مشاهدة النسخة كاملة : شباب....الظاهر انا مريض.....تصدقون.....اني لي اسبوع ونص ما لعبت بلاي ستيشن؟؟
Chandler
03-10-2001, 10:40 AM
بسم الله علي....
الظاهر هذي عين وصابتني....
قبل شهرين بس....كنت ما اترك يد البلاي ستيشن الا بالطقاق....
وبعدها.....بديت اتركه يوم......وبعدها صرت اقعد باليومين والثلاثة بدون ما العبه...
وزادت المدة....حتى وصلت لأسبوع ونص.....والظاهر اني باقعد شهر ما العب.....
كل ما اشغل الجهاز.....احس ان ما فيه العاب تستاهل اني العبها واضيع وقتي فيها...مع ان عندي العاب كثيرة حلوة....WE5 و رزدنت ايفل كود فيرونيكا.....وغيره كثير....
وش تتوقعون السبب.....
هل انا كبرت على الالعاب.....وصرت ما اطيقها.....(((ما اتوقع)))
هل خلصت الالعاب الحلوة واللي عليها القيمة.........(((يمكن ذوقي صار صعب)))
هل الانترنت سبب في بعدي عن الالعاب.....(((هذا اقرب احتمال)))
والغريب.....اني اذا جيت العب.......احس ان ما لي خلق.....وان ما عندي وقت......بس اذا بديت اللعبة.....اندمج معها وانسى نفسي.....
ساعدوني....
عماد 18
03-10-2001, 10:47 AM
عين و الا خشم ؟؟
كل الموضوع هو انك صرت مدمن انترنت -مثلي- ..
تقريبا كنت مثلك على ايام الطفولة <==اخس يالشايب:D
لكن لا تخاف الموضوع و ما فيه هو انك مليت من الالعاب اللي عندك يعني لو اشتريت لعبة حلوة تبي تنسى الانترنت كم يوم -مثلي لما اشتريت كود فيرنوكا و ديفل مي كراي :) - ...
smileface
03-10-2001, 11:01 AM
هل انا كبرت على الالعاب.....واصبحت انفر منها
هذا هو الجواب الصح:p
Chandler
03-10-2001, 11:09 AM
كتب العضو (smileface)
هل انا كبرت على الالعاب.....واصبحت انفر منها
هذا هو الجواب الصح:p
طبعا لو تلاحظون.....
ان كلامي فيه شوية فصحى....
لأن الموضوع اصلا كتبته في منتدى البلاي ستيشن.....
ونقله عماد هنا....
بتقولون ليه منتدى البلاي ستيشن تكتب بالفصحى وهنا بالعامي....
اقول لكم ليه....
هناك.....فيه ناس مثقفين......ويفهمون الفصحى......
اما هنا ما القى الا الدجة.......يعني لو كتبت الموضوع هنا من الاصل كان تغير كله من اوله لآخره......اولا الموضوع بيصير اكثر من كذا....ثانيا.....كنت حشيت في احد ((لازم احش هذا عنصر من عناصر الدجة))
الجليله
03-10-2001, 11:22 AM
اتعوذ من ابليش هذب مي عين
خلاص مالك خلق تلعب لاتلعب محد قال لك لا:D
ليون كينيدي
03-10-2001, 11:43 AM
smileface ..... +b.s
ليش تقولون إنه كبر على الالعاب ... ؟
يا جماعه .. الإنسان دائماً يحتاج إلى الترفيه عن نفسه ... حتى لو كان عمره 60 سنة ....
و هذه هي أحدث طرق الترفيه يا جماعة ...
ناف ...
أنا أعتقد إنك أصبحت فعلاً مدمن إنترنت .
Rewayah
03-10-2001, 01:40 PM
على فكرة أخي ناف...
الحالة اللي أنت أتمر فيها مو غريبة !!
أنا وأصحابي والربع كلهم بلا أستثناء صار أيجينا نفس الشعور, هذا الكلام صارله ألحين أكثر من سنة !!!!
أنا ما أعتقد يا عماد أنه السبب يرجع لأستعمال الأنترنت وأدمانه !!
جرب أنك أتوقف عن أستخدام النت بتلاحظ أنك بعد ما تبي تلعب, صح كلامي ؟!؟
أنا والشلّة صارلنا كلنا كذا وجربنا...
أتصور أنه عندي ألعاب أصلية جديدة مغلفة مالي خاطر أفتحها وألعبها !!!!!!
لأني نوعاً ما حاسس أني أعرف شو راح يصير... البطل بينقذ البطلة وبيلعن أبو خامس جد عم خال أبو صير الشرير !! دايماً هكذا !!
وخصوصاً في ألعاب الآر بي جي... كله نفس الشيء !! أقعد طور ولقط وأجمع وحارب وبدل سيديز (مؤخراً هذا صار شيء روتيني) !!!
ونفس الشيء بالنسبة لباقي أنواع الألعاب اللي عندي !!
الشيء الجميل, أنه أخوي وولد عمي يلعبون من فترة لفترة وينينج إلافن... وهذا شيء أحسسني أنه اللعب شغال !!
بس بعد فوق هذا, ما أقدر أطالع ناحية أشرطتي !! كل ما جلست وبغيت ألعب أعدل عن الموضوع وأغير رأيي !!
وكل مرة أقول فيها يالله رواية خلص هاي اللعبة... أحس شيء يحبط معنوياتي وأسكر على طول بعد مشاهدة اللقطات الأفتتاحية :( !!
لكن بعد كل هذا بقولك... أستبعد مسألة الكبر وتغير الذوق !! لأنه ما أضني هذا سبب كبير, لأن الكثير من معارفي أولاد وبنات متزوجين ولا مو متزوجين, طلاب ولا عاملين, ما زالوا يلعبون :) !! وهذا اللي مفرحني ^_^ !!
بس أنا بعد عندي عدة أحتمالات:
1 - أتعودنا أنراوي أو أنشوّف الناس والربع أشياء جديدة, وألحين صار كل حد يعرفها... وفقدنا بذلك حب التكميل والتخليص في الألعاب لأنه محَّد مهتم إيشوف !!
2 - أنعياد الأفكار في بعض الألعاب ومعرفتنا النسبية للي شو راح يصير (هذا أخس شعور) !!
3 - كثرة الألعاب الحلوة من كل صوب وهوب وعدم مقدرتنا على الأختيار بينها, ونسمع الأصدقاء يقولون هاي أحلى, لا هاي احلى, لأ هاذيك... :( ؟؟!!
4 - الدراسة بدأت !! بموووووووت من القهر :غضب: !! ولما نسمع أن هؤلاك خلصوا اللعبة ونحنا بعدنا ما بدينا, وما نقدر نلعب بسبب البروجيكتات الجامعية, ننقهر وما نلعب !!
5 - مطالعتنا الدائمة للي شو راح نشتريه, وعدم ألتزامنا بما هو بين أيدينا... وعلى فكرة, هذه هي خطط شريكات الألعاب التجارية... أخذناها في الأدفيرتايزنج ADVERTIZING !!!!
6 - ما صدَّقنا حصلنا لعبة حلوة, إلا نزلت لعبة أحلى وتصير تشغل تفكيرنا :غضب: !!
8 - وجود هالمنتدى اللي يعور الراس :D !!
9 - تأجيلنا وكله نقول بعدين بعدين بلعب !!
10 - أتعودنا نلعب في بيئه كل واحد يشارك في اللعبة أو يبقى على أتصال ونتبادل الأخبار والتطورات في اللعبة, ألحين كل واحد أبصوب يلعب لعبة الأولاني ما يدري عنها أبشيء (لكثرهن) !!
11 - بس عاد رواية, غثيتنا ... ... !!!!
أما الحل فأنا أقترح الآتي:
1 - أخذ قصد من الراحة الطويلة والعودة للّعبة اللي تحب أن تنهيها... تفلوا على وجهي إذا نجحت الطريقة :D بس يالله, لا مانع من المحاولة -_^ !!
2 - أنشاء نوادي الفيديو جيمز للذين هم في الجامعات... نحنا شكَّلنا نادي الفيديو جيمز عندنا في الجامعه, ونجح نجاح حلو... بس بعد فترة وقعت خلافات... بس حاولوا أنتوا انه تتجنبونها !!!
3 - الموافقه مع الأصدقاء على إختيار لعبة واحدة يلعبونها ويقعدون عليها ليما ينهونها !! والأصدقاء مو شرط يكونون من نفس الفريج أو البلد !! ممكن عن طريق المنتديات والإيميل !!
4 - التوقف عن ترقب ما في السوق لكي لا نتلهّى عن ما نلعبه... مرة ثانية أقول إني بقطع إيدي إذا أحد قدر يتوقف عن مطالعة آخر أخبار الألعاب !! لا تاخذون بكلامي -_^ ؟!؟
5 - ربط الجأش والتمسك بالعزيمة !! <=== لأ الوليمة... مادري الحفلة :D !!
6 - بس عاد... كأنه ألحين حليت المشكلة يا رواية !!!!
هذا كل مالدي يا ناف ويا أصحاب !!
Rewayah
04-10-2001, 04:05 PM
لا تعليق :( ؟؟
أو تأييد في الرأي :( !!
D0WN~T0WN
04-10-2001, 04:26 PM
حتى انا صايرت لي من اخر الأجازة الين الحين واحس كان احد غاصني على العب واذا لعبت مافي امل اصك الجهاز وبعض الأحيان اقعد الين ثلاث ونص الفجر في ايام المدرسة
sas_com3
04-10-2001, 06:09 PM
لا يابوي كبرت
خلاص
معد يجرك هالشي
انا الالحين السوني منيب العبه الا مجامله لاخوياي اذا جو
وثمن انطره
على جمب بعدين الانترنت بعد يجرجر الواحد له
زيــل
04-10-2001, 09:04 PM
سوف ...اقصد شوف
عنك من العين والكلام الفاضي
انا نفس الشيء ما اطيق العب بلايستيشن
لاكن لما العب اندمج ولما يجي امي ولا ابوي او اخواني
يشلوني منها بالغصب !!
وشوف انت ما كبرت على البلايستشين و ولا شيء لأن عمري 13
واحس بنفس الحاله .. وصرااحه في الآونه الآخيره يسير معاي
نفس الشيء مع الكمبيوتر لاكن انتم شاديني مره ما تخلوني اهد النت!!
holly_smoke
04-10-2001, 09:19 PM
تصدق يا عيوني يا حبيبي يا روحي يا قلبي يا ناف اني من 3 اشهر او اربع ما لعبت سوني:)
D0WN~T0WN
04-10-2001, 09:36 PM
كتب العضو (holly_smoke)
تصدق يا عيوني يا حبيبي يا روحي يا قلبي يا ناف :)
ماتبيني اخطبه لك؟؟؟
holly_smoke
04-10-2001, 09:58 PM
كتب العضو (MR.Dj)
ماتبيني اخطبه لك؟؟؟
تعتقد بيوافقو اهله
الرايق 2000
04-10-2001, 10:08 PM
يا تاف حصلت لي قبل كذا الحاله هذي بالذات بعد فاينل 8 كنت اقعد عليها و الله العظيم من بدع المدرسه إلى يمكن الساعه 6 المغرب او 8-9 ( طبعا نهايه الأسبوع بس ) و ابشركم مو لاني ابرى اقوم بس اهلي يبروا التلفزيوون و انا طماع مواخذ الكبير مو الصغير حقي :):)
الحل واحد من إثنين يا انك تأخذ قرصين ضوئيين مرتين في اليوم
2 انك تلعب لعبه أسطوريه ترجع لك حبك للبيلستيشن و حاليا هيا ديفل مي كراي لان البقيه ما نزلت + ديفل مي كراي اسطورتي انا :D
D0WN~T0WN
04-10-2001, 10:16 PM
والله مادري هولي الظاهر أن سكوال بيتزوجه بعد مايخلص الجامعة
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .