المساعد الشخصي الرقمي

مشاهدة النسخة كاملة : خواطر و نثر لكل من ينشد الحرية <<< انتظر تشجيعكم


هـاوي
03-10-2005, 06:05 PM
بسم الله الرحمن الرحيم

السلام عليكم و رحمة الله و بركاتة
كـ ـلـ عـ ـامـ وانـ ـتـ ـمــ بـ ـخـ ـيـ ـر :ciao:

أسعد الله أوقاتكم في البداية مثلي مثل أي واحد جديد
بأكون خايف جدا من طرح كتاباتي البسيطة
لأنه بحكم متابعتي للمواضيع لقيت أشياء كثير
يمكن اللي شدني منها هو كل الكتابات الموجودة مكتوبه بالفصحى
و أنا للأسف ما أكتب الا بالعامي :sad2:
و ثاني شيء وجود كوكبه رائعة من الكتاب من الجنسين
و الحقيقة ما أنكر استفادتي منهم
و وجودهم هو اللي شجعني على التسجيل و المشاركة
و احب انوه على نقطة اني كاتب سابق في أحد المنتديات و ما قلت هالكلام
الا حتى ما يكون فيه لبس في الموضوع و يروح تفكيركم الى اني سرقت هالخواطر

اتمنى ان بدايتي هنا تكون مستمره للمدى البعيد و محاطه بمعرفتي لكم كأساتذه لي
اما الآن اترككم مع اولى خواطري بعنوان (( حــ ـــريــــ ــــــة ))

.
.
.


وش هالحال ..
بذمتكم عاجبكم حالكم ..
المفترض ماترضون بهذا الوضع ..
معقولة للدرجة هذي ما تبون الحرية ..
و ما تبون الحال يتحسن في الراعي و الرعية ..
أنا بأساعدكم و أحلل أمامكم القضية ..
أولاً المرأه لابد تكشف عن وجهها ..
و نفضل لو ما تلبس عباية ..
و المفترض تسوق سيارة ..
و شيء ضروري انها تطالب بالمساواة بينها و بين الرجل ..
و الا انتم تضنونها اميه ..
لازم تتحرر من استعماركم يالرجال المعقدين ..
يعني لهذي الدرجة تضنونها غبيه ..
المهم ان تبقى المرأه قوية ..
و تآخذ قراراتها و تسوي اللي تبي بمطلق الحرية ..
لحضتها بس نقدر نفتخر و نقول خلفنا ( سعودية ) ..
ثانيا تعال يا رجل و صارحني أنت راضي باللي يصير ..
مبسوط على هالحال ..
يعني لازم تستثمر أموالك بمشاريع خاسره ..
المفروض تشتغل في الفوائد و الربا ..
لا تناظرني كذاا ..
( ترا الدنيا ما ترحم ) ..
المهم و من عندنا غيرك أهم ..
اذا ما أعجبك الحال ممكن تشرب ( بيره ) ..
و ممكن تآخذ لك أحد البنات المتمتعات بالحريه ..
و تمارس معاها ( الخطيئه ) ..
تحرر أكثر و أكثر ..
ليه ما تصير مثل ( محمد عطيه )* ..
ليه تحرم نفسك النجومية ..
و ترهن نفسك في عادات و تقاليد و أشياء وهمية ..
يا رجال و يا نساء و حتى ( الأطفال ) ..
عيشوا حياتكم مثل ما تبون ..
تحرروا .. انتهكوا .. فجروا .. دمروا .. اشركوا .. ان شاء الله تكفروا ..
عيشوا حياتكم بحريه ..
بدون تخلف أو رجعية ..
لوحوا بشعار اللامنهجية ..
و اتركوا الخرافات و النزعات القبلية ..
تحرروا من الاظطهاد و الاستعباد ..
و الى متى بتعيشون في هالفساد ..
و غيركم يآكل بأموال العباد !!
لـــحــظــــة لـــحــــظــــة ..
كل ما سبق ما هو كلامي !!
هذا كلام رجال بدون أشناب ..
هذا كلام ( حريم ) عاهره سافره و أضنهم عن هالديرة أغراب ..
هذي حقيقة ما أفتى فيه زعماء الارهاب ..
و( معادين ) الأمة الاسلامية ..
و ( مشايخ ) العلمانية ..


.
.
.

اتمنى اني ما طولت عليكم
هذي من كتاباتي القديمه اتمنى انها تحوز على رضاكم
و رجائي بأنكم ما تبخلون عليّ بآراكم و مقترحاتكم
شاكر و مقدر لكم قرأتكم و اهتمامكم ..
لكم حبي قبل كلماتي ..
هـااااوي
BuTtErFlY lOvE
03-10-2005, 07:35 PM
وكل عام وأنت بخيير أخووي

أخوي أهم شي بالكتابات "من وجهة نظري"
أنها تعبر عن مابداخل القلب بصدق
ولا تهمني طريقة اللغة وأكبر دليل ورقاتي..
(الحرية)
العنوان حلو كثييير..
وأسلوب يروع:bigeyes:
كذا بديت مباشرة بالتهجم وبقوة
بس أسلوبك حلو وطريقتك حلوه
باين عليك تحب تكتب:أفكر:
لا تحرمنا من جديدك..;)
هـاوي
04-10-2005, 02:21 AM
هلا و مرحبا اختي

كلنا نتفق في ان الخاطره لازم تعبر عن ما بداخل القلب
بالنسبة لرأيك في بداية الخاطره اوافقك فيه
لأن بصراحه هذي من اقدم كتاباتي و كان عندي اخطاء عالجتها بالآخير و بعضها باقي اعاني منها
على العموم اشكرلك قرائتك و حضورك اللي اسعدني
C.Falcon
04-10-2005, 02:41 AM
السلام عليكم ورحمة الله وبركاته ...

حياك الله اخوي هاوى ^_^

الظاهر عندك كلام كثير وباين انك مب هين ^_~

بداية موفقة اخوي وحياك الله بالمنتدى ... ان شاء الله تفيد وتستفيد ..

اخوك حسان
هـاوي
04-10-2005, 03:31 AM
وعليكم السلام و الرحمة
اشكرلك اخوي حسان تواجدك
و وجود ردك في موضوعي اعتبره نجاح لي
تسلم يالغالي
غالي الساهر
06-10-2005, 08:31 PM
رائع يا هاوي

كلمات معبرة وفيها العلوم الزينة ;)

تسلم على ماقدمته

وننتظر بقية أبداعاتك وبالتوفيق يالغالي

تحياتي
غالي الساهر
المفنوووووده
07-10-2005, 01:43 AM
لااااااااااااا عجيييييييييييب عجييب مرررررررررر ه
ماشاء الله عليك تسلممممممممم علك سالم
هـاوي
07-10-2005, 03:21 AM
غالي الساهر


يا هلا فيك أخوي
يشرفني تواجدك و مشاركتك
و كلامك بمثابه شهادة أفتخر فيها
حيااك ابووي
هـاوي
07-10-2005, 03:23 AM
المفنووووووودة

الله يسلمك
و مابه شيء عجيب
أنا نقطه في بحر هذا المنتدى
شاكر لك حضورك