نقاش الرسامين جني جني صورة جني !! [الأرشيف]

Rewayah

12-10-2001, 03:40 AM

هاي السالفة صاير صج مو خرابيط, والكل في الإمارات عارفها !!

بأختصار !!

كان في مجموعة من الشباب سايرين صوب منطقة "حتى" الجبلية الوعرة وكان واحد من بينهم عنده كيمرة تصوير !! وصادف أن مروا بوادي "جحفي" المعروف بالكهوف... وكان الوقت مغيباً...

وهناك لاحظ الشاب أبو كيمرة شيئاُ ما في أحد الكهوف الضحلة, وأخبر أصدقائهُ, فلم يصدقوه وكانوا ماشين. فعاد الشاب إلى قرب الكهف ودقق جيداً فرأى رجل عجوز ذو لحية طويلة, أخضر الجلد, وأحمر العينان ملتصقاً بالجدار, طائرا في الهواء!!

فعاد ولحق برفاقه وأخبرهم فلم يصدقوه, فقرر أن يصور ما رأى ليثبت لهم وعاد للكهف بعد أن حاول رفاقهُ منعه. والتقط الصورة وأطلق فلاش الكيمرة, ولم يسمع سوى صوت دوي سطعة قوية "كف" في الهواء... وسقط الشاب على الارض وسقطت الكيمرة من يدة.

ركض الباقون إليه فلقوهُ ميتاً !! وأخذوه وبلغوا الشرطة بكل شيء !! قامت شرطة "حتى" بالتحقيق في الموضوع, وقاموا بتحميض الفلم وظهر لهم مالم يكن بالحسبان !!

صور الشباب كانت منوعة في جبال "حتى" التي التقطوها, كانت شيءً عادياً... أما الصدمة فكانت الأخيرة التي ألتقطت في وادي "جحفي" برهنت للجميع الحقيقة المرعبة !!

أنصح ضعاف القلوب والفتيات بعدم رؤيتها... وقد أعذر من انذر...

كيفكم !! أنذرتكم !!

MARY

12-10-2001, 03:46 AM

هذي الصوره اتنشرت سايقا ياروايه
بس انا اعتقد انها اشاعه واللي مالفها شاف دوبه فيلم THE SHINING
اما كيف جاب الصوره فالله اعلم بس كلام المجلات والجرايد اغلبه خرطXخرط

Rewayah

12-10-2001, 03:56 AM

أنا مادري شو أقولك يا أخت ماري !!

بس اللي بقوله لكِ وأنا متاكد منه "يعني أنا بكامل وعيي" هو أن أخي الأكبر يعرف معرفة شخصية أحد أصدقاء الشاب الذي مات, والكثير من الناس يعرفون عائلة الشاب, من بينهم والدي !! كما أن أخي الأكبر حصل على طبعة أصلية من الصورة أعطاهُ أياها صديق الشاب وهو يحتفض بها عندهُ في بيته, والجني الذي بها لون جلده مائل للإزرقاق وليس أخضراً. والصورة التي أستخدمتها هنا هي من الإنترنت ويوجد عليها بعض الكلام الملفق الخاطىء !!

بالمناسبة الصورة وسالفتها قبل سبع سنين !! أي في عام 1994م !!

:أفكر: !!

MARY

12-10-2001, 04:00 AM

انا والله اللي ماني عارفه ايش اقول بعد الادله اللي قدمتها لي
ماقول الا الله اعلــــــــــــــم

Rewayah

12-10-2001, 04:06 AM

لا عليكِ من كل هذا أختي :) !!

أنا قصدت التسلية والإثارة لا أكثر :p !!

ولكن الجن موجودون سواء رضينا أم ضحكنا :D !!

- بسم الله الرحمن الرحيم -

--0(( وَما خَلَقَنا الإِنسَ وَالجنَّ إلا لِيَعبُدون))0--

- صدق الله العظيم -

:)

الجليله

12-10-2001, 04:07 AM

ياويلي ياويلي ياويلي ياويلي ياويلي ياويلي ياويلي ياويلي ياويلي ياويلي ياويلي ياويلي ياويلي
الحين كيف انام:غضب: :D :D :D :D

Rewayah

12-10-2001, 04:10 AM

نامي كالمعتاد :p !

فرقت :D ؟!!

سمي بأسم الله وخلاص :) !!

Hane

12-10-2001, 07:45 AM

جديييييييييييييييييييمه
راس الخيمة مليااااااااااانه
يوم اروح ما قدر انام من الخوف :(

q_SolidSnake_p

12-10-2001, 07:51 AM

لا حد يغلط على راس الخيمه
لو سمحتوا

|*|The Ruler|*|

12-10-2001, 12:13 PM

قديمه واتوقع انها مهب حقيقيه:D

Rewayah

12-10-2001, 12:39 PM

Sweat your selves ههه :D !!

:)

الفتى زيدان

12-10-2001, 12:48 PM

يا حليله الجني

شكله حلو :)

احلى من بعض الاعضاء الى عندنا

:D

لوووووووول

Rewayah

12-10-2001, 01:06 PM

أنا كتبت الموضوع بالليل !!

وكان الشعور غير :) !!

يخوف :D !!

يخوف البزارين طبعاً :D !!

Sparta Ghost

26-02-2004, 04:31 AM

اخبرني احد الجن عن هذا الموضوع .. :p
شفت الموضوع وأنا قاعد انبش من ومنا ..((اتقول قطوا :tongue2: ))

بس الصورة راحت ..مافي فايدة ...

رواية مشكوررر وما تقصر ..

ترى أنا اليوم :bird: فلا تأخذوا عليي .. :tongue2:

أميرة الخيال

27-02-2004, 12:51 AM

ما طلعت عندي الصورة و أحسن لا تطلع ما ابي أخترع الساعة 2 باليل :afraid: بعدين بشوفها

و الا أقول

هونت ماني شايفتها خرعتوني :afraid:

ANIMEX

27-02-2004, 01:49 AM

هذي الصورة أنتشرت من زمان مثل ما قال....لكنها مو عدله ملعوب فيها و الصورة موجوده في الجهاز إذا تبغوني احطها هنا بحطها قصدها كسب المال و ناس واجد قالو يعرفو أهل الي صور الجني لكن بالأصل مجرد كلام و الدلائل ما تكفي علشان الواجد يصدق خصوصياً أن فيه أكثر من صوره للجن و غيرها و الأكثرية ملعوب فيها و البعض متقن 100% صحيح أن الصورة قديمه لكن الي سواها طلع فلوسها.....لا تروح بعيد UFO هم نفس السالفة ناس يخترعو صور و غيرها من الخرابيط بس علشان الفلوس أو الشهره.....طبعا و الأكثرية ما عندهم دليل أبدا غير الصورة....أنا عندي صور إذا تبغوني أحطها هنا راح أحطها..!؟

مع العلم بوجود الجن و فيه قصص حقيقيه و جن يظهرون على أشكال وغيرها......

نسيت أقول شي...الصورة الي تتكلمو عنها موجوده في العالم كله حاليا واجد الي يعرفوها و عندهم قصص عنها غريبه و كل واحد يحلف بقصته بأنه هو المحق.....يعني ما شاء الله على سالفة هذي الصوره :D

ليش نتعب حالنا و ندور على جني.....عندنا جني هنا...لا وجني رسام بعد :09:

وأشكركم على الموضوع الحلو :D

SolidSnake85

27-02-2004, 04:47 AM

:o هو صح كلامك أخوي روايه...السالفة جديييييييييمة....الحين صارت السالفة قبل عشر سنين مب سبع:أفكر: .....بس أخو ربيع ربيع ساجاس(كما أظن)كان عنده النسخه الأصلية...:33: يمكن هو نفس الريال اللي تطريه...وعندي الصورة في الجهاز....وأنا مصدق السالفة50.9998 %ومكذبنها49.1112%.....يعني محد يدري:06: ...يمكن صدج يمكن كذب..:) بس أنا أؤمن بظهور الجن وبعدة أشكال ومريعة أيضا....اقرو موضوع الجني الرسام....والله ماقصر....بتلقون كل اللي تبون تعرفونه عن الجن...مع الأدلة:biggthump
بعدين صح كلام أنيميكس...
ليش نتعب حالنا و ندور على جني.....عندنا جني هنا...لا وجني رسام بعد :09:

habash1986

27-02-2004, 09:00 AM

وين الصورة

أميرة الخيال

27-02-2004, 01:16 PM

وين الصورة مو راضية تطلع

shaheen

27-02-2004, 01:59 PM

صورة الجني اظن هي نفسها اللي في بالي

بصراحة انا مصدق انه جني بس الجن انواع.... يعني مثل مانشوف في الانمي شياطين وعفاريت وفامبايرز الخ....

واتذكر اول ماشفته ارتعبت ...
لأن من خبرتي في الافلام المرعبة اعرف كيف يعملون الوحوش والخ لكن هذا متناسق بشكل رهيب وتحس انه مثل الانسان بس ممسوخ... واطرافه تساعده على التمسك بجدران وأسقف الكهوف (متأقلم) وعيونه حمرررررررر وشكله مزعوج من الفلاش... سبحان الله

كانت عندي الصورة واضحة:) ياريت احصل الصورة مرة ثانية.

ANIMEX

27-02-2004, 05:05 PM

تفضلوا صورة الجني.....لا وشكله يستعرض عضلات :D

Sparta Ghost

28-02-2004, 02:13 AM

شاهين

بصراحة انا مصدق انه جني
وأنا مثلك تماماً ...هذه فعلا الصورة اللى مصدق انها حقيقية ...مادري ليش ..

هذا متناسق بشكل رهيب وتحس انه مثل الانسان بس ممسوخ... واطرافه تساعده على التمسك بجدران وأسقف الكهوف (متأقلم) وعيونه حمرررررررر وشكله مزعوج من الفلاش... سبحان الله

نفس ملاحظاتي اللي قلتها ..عندما رأيت الصورة ..ما عدا العيون الحمررره :09: فأظن أن الجن عيونها من الأصل حمره

ليش نتعب حالنا و ندور على جني.....عندنا جني هنا...لا وجني رسام بعد
.... :tongue2:

ملاحظة ..ترى الموضوع قديمة جدا جدا جدا ..ومغبرة ..بس أنا طلعته ونظفت الغبار اللي عليه .. :p

وهذا تاريخ الموضوع 12-10-2001 12:56 AM
لا تستغربوا :tongue2: :tongue2: :tongue2:

orange road

28-02-2004, 01:28 PM

الله يغربل بليسكم...
ليش مطلع الحين الموضوع يالجني الرسام.. مب حرام عليك :vereymad:

ترى هالصورة انا بعد مؤمنة انها حقيقية...
مثل ما قال شاهين...

غير اني قريت عن مواصفات الجن وشلون اشكالهم...
وهالصورة منطبق عليها الكلام اللي قريته بشكل كبير...
يعني ما اصدق انها مركبة..

BOiND

28-02-2004, 01:37 PM

شكل الجني كيوت على الاخر:tongue2:

Sparta Ghost

28-02-2004, 01:42 PM

الله يغربل بليسكم...
ليش مطلع الحين الموضوع يالجني الرسام.. مب حرام عليك :vereymad:

خلاص إذا انت شاكه في الصوره او شئ ...
ممكن أرسلك اليوم جني أو اثنين تشوفيهم وتتأكدي عدل منهم .. :tongue2: :tongue2:
ترى أنا فرحان برواية لأنه حط هذا الموضوع .. :p

أميرة الخيال

28-02-2004, 03:12 PM

الحين اشلون أناااااااااااااااااااااام :afraid:

ANIMEX

29-02-2004, 01:09 AM

احتمال يكون مجسم صغير....وصوروه بكاميرا مثل الألعاب و غيرها هذا احتمال كبير وحتى لو كانت قديمه هذا الشي مو صعب على فنان محترف.... :cool:
واحيانا هذي الأشياء تكون من صنع الأفلام مثلا....يقوم المخرج بجمع مجموعه من الفنانين و يخبرهم بأنه يبغى جنى أو وحش أو غيره, طبعا كل فنان بيسوي الي في راسه و راح ياخذون واحد أو اثنين و الباقي في الزبالة أحيانا الفنانين ياخذو الموديلات الي ما استعملوها و يروحو يسوون بها حاجات و خرابيط مثل هذا الجني يصوروه أو يسوو أي شي لأن كل شي متوفر عندهم من أدوات مثل ما نشوف في الأفلام أنا قابلت واحد على البالتوك وقال لي أن بعضهم يسوو كذى و راويته الصوره و قال لي أنه شافها من قبل بس ما يدري عن حقيقتها هل هي ملعوب فيها أو لا...طبعا لما سألته ليش تسوي كذى وقال : "Just for fun" طبعا الحجي هذا متقاعد من زمان و عمره كبير...

وهذي الصوره في أعتقادي يمكن منهم.... :reporter:

الجني الرسام أنا أدري عن هذا الموضوع أنه قديم بس مادام أنك نظفته من الغبار لفت أنتباهي مثل هذا الموضوع الغريب و جيت أشارك :D

أميرة الخيال : الحين تقولين وين الصورة؟؟...وآخرتها كيف تنامين...ههههههههههه.. :D ..بصراحة أنتي جريئه و إذا شفتي جني أشتكي على الجني الرسام :09:

Sparta Ghost

01-03-2004, 12:48 AM

الحين اشلون أناااااااااااااااااااااام
استعيدي بالله من الجن الخبثاء فقط ونامي ... :o

و إذا شفتي جني أشتكي على الجني الرسام

اقبل جميع شكواكم ...وأنصح الجني اللي طلع لكم .. :tongue2: :tongue2:

-][HaNa Sun][-

08-03-2004, 08:17 AM

موضوع جديييييييييييم :D

السالفة إنتشرت بشكل كبير....و أتوقع إنها صحيحة 90%..لأن راس الخيمة ماشاالله ثجيلة و الإمارات الشمالية بشكل عام :happysad: إسألوا مجرب :nervous:

الجني شكله كيووت كانه ماالانيمي..شوفوا عينه بس :mischievo ..أحس عالم بدون جن كيف بيكون...مابيكون هناك أي مغامرات :embarasse

و اظن ان الصورة حقيقة..ANIMEX :o..يحليله الولد مات و هو يصور هاي الصورة و لين الحين ما اتصدقون هاي السالفة..

ANIMEX

08-03-2004, 01:58 PM

على هذي الصورة سمعت اكثر من سالفه و كل واحد يقول إذا ما تصدق تعال هنا وهنا.... :06:
سمعتها في الأحساء و امريكا و الحين راس الخيمه.....ما يندرى وين بتطلع بعد... :reporter:
وعلى فكرة سالفة الأحساء نفس سالفتكم و يقولون لي ان ابوه موجود في الاحساء و الامريكي يقول لي واحد من ربعه صوره و إذا ما تصدق تعال بيراويني النغتف علشان اصدق....والثاني يقول ان هذي الصوره طلعت عند واحد كان يصور مناظر طيعيه و فجأه طلعت هذي الصوره عنده.....سواليف ما تخلص... :31:

الي مو مرتاح منه ليش ما سمعنا عنه في الاخبار او البرامج التلفزيونيه او دخيل الله منظمه حق هذي الحاجات.....
المصادر كلها من الناس و البريد الالكتروني فقط لا غير...مع ان الصورة مشهورة حدها يعني لازم نسمع عنها عن طريق البرامج او الاخبار او مواقع متخصصه عن هذا الشي... :06:

انا ما اقول انه ما فيه جن....بس كثره الكلام على هذي الصوره و القصص المختلفه يعني كل واحد ينسبها لمكانه أو لشي قريب منه (( ما اقصدكم لأنكم غاليين علي ))

يعني لو وجدت شئ مفقود و سألوك عنه شخصين و اثنينهم عطوك نفس المواصفات و هي صحيحه بس طريقه فقدانه مختلفه تعطيه لمن؟؟؟ :33:

الي ابغى اوصله أن القصص عن الصورة واجد و في كل مكان تقريبا ما تدري من الصح و من الغلط :o :06:

trojan horse

08-03-2004, 04:27 PM

انيمكس انت :biggthump بس سراحه نسيت موقع بعد طلع فيه وهو ابها

على العموم انا اذكر :أفكر: اني شفته زمان

بافلام الكرتون بس بالصورة واحد كب عليه جبس :D

لاكن تدرون اصلا الجني لايقدر ان يقتل انسان الا اذا قتله الانسان ينتقم طبعا مدري كيف

والقصة الي ذكرها الاخ روايه تقول ان الجني زعل لمن صورة وقتله وهذا غير ممكن

ملاحظة: اذا كنت مومن تقي تخاف الله وتودي كل الواجبات والفرائض ولم تومن بوجود الجن

فانت تصير كافر

والسلام ختام

-][HaNa Sun][-

09-03-2004, 07:37 AM

Animex محد يقدر يحكم على الحدث من وين مصدره من دون أدلة و محد يقدر يقول إذا السالفة صح او خطأ بس برايي الشخصي انا ما أتعجب ان تكون القصة حقيقة لان ما في شي مستحيل في هاي الدنيا :33: لان الجن في كل مكان :31: والله اعلم

trojan horse اعتقد ان بعض الجن يضرون حتى لو الانسان ما سوالهم شي إذا ما تعوذ بالله..خاصة في الليل :05:

Doel

09-03-2004, 08:52 AM

سؤال :31: ... شو اللي رجعكم لموضوع عمره أكثر من سنتين؟؟ لما مراقبنا العزيز روايه كان عمره شهرين في المنتدى؟؟؟ :D :p

و السالفه مشهوره و معروفه من زمان :reporter:

NZ.Citizen

09-03-2004, 09:18 AM

اصلا انا ما اعتقد انها صورة جني لأن واحد رجال طلعوه في التلفزيون قعد يتكلم عن الصورة

و قال "كيف الناس تصدق هالكلام اصلا انا شايف فيلم يعرضون فيه هذي اللقطة و اسم الفيلم (............) و في مشهد كذا"

و فعلا لما شافو الناس الفيلم طلعت نفس اللقطة بالضبط بس يا خسارة انا ناسية اسم الفيلم والله حرام

الناس تلعب بالصور كثيييييييييييييييييييييييييير و ممكن تكون هذي وحدة منهم على ما اعتقد

صورة لطيفة و ظريفة :09:

ANIMEX

09-03-2004, 11:47 AM

Trojan Horse
أنا مو نسيت أو شي كذى...أصلا هو من قله الأماكن الي وصلت له هذي الصورة.... :D

Hana San
كلامك صح....انا الي خلاني أشك في الصورة... :05:
1- كثرة المصادر الغير معروفه ولا مأكده
2- في زمننا ما فيه شي يصعب على الفنان أو الرسام أو الأفلام...

و احتمال تكون الصورة صحيحه مثل ما قلتي لأن الجن في كل مكان...والله أعلم.. :أفكر:

والجن يضرو الأنسان بدون ما يضرهم...كيف؟؟....إذا نقص إيمان الشخص و زاد فسقه مما يتيح له بثغره للدخول...و بعدين نجيب الشيخ و تالي بكس منه و بكس منه :blackeye: ....و آخرتها رفسه و يطلع الجني إن شاء الله

Doel
ويش أسوي لك حبيبي...تعرف أني ملقوف و أحب أتفلسف...خصوصا في هذي المواضيع... :jester:

D12 Girl
تأكدي من المشهد و الفلم قبل ما يطلع غلط :09: و مثل ما قلتي....الناس حواسين أياديهم تلعب لعب في هذي الحاجات...إلا غصب يطلعو سوالف ما ليها داعي....

وأشكركم على الردود الحلوه :ciao: