المساعد الشخصي الرقمي

مشاهدة النسخة كاملة : معرض رسوم الاعضاء قد اتهمت بالنسب


oniAkuma
24-08-2005, 08:21 PM
السلام عليكم ورحمة الله وبركاتوا

لقد تلقيت اتهامات من بعض اعضاء المنتدى باني انسب رسمات غير رسماتي
واني العب فيهم بالفوتوشوب واحط بعدها عليهم توقيعي

واليوم سأثبت العكس
صج ان صارت المشكله من فتره اطويله بس للحين شايل في قلبي
لان عطيت نفسي وقت اطويل وانا اتعلم واخر عمري اتهم بالسرقه والنسب والكذب على الاعضاء

وراح اراويكم الرسمات الي اتهمت فيها وارجو انكم اتلاحظوا الفرق

وشكراً على حسن قرائتكم
::.SnOw.::
24-08-2005, 10:45 PM
السلام عليكم و رحمة الله و بركاته....


كيفك أخي العزيز ... اوني ديفل..

إن ش الله بخير..

بس احب اقولك...... الرسمات فظييييييييييييييييييعه.. بس اسم الموضوع قهرني مررررره

تعرف ليش...؟؟؟
لأن الرسمات يبيلها موضوع يليق بجمال رسماتك و رونقها

واذا كان على الأتهامات الي اتهمت بها .... فأنا اقول..

صار له .. يمكن أكثر من شهر؟.....!

ما له داعي... تذكرنا...

وانت خلاص.. تأسفت .. وما أظن .. أنك... راح ترجع..للحركات

لأنك انسان نبيل..

المهم الي فات مات

وانا أول من راح يصدقك....... على رسماتك..

الجديده

على العموم استمر و نتعطش لرؤية المزيد


سلام يا موهوب:biggthump
Eevee
24-08-2005, 10:48 PM
اخوي

لا تشل في خاطرك نصيحة

لان ما بتعب الا نفسك

وللي مجذبينك خلهم يثبتون جذبهم
shizuku
24-08-2005, 11:41 PM
السلام عليك يا أوني ديفل

أنا كنت P.MONONOKE سابقا" أحب أن أبدي رأيي بخصوص هذا الموضوع

فما أعجبني فيك هو ثقتك بنفسك { إضافة إلى رسوماتك} .

ونحن كلنا معك ....:D
shizuku
24-08-2005, 11:48 PM
ملاحظة : ابتسم و افرح ولايهمك

ملاحظة 2: رسوماتي الأخيرة في الاسم القديم لم يمر عليها أحد ......

:itsme:
The Pharaoh
25-08-2005, 12:59 AM
ألسلام عليكم


يا اخي اوني ديفل
انت رسمك رهيب وباعتقد انو انت لازم تستمر لانك مو بس موهوب بل فنان بكل معنى الكلمة:biggthump :biggthump


وانا ادعمك واقولك انو لاتتطلع للخلف...............الموضوع مو مستاهل
يا ما تشابهت الرسوم بين بعضعا...
شو فيها:33: :33:


وكلنا معك......................
سلام
ur dude
ramitto
*RiNoA*
25-08-2005, 04:36 AM
رسماتك رااائــــعة جدا اخوي ..

لا يهمونك ... فاتهاماتهم تثبت قدرتك وموهبتك القوية بالرسم ^^

والاعضاء هالايام معنهم كباااار شغالين تحبيط وتحطيم بالفنانين امثالك =__= الله يسامحهم بس...
tootaa18
25-08-2005, 09:04 AM
وعليكم اسلام أخوي

امممممممم
الفرق واضح بين الرسمات ^^

يمكن انت بالأول ما وريتهم إلا رسماتك فاعتقدوا انك نسبت الرسمات الأصلية لنفسك
كان المفروض تعرضلهم رسماتك مع الرسمات الأصلية عشان يلاحظون الفرق ^.^
The-waiter
25-08-2005, 04:05 PM
السلااام عليكم اخوي oniDevil ما عليك منهم نا ما عندهم ما عند جدي:ds004: انا أكد انك من افضل الرسامين و رسمك ممتاز بل رائع و الدليل توقيعي من رسمك:ds015: و هذا الرابط لموضوعي تفضلوا و تأكدوا :ds020:



http://www.montada.com/showthread.php?t=399579
The.Black.heart
26-08-2005, 03:23 AM
رسومات روووعه وتلوين متقن
وبالنسبه للأتهام
عادي
ياما تعرضت لمثله
DeeK MantooF
26-08-2005, 04:02 PM
رأيي وانت عارفه

وما احتاج أقول

:31:

والموجودين ما يعرفون اللي صار

:31:
88_Shadow
26-08-2005, 04:49 PM
وعليكم اسلام أخوي

امممممممم
الفرق واضح بين الرسمات ^^

يمكن انت بالأول ما وريتهم إلا رسماتك فاعتقدوا انك نسبت الرسمات الأصلية لنفسك
كان المفروض تعرضلهم رسماتك مع الرسمات الأصلية عشان يلاحظون الفرق ^.^


أقولك نفس الشي
و بعدين يمكن تفاجئو من المستوى و ما عرضت لهم رسومات زياده
لانك مب الوحيد
احيانا اشوف برسومات الأعضاء واحد يفاجئني برسوماته
وما عرض غيرها يعني حوالي من 1 الي 3 رسمات فقط
يصير اني اشك فرسوماته و ما ادري صرقها و لا لأ لكن بعد ما يعرض زياده احفظ اسلوب رسمه بعد و أتكد انه راسمنها
حتى التلوين يفاجئني عند بعض الأعضاء اشوف مستوا التلوين احلى من الرسم اقول يمكن مب تلوينه وبعدين يوضح لي
يعني يمكن يكون هذا السبب و انك تعرض رسمه و رسمتين عشان يعرفوا رسمك ما يكفي
أنا شفت الجدال الي صار بموضوع التحدي .. لو كنت بدالك بتحطم لكن ما بشيل بخاطري بعد ما يتأكدوا من انها رسوماتي


يلا لا تزعل
oniAkuma
26-08-2005, 06:43 PM
اشكركم كلكم والصراحه انا مب زعلان انا فرحت بان الجميع ساندني
يا ديك منتوف انا اظن انهم اعرفوا السالفه خلاص
وانا حبيت ابين ان بعض الاعضاء وخاصةً انت يا ديك يعرف اني ارسم من تعبي وليس بنسخ 100%
والسلام مسك الختام
Sander
27-08-2005, 01:40 AM
oniDevil

ماله داعي نفتح السالفة القديمة... الي حصل حصل و مثل ما يقولون الي فات مات

صح أنا شايف فرق بالصورة الي عارضها .. بس موضوعك القديم ما كان مثل هذا,,

كان فيه نوع من التحدي .. و بعدين فيه شغلة أنت غلطت فيها..
ما بيّنت أنك مقتبس فكرة الرسومات تبعك.. لو أنك عرضتهم زي كذه ماكان حد تعرض لك .. أو أتهمك.

عالعموم هذا موضوع أنتهى.. و حاليا شايف تشجيع من الأعضاء لك .. يعني طاويين الصفحة القديمة..
فـ بالتوفيق لك .. و أن شاءالله مافيه زعل بيننا.
DeeK MantooF
27-08-2005, 04:04 PM
مثل ما قال ساندر

انت ما بينت للأعضاء انك مقتبس بس قلت انها رسماتك


والأعضاء ما يدرون عن السالفة الأولية
يعني مستوى الرسومات ونوعية الخطوط واضح انها مو خطوطك لو ان الواحد دقق في كل انواع رسوماتك

تقول لي ستايل مختلف؟

هع.....وات ايفر

واضح من الخطوط ان كان الرسام متمرس ولا اي كلام
وبعدين في الموضوع اللي صارت عليه المشكلة الكبيرة ان دخلت اخوانك وخلتهم يردون وكل واحد يطلعلي هاي اخوي اللي رد وهاي اخوي اللي رد
وأخونا هاياتي جاب أدلة كاملة ومواقع وصور تثبت ان الرسمات مو رسماتك

وبعد انت واخوانك مصرين ان الرسومات رسوماتك
وبعدين يتغير الكلام وتقولوا انه مافي مشكلة الواحد يقلد صورة فنان معجب فيه...

تقلد كتمرين اوكي
لكن انك تقلد الرسمة بتفاصيلها وتاخذ الفكرة وتنسبها لك انت متناسي الفنان الاصلي وصاحب الرسمة والفكرة اصلا.
هاي ما ينسكت عليه

تقول هذول أخواني انت مالك شغل؟

لو انت عندك حس بالعدل وشرف الفنان كان ما رضيت على كلام أخوانك واعتذرت عن كل اللي صار

وقلت اخوك متخرج من شنو وما ادري شنو وبي ات دي والخرابيط
وين ما شفنا شي

وجهنا تحدي مناسب للشهادة اللي ماخذها بس انت اللي قبلت التحدي بداله والمفروض انه يكون لأخوك

تقول ماله شغل؟
ليه؟؟؟؟

مو هو اللي كان يتكلم من أول؟

اوكي يكون اخوك الثاني فرضا

ليه كلكم مصرين على اخوي واخوي وشهادة وجامعة من كندا ؟؟؟

يعني فرحانين فيه
ومادام فرحانين فيه كان المفروض يثبت شي من الكلام

بس مرة ثانية ما شفنا شي؟

وبعد ما تقفل الموضوع
وطلبنا التحدي وانت قبلته

قدمت 3 رسمات من اصل 4
والمفروض تحدي تثبت ان الرسمات رسماتك في الأصل كان المفروض نشوف مستوى مثل المستوى اللي نشوفه الحين في الملفات المرفقة الحالية في هالموضوع اللي انت وانا فيه

وين هذا ووين هذاك

فرق واضح وواضح جدا



تحب انبش في الجاليريات وأوري الأعضاء المواضيع اللي صارت من قبل؟

ولا تحب أحط برنت سكرين للرسائل الخاصة اللي اخوك كان يتمسخر فيها علي من ورا الناس بكلام يدل على البيئة اللي انتوا متربيين فيها؟

تقول لي ممكن أزور الرسايل؟؟

هع

انا مستعد اسلم بريدي الخاص بالمنتدى للمشرفينن والمراقبين هنا يشوفو من المرسل والمستقبل والآي بي
يتأكدوا اذا كلامي صحيح ولا انا كذاب


وبعد مصر تقول ان هذي الرسومات رسوماتك؟


لو انك قلت انك ناقلهم من صور أصلية ثانية نقول اوكي

بس بكل وقاحة تقول هاي الرسومات رسوماتك

للأسف كل الصور في الموضوع القديم انمسحت وانحذفت

ولا كان لنا كلام أكبر


:31:

هه
عجيب والله
oniAkuma
27-08-2005, 05:53 PM
اولاً السلام عليكم
ثانياً انا حبيت اتقول هاي كلللللللللللللللللللله
لأن اخوي سوى موضوع بدون علمي
وثالثاً مب انا الي كتبت لك الرسائل الخاصه وقول حق المنتدى كله لأني انا عارف مب انا الي كتبت وابعدني عن هالسالفه هذا بينك وبين اخوي
والحمد لله انا متربي وبيئتي من المحترمين
وانت الصراحه ما تتمسك بكلمه وحده في موضوع ليون كندي تتكلم عن منع الشف قلنا معليش
وحتى النقل حرام انا الي رسمتهم من الرسام
التحدي كان مب لي كان حق اخوي say what u say
واتسوي نفسك ماتعرف
وانا ماحب اتم على استايل واحد وانا قاعد اتمرن على شيء انت ماتعرفه
وهذا رايك ان رسمي اي كلام وانا احترمه
وانا ماقدر اغير في كلام الناس وآرائم
وبالنسبه لهياتا راح حق الجيلري مالي وغير في مسار الموضوع كله وهذا ماله داعي
وانا اسف اذا غلط عليكم كلكم
وهذا كلامي الاخير
والسلام مسك الختام
DeeK MantooF
27-08-2005, 07:11 PM
توقعت هالكلام

انت بكلامك تبرئ نفسك من السالفة

وتقول انه كان اخوك مو انت


اوكي

اخوك كان يستخدم الأي دي مالك ولا لأ؟؟؟


يعني كان يستخدم اسمك وسمعتك بالمنتدى


ليه ؟
ما خفت الناس تاخذ عنك فكرة سيئة؟؟

ولا بايعها؟؟

او انك مؤيد كلام اخوك وعشان كذا ساكت

هاي اللي انا اشوفه


وستايل ما ستايل


اقول نوعية الخطوط وثقة الرسام في خطوطه يبين مستوى الرسم فين يروح وفين يودي تقول لي ستايل؟


وانا كلمتي وحدة سواء معاك او كينيدي او اي واحد غيركم


تاخذ حقوق رسام وتنسبها لك وهاي صريحة

وين قاعدين احنا؟

انت ما جبت اي سيرة في انك نقلتهم

ولا جات اي سيرة في انهم نقل

كان نسب

وبعدين محاولة في تغيير التهمة قلتوا انه مافيها شي ينقل الواحد

يوم تنقل تقول انك ناقل مو تقول هاي رسمتي انا رسمتها

ولا تحب اراويك كيف بعض الأعضاء يقولوا بكل أدب واحترام هاي مو رسمتي بس انا ناقلها من مكان معين؟؟؟
oniAkuma
27-08-2005, 07:53 PM
السلام عليكم
انا اقول الحقيقه والله شاهد وانا ليش ابرء نفسي

ولو انا كنت مؤيد اخوي وراضي ما خليت اخوي يسويله عضويه يديده

واذا انا ماقلت او نسيت باني ناقلهم احطهم بكل فخر واعتزاز وانتم عارفين ان هذا فنان معروف
Sander
27-08-2005, 08:15 PM
مادري وش الهدف من فتح السالفة هذي من جديد..... :31:

oniDevil

نحن أنهينا المشكلة بتحدي للشخص الي بدأ .. أحدكم جاء و عرض تحدي..
عرض لوحات بعضها مشكوك فيهم... و الستايل كان مختلف بالرسومات..

حصل أنو بعض الصور مقتبسة أو منقولة من رسومات معروفة
و صاحب الرسومات ما بين هالشي و ظل يماطل...

نحن عملنا تحدي و الأخ قبل .. بعدين أنت جيت ترد على التحدي؟ ليه..؟ ماكنا عاملينه لك أنتا
هذا تحدي للي دارس بكندا "أفتكر"

الحين أنت شخص و هذاك شخص آخر,, ليه رجعت فتحت الموضوع؟
أخوك مطنش السالفه و ماهامه...

وبعدين صرنا نخربط بينكم.. مين رسم أيش؟ و مين قال أيش.....؟
مين صاحب التحدي و مين صاحب الرسومات...
و مين الي صار يرسل لي عالخاص و للأخ ديك منتوف؟؟؟

السالفة زحمة.. و ماشوف له داعي نرجع ننبشها.. :o

ببساطة لما ترسم شي منقول من لوحة لأحد الرسامين وضح هالشي حتى ما يحصل لبس في الموضوع..
و بس...
orange road
27-08-2005, 08:32 PM
انت ليش تحب تسوي حق روحك الكلام؟؟
لازم تفتح النار على روحك؟؟ والا تبي تسوي أكشن في المنتدى يعني؟؟

اغلب الاعضاء اللي دخلوا الموضوع وأيدوك ما يدرون الموضوع كان عن شنو..

انت اول ما عرضت الرسوم ما قلت انك ناقلتهم.. على طول قلت هاي رسومي.. ما ادري هاي رسوم اخوك اللي من كندا ما ادري اي واحد فيكم..
وبعدين لما ييت تبي تتحدى طلعت حقيقة رسمك وان مستواك يعني.. نص ونص.. ممشي حاله..

آبي أعرف انتوا الحين المفروض كرسامين.. ما تعرفون الخطوط اول ما تجوفونها؟؟ ما تعرفون الخطوط ان اللي راسمها متمكن في الرسم وقوي فيه والا اي كلام؟؟ والا شافهم؟؟

والله اتعجب منكم.. انتوا بأي نظرة تنظرون حق الرسوم؟؟
طبيعي انكم تطيرون على الرسوم طيران.. ما يهم مستوى الرسمة.. نادر ما مر علي تعليق فيه نقد بناء او كشف حق اخطاء او نصائح او افكار.. كله نتشوق لرؤية المزيد.. اي مزيد اذا كله بيكون بنفس المستوى؟؟

مثل ما اقول حق ليون وباقوله لك...
حط اللي تبي تحطه.. الواحد ما عاد عنده وقت يضيعه على انصاف الرسامين

:ciao: سايونارا
oniAkuma
27-08-2005, 09:20 PM
السلام عليكم اهلاً اخوي ساندر واورنج رود

الي صار كله مب انا الي امسويه والي صار مب مني تأكدوا
وطريقة كتابتي تختلف واما كتابة اخوي املخبطه اشوي
ومب انا الي تحديت انا ما احب اشارك الي في مسابقات الرسم

وانا ما نشبتها
انا حبيت ابين لكم انكم اهتميتوا برسماتي المنقوله انزين وينكم يوم اول ماحطيت رسماتي (وانا استبعد ساندر وبقية الاعضاء الذين ساندوني) لا مراقب مر ولا عضو مميز مر ولا فنان مبدع وكنت اتلهف على مروركم وتشجيعكم
واذا انا نسيت وما قلت ان الرسمات منقوله ليش ماسألتوني كنت بقول لكم الصج اذا كانت الرسمه منقوله ولا لا
وانتوا ما شفتوا الرسمات الي انا مبتكرها كأن الرسمات المنقوله عمتكم عن رسماتي الباقه

واشكرك يا اورنج رود على اني نص رسام
DeeK MantooF
28-08-2005, 03:06 AM
السلام عليكم
انا اقول الحقيقه والله شاهد وانا ليش ابرء نفسي

ولو انا كنت مؤيد اخوي وراضي ما خليت اخوي يسويله عضويه يديده

واذا انا ماقلت او نسيت باني ناقلهم احطهم بكل فخر واعتزاز وانتم عارفين ان هذا فنان معروف

عذر أقبح من ذنب

لو انك مو راضي كان اعتذرت لأنه استخدم الاي دي مالك

لكن سواء هنا او هناك انت ظليت ساااااااااكت ولا كأنه صاير شي

تعتبر هذا رفض؟
وانت تتفرج على اللي يصير بنفس اليوزر نيم اللي انت حاليا تستخدمه؟

شي ما يدخل العقل صراحة


السلام عليكم اهلاً اخوي ساندر واورنج رود

الي صار كله مب انا الي امسويه والي صار مب مني تأكدوا
وطريقة كتابتي تختلف واما كتابة اخوي املخبطه اشوي
ومب انا الي تحديت انا ما احب اشارك الي في مسابقات الرسم

وانا ما نشبتها
انا حبيت ابين لكم انكم اهتميتوا برسماتي المنقوله انزين وينكم يوم اول ماحطيت رسماتي (وانا استبعد ساندر وبقية الاعضاء الذين ساندوني) لا مراقب مر ولا عضو مميز مر ولا فنان مبدع وكنت اتلهف على مروركم وتشجيعكم
واذا انا نسيت وما قلت ان الرسمات منقوله ليش ماسألتوني كنت بقول لكم الصج اذا كانت الرسمه منقوله ولا لا
وانتوا ما شفتوا الرسمات الي انا مبتكرها كأن الرسمات المنقوله عمتكم عن رسماتي الباقه

واشكرك يا اورنج رود على اني نص رسام

يعني بعد اللي صار

تتوقع احد يساندك؟

الا اذا كان مو داري عن السالفة وعن اللي صار

او انه وراك عمياني وما عنده كرامة الفنان

حقوق الرسم والأفكار دايما في اللوحة

وشرف وكرامة الفنان في رسمه

وبعدين شي ثاني

انت جاي تقول فتحت جاليري ثاني

رسمات من تأليفك

بهالبساطة جاي بعد اللي صار؟

اللي عنده عقل ونظر يقدر يميز

الرسمات اللي انت حاطها ولا راح تقول أخوك اللي حاطها من وراك بدون ما تدري
ورسمكات التحدي

وين و وين

:biggthump

مية مية الصراحة

مرة ثانية

لو انت ما كنت راضي عن اللي صار
ومثل ما تقول ان اخوك فتح الموضوع من وراك

انت الحين دريت ودريت من زمان

ليه ما جيت واعتذرت وقلت انك ناقلهم؟

سكوتك كان صريح يعني الموافقة على اللي سواه اخوك

يعني ما ادري لين متى نعيد ونزيد الكلام


والمشكلة ما بنوصل لشي لأنك قاعد تدور حولين نفسك









في سؤال من أول في بالي

:أفكر:


الحين يوم حطينا التحدي

ليه أخوك هرب وما قبلها وتركها لك بعد ما عمل كل هالسالفة من الأول للأخير وانت مثل ما تقول ما تدري عن شي
وفي الأخير انت جاي تقول انا اللي راح اقبل التحدي مع لهجة واضحة انك على دراية بكل ما يصير من اول ما بدأ اخوك يحط رسومات قاااااااااالوا انها رسوماتك ;)



هع هع

مثل ما قالوا

حبل الكذب قصير ;)
oniAkuma
28-08-2005, 02:50 PM
لحظه انا ما كنت اهتم بالمنتدى ذاك الوقت كان عندي امتحان يعني انا ما كنت اتفرج
وفي الموضوع الي الي فات انا قلت اني ناقلهم بس اصريتوا انها نسخ بالفوتوشوب
وانا ما قلت ساندوني في الجيليري الثاني كان قصدي عن القديم وينك ها قولي وانا زرت الجليري الي لك على الاقل اتقول هذا الشخص رد في موضوعي على الاقل ارد في موضوعه واحط نقدي عليه
واخوي مب فاضي الحين ذاك الوقت كان زياره لنا في الدوحه ومن زمان سافر وهو قاعد يدرس واظن انه مو فاضي

وانت مصر على انك اطلعني اني كذاب ومراوغ
الله يسامحك
DeeK MantooF
28-08-2005, 03:17 PM
اول شي

ما افتكر اي سيرة واي كلام عن النسخ بالفوتوشوب


ثاني شي

يوم قبلت التحدي
قبلته عمياني بدون ما تدري شصاير؟
وقبلته بكل جراءة كأنك عارف انت داخل على شنو

معقول يعني
واضح من طريقة ردك
وبعدين كان فاضي بس يرد ويسوي هوشة وكلام وسالفة ومو فاضي يهدي الوضع؟
هاي اسميه تخريب
وحتى اسلوب الردود خاصة على اورنج رود كان سيء يدل على شخصيته

أما ردك :-
وانا ما قلت ساندوني في الجيليري الثاني كان قصدي عن القديم وينك ها قولي وانا زرت الجليري الي لك على الاقل اتقول هذا الشخص رد في موضوعي على الاقل ارد في موضوعه واحط نقدي عليه

عشان تعرف الناس هنا ماشية نفسي نفسي
وبيني وبينك....حاليا ما اتشرف أرد على رسماتك

:)
oniAkuma
28-08-2005, 03:37 PM
الصراحه انا مابيك اتزورني هههههه
وانا الي ميت على ردودك

وماعندي الا اقول
(( اذا خاطبك الجاهلون فقل سلاما))
والسلام عليكم:ciao:
DeeK MantooF
28-08-2005, 04:04 PM
لحظة انت ما قلت سلاما

:أفكر:

اوكي خليني أقولها عنك لك

:D


سلاما





صاير حكيم على آخر زمانك خخخخخخخخخخخ :jester:
88_Shadow
28-08-2005, 04:26 PM
أحسن لكم تقفلوا السالفه

ليش عوار الراس
خلا ص
نسب ولا ما نسب
راجع له
بس انا اشوف اختلافات بين الرسومات ما ادري أكذبه ولا اصدقه المهم ما لا داعي
DeeK MantooF
28-08-2005, 04:43 PM
أحسن لكم تقفلوا السالفه

ليش عوار الراس
خلا ص
نسب ولا ما نسب
راجع له
بس انا اشوف اختلافات بين الرسومات ما ادري أكذبه ولا اصدقه المهم ما لا داعي


انا كنت ساكت لين انفتحت السيرة مرة ثانية
:o


والنبيه اللي يشوف تفاوت الخطوط واسلوب الرسم اللي يتغير 180 درجة في كل الاتجاهات ادا شاف كل الرسومات في كل المواضيع وكل الجاليريات
:أفكر:
Sander
28-08-2005, 05:07 PM
طيب.. بالنهاية وصلنا لنفس النتيجة... مادري ليه فتحت السالفة من جديد يا أوني.. خلاص تعلقت زي قبل
اذا حد بتهمه السالفة فهو أخوك صاحب التحدي.. و حلها في يده..
مجرد يرسم الصور المطلوبة و منها نعرف اذا هو مثل ما يدعى أو لا..

و صح غريبة تعرف السالفه كلها و تدري أنها صايره بعضويتك و بمعرضك بالذات و أنها أكيد بتأثر عليك و تكتفي بالصمت.. :31:
لو أنا مكانك أول شي بسويه بوضح أن التحدي من أخوي و أنو مالي دخل... و أكيد بخليه يشارك بعضويته هو..
خصوصا اذا كان بيعمل مشكلة و بيمشي و أصير أنا الي أتابع

نحن وضعنا تحدي و هو قبل.. أصلا كان يرسل يطالبني بالتعجيل في وضع التحدي حتى يثبت مهارته....
و لما وضعت التحدي أخوك أختفى ماشفناه....؟ :06:

دخلت أنت و نفذت التحدي و قلت انو أخوك مشغول... :31:

عالعموم.. أنا مابي أظلمك في شي.. شفت لك رسومات و أعتقد أن عندك موهبة بالرسم..
فلا تخلي الرسومات المنقولة تخرب معرضك.. لما تنقل وضح لنا حتى ما نظلمك أو نتهمك..

و أخيرا, ياريت تقفل السالفه لأنها ماراح تنحل.. لما يفضى أخوك يقدر يجي ينفذ التحدي .. مافيه مانع
أما أنت فما عندي شي ضدك غير أن إهتمامك الكبير بالمشكلة القديمة بدء يحيرني..
oniAkuma
28-08-2005, 05:50 PM
السلام عليكم
اهلاً ساندر وهاوي رسم انا بنهي السالفه
الديك ياب السالفه القديمه وما كان لها داعي انا كان قصدي اني ابين لكم فقط انه في اختلاف كبير وواضح بين الرسمتين
اوكي انا راح اقول حق اخوي وما راح يرفض وباقي له رسمه ولين يفضى راح يكملها
واقول لكم اسم عضوية اخوي say what u say
وما راح يدش بعضويتي مره ثانيه
بس انتم ماتدرون ويش الي صار من بيني وبين اخوي
بس انه احترمه لأنه اكبر مني
والسلام عليكم
DeeK MantooF
29-08-2005, 03:20 PM
انا اللي جبت السالفة الحين ؟؟

عجيب والله

:o
Sander
29-08-2005, 09:48 PM
انا كان قصدي اني ابين لكم فقط انه في اختلاف كبير وواضح بين الرسمتينطيب.. رسالتك وصلت..

قفلوا لي السالفة ذي.. أنتهت خلاص..
ماشوف له داعي نرجع نتكلم فيها...
Rewayah
30-08-2005, 07:55 AM
أوني دفل.

أنا قريت الموضوع وإطلعت عليه كما طلبت.


لا تخاف...

...
راح أحط موضوع جديد بعنوان مثل ‘أرسم الوصف‘, بحيث أطلب شغله, والآخرين يرسمونها...

وبنعرف الفنان من مدعي الفن. :)



ولا يهمكم.

حياك.
Dark Ocean
17-09-2005, 04:09 AM
اغلبية الاعضاء كلامهم تافة ومحتريين رسماتك تجنن وماعليك من الكذابين الي كلامهم مصخرا..
تابع تقدمك ولا يعترضون طريجك ولاشي..
Sander
17-09-2005, 01:04 PM
This case is closed
shindou-kun
17-09-2005, 01:43 PM
السلام عليكم ...

انا اعرف السالفه ...لا تخافون ما راح ابتدي اي نقاش ثاني ...
بس حبيت اعطي رايي على الرسومات ...
...رسمك روعه اخوي استمر وهذا رايي بكل صراحه ...
وحتى لو كان نقل فهو يفيدك برسمك انت ..ويزيد من خبراتك..
يعطيك العافيه
سلام
oniAkuma
17-09-2005, 02:47 PM
السلام عليكم مشكورين على الوقفه
وانا معاك ياشيدو الواحد يبي يكسب خبره وليس القصد بنسب رسمه
وعلى هالقضيه خلصت وان شاء الله راح نبتدي صفحه يديده بدون مشاكل وعوار راس
Dark Ocean
17-09-2005, 11:26 PM
خلاص سكروا الموضوع وكل واحد يمشي في طريجة


This case is closed

ونبدأبصفحة جديدة...
الموضوع مغلق ولا حد يرفعة
Alision III
18-09-2005, 09:34 PM
رسوماتك جميلة جدا أخي اوني ديفل





:jap038: very good:jap038:
Lenalee Lee
21-09-2005, 03:58 PM
السلام عليكم ورحمة الله وبركاته..
كيف الحال أخ TheDeath?

بالرغم من أني لم أفهم الموضوع جيداً..
إلا إنني أنصح بعدم الاكتراث للموضوع مادمت واثقاً بأنك لم تفعل شيء..
وكما قال الأصدقاء انسى الموضوع..
وثق بنفسك فأنا أرى فيك فنان مبدع ماشاء الله..


مع تحياتي..
Ms.Rose