الملك فهد بن عبد العزيز (مرثيه)

[صالح قطر]

يالله ياعالـم خفـيـات الاســرار

ترحـم ملكنـا رحـمـة مابعـدهـا

جاني خبر ومن الخبر ذقت الامـرار

وقت الضحى والشمس شعشع عمدها

مرحوم ياابو فيصـل الوالـد البـار

جعلـك مخلـد فالجنـان وسعدهـا

ياخـادم البيتيـن والـنـاس زوار

مكـه وطيبـه يـوم كـل قصدهـا

انته ذرانا مـن مقابيـس الاشـرار

يا مسقى العـادي مشـارب جلدهـا

ياحامي الشعب السعودي مع الجـار

لادكت الهيجـاء ماغيـرك طردهـا

فعلك نقشها الوقت قي صم الاحجـار

وكلن على بيـض الدفاتـر سردهـا

عشرين وأربع سايق الخير مـدرار

فعلك وطيبك مـا حـدٍ قـد جحدهـا

ونرفـع تعازينـا لوافيـن الاشبـار

ونبايـع اللـي ضمهـا واستندهـا

عبدالله اللي تحبـه صغـار وكبـار

خيرة خلـف للملكـه فـي فهدهـا

مرحوم يا بو فيصـل الوالـد البـار

جعلـك مخلـد فالجنـان وسعدهـا

يالله يـا مجـري مفاليـك الابحـار

ترحـم ملكنـا رحـمـة مابعـدهـا


وسلامتكم والله يرحم مليكنا بواسع رحمته