مشاهدة النسخة كاملة : السماح لسيدة سعودية بقيادة سيارتها..
^
^
^
^
^
^
^
^
^
^
اوقفت الشرطة السعودية سيارة تسير بسرعة كبيرة واكتشفت ان سيدة هي التي تقود السيارة بينما زوجها في الكرسي الخلفي فاقدا الوعي وكان الزوجان في طريقهما لمدينة
القطيف قادميين من مدينة سوافي عندما أصيب الزوج بفقدان الوعي نتيجة لنقص معدل السكر في الدم.وأفرجت الشرطة السعودية على الفور عن السيدة وأفسحت لها الطريق للاسراع بنقل زوجها الى المستشفى لعلاجه.
.يذكر انه محظور على السيدات قيلدة السيارات في السعودية وهو ما يثير جدلا واسعا وخلافا على مستويات عديدة في المملكة..
المصدر:جريدة الوطن الكويتية..http://www.alwatan.com.kw
بالنسبة لي أثبتت المراة السعودية انها أخت الرجال...
وبانتظار تعليقاتكم..
وشكرا..
Mada Mada Dane
01-09-2005, 07:33 PM
خلاص حرمه وودت اخوها للمستشفى , حاله طارئه ...
وش المشكلة الحين ؟
ولي كاتبين الخبر أصلاً =_= , شئ عادي صار والسلطات ساعدتها حتى , ليش بس يحبون يثيرون الجدل :31:
كيف عرفت تسوق :33: ؟
لو رجال كان اللي وراه مات وهذولي في الرخصة والاستمارة XD
خلاص حرمه وودت اخوها للمستشفى , حاله طارئه ...
وش المشكلة الحين ؟
ولي كاتبين الخبر أصلاً =_= , شئ عادي صار والسلطات ساعدتها حتى , ليش بس يحبون يثيرون الجدل :31:
انا كنت مجرد ناقل للخبر لا أكثر ولا أقل..
المهم ننتظر تعليقاتكم وارائكم..
Deadly Spot
02-09-2005, 12:25 AM
ان شاء الله يسمحون للقيادة للمرأة السعودية بشكل رسمي
لانه راح اتقلل المشاكل العائلية
والظروف للبعض الاخر مثل هذي القصة
RandOm
02-09-2005, 12:47 AM
انا معارض بشده الحرمه السعوديه ما لازم تسوق السياره:D
ليه ناوين يحلبون الشارع عنا:D
ويفحطون ويسوون عقدات وحركات ويغطون علينا:D
ويكشتون في البراري ويطعسون:D
ويلاحقون الشباب ما بقى الاهي:D
نعم اعارض وبشده الا في وقت الضروره
يعني على لاقل تفكنا من المشاوير الزايده:D
والاسواق خصوصا انا مقبلين على الشهر الكريم وبتزيد الطلبات
وحتى نفتك ونمشي واحنا مرتاحين يعني ما راح تقول اسرع شويه او ابطي شويه:D
--------
احم.... طبعا تلاحظون التناقض في ردي بس ما عليش اقروا اللي يعجبكم
بس مستغرب الحرمه اللي تقول كيف ساقت السياره ولا تسرع بعد
والمرور المطنش هذا كيف يسمح لها تكمل على الاقل يساعدونها
بعدين ترى الحرمه السعوديه خطره ما هي زي حريم العالم:D
Pr.Game
02-09-2005, 02:55 AM
بادرة جيدة من المرأة .. :31: ..
لكن ما أؤيد قيادة المرأة للسيارة ..
إلا في الحالات الطارئة مثل هذي ممكن ..
لكن في غيرها ما في داعي .. :31: ..
Dragon Quest
02-09-2005, 03:50 AM
هذي حالة طارئة ..
يعني لا تكبروا السالفة ..:31:
بس بشكل عام قيادة المرأة للسيارة لا تجوز .. (هذا مو كلامي .. هذا كلام العلامة الشيخ ابن عثيمين رحمه الله) .. :)
وبعدين يا ناس لا تفتفحوا مواضيع مثل هذي .. الله يخليكم ..:09:
H.e.a.T.e.R
02-09-2005, 07:06 AM
الوطن..!!!
عندنا وعندكم خبر اجل!
الهذال
02-09-2005, 06:51 PM
إنني :vereymad: أرفض :vereymad: بشدة :vereymad: قيادة :vereymad: المرأة :vereymad: للسيارة :vereymad:
أنا المدعو : الهذال ......................... كل شئ عندي للمرأة السعودية مرفوضضضضض
كيف القوة.....:ciao:
lightning
02-09-2005, 09:03 PM
مشكور أخوي SFS11-Q8 على الموضوع
AL_7RBY
02-09-2005, 10:30 PM
حاله عادية بالعكس شجاعة منها انها تسوق وهي عمرها ماساقت وكانت مسرعة بعد :D
الوطن..!!!
عندنا وعندكم خبر اجل!
بالعكس الي عندنا اسلامية مو مثل الي عندكم :p
بالنسبة لقيادة المرأة صراحة ما اؤيدها خاصة في السعوديةاولا في اسباب اجتماعية يعني اذا حرمة كانت مع السايق رايح السوق تشوف وراها موكب من الشباب وهذا شي حصل قدام عيني شلون لو كانت الحرمة هي الي تسوق تكفي حلقة طاش ما طاش الي تكلمة عن هذا الموضوع :)
وثاني شي اغلب المشايخ السعودين ما اجازوا قيادة المرأة للسيارة .
وبعدين صراحة الحريم ما يعرفون يسوقون ( مجرب) :p
NiGHT__WOLF
02-09-2005, 10:57 PM
السلام عيكم ورحمة الله وبركاته
أنا لي وجهة نظر ......
أنا اشوف ان الهرجة مو الحرمة تسوق ولا ماتسوق
لكن اذا سمح لهم بالقيادة حيصير اكبر مشكلتين
وهي ان الشباب ماراح يقصرون وانتوا عارفين قصدي
الغزل والكلام الفاضي ،،،،،،،
أما المشكلة الثانية وهي الأهم
انه لو سمح لهم بالقيادة فراح تزيد نسبة إزدحام الشوارع X 2
يعني كفاية الزحمة اللي في الشوارع يجون هم يزحمونها زيادة
وشكرا :vereymad: :vereymad: :vereymad: :vereymad:
Panda panda
02-09-2005, 10:59 PM
شكرا على الخبر !!!!!!!!! :jester:
انا من مؤيدين سواقه المرأه صراحه :blackeye: الدوله الوحيده الي في العالم ما تسمح للمرأه بالسواقه !!
يعني تركب مع واحد غريب (((السووواااق )) عاديXD ?؟ GIVE ME A BREAK
خخخ المهم استغرب انهم خلوها تكمل سواقه :أفكر: شىء غريب فعلاً
متأكد ان الخبر صح :jester: ؟!
بكره تشوف كل البنات حاطين جثه و رى عشان يسوقون :jester: يسوون نفسهم في حاله طارءه <<===كأني قمت اعطيهم افكار ؟!
Y a z e e d
03-09-2005, 12:50 AM
كفو ،
عقبال ما يسوقون كلهم ،
ياليت نتعلم "بس" عشان مثل هذي الظروف
أما قيادة كامله والسماح بها ما أؤيده ابد
صدق بيكون فيه جانب حلو وناسه وياي وحركتات
بس لااااا والف لا.. اننا نشيل كل المسئوليات عن الرجل فهذا اخر ما اتمناه
بالسعوديه هذي الوظيفه الوحيده الخاصه بالرجل والي يقدر يقوم فيها الرجل لوحده
اما الباقي ياحسرة:
شغل واشتغلنا كرف ونكرف ..معاشات ونصرف وش بقى للرجال؟
التسكع ولا الفراغ الي يودي بدواهي الله يعلم بها..؟؟
مستعده اتخلى عن حلاوة القياده واتمسك بالعدل في تولي المسئوليات...
اصلا من الحين صايرة المرأة هي كانها الرجال تكرف و تصرف وتربي وكل شي
مابقى الا السواقه وتكمل..عشان يقولها الرجال ..روحي انتي ودي العيال..روحي انتي جيبي الخضار..هزلت :dot:
هذي زاويه وحدة واكبر زاويه عندي في الاعتراض وفي هناك زاويا ثانيه مثل الفتنه والصياعه وخراب الديرة الي تخلي الواحد يعارض..
هوف باخذ نفس:grumpy:..بييب بييب
صراحة انا نظرتي تقول : القيادة للكل ... اولا واخيرا هي مجرد وسيلة مواصلات .. ليش تكون حكر على جنس معين ؟
كل دول الخليج البنات يسوقون هناك وعادي :31:
ماادري هذه وجهة نظر
rushin_911
03-09-2005, 04:27 AM
بالنّسبة للخبر نفسه ما أظن في أي شخص سواء معارض أو داعم لقيادة المرأة للسيارة بيعترض على اللي صار
عموماً بالنّسبة لموضوع قيادة المرأة للسيّارة فأنا معه و إن شاء الله يصيرون كل السعوديّات يسوقون (أو على الأقل اللي يبون يسوقون - الموضوع في النّهاية قرار شخصي)
SNOoOP
03-09-2005, 05:26 AM
صراحة انا نظرتي تقول : القيادة للكل ... اولا واخيرا هي مجرد وسيلة مواصلات .. ليش تكون حكر على جنس معين ؟
كل دول الخليج البنات يسوقون هناك وعادي :31:
ماادري هذه وجهة نظر
عطني دولة وحيدة مب بالخليج وبس بالعالم كله مثل
السعودية
وبعدين نبدأ المقارنه
Darkness withiN
03-09-2005, 06:51 AM
ياليت نتعلم "بس" عشان مثل هذي الظروف
أما قيادة كامله والسماح بها ما أؤيده ابد
السلام عليكم ورحمة الله وبركاته
انا مع الأخت الفاضلة لينا فيما قالته في ردها..وهو والله أعلم الصواب والحق
-وبالنسبة لمن يقولون إن جميع دول العالم تسمح فيها السواقة والسعودية هي الوحيدة التي لاتسمح فيها,للأسف أعرف آية من كتاب الله عزوجل ولكن أنساني إياها الشيطان..ومعناها:إن لو جميع من في الأرض قاموا بعمل شيئ لايعني ذلك إنه الصواب,أرجو لمن يعرف الآيه يكتبها لنا-
قبل أشهر تعلمت والدتي السواقة لظروف الله أعلم بها,الوالد مسافر لظروف عمله وكذلك السائق,وكان الوقت مدارس..فكانت تقود حتى إنتهت الظروف المؤقته,وطوال الوقت كنت أنا أركب معها بالسيارة<بودي جارد :D
--
بلاد الحرمين حالة خاصة..وأعتقد أهل مكة أدرى بشعابها<وليس جميعهم..فلكل قاعدةٍ شواذ,فنرى من يريدون قيادة المرأه للسيارة في السعودية لايخرجون عن حرية الرأي ومش عارف إيه مع إحترامي الشديد لبعضهم,أما أسباب منطقية كالأسباب التي تمنع قيادة المرأه للسيارة في السعودية وذكرها العلماء والمفكرين وذكرت بعض النقاط الأخت لينا,لم نجد أسباب كمنطقيتها تبيح قيادة المرأه للسيارة في السعودية
-بلاد الحرمين بلاد محافظة ومن أشد البلاد تمسكاً بالإسلام وسكانها والله أعلم من أشد الناس تمسكاً بالإسلام إلا البعض المتأثرين بالغرب وغيره..كما في باقي الدول,وأعتقد حالة بلاد الحرمين تختلف عن باقي دول الخليج المتحررة بطبعها..صحيح إنه يوجد بعض التحفظ لكن ليس كالسابق..ومن يريد الدليل فليأتي إلا أي دولة خليجية غير السعودية ويرى بنفسه,الأشقاء ببلاد الحرمين ماشاء الله يحظون بنعمة كبيرة ولكن بعضهم لايدركونها-
مثل ماتكلم وقال بعض الإخوة..عن الي بيحصل بعد ماتقود المرأه السعوديه السياره..وتبين هذا بحلقة طاش ماطاش :D ,كلامهم صحيح..أنا لي أهل بالسعودية وأزور السعودية بعض المرات,وأشوف بنفسي وأسمع كلام أهلها..حتى المرأه الي ماتقود يطاردونها الشباب..لإن البلد محافظ فتشوف بعض الشباب الطايش مو شايف خير على أي بنت بحالها طيران وراها :196: ,أما بالدول الخليجية الأخرى الشباب شبعوا وطفحوا من كثر البنات,أشكال وألوان بكل مكان..لاغيره لاحياء لاأخلاق لاعفاف<طبعاً أتكلم عن الفئة الغالبة التي رأيناها بالأسواق وغيره..حتى هناك مسرحيات كويتية إجتماعية تكلمت عن هذه الأمور مثل سوق شرق وغيرها
--
-والي يقول أجل تركب مع رجل غريب حلال..وتسوق لوحدها حرام..هذا مو منطقي إلخ إلخ-
هذا نقوله:ياأخي هذه الحرمة الي راكبه مع الرجل الغريب..ركّب معاها أي واحد من محارمها وإنتهى الأمر,حتى لو ولد صغير عاقل,لازم تفرون يمين يسار وحالتكم حاله,أصلاً توني أدري واحد يخلي محرمه يركبون مع رجل غريب لحالها,وين الغيره :09: -
-هجمة مرتدة:الحين بيجي واحد ويقول..خلاص اجل خلوا المرأه تقود السيارة ولكن يركب معها محرم..هذا أقوله راجع رد الإخت لينا بتمعن,وفكر كيف بيتطور الأمر-
ناهيك عن الأخطار والمواقف الي راح تتعرض لها..ومعروفة طبيعة المرأه كيف ضعيفة وماتقدر تتصرف أو تتحمل هذه المواقف..وإحتمال كبير يستغلها شخص الإسلام منه براء,وأذكر قبل أشهر أحد الإخوة كتب إن شباب سدوا عليه الطريق بأحد الاماكن هو وصاحبه..وكسروا زجاج السيارة وسرقوا جوالاتهم,وأذكر موقف قبل أسبوع حصل لإمرأه بالكويت متحجبه ومعها بناتها وولد كبير قدام..مع هذا كان شباب يلحقونها بالسيارة ويفحطون أمامها<كل هذا أمام ناظري وناظر الزعيم وعصابته-
الزعيم:مهجد منطقتنا كلها وهو إبن خالتي ورئيس عصابه وهو فك هالحرمه من الشباب الي لحقوها xr-
-الآن قيادة المرأه للسيارة..وقبلها أوبرا تتكلم عن العباءة للمرأه السعودية..والقادم أكثر تشويقاً..حلاة العنب حبة حبةXP -
-مع كـل إحترامي وتقديــري..اللـــــه يســــــــــــــــــــــــــــــتر :p -
يخلي الكاتب مسؤوليته من أي شيئ قد يتسبب بضرر عليه إلا لو كان صواباً :196:
كلامي مجرد رأيي الشخصي كإنسان مخلوق على النقص..ويحتمل الخطأ قبل الصواب
Deadly Spot
03-09-2005, 07:48 AM
اخي صح انه كل دول الخليج فيها فساد ما عادا السعودية ولله الحمد
لكن الموضوع هنا عن وسيلة مواصلات ..... ايش دخلها في الوصول الى الفساد ؟ وغلط تعميم الشباب السعوديين على انهم لايحترمون المرأة
بل ان معظم الشباب السعودي اشوفهم الصراحة يحترمون المرأة لانها مثل اختهم
Darkness withiN
03-09-2005, 08:02 AM
أخي العزيز d.s,لو كنت تقصدني أنا لإن ردي هو السابق لردك:
فأرجو أن تلاحظ إني قلت <بعض> وليس <كل> أو <أغلب>
-وحتى لو كانت وسيلة مواصلات,لاننكر إن لها أضرار كما فوائد للرجل والمرأه,ولاننسى الأخذ بالمعطيات..فالمعطيات هنا بلد محافظ وناس محافظه وظروف غير مواتيه بالنسبة للمرأه للقيادة..إلا في حالات خاصة كما حصل في الموضوع هنا-
ووفقك الله إلى كل خير^^
rushin_911
03-09-2005, 08:44 AM
أهلين أخوي
بالنّسبة للشّباب الطائش ففيه القانون المفروض يتم تطبيقه بصرامة
و حرمان المرأة السعودية من القيادة عشان هذا السبب هو عقاب للضحيّة بينما الجاني طليق
و بالنّسبة لكون المرأة ضعيفة و ما إلى ذلك المرأة اللي ما تحس إنّها قادرة على تحمّل مسؤولية قيادة السيّارة فهي بكيفها لكن المفروض ما يتم تعميم هذا الشيء
في أحد الإخوان ذكر في ردّه إن الشّوارع مليانة زحمة و إن قيادة المرأة للسيّارة بتضاعف هذي الزّحمة لكن لابد من الانتباه إلى إن أحد أهم أسباب الازدحام الشدّيد اللي تواجهه المدن السعودية بالشواره يعود إلى كثرة اللي يسوقون و أعمارهم أقل من السن القانونية للسواقة لأن في نقاط التفتيش عادة يكتفون بالسؤال عن بطاقة الأحوال مب الرخصة
و أحد الأسباب الأخرى عدم توفّر مواصلات عامّة حقيقيّة (تخيّل لو إن في باصات و قطارات مترو و ما إلى ذلك - كانت قلّت الزحمة كثير و قل اعتماد الناس على السيّارات بشكل عام خاصّة العمّال الأجانب)
ممكن يقال بأن إنشاء مثل هذه المشاريع مهوب صاير أبد و لو صار فبياخذ وقت طويل، لكن على الأقل لو تم التأكّد من أعمار كل من قاعد يسوق و فرض عقوبات على اللي ما عندهم رخص قيادة فتوقّعي إن الزحمة بتقل بشكل مؤثر
beet hoven
03-09-2005, 09:18 AM
في بادىء الامر سنواجه بعض الصعوبات
لاكن مع مرور الزمن وفرض القوانين الصارمه سيدرك المجتمع دور الجنس الانثوي وسيتعايشون معه
وقياده المراه للسياره حاصل لا محاله(ان شاء الله)سواء في وقتنا الحاضر او بعد مرور بضع سنوات
Darkness withiN
03-09-2005, 02:30 PM
السـلام عليكم ورحمة الله وبركاتـه
-أسعد الله مسائك بكل خير..عزيزيrushin_911 -
أخي الفاضل..هذا رأيك وأنا أحترمه لشخصك,وحرية الرأي مكفولة للجميع في الإسلام بشرط أن لاتتجاوز على الدين بأي طريقة بأي إسم كانت,وأحمد الله إننا لن نتجاوز ذلك بإذن الله
-رأيك الخاص بك وأنت تدافع عنه لقناعاتك الشخصية,سواء كان هذا الرأي خطأ أو صواب الأمر راجع لك أنت المحاسب عليه,وكما قلت لك أحترم رأيك عزيزي ولك الحق في قول ماشئت,فلا يحق لأي شخص أن يتجاوز على قناعات أحد بلا حق-
أنا ضد قيادة المرأه للسيارة بشكل عام في الخليج..وبشكل خاص في بلاد الحرمين فطبيعة بلاد الحرمين مختلفة كثيراً ومحافظة وأعتقد أهل مكة أدرى بشعابها,ومسألة قيادة المرأه للسيارة تم التحدث فيها والنقاش بها كثيراً وإستقر الأمر على تحريمها من قبل أهل العلم وأولياء الأمر..ولاأعتقد إن من قضوا سنوات عمرهم في طلب العلم والتقرب إلى الله نحن أفقه منهم وأعلم منهم بمثل هذه الأمور,فهم لايخضعون بإذن الله لأهوائهم,والله عزوجل أمرنا بإتباعهم..وليس إتبّاع أهواءنا,وإن كنت تؤيد الأمر ياأخي فهي حريتك الشخصية وربك يحاسبك!,لكن إنك تأتي وتحاول تقنع غيرك بإنه صح والعلماء وأولي الأمر أخطأؤا أو لايعرفون شيئاً..اعتقد ماتفعله خطأ بهذه الحاله
أنا لست من الذين يتبّعون بلا تفكير ووعي,بل فكرت ورأيت الأمر جداً منطقي وواقعي فإقتنعت بذلك
-كل ماذكرته كان ومازال قناعاتي الشخصية,وأعتقد إنك ضد هذا الشيئ,لكن يبقى رأيك الخاص وأحترمه أخي الفاضل,كل مافي الأمر طرحنا وجهة نظرنا بالموضوع..وإن كان هناك حاجة للتوضيح وضحنا الأمر..وأعتقد إن رأيي واضح جداً,ولست بصدد النقاش به,أنت تملك رأي وأنا أملك رأي وإن كانا مخالفان لبعضهما,فإن لايوجد خلاف بيننا بل إختلاف في الرأي لاغير,وتأكد رفضي للأمر ليس حقداً ولا ظلماً ولاعدواناً بإذن الله,لي قناعاتي ومبادئي الراسخة -
-بإختصار:رأيك الخاص وأحترمه كما أحترمك,وقناعات الشخص من الصعب تغييرها ولايحق لنا ذلك,والمسألة إختلاف في الآراء وليست إختلاف..فنحن إخوة في العقيدة-
-إحتــرامي وتقديري لك عزيزي..أستودعك الله على أمل اللقـاء-
moon girl
03-09-2005, 03:01 PM
هذي حاله خاصه :31:
ضدها وبشده
العيال وين راحوا ليه الاب او الولد مايودون مو لازم سواق ومو لازم الحريم يسوقون :31:
البنات اللي يسوقون ماهوب سالمين من الشباب ومعكاساتهم وبصراحه :D
واذا خربت سيارتي وانا في الطريق انواع الازعاج بتجيني :31:
الحريم مو محتاجين للسواقه ابدا
ومشكور على الخبر
ترى كبرتوا الموضوع .. :09:
Angel whisper
03-09-2005, 04:28 PM
ترى كبرتوا الموضوع .. :09:
وايد :31:
زين منها المسكينة انها كانت موجودة عشان تساعده ..
وانا مع السواقة .. وبشدة ..
Electro M
03-09-2005, 04:42 PM
الحين خل رجالنا يعرفون يسوقون ثم نفكر هل نخلي الحريم يسوقن و الا لا
للحين في ناس ما تعرف وش الفايدة من تقسيم الشارع السريع الى ثلاث مسارات
يحسب الدعوة بالمزاج يعني اذا جاز له المسار الايسر يمشي فيه باي سرعة تعجبه
بعدين سالفة قيادة المرأة موب اكبر مشاكل هالدولة
و لا ايضا سالفة انها تتحجب و الا تغطي وجهها
خل نخلص من البطالة و قلة الايدي العاملة و مشاكل التخلف و الانظمة الصحية التعبانة و التعليم و غيره
ثم اجلسوا ناقشوا بهالمواضيع التافهة
لكن مثل ما قلت قبل العلمانية و الشيعة - لانهم اكثر من يبحث في مثل هذه الامور - يحبون الامور التافهة لمجرد المحاولة للوصول لما هو اكبر
Son_OF_Liberty
04-09-2005, 04:00 PM
E-mad
والله انك صادق
قيادة المرأه السعوديه للسياره ماهي مشكله
لو مدري وش يسوون مافيه قياده للمرأه :09:
بعدين وينك ماعاد اشوفك بمنتديات ميتل جير :p
شبااب تراكم مرره زودتوها<<<<مايعرف كيف يكتبها :D
كاتب الموضوع كان ناقل خبر بس من جريده كويتيه
يعني خبر مثل أي خبر لكن انتم ضخمتوه وعطيتوه اكبر من حجمه :p
Electro M
04-09-2005, 05:29 PM
son of liberty
كنت مسافر الايام الي راحت و ما لي اسبوع راجع
بس ان شاء الله بتشوفني مع اخبار ميتل جير 4 من معرض TGS :)
RandOm
06-09-2005, 12:12 AM
انا اقول شاورو المرأه اذا تبي تسوق والا لا
واكيد الاغلبيه لا
واذا بتقارنون السعوديه مع البلاد لاخرى اللي تسوق فيها المرأه
فأنا اقول بأن المرأه السعوديه ليست بحاجه الى السواقه والا انكان ساقت ومالها شغل باحد مثل حريم الدول الثانيه
والحريم اللي ساقو في السعوديه كانو مضطرين للسواقه وساقو
واذا كان منع السواقه في السعوديه للحريم خوفا عليها من الصياعه والدجه
فا الحرمه اذا تبي تدج بتدل الطريق وماهي موقفه عند قياده السياره
بلاضافه الى ان وسيله المواصلات في السابق كانت الحمير والبعارين صح؟
وكان عادي المرأه تركب عليهن
لاكن مع التطور وقدوم السيارات كانت مخصصه للرجل وكانت جميع الضروف متاحه له
يعني انه هو اللي بيتعلم طريقه التشغيل ثم السواقه ثم التطعيس واللي بيعلمه رجل مثله
وكمان السيارات صعب للمرأه تتحكم فيها كيف راح تركب الكفر وغيره
لذلك خلو لها الحمير اسهل ما لها الا تعلفهن وتمشي الحال
وتطور الحال عليها وصارت السيارات للرجال فحسب
وذكرني الاخ داركنس بحديثه في الاخير عن اوبرا
نحن السعوديين والبلاد الاسلاميه اجمعين
نعيش بسلام وامان وياليت المرأه تدرك ذلك وتستحي على وجهها وتسكت
ولا تركب سياره وتلبس العبايه
لانه هذا المنطق والمطلوب واللي اراده الله لها
وهي ما جابت الفكره من راسها بل الحساد الغربيين اللي حاسدينا على ديننا ويبون يفرقون بيننا
يعني لو المرأه حست بهاذي النعمه ما انكرتها وراحت للغرب وشكت عليهم الحال وعارضت العبايه والتحفظ اللي احنا فيه
ليه الحرمه السعوديه ما تعتز بدينها وبلدها ليه تخلي الغرب يتشمتون فينا
الحرمه السعوديه ليست غطاء اسود انما عبايه ولم تمنع عن المشي انما سمح لها الذهاب للي تبيه وماقيل بمحرم الا عشان مصلحتها
وليست مجبوره انما بملء ارادتها
والسلام خير الكلام
مدري شفيني ها اليومين كثير الكلام
Mada Mada Dane
06-09-2005, 05:55 AM
مدري وش فيكم مكبرين السالفه ...
ترا كلها " سواقة " , الي يشوفكم يقول الفتوه هي فتوى تحليل البارات او تحريمه =_=
ياخي الي تبي تسوق تسوق , والي ماتبي مو لازم, بس خخخ وش دخل الصياعه بالسواقه =_= :31:
خخ أصلا الي تبي تصيع بتصيع سواء معها سيارة ولا لأ -_-
خخخ الحرمه الي بتسوق , خلاص مسأله شخصية تعتبر =_= سبب ...
" وسيلة مواصلات لا أكثر ولا أقل " ...
خخخ الكلام هذا زي الي يقول , ليش تطلع الحرمة " جوال " عندها تلفون البيت , اهااا اكيد تبي تكلم رجال اهاا صدتك صدتك وييه كشفناها --- فقط مخاويف وشكوك فاضيه ... =_= خخخ يعني السالفتين متشابهتين , الاولى وسيلة مواصلات والثانية وسيلة اتصالات :D
يعني ليش مسوين سالفه ؟
خلاص لاسمحوا فيه الي تبي تسوق تسوق والي ما تبي مو لازم ^_^
المسأله كلها مسأله رغبات شخصية لا أكثر ولا أقل @.@
على طاري السواقه , اليوم بتطلع رخصتي باركولي :p
مادا مادا يحليلك
وجهة نظرك صح
لكن انت فكرت بالكلام الي انا قلته؟
لا انا ما اغالطك بس يهمني رايك وابي اعرفه
انا ماناظرت للقياده كحرام صياعه الخ
ناظر وجهة نظري وقلي
شرايك؟
انت مثل اخوي الكبير لا تهجم علي بس مهتمه برايك :p
RandOm
08-09-2005, 12:42 AM
http://bshair.net/uploader/uploads/ladydriver.jpg
شوراعنا بعد ما يسوقون الحريم
الله يرجك يا شيخ...
الصورة تفطس من الضحك..:أفكر:
http://bshair.net/uploader/uploads/ladydriver.jpg
شوراعنا بعد ما يسوقون الحريم
الله يرجكXD!!
اول مرة اشوف كركتير واقعي كذا هههههههه
والله فكرة من جد لو ساقوا الحريم انا ابقترحها عالبلديه
عالاقل لا طاح الفاس بالراس وسقنا مافيه احد بالسيارة الي جنبنا يقز - -
RandOm
08-09-2005, 03:23 AM
الله يرجك يا شيخ...
الصورة تفطس من الضحك..:أفكر:
الله يرجكXD!!
اول مرة اشوف كركتير واقعي كذا هههههههه
والله فكرة من جد لو ساقوا الحريم انا ابقترحها عالبلديه
-
خخخخخخخخخ
هذي كانت وجهت نضري من قبل
بس ماقدرت اعبر عنها بالكتابه
فرسمت هذي الصوره<<<< يا نصاب
عالاقل لا طاح الفاس بالراس وسقنا مافيه احد بالسيارة الي جنبنا يقز - -
هذا اللي لازم يصير
ان شاء الله دوم الضحكه
Mada Mada Dane
08-09-2005, 04:26 AM
مادا مادا يحليلك
وجهة نظرك صح
لكن انت فكرت بالكلام الي انا قلته؟
لا انا ما اغالطك بس يهمني رايك وابي اعرفه
انا ماناظرت للقياده كحرام صياعه الخ
ناظر وجهة نظري وقلي
شرايك؟
انت مثل اخوي الكبير لا تهجم علي بس مهتمه برايك :p
مشكوره على الاهتمام برأيي
قريت ردك وضحكت على اخر كلمتين " بييب بييب "
عموما مسؤوليات الرجل , كثيرة , تربية الأولاد يعلمهم المراجل , يصرف عليهم , يعيشهم أحلى عيشه , يدلع زوجته , مايقصر عليها , يعيشهم ببيت كبير ... والخ والخ والخ
بس كون السواقة مسؤوليه =_= , من متى ؟ :31:
انا بديت اسوق بـ 3 متوسط , مااتذكر ابوي قال " انتبه ياوليدي ترا السواقه مسؤوليه " =_=
لا من جد , فيها مسؤوليه من ناحيه ان الي يسوق مايسرع ولا يفحط علشان ماياذي خلق الله , بس كونها مسؤوليه للرجل =_= ماخشت مزاجي
يعني هي وسيلة مواصلات تودي وتجيب ... امي تبي تروح بيت أهلي ... هذي صارت مسؤوليه =_= خخخخ
والله الحرمه بتطبخ غدى , ناقصهم بقدونس وثوم
تجي ام خالد تدق على ابوي خالد وهو بالاجتماع , يابو خالد اطلع من الاجتماع وجيب لي ثوم وبقدونس وجيبه البيت لاهنت علشان الغدا =_= خخخخخ ... ما أتخيل
الحرمه تبي تروح بيت أهلها , والرجال بالعمل , المرأه تبي تتسوق , والرجال بالعمل ...
المراه تبي تسوي مفاجأة لزوجها والرجال بالعمل ... عادي =_= تراها مجرد وسيلة مواصلات ماهي مسؤوليه ولا بطيخ =_=
وأصلا انا متأكد , كلكم تركبون ويا سواقيين =_= , وأنا أشوف ان الحرمه تسوق " احسن من انه تركب ويا واحد غريب " ...
خخخخ اهم شئ الرجال يرجع من الشغل , يلقى زوجته موجوده تدلعه وتأكله لين مايروح نام وتقومه لصلاة المغرب مو تكون طالعه تفرتفر XD
واذا ساقت الحرمه مو خلاص معناتها انها ماتطلع مع زوجها لاززم كل واحد بسيارته , لا احسن ان هذا المفهوم الي شايله كثير منكم غلط ^_^ , بل عكس اتوقع لارجع من الشغل بيطلعون كل ليله طلعه رومانسيه بسيارة واحد منهم
اذا هذا الي تبونه :p , عادي السواقه مو مخربه هذا الشئ عليكم لووووووووووول
ولينا ماعتقد العالم كلهم شالوا المسؤوليه عن الرجل لانهم خلوا الحريم يسوقون :p تراها وسيلة مواصلات ماتعد مسؤوليه ... المسؤوليات على ظهر الرجل كثيرة ...
واذا المسؤوليات بتنشال عن الرجال فهذا الأمر ممكن يحصل بقليل من العوائل بسبب ضعف شخصيه الرجل و قوة شخصيه المرأة , والسواقة مالها دخل بهذا الموضوع ^^
في الأخير أشوف الأمر كله مسألة رغبات شخصيه لا أكثر ولاأقل
وسانكيووو ومشكوره يا وخيتي لينا على الاهتمام برأيي
سانكيو سانكيو
وأصلا انا متأكد , كلكم تركبون ويا سواقيين =_= , وأنا أشوف ان الحرمه تسوق " احسن من انه تركب ويا واحد غريب " ...
صدقت والله أخوي..
احنا عندنا بالكويت عادي المرأة تسوق..من غير مشاكل ..
حتى ان الحريم المنقبات يسوقون..
لكن تعرف شنو القهر في سواقة الحرمة..بارديين بدرجة مو طبيعية..:p
احر ما عندك ابرد ما عندهم..:vereymad:
وصدقني راح تنحل وايد مشاكل لو سمحوا للحريم بالسواقة..
لكن المطلوب من المجتمع تغيير نظرته ومعاملته للمرأة..والأهم احترامها..
وكذلك الشباب..مو يشوفون حرمة تسوق ما صدقوا خير..طاروا وراها..
وشكرا على ردودكم وتفاعلكم..
جـون سينا
08-09-2005, 01:34 PM
ان شاء الله يسمحون للقيادة للمرأة السعودية بشكل رسمي
لانه راح اتقلل المشاكل العائلية
والظروف للبعض الاخر مثل هذي القصة
طيب سؤال واحد
لو مثلا مثلا يعني اختك ساقة سيارة اوكي او امك
ةقطعة اشاره او صارلها حادث او او
مين بياخذون التوقيف اختك ولى ابوك ؟
يلى يلللللللللى نمشيها ونقول اختك
لو انها مثلا ترضع وشلون.؟؟؟
بعدين ترضى ان الشباب يروحون يطردون ورى اختك بالسياره ؟
كوول علطوول
09-09-2005, 01:31 AM
طلعت طارة والله :biggthump
لا ومسرعة بعد :ciao:
مادا مادا
مافهمتني يابوك - -
مب مسؤليه لازم يعني الرجال بس يسوق ويؤدي هالوظيفه بالحياه
انا بالنسبه لي عايشه على السواق يعني ماروح واجي الا معاه
انا مب قصدي مسئوليه القياده نفسها
بل مسئوليه ماتؤديه القياده
افهمني يا عزيزي
انا ادري ان المراه اذاهي الي تسوق وناسه اسالني انا اتمنى هالشي اصير اعتمد على نفسي..ياما صحت وقعدت في بيتنا وانلطعت عن مواعيد مهمه ودكاتره ودراسه عشان مافيه احد يوديني
لكن الي قصدته فيه اشياء بالحياه الزوجيه لو المراه ساقت راح تطيح مسئوليتها عن المرأة
خلن اضرب لك مثال بسيط
السوبر ماركت!
راح يتعيجز الرجال عن جيب الخضار واغراض البيت
ويقول لزوجته روجي جيبي انتي ...بسيارتك!
لكن لما يعرف ان مافيه احد غيره ييروح يؤدي هالدور بنفسه وهو دور رجولي في الغالب مب المره هي ال تقضي للبيت الا اشياء خفيفه
لا تقول الي رجال والي شهم يروح يجيب لنفسه يا حليلك انا شايفه نماذج في الحياه الدنيا الحين خربت اكثر الرجال وصار همه يطلع مع ربعه والبلوت ومدري ايش
الرجال الرائعين قلو
لكن لاحظ ماعممت
وانهاء مسئوليه القياده راح يفسح المجال للlazy men
فهمتني؟
لا تقول مستحيل الرجال يقول جيبي الخضرة وسوي مدري وشو وغيرها من مسئوليات الرجال وتستبعد هالشي..فكر فيها الصرف مثلا والنفقه منذ خلقت البشريه مهمه رجوليه لكن مع توافر وظائف للنساء وصار لها دخل خاص بدا الرجل شوي شوي يعيز لها الصرف على نفسها ومن ثم عالاولاد وبتجارب شفتها يعني والحين صار هالشي عاااادي ومش مستنكر والرجال يدورون على الي عندها وظيفه بعد...وبنفس الطريقه راح تصير مشاوير توصيل العيال وجلب الاغراض شوي شوي مهمه نسائيه؟!
فهمت قصدي ان القياده نفسها مب المسؤوليه بل ماتؤدي له القياده؟
بالعكس وناسه ان المره تقضي حاجياتها الشخصيه بنفسها ياليت بس ونفتك من المنه"لان فيه رجال يطلعون الروح لما يودي زوجته لسوق ولا لقضاء حاجيات معينه لها"..ولكن صدقني مع الوقت راح تقضي حاجاتها الشخصيه وحاجات البيت والرجال بعد!ههههههه
المثال الي انت ضربته مثالي مره الله يهديك تحداك يعدي نسبه 10 بالميه من رجالنا ..اقصد هالرجال الي وصفته هالحنون الي يساعد في التربيه الي مدري وشو..يااللهمن فضلك هالرجال وانا واثقه من وجوده ..ولكن.. انا افكر بوضع النساء عموما وانا لبعض لا يرزق برجل مثله
غير ان وضع القياده وامثلتك مرة برضو مثاليه ماحطيت المواقف الشينه
انا تكلم عن نماذج شفتها بعيني
البيت بالنسبه لبعضهم سوالف شوي مع الزوجه واكل ونوم..مالهم خلق البزران ولا خلق شي
اتمنى تكون فهمتني بعمق خلاص تعبت اكثر من كذا ماقول@-@
Mada Mada Dane
09-09-2005, 09:45 PM
:31: ليـــنا , فهمتك عدل الحين
لكن ... اشوفهم موضوعين مختلفين جداً :31:
الموضوع هو " سواقة الــمرأة للسيارة " و الموضوع الي تتكلمين عنه " مسؤوليات الرجل " =_=
تراهم شيئين مختلفين , والله لو ساقت المرأة او ماساقت , قضية مسؤولية الرجل بالنقاط الي تكلمتي عنها مو فارقه , الرجال الكسول ... بيظل كسول ... وبتروح الحرمه تتقضى مع السواق ... مافرقت ...
واذا المرأة كسوله بعد , الله بيعيشون على المطاعم واخر الشهر بيفلسون :31:
خخخ موضوع القيادة أشوفه ماله دخل بسالفة " مسؤوليه الرجل " =_= , يعني بتسوق أو ماتسوق الرجال الكسول راح يظل طول عمره كسول
وانتي قلتيها بنفسك , انتي شفتي نماذج منها بعينك , وهذا الأمر " صار " بالـــرغم من أن " المرأة ماتسوق " , يعني مافرقت >_< ...
بتروح بتتقضى مع سواقها , السالفه الي تتكلمين عنها هذي يبي لها موضوع ثاني مختلف عن قضية سواقة المرأة ...
موضوع كبير =_= خخخخ
عموما لازم الحريم يشترطون قبل الزواج من الرجال انه ياخذ 40 لفه حول البيت , علشان يتأكدون من نشاطه :p
اذا مازلنا نتكلم عن " قيادة المرأة " انا " موافق " , اكيد يحتاجون موافقتي قبل اعتماد قرار مثل هذا =_=
خخخ اما عن مسؤولية الرجل موضوع اخـــــــــــر هذا =_= , ولاتخافين مسألة سواقة المرأة مو زايدة من الحالات الي قلتيها ...
لان الرجال الكسول مثل ماقلت , الي بباله بيسويه وبتروح الحرمه تسوي الشغل عنه سواء ساقت او ماساقت مع الســـــــــواق ... على الاقل سماح السواقة للمرأة يمكن يسهل لها القيام بالمسؤوليه الي تنازل عنها زوجها الكسول =_= ...
وسانكيو ^_^
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .