المساعد الشخصي الرقمي

مشاهدة النسخة كاملة : الجهاز و القطع لأهل الخبرة لماذا لايدور الشريط إذا غيرت العدسة ؟؟؟



العبسي
18-07-2005, 10:55 PM
السلام عليكم


لدي بلايستيشن نظام ntsc لا يدور الشريط مع العدسة وإذا غيرت العدسة يبدأ الشريط في الدوران ولكن تسمع للعدسة الثانية صوت قوي (( طقطقة ) وإذا رجعت العدسة الأولى فإنها تضيء ولكن لا يدور الشريط إلا حركة جدا بسيطة


فما السبب يا ترى هل العدسة خربانة أم تحتاج وزنية علما بأنني حاولت وزنها ولكن لا يدور الشريط اطلاقاً


أرجو المساعدة بأسرع وقت ممكن



تحياتي لكم

Frank Jeager
19-07-2005, 05:55 AM
العدسة الاولى خربانة

والثانية ما ادري هل اذا حطيتها يشتغل الشريط او لا؟

العبسي
19-07-2005, 07:52 AM
شكرا أخي على الرد

بالنسبة للعدسة الثانية هي شغالة بس على نظام بال والاولى انتي اس سي

Frank Jeager
19-07-2005, 05:07 PM
العدسة اللي تركب على الجهاز لازم تكون نفس نوعية العدسة الاصلية المحطوطة على الجهاز
هذي الانواع
KHS-400A
KHS-400B
KHS-400C
KHS-400R
SF-HD7

رقم الموديل مكتوب على العدسة نفسها شوف اذا العدسة الثانية مطابقة للاولى يعني عادي تحطها، غير هذا اشتر عدسة جديدة

العبسي
20-07-2005, 01:09 AM
الاولى لا يوجد رقم عليها والثانية يوجد

كيف اعرف موديل العدسة


تحياتي لك

Frank Jeager
20-07-2005, 02:31 AM
الاولى لا يوجد رقم عليها والثانية يوجد

كيف اعرف موديل العدسة


تحياتي لك
مكتوب على العدسة لازم :أفكر:

جونينيو
20-07-2005, 10:00 PM
اخوي مو من العدسه العين
من الي تحدت العدسه ممكن خربانه
واذا انت من السعوديه راح يكلفك التصليح 90 ريال سعودي
ارجو اني اكون افدك
:ciao:

العبسي
21-07-2005, 09:18 AM
اخوي مو من العدسه العين
من الي تحدت العدسه ممكن خربانه
واذا انت من السعوديه راح يكلفك التصليح 90 ريال سعودي
ارجو اني اكون افدك
:ciao:

يا ليت لو توضح أخوي شوي

وبعدين كيف أعرف ان العدسة خربانة أو لا

على فكرة اذا شغلت السوني تولع العدسة يعني ليست خربانة صح والا لا ؟؟؟

Frank Jeager
21-07-2005, 09:24 AM
يا ليت لو توضح أخوي شوي

وبعدين كيف أعرف ان العدسة خربانة أو لا

على فكرة اذا شغلت السوني تولع العدسة يعني ليست خربانة صح والا لا ؟؟؟
هو شنو المشكلة عندك، الجهاز كان يشغل العاب من قبل واللحين ما يشغلها؟ جرب تعديل الطول الموجي يمكن ينفع وياك

العبسي
22-07-2005, 02:04 AM
الجهاز كان شغال اول تمام بس بعدين ما يشغل اي شيء بالمرة والشريط ما يدور ياخذ لفة بسيطة ما تذكر ويوقف والجهاز جديد ما اشتغل كثير ولكن تركته مده طويله لأنه على خط 110 وانا عندي واحد غيره

بس ما ادري ليش ما يشتغل

اللي متأكد منه ان العدسة ماجاها شغل كثير

على فكرة تراني فرفرت بالطول الموجي بس ما نفع


أنا ابغى اعرف الشريط ليش ما يدور وش السبب؟؟؟

هل هذا من الطول الموجي أم ماذا ؟؟؟


يا ليت لو ألقى حل

Frank Jeager
22-07-2005, 02:57 AM
الجهاز كان شغال اول تمام بس بعدين ما يشغل اي شيء بالمرة والشريط ما يدور ياخذ لفة بسيطة ما تذكر ويوقف والجهاز جديد ما اشتغل كثير ولكن تركته مده طويله لأنه على خط 110 وانا عندي واحد غيره

بس ما ادري ليش ما يشتغل

اللي متأكد منه ان العدسة ماجاها شغل كثير

على فكرة تراني فرفرت بالطول الموجي بس ما نفع


أنا ابغى اعرف الشريط ليش ما يدور وش السبب؟؟؟

هل هذا من الطول الموجي أم ماذا ؟؟؟


يا ليت لو ألقى حل
اذا هو كان شغال وتركته ورجعت له ما يشتغل وانت خليته في مكان لا تجيه رطوبة ولا حرارة عالية ولا اجواء غير اعتيادية يعني العدسة صاحية تحتاج تنظيف عن الغبار ممكن فقط ، اما اذا خليته في الحر والرطوبة ممكن انا العدسة تعرضت للضرر واختربت.

العبسي
22-07-2005, 03:19 AM
اذكر إني فكتيه مرة من المرات وركبت العدسة على نظام بال وهو نظام ntsc وبعدها اظن انه ما اشتغل اذا ما خانتني الذاكرة بس تراني لعبت بالطول الموجي وتلخبطت الوزنية

الظاهر مثل ما قلت العدسة خربانة

اتمنى يكون عكس ذلك

Frank Jeager
22-07-2005, 03:34 AM
اذكر إني فكتيه مرة من المرات وركبت العدسة على نظام بال وهو نظام ntsc وبعدها اظن انه ما اشتغل اذا ما خانتني الذاكرة
هذي ما تضر ، قلت لك اذا نفس نوعية العدسة بتشتغل واذا غير ما بتشتغل ، مستحيل تخترب اذا سويت جذي. بسبب ان الكهربة تجي مثلها مثل جهاز ntsc ومثل الاسلاك الباقية ما تتغير، مستحيل اتكون اختربت اذا كان هذا الموضوع فقط، اذا من شي ثاني ممكن.

بس تراني لعبت بالطول الموجي وتلخبطت الوزنية

الظاهر مثل ما قلت العدسة خربانة

اتمنى يكون عكس ذلك

كان لازم تحط لك علامة على وضعية براغي الطول الموجي :blackeye: وترجعه على الوضعية الاولى اذا ما صار شي. بس جرب العدسة على جهاز نفس الموديل اذا تشتغل او لا

العبسي
22-07-2005, 04:27 AM
صراحة ما ادري وش اقول لك أخي Frank Jeager اتعبتك معي والله

المشكلة ان ما عندي جهاز آخر من نفس الموديل

طيب فيه سؤال آخر ليش اذا حطيت عدسة البال على جهاز ntsc يدور الشريط بس تسمع للعدسة طقطقة

وكيف ارجع الطول الموجي الأصلي لها

اعرف اني تعبتك معاي فالسموحة واعذرني لأن الهنود المصلحين عندنا ما يدرون وش السالة بس عدسة خراب صديق لازم غير :)


تحياتي لك

Frank Jeager
22-07-2005, 04:46 AM
صراحة ما ادري وش اقول لك أخي Frank Jeager اتعبتك معي والله

المشكلة ان ما عندي جهاز آخر من نفس الموديل


:blackeye: شوف لك واحد من ربعك عنده عدسة مثل اللي عندك يعني دبرها مو لازم نفس موديل الجهاز، نفس موديل العدسة نفسها



طيب فيه سؤال آخر ليش اذا حطيت عدسة البال على جهاز ntsc يدور الشريط بس تسمع للعدسة طقطقة

لان موديل العدسة الاولى مختلف عن الثانية


وكيف ارجع الطول الموجي الأصلي لها
هو من المفروض انك تحط علامة على المكان الاصلي لها، بس اللحين ما اقدر افيدك في شي عن الطول الموجي لاني ولا مرة عدلت فيه شخصيا ، اسأل اللي عدلو في الطول الموجي، في موضوع بالمنتدى هني لـmsm تحصله مكتوب فيه كيفية تعديل الطول الموجي، حاول تسأل المراقب او الاعضاء بذاك الموضوع يمكن يقدرون ينفعونك بشي لان هذا البرغي اللي يتحكم في الطول الموجي حساس جدا وعلى كلامك انت فرفرت فيه "يعني عفسته عفاس" :afraid: واذا ضاقت بك الدنيا ما لك اللا google تبحث فيه عن طريقة التعديل


اعرف اني تعبتك معاي فالسموحة واعذرني لأن الهنود المصلحين عندنا ما يدرون وش السالة بس عدسة خراب صديق لازم غير :)

تحياتي لك

مدام عندك المنتدى باعضائه وبمراقبينه ومهندسينه ما تحتاج هنود الله يهداك بس :09:

Frank Jeager
22-07-2005, 04:53 AM
بس انت تقول اذا حطيت عدسة الـpal على الـntsc يطلع صوت قوي، هل انت حطيت العدسة لوحدها؟ يعني ما بدلت صندوق العدسة؟ :أفكر:

العبسي
22-07-2005, 06:15 AM
وش قصدك بصندوق العدسة ؟؟؟؟

قصدك اللي يركب فيه الشريط

طبعا لا

فكيت العدسة بس طلعت العدسة وذلك بفك المسمارين اللي ماسكات الحديدة اللي على اليمين واليسار وركبتها في الجهاز الثاني