ارسم اي عضو كيف تتخيله

[sensei]

السلام عليكم ورحمة الله وبركاته...

الموضوع معروف من عنوانه ارسم اي عضو بالصورة اللي تتخيلها أكيد لما تقرا ردود الاعضاء تتخيلهم... كيف تتخيلهم؟ بس اتمنى ان ما يكون هالموضوع يزعل الاعضاء آنه في البداية ما راح ارسم عضو لاني ما اعرف اذا كان راح يدخل والا لا بس ارجو من الاعضاء اللي ما راح يرسموا يدخلون ويحصون مشاركة هذا اذا يبون يشوفون كيف الاعضاء الباقيين يتخيلونهم الحين الشروط:
* نبي رسمتك تكون جادة يعني ما نبي تتمصخر على عضو من الاعضاء
* ما ترسم اي عضو الا اذا شارك " اما اذا بتطرش له رساله خاصة وتخبره عن الموضوع انطره لين ما يشارك بعدين ارسمه"
* اللبس ما يكون عاري "هذا شي اكيد"
* تقدرون ترسموني الحين لاني اول المشتركين
* أخر شرط اذا sawada shin و thinkful guy راح يرسموني اقول لها لا يشاركون لانهم يعرفوني

الحين انطر ردودكم وان شاء الله يعجبكم الموضوع وبنشوف اذا اللي راح نرسمهم يشبهونكم والا لا واذا راح نرسمكم اشيف فاحنا اسفين مقدما

[SawadaShin]

موضوع حلو اختي سينسي

بس الله يسامحج

يعني ما تبيني اشارك :sad2:

زني اقدر ارسمج مثل ما انا اتخيلج في المنتدى مو شرط شكلج الاصلي

زين... اسمح للاعضاء اللي بعدي يرسموني :ciao:

بس ما ابيها تخرع

[sensei]

اقول لج حبيبتي انه ما قلت لج لا تشاركين بس اللي قلته لا ترسميني لانج اكيد لما تشوفين ردودي بتتخيليني على طبيعتي (اي انسان هذا الطبيعي اللي يتخيل شخص يعرفه بشكل ثاني؟)

شاركي بس لا ترسميني بس ارسمي غيري

[الملاك الأبيض]

:D موضوع روعة وفكرته أحلى يا sensei

يالله نتريا الأعضاء يشاركون عشان نختار نرسم منو :D

[MoOoOoN]

موضوع رائع

بس حسافه انا مب لين هناك في الرسم :)

يالله حاولوا تتخيلوني وترسموني :ciao:

<==== عاش الواثق :09:

[oniAkuma]

موضوع روووووووووووووعه يا سنسي
اذا تبون ترسموني ارسموني اكثر وحشيه
وانتظروني لين ارسمكم

[SawadaShin]

اخي اوني ديفل ليش مو موجود العمر؟


يعني شلون اتخيلك من غير ما اعرف عمرك؟



واختي سينسي انا اتخيلج شي ثاني في المنتدى من صورة الرجال اللي حاطتها

[oniAkuma]

انا قاصر 6 شهور هههههههههههه
اذا فهمتيها ارسميني

[sensei]

انه رجعت

رسمتكم مثل ما اتخيلكم بس لما شفت عمر الملاك الابيض ما صدقت انه مستحيل اقدر اتخيله اكبر مني فرسمتك مثل ما اتخيلك

اما الباقين لا يزعلون اوكي؟؟

[oniAkuma]

حلوه الرسمه
بس ما يشبهني كلش كلش :jap005: بس الي راسمته زلفه عريييييييييييييييييض
بس انتي متوقعه ان جذيه شكلي
ملاك شكله يوم كان في ريعان شبابه يوم كان يلعب بالتمبه :09:
بس انا حليو مو متوحش ابيه اكثر وحشيه:jap043: ( طرار ويشرط )
والله يعطيك العافيه على الرسمه :fing02:

[الملاك الأبيض]

مشكووورة sensei على الرسمة

والله فيه ملامح مني ههههههههههههه

لا يكون جفتيني مكان

يشبهني شوي

[sensei]

oniDevil
يا اخي انه تخيلتك كذا يعني ما اقدر اغير بتخيلاتي ليش انت في الواقع مرعب؟؟

الملاك الأبيض
لا يا اخي ما شفتك بس انه اتخيلك جذي (الحمد لله هالمرة عقلي ما راح بعيد وايد)

[SawadaShin]

يحليلج سينسي راسمة موون كانه ابو مع عياله

عيل انا اللي رسمتهم غيييييييييييييير

اللي لابس قطري (اوني ديفل) واللي لابس اماراتي (الملاك الابيض)

عاد لا ابيكم تضحكون... ولا ابيكم تزعلون

انا رسمت اللي تخيلته... وهذي اول مرة اضبط اللي اتخيله

[p.mononoke]

سلام
هل من الممكن أن ترسمني سأكتب لك مواصفاتي
شعري قصير و أربطه قرنان ولونه بني ولست طويلة بحذاء رياضي زيتي اللون وبنطال أسود واسع
وتي شيرت أخضر وشكرا"

[agent_47]

السلام عليكم
حبيت اشارك بهذي الرسمه .... سويتها بعشر دقائق بس
guess who

تم حذف الرسمة بواسطة المشرف نظرا لمخالفة قوانين صاحب الموضوع

[The-waiter]

السلام عليكم.....
و الله ودي اشارك بس انا ما اعرف ارسم :jap003:
بس ياريت انكم تتخيلوني و ترسموني :)
و يعطيج العافيه اختي sensei على الموضوع الحلو و لا تنسيني ابي اشوف اشلون راح تتخيلوني:D :33:

[Al AnWaR]

موضوع حلو اختي سينسيه :)
وانا حابه أشارك في الرسم ... ورسوماتي يمكن تطلع كرتونية شوي
لكن صراحة مني عارفة كيف أتخيلك :D

اخ agent_47 :
دحين لا تقول هذا أخ ديك منتووف :wow:
ياويله لو شافك :afraid: ... مابيرحمك
بس تصدق بعض الأحيان أتخيله من ردوده شرير .. ومرعب ... ورئيس عصابة مافيا :afraid: <<< أمزح :D
لكن أنا ما شفت مشاركة له هنا .. حسب القوانين أعتقد انه لازم يشارك أول وتكون الرسمة جادة

[SawadaShin]

اخوي agent_47

ارسل رسالة للاخ ديك منتوف (اذا كنت تقصده) وخله يدخل الموضوع يشوف الرسمة

علشان اذا هو مو راضي تحذف الرد

وجزاك الله خير


اختي انوار
ممكن ارسمك؟ :05:
والا ما تبين تنرسمين بس تبين ترسمين ؟

[sensei]

اسمع agent_47 مع اني ادري انك ما راح ترد علي لانها عادتك جذي

شوف اذا بتتمصخر عالاعضاء فمن الحين اقول لك انك مالك مكان في هالموضوع واذا بتواصل شكلي راح احذف الموضوع لاني ما ابي اسبب مشاكل

فلو سمحت شيل مشاركتك قبل ما اقول للمشرفين يشيلونها

[The-waiter]

اقوول شباب اعصابكم ما صار الا الخير:ds016: ...اختي سينسيه طولي بالج الله يخلييج :ds015:
و ما عليج من agent :ds020:

[DeeK MantooF]

أرد؟

ولا ما أرد؟

أرد؟

ولا ما أرد؟؟؟

أرد؟

ولا ما أرد؟؟؟؟؟

أرد؟

ولا ما أرد؟؟؟؟؟؟؟؟





ممممممم






لا مو لازم
ما يستاهل تعبي :31:

[Al AnWaR]

هذه هي اختي سينسي :D
حاولت أرسمك مثل ما أنا متخيلتك بس مهي راضية تجي
حاولت أخلي الرسمة تطلع كأنها حقيقية .. بس مهي راضية تجي
جلست أعدل فيها لين ما خربت ..
بس قلت أحطها عشان مايضيع تعبي
لكن تأكدي أنا مني متخيلتك كذا
بأحاول مره ثانية ;)

وإذا بدكم ترسموني ما عندي مافي مشكلة :D

[sensei]

انه عكس الصورة تماما ما عدا الشعر

جان زين عندي جسم كذا انه جسمي ضعف هاذي ههههههههههههه

[sensei]

انه رجعت اسفة عالتاخير بس سارت سوالف وضروف اخرتني


تبوني اقول لكم؟؟ راح اقول

اولا رسمت اخوي The-waiter ونص p.mononoke وبعدها ضاع الدفتر:jap005:

وبعد كذا يوم لقيته وخلصت الرسمة كامله:jap021: بس.... السكنر ما رضا يدخل لي:jap005:

نطرت بعد يومين واخييييييييييييييراااااااااااااااا دخلت لي وحطيتها:jap021:

بابدا من اليسار اول واحد اكيد The-waiter وبعدين p.mononoke واخر وحدة Al AnWaR


ملاحظة:
اخوي The-waiter انه اتخيلك طيب وتحب اليهال ومرح بس شكلك ما يوحي

[The-waiter]

يعطيج الف عافيه اختي سنسي على الرسمه الرائعه ما شاء الله عليج 10\10 :biggthump

وانا احب الأطفال الكل يحب بس انا شكلي شوي غير عن الرسمه بس بصراحه شكل الخيالي حلو :05:

مشكوره اختي و ما قصرتي

[sensei]

ليش تقول الكل يحب الاطفال انه اكره شي عندي اليهال الوعون الجبد وصوتهم انرفز ان كانوا يصيحون والا يضحكون

[The-waiter]

ليش تقول الكل يحب الاطفال انه اكره شي عندي اليهال الوعون الجبد وصوتهم انرفز ان كانوا يصيحون والا يضحكون
حرااااااااااااااام عليج اشفيهم يا زينهم اذا جمعتيهم و قلتيلهم قصه او علمتيهم العاب اشكالهم يضحكون و احلى ما فيهم برائتهم:ds017:

[sensei]

...........(لا تعليق)

[ريماز ...نت]

هاااااااااااااااااااي ياحلويييييييييين

انا ريماز ...

من الشاطر الي بيتخيلني ويرسمني ؟؟؟

يالله بليييييييييييز

ابي اشوف نفسي كيف بخيالكم ...

بااااااااااي

[sensei]

كيف نتخيلك وحنا ما نعرف ان كنت بنت والا ولد:jap003:

[DeeK MantooF]

يسعدني اشوف الموضوع استمر وما توقف عشان سبب ما يستاهل
:)



اتمنى للجميع التوفيق

ورسمات جميلة للكل :D

[Sonic]

والله الموضوع حلو ورائع

وياريت ترسموني ^^

وللأسف أنا أحب الرسم بس ما أعرف أرسم ><

ومشكورة على الأبداعات والسلام عليكم

[Al AnWaR]

:bigeyes: :bigeyes: :bigeyes:

الحمد لله انك متخيلتني كذا :D

الرسمة ماشاء الله طالعة حلوة .. عجبتني كثير :)
وعجبتني بعد الإبتسامة ... توحي بالثقة العمياء :wow: .. بس يبالها شوية تحريك على اليمين
والشعر ماشاء الله حلو .. وخطوطك فيه جدا رائعة :biggthump
لكن للأسف البنت هذه تشبه أختي الكبيرة أكثر مني :(


مدري ليه اي احد يسمع عني يحسبني وحدة بنت متزنة .. وكبيرة
بس لما يشوفوني ...
بنت كأنها في الإبتدائية .. ذات ملامح بريئة .. و يبتسموا لها و كأنهم شافو طفل مر أمامهم :vereymad:
لكني بدأت أستفيد من هذا الشكل في هذه الأيام :أفكر:

[LANCE VANCE]

محد يعرفني بس اول ما شفتوا الرد هذا ايش تخيلتوني
انا 16 سنة
مو ترسموني شايب :D

ابي نظرتكم لي

[88_Shadow]

يلا منو يتخيلني و يرسمني



عمري 17

و بس و الباقي عليكم



أنا تخيلت واحد من الأعضاء الي شاركو بالموضوع



منو هو خخخ

مراح اقول لكم الحين



تسلمين اختي على الموضوع الرائع

[sensei]

الحمد لله الردود كثيرة (وجات مرة وحدة) بس...

مو كأن ما في بنات شاركوا في هالموضوع الا ثنين؟؟

مش مهم .... انه الحين رايحة ارسم الاعضاء

سلام:ciao:

[Dr.MoDmEn]

السلام عليكم

انا بصراحه اول مره ادري عن منتدى الرسم ويوم خشيته طالعت هذا الموضوع وعجبني حيييييييل


انا عمري 13 اتوقع عمري مميز وتقدرون تتخيلوني

[© Fancy Kitty ©]

الموضوع رائع :biggthump

بس مااقدر اتخيل الاعضاء لأني جديدة في المنتدى ومااعرفهم كويس :09:

بس حشارك برسماتي قريب انشالله

وحبدأ برسم الاعضاء اللي شاركوا بالموضوع :ciao:

[her highness]

مِشكوره اختي sensei على هالموضوع الحلو

انا البنت الثالثه

ياريت حد يتخيلني ويرسمني

وللاسف ما اعرف ارسم عدل

:(