطوة اللي ما تدانيها بس يايبه اثنين .. بعد زين عن تترسلكم فريجكم
وحلو تعليقك على صورة ارنوب .. هههههه

دارك سول:
زين والله .. بعد عيال قطوتي طلعو حلوين مع انهم ما طلعو مشعرين شرات امهم ..
اما هالقطوة العيوز .. تحفة :p
قطوتي حبها الاول والاخير ..
الهريس ..
ومن بعده الكيك .. والسمج المقلى ..
وحلوة القطوة !!

ثريول:
حياك ^_^
همم يعني في قطر تسمونها بتوه؟
interesting ..
بس لو انا استوالي نفس موقفك اكيد بكره القطاو .. حرام ×_×

لونار:
غمضني المتوه ×_× يحليله والله ..
هم غريبه ما عرفت شو نوع القطوه ..
اوف حركه لو عندك صور لها او لعيالها حطها لنا

دا سوس:
حركة .. عيل كارلوس .. هههههه يمكن سار يحترف في اوروبا ولا شي ^_~
بحط صور القطاو في موضوع خاص فيهم XD

Kirby:
you .. are .. a monster ..
عيل تسوين جيه بالقطاو وتعقين الدياي في الماي @@
بس الديج فظيع ×_× ما ابغي اشوف هالمنظر T.T

بنتيوم:
يحليلها والله .. يعني ربيتها من يوم ما هي بيبي ^__^
ههههه بس زين ما تحسست من الحليب بس نفس قطوتي ×_×
عاد زورها مسكينه شوف عيالها ههه ^_^

كابتن:
ذكريتني بلوسي يحليلها .. كانو عندها قطاو وايد ..
ههههه بس حلو انك تعرف تتعامل وياهم بكلامهم .. حركة ..
عيل طويل القامة؟ هههههههههههههههههههه :D
امم الخنافس الذهبية O.o

ياماتو:
قطوتين من القطاو اللي مرو علينا استوتبهم اشيا جيه ..
بس الفرق ان وحده كلوها الجلاب حسبي الله عليهم -__-
العصافير صعبه جدا العناية فيهم برايي .. لانهم بسرعه يتأثرون بالبرد وغيره ..
يعني متوتي لو الشو استوى ما اقدر احطها في غرفة مكيفة او اي مكان قريب من المكيف .. تعذيب -_-
هههه خبرت اميه عن القنافذ .. فرتني بمجلة .. XD
همم امس كنت في بيت ربيعتي .. حمستها رهيبه .. كانت تتسلق الشبك مال القفص .. عجيبه O.o
الارانب لو حليتهم يتزاوجون .. كانت بتلوع جبدك من كثرهم ×_× بتحسهم ما يخلصون مول .. *مجربه*
كان خاطري احطلكم فيديو متوة ربيع اخويه .. تقول متوه ومياو ومادري شو بعد .. بس كلنا طالعين في الفيديو .. ما ينفع :p

سنيك:
يحليلهم السمج المفروض تأكلهم شوي ×_×
ويا موجرم تدوس القطاو .. ان شاء الله مب عن عمد بس o.o
بس السلاحف .. حشى داينستي ووريرز هههههههه

مادا:
ادبتكم القطوه اللي شردت O.o

حسين:
لا افا كلنا آذان صاغية ..
*فيها فضول*

لونار:
الله وناسه والله ..
حلوة حركة السباق ويا القطوة! خسارة انه قطاوتي اغبيا وما بيستوعبون انهم المفروض يتسابقون ويايه -__-
ربيعتي عندها بطة شريرة .. مسمينها T-rex .. على الديناصور :p
كانت دوم تعضهم وتعض اي حيوانات تتقرب منها ..
انا من زمان خاطري في طيور الحب T.T
شفتهم من فترة عند وحده وتخبلت عليهم!!

حسين2:
I wonder how many people ate it O.o

ميموار:
الميرا؟ ههههههههههههههههههه
انزين انتي جربي ربي قطوة .. والله وناسه ×_×

جوجاه:
يحليلهم حرام عليك جنيت عليهم ×_×

ذا ويتر:
واو اكلهم وايد غالي .. ما توقعت ..
بس الكاسكوهات هم الاغلى صح؟
بس خسارة والله .. يعني كان الطير عود وذكي ..
يلا ما عليه ^_^

ومشكورين كلكم على ردودكم وسوري على التأخير ><

[snorlax]

أكره كل الحيوانات ما عدا الأحصنة ..
كان عندنا سمكه وماتت والسبب اننا ما كنا نغيرلها الماي مو فاضيين :o
.. السمك هو الشي الوحيد المسموح يدخل بيتنا ... :31:

[smigle]

بل والله من زمان على هالموضوع



عموماً في نقطة عيبتني من كلامج يا أنجلوهي كما تفظلتي




*cough*

ثريول:

همم يعني في قطر تسمونها بتوه؟





Soooo he is a brother for qatar :ds005: ih ih ih

أشوفه يسألني ذاك اليوم أنا وين أشتغل...



_________________



عموماً خلونا في موضوعنا المهم



Here is he........the ugliest cat ever created in the whole world in the whole history



the ugliest cat the civilization ever knew



http://www.montada.com/attachment.php?attachmentid=219918&stc=1



بالله عليكم تلوموني لو كرهته



شكلي بسوي حركة يدي وبقطه في آخر البلد، على حدود أبو سمره

[Darkness withiN]

-الســلام عليكم ورحمة الله وبركاتــه-
-يامرحبا الساع :: هههههههه حركة الموضوع ثانكس Big sis-

-خخخخ شكلك عديتي القطوة مالتك,عيل Death glare,الله يعين الدكتور شكله تعقد الحين وقاعد يدعي عليكم ههههههه قعدت أضحك ضحك وأنا أتخيل الموقف,لإني حصلت لي مواقف مماثلة سابقاً-

-عيل كابتن سيلفر :p خخخخخخ حرام والله,مآخذه راحته طيران وطراخ براسه وهبوط إظطراري-

--

-بالنسبة لمواقفي مع الحيوانات:بصراحة أنا حالياً أكره الحيوانات بشكل عام وأتضايق منها,يعني ماحب ألمسها ولا أعتني فيها,مخزن وخاش الحنان حق عيالي إن شاء الله :D -

-أذكر من كنت صغير اموت على القطاوه,بس الأهل يرفضون وجودها..خاصةً حصل موقف مع الوالدة سابقاً وهو إن نط لها القطو ببيت عمامي وتعلق بإيدها وسط الظلام XP -
-وأذكر كان عندي متوه وعجيــب,أنا والصيني وخوانه كنا نلعب فيه ونحاول نوكله فلفل عشان يتكلم,المهم بالأخير تعقد الأخ وقعد يضرب راسه بالقفص فتره طويله..كسر بخاطري رحت ألعب فيه وهو بالقفص ..أفره فر..بالأخير إنكسر القفص وطار الأخ<لامؤاخذه وهو صغير كان مجرم :D -

-أما السمك..دايم يموت..يعني مايحتاج أذكره,حتى الطيور الي اتييك ملونه أخضر وأزرق..مره يموتون ومره يتعلمون فتح القفص,المهم لما كبرت صرت أتعقد من هذه الأمور وبصراحة أشوف غلط نحبس حيوان له روح داخل قفص..تعذيب يعتبر..بشوف حكمه شرعاً بوقت ثاني-

-قبل كم شهر يابوا لنا قوم الصيني عصافير رحت طيرتهم :p ,الصيني يربون عندهم عصافير وعندهم حوض كبير حق سمك وسلاحف وأحلى شيئ عندهم الديك ملعون الرقبة أبو سيف خخخخ,دخلنا انا والصيني عند قفص الدياي,ولا الأخ مسويلي عنتر وريّال وشغل الموتر ليذود عن الحمى ويظفر بقلب عبله وإندفع نحونا بيعطينا Back drop kick ..رحت حذفت عليه الصندوق شرد بعد ماكان يبي يضربني وقعدنا نتلاسن<مب صاحيين-

--

-نشوفك على خـير..إحتــرامي وتقدــيري-

[-Cheetah-]

.. السمك هو الشي الوحيد المسموح يدخل بيتنا ... :31:


مشوي؟؟؟؟؟؟؟؟؟ :05:

[Angel whisper]

سنور:

السمج يبغيلهم عناية وتبديل ماي "اذا ما كنت حاط اكسجين" وخرابيط .. صدق الواحد ما يفضالهم .. بس حلوين اشكالهم غبية .. :31:

سميقل:
هيه ثريول قطري
وع .. شو هالقطو .. :02:
والله لاعت جبدي يوم شفته ><
اميه تحسبته ميت :|
هذا كيف عايش وكيف القطاو يحبونه .. يع ><

داركنس:
والله البيطري كرهها على فكرة .. يعني سوت فيه مواقف مب طبيعيه ..
احيده مسمنها النمر الاسود :p
بس لو تشوف شكله واحنا طالعين من العيادة وهو يقول: ازا جبتيها مره ثانييه بدي آضيكي "اذا يبتيها مرة ثانية بقاضيج"
وبعدين خلاث نحن ما نسميها كابتن سيلفر .. الحين اقرع مقيرع .. XD
وكيف تحطون حق المتوه فلفل O.o مجرمين!
عموما احنا ما نحطها في قفصها .. هي بروحها تحبه o.o
يعني طول اليوم يكون مفتوح من فوق .. وهي تيلس فوقه ..
انا بكتب قريب موضوع ثاني وبحط فيه صورتها هي والقطاو وبتعرف شو اقصد ^__^
بس عليكم ديج .. top!

[Doel]

كنت اطرده باني افره باي شي اشوفه جدامي .. فيقوم ويركب عالايدار .. ويسولها بصوته الكريه MEOOOWWW وهي .. Nyuuuuu ..
ما ادري ليش تذكرت المقوله الشهيره ... "صخلة الفريج ما يعجبها الا التيس الغريب" .... or something like that

بس ما شاء الله ... مجرمين ...

من ناحيتي انا ... انا كنت بريئ

في يوم من الأيام كانت عندنا متوه .. كان عمري يومها 6 أو 7 سنين

بدون استرجاع ذكريات .. يكفيكم تعرفون انها شردت لأن اخوي الصغير كان يفرها ببصل هذيك الأيام (يرمي عليها بصل)

he thought it was cool or something

.. الحيوان الأليف الثاني .. كان كلب .. and none other than a German Shepard
... بالعربي كلب بوليسي

نهايته كانت تحت اطارات شاحنة واحد سوري ... طبعا انا اكتشفت النهاية هذي عقب 8 سنين من اختفاءه .. ما أدري ليش ما قلو لي

من هذاك اليوم كل كلاب الأرض تكرهني

بعد شو .. كان عندنا ارانب ... أسماك زينه اختي الصغيره تحطلهم موبايلاتنا في الحوض .. تيسين صغار عمي عطاهم لأخوي الصغير .. Arab's idea of cute animals

على العموم استانست وايد عالموضوع .. للحين يالس اضحك على جرايمكم الفظيعه

(للي يعرفون في الأنمي و الفيديو جيمز ... شاركو في المسابقة اللي انظمها في توقيعي :ds022: )


Doel

[كابتن السفينة]

امم الخنافس الذهبية O.o
هذي صورة لواحد، وهو يعيش في شمال كارولينا بأمريكا:

http://bugguide.net/images/raw/XZBLIZOLMZTL0ZAL6R0HERBLXZ9LMROZ5RCL7ZZH2RALIZWLJL1L4RVL4RSH8RAL6RKH7ZBL2R1L.jpg

وفيه انواع كثيرة وزاهية الالوان مثل هذا الذي يعيش بفيرجينيا بأمريكا:

http://bugguide.net/images/raw/OKKKUKGK9KSKEKRKEKGQO02Q10RKA0KK6K2QWKZKWKRK9K4QO0VQJ01QVKUQLS9QLSXKBKAQRSXK.jpg

أشكالها كأنها غير حقيقية.. لكنها حقيقية..

روعة صح؟.. (= ^_^ =)..

[كابتن السفينة]

امم الخنافس الذهبية O.o

هذي صورة لخنفساء ذهبية.. وهي تعيش في شمال كارولينا بأمريكا :

http://bugguide.net/images/raw/XZBLIZOLMZTL0ZAL6R0HERBLXZ9LMROZ5RCL7ZZH2RALIZWLJL1L4RVL4RSH8RAL6RKH7ZBL2R1L.jpg

وهناك انواع زاهية الالوان مثل هذي اللي تعيش بفيرجينيا بأمريكا:

http://bugguide.net/images/raw/OKKKUKGK9KSKEKRKEKGQO02Q10RKA0KK6K2QWKZKWKRK9K4QO0VQJ01QVKUQLS9QLSXKBKAQRSXK.jpg

كأنها بلاستيكية.. لكنها حقيقية..

روعة صح؟.. (= ^_^ =)..

[Angel whisper]

دويل:
امم يفر المتوه ببصل .. ؟
/me bows before his skills ..
زاده شردت فقيرة :p
على فكرة .. متوتنا متطورة .. تراها ما تاكل غير كرواسون وتفاح وكرز .. تتحدى؟
همم انا الصراحه مادري .. الجلاب ما يدشون مخي .. يعني اوكي اشوفهم من بعيد لبعيد .. بس احسهم جيه وصخين على متوحشين .. مادري كيف ..
وبعدين اشبلاهم التيوس وحليلهم؟ يجننون.. ولا نسيت هايدي وعنزتها؟
وويا توقيعك هذا .. ما خليت حد ما سألته عن الميكا والولد اللي في النص ..

كابتن:
superb o.o
سبحان الله .. اشكالهم صدق مب طبيعيه..

[Mada Mada Dane]

ترا القطاوة حيوانات حقيــــرة ... حقودة ... مصلحجية --------- > حاقد :p