المساعد الشخصي الرقمي

مشاهدة النسخة كاملة : قصتي مع المافيااااا ‍‍؟؟؟؟


مشاكس العالم
09-10-2005, 10:50 PM
هذي أول مره في حياتي أكتب قصه
ـــــــــــــــــــــــــــــــــــــــــــــــــــــــــ
في يوم من الايام قمت من النووم.... وحالتي صعبه تماما... المهم قمت ( متعود مااغسل انبسظ على ريحة الفم ) .. وطقيت الثوب والشماغ وسنه عشان ادور المرزام لي ست شهور ماكويته ...

ورحت للمدرسه اخذ شهادتي( تخبرون توني متخرج من الثانوي )...

والله واروح وادخل المدرسه ...

المدير : هاه ياسعد وش جايبك بعد ؟؟

أنا : جاي اشتري برشومي ... وش جاي اسوي يعني جاي اخذ شهادتي ...<<<قوي

المدير : اهااا طيب رح للوكيل ابو سالم وخذها من عنده .

أنا : ان شاء الله ..

والله واروح اسحب نعالي وانتم بكرامه .. وادخل على ابو سالم

المشهد ( ابو سالم متواسي على الكرسي وقدامه كاس شاهي بالحليب وطاق النظاره قاعد يقرا جريده ....طبعا هذا نظامه )..

أنا : السلالالام عليكم ابو سالم ..

ابو سالم : هاه؟؟ ايه وعليكم السلام ..نعم وش تبي ..

أنا : ابي شهادتي

ابو سالم : اييييه خذ وقع ..

المهم اخذت شهادتي ووقعت وخلصنا من هالشياب ومن هالمدرسه والدوام اللي يغث ..


_____________________________

رجعت للبيت واول مادخلت الا الشايب بوجهي ...

الشايب : هاه بشر ؟؟

أنا : ناجح الحمد لله ..

الشايب: مبروووك ... على العموم تراني كلمت ابو فيصل وقال خل كل شي علي ..

أنا : وش السالفه ؟؟

الشايب : تبي تسافر برى تكمل دراسه ..

أنا : افااااااااا .. ماصدقنا نخلص الحين ...

________________________

المهم والله واظبط وضعي وجواز وخرابيط والبطحه وبدل الوان واشكال وكرفتات وكل شي ...

جا موعد الرحله والله واسافر لمريكااااا

يوم وصلت هناك وكان معي شنطه سمسونايت اول مانزلت من الطياره ويقابلوني ثلاثه بنظارات سود وبدل واشكالهم غريبه ...

جاني واحد يتكلم انجليزي وانا طول الوقت اقول يس يس يس افكورس يس يس ...هذا اللي اعرفه ..

والله وياخذوني للسياره وركبت ... قلت اكيد ابو فيصل ماقصر وصا هالطيبين علي ..

( اثرهم شافو الشنطه السمسونايت حقت الشايب اللي معي ويحسبوني واحد مواعدينه ... صار لبس بالموضوع )

المهم والله اول ماركبت غمضو عيوني بقماش وانا اقول : وت يو ذس واي ... هيه يو اوبن ذا فوطه اوبن بليز ... ايام نو لوك اوبن .. وهم طول وقتهم : شت اب ..

المهم ودوني قصر كبير كله حرس وكلابه عزكم الله ...

دخلت وقالو لي انتظر هنا قلت : اوكي نو بروبلم مان ...

شوي واطالع والقا واحد طالع من غرفه وجاي عندي احسبه صبي عندهم .. قلت له : سكيوزمي بليز قف مي وتر .. كولد وتر بليزز ... طالع فيني بنص عين وسحب علي وجا بيروح ..

قلت افاااا صبي ويسوي فيني كذا ..

قمت وسحبته مع فنيلته قلت : هيييه انت تسمع ولا كيف؟؟

شوي جوني ثلاثه يركضون وبطحوني بالارض وانا اسعبل مدري وش السالفه ..

دخلوني المكتب شوي جا الصبي وجلس على المكتب ..

طلع رئيسهم وانا من الدلاخه احسبه صبي .. قلت له : ايام سو سوري مان ..

المهم قام يتكلم ايطالي وانا مدري وش يقول ..

شوي اخذو الشنطه وراحو ..

جاني وقال لي : هيه انت .. المهمه تمت وهذا من فضل الله ثم من فضلك ..

انا طلع بوجهي لودنق قلت : ياخي ادام انك تعرف عربي كان قلت لنا من زمااان الله يرجك وجيت بسطره على راسه ... سوي بطحوني مره ثانيه ..

المهم قلت : طيب وش السالفه وش قال لكم ابو فيصل؟؟

قال : اي ابو فيصل واي خرابيط يارجال ... المهم عندنا مهمه جديده ونبيك تنفذها ولك مبلغ مليون دولار اذا سويتها...

انا سمعت سالفة فلوس قلت بسسس هذا الكلام ..( تخبرون قبل موظف كبينه يوميه بربعين ريال ماتسوي شي )

والله وقلت تم انا قدها ماعليك ازهلها ...

قال : المهم بنيويورك ولازم تروح قبل الساعه 8 وحنا الساعه 5 ...قلت : لاتشيل هم الحين اروح ..

والله يوم رحت ووصلت وعطوني ظرف قالو لاتفتحه الا الين توصل هناك .. يوم وصلت وافتح الظرف الا مكتوب : نبيك تروح للبانتاغون وتغتال فلان الفلاني ..

والله وانا اللي تجيني ام الركب ...

دقيت عليهم قالو ياتوسي المهمه يانقتلك ..

قلت : خلاص خلاص ابشرو

والله واروح وادخل البانتاغون يوم وصل عند مكتبه ويجيني شرطي قال : هاه شتبا يارجال ( طلع زي اللي عندنا )

قلت : ابي اقابل فلان..

قال : هوا مشغول الحينه ... وعندك موعد معه؟؟

قلت : يارجال تكفى اني ناخيك وداخل على الله ثم عليك ابي ادخل له معي معروض ابي اقدمه له انا مسكين وحالتي صعبه وقعدت اشكي معاناتي ...

رحمني وقال : خلاص ادخول الحينه واذا قال مين دخلك قول حد ...

قلت : ابشر

_____________________________

المشهد ( واحد جنتل على مكتبه ... تذكرت ابو سالم الوكيل الله يبيده ... المهم الرجال جنتل وشعره ابيض مثلج الله يهديه ....)

قلت : هيه انت انظبظ ولا تطلع صوت ولا اسمع لك حس ..

قال : وش السالفه ...طبعا خايف ( تخبرون انا انواع المهايط )

قلت : تشب ولا كلمه ... والله واطلع فوق المكتب وانزل عليه سباحي وهو يقول ياربي رباه تكفى فكني يرحم والديك ...

قلت : اسكت لااسمع لك حس والله ومافي الا قوة تهبيد بالرجال الين ... طلع لسانه على جنب ( يعني مات )

والله يوم جيت اطلع قعدت افتش جيوبي قلت يمكن طاح شي مني ... والقى المسدس .. والله من الثوراه والدلاخه اللي فيني مااستعملته ( سعودي متعود على التهبيد )

المه والله وارجع لشيكاغو اللي هي مسقط راسي الكبير اللي تشوفه من بعيد تحسبهم اثنين يتشاورون ...

المهم عطوني المليون وعشت حياتي ...

__________________

دق علي الشايب ..

الشايب : هاه بشر ياسعيدان عسى امورك تمام ..

أنا : ايه ايه يبا تمام لاتشيل هم ..

الشايب هاه متى بترجع ..

أنا : ماظنتي والله ارجع..

الشايب : هاه وش تقول مااسمع ..

انا : ايه ايه اصبرولي شوي توني واصل هناك ماصدقتو على الله ...


طوط طوط طوط طوط طوط طوط طوط طوط ( انقطع الخط )


.......................................................

يتبع في الحلقه القدامه ....( توها ماجت الزبده )
LongJohnSilver
10-10-2005, 10:32 PM
أخوي ، قصص مثل هذي مكانها في القسم الترفيهي ، راح أنقل لك القصة لهناك..
مشاكس العالم
11-10-2005, 05:17 PM
مشكوور جزاك الله خير
مشاكس العالم
12-10-2005, 03:06 PM
تكفووووون ردو وين الردود
@naruto@
18-10-2005, 08:05 PM
مشكورررررررر جدا جدا والله ضحكتني ......

لي مده ما ضحكت ..... (((ادي الدرجه)))

سلام:ciao:
مشاكس العالم
18-10-2005, 10:51 PM
مشكور على مرورك,,,,:biggthump:biggthump:biggthump
دلـ أبوي وعـة
19-10-2005, 10:03 AM
( وت يو ذس واي ... هيه يو اوبن ذا فوطه اوبن بليز ... ايام نو لوك اوبن .. وهم طول وقتهم : شت اب .. )

صراحه هالمقطع يلست اضحك عليه وايد:D

مشكوووووووووووور وماقصرت :o

يلا نستنى التكمله :ciao:
مشاكس العالم
19-10-2005, 04:02 PM
مشكور على مرورك ......


والله أنا مدري شلون جبت هذا المقطع.....:o
مشاكس العالم
19-10-2005, 04:11 PM
وين الردود:06::06::06::06::06:
Alora
19-10-2005, 05:17 PM
هههههههههههههههههههههه

قصه رهييييييييييييييييبه :biggthump
عجبتني كلها
مشاكس العالم
21-10-2005, 02:17 AM
مشكور على مرورك....


:o:o:o:o:o:o

وين الردود


:(:(:(:(:(
دلـ أبوي وعـة
23-10-2005, 12:23 PM
ياخي ماناوي تحط الجزء الثاني شو

هههههههههههههههه

حط القصه في توقيعك

ويمكن تلاقي بعض الردود
مشاكس العالم
28-10-2005, 03:34 PM
مشكوووور على مروركم......


أن شاء الله بكره الكماله......
S.A.R.S
31-10-2005, 07:48 PM
هههههههههههههااااااااااااااااي

مشكور على القصة الجميلتون

اخوكم سارس
the power x
03-11-2005, 08:19 AM
مشكووووووووور اخي على القصه الرائع !!!!
:ciao: :ciao:
(عيد سعيد للجميع وان شاء الله ان تكونو فى اجمل اصحه واعفيه )!:vereymad: :vereymad: :vereymad: :vereymad:
the power x
03-11-2005, 08:22 AM
مشكوووور على القصه الرائع !!!!:ciao: :ciao: :ciao:
the power x
03-11-2005, 09:21 AM
مشكووورعلى القصه الحلوة والله تحضك ولي مدة ما اضحك !!!!هههههههههههههههههههههههههه....................:ciao: :ciao: :ciao: