المساعد الشخصي الرقمي

مشاهدة النسخة كاملة : ارقام هواتف بمليون ونص دولار...


SFS
23-09-2005, 03:13 AM
^
^
^
^
^
^
^
^
^
^
^
^
بيع في مزاد علني نظم في الدوحة في اليومين الأخيرين مئة رقم هاتف بلغت قيمتها
خمسة ملايين ريال قطري (1.5 مليون دولار) وكانت شركة الاتصالات القطرية كيوتل
قد طرحت مئة رقم على مدى يومين في أحد فنادق الدوحة وان معظم الأشخاص الذين
تنافسوا على اقتناء مثل هذه الأرقام هم من الشباب.
وأضاف ان الرقم 5111511 سجل أعلى سعر وقدره 320 ألف ريال قطري نحو
90 ألف دولار في حين سجل أدنى سعر للأرقام المعروضة 8500 ريال نحو
2500 دولار وقد درجت كيوتل التي تحتكر قطاع الاتصالات في قطرعلى تنظيم
مثل هذه المزادات في بلد يتميز بقوة القدرة الشرائية لدى مواطنيه.


المصدر: عدة وكالات انباء.

تعليقي: الي يشتري هذه الارقام ما أدري شنو راح يوصلة..
يكفي انه خسر فلوسه على شيء تافهه..
وكذلك هناك مبالغ خيالية تدفع للوحات السيارات..
ما أقول الا أصحاب العقول في راحة..
بانتظار ارائكم وتعليقاتكم شباب...
بو ضاري
23-09-2005, 04:58 AM
5111511

حده بايخ الرقم

هذا لو شايف رقمي جان شسوا!؟ ^^


صدقت ليما قلت "اصحاب العقول في راحه"
SFS
23-09-2005, 05:35 AM
نسيت ا كمل الخبر...


وجاء بعد الرقم 5111511...في المرتبة الثانية..

الرقم 5111118 بمبلغ 275 ألف ريال...
ثم 5766666 بنفس الثمن...
Vaynard
23-09-2005, 10:58 AM
الحمدلله على العقل

أصلاً هذا من التبذير و الإسراف الرقم قميته ماتتجاوز ال200 ريال ليش بالله
يشتري ب 300 ألف!؟

ما استغرب أنه في المستقبل راح يطلع لنا من يشترون أرقام سيريال نمبر مميزة للويندوز :31:
Angel whisper
23-09-2005, 10:58 AM
والله شو بقولك -_-
نفس السالفة تستوي هني شهريا ..
وكل مزاد ملايين تنصرف فيه على ارقام السيارات ..
بس ما اذكر اذا سوو على ارقام التليفونات ولا لا ..
الله يهديهم..
A i r
23-09-2005, 11:08 AM
والله في ناس مو لاقية تاكل وفي ناس مو قادرة تسكن ..

على بالههم هذا تميز .. هذ والله انحطاط ..:12:

ايش اقول بس .. حسبي الله ونعم الوكيل ..
مكاااوي فلاااوي
24-09-2005, 11:03 AM
والله حرام عندنا الرقم اذا ضرب الحمة في السعودية يصير بـ 25 ألف ريال

الذي يساوي 6666 دولار والرقم يكون من هذه الباقة

05555555558
05555555557
وزي كذا
Mada Mada Dane
24-09-2005, 12:54 PM
الحمدلله على العقل

أصلاً هذا من التبذير و الإسراف الرقم قميته ماتتجاوز ال200 ريال ليش بالله
يشتري ب 300 ألف!؟

ما استغرب أنه في المستقبل راح يطلع لنا من يشترون أرقام سيريال نمبر مميزة للويندوز :31:



تخيــــــــــــــــــــــــل ؟ ! :D
Angel whisper
24-09-2005, 01:36 PM
مبيعات لوحات السيارات المميزة وصلت الربع مليار في الامارات
قريت هالشي البارحة في الجريدة
amusing~
الموهوب
24-09-2005, 02:37 PM
اللوحات .. يمكن تجي

-----


اما ارقام جوال :afraid:



اشتريلي..فياجرا’’مرسيدس’’ احسن :31: لا ويبقى لي فلوس ... :D
snowy river
24-09-2005, 03:13 PM
يالله لك الحمد ..

انا مدري متى بيبطلون فشخره على غير سنع << ام الفشخره :D

الله يهدينا بس

مشكور ..
ODIN
24-09-2005, 06:45 PM
الي يحس بضحالة بداخله او غير مقتنع بنفسه من داخل .. يعوض النقص هذا بمظاهر ( مبالغ ) فيها حتى يرى بنفسه أي شيء يميزه عن غيره ..
Y a z e e d
24-09-2005, 07:17 PM
الي يحس بضحالة بداخله او غير مقتنع بنفسه من داخل .. يعوض النقص هذا بمظاهر ( مبالغ ) فيها حتى يرى بنفسه أي شيء يميزه عن غيره ..
،

هالإنسان يقطّر حكمة ..
بالضبط اللي كنت بقوله يا صديقي . ولكن صياغتك أرقى و أجمل .
snowy river
24-09-2005, 08:35 PM
يالله لك الحمد ..

مدري متى بيبلطون فشخره << ام الفشخره:D

مشكور.
Lunar Ogre
24-09-2005, 08:48 PM
أعتقد غياب الوعي له دور في هالمسألة وخاصة من قبل الأبوين.. يعني معقولة الأب والأم يتركون شبابهم في هذا التهور والانحطاط..:12:
black_black
24-09-2005, 10:26 PM
السلام عليكم
والله هاي ناس مش عارفه تودي فلوسها فين
الحمد لله على نعمة العقل
سلام :)
ثريول
24-09-2005, 10:35 PM
الناس استخفوا خلاص ..

أحياناً, وخاصة مع الأخبار المنتشرة عن "أرقام التسجيل في المرور" للسيارات واللي وصلت في أحيان إلى الملايين (!!), نعتبر الجملة أعلاه صحيحة وما فيها مبالغة, في أرقام السيارات وأرقام التلفونات في الكم شهر الماضية. ولا رقم سيارة يروح بـ(2) مليون!! .

أعجبتني رسالة أرسلها شخص على زاوية "مسجات القراء" في جريدة الشرق, يقول فيها: الشباب يشترون أرقام موبايل على 300 ألف, ويشتكون من أرتفاع المهور !!.

و .. أقترح أن الأرقام تُسحب من أصحابها, ويُعاد توزيعها عشوائياً .. عشان يتأدب اللي حط فلوسه في "رقم" ... الأمر زاد عن حدّه.

تحيّاتي.
Lena
25-09-2005, 01:50 AM
اودين صدق بتحليل سبب السالفه..

لكن سالفه استغرابكم ليه يدفعون هالفلوس وليه يبذورن..وسالفه المهور

هذولا اصلا ناس مايشتكون من المهور..

وناش ماتشتكي من الفلوس

ناس عندها مليون قرش زايد ..فما تفكر بالطريقه هذي ابد..عاااادي الامر عندهم


حمدلله والشكر..
Yamato
25-09-2005, 09:50 PM
أعجبتني رسالة أرسلها شخص على زاوية "مسجات القراء" في جريدة الشرق, يقول فيها: الشباب يشترون أرقام موبايل على 300 ألف, ويشتكون من أرتفاع المهور !!.

تقريبا نفس الشي قريته في مجلة..

انه الشباب مشغولين بارسال المسجات للقنوات الفضائية ويشتكون من ارتفاع الاسعار.. -_-!

والله عندهم حق الشياب يستانسون لما يشترون النوق بكم مئة الف...

والحمدلله على نعمة العقل فعلا..

شي جانبي شوية..
في ابوظبي الناس مظاهر للاسف.. اذا انت لبسك غالي او نقول متكشخ فانت عالعين والراس.. بس لو كان لبسك عادي محد يسويلك سالفة -____-!
والله حالة
antonio
27-09-2005, 12:59 AM
الي يحس بضحالة بداخله او غير مقتنع بنفسه من داخل .. يعوض النقص هذا بمظاهر ( مبالغ ) فيها حتى يرى بنفسه أي شيء يميزه عن غيره ..

بدوري ياخي العقول عند بعضها :biggthump

ناس الله ابتلاهم بنقص العقل والفراغ القاتل يعوضون النقص بشيء سخيف الله يخلف عليهم :blackeye:
Rory
27-09-2005, 06:09 PM
الناس تخبلت ..
يعني أرقام بها الأسعار ليش؟؟



والله عندهم حق الشياب يستانسون لما يشترون النوق بكم مئة الف...


شفتهم في الأخبار .. تخبلو فعلا ..

والمشكله هاي السوالف تستوي حق إلي عنده وإلي ما عنده .. وإلي ما عندهم آخر شي يورطون عمارهم بديون وحاله وها كله حق الفشره الزايده والمصخره :blackeye: