المساعد الشخصي الرقمي

مشاهدة النسخة كاملة : خنت حيلي يا البنات


sweet princess
09-09-2005, 02:03 AM
الريال لما يسافر بروحه ... هو !! ريال بعد ما يحتاج محرم ..

( وطايحله خرابيط )


وإذا سوا علاقات ..... هو!! ريال شايل عيبه .. ما رده بمل..


اذا قعد بالدوانيه مدة طويله .... خو شنو بعد!! قاعد يلعب جنجفه ومع الربع ريال عادي ..


يروح يتزوج أربع .. هو!! ريال والشرع حلل اربع ..


متقاعد وما يهيع بالبيت ...هو !! بعد ريال وبيطلع شنو نحكره..


ما كمل دراسته .. عادي شنو اهوه ريال ..!!


طول لسانه على امه .... حتى الام ما تعرف ترد عليه .. بعد شسوي ريال ويفتهم ..!!


يروح بره وياخذ امريكيه .. والكشره من هني لي اهني ... ولدنا خذا امريكيه :)) بعد ريال ..


شرا سيايير وكسرهم .. يلا فدوه .. بعد ريال ..


يسافر بره علشان يكمل ويصرفون عليه دراسته يروح يلعب ويرد ماكو شهاده ... يلا ريال ..


يقطون عليه اشتراك نادي وما يداوم ... عادي ريال !!


يحطله شو تايم بداره بس انتي لاء حتى لو أصغر منج... عادي !! ريــــــــــال ..


لا يرفض له طلب ... ليش !! بعد .. ريــــــــــال ..


يلا نشتريله سيكل ... يلا بعد صار ريـــال ..


يروح يدرس بره بالمكان اللي يبيه .... ريال وما ينخاف عليه !!



بقي والا بانشي ... أفا عليك بس ..!!


لما ولدهم يسوي مشكلة مع بنات الناس ..... بنت الذين قصت على ولدنا .. ‍‍!! وإلا ولدنا اصلا ريــــال والنعم ..


الولد من اول ما يبلغ... أثنين يسويهم ... يشرب زقاير ويتعلم الحجي الوصخ ..... ليما يكبر مع الرياييل بالدوانية و...يستمر ...يستمر ... هو !! بعد سوالف رياييل ..


عادي ما لقا شي بالكبت .. خمط دشداشه وطلع ....!!


انا مشغول روحي انتي ييبي الياهال ...!! بعد مسكين رب الاسره...


بعز الشمس ... انتي قطي الياهال ... تعبان وراد من الدوام ..!! جنا اهيه مو راده من الدوام نفسه ...!! هذا والرجال قوامون على النساء !!





أما المرأه يا عيني عينج .. L


يما ابي اطلع اروح كافي ....

انثبري يلا ماكو سالفه .... !!


ابي اشترك بنادي .....

حق الخرابيط انتي تلحلحي سويلج شغله بالبيت ....!!


سفر تسافرين بعد هذا اللي ناقص .... لازم محرم !!

لا وفي فتوه يديده ما تدخلين النت ... الالا بوجود محرم....!!


شنو بديكير منيكير ... شهالخرابيط ..!! طول عمرنا نسويهم بالبيت ...


كلا تبين هدوم ... هدوم ... وكلا ما عندي .. انجلعي زين !!


شنوووو ... طالعه على البحر اليوم !! ....

حشى رايحه ديسكو مو رايحه البحر ... جنه الوحده مسويه شي محرم ..!!


تقفل الدار .... انتي اشعندج كل ساعه قافله الدار .....!!

بعد شنو الواحد ما عنده خصوصيه ... يعني ما اقفل الدرا الا قاعده اسوي شي مو زين !!


شنو تبين سياره باب واحد ... سبورت ... لا ماكو .. انتي بنيه تسوقين جذي ..!! حتى بالسيايير ...!!


ابي اشترك دوره .... من 5 لي 8 .....

شنو !!! وانشاء الله متى تردين البيت على 9 ولا 10 !! ..... يلا مـــــــــاكو


شنو هالخرابيط اللي شاريتها .... أي أي فسفسي الفلوس !! ...

أي معاشي وكيفي ..... والله حاله !!


المرأه تدرس .. تشتغل .. تحمل.. تولد.. تربي وتدرس العيال وتودي وتييب ..!! وفوق هذا يقولون الشرع يقول المرأه ناقصه عقل ودين ... ويفسرون القرآن على كيفهم ...


المرأه تبي تتمشى بالسيارة على راحتها ..... ما تقدر ..!! ( اييها موكب يغثها في عيشتا ليما ترد البيت)


تبي تروح تسوي رياضة بالممشى .... هم ما تقدر !! ( وراك وراك وراك منين ما تروح وراك ....!! شهالبلشه !! )


تبي تقعد تتامل البحر لما يكون ضايق خلقها .. هم ما تقدر !! ( إلا يايتها شلت عقد .... يا حلوه .. تعالي تعالي !! ..... قطع)

نبي نحتفل بالعيد الوطني ... نبي تستانس .. هم ما نقدر .. لانه المطافيق وايد !!

لا ولو تقولين للشرطي شوفهم يقولج شمطلعج !!! ...... شنو مو اوادم !!





بس نقول الحمد الله على كل شي ... الوقت اختلف والناس تغيرت ... ومو كل شخص يتحمل المسؤولية ... والحرص زين :)



وسلامتكم ،،،
Twin Sisters
09-09-2005, 03:13 AM
السلام عليكم :)

نكتب لك هذا الموضوع لنقلك شكرا جزيلا لهذا الموضوع المتواضع :D

و نشكرك أيضا على تنسيقة المتواضع :05:

وشكرا لك :D

و السلام عليكم ورحمة الله وبركاتة :ciao:
sweet princess
09-09-2005, 03:18 AM
يسلموووووووووووووو عالمرور
Twin Sisters
09-09-2005, 03:28 AM
السلام عليكم :)

نكتب هذه الرسالة لنشكرك على ردك لنا ونرجو بأن نرى جديدك :05:

وشكرا :05:

و السلام عليكم ورحمة الله وبركاتة :ciao:
JOHN CEENA
09-09-2005, 03:51 AM
مشكووووووووووووووووووره وخيتي عالموظوع
بو سراج
09-09-2005, 03:53 AM
هذا حال أكثر الرجاجيل الحين

الله يعينكم


مشكور أختي على موضوعك
BOR
09-09-2005, 04:16 AM
مشكووووووووووورة اختي على الموضوع
sweet princess
09-09-2005, 05:36 AM
تسلموووووووووووووون كلكم عالمرور
الحلا الهندي
09-09-2005, 07:54 AM
موضوووووووع حلو

مشكوره

خودافس
raof2000
09-09-2005, 09:20 AM
الحق حق

يجب اخذ الوسطية يعني لا تفلت زايد ولا مراقبة زايدة

يعني الوسط حلو

شكرا اختي على الموضوع

^^
TEDUSE 1=BAGGIO
09-09-2005, 12:27 PM
ممممممممممممممم الموضوع ما وضع علشان الكل يقول مشكورة اختي . :أفكر:

الموضوع وضع علشان النقاش .

المهم مثل ما قال أخوي رؤوف لازم يعدلون بين البنت و الولد .

بس الصراحة في اشياء ما تقدر تسويها البنت و الولد يقدر يسويها .

يعني انا مو مع البنت الي تروح المراكز بروحها لان الاولاد راح يتجمعون حواليها كأنها مغناطيس و هم قطع حديد .

و الاهل الي يتركون اولادهم على كيفهم و يشدون على البنت راح يشوفون نتيجة تدليلهم للولد في النهاية بصياعته و دماره .

هذي التفرقة موجودة في فئات من الناس مو كل الناس .

و شكرا اختي على الموضوع .

راح ينقل لملتقى الاصدقاء .
pEc!al $wEetY$
10-09-2005, 03:40 AM
اهليين بالبرنسيسه ..
وش فيك معصبه عليهم كذا .. :jap031:

اللي قلتيه كله صح وموجود في كل المجتمعاات تقريبا

بس انا مع الوووسطيه ..لا افراط ولا تفرريط ..

والغاالب ان البنااات لو اعطوووهم حريه بزيااده عن اللزوووم

ما يقدروون هالشي يعني تلاقينها اربع وعشررين سااعه اسوااق ومطااعم

والشباااب ما راح يقصرووون .. :jap029:



تسلمين عالمووضووع الحلو ..
sweet princess
10-09-2005, 04:16 AM
تسلمون كلكم على المرور وارائكم كلها احترمها
تسلمين حبيبتي سويت عودا على الرد الحلو
وانا اايد كلامج بس في اشياء احنا محرومين منها
انتوا تقولون انا اذا طلعنا الشباب دايما حوالينا وهذه المشكلة
ليش الشباب ما يعطونا حريتنا ....ليش اذا شافوا بنت لحقوها
طبعا الكلام هذا مو للكل لكن لفئة معينة من الشباب
شوق- الصحارى
10-09-2005, 12:14 PM
تقفل الدار .... انتي اشعندج كل ساعه قافله الدار .....!!

بعد شنو الواحد ما عنده خصوصيه ... يعني ما اقفل الدرا الا قاعده اسوي شي مو زين !!


بهذي صااادقه "><

تسلمين على الموضووع ...
sweet princess
12-09-2005, 01:58 AM
تسلمين اختي عالمشاركة الحلوة
مكاااوي فلاااوي
18-09-2005, 06:26 PM
مشكور يا أختي العزيزة على الموضوع...