موضوع اكثر من جدي "ارجو من الكل المشاركة ،، بالذات الشبااااااااااااااب

[خيـ KhyaL ـال]

طبعاً في البداية رايحة اعرض عليكم .. حادثة تعرضت لها صديقتي .. فأرجو تقفيل الجهاز من ناحية اقتصادية
والقراءة بتمعن من ناحية اجتماعية
و الرد بصراااااااااااحة من ناحية انسانية ..!!

*

تعطل جهاز الويندوز ،، فجأة .. واحتارت البنت .. اش تسوي .. على طووووول وبدون تفكير .. اخدت الجهاز لمحل الصيانة ..

في محل الصيانة :
رجال باين سعودي قاعد على مكتب .. شكل المحل كسباااان
لان الرجال ( مرتز )

البنت : لو سمحت عندي جهاز عطلان ..!!

في آخر المحل غرفة صغيرة ( باين غرفة الصيانة ) .. زحمة اجهزة .. جدران الغرفة " قزاز ،، يعني البنت شايفة اللي جوتها من غير ماتدخل ..

داخل الغرفة :

رجال اجنبي ( باين باكستاني ،، هندي ) ..
بجنبو رجال سعودي ...
بس الاجنبي باين عليه فاهم اكتر ..

البنت : لو سمحت جهازي تعطل وانا مستعجلة عليه ..
>>>>السواق يجيب الجهاز ..

البنت تكمل : ... ممكن اليوم لو سمحت >> تكلم الرجال السعودي .. عشاني مستعجلة عليه بالحيل ..>>> عندها مصايب في الجهاز

الرجال السعودي : متأسف والله اليوم ما يمدي .. خليه عندنا وارجعي السبت عشان بكرا الجمعة ومانفتح ..!!

البنت تناظر الرجال الاجنبي >>> باين عليه فاهم اكتر ..
" لو سمحت ممكن اليوم عشاني محتاجاه ضروري ...

الرجال الاجنبي من دون ما يناظرها ..وعيونه على الجهاز اللي قدامه : " خلاص الساعة 10.5 تعالي انشاء الله يكون جاهز ..

البنت بنظرة رضا .. تكلم الرجال الاجنبي :
" ممكن رقم جوالك عشان اتأكد قبل ما أجي ان الجهاز جاهز ؟!

الاجنبي : اكيد .. >> يناولها الكارت الشخصي ..
(( اسم المحل .. رقم المحل .. اسم المهندس .. رقم جواله .. بريد الاميل .. بريد الياهو)) ..

البنت تطلع من المحل ...

في محل كوفي .. البنت جالسة منتظرة الساعة 10.5 .. وتكلم نفسها ..
http://co0ol.com/vb/images/smilies/yarab.gif ما يفتشوا الجهاز ..
لا لا ماعتقد يفتشوا القرص سي ..
يوووووه مصيبة لو شافو الصورة ..
آآآآآه .. ياليتني حذفتها قبل ما يتعطل الويندوز ..
يالله .. ربنا الحافظ ..


الساعة 10.5 .. والبنت في طريقها لمحل الصيانة ..

تتصل على الرجال " الاجنبي " ..

البنت : ألو .. محمد .. انا اللي قبل ساعتين جبت جهاز متعطل وقلتلي حيخلص الساعة 10.5 .. هو جاهز؟؟

الرجال : انا برا المحل .. بس الرجال اللي معايا هو اللي حيصلح الجهاز ..

البنت مفجوعة : الرجال السعودي؟؟

الرجال : ايوة ..

.............. لحظة سكوت .................

الرجال : ألو .. مدام ..

البنت : ايوة ..

الرجال : انتي ليش تخلي صورة في الجهاز؟؟

البنت طاح قلبها في رجولها ..
( انتو شفتو صورة في الجهاز ؟؟)

الرجال : ايوة موجودة في القرص سي .. بس انا سويت للصورة اخفاء ..

البنت مستغربة : ايه ..؟؟ سويت اخفاء ؟؟

الرجال : ايوة .. عشان الرجال اللي معايا دايم يسوي كوبي للصور اللي في الاجهزة اللي تجي المحل ..!

البنت مرعوبة : يعمل كوبي؟ ليه يعمل كوبي؟

الرجال : عشان هو رجال سعودي ...

البنت : وايه قصدك ؟

الرجال : كدا رجال سعودي مافي كويس ... " حطو تحتها الف خط "

البنت تترجى : يامحمد لازم انتا تعمل ديليت .. عشان ممكن هدا الرجال يعمللي مشكلة ..
الرجال : هو ممكن يدور الصورة ممكن ما يدور في السي ..

البنت منهارة اعصابها : لازم يامحمد تحدفها ..

الرجال : خلاص انتا مافي خوف انا ممكن اتصرف واسوي ديليت ..

البنت ممتنة : مشكور محمد انتا مرة كويس ..


القصة لحد كدا انتهت ..
هذا واقعكم ياشباب السعودية ..
وهذي نظرة الاجانب لكم ..
وهذا خوفنا احنا البنات .. منكم .. اكتر من الاجانب ..

اهو الرجال الاجنبي يحاول يحفظ اعراضكم اكتر منكم ..
تساؤلات :
س1/ ليه البنت عندها اجنبي يشوف صورتها ولا سعودي ؟

س2/ ليه الرجال الاجنبي يساعد البنت ؟

س3/ ليه نظرة الاجانب لشبابنا انهم " مو كويس " ؟

تحبو اقولكم الاجابات ؟؟

جـ1 / الاجنبي لو شاف صورة البنت ماراح يشارك العالم فيها ،، يعني ممكن يحدفها لانها بصراحة ما تهمه ..

ج2 / الرجال الاجنبي ساعد البنت لانه دايم يحب يكون ايجابي .. وبدووووووووووون مقابل ،، وطبعا فاهمين قصدي بدون مقابل ..
واللي موفاهم " اكتر اللي يحاول يساعد بنت في مجتمعنا ،، يطلب مقابل ،، الا من رحم ربي "

جـ3 / نظرة الاجانب لكم يا شبابنا .. ما جات بالغلط ،، او تجني .. لا يا عيوني ،، نظرتهم لكم جات من تجارب ومن اللي يشوفوه بعيونهم .. زي ما شاف اخونا الاجنبي ..


لحد متى يا شبابنا يستمر خوفنا منكم ..
لحد متى وانتو تشوهون اعراض بنات جلدتكم ..
لو انتو ما خفتو علينا ،، مين يخاف علينا ..
لو انتو ما خفتو علينا .. كيف ربنا حيستركم ..


>>> والله القصة هذي انا اعرف اصحابها .. وانها واقعية .. وكل واحد منكم فاهم وعارف ان اكثرية شبابنا هذي طبايعهم ..
اذا ماكان انتا من هذا النوع .. فتأكد انو حيكون .. زميلك .. جارك .. صديقك .. اخوك يمكن ..
صارت حكاوينا حنا البنات عندكم تسالي ..
وعندنا .. خراب .. دمار ..

تحطمو حياتنا .. عشان تتسلو؟؟
الواحد يحب امه ،، يحب اخته ،، وما يتصور ان بنات الناس هم كمان خواته ..

متى نفتخر فيكم ..
متى ترفعون روسنا .. ونحس انكم خايفين علينا ..
وعلى اعراضنا ..
لو ما خفتو علينا .. مين يخاف علينا ؟؟
الاجانب ..

فوووووقووووو يا شباب السعودية ..
هذي القصة نموذج من واقع .. ومجرد نقطة في بحر ..
من القصص اللي تعرفونها ..

اعتقد اني رايحة الاقي معارضة في الردود
لكن هذي والله حقيقة .. جدا مؤلمة ..

ولو احد عنده رأي اخر ..
فالاختلاف في الرأي لا يفسد للود قضية ..

ومتأسفة اني طولت عليكم ..

سلامز