المساعد الشخصي الرقمي

مشاهدة النسخة كاملة : ممكن تفسير طريقة ادخال أسرار Counter Strike


a.s.m.o
17-09-2005, 05:42 AM
السلام عليكم



لدي Counter-Strike: Condition Zero



وأريد طريقة كيفية ادخال الأسرار في اللعبة .. حاولت ان اعمل الموجود بالموقع ولا لا فائدة تذكر ولا تغيير !!!!!!!!

وياليت احد يقولي على طريقى التقاط الأدوات في اللعبة وكذلك تعطيل المتفجرات وتسريح الرهائن




الموقع للأسرار

http://www.neoseeker.com/seeker.php?keywords=Counter-Strike&searchgroup=games
abo lawind
17-09-2005, 05:45 PM
أخي الكريم بالنسبة لطريقة ادخال الاسرار فكل ما عليك هو الضغط على الزر الي موجود عليه حرف ((الذال))وهو موجود باسفل زر الـ Esc و من ثم كتابة الشفرة والضغط على Enter ...
بالنسبة لطرقة تعطيل المتفجرات فهي بالضغط على حرف الـ E امام المتفجرات ضغطا مستمرا حتى يصل المؤشر الى نهايته وكذلك بالنسبة للرهائن
alma7rom
17-09-2005, 05:58 PM
السلام عليكم

عندي اضافه الاحسن انك تشتري دفيوزر عشان يسرع فك القنبله ولو تبي تشتري الدفيوزر اضغط على
O وبعدين اضغط على رقم 6 ( الدائره هي حرف وليست رقم )
بالنسبه للرهائن بس تروح جدامه وتضغط E وهو يلاحقك
اما للأسرار لازم بالاول تشغل الشيت والطريقه هي انك تضغط على حرف الذال وانت في اللعبه
بتطلع شاشة الكونسول فتكتب:
sv_cheats 1
طبعا لازم انت تكون السيرفر عشان تشغل الشيت وبعدين اي كلان ممكن يحط كلمات سريه

واذا كنت تبي تشيل سلاح على الارض وانت اصلا عندك سلاح لازم تضغط على G وانت واقف فوق السلاح
فراح يرمي السلاح اللي عندك وتاخذ اللي كان على الارض

ولو تبي اقول لك شي ثاني انا حاضر
a.s.m.o
17-09-2005, 11:22 PM
abo lawind - alma7rom تسلمون لي يالذهب ... معلومات حلوة مثلكم

وكنت ناسي حاجة وقت ما كنت اكتب تساؤلاتي وذكرها اخوي alma7rom وهي كيف تاخذ السلاح مكان سلاحك ...



تسلمون لي والله .. ولو تدرون اني جربت اني اكون سيرفر وحاولت اشغل الشيتس من الكونسول sv_cheats 1

بس مااااااش .. اكتب god - noclip - notarget ومن هالشيتس الحلوة بس مالقيت أي أثر في اللعب ..ليش!!!


وفي حاجة بغيتها وضرورية .... لما اجي اقنص على الأعداء واقتلهم واتطيح منهم شنطتهم اكيد انو فيها شغلات تبع الصحة Health والأسلحة وعدتهم الباقية

العداد مال الصحة عندي يتدهور (ينقص) مع التقنيص والمشاتل مع الأوادم ... فشنو الدبره اهنيه !!! ابي اعبي الصحة ارجعها مية بالمية

فـ الله يعافيكم توضحون لي ليش ما تشتغل الشيتس مع اني مشغل السيرفر مع الشيتس بالإضافة إلى التقاط ما بداخل شنط الأوادم ... ولكم ألف تحية.
alma7rom
17-09-2005, 11:54 PM
اخوي ما تقدر تعبي الطاقه
ومافي شنط تطيح من الاعداء الا القنبله الــ C4

اما عن الشيت انا متأكد من الكلمه او جرب تشيل الواد اللي في الكلمه وتحط 101
جربها
a.s.m.o
18-09-2005, 08:42 AM
طيب يالغلا الحين من دام ما اقدر اعبي الطاقة اكيد الشيتس هي الحل

هل انت تعلب بالشيتس! هل جربت تكتب god مالت الطاقة وتوابعها وشفت أثرها في اللعب؟
البوعينين499
18-09-2005, 09:54 PM
السلام عليكم

اخي لعبة كونتر استرايك ماينفع معاها الشيت اصلا لان تلعبها lan ومع التدريب بتعرف الهدف من اللعبه

وشكراا
a.s.m.o
19-09-2005, 01:54 AM
عليكم السلام اخوي البوعينين499

اشلون ما تنفع معاها الشيتسات!!! مع العلم ان الكل يستخدمها وضابطة معاه والتعليمات موجودة حتى بمواقع الشيتس والمرفق فيه اشياء كثيرة عن اللعبة بالاصافة إلى اسماء الشيتسات مع التأثير حقها

عزيزي البوعينين499 ممكن تقولي الهدف اللي فهمته من اللعبة!
alma7rom
20-09-2005, 07:28 PM
السلام عليكم

اخوي البوعينين قصده ان اللعبه حلاتها بدون الشيت لأنك بتمل من اللعبه لو كل شوي واحد عبى طاقته
وثانيا اخوي لا تسألني عن الشيت هذا لأن الوحيد اللي استخدمته هو شيت الفلوس وهذا قبل الحين خلاص كل لعبي بدون شيت
a.s.m.o
21-09-2005, 12:42 AM
حبيبي المحروم يعطيك العافيه انت وطيب الذكر ابو العينين ... بس اعصابك بشويش لا تعصب

خلاص مابي استخدم الشيتس ... خلنا بطريقة اللعب ... وصلت اللمرحلة الثالثة وهي Prodigy .. وكل اللي فهمته من المعلومات حقت هالمرحلة اني لازم اقتل الارهابيين واعطل المتفجرة ...

بس ماااش .. كل مرة افوز ويعيدوني في نفس المرحلة ... شنو السواة؟؟ هل في شي انا ما سويته!!!
alma7rom
23-09-2005, 01:49 AM
لا تسألني عن مراحل الكوندشن
لأني ما اعرفها انشاء الله حد ثاني ممكن يساعدك
a.s.m.o
23-09-2005, 08:52 AM
ماتشوف شر ياغالي

عيل انته شنو قصدك..

اصدار السورس؟
a.s.m.o
27-09-2005, 04:26 AM
اخوي المحررررررررررررررروم ياهل قطررررررررررر

وين الفزعات اللي تتكلم عنها !!!!!!!!!!!! وين المساعدات والدعم وكل اللي تقدر عليه !!!!!!!!!

والا بس كلا111111111111111111111م
الشايب العايب
06-04-2008, 09:23 PM
السلام عليكم...


أخوكم الشايب العايب

بالنسبة للإنتقال للمرحلة التالية فهو كالتالي::

قبل ما تبدأ باللعب وبعد ان تختار الإختيار الثالث ستظهر لك نافذه تتضمن نافذتين أخريين المهمّ هناك خانات بها ارقام وأخرى فاضيه اضغط على الفاضية ثم ضع رقم(5) أو (4) أو اي عدد بحيث ان هناك خانه للوقت وهناك خانه لعدد المراحل التي يتم الإنتقال بعدها وهناك خانه للمبلغ المالي في بداية اللعبه غيرها على كيفك واستمتع بـ( COUNTER STRIKE )



NICE BIGNING