The Power Of "Why Not

[smigle]

بسم الله الرحمن الرحيم والصلاة والسلام على أشرف المرسلين

السلام عليكم ورحمة الله وبركاته



موضوعي اليوم يا أعضاء يا حلوين

حلو===> ما يمدح المال الا أصحابه
طويل===> كيفي، المنتدى فاضب هاليومين وما فيه مواضيع وايد

ممكن يكون معقد بالنسبه للبعض شوي

بس أهم شي: مفيد

الموضوع هو عن خيار (I mean choise) ممكن أنه يمر عليك في حياتك

هذا الخيار، يأتيك من غير ما تكون حاسب حسابه

بس في نفس الوقت يترتب عليه "ألتزام" أو بلغة الفرنجة "commitment" (معظمنا يخاف من هالكلمه) بالأضافه أن نتائجه ممكن أنها تكون بعيده

أو مش من أولويات أهتماماتك :hmmmm:

أو نظرة الناس لها على أنها شي غريب أو سخيف أو ما في منه فايده:secruity:

أو أو أو....

الأهم هو... هل لديك القدره على أتخاذ القرار و الألتزام بالقرار وأن ترفع كتفيك وتقول

لما لا
ليش لأ
?را نه
Why not

___________________________________

من حوالي شهر تقريباً

وقفت بسيارتي وتأملت هالمنظر... ما تتصورون شكثر كرهته

قبيح بمعنى الكلمه

http://i5.photobucket.com/albums/y180/qa_spirit/Montada/lann.jpg

كل ما أمر من هالبوابه أحس أني رجعت لعصر السبعينات أو حتى الستينات.

وأنا واقف بسيارتي أختلطت المشاعر في بالي

فرحان؟؟؟ أكيد لازم أفرح لأني أنتظرت هاليوم من زمان.
--
حزين؟؟؟ لازم أحزن لأني راح أفارق زملائي في الفصل والمدرسين كلهم
--
مرتاح؟؟؟ لازم أرتاح لأنها كانت ثلاث فصول من المعاناه وحرقة القلب ذقناها من أداره فاشله بمعنى
الكلمه



دخلت بسيارتي داخل ساحة المعهد المتهالك



http://i5.photobucket.com/albums/y180/qa_spirit/Montada/las.jpg

الساحة مغطاة عشوائياً بأسفلت عانى من دورانعجلة الزمن عليه
وعانت من الدوران عليه عجلات السيارات


حسيت بسيارتي تمشي بتكبر بين باقيالسيارات، ما ألومها فهذا آخر يوم تدخل فيه هذا المكان



نزلت، مشيت بأتجاه مكاتب الأداره،لطالما كرهت هذا المبنى البشع اللي ما يصلحغير أنه يكون مبنى سجن مركزي لذوي الجرائم الخطيره

http://i5.photobucket.com/albums/y180/qa_spirit/Montada/lace.jpg

أنا أعتقد أن رسوم المباني اللي في عدنانولينا استلهمت من هالخرسانه الأسمنتية







دخلت مكتب المدير اللي سلم لي أياها.

بالضبط مثل ما تخيلتها...كشكل مش كتقدير ومش كتخصص لغوي

http://i5.photobucket.com/albums/y180/qa_spirit/Montada/cercer.jpg

مسكتها بين يديني

فجأةً لحظتها رجعت بي الذاكرة للخلف

فلوب فلوب لوب لوب لوب======> يا بلفيت مؤثرات صوتيه







في نفس المكان، في غير الزمان (تراها أغنيه من أحلى أغاني الفنانه آمال ماهر




في غرفة مدير معهد اللغات ومن ثلاث سنوات بالضبط صار هذا الموقف اللي بقصه عليكم

دخل ولد عرظ من الشارع على المدير ودار هذا الحوار الظريف

الولد: السلام عليكم ،حضرتك مدير المعهد؟

المدير(كان يقرأ ورقه وسوى هالشكل بالضبط :cool2: : نعم تفضل، ومن تكون حضرتك

الولد: أنا سميجل، وأبي أتعلم فرنسي عندكم

المدير أنعجب بثقة سميجل وقال: أوكي مافي مشكلة






سميجل قال في سره بكل حماس مثل ما تقول "العمة نور": يسسسسسسس



المدير: وأنت سميجل وين شغال، وهل جبت معاك كتاب موافقة من أدارة العمل عندكم



سميجل قال في سره بكل غضب مثل ما يقول ناروتو
Kusssuuu :vereymad:
(يعني تباً بالياباني)


سميجل: أنا في الوقت الحالي طالب في الجامعه ومش موضف :surprised ب

المدير: بس أحنا معهد حكومي وما ندرس غير موضفين الدوله، ولازم تكون موضف وعندك رقم وضيفي و بلا بلا بلا

سميجل (بعد ما تنتف ريشه): ما عندي مشكله لو أدفع لكم فلوس بس أنا باقي لي سنه وأتخرج

المدير: آسف بس هذي هي الشروط......لكن

سميجل حس أن روحه رجعت فيه: لكن شنو===> أستانس الولد على باله كسر خاطر المدير وبيدخله الكلاس

المدير: في فصل واحد بس تقدر تدخله، وهو مفتوح لعامه الشعب، الطالب وربة المنزل والفراش

سميجل بدون تردد: أوكي ما في مشكله متى الدوام؟

المدير: ليش أنت عرفت شنهو التخصصل؟

سميجل بأستغراب: هااا؟؟؟ ليش مب فرنسي؟؟؟

المدير(بكل خبث):لأ لغه ثانيه

فكر سميجل في سره وقال (شنهو غير الفرنسي؟؟؟ ألماني، أيطالي، مكسيكي)ب

سميجل::o مب مشكله أي لغه بدخلها ، أيش هو الفصل

المدير: فارسي

سميجل ردت فيه الروح من جديد و قال في سره( هالأخ يستهبل:ds013: توه يقول لي مب كلاس فرنسي، والحين يقول فرنسي) ب

سميجل: أوكي أنا قلت لك أبي أتعلم فرنسي

المدير( قالها وكأنه يشتم): قلت لك مب فرنسي، الكلاسفارسي يعني عيمي يعني ?راشی يعني أيراني


كانت آثار الصدمه واضحةً على وجه سميجل:jap026:

مرت فترت صمت بعد أن تلفظ المدير بهذه الكلمات، سرح سميجل، كانت عينا سارحتان وباله في عالم آخر وكأن الكلمات اللتي قالها المدير قد أوقضت ذكرى قديمه في بال سميجل

[smigle]

_______________________________
فلوب فلوب لوب لوب لوب======> يا بلفيت مؤثرات صوتيه



تبدأ قصتنا يا أخوان


أحدى عشر سنةً قبل الآن


http://i5.photobucket.com/albums/y180/qa_spirit/Montada/blackwhite.jpg

كان هنالك أخوان


في اللون يختلفان


أحداهما أبيض، والثاني ملحان


كان الأملح يُلقب بقط الفرجان


وكان يُلقِبُ أخاه بصلخ ايران


سأل الأبيض أخاه: ما معنى صلخ أيران


جاوبه الأملح: يعني ولد العيم وبلوشستان


أستغرب الأبيض وقال: وهل كل أبيض يلقب بهذا اللقب يا فلان؟


قال الأملح: لا ولكن أنظر لهاتان اليدان


بالرغم من أننا أخوان


يداي سمراوتان على لون بلدي ويداك بيضائتان على لون أصفهان


سكت الأبيض ......سرح......وقال: هل هذا يعني أني من ذاك المكان؟


قال لأسمر: كلا يا أهبل، لا تطلق لخيالك العنان


قال الأبيض: لكن عندي أحساس بشيئ يربطني بذلك المكان


سكت الأملح.....وقال: وحده هو الذي يخبرنا ما هي صلتك بأيران


سأل الأبيض: من، هل تقصد الأبوان


جاوبه الأسمر: الزمان، الزمان

_________________________________

(CUT CUT CUT)

Back to the Future





فلوب فلوب لوب لوب لوب======> يا بلفيت مؤثرات صوتيه



نرجع لغرفة المدير لما قال المدير لسميجل أنه ما يقدر يتعلم غيرالفارسي








سميجل حس بالصدمه وقال في سره:ds021: : معقوله هل كان هذا قصد أخوي لما كان يعيب علي ويقول لي يالأيراني و أن الزمان راح يقرر صلتي بهالبلد



بس لحظه لحظه، هو أيش راح يقول لوقلت له أني بتعلم أيراني:ds001:؟؟؟
أيش راح يقولون أهلي؟؟؟
ربعي،:ds005: ولكل




المدير : ها أيش فيك ساكت؟؟؟ تبي تتعلم ولا لأ؟؟؟


قال سميجل لنفسه: بس عموماً أنا أحب أتعلم اللغات، وما عندي مشكله فيها
بس أيراني؟؟؟!!!! خلصت اللغات يعني
عموماً هي كلها مضيعة وقت، لين ما أتخرج وبعدين بتوظف وبأدرس فرنسي غصب عنه
وخل الفارسي له ولمعهده هالمتحف


المدير: أيش قررت



أبتسم سميجل....رفع كتفينه وقال الكلمه













:ds015: : Why Not













_________________________________

(CUT CUT CUT)



Back to the Future





فلوب فلوب لوب لوب لوب======> يا بلفيت مؤثرات صوتيه



نرجع للوقت الحاظر، وأنا في غرفة المدير ومستلم شهادة التخرج بعد ما خلصت المستوى السادس

تبون الصراحة
تذكرت اللحظه اللي كنت بقرر فيها أدخل الفارسي أو لأ
لو أني أستسلمت لِمخاوفي وحسيت بلأحراج وما دخلت
هل كنت بكون واقف هالوقفه وبأمسك الشهاده؟









قريتوا موضوع القدير


Dream
عن
Time paradox







http://www.montada.com/showthread.php?t=391798









طبعاً لو أني قلت لأ ما كنت بأنجز شي من اللي أنجزته


=================================================

زبدة الموضوع


موضوعي هو مش عباره عن تفاخر أو تباهي بأنجاز أنجزته، هو فكره حبيت أني أوصلها للكل


هل فكرت أن قرار ممكن أنك تحسه غبي أو ما له داعي راح يوصلك لشي تحبه أو تطمح له


هل فكرت أنك تقول
Why not
لخيار تحس أنه راح يحرجك أمام الغير، طبعاً ما ننسى ربعنا ال
Aِnti shee3i


أنا بالنسبه لي، في البدايه مثل ما قريتوا، فكرت أني بتسلى فصل أو فصلين وراح أغير التخصص لما أتوظف، بس بعد ما حسيت أني قطعت طريق وحبيت اللغة، قلت لازم أخلص


والحمد لله


لا تخاف أو تتردد أنك تاخذ قرار في موضوع أنت تحس أنك تحبه أو مجال أنت قادر أنك تنجز، وتبدع، وتبتكر فيه لأن نظرة الناس لك راح تكون مش مريحة

(بس طبعاً يكون شي في الحد المعقول يعني أنا ما أقول لك روح غني أو أشتغل في بار لا سمح الله ،لأنك تحب والناس ما تحب هالشي)


The Whole Idea is


Belive in your self and don't be afraid to make a decision, because your future is counting on you at that moment of making a decision


أعتذر على الأطاله

والسلام عليكم ورحمة الله وبركاته

[smigle]

معليش أعتذر من الجميع على عدم الترتيب في النص

بس كله من خيار (تحرير النص)

لأنه هو في الأصل (تخريب النص)

[Anima]

مشالله عليك

قصتك الصراحة مره حلوه

وعقبال انشالله اللغة الفرنسية :D

ومشكور على الموضوع

[كابتن السفينة]

السلام عليكم..^ ^

شجعني باتخاذ القرارات..

عجبني موضوعك كثير.. وخصوصا المؤثرات الصوتية.. :09:

وحلوة القافية في المحادثة بين الاخوان..

شكرا على الموضوع يا فنان.. (= ^_^ =)..

[Deadly Spot]

ايكسلنتوا في اللغة الفارسية :11:
ماشاء الله احسدك على امتلاكك ثلاث لغات the trilingual smigle
اتوقع انك الطفل البني واخوك الابيضاني
الصراحة قصتك جميلة وجعلت لي دافع اكبر اني ادخل معهد لغات واتعلم لي كم لغة why not
بما اني فاضي swahili here i come

& thx for the inspiration

[smigle]

قصتك الصراحة مره حلوه

وعقبال انشالله اللغة الفرنسية :D

ومشكور على الموضوع

مشكور حبيبي، وأشكرك على مرورك
في الوقت الحالي أفكر في (الأوردو):jap030:

وحياك الله




شجعني باتخاذ القرارات..

عجبني موضوعك كثير.. وخصوصا المؤثرات الصوتية.. :09:

وحلوة القافية في المحادثة بين الاخوان..

شكرا على الموضوع يا فنان.. (= ^_^ =)..

أهلاً أهلاَ بالقبطان
جاء إلينا من عمان
_____

أسعدني وايد أن موضوعي قدر يشجعك، وترى الحياه كلها عباره عن أتخاذ قرارات
الأهم أنك تؤمن بأن القرار اللي تاخذه هواللي راح يوصلك أنك تكون الشخص اللي تحلم تكون هو
طبعاّ مع الأخذ بالأعتبار رضى الله عز وجل وأنك تكون واثق من نيتك

وحياك الله



ماشاء الله احسدك على امتلاكك ثلاث لغات the trilingual smigle
اتوقع انك الطفل البني واخوك الابيضاني
الصراحة قصتك جميلة وجعلت لي دافع اكبر اني ادخل معهد لغات واتعلم لي كم لغة why not
بما اني فاضي swahili here i come

& thx for the inspiration

يا مرحبا بالنقطة المميته
yeah yeah you can envy my "now I can call my self a multi language man"
ما شاء الله علي تلفزيون:09:

بس للأسف، أنا الولد الأبيضاني اللي كأنه :ds010:

عموماً شي حلو ان القصه عطتك دافع أنك تقدم على خطوه مثل هذي
بالضبط Why not, at the end you have got nothing to lose

وعلى فكره أعرف صديق نرويجي تعلم السواحيليه ويمووووت عليها
سؤال يطرح نفسه: أنت من عمان؟؟؟

عموماً أحب أشكر الجميع على ردودهم

And I am always happy to inspire

:ds018: تصويت ياللي هناااااااك

[احلامو ادوماتو]

فلوبات ومعاناة وماني عارف أيش و آخرتها فارسي :bigeyes:

بس قصيدتك العصماء عن سالفتك انت و اخوك تووووووحفه :D

وبالبركة اللغة و عقبال الفرنسي :biggthump

طيب قولي الحين وش فادتك هالفارسي :أفكر:

بعدين الواحد ما يقول why not والسلام ...

لازم يفكر أيش التأثيرات الممكنة على مستقبله قرارات مثل كذا :أفكر:

انت قرارك كان مجرد لغة اضافية لا اكثر وعندك وقت الفراغ والفرنسي ما كانت حاجة و الفارسية مو مضرة ...

المشكلة في القرارات المصيرية ...

وما فيه تصويت :09:

[Rory]

ههههههههههه ما شاء الله عليك سميجل اسلوبك في الكتابة حلو و ممتع :D
وهيه ليش لأ .. المفروض الواحد يتخذ قراراته عن قناعته الشخصية ومب كيف نظرة الناس بتكون له .. طبعا بحدود مثل ما قلت .. :33:

موضوع inspiring
مشكور سميجل ..

[Yamato]

شتوري آغا سميغل..

عيل خلصت تعلم اللغة الفارسية.. مبرووك يا بني..

دش لك عالياباني..

والله انا من زمان مخطط اني اتعلم لغتين.. الياباني والفرنسي.. بس ان شاء الله اقدر احصل فيهم على ممتاز مثلك يا ممتاز آغا..

مؤثراتك رائعة الصراحة.. احلى شي الكت.. باك تو فيوتشر.. هاع..

بالتوفيق يا فتى..

بالنسبة لكرونو وسؤاله عن ايش بتفيده اللغة.. انا اقولك يا حلو..

اول شي.. اذا حب يسير ايران او افغانستان يقدر يرمسهم عالاقل.. -__-

وثاني شي.. في الشغل.. انك تدش مثلا في مكان وانت عندك لغة محد غيرك يعرفها بتفيدك.. ياخي يمكن يخلونه مثل مترجم بين شركته وبين شركة فارسية لانه عارف لغتهم.. والحين لو اتعلم فرنسي.. نفس الشي كمان.. ويمكن لو كانت عندهم شغلة مهمة في ايران ليش ما يطرشونه كصلة وصل بين الطرفين..

ما في شي من دون فايدة...


بنصوت علشان ما تزعل.. هااع..

[asf4ever]

ههههههههه
يا فظيع يا سميجل موضوعك ووصفك ومؤثراتك كلها تووحفة
بس بسألك..
إنت بعد ما تعلمت الفارسية بطلت عن الفرنسية ولا بعد بتتعلمها؟؟
ياخي شي حلو إنك تعرف لغة كاملة وتفهما بغض النظر عن اللغة ومدى إستفادتك منها


أعتذر على الأطاله

والسلام عليكم ورحمة الله وبركاته

المفروض تعتذر على تقصير الموضوع ترى أسلوبك خلاه ممتع
وعليكم السلام ورحمة الله وبركاته^^

[NsaN]

هلو هلو..يا مسهلو..

ان هب ملعوزني بحياتي غير الـWhy Not..كل شي عندي Why Not :boggled:

*لحظة بشوف الفانتا و البيبسى بردوا و لا لأ!*

.
.
.
.

*احلى شي يوم تكون عطشااااان..و تشرب مشروب غازي بااااااارد..و تحس به يقرقر*

المهم..الموضوع حلو <<< قول والله بس :31:

لا جد..بس والله فيه رقاااااااااااد..و ما قدرت اقرى الموضوع بدون ما ارد..

بالتوفيق فباقي اللغات و عقبالنا يا رب..
انا بشوف كليتنا..ان فتحوا كورس ايطالي هالسنة احتمال ادشه..بس كان خاطري امستر الفرنسي قبل -_________-..

يعطيك العافية سميجل و اسمحلنا عالقصور..

[The-waiter]

مشكور اخوي على الموضوع الحلو

[Lena]

WoW a smigle's thread i can't resist replaying - -

though i'm sooooo busy with the tiwns
(home alone with'em)

لكن عليك موضوع قمة

اكثر ماعجبني اسلوبك ..اسلوبك مبين طريقة تفكيرك..عميق وتربط احداث باحداث

a deep thinker مشالله نايس :ds017:

وبصراحه علطول عرفت انك الابيضاني هههههههههه تشبه شكلك وانت كبير واضح XD

اولا قبل كل شي مبروووووك مشالله عليك المستوى السادس؟! حلو كذا ربي يحفظك..وناسه والله تميز الانسان يكون عنده لغه غير...ابي فرنسي امنيييييييه :jap053:


ثانيا : فعلا منطقك صح وانا معك وانا عشت هالكلام الي تقوله
اذكر دخولي لقسم الحاسب القسم الي ادرسه بكبره كان فيه شبه لطريقه دخولك للمعهد هذا
اذكر كنت اوعوع فيه واقول مستحيل ادخل ذا القرف والالات انا اخر عمري ادرس آله غبيه؟!!

يوم رحت اسجل قالوا نسبتك عاليه ترشح لدخولك للقسم تبينه؟ ترا كلن يطاقق عليه

شجعتني امي ....وقلت يلا وش نسوي مافيه شي احسن :jap035:
والحين يوم دخلته والحمدلله السنه الجايه سنه التخرج ماندمت ابد ابد والحمدلله كان ربي خالقني لذا القسم سبحانه حبيته ولبق معاي ولبق مع طريقه تفكيري الحمدلله

فعلا سبحان الله الانسان يحاول ولا يدري وين الخير فيه؟


ربي يوفقك ويكتب لك الخير ياخوفي بس تكلمها وتاخذ بنت فارسيه :jap031: هههههههههه

يلا مع السلامه وربي يكتب لك الخير

P.S:
من جد عشت الفليب فلوب والاحداث هههههههههههXD

[hussien-11]

موضوع رائع عزيزي سميجل ، الحمد لله اني كملته للاخر و لا كان ما قرأت العبرة :09:

ممم ، شوف كلامك صحيح ، لكن تطبيقه مو سهل دائما ... و ديننا علمنا أن لا نكره شيئا ، لانه قد يكون خيرا لنا أليس كذلك ؟ ;)

[Van Fanel]

ماشاء الله سميقل .. من كثر العمق بالاسلوب تصورت اني اشوف فلم .. :D



وعالبركه على اللغه الفارسيه..

( غريبه التسهيلات لتعلم هاللغه عن غيرها عندكم ) ؟


بالنسبه لل y not :p اخر مره قلتها حصلت نفسي راكب بجمس عليه شعار مع الابواب :31:

مساله ان الواحد يدخل المجال الي يبيه ( للاسف ) انا بالمجال الطبي ( رغبه الاهل ) ومابيه خير شر وللاسف فيني إكتئاب من الدراسه ...

صعبه مووت والوقت صار ضيق بشكل غريب .. والنفسيه تعبانه :sad2:

ماتصدقون اني كنت ابي اصير ميكانيكي ( ماادري ليه الظاهر ماريو له دور ) ..


عموما تسلم على الموضوع...وعقبال اللغه الهيدروفوبيكيه .. :09:

[Jonger]

بصراحة الموضوع ممتاز (و لا تزعل راح اصوت لك الحين)

و اسلوب الكتابة ذكرني بكتاب Sean Covey
The 7 Habits of Highly EffictiveTeens
مو متأكد من السبيلينغ بس الأسم أكيد صح

المهم الكتاب ممتاز و فيه شوية من سالفة الـWhy Not يعني إذا ما قريته انصحك تقراه
(تأكد إنك تاخذه إنجليزي لأن احسن العربي بايخ و ممل- تلقاه في اقرب مكتبة جرير(
بالنسبة لي فأنا غسلت يدي من حاجه اسمها Why Not خلاااااااص ما صرت إلا استخدم Not
لأن أخر مرة قلت Why Not علقت في البرية خمس ساعات مع ناس يرفعون الضغط :bigeyes:

المهم راح اصوت لك الحين قبل لا أنسى و إلى الأمام

[MeMoirs]

هههههههه .. قصتك حلوة .. و الأحلى هذي :D ..


كان هنالك أخوان


في اللون يختلفان


أحداهما أبيض، والثاني ملحان


كان الأملح يُلقب بقط الفرجان


وكان يُلقِبُ أخاه بصلخ ايران


سأل الأبيض أخاه: ما معنى صلخ أيران


جاوبه الأملح: يعني ولد العيم وبلوشستان


أستغرب الأبيض وقال: وهل كل أبيض يلقب بهذا اللقب يا فلان؟


قال الأملح: لا ولكن أنظر لهاتان اليدان


بالرغم من أننا أخوان


يداي سمراوتان على لون بلدي ويداك بيضائتان على لون أصفهان


سكت الأبيض ......سرح......وقال: هل هذا يعني أني من ذاك المكان؟


قال لأسمر: كلا يا أهبل، لا تطلق لخيالك العنان


قال الأبيض: لكن عندي أحساس بشيئ يربطني بذلك المكان


سكت الأملح.....وقال: وحده هو الذي يخبرنا ما هي صلتك بأيران


سأل الأبيض: من، هل تقصد الأبوان


جاوبه الأسمر: الزمان، الزمان



يلا .. خلصت الفارسية .. وعقبال الفرنسية ;) ..

بس سؤال .. وش أستفدت من الفارسية :) ؟؟

[smigle]

فلوبات ومعاناة وماني عارف أيش و آخرتها فارسي :bigeyes:



طيب قولي الحين وش فادتك هالفارسي :أفكر:







حياك الله أخوي، أسعدني ردك وايد وشي حلو أن الموضوع عيبك



سؤالك وايد حلو ووااااااااايد أنسأل نفس السؤال (أيش فادتني هاللغة)



أقول لك: 1- قضيت ثلاث سنوات أتعلم شي أحبه

2- قابلت أصدقاء وايد محترمين (في معهد اللغات)

3- سافرت أيران ودرست 45 يوم في جامعه هناك وسكنت في سكن الطلاب مع ناس ما أعرفهم

بس أتضح أني كنت مع أعز أصدقاء عمري اللي ما كنت أتخيل أني بقابلهم

أصدقاء من (أرمينيا، النرويج، لبنان، اليابان، صربيا، تركيا، جورجيا، اليمن)

4- أنا فضلت الفارسي على الفرنسي لأنها لغة بأقدر أستخدمها في بلدي، سواء في الدكان أو السوق أو المطعم (لا وأقدر اشتري بأحسن الأسعار لأنهم يحسبوني واحد منهم "الله يخلي الشكل") أو أو، لكن تعال وقول لي وين بأقدر أتكلم فرنسي هني؟؟؟

5- من تعلم لغة قومٍ أمن مكرهم






بعدين الواحد ما يقول why not والسلام ...

لازم يفكر أيش التأثيرات الممكنة على مستقبله قرارات مثل كذا :أفكر:

المشكلة في القرارات المصيرية ...





أكيد أخوي الواحد ما يقول why not والسلام وأكيد الواحد لازم يفكر في العواقب

أنا الفكره اللي حبيت أوصلها أن لو كان أمامك قرار لازم تتخذه وفيه فايده لك ((وما في من وراه خسائر)) بس العوائق هي أشياء نفسيه أو مجرد عجز منك لأنك مب فاضي أو أو أو ليش ما تكون قوي وتقول why not ؟؟ وبس










وما فيه تصويت :09:



كفايه زيارتك، نورت الموضوع



:flute:



http://i5.photobucket.com/albums/y180/qa_spirit/Montada/vote.jpg



Yes Yes Yes Keep it comming keep it comming



سؤال لو سمحتو؟؟؟ أيش معنى القواطي الل ما لها لون؟؟؟

[smigle]

Rory Rory.........نورتي الموضوع وأسعني أن وحده قارئه مثلك عجبها موضوعي المتواضع

وأنشاء الله القادم يكون أحلى ;)



شتوري آغا سميغل..


خوبم سلامتي...حالت شتور أست آقاي ياماتو





عيل خلصت تعلم اللغة الفارسية.. مبرووك يا بني..

دش لك عالياباني..


الله يبارك فيك حبيبي، ترى أحساس حلو أنك تحس أنك أنجزت شي في حياتك

والله أنا ناوي على الأوردو لأني لو تعلمتها بتكلمها كل يوم

أنا أبي أتعلم لغه أقدر أني أمارسها والأوردو لو تعلمته بأتكلم مع الهنود والباكستانيين وحتى بعض الأيرانيين يفهمونها

تبي الصراحة شي يفشل أن أحنا عشنا كل حياتنا محاوطين بالهنود وما نعرف كلمه وحده



والله انا من زمان مخطط اني اتعلم لغتين.. الياباني والفرنسي.. بس ان شاء الله اقدر احصل فيهم على ممتاز مثلك يا ممتاز آغا..


يالله ليش لأ، ترى الفرنسي متوفر في معاهد وايد

على فكره أنا درست فرنسي كماده أختياريه في الجامعه، تراها لغه حلوه ومعقده أكثر من الأنجليزي




مؤثراتك رائعة الصراحة.. احلى شي الكت.. باك تو فيوتشر.. هاع..

بالتوفيق يا فتى..


شي حلو أنها عيبتك، تدري عاد الموضوع طيح يدي، قاعد أكتبه من الساعه 12 لين 4



ما في شي من دون فايدة...
بنصوت علشان ما تزعل.. هااع..

Well said my friend, and thank you for the can of 7up;)

[smigle]

ههههههههه
يا فظيع يا سميجل موضوعك ووصفك ومؤثراتك كلها تووحفة


يا مرحبا بمن حبا ودبا وركب القليلبا و أهل دبا .....أنت شو تبا؟؟؟
أتحفني وجودك ،احرجتني بكلماتك الحلوه


بس بسألك..
إنت بعد ما تعلمت الفارسية بطلت عن الفرنسية ولا بعد بتتعلمها؟؟


لا والله ودي أتعلم فرنسي، بس في الوقت الحالي قاعد أدور لي أوردو، إذا ما حصلت، بأدرس فرنسي
(ان شاء الله)




ياخي شي حلو إنك تعرف لغة كاملة وتفهما بغض النظر عن اللغة ومدى إستفادتك منها


بالضبط، يا أخي ما تتصور أشلون تعامل الناس يتغير معاك لو بس قلت لهم (شكراً) بغلتهم
جرب بس تدخل مطعم وقول حق الفلبيني ( Magandan Gabe, comos taka) وشوف أشلون راح يردون عليك ويعاملونك، حتى أنهم ما راح ينسونك لو يتهم مره ثانيه


المفروض تعتذر على تقصير الموضوع ترى أسلوبك خلاه ممتع
وعليكم السلام ورحمة الله وبركاته^^

الممتع هو ردك أخوي، وسلم لي على جارك ياماتو....

[smigle]

هلو هلو..يا مسهلو..

ان هب ملعوزني بحياتي غير الـWhy Not..كل شي عندي Why Not :boggled:


يا هلا هلا ومسهلا...

لا لا لا...مب كل شي يمشي بالwhy not يا حبيبي
شوف أخوي....في مواقف لازم يكون فيها السؤال Why
وفي مواقف ثانيه يكون فيها السؤال هو why not
من يحدد السؤال؟؟؟؟
1- ضميرك و موقفك أمام الخالق
2-العواقب (سواء كلنت فوائد أو خسائر)
3- نظرتك الشخصيه لنفسك بعد هالأنجاز هل راح تكبر أو تصغر



*لحظة بشوف الفانتا و البيبسى بردوا و لا لأ!*

.
.
.
.

خذ راحتك حبيبي


*احلى شي يوم تكون عطشااااان..و تشرب مشروب غازي بااااااارد..و تحس به يقرقر*


عافيه في جبدك


المهم..الموضوع حلو <<< قول والله بس :31:

لا جد..بس والله فيه رقاااااااااااد..و ما قدرت اقرى الموضوع بدون ما ارد..

تصدق عاد أنا نفسي مب مصدق أنه حلو....:bigeyes:
خذ راحتك وأنت تقرأ الموضوع أهم شي أني أقدر أفيدك ان شاء الله



بالتوفيق فباقي اللغات و عقبالنا يا رب..
انا بشوف كليتنا..ان فتحوا كورس ايطالي هالسنة احتمال ادشه..بس كان خاطري امستر الفرنسي قبل -_________-..

يعطيك العافية سميجل و اسمحلنا عالقصور..
الله يوفقك ان شاء الله
وبالتوفيق مع الأيطالي.....أو الفرنسي أهم شي أنك تغرد يا عصفور-----بلبل أيطالي وفرنسي



يعطيك العافية سميجل و اسمحلنا عالقصور..

ما به قصور يا مستر عصفور

[Da S.O.S]

يا شيييييييخ اطلق شئ القصيده... بس فله منجد .. بس زي ما قلت يبغا لك تفكر بالاوردو بعد :09:
انت ايهم سميقل؟ الاسمراني؟
ويالله عقبال الفرنسي ان شاء الله.. بس ما قلت كيف كانت دراستك للغه؟.. صعبه؟ سهله؟
لو تقدر تعطينا نبذه عنها ولو بموضوع مستقل يكون ممتاز ^_^..
وكثر لنا من الفلوبز :09:
فله موضوعك

[ثريول]

موضوع رائع بمعنى الكلمة, (تصلح مخرج بيني وبينك) :11: :

بالنسبة لمعهد اللغات, أخالفك في استهزائك بالمبنى, أنا أشوف أنه شكله يوحي لك بأنه مدرسة بمعنى الكلمة, فيها طلاب علم "يتتلمذون" تحت يد آية الله أبومعطي الفراهيدي, خاصة إذا قال جملته المشهورة: مين الكلب إبن الكلب اللي حدف الطبشووور؟. مع هذه الجملة, ومع الأمطار اللي تبلل الممر, وصوت المشرف يلعلع في الممر: ياولد ! تعااال هنيه !, ليسعفه بضربتين تدل على أنه جلاد مب مشرف اجتماعي يحل المشاكل النفسيّة للطلاب المساكين.. أقول مع هذا كلّه, تشعر بعبق العلم والعلماء وطلّاب العلم يسري في الجدران الخضراء والزرقاء وأحياناً –كمعهدك المصون- البرتقاليّة المصفرَّة! الله يرحم أيام زهدي أبو عفيفة وشلّة الأنس من المدرسين المنسمين.

وعن موضوع "Why not" أقدر أقول أن الواي نوت مب دائماً تكون حل شجاع وذكي, ياما قلنا واي نوت وابتلشنا (._.) .


تحيّاتي,,,

[smigle]

السلام عليكم جميعاً

ما شاء الله الردود وايد، أتمنى أني ما أتأخر في الرد عليهم
...

..

.

تفظل يا يمه


مشكور اخوي على الموضوع الحلو

حياك الله

...

..

.

يا مرحبا تفظلي يمه


WoW a smigle's thread i can't resist replaying - -

though i'm sooooo busy with the tiwns
(home alone with'em)

لكن عليك موضوع قمة


Can you believe it, even I cant resist replying my own thread :09:
مشكوره على المدح ماقصرتي ، والله يعين? على التوأم


اكثر ماعجبني اسلوبك ..اسلوبك مبين طريقة تفكيرك..عميق وتربط احداث باحداث


مشكوره وما قصرتي


WoW a smigle's thread i can't resist replaying - -

though i'm sooooo busy with the tiwns
(home alone with'em)

لكن عليك موضوع قمة

اكثر ماعجبني اسلوبك ..اسلوبك مبين طريقة تفكيرك..عميق وتربط احداث باحداث

a deep thinker مشالله نايس :ds017:


بعد مشكوره...ممكن ندخل في الموضوع


وبصراحه علطول عرفت انك الابيضاني هههههههههه تشبه شكلك وانت كبير واضح XD

اولا قبل كل شي مبروووووك مشالله عليك المستوى السادس؟! حلو كذا ربي يحفظك..وناسه والله تميز الانسان يكون عنده لغه غير...ابي فرنسي امنيييييييه :jap053:


الله يبارك فيج،....أنا ما أدري ليش كل البنات كلهم كلهم ما يبون غير الفرنسي...جربو أوردو!!!


والحين يوم دخلته والحمدلله السنه الجايه سنه التخرج ماندمت ابد ابد والحمدلله كان ربي خالقني لذا القسم سبحانه حبيته ولبق معاي ولبق مع طريقه تفكيري الحمدلله

فعلا سبحان الله الانسان يحاول ولا يدري وين الخير فيه؟



بالضبط، ترى دايماً الواحد ما يعرف وين الله كاتبله الرزق والتوفيق

وعسى أن تكرهوا شيئاً وهو خير لكم


ربي يوفقك ويكتب لك الخير ياخوفي بس تكلمها وتاخذ بنت فارسيه :jap031:
الكل يقول لي نفس الكلمه -_-. ما أدري ليش رابطين هاللغ بالذات مع الزواج، يعني لو تعلمت أوردو بيقولون لي يا خوفنا تتزوج هنديه؟؟؟



من جد عشت الفليب فلوب والاحداث هههههههههههXD

Thats my job my dear friend....

[smigle]

موضوع رائع عزيزي سميجل ، الحمد لله اني كملته للاخر و لا كان ما قرأت العبرة :09:


يا مرحبا بال Nintendoo Gang

وشي حلو أنك قدرت تكمله...:p



ممم ، شوف كلامك صحيح ، لكن تطبيقه مو سهل دائما ... و ديننا علمنا أن لا نكره شيئا ، لانه قد يكون خيرا لنا أليس كذلك ؟ ;)

بالضبط أخوي حسين، الفعل دائما أصعب من الكلام، أهم شي القدره على الألتزام والتوكل على الله


ماشاء الله سميقل .. من كثر العمق بالاسلوب تصورت اني اشوف فلم .. :D


ميرسي خالص




وعالبركه على اللغه الفارسيه..

( غريبه التسهيلات لتعلم هاللغه عن غيرها عندكم ) ؟

الله يارك فيك، وبالنسبه للتسهيلات....هي والله مب تسهيلات وايد، بس الكورس هو صار بالأشتراك مع المعهد الثقافي الأيراني والسفاره الأيرانيه، أتوقع لو كانت في دوله ثايه عندها الأستعداد لتوفير المعلمين، ما كان بيكون في مانع



بالنسبه لل y not :p اخر مره قلتها حصلت نفسي راكب بجمس عليه شعار مع الابواب :31:


لوووووووووول



مساله ان الواحد يدخل المجال الي يبيه ( للاسف ) انا بالمجال الطبي ( رغبه الاهل ) ومابيه خير شر وللاسف فيني إكتئاب من الدراسه ...

صعبه مووت والوقت صار ضيق بشكل غريب .. والنفسيه تعبانه :sad2:


يا ريال، ما أدري أيش أقول لك الصراحة، بس أنت شد حيلك وحاول أنك تسوي اللي تقدر عليه، بس إذا حسيت أنك مب قادر تمشي مع التخصص، لا تضيع وقتك وشوف تخصص ثاني (بس بعد مثل ما قلت لك لازم تبذل كل طاقتك في الطب قبل ما تفكر في التغيير)

أنا كان في معاي زميل في الهندسه، وما كان حاب التخصص للأسف أمضى سنتين علشان يقتنع أنه مب ماشي فيه، بس تصدق أنه لما طلع، تخصص قانون، تدري أنه الحين من الأوائل وأن أسمه في قائمه الشرف ومعلقه على مكتب العميد.

في الأخير أقول لك (وعسى أن تكرهو شيئاً وهو خير لكم) وبالتوفيق أخوي.


بصراحة الموضوع ممتاز (و لا تزعل راح اصوت لك الحين)

يا مرحبا يا مرحبا، ومشكور على التصويت



و اسلوب الكتابة ذكرني بكتاب Sean Covey
The 7 Habits of Highly EffictiveTeens
مو متأكد من السبيلينغ بس الأسم أكيد صح

المهم الكتاب ممتاز و فيه شوية من سالفة الـWhy Not يعني إذا ما قريته انصحك تقراه
(تأكد إنك تاخذه إنجليزي لأن احسن العربي بايخ و ممل- تلقاه في اقرب مكتبة جرير(

ما شاء الله الحين كتاباتي صارت مشابهه لهالبلاوي كلها؟؟؟:bigeyes:

أنا أمس رحت مكتبه جرير بس تصدق ما لقيته:sad2:


بالنسبة لي فأنا غسلت يدي من حاجه اسمها Why Not خلاااااااص ما صرت إلا استخدم Not
لأن أخر مرة قلت Why Not علقت في البرية خمس ساعات مع ناس يرفعون الضغط :bigeyes:



ليش حرام عليك...ليس المهم أنك تقول Why not المهم هو متى تقول Why not
بعدها أنشاء الله ما راح تكون من أهل الNot

[smigle]

هههههههه .. قصتك حلوة .. و الأحلى هذي :D ..


يلا .. خلصت الفارسية .. وعقبال الفرنسية ;) ..

بس سؤال .. وش أستفدت من الفارسية :) ؟؟


يا هلا بالنجديه

وبالنسبه للسؤال...شكلج ما تقرين ردودي...




حياك الله أخوي، أسعدني ردك وايد وشي حلو أن الموضوع عيبك

سؤالك وايد حلو ووااااااااايد أنسأل نفس السؤال (أيش فادتني هاللغة)

أقول لك: 1- قضيت ثلاث سنوات أتعلم شي أحبه
2- قابلت أصدقاء وايد محترمين (في معهد اللغات)
3- سافرت أيران ودرست 45 يوم في جامعه هناك وسكنت في سكن الطلاب مع ناس ما أعرفهم
بس أتضح أني كنت مع أعز أصدقاء عمري اللي ما كنت أتخيل أني بقابلهم
أصدقاء من (أرمينيا، النرويج، لبنان، اليابان، صربيا، تركيا، جورجيا، اليمن)
4- أنا فضلت الفارسي على الفرنسي لأنها لغة بأقدر أستخدمها في بلدي، سواء في الدكان أو السوق أو المطعم (لا وأقدر اشتري بأحسن الأسعار لأنهم يحسبوني واحد منهم "الله يخلي الشكل") أو أو، لكن تعال وقول لي وين بأقدر أتكلم فرنسي هني؟؟؟
5- من تعلم لغة قومٍ أمن مكرهم






يا شيييييييخ اطلق شئ القصيده... بس فله منجد .. بس زي ما قلت يبغا لك تفكر بالاوردو بعد :09:


يا مرحبا بدساس والله... عيل عجبتك القصيده. أنشاء الله تشوف أكثر في المستقبل( ماشاء الله علي مخي كل يوم يتفتق بالمواهب)

انت ايهم سميقل؟ الاسمراني؟

أنا صلخ أيران

ويالله عقبال الفرنسي ان شاء الله.. بس ما قلت كيف كانت دراستك للغه؟.. صعبه؟ سهله؟
لو تقدر تعطينا نبذه عنها ولو بموضوع مستقل يكون ممتاز ^_^..


اللغه كانت سهله سهله سهله. بس بعد لازم تتابعها أول بأول، وأن شاء الله لو أمكنني راح ألبي لك طلبك بخصوص الموضوع المستقل.

وكثر لنا من الفلوبز :09:
فله موضوعك
من عيوني و حياك الله حبيبي






موضوع رائع بمعنى الكلمة, (تصلح مخرج بيني وبينك) :11: :





مشكور، هذا أطراء أفتخر به من فنان قدير مثلك






بالنسبة لمعهد اللغات, أخالفك في استهزائك بالمبنى, أنا أشوف أنه شكله يوحي لك بأنه مدرسة بمعنى الكلمة, فيها طلاب علم "يتتلمذون" تحت يد آية الله أبومعطي الفراهيدي, خاصة إذا قال جملته المشهورة: مين الكلب إبن الكلب اللي حدف الطبشووور؟. مع هذه الجملة, ومع الأمطار اللي تبلل الممر, وصوت المشرف يلعلع في الممر: ياولد ! تعااال هنيه !, ليسعفه بضربتين تدل على أنه جلاد مب مشرف اجتماعي يحل المشاكل النفسيّة للطلاب المساكين.. أقول مع هذا كلّه, تشعر بعبق العلم والعلماء وطلّاب العلم يسري في الجدران الخضراء والزرقاء وأحياناً –كمعهدك المصون- البرتقاليّة المصفرَّة! الله يرحم أيام زهدي أبو عفيفة وشلّة الأنس من المدرسين المنسمين.


ما شاء الله سطورك هذي رجعتني إلى سنوات الأضطهاد والعبوديه
صج لما أتذكرها أحس أننا للأسف تتلمذنا على أيدي ناس لا تفقه شي في فن التعامل والتعليم








وعن موضوع "Why not" أقدر أقول أن الواي نوت مب دائماً تكون حل شجاع وذكي, ياما قلنا واي نوت وابتلشنا (._.) .




تحيّاتي,,,









.ليس المهم أنك تقول Why not المهم هو متى تقول Why not
بعدها أنشاء الله ما راح تكون من أهل الNot

ولك مني جزيل الشكر والأمتنان

[MeMoirs]

[QUOTE=smigle]يا هلا بالنجديه



وبالنسبه للسؤال...شكلج ما تقرين ردودي...



[/[/QUOTE



مرحباً ..







الا قريت الردود .. مافهمت اش هي الفائدة من اللغة هذي ..



ويمكن الرد الي كنت تقصده كان بعد ما انا سألت ..







شكراً ..

[asf4ever]

إنت شدراك إني من دبا:11: >>>قايلها بكل المنتدى>.>
وياماتو ما يسلم عليك>>ما بعمري شفته._.

سؤال لو سمحتو؟؟؟ أيش معنى القواطي الل ما لها لون؟؟؟
هذي الله يسلمك ويطول عمرك ويزوج بنت الحلال الفارسية وياخذك بعد عمر طويل إن شاء الله
تعليقات ما تعطيك ولا نقطة يعني بالعربي ما منها فايدة وبالفارسي ما بتفيدك بتزييد قواطي عدال إسمك

ونشوفك على خير يا أخا العرب

[Deadly Spot]

وعلى فكره أعرف صديق نرويجي تعلم السواحيليه ويمووووت عليها
سؤال يطرح نفسه: أنت من عمان؟؟؟


اللغة السواهيلية تحس انها ممتعة عند قراءة بعض كلماتها لذا لاتلوم صاحبك
وانا مش من عمان
سلام :ciao:

[Mista Koo]

موضووع رائع ^_^ بابا سمجول

"رب ضغطة أبلغ من مليون كلمة" XD

(ريحت نفسي من الرد خخخخخ)

شوف الحين انت تميزت محد غيرك يعرف فارسي ~_^
كمشور عالموضوع

[Angel whisper]

هم حلو الموضوع..
انا حصلي موقف باول سنة لي في الكلية ..
كان عندنا معرض في الكلية عن اهم الشخصيات والاحداث اللي غيرو التاريخ ..
وكان شي مسرحيات وجيه ..
فياني استاذ وقالي ابغيج تمثلين دور ماكبث في مسرحية .. ماكبث مسرحية مشهورة من شكسبير..
انا طبعا .. هاه؟؟ انا وحده اخاف اوقف واتكلم جدام 5 اشخاص .. فوين جدام مادري كم 100 شخص؟؟
هو تم يكلمني ويقنعني كم مرة .. وطلعت الـwhy not ..
والحين استويت عادي .. حطني في اي مكان .. وبقولك اي speech او اي شي تبغيه بدون ما تتحرك فيني شعرة ..
هو اهم شي قبل ما تقول الـwhy not انك تكون مقتنع بهالشي اللي بتسويه ولا ترى ماشي فايدة ..
ومبروك الشهادة ^_______^

[DreaM]

السلام عليكم :) ......



why not بالنسبة للبعض هي عبارة عن التسرع و التهور و ارتجال في الامور دون النظر إلى النتائج ..



بالنسبة للبعض الآخر هو عبارة عن الوثوق بالنفس , و الوقوف اما كل المصائب , يحسب نفسه بطل زمانه :p ...



العقل البشري يحب يجاري معظم الامور الجديدة ..



مثلا واحد له قصة شعر معينه .. فالثاني يعجبه المنظر فيقولك ليش لا ..



لكن بالاخير لازم يحسب حساب كلمة , why i did it !



لأنه لو كانت قصة الشعر غير لائقة له , فشعوره بالذنب و الاحساس بالخطأ هي نتيجة أفعال why not !



و بالنسبة إلى التضارب الزمني هو مجرد انك تعمل احتمالاتك

أي انك تخطط لمستقبلك , سواء إنك تتوقع المستقبل بظروف راهنة ..



فلنفترض انت تريد تاخذ لك سيارة معينه



وجدت هذه السيارة وعجبتك وقلت في نفسك ليش لا .. اشتريها ..



اليوم تشتريها وثاني يوم تشوف سيارة احلى منها فتندم على انك شريت السيارة ..



فنظرية الاحتمالات المستقبلية تعطيك تنبيه ..

و مسؤولية اكثر حول كل الاعمال التي تحاول القيام بها ..



فتحسب حسابك لأي توقعات في اي مشروع تقوم به ...



و ينطبق ايضا على دراستك .. طبعا الدراسة لازم تخطط لها وتقرر أهدافك المستقبلية في الحياة .



و لهذا الشي لازم تفتح عقلك لكل صغيرة وكبيرة .



و سلام عليكم



على سالفة موضوعي , كل ما احاول ادخله يعلق المتصفح و يعطيني علامة خطأ , شالسالفة حد حط فيه فيروس :p ؟

[smigle]

موضووع رائع ^_^ بابا سمجول



حياك الله مستر مستكه


"رب ضغطة أبلغ من مليون كلمة" XD



حكم ماشاء الله حكم




شوف الحين انت تميزت محد غيرك يعرف فارسي ~_^

الله يسلمك حبيبي، أنا متميز بحبكم وتواصلكم

_____________________________________


هم حلو الموضوع..

هم، مشكوره وأنشاء الله ما تشوفون غير الحلو


انا حصلي موقف باول سنة لي في الكلية ..

أنا معظم المواقف صارت لي أول مره في الجامعه، صج كانت بيئة تجارب خصبه، وأحنا كنا الفيران



انا وحده اخاف اوقف واتكلم جدام 5 اشخاص .. فوين جدام مادري كم 100 شخص؟؟


وبعدين.....



.. وطلعت الـwhy not ..والحين استويت عادي .. حطني في اي مكان .. وبقولك اي speech او اي شي تبغيه بدون ما تتحرك فيني شعرة ..


ما شاء الله شفتوا يا أعضاء يا حلوين، هذي أنجل اللي
كانت
:jap046:

صارت
http://i5.photobucket.com/albums/y180/qa_spirit/p30.gif


هو اهم شي قبل ما تقول الـwhy not انك تكون مقتنع بهالشي اللي بتسويه ولا ترى ماشي فايدة ..
ومبروك الشهادة ^_______^
بالضبط ..................والله يبارك فيج.

________________________________________________





السلام عليكم :) ......

وعليكم السلام، حيا الله دريم ويب







why not بالنسبة للبعض هي عبارة عن التسرع و التهور و ارتجال في الامور دون النظر إلى النتائج ..

بالنسبة للبعض الآخر هو عبارة عن الوثوق بالنفس , و الوقوف اما كل المصائب , يحسب نفسه بطل زمانه :p ...



بالضبط.....why not هي عباره عن سلاح ذو حدين، الذكي والغبي ممكن يستخدمونه

أقول...حد منكم تابع برنامج Rible Bilionai اللي ينعرظ على One TV بصراحه أنا مب من هواة هالبرامج، لكن هالبرنامج وايد وايد عيبني لأنه فيه وايد أمور ومواقف فيها أخذ قرارات و خيارات ولأهم من هذا تشوف ناس تقول Why وناس تقول Why not وفي الأخير تشوف النتايج بنفسك، للأسف أنا ما تابعت غير ثلاث حلقات وأمس كانت الحلقة الأخيره:sad2:






العقل البشري يحب يجاري معظم الامور الجديدة ..

مثلا واحد له قصة شعر معينه .. فالثاني يعجبه المنظر فيقولك ليش لا ..

لكن بالاخير لازم يحسب حساب كلمة , why i did it !

لأنه لو كانت قصة الشعر غير لائقة له , فشعوره بالذنب و الاحساس بالخطأ هي نتيجة أفعال why not !



مثال حلو...أهم شي التفكير المبدأي والثقه بالنفس، ترى مب كل شي لازم يمشي على ال why not أحياناً الWhy هي تكون الخيار الأحسن.








و ينطبق ايضا على دراستك .. طبعا الدراسة لازم تخطط لها وتقرر أهدافك المستقبلية في الحياة .

و لهذا الشي لازم تفتح عقلك لكل صغيرة وكبيرة .

و سلام عليكم





خيار الدراسه هو في نظري الأهم لأنه حياتك المستقبليه تعتمد عليه، تصدق أنا شفت بعيني دخلت تخصصات "أهلهم، أو المجتمع" يشوفها زينه لهم لكنهم ما قالوا"Not" وفي الأخير أنتهى بهم المطاف بالفشل بعد محاولات سنين، لكن بعد ما أختاروا التخصص اللي يبونه توفقوا بصوره عجيبه.









على سالفة موضوعي , كل ما احاول ادخله يعلق المتصفح و يعطيني علامة خطأ , شالسالفة حد حط فيه فيروس :p ؟


I have no clue