المساعد الشخصي الرقمي

مشاهدة النسخة كاملة : أفضل مواصفات السيارات الحديثه


alyosr
17-10-2005, 01:10 AM
السلام عليكم ورحمة الله وبركاته

حبيت أضع هذا الموضوع لمعرفة ميول أعضاء المنتدى بالنسبة للسيارات , وما هو أول ما يلفت نضره في السيارات عند الاطلاع على المواصفات :

:vereymad: القوة الميكانيكية (وتشمل عزم السيارات وقوة الأحصنة وناقل الحركة و...)

:jester: الراحة والرفاهية (وتشمل النظام الصوتي والتكييف والمقاعد و...)

:reporter: المظهر (تشمل مظهر السياره الخارجي واكسسواراتها الداخليه و...)

:bigeyes: القيمة (مدى تلائم السعر والمواصفات)

:blackeye: الأمان (أنظمة الأمان والفرامل وأكياس الهواء و...)

وبعد كذا نستخلص السيارات اللي تنطبق عليها هذي المواصفات ونكون حصلنا على عدد من السيارات المميزة

أرجو من كل قارئ للموضوع التكرم بالتصويت (شاكرين لكم حسن تعاونكم)
أبو الغضب
17-10-2005, 03:59 AM
أنا بالنسبه لي :biggthump
القوة الميكانيكية : أهم شيء يكون محرك بقوة معتدله يعني مش قوة إيكو ولا قوة فيراري ..... شيء وسط (( :D 270 حصان معقوله على 4 سلندر ))
المظهر : رياضي بحت خصوصا إذا كان كوبيه (( :( مش 4 باب ؟؟ )) :D بس بعد المظهر مايهم اللي يهم اللي داخل الموتر
السعر : :33: هممممممم يعتمد ؟؟ يعني يكون سعر معقول ومش غالي لانه لو انها غاليه ماراح تاخذ راحتك وأنت تسوق في الشارع ؟؟
الامان : في الدفع الرباعي المستمر




بالنسبه للراحه : :02: سيارتي الراحه فيها 0 من 100 ...... وهذا طبيعي لانها رياضيه
Best Mada
17-10-2005, 03:31 PM
يجي منه موضوعك يااليسر وحركة حلوة بس لا تعيدها <<< امزح :09:
موضوع جيد وبالنسبالي القوة الميكانيكية يعني زي المازدا حقت زهير ما شاء الله عليها تحسب صاروخ
قومة من 0-100 خلال 3.4 ثانية اعتقد انه لاعب في المكينة :reporter: :أفكر:
jic
17-10-2005, 09:07 PM
انا اهم شي عندي الراحه والرفاهيه
sharashibo
18-10-2005, 06:08 AM
انا المهم عندي
موتور : جبار:vereymad:
المظهر : حلو وملفت:jester:
الامان : عالي:biggthump
السعر : ملائم مع المواصفات يعني مش حراقة اوي:أفكر:
وشكرا على الموضوع:05: :ciao:
alyosr
19-10-2005, 12:45 AM
أبو الغضب:

الله يعينك على الراحة ويرزقك الموتر اللي يريحك بعد الـ300

وأقدر لك رأيك

best mada:

راجع معلوماتك ما أعتقد مازدا زهير تجيب المئة في نص ساعة

وأشكرك على المشاركة الفكاهية

jic:

شكلك مالك في السرعة (ممكن تكون عديت المراهقة)

نورت الموضوع بردك

sharashibo:

اختياراتك مثالية ماشاء الله عليك

تسلم على المشاركة


~~~~~~~ نرجو المشاركة علشان نقدر نختار السيارة المثالية , الموضوع هام جداً ~~~~~~~
][-][Mr.ZeNoN][-][
20-10-2005, 03:22 PM
القوة الميكانيكية: القوة تشعرك بأنك أقوى من الآخرين..ولكن هذا لايهمني ((كلما زادت القوة كلما قلت عملانية المحرك))

المظهر: ولو إنه مش مهم مرة..لكن المظهر ضروري للكشخة

السعر: راحت فيها..أنا مايهمني سعر السيارة ولو كانت بـ400 ألف ريال أشتريتها بس أستخدمها وآخذ ثمنها مو آخذها على قلتها..

الأمان: وسائل الأمان لازم تكون موجودة :) ولو ناقص حبة ماخذيتها..

الراحة: الراحة ضروري عشان لاتبيع السيارة وأنت ماخذها تقسيط..((الحمد لله والشكر سياراتي مرييييحة 100%..ومو تقسيط))
alyosr
20-10-2005, 04:12 PM
شكراً

][-][Mr.ZeNoN][-][ (http://www.montada.com/member.php?u=67065)

على تعليقك وتصويتك
alyosr
22-10-2005, 04:42 PM
يا أخوان أرجو التفاعل مع الموضوع

محتاجين 30 تصويت علشان نقترح السيارة المثالية

والأن التصويتات 15 ياله همتكم
Best Mada
26-10-2005, 04:06 PM
والله المنتدى نايم لا تدور احد حتى المراقبين ماهم موجودين ولا كان زمان افتتح قسم التقوية و التعديل
alyosr
27-10-2005, 05:26 PM
متفائلين خير مادا

ممكن الجماعه متفرغه للعباده

بعد رمضان كلام تاني

أتوقع الناخبين فوق الميه <<< يضحك على نفسه :09:
alyosr
30-10-2005, 02:41 AM
شكراااً لكل اللي صوتوا معنا واللي راح يصوتوا <<< بانوراما اف ام

خلاص ثمانية يتبرعوا بتصويتهم والسيارة تكون بين أيديكم يا أحلى أعضاء

(الظاهر الخاصيتين اللي بالأول مهمة جدا جدا جداااااا) <<< مناحي اللي بأخواني أخواتي
S.A.R.S
31-10-2005, 07:42 PM
شكرا لك على الموضوع

اخوكم سارس
alyosr
03-11-2005, 12:13 AM
العفو أخوي
S.A.R.S

وعقبال تفاعل الجمهور <<< قالبها مبارة
Dark Watch
03-11-2005, 02:33 AM
لكل واتحد له وجهة نظر مستنين الاعضاء وشو بيقولون
alyosr
06-11-2005, 04:05 AM
مشكور DARK WATCH

والأن ممكن نقرر ايش هي السيارة

بس محتاجين تفاعل

أنا أرشح

الأفالون - الأكورد - الألتيما

طبعاً احنا بنتكلم في السيارات المتوسطة (لعامة الشعب) لأنه لو اتكلمنا
في التقيل كان دخنا على الفاضي وأنا حبيت يكون الموضوع مفيد
Best Mada
06-11-2005, 04:54 AM
والله تسلم عالموضوع يا اليسر اعتقد السيارات الي قلتها كلها رائعة خصوصا الافالون والالتيما
لانهم وحوش 6 سرعات 6 سلندرات ..... الخ بس الهوندا حلوة في المظهر و الامان بس في القوة وزود الفخمة لا الله يعطيك العافية اخوي :D :biggthump
alyosr
06-11-2005, 07:30 PM
شكراً مادا

بس ليه ما أعطيتنا كم سيارة زياده << وهذا المطلوب

علشان نقترح سيارة غاية في المثالية
Best Mada
07-11-2005, 01:20 AM
انت تامر ياليسر
عندك الامبريزا الجديدة
عندك اللومينا SS
عندك الكابرس SS
عندك مكسيما .... انا عارف من شكلك هاها ....:biggthump ولا لا
عندك مازدا 6
وهذا الي في بالي الحين
أبو الغضب
07-11-2005, 09:57 AM
انت تامر ياليسر
عندك الامبريزا الجديدة
عندك اللومينا SS
عندك الكابرس SS
عندك مكسيما .... انا عارف من شكلك هاها ....:biggthump ولا لا
عندك مازدا 6
وهذا الي في بالي الحين


:You_Rock_ حبتين للإمبريزا ...... والـ اس اس حلوه (( أقصد اللومينا )) وموتر فنان في كل شيء :afraid: بس ياخي يخرع إذا سقته في المطر ؟؟
المكسيما ولى زمنها (( إلا إذا كانت معدله )) ؟؟ فيه البديل واللي هي الالتيما الت 3.5 :biggthump


:33: هممممم .... مازدا 6 ؟؟ ممكن تصبر عليها كم شهر وتقدر تقول انها سياره قويه لانه بعد كم شهر بس بتنزل الـ Mazda6 MPS وهي على ما أذكر انها 2.3 تيربو مع 270 حصان ودفع رباعي
alyosr
08-11-2005, 05:45 PM
شكراً على التفاعل

وما ادري ليه مركزين على الأمريكي طالعوا في الياباني وتنازلوا اكتر وطالعو بالكوري
عمود ارتكاز
08-11-2005, 06:28 PM
والله أخوي أنا إذا جيت أختار سيارة أشوف اللي تعطيني أكثر مواصفات بسعر أقل طبعا بشرط أن تكون ذات سمعة مرموقة وعملية فلذلك أرشح:

1- هوندا أكورد رغم إنها غالية بس عملية جدا.

2- لينكولن تاون كار ^__^ أعشق ذالموتر والله انه يعيش أكثر من الكراون بس يعيبه قطع غيار البدي .

3- مرسيدس S Class غالي مرة بس يكفيك الاسم.

ومشكور جدا وأنا أرشح الأكورد أكثر شي لأن شكلها الجديد أنيق وعملية واقتصادية وقوية ومريحة ((بعض الشئ)) بس طبعا ماتقارن بالألماني والأمريكي بالراحة .
alyosr
08-11-2005, 07:54 PM
الأكورد ملكة جمال السيارات اليابنية

اختيارك ارتكازي

شكراااااً