تسجيل الدخول

مشاهدة النسخة كاملة : المرحلة الجامعية سؤال في أرامكو ؟


AL MASTER
26-09-2005, 05:28 PM
ما الفرق بين

برنامج الابتعاث الجامعي لحديثي التخرج من الثانوية (CDPNE)
&
برنامج التدرج لخريجي الثانوية والدبلوم (APNE)

و أيهما أفضل
Wiz
26-09-2005, 08:53 PM
الله يسلمك الفرق زي الفرق بين السما و الأرض
الCDPNE بدأ قبل حوالي شهرين ياخذون الطلاب بعد اختبار قبول ويحطونهم في برنامج مكثف للإعداد للمرحلة الجامعية ( لغة, رياضيات, كيمياء, فيزياء, اقتصاد, مهارات تعامل..) على حسب تخصصك و مستواك. طبعا نسيت أقولك إنهم يحددون لك تخصص أول ما تبدأ وكل سنة هم يعلنون عن التخصصات اللي ناوين ياخذونها. بعد أول سنة يرسلونك لجامعة إما برا أو البترول (على حسب تخصصك و رغباتك) وتكمل بكالريوس. طبعا إلا الآن ما يعتبرونك موظف.. واذا خلصت دراستك تجي ويوظفونك وغالبا يحطونك في المرتبه 11 (سينير) ويحسبون سنوات دراستك خدمة.. طبعا خويك "معهم"
أما الAPNE فهو برنامج للي (مستواهم الدراسي أقل) وتلتحق فيه سواء بعد الثانوي أو بعدين أول ما يقبلونك تصير موظف (مرتبة تحت ال9) وتدرس سنتين لمن تاخذ دبلوم... وصعبة إنك تكمل بكالريوس إلا إذا كنت دفره وتيسرت أمورك..
وطبعا الCDPNE أفضل

أتمنى إني أفدتك
الـسـاهر
27-09-2005, 02:58 PM
برنامج الابتعاث الجامعي لحديثي التخرج من الثانوية (CDPNE)

أفضل,,
AL MASTER
27-09-2005, 04:02 PM
ألف شكر لك يا أخوي Wiz على الشرح المفصل<<<<<<<<< هذا الكلام المفيد
و الله يوفقك في دينك و دنياك

و ألف شكر لترجيحك يا أخوي الساهر للترجيح
و الله يوفقك دنيا و آخرة
Wiz
27-09-2005, 11:06 PM
حياك الله وأي خدمة ترانا حاضرين