عام هل هناك فرق بين الكوبي و الأصلي ؟؟ [الأرشيف]

إيزيبيو

12-10-2001, 08:12 PM

هل هناك فرق بين الكوبي و الأصلي ؟؟

أنا سألت هذا السؤال لأن بعض الأعضاء يقول : أنا انهيت اللعبة (.......) كوبي

وآخرين يقولون انهينا الأصلي

او يقولون اللي عندك اصلي ولا كوبي واللعبة هي نفسها

الرجاء التوضيح وشكرا

Gladieator

12-10-2001, 11:21 PM

هلا بيك أخوي إيزيبيو .......

مثل ماأنت عارف , على أيام البلاي ستيشن 1 , كان مافيه فرق بين الألعاب الكوبي والأصلية .... لأن الألعاب الأصلية كانت تنزل على شكل CD عادي , أما الحين , وفي زمن البلاي ستيشن الثاني والتطور في مجال التكنولوجيا .... صارت تنزل أغلب ألعاب البلاي ستيشن 2 على إسطوانات DVD , وهذي الإسطوانات معقدة شوي وأكبر من الـ CD العادي بكثير وتحتوي على عروض عالية النقاء , وعشان كذا , قراصنة الألعاب ماقدروا إنهم ينسخون اللعبة كاملة من DVD الى CD عادي ولو تطلب منهم الأمر انهم يجزؤن اللعبة الى أكثر من إسطوانة واحدة .....

فأصبحت ألعاب الـ DVD المنسوخة , تقطع في بعض الأحيان , ولا تحتوي على العروض السينيمائية , وإن إحتوت عليها , تكون بصورة رديئة ....

علشان هذا الشي , نتج الفرق بين الأصلي والكوبي , لأن معظم أشرطة البلاي ستيشن الجديدة هي عبارة عن إسطوانات DVD ...

إنشالله قدرت أوصلك المعلومة أخوي ....

ولك تحياتي ......

.........