المساعد الشخصي الرقمي

مشاهدة النسخة كاملة : معدات الغوص الاساسيه


3mary
27-07-2005, 10:10 PM
السلام عليكم حبيت ابين لكم معدات الغوص اللى ما يستغنى عنها الغواص في كل غوصه يغوصها .. ولازم تكون متوفره وسليمه .. بدأ من فوق البدايه ..

النضاره .. mask و قصبة الهواء .. snorkl
http://images.amazon.com/images/P/B000277LQW.01-AN9APEYXRHVW0._SCLZZZZZZZ_.jpg
اول شي النضاره مهم جدا بالنسبه للغواص .. والنوعيه مهمه .. في نضارات بو 25 درهم هذيل ما تنفع للغوص ابدا ..لازم تاخذ نضاره ماركه لان النضارات قوم بوعبود اللى ب 25 ما تتحمل الضغط اللى تحت وترب الماي ويمكن البلاستك اللى قدام ينكسر من الضغط .. فلازم تاخذ وحده عدله وعلى قياسك لا تكون وسيعه تدخل ماي ولا ضيقه تعور لك خشمك وراسدك .. تقريبا الاسعار من 100 و150 لين فوق .. انا خذت مالتي ب 250 اضن

اما قصبه الهواء فهذي نستخدمها اذا كنا فوق على سطح البحر ونتنفس منها الهوا الخرجي عشان ما نخلص هوا السلندر ونحنا بعدنا ما بدينا انغوص ..



ثالث شي ال بي سي دي BCD
اللى مثل جاكيت يكون .. فايدته انه تعلق السلندر وراه وهو اللى يخليك تطفي فوق الماء تعبيه متى بغيت وتفضيه مت ما بغيت من الهوا بواسطه زر التعبئه والتفضيه
http://images.amazon.com/images/P/B0000E1QX1.01-A3SVBRU2LEMONO._SCLZZZZZZZ_.jpg

وفي انواع وماركات وايد بعد واسعاره تقريبا تبدا من 1500 درهم وفي موديلات واشكال غير ..

ومن الخلف يتركب السلندر .. والسلندرات انواع ..
في سلندر المنيوم .. وفي سلندر استيل ..
شو الفرق في الشكل او كيف تعرف انه هذا استيل او المنيوم ..
الاستيل تكون في قاعده سوده تحت قاعده بلاستيك ويكون ثقيل .. اما الالمونيوم يكون عادي قاعدته مسطحه
http://images.amazon.com/images/P/B0000DYUTN.01-A3SVBRU2LEMONO._SCLZZZZZZZ_.jpg هذا الاستيل ..

http://images.amazon.com/images/P/B0002CTIYK.01-A1NIUAW0ZC6ARC._SCLZZZZZZZ_.jpg هذا الالمونيوم .. وانا افضل الامونيوم احسن لان ما يصدي وصيانته اقل من الاستيل وخفيف الوزن نسبيا ..
وقيمته تقريبا 700 درهم اذا بتشتري

وبعد يحتاج الغواص الى حزام الاوزان ..
http://images.amazon.com/images/P/B0000E1LGJ.01-A3SVBRU2LEMONO._SCLZZZZZZZ_.jpg
وبنقوم بشرك مفصل عن حزام الاوزان في موضوع بروحه وكيفيه حساب الوزن المناسب ..
في حزام الاسزان بهذا الشكل .. وفي حزام الاوزان قطع رصاص جنه انتر لوك من الصغار كخخخ .. تشبيه حلو :09:


وبعد في عندنا الريقليتور .. اللى هو منضم الهواء اللى نتنفس منه تحت الماء
http://images.amazon.com/images/P/B0000E1QY3.01-A3SVBRU2LEMONO._SCLZZZZZZZ_.jpg
تكون القطعه المكدنيه موصله بالسلندر .. ولازم يكون فيها عدد 2 منضم هواء .. رئيسي واحطياطي ..
بعد لازم يكون معاه
http://images.amazon.com/images/P/B0000DYUBZ.01-A3SVBRU2LEMONO._SCLZZZZZZZ_.jpg
البوصله و قيج قياس الهواء والضغط .. وفي نوع ثاني كمبيوتر مثل هذا
http://images.amazon.com/images/P/B0000WN0GY.01-A3SVBRU2LEMONO._SCLZZZZZZZ_.jpg
بس غالي شويه

وبعد عندنا اللبس .. طبعا في الشتاء لازم يكون لبس طويل وكامل ويكون سميك مثل هذا ..
http://images.amazon.com/images/P/B0008GPIV2.01-A1NIUAW0ZC6ARC._SCLZZZZZZZ_.jpg
او للصيف اما انك تلبس شورت عادي او اذا تبي تدلع عمرك تاخذ لك لبس خفيف ونص مثل الصوره
http://images.amazon.com/images/P/B0002CT6XI.01-A1NIUAW0ZC6ARC._SCLZZZZZZZ_.jpg

ومن الاشياء المهمه السكينه ايضا .. لوقت الحاجه ..

http://images.amazon.com/images/P/B0002CT1A6.01-A1NIUAW0ZC6ARC._SCLZZZZZZZ_.jpg وفي انواع واسعار بعد .. حسب الرغبع :biggthump

يتبع
3mary
27-07-2005, 10:21 PM
عدنا ..
اذا كنت ملقوف وبتمسك كل شي بتشوفه بيدك .. لازم تلبس
http://images.amazon.com/images/P/B0002CT4XK.01-A1NIUAW0ZC6ARC._SCLZZZZZZZ_.jpg
عشان اذا كان في شوك او شي ما يغزك .. بس بعد لا تتليقف وتمسك كل شي .. بس طالع :bigeyes:

بعد من الاشياء اللى ما يستغني عنها الغواص اللى هي عزكم الله الجوتي ..
http://images.amazon.com/images/P/B0000E1R50.01-A3SVBRU2LEMONO._SCLZZZZZZZ_.jpg
والزعانف
http://images.amazon.com/images/P/B0001WUXKO.01-A2QUBZRFQD7A2Q._SCLZZZZZZZ_.jpg
والزعانف انواع واشكال وحجام مختلفه .. وفي منها السريع ومنها العادي .. وفي تيربو بعد :biggthump
بس غالي كخخخخ

وبعد لازم اتكون لابس ساعه عشان تعرف كم صارلك تحت الماي
http://images.amazon.com/images/P/B000621W4A.01-A3N0HBHR81I3U1._SCLZZZZZZZ_.jpg

وما يضر لو كان عندك ليت صغير حق وقت الحاجه
http://images.amazon.com/images/P/B0002CT9B2.01-A1NIUAW0ZC6ARC._SCLZZZZZZZ_.jpg
الا اذا بتغوص بليل فتاخذ كشاف متخصص


تقريبا هذا الاشياء الرئيسيه .. واللى عنده اي سؤال او استفسار او حب يضيف شي يتفضل ..
واذا نسيت شي بكمله ان شاء الله ..
3mary
28-07-2005, 12:18 AM
وبعد في شي مهم وايد وبدونه لو كل العده جاهزه وهذا الشي مو موجود يمنعك من الغوص والنزول للبحر .. الا وهو ال اورنق

http://images.amazon.com/images/P/B00067KAI4.01-A1Z3I81XEZYGWA._SCLZZZZZZZ_.jpghttp://images.amazon.com/images/P/B0001DU538.01-AJQBFGSAOLTLT._SCLZZZZZZZ_.jpg
هذا ينحط حوالين فتحت السلندر اللى تطلع الهوا منها عشان ما يسرب الهوا .. واذا هذا الجزء البسيط ما كان موجود تخترب عليك الغوصه وما تقدر تنزل وقيمتها ما يتعدا الدرهمين ولا 3 دراهم
88_Shadow
28-07-2005, 06:41 PM
موضوع جدا جميل وااايد حلو ...:)


لا يكون نسيت شي ما ذكرته :D

تسلم على الموضوع مفيد

بالتوفيق والى الأمام :ciao:
3mary
28-07-2005, 08:37 PM
هلا هلا اخوي .. شكرا لمشاركتك ..
هي نسيت اعبي السلندر هوا وساير للغوص كخخخخخخخخخخخخ
لا لا ان شاء الله ما ناسي شي .. هذول الاساسيه طبعا .. في مستلزمات غير بعد مو مهمه وايد
بخبركم اياها عقب ان شاء الله
Action
31-07-2005, 01:36 AM
يعطيك الف عافيه اخوي على هذا الموضوع الجيد^^
مشكور وماتقصر^_^
ننتظر المزيد من ابداعاتك*_^
3mary
31-07-2005, 02:45 PM
حياك الله اخوي وشكرا لمشاركتك :)
Van Google
24-08-2005, 11:12 AM
=======================================================================

تسلم على الموضوع الحلوة ........ وعلى فكرة هذه وحدة من هواياتي واخذت فيها دورة لمدة اسبوعين من فترة طويلة

ولقيتها ممتعه جدا و اتمنى القى فرصة و امارسها .

=======================================================================