الفزعة يا شباب ....

[raayg]

رحت أمس إلى محل ألعاب طوكيو (ما حأقول أية واحد فيهم لأن المحل اللي أروحه دايما لما أروح له يكون فاضي لأن كل زباينه يحجزون ومن كذه أنا أروح وأشوف اللي أبي أشتريه على رواق) والمهم ما كنت حاط في عقلي إني حأشوف الكيوب ... المهم رحت عشان كنت أبي أشتري شريطين للجيم بوي أدفانس وهما زيلدا أوراكل أف إيجز و إف 14 - تومكات ...
المهم لقيت علبة الكيوب اللي كانوا تقريبا اثنتين وكانت فوق أحد الرفوف المهم انتابني الفضول والشعور بالإثارة وسألته مجموعة أسئلة أبي أتأكد من اللي أشتراها إذا كانت صحيحة ولا لا ...
الحوار :
رايق : هذه اللعبة الجديدة اللي نزلت من ننتندو وعلى ما أظن اسمها الجيم كيوب . وطبعا أشرت عليها (هو صحيح استهبال لكنه بوابة الدخول على الكلام المفيد ) ...
البائع : أيوا دي هي الكيوب الجديدة ... (جنسيته مصرية )
رايق : امممم باينها رهيييبة وحللللللوة ..
البائع : تبغى تشوفها ....
رايق : يا ليت ...
المهم أخذها البائع من مكانها فوق أحد الرفوف وحطها على الطاولة وبدأ يفتح العلبة (وبدأ قلبي بالدق وكل ما يفتحها شوية قلبي يزيد بالدق وشوية شوية حينفجر من الفرحة) لين ما فتح العلبة ووقتها شغت العجايب ...
لعبة صغيرة صغيرة بدرجة كبيرة ما في أحد يتوقعها وإذا كان اليابانيون يقولون الصورة تغني عن ألف كلمة فأنا أقول الحقيقة تغني عن مليون قصيدة في حقها ...
يعني اللي يقول ارتفاعها أقل من علبة بيبسي أقول يا ليت اللي يقول عرضها أقل من عرض الـ PSone أقول تقريبا واللي يقول ... واللي يقول ... واللي يقول وما حننتنهي بوصفها ولو في مليون كلمة حتى إنها ممكن تضيع أو إذا ندعست ما حتكون باينة ... (حتقولون وش هي ذرة ... أقول أكبر شوية)...:D
وما انتبهت ليد التحكم حقتها لكن لو أقول فيها شعر ما حأنتهي من وصفها ولا بكرة ...
ما حتصدقوا قربت منها أكثر وأكثر آآآآآآآآآآآه وااااااااااو :واو: لمستها ... فرحتي ما توصف .. المهم نرجع لحوارنا ....
رايق : طيب يا ترى هذه كم ثمنها ؟؟؟
البائع : هذه بحدود الـ 1800 لكن عشان انت زبونا وعميلنا ودايم تشتري مننا خذها من عندي بـ 1600 ريال ... (أبي أعرف رأي ننتندو لأني سمعت إنه اشتراه من أحد المحلات بسعر خيالي يعني كم ؟؟؟ الله أعلم )
رايق : أوووف كل ذا ثمنها أنا سامع إنها بـ 200 دولار يعني بـ 750 ريال وحتى لو زادت الجمارك وعمولتكم توصل 1000 ريال وبالكثير 1200 ريال ...
البائع : هم أصلا لما نزلوها قالوا إنها حتكون بـ200 دولار لكن لما نزلت في اليابان نزلت بسعر قريب من سعرنا وروح اليابان وشوف ...:)
رايق : وش يوديني اليابان ليه على كم مية ... أقول الكيوب فداها 2000 ريال حتى ... طيب الأمريكي حيكون بكم ؟؟؟
البائع : والله ما أعرف لكن الكيوب الأمريكي حيكون أغلى من الياباني ...
رايق : همممممم ... طيب كم شريط نزل معاها ؟؟؟ (هم بعد استهبال لكن من وجه بداية سالفة ثانية )....
البائع : نزل معاها ثلاثة أشرطة (لويجي مانشيون - سوبر مونكي بول - بلو ستورم ) ....
رايق : هممم ... طيب ممكن أشوف شكل الشريط ؟؟؟
البائع : ولو تفضل ....
رايق : والله علبته حلوة وفخمة صحيح اللي قال عنها إنها أفخم علب الأشرطة يعني رووعة بطريقة غريبة العلامة متركزة فوق وموضوعة في شكل قوس فخم يتميز بلون ما بين الفضي والبنفسجي يعني اللون مخلوط بطريقة غريبة وتشبه علامة الجيم بوي أدفانس المتركزة على جانب الشريط وبنفس الشكل تمام ولويي متمركز في النصف وكأنه يصرخ أو خايف وأظن في شبحين ومكتوب Luigi's Mansion وفي كلام بالياباني ما بين الكلمتين السابقتين أظن إن معناه لويجي مانشيون بالياباني يعني الشريط حلو وحتى ارتفاعه أقل من ارتفاع علب أشرطة الـ PS2 وحتى عرضه ... والله رهيييييييب ...
على فكرة علب الأشرطة اللي حتنزل مع الكيوب الأمريكي حتكون مشابهة لأشرطة الـ PS2 في حجمها للأسف ...
رايق : "بدأت أدور الشريط يمين وشمال وفوق وتحت وقع نظري على ثمن الشريط "...
رايق : مب معقوووول (ممممميا) أنا شفت غلط ولا الشريط مكتوب عليه غلط معقول الشريط بـ 340 ريال ...
البائع : أيوا دا هو بـ 340 وعشان خاطرك خذه بـ 300 ريال ...
رايق : ويا ترى حتجلس ننتندو طول عمرها في عقدتها الأبدية أسعار أشرطتها الغالية ... يعني زمان كانت تتحجج ننتندو بالكارتدج ومشاكله مع الننتندو 64 وإنه يستحق الثمن الغالي لأنهم تعبوا في برمجته لكن الحين وش حجتهم يعني هذا ثمن ضريبة على الدونات الصغيرة ذي (ميني دي في دي) ...
البائع : هههههههه :D والله ما أظنيش إنها حتجلس كده طول عمرها يمكن دي الوقت عشان الجهاز جديد من كذه ثمنه غالي لكن اصبر شوية وحترخص الأسعار ...
رايق : والله أنا ما عندي صبر على العموم الغالي ثمنه فيه وغير إني ما حأشتري إلا شريط واحد وبس إن شاء الله وهو لويجي مانشيون ... لكن على فكرة كم ثمن الجهاز مع الثلاثة أشرطة ؟؟؟
البائع : شوف دي الفاتوة واحد اشترى الجهاز ومع الثلاثة أشرطة بـ 2700 ريال وإذا تبغى أعطيك هو مع الثلاثة أشرطة بـ 2350 ريال بس ...
رايق : "ابتسامة" لا أصلا مثل ما قلت لك ما أبي إلا شريط واحد ... لكن ما في إلا هذيلي الثلاثة ؟؟؟
البائع : دي الوقت ما فيش إلا دي الثلاثة أشرطة وبعد كذه حينزل أشرطة أكثر ....
رايق : وليه ؟؟؟؟
البائع : لأنه زي ما قلتلك الجهاز "توه" جديد انت اصبر بس لغاية ما تنزل بقية الأشرطة شوية شوية ...
رايق : آآآه نسيت على طاري الأشرطة سمعت من واحد إنه الجهاز الياباني ما يشغل أشرطة الأمريكي فانت ايش رأيك ؟؟؟
البائع : لا مين قلك ؟؟؟ طيب شوف الجيم بوي أدفانس انت ايش اشتريتها؟؟؟
رايق : اشتريتها ياباني ...
البائع : طيب الأشرطة اللي جالس تلعبها ايش هي ؟؟؟
رايق : أمريكي طبعا ...
البائع : طيب يعني الياباني يشغل أمريكي ده فيه حتى ألعاب موجودة عليه وما فيش على الأمريكي منها ...
رايق : سمعت زي كذه ... طيب انت ايش رأيك في الجهاز عموما ؟؟؟
البائع : الجهاز حلو وروووعة ورهيييب أنا جربت لعبة لويجي مانشيون عليه كان فظيع في مؤثرات الإضاءة بشكل ما أقدرش أوصفه ....
رايق : حتى أنا شفته في أقوى إمكانياته مع رزيدنت إيفل 1 اللي حينزل عليه ...
البائع : أوووووه ده لوحده حكاية ....
رايق : آآآآآآآآآآه هههههههه ...
رايق : على فكرة كم جهاز جبت ...
البائع : هم طلبوا مني 10 أجهزة اللي تباع منهم 8 وباقي اثنين كلهم انحجزوا ... وفي طلبية على ثالث ده لك واليوم جات ...
رايق : طيب الحين أبي اشتريه كيف أحجز ولا ؟؟
البائع : لا انت جهازك محجوز على جنب وما أبيعه ...
رايق : خلاص إن شاء الله أكلمك بعد أسبوعين مع بداية شعبان ...
البائع : خلاص إن شاء الله كلمني قبلها بيومين وتعال وتلاقيه لك في الحفظ والصون ...
رايق : مشكوووور ... ومع السلامة...
البائع : مع السلامة ...
وانتهى الحوار ... وخرجت من المحل وأنا كلي شوق وانجذاب وتمني بالعودة للحلم اللي كنت فيه وتمني بعدم الاستيقاظ منه طول العمر ...
كل اللي أبيه رأيكم في الحوار وفزعتكم ...
ملحوظة : يمكن كنت أبي أكتب انتقادات لننتندو وإنه مبالغ في وصفه لكن حقيق ننتندو ما كذب خبر لو أقول أحبها أقول قليل في حقها عشق لا غرام يا ليت يعني ما ينفع معها إلا العشق والغرام والحب مع بعضهم تعشقها في كل شي في لونها ملمسها شكلها وأزرارها ويد التحكم حقتها وأشرطتها وكل شي ...
أنا عشقتها من النظرة الأولى فما بالك في ننتندو إلا صارت معاه في بيت واحد تحت سقف غرفته يعني شعووووور رااااائع وما يتوصف ولو كتبنا قصايد ومب قصيدة وحدة ... يعني حقيقي العين تعشق قبل القلب ...
مع محبتي,,,
رايق

[nintendo]

والله يا اخ رايق 1600 سعر ممتاز (( تقريبا )) بس اذا انت ناوي تشتري الجهاز في شعبان فالامريكي راح ينزل في رمضان وانصحك تصبر . اما بالنسبة للالعاب ف350 ريال كثير جدا انا شريتها ب250-230 ريال ..

وعن وصفي للجهاز لاتخاف انا ابدا ماراح ابلغ في وصفى لاي شئ سواءا الكيوب او غيره . ةعلى فكرة نصيحة مني لاتشتري الكيوب بدون مموري كارد ابدا وخصوصا لعبة لويجز ماشنون ...

[AL-LORD]

السلام عليكم ...........

صراحه انا انصحك تنتظر الأمريكي ، لأنه احسن والعاب كثيره عليه .

اما السعر 1600 فهو غالي نسبيا ، انا شريته 1700 تقريبا اول يوم نزوله ، لكن الحين طاح سعر الكيوب
1300 بس عندكم ما دري ليش غالي وسعر اللعبه 200 . سعر معقول .

اما عن الميموري فلازم تاخذها قبل ما تاخذ اي لعبه نصيحه ، لأني انا اخذت لويجي بدون ميموري وقعت العب وكل ما اموت ارجع والعب من البدايه ( فمليت اللعبه ، ويموم جت الميموري لعبة مره ثانيه لكن بدون متعه ) يعني حتمل من اللعبه فاشتري الميموري افضل .

[maz1000000]

waaaaaw

[yousef_al_s]

انا انصحك انك تنتظر الجهاز الامريكي....

ادري انه صعب عليك انك تنتظر كل هالفترة .....بس تحمّل:D :أفكر:

[f.m.b]

لو أنك صابر يا أخ raayg كان أنت المستفيد لاكن شريته وأرج أبلاغي بوقت النزولبالظبط؟?: بعدين ليش؟ مسوين مقارنه بين الكيوب وفيديو :D أنا أقول ان الxbox أصغر :) :D لا أمزح شكرا على كل شي

[f.m.b]

أسف أرجو ابلاغي بوقت نزول الكيوب الامريكي في أمريكا؟؟؟؟؟؟؟؟؟?: ?: وشكرا

[raayg]

أنا ما يهمني الفرق في السعر لأنه قابل للتفاوض وأقدر أنزله إلى 1200 ريال بس لكن المشكلة إن الياباني فيه ألعاب ما تنزل إلا عليه وغير إنه قال لي إنه يمكن تشغيل ألعاب الأمريكي على الياباني يعني ما خسرت شي بالعكس حأكسب وأعطاني دليل والحقيقة دليله مقنع ...
قال لي إن الأدفانس ياباني (وهذا هو اللي معاي) وأول ما نزل نزل ومعاه أشرطة يابانية ووراني هي وبعد ما نزلت أشرطة أمريكية صارت تشتغل عليه يعني يشغل أمريكي وياباني و100% الكيوب مثله صح ولا لا...
أما المشكلة هي في سعر الألعاب الباهظ انت قلتم إن اللعبة الوحدة حتكون أرخص من اللعبة الأصلية حقت الـ PS2 يعني ما بين الـ 200 و150 وإذا زادت توصل لـ 250 ريال لكني تفاجأت إن ألعابه ما زالت في سعر ألعاب الـ N64 وأغلى يعني لعبة بـ 340 ريال ويرخص لي هي بـ 300 ريال وش رخص هذا؟؟؟يعني في الشهر الواحد حأشتري لعبتين وثلاثة بالكثير أما مع الـ PS2 وبعد ظهور الكوبي في السوق يمديني أشتري يوميا شريط جديد ...
وعلى فكرة يا أخ ننتندو سمعت إنك اشتريت من محل اسمه جيم ماستر أو سيد الألعاب رحت لهذا المكان (موجود في حي النزهة أمام مستوصف النزهة) لكني تفاجأت إنه مقفل وكأنه فيه تصليحات أو نقل أو مقبل والله ما أعرف إذا انت رحت لهذا المكان أو مكان ثاني يا ليت تقول لي أي مكان تروح يمكن يكون عندهم أرخص ؟؟؟ ((وإذا ما كنت تبي تقول هنا عشان لا تسوي دعاية لهم أرسلي على الرسايل الخاصة))...
وعلى فكرة يا أخوان إذا أنا منب قادر اصبر أسبوعين على بعضهم تبوني أصبر شهر لين رمضان ومتى في رمضان أكثر شهر ما أكون فاضي فيه ...
وأبي أعرف شنهو الفرق بين الأمريكي والياباني ؟؟؟؟كلهم كيوب ...
وعلى فكرة كم سعر الميموري كارد حق الكيوب ؟؟؟
أخوي f.m.b : موعد نزول الكيوب الأمريكي هو 8 نوفمبر ما أعرف إذا هذا موعد صدوره في أمريكا أو لا والمهم هو يوافق 3 رمضان وحيكون يوم خميس يعني يوووم روووووووووعة ... وموعد حلو من ننتندو ...
ويا ليت تجاوبون لأني تأخرت في الرد ... ((أعذروني مشغول بالدراسة أبي أجيب هذه السنة معدل عالي إن شاء الله))...
ومشكوووووورين ...
مع محبتي,,,
رايق

[nintendo]

محل جيمز ماستر موجود في شارع حراء واليم رقم التلفيون للمحل :6556240

[raayg]

أهااااا يعني محل ثاني غير اللي في حي النزهة ...
المهم أظن إني شفت جيمز ماستر هذا قبل كذه وهو موجود في مركز أمام مركز دانية (اللي فيه وندر لاند) يعني في صف ركن جحا وبيت الكنافة ومحل للجوالات وبيتزا هت صح ولا لا...
لكن مثل ما قلت لك من قبل إن المحل لو كان دايم مزحوم بالناس فأكيد إني ما حأروح له لأني أحب كل شي على رواق وحتى التجريب أجربه في المحل أما إن يجيني واحد لا يفهم في الثور ولا في الطحين ويتفلسف علي ويعكر لي مزاجي فالله يعينه "لأني لما أجرب لعبة ما أقعد فيها إلا 4 دقايق أو 5 دقايق بالكثير وما أحب أحد يزن فوق راسي" وإن شاء الله ما يكون محلهم كذه "وعلى فكرة لو رحت حأكون متخفي ومتنكر عشان ما أحد يعرف إني رايق "مع إني أحب أتعرف عليكم شخصيا انت وغيرك لكن المشكلة أنا كذه وطبعي كذه" ...
المهم أنا أشتري من محل في ألعاب طوكيو اللي في مركز دانية ومثل ما قلت لك ما فيه اي زحام هذا لو لقيت فيه أحد ...
لكن يا ننتندو ما جاوبتني عن استفساراتي اللي في الرد حقي اللي قبل ردك على طول لأنه مب الأربعاء اللي ياي اللي بعده إن شاء الله حيكون عندي الكيوب فابي أستفسر وآخذ فكرة شاملة عشان ما أتورط في الجهاز مع المحل ... فيا ليت ترد علي ...
ومشكوووور ...
مع محبتي,,,
رايق

[بوشي]

هلا بالغالي رايق :)

بالنسبة لشرائك للجهاز الياباني........فأنصحك بأن لا تشتريه لعدة أسباب

أولا: الجهاز لايشغل الألعاب المنسوخة وهذا الكلام من شركة نتيندو نفسها فلا أعتقد بأنك ستصدق كلام البائع مقابل كلام الشركة.

ثانيا:عند شرائك للجهاز فأن جميع الألعاب التي ستشتريها يابانية فقط فلا أعتقد بأنك ستفضل النسخ اليابانية على الأمريكية .

ثالثا: عند شرائك للياباني فلا تتوقع بحصولك على ألعاب أكثر من الأمريكي والسبب عند نزول الأمريكي فأن جميع أصحاب محلات الأجهزة سيتجنبوا الألعاب اليابانية ، ومع الوقت ستجد نفسك لوحدك مع جهازك من دون ألعاب يابانية ولا أمريكية.

أتمنى تكون فهمت قصدي

[raayg]

هلا بأخوي بوشي ... :)

أولا: الجهاز لايشغل الألعاب المنسوخة وهذا الكلام من شركة نتيندو نفسها فلا أعتقد بأنك ستصدق كلام البائع مقابل كلام الشركة.

والله إذا كان الكوبي (فاللي أعرفه إنه لن يوجد كوبي قبل ثلاث سنوات وذلك لصعوبة النسخ) وغير إني أحب أشتري الألعاب الأصلية أكثر من الألعاب المنسوخة ومهما ما كان السعر ...

ثانيا:عند شرائك للجهاز فأن جميع الألعاب التي ستشتريها يابانية فقط فلا أعتقد بأنك ستفضل النسخ اليابانية على الأمريكية .


ثالثا: عند شرائك للياباني فلا تتوقع بحصولك على ألعاب أكثر من الأمريكي والسبب عند نزول الأمريكي فأن جميع أصحاب محلات الأجهزة سيتجنبوا الألعاب اليابانية ، ومع الوقت ستجد نفسك لوحدك مع جهازك من دون ألعاب يابانية ولا أمريكية.

هل تقصد بكلامك أن الكيوب الياباني لن يشغل سوى الألعاب اليابانية ولن يشغل الألعاب الأمريكية؟؟؟؟
وهل كلام البائع كذب × كذب ؟؟؟؟
وهل أرادني أتدبس بالجهاز وأتورط فيه؟؟؟
طيب لو كان كلامك كله صح (وأنا ما أشكك فيه لكن أحب أتأكد) كيف الأخ ننتندو اشترى الكيوب الياباني ولا هي كثرة فلوس وإسراف وبس؟؟؟
والحقيقة أنا ما عندي صبر لكن لو كان صبري حيخرجني من ورطة والله أصبر لين 3 رمضان الله يعيني ...
وكم عدد الألعاب التي سوف تنزل مع الأمريكي؟؟؟
وسمعت إن علب الأشرطة حقت الجهاز الأمريكي سوف تكون كبيرة وغير علب الياباني هل هذا صحيح؟؟؟
أعذرني أسئلتي كثيرة لكني في حيرة كبيييييرة أتمنى إنك ترد علي وتخرجني من حيرتي والله لا يوقعك فيها ...
ومشكووووور أخوي بوشي ....
مع محبتي,,,
رايق

[بوشي]

أولا: الجهاز لايشغل الألعاب المنسوخة وهذا الكلام من شركة نتيندو نفسها فلا أعتقد بأنك ستصدق كلام البائع مقابل كلام الشركة.

متأسف على الخطأ كنت أقصد الألعاب الأمريكية لاتعمل على الجهاز الياباني


هل تقصد بكلامك أن الكيوب الياباني لن يشغل سوى الألعاب اليابانية ولن يشغل الألعاب الأمريكية؟؟؟؟
ايه نعم ....هذا ماأقصده


وهل كلام البائع كذب × كذب ؟؟؟؟
وهل أرادني أتدبس بالجهاز وأتورط فيه؟؟؟

شوف أخوي رايق ..... يمكن ماقصد به الكذب ولكن قد يكون قليل الخبره في هذه الأشياء


طيب لو كان كلامك كله صح (وأنا ما أشكك فيه لكن أحب أتأكد) كيف الأخ ننتندو اشترى الكيوب الياباني ولا هي كثرة فلوس وإسراف وبس؟؟؟
والله أعتقد بأن هذا السؤال خاص في الأخ نتيندو فلو توجه له السؤال لكان أفضل ، وبالمناسبة أنا كنت بأشتري الجهاز الياباني لكن الحمدلله أني ماشريته مع علمي بأن الجهاز لايشغل غير الياباني ومع ذلك كنت بأشتريه .

باقي الأسئلة أعتقد بأن الأخ نتيندو جاوبك بها

أتمنى بأن أكون ساعدتك:)

وشكرا....

[wario2002]

مشكوووووووووووووووووووووووووووووووووووووووووووووووووووووور
اخ رايق على هذا الموضوع الحلو الي مايوصف
وانا اقدر تعبك وجهدك علشان تكتب هذا الموضوع
تحياتي





":" صديقكمwario2002 ":"

[raayg]

ما أعرف وش أقلك أخوي بوشي انت فكيتني من حيرة ومن روطة كبيرة كنت حأوقع فيها لأني جمعت كل فلوسي (وأهلي حيدفعون لي ثمن شريط لكن أحب أشتري كل شي من فلوسي) عشان أشتريها يعني المصري كان يبي يسرق فلوسي و يورطني لأنه أكد لي أكثر من مرة وقال لي الطلبات كثيرة عليه ووراني جهازين بقوا في المحل والناس جالسين يتصلوا عليه ويطلبونها والمشكلة إني كنت مصر غني حأشتريها لكن الحمد لله بفضل الله ثم بفضلك انت وننتندو ارتحت من هذه المشكلة وانتهينا ومشكوووووووور ... :D ;) :)
العفو أخوي واريو على كلامك الحلو :)
مع محبتي,,,
رايق

[بوشي]

الله :) ...... الله :) ...... الله :)

العفو أخوي رايق ماسوينا غير الواجب :)

والحمدلله أنك ماتعجلت وشريته