المساعد الشخصي الرقمي

مشاهدة النسخة كاملة : التعصب الرياضي .. إلى أين ؟


XenO
03-09-2005, 01:27 PM
السلام عليكم ..


http://www.kitbag.com/product_images/large/AUMJ5137P-Z07.jpg

كثيراً من محبي كرة القدم إذا وجدتهم مهتمين بنواديهم المفضلة تجدهم يتابعون مباريات هذا النادي ويهتمون بها وينتظرون مبارياتهم بشغف وحماس .. وتجدهم متلهفين بقوة لنيل ناديهم الهدف وراء الهدف والكأس وراء الكأس .. ومجهزين البوب كورن قبل المباراة .. :biggthump .. إلى حد الآن كل ذلك طبيعي ولا بأس به ..

لكن ..

ماذا لو كان هذا المشجع يبكي ولا يتكلم مع أحد عندما ينهزم فريقه ؟ :31:

ماذا لو كان مغطي سيارته بوضع ستيكرات لصور فريقه ولاعبي ناديه المفضل ؟ :31:

ماذا لو كان هذا المشجع لا يتكلم بموضوع غير الاتحاد والأهلي أو الهلال والنصر أو أي نادي عربي ؟ :31:

ماذا لو كان يسافر أثناء عمله ويترك أهله ليحضر مباراة لناديه المفضل ؟ :31:

ماذا لو كان جايبلك صور عرس أحد اللاعبين في ناديه المفضل وكأنه هو اللي تزوج ؟ :09:

ماذا لو كان ينزعج من مجرد مزحك له بقولك يا مهزوم شوية ويقوم يضربك ؟ :biggthump

كل هذه الأمور وأكثر تحدث عند فئة معينة من مشجعي ومحبي كرة القدم .. حدثت أمام عيني :blackeye:

المشكلة تلقاه لا يهتم بمنتخب بلده كما يهتم بناديه المفضل .. -_____-

صحيح أغلب الشباب ممكن يكونوا متعلقين بالكورة - وأنا واحد منهم :09: - لكن هل معقول نصل لهذه الدرجة .. :31:

يعني ماذا سيحدث بعد ذلك هل سنصل إلى درجة الجنون إذا ما أحببنا نادي معين ووضعناه أمام أعيننا ..

موضوع للنقاش .. وسلملي على شيفا :p


http://vnexpress.net/Vietnam/The-thao/Chan-dung/2004/12/3B9D9931/shevchenko1.jpg
Angel whisper
03-09-2005, 05:02 PM
احلى شي يوم اخواني يتضاربون على النوادي .. وانا ادخل عمري في الموضوع واسوي عمري احب نادي معين .. وانا مادري شو السالفه :p

هو التعصب مب في الرياضه بس .. او الكوره تحديدا .. بس تراه في كل شي .. الالعاب الافلام الممثلين الممثلات الدول .. كل شي ..

بس من دامك ترمس عن الكوره فهذا اللي بعلق عليه ..

كل اللي قلته عقب كلمة "لكن" خبال مع احترامي الشديد للي يسوون هالاشيا ..

عيل تلزقلي ستيكرات .. وتزاعق .. وتحرق اعصابك .. وتشتم خلق الله وتدعي عليهم .. عشان كم نفر يلحقون كوره؟

وين تبا ابويه؟!

الدنيا فانيه ترى .. وما يسوى تحرق اعصابك على هالخرابيط .. هالاشيا مسوايه عشان تتونس فيها .. مب تهلك عمرك وياها وتضيع وقتك ..

المشكله صعب الواحد يلقالها حل لانك تلقى الواحد من يوم ما كان صغير متشرب عادة "الحماس" ويا الكورة .. والله يعينه عاد الين ما يودرها ..

ما عليه ادري ان ردي ما عنده سالفة بس حبيت اعلق XD

ويا سلام عليك مستر زينو .. نشيط عندنا ما شاء الله عليك ..

نشوف منك اكثر ^_~
XenO
05-09-2005, 12:31 PM
احلى شي يوم اخواني يتضاربون على النوادي .. وانا ادخل عمري في الموضوع واسوي عمري احب نادي معين .. وانا مادري شو السالفه :p

هو التعصب مب في الرياضه بس .. او الكوره تحديدا .. بس تراه في كل شي .. الالعاب الافلام الممثلين الممثلات الدول .. كل شي ..

بس من دامك ترمس عن الكوره فهذا اللي بعلق عليه ..

كل اللي قلته عقب كلمة "لكن" خبال مع احترامي الشديد للي يسوون هالاشيا ..

عيل تلزقلي ستيكرات .. وتزاعق .. وتحرق اعصابك .. وتشتم خلق الله وتدعي عليهم .. عشان كم نفر يلحقون كوره؟

وين تبا ابويه؟!

الدنيا فانيه ترى .. وما يسوى تحرق اعصابك على هالخرابيط .. هالاشيا مسوايه عشان تتونس فيها .. مب تهلك عمرك وياها وتضيع وقتك ..

المشكله صعب الواحد يلقالها حل لانك تلقى الواحد من يوم ما كان صغير متشرب عادة "الحماس" ويا الكورة .. والله يعينه عاد الين ما يودرها ..

ما عليه ادري ان ردي ما عنده سالفة بس حبيت اعلق XD

ويا سلام عليك مستر زينو .. نشيط عندنا ما شاء الله عليك ..

نشوف منك اكثر ^_~

خخخخخخخخخخ .. أحلى شيء يوم يكون واحد فريقه مهزوم وتجلس على راسه .. بس ترى بدون تزويد عشان الكف لا يجي وقتها .. :p

فعلاً صحيح الكورة هي رياضة مثل أي رياضة لم تكن يوماً للتعصب أو المشاكل .. بس عاد ايش نسوي فيه ناس يفهموا هذا الشيء غلط للاسف .. ><

عموماً شكراً إنجلوه على ردك ومشاركتك .. ^^

وتشوفي مني أكثر إن شاء الله .. ^^

عشان تعرفوا إني ما ألعب .. :jap002:


:09:
leopard_1
05-09-2005, 09:21 PM
اشكرك بعنف على هالموضوع ... واخيرا حد فتح موضوع رياضي في هالمنتدى :o
بما اني من محبي كرة القدم ... اممم ما اقدر اقولك اذا انا متعصب ولا لا ... لكن احكم علي من خلال ردي هذا خخخ

ماذا لو كان هذا المشجع يبكي ولا يتكلم مع أحد عندما ينهزم فريقه ؟
قبل كنت اذا خسر فريقي اللي هو نادي الشباب (اماراتي) <<< والنعم :D ...اتصدق اني ما اكل وازعل وايد ... بس الحين لا ..لكن ازعل اشوي بس مب مثل قبل

ماذا لو كان مغطي سيارته بوضع ستيكرات لصور فريقه ولاعبي ناديه المفضل ؟
اممم ... لحد الان ماعندي موتر ... لكن في القريب العاجل انشاءالله ... بلصق وبسوي كل شي ;)

ماذا لو كان يسافر أثناء عمله ويترك أهله ليحضر مباراة لناديه المفضل ؟
يعني انا لو عندي امتحان باجر ... اسير احضر المباراه ...

ماذا لو كان ينزعج من مجرد مزحك له بقولك يا مهزوم شوية ويقوم يضربك ؟
لا هاذي قويه .... فيها قبايل ... والدم يوصل للركب ...

انجل


عشان كم نفر يلحقون كوره؟
انتي تعتبرينها جي ... لكن بعضهم يعتبرها مصدر رزق .. ويوكل عياله منها ...والسالفه فيها ملايين ... مب لعب في الفريج ... فرجاءن لا تتكلمين عن الكره بهاي الطريقه ...ترا انزعج وايد <<<< :p :p
Mada Mada Dane
06-09-2005, 03:07 AM
[QUOTE=Angel whisper]وين تبا ابويه؟!

الدنيا فانيه ترى .. وما يسوى تحرق اعصابك على هالخرابيط .. هالاشيا مسوايه عشان تتونس فيها .. مب تهلك QUOTE]

اكثر شئ ضحكني بالموضوع <-- قلبه موضوع كوميدي :p


عموما , انا شخصيا ... مااشجع فريق معين ... واادري وين الله قاطني وماني من متابعين الكوره

بس كاس العالم :p ... ويمكن الاتفاق <-- وش يبي هذا XD

لا بس صراحه ماهي اهتماماتي وماني مهتم لها , وحاليا ماعندي تعصب لأي شئ, سابقا ايام الطفولة كنا نتعصب لشركة معينة او جهاز معين ... بس كبرنا على هذي الحركات :p

يعني وبعدين واذا تعصبت وحرقت اعصابك , بيستفيدون هم , انت الخسران .... وين تبا ابويه ؟!
بو ضاري
08-09-2005, 08:58 AM
أحب الكره ولكن ليس بالتعلق الشديد اللي يجعلني متعصب

ادافع عن الفريق اللي احبه ليش لا ، بس مااوصل لحدود العصيبه

بالاخير اشوف الطرف الثاني مرتفع ضغطه بسبب كلامي بخصوص الفريق اللي يشجعه

ذكرتوني بسالفه امس

كنا قاعدين شباب (اغلبهم مو راعين كره) واحد منهم مدريدي قال انا اعطي كل واحد ألف اذا فازت برشلونه

بالدوري ، بما اني برشلوني دافعت عن هالشيء وقالي برشلونه فريق فقاره وشفتوا تشسلي شسوت فيكم

قتله يعنى انت مو معترف بقدره فريقك رحت لتشلسي ...ـ وقالي قصه هالديربي التاريخيه وقعد

10 دقايق ، زهقت من كلامه جان اقول اوكي وبالاخير فازت تشلسي على برشلونه وفالنسيا خذت الدوري

ارتفع ضغطه وقعدت يتهجم على شخصي ، انت وانت وانت وانت ، ضحكت عليه وقلت ياحبيبي هذي كره شحارق

خبزك
ROOK
08-09-2005, 12:59 PM
ماذا لو كان هذا المشجع يبكي ولا يتكلم مع أحد عندما ينهزم فريقه ؟ :31:


شي طبيعي لو النادي اللي تحبه وتعشقه خسر في مباراة مهمه ماراح تزعل ؟

او يضيق صدرك ؟ بس ماتوصل انه يبكي



ماذا لو كان مغطي سيارته بوضع ستيكرات لصور فريقه ولاعبي ناديه المفضل ؟ :31:


صعبه شوي :09:


ماذا لو كان هذا المشجع لا يتكلم بموضوع غير الاتحاد والأهلي أو الهلال والنصر أو أي نادي عربي ؟ :31:

هذي حالتي


ماذا لو كان يسافر أثناء عمله ويترك أهله ليحضر مباراة لناديه المفضل ؟ :31:


ترا لين راح كلها يوم ولا يومين او اذا كان الملعب في نفس المدينه كلها ساعتين

يعني بالله وش بتسوي لو كنت في البيت ؟ لاتقوول بقعد أرتب خخخ


ماذا لو كان جايبلك صور عرس أحد اللاعبين في ناديه المفضل وكأنه هو اللي تزوج ؟ :09:


<< :D



ماذا لو كان ينزعج من مجرد مزحك له بقولك يا مهزوم شوية ويقوم يضربك ؟ :biggthump

اذا جت في موقف ماله داعي يعني فريقي المفضل توه خاسر وذا فوق راسي يامهزووم يا.. يا..

بيجيه شي أكثر من كف :09:


كل هذه الأمور وأكثر تحدث عند فئة معينة من مشجعي ومحبي كرة القدم .. حدثت أمام عيني :blackeye:


ولسى بتصير


And Life Goes On

.
.
Vaynard
08-09-2005, 03:07 PM
السلام عليكم

ذكرتني بأيام زمان و انا صغير كنت متعصب جداً لأحد الفرق و أزعل لو أحد
تكلم على فريقي او يستهزئ لما يكون فريقي انهزم او انهزم فريقه اروح انا اسوي نفس
الشيء معاه :09:

بس بصراحة بعد ماكبرت خلاص الواحد يكبر عقله و يشيل التعصب ، صرت ما أشجع
فريق معين بل صرت أتفرج المباريات عشان اشوف المهارات في اللعب و حالياً اشجع
فريق برشلونه بس على شكل خفيف و ما ازعل على الفريق لو انهزم لأني أدري انه
في يوم من الأيام يمكن يفوز و هذا شيء مقدر و حتى كرة القدم صارت حالياً شيء ثانوي
بالنسبة لي يعني سواء تفرجت ولا لأ كله ما يفرق عندي .

لكن أهم شيء في المشجعين انهم يحافظون على روحهم الرياضية تراها رياضة يوم تفوز
و بكره تخسر لا تحسب فريقك invincible ترى زي مافاز اليوم بكره بيخسر و نفس الشيء مع
الفريق الآخر . "اتذكر في مباراة في السعودية كان الجمهو يرجم الحكم الله اعلم وش ذنبه :31: ؟"

و في مقولة أعجبتني من شخص أعرفه
( متعصبي كرة القدم عقولهم مثل الكرة تماماً .. كبيرة من الخارج و مليئة هواء من الداخل)

هذا كل مالدي و ياريت تكون فيه روح رياضية :D
Arnegrim
08-09-2005, 04:51 PM
كرة القدم هي من الرياضات الى أكرها ^^
و مع أني احب جميع أنواع الألعاب ( مغامرات..ار بي جي ) ولكني أكمرة الكرة و السيارات :)
فألعاب الكرة مكررة و نسخة وحدة تكفيك طول حياتك حيث ان باقي الألعاب كلها نفس الشي :31: لا قصة و نظام مكرر و هو انك تركض ورا كرة >_<
اللعبة الوحيدة ال الكرة الى عجبتني كانت كابتن ماجد :biggthump
المهم :)



ماذا لو كان هذا المشجع يبكي ولا يتكلم مع أحد عندما ينهزم فريقه ؟ :31:


دائما اشوفهم و اضحك عليهم و ترا شي ناس يبكون T_T يعني الدموع أربع أربع مع ان السالفة ما تسوى :) كابتن ماجد يقول ( كرة القدم ربح و خسارة ) XD


ماذا لو كان هذا المشجع لا يتكلم بموضوع غير الاتحاد والأهلي أو الهلال والنصر أو أي نادي عربي ؟ :31:
ما شاء الله 99.9% من مدرستنا من هذا النوع و دائما تحدث مشاجرات لهذا السبب >_<


ماذا لو كان يسافر أثناء عمله ويترك أهله ليحضر مباراة لناديه المفضل ؟ :31:

أعرف أولاد ما يمتحنون إمتحانات أخر السنة بسبب المباريات :09:


ماذا لو كان جايبلك صور عرس أحد اللاعبين في ناديه المفضل وكأنه هو اللي تزوج ؟ :09:

ليش لا :31: عادي :p


ماذا لو كان ينزعج من مجرد مزحك له بقولك يا مهزوم شوية ويقوم يضربك ؟ :biggthump
للأسف بيضربني و بكسرلة راسة >_<


كل هذه الأمور وأكثر تحدث عند فئة معينة من مشجعي ومحبي كرة القدم .. حدثت أمام عيني :blackeye:
الأغلبية ^^


المشكلة تلقاه لا يهتم بمنتخب بلده كما يهتم بناديه المفضل .. -_____-
و الله كلامك صح :) و تراني ما عرفت الفرق بين منتخب و نادي إلا من فترة :p

طبعا هم دائما يفتخرون بنواديهم و انا أقول ( ليش ما تبارون الفرق الأوروبية؟ )
عشان يغسلونهم 8 صفر و نرتاح من حشرتهم :)

و أكثر أكرة يوم أبغي ألعب بالسوني و واحد يبغي يطالع مباراة :vereymad:
انزين أحين هاذي المباريات ما تخرب العيون؟ ساعتين جدام التلفزون:31:
لو ينتظرون يوم واحد بيحصلون النتجية في الجريدة ^_^
بدال يلسة ساعتين جدام التلفزون بلا فايدة :)

شكرا على الموضوع الجميل و الهادف ^^
THUNDER EMPEROR
09-09-2005, 03:07 PM
السلام عليكم ..


ماذا لو كان هذا المشجع يبكي ولا يتكلم مع أحد عندما ينهزم فريقه ؟ :31:

بعض الأحيان يحصل زعل خفيف .. لكن ما توصل لدرجة البكاء أو العزله عن الناس .


ماذا لو كان مغطي سيارته بوضع ستيكرات لصور فريقه ولاعبي ناديه المفضل ؟ :31:


هذي عاديه ما أشوف فيها شي ... لكن اللي كثرت هذي الأيام صور الحكام على السيارات .. شفت سياره لكزس جايه من الكويت عليها آل صباح بالخلف ... بإختصار لكلٍ حريته .


ماذا لو كان هذا المشجع لا يتكلم بموضوع غير الاتحاد والأهلي أو الهلال والنصر أو أي نادي عربي ؟ :31:

هذا الكلام من زمان ... يوم كان الدوري السعودي بأوجه عزه ... أما الحين كل همهم إنتقل ياسر ولا ما إنتقل .


ماذا لو كان يسافر أثناء عمله ويترك أهله ليحضر مباراة لناديه المفضل ؟ :31:

تحصل واجد ... خاصة البريطان والله إنهم بايعين بيوتهم وأهلهم بتراب عشان يحضرون مباراة لمنتخب إنجلترا .


ماذا لو كان جايبلك صور عرس أحد اللاعبين في ناديه المفضل وكأنه هو اللي تزوج ؟ :09:

ماذا لو كان ينزعج من مجرد مزحك له بقولك يا مهزوم شوية ويقوم يضربك ؟ :biggthump

كل هذه الأمور وأكثر تحدث عند فئة معينة من مشجعي ومحبي كرة القدم .. حدثت أمام عيني :blackeye:

المشكلة تلقاه لا يهتم بمنتخب بلده كما يهتم بناديه المفضل .. -_____-


هذي أعتبرها تصرفات طفوليه .. أنْ يجعل هذا الموضوع أكبر همه وشغله الشاغل .


وسلملي على شيفا :p


--------> يوفنتساوي عن بكرة أبيه :p

أختي إنجل الرياضه غير إنها متعه أو حماس وإلخ .. فهي مصدر رزق تدبر للشخص لقمة العيش ... وأكبر دليل دولة البرازيل .. إذا رفضوا الشباب من قبل النوادي يتحولون إلى مجرمين قتل وسرقه .. وإذا فضيتي خذي نظره على إحصائيات الجرائم التي تحدث في تلك الدولة .

الرياضه تأهل الشخص نفسياً قبل أن تؤهله جسدياً ... في ناس ما تجيهم صفاء النفس أو الراحه إللا لما يتحركون أو يؤدون هوايتهم الرياضيه المحبوبه ...

مشكور أخوي على الموضوع .. وأشوفك ما شاء الله 7 / 24 هنا :)
XenO
09-09-2005, 03:24 PM
مشكور أخوي على الموضوع .. وأشوفك ما شاء الله 7 / 24 هنا :)


لأني بخرج كل اللي براسي قبل ما تجي المدارس اللي بدورها راح تصعب الأمور وتقلل من دخولي النت .. :09:

وشكراً على مشاركاتكم أعزائي .. ^^
XenO
14-09-2005, 10:47 PM
نتائج مباريات أبطال آسيا للناس المتعصبين من قبل الجرايد .. :09:

باسان الكوري الجنوبي 3 - 0 السد القطري في كوريا الجنوبية

شاودنج الصيني 1 - 1 الإتحاد السعودي في الصين في جنان

العين الإماراتي 1 - 1 باس الإيراني في العين

الأهلي السعودي 2 - 1 شينزهن الصيني في جدة

جوود لك للفايزين وهارد لك للمهزومين .. :biggthump
ashraf_2003
15-09-2005, 09:58 AM
انا مش متعصب لاحد انا شعاري في الكورة فل يفز الافضل بس ما اتابعه كورة كثير :09:
Dr.Zezo
15-09-2005, 10:06 AM
مشكور على الموضوع بس لو تحطه في المنتدى الرياضي بتلقى تفاعل أكثر
XenO
15-09-2005, 11:45 AM
مشكور على الموضوع بس لو تحطه في المنتدى الرياضي بتلقى تفاعل أكثر

نحطه بالمنتدى الرياضي ليش لأ ؟

أنا وضعته هنا لأن هذا المنتدى العام هو الأفضل لي .. ولقيت نسبة من محبين الكورة هنا .. :biggthump
Angel whisper
15-09-2005, 06:31 PM
[QUOTE=Angel whisper]وين تبا ابويه؟!

الدنيا فانيه ترى .. وما يسوى تحرق اعصابك على هالخرابيط .. هالاشيا مسوايه عشان تتونس فيها .. مب تهلك QUOTE]

اكثر شئ ضحكني بالموضوع <-- قلبه موضوع كوميدي :p

يعني وبعدين واذا تعصبت وحرقت اعصابك , بيستفيدون هم , انت الخسران .... وين تبا ابويه ؟!
:02: انزين .. انا .. انا .. كنت ارمس صدق .. جد .. مادري شو ..

بخلي هالجملة الtrade mark مالتي خلاص ..
XenO
15-09-2005, 07:14 PM
[QUOTE=Mada Mada Dane]
:02: انزين .. انا .. انا .. كنت ارمس صدق .. جد .. مادري شو ..

بخلي هالجملة الtrade mark مالتي خلاص ..

خخخخخخخ .. والله حلوة وين تبا أبويه

cool trade mark .. :biggthump
سوليدس سنيك
19-09-2005, 04:47 AM
مشكور عالموضوع اخوي ^_^