مشاهدة النسخة كاملة : شباب....الاسبوع الجاي....اللي فاضي....ومن الرياض....يدخل
Chandler
30-09-2001, 06:20 PM
شباب....
عارف انكم بتقولون اننا استحليناها.....
بس وش اسوي.....اشتقت لذي الخشش....
عشان كذا....
كلمت سكوال....وارفين......
واتفقنا نتقابل.....الخميس الجاي....او الاربعاء.......
بس مو في مقهى......
خلاص....صرنا نمون على بعض....ونعرف بعض.....عشان كذا....خليناها هالمرة......في مطعم....
يوم كلمت سكوال.....بصراحة برهن ((حلوة برهن))...عن وطنيته الجارفة....وقال....((انا ما آكل الا من هرفي...عشانه مطعم سعودي))...
بس خلوكم منه....
اتفقوا على مطعم حلو.....ومحترم.....بس ما يكون من طقة تشيليز وفدركرز....((قدروا ظروف سكوال....جامعي مفلس))...
وحددوا اليوم....(((يفضل الاربعاء عشان ارفين يضمن يجي))
YaWaRd_85
30-09-2001, 06:24 PM
حـلا هو!!
انا ابجي .......... علشان اعوض الي فاتني :)
بس الاربعاء ما اقدر قبل 10 الليل :)
Y a z e e d
30-09-2001, 06:29 PM
حددودا وباجي اسلم وامسك الباب
EMINEM_D12
30-09-2001, 06:35 PM
انا معزوم
silverpaco
30-09-2001, 06:35 PM
أنا أقولك يوم الاربعاء في فوال السوداني الساعة 10
RPG_master
30-09-2001, 06:38 PM
الا اختار هرفي يوم درا ان النظام امريكي قال مالها داعي افلس
على العموم انا قاعدلك ومصمم واقول ما ينفع نقعد في مطعم اكثر من وقت الاكل
MoaeD
30-09-2001, 06:53 PM
نشوف الإربعائ:)
Xenon
30-09-2001, 06:56 PM
فيه احتمال كبير أجي للرياض الاربعاء ان شاء الله ...
وأقول وراه ماتخلونها بالقرموشي بشارع الستين نتعشى قلابة ومطبق ومعصوب >>> تحس بدوي.
بس لو جيت للرياض ما اتوقع اقدر اجي بسبب ظروف خاصة >>>مساكين ماراح تشوفوني (اللي يسمع يقول وزير الداخلية بيجي)...
بس يمكن يمكن يمكن اقدر اذا خلتوها بالربوة بشارع النهضة ....أدري انه مشوار على سكوال وارفين من الشفاء للربوة بس وش اسوي ظروف...
وشكرا:D:D:D.
RPG_master
30-09-2001, 07:01 PM
والله انا اخبر ان ارفين واخوه متشلفحين في المروج وش جابهم للشفاء؟؟
عاشقة كيد
30-09-2001, 07:03 PM
سلام عليكم
ممكن طلب ؟؟؟؟
ياليت تتصوروا
يعني واحد وهو يمر على مصور بليييز
Xenon
30-09-2001, 07:05 PM
نسيت اقولك اذا كلمت سكوال بلغه ذي الرسالة:
قله يسلم عليك بلاي ستيشن2 (الشايب اللي عمره 16 عادل) ياليت تبلغه ذي الرسالة .
وشكرا:D:D:D.
سيلفي2065
30-09-2001, 07:13 PM
انتم عندكم تشيليز بالرياض؟
طيب ليه ماتروحون له
Lucky guy
30-09-2001, 07:15 PM
والله يا أخ نواف يمكن أنا أجي بس لا يكون المكان بعيد >>>>>> واحد من النسيم الغربي يعني داج ":"
بعدين خلكم من هرفي و الخرابيط >>>> بدوي
قالوا مشويات أو مثلوثة أو ........ الخ :D
RPG_master
30-09-2001, 07:27 PM
كتب العضو (سيلفي2065)
انتم عندكم تشيليز بالرياض؟
طيب ليه ماتروحون له
ماله داعي نفلس علشان هالوجيه:D
ارفين
30-09-2001, 09:01 PM
شباب ترى والله حنا مب بزرنجيه.....يعني ليه ما يجي ماغير 5 بسسسس
خلو عندك هرفي وطقته.....انا اقول ماريز ايش رايكم......
بلاي ستيشن2....حنا متفلطحين بالمروج جنب نواف:)
Lucky guy
30-09-2001, 09:18 PM
كتب العضو (ارفين)
شباب ترى والله حنا مب بزرنجيه.....يعني ليه ما يجي ماغير 5 بسسسس
خلو عندك هرفي وطقته.....انا اقول ماريز ايش رايكم......
بلاي ستيشن2....حنا متفلطحين بالمروج جنب نواف:)
أرفين (( كيف الحال عساك بخير )) الا أقول (( ماريز )) وينه باضبط (( العليا )) >>>>> واحد بدوي أعذره :)
أنا أقول النافورة يكون أحسن والحساب على نواف لا تخافون >>>>> واحد نذل ":"
RPG_master
30-09-2001, 09:20 PM
والله ماريز مب شين:D
سيلفي2065
30-09-2001, 09:25 PM
فيه واحد منكم مسوي انواع الازعاجات بتوقيعه
يعني انا امس بح صوتي
والحين تبون طبله اذني تفقع؟ :":
Lucky guy
30-09-2001, 09:30 PM
كتب العضو (سيلفي2065)
فيه واحد منكم مسوي انواع الازعاجات بتوقيعه
يعني انا امس بح صوتي
والحين تبون طبله اذني تفقع؟ :":
الله يشفيك ويحفظك :) :) :)
RPG_master
30-09-2001, 09:42 PM
لا ما ينفع هالكلام يا الرجل الغير محظوظ(ما يعرف يترجم)
سلامة اعضاء المنتدى اهم من اي شي :D
يعين غير توقيعك الي زارفه من ياباني(اوووبس معليش انفلت لساني مدري اصابعي):":
RPG_master
30-09-2001, 09:53 PM
هذا
the unlucky guy
بعد ما طاح بايديكم:p
Lucky guy
30-09-2001, 10:01 PM
طيب وبعدين وش الفايدة يعني أنا بتأثر بكلامكم (( ما في أمل )) ":" ":"
والتوقيع مني مغيره وأخليه عشانك يا أبو شوشة :D
smileface
30-09-2001, 10:28 PM
ناس تتمشى في الويك اند وناس مبققين عيونهم في الملازم ما تدري وش السالفه:(
Lucky guy
30-09-2001, 10:32 PM
كتب العضو (smileface)
ناس تتمشى في الويك اند وناس مبققين عيونهم في الملازم ما تدري وش السالفه:(
?: ?: ?: تكلمني
mom_com3
01-10-2001, 05:27 AM
يصير خير...
Jet Li
01-10-2001, 10:18 AM
هرفي ينفع وخلوه الي بشارع الامير عبدالله اظنه دورين هذا لا بأس به :D :D
Chandler
01-10-2001, 03:33 PM
هههههههههههههههههه....
صدق من قال انكم وراوع....
انا قاعد اتكلم جد....
مين اللي يبغى يجي....
وبالنسبة لأرفين......باعلمك......ترى ولد عمك وعبد المحسن مب جايين للمكان اللي انت بتروح له يوم الخميس.....
شباب......بسرعة قرروا......
وبأعطيكم معلومة صغيرة......ترى فيه 3 من الاعضاء ((اللي هم انا وارفين وسكوال))....ساكنين في حي المروج.....<====== افهموها وخلوا المطعم في المروج
Chandler
02-10-2001, 06:23 PM
للرفع....
شباب....
حددوا....
الاربعاء.....او الخميس.....
مطعم.....ولا مقهى.....((مقهى مو قهوة))
mom_com3
02-10-2001, 07:01 PM
خلوكم في نفس مكانكم ...(كوكب السبورت)..
...
و الاربعاء يكون احسن...
Chandler
02-10-2001, 08:07 PM
ياهووووووووووووووووووووووووووووووووه.....
ردووووووووووووووووووووووا
الظاهر ان آخرتها باروح لحالي انا وارفين
داج2222
02-10-2001, 08:22 PM
ههههههههههههههااااي الشباب جايهم تشبع من هالمقابل الله يعينكم
mom_com3
02-10-2001, 10:20 PM
تشبع .....
..
وش تبي الحين...اي تشبع...
سيلفي2065
02-10-2001, 10:24 PM
شوفوا....اسمع انكم حشيتوا فيني زي سالفه الراشد
يمين بالله
لـ
.......
لأزعــــل
Jet Li
02-10-2001, 10:26 PM
شباب الخميس اصرف وبعدين يا naf ليش لازم يكون المطعم الي حولكم هذا ليس عدلا :أفكر:
لازم مكانه يكون حيادي:D
زي ماتفقنا هرفي اصرف
Chandler
03-10-2001, 10:00 AM
شباب....
الظاهر اني اليم منيب طالع.....
اولا....نص الشباب مطنشين.....
ثانيا....اليوم مباراة الهلال.....
ثالثا.....يمكن اطلع مع اصدقائي.....
يعني معك ممكن اطلع اليوم.........واكيد باطلع بكرة.....
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .