مـــذكــرات (( بــــــــس ))

[Pôwër Of |ôvë]

البس..او القطو..هو ذلك الحيوان..الصغير..الأليف..اللي وش حليله اذا شفته بفلم..يطلع حلو...

وياشينه اذا شفته بالشارع يناقز من سطل زباله الى سطل آخر..

وياحبي له اذا شفته يلاحق فار....حيث ان نفس هالفار ذا مبلشك من كثر مايقرض اغراضك اللي بالملحق..

وياكرهي له..اذا حجرك البس ..بنفس الملحق...حيث صار هو من جهة الباب..والباب مصكوك..يعني يبي يقعد يبخ بخ..عليك..


يتمتع البس..بشعبية كبيرة لدى الفتيات..خاصة البس الصغير..اذا جاك لونه ابيضاني...

ولا يفضله كبار السن...فياما وياما..شفنا بسة طايرة بالهواء..تقولون ليش ؟

قلتوا ليش ؟

هذا راجع لأن بعض الشيبان ..اذا شاف البس..يحوس النخله..او قاعد يوطي الزرع...فيمسكه مع ذيله..ويدور فيه ويحلته ( يرميه ) بكل مايحمله من قوة...فترى حمامه منهبله تناظر البس..ولسان حاله يقول..وش السالفة..؟


يفضل البساسة..التمرينات الصباحية..والتي تعتمد غالبا على التمغط عند باب الشارع..او التسدح على كبوت السيارة...والكثير منها..يتضارب على صندوق الددسن لينسدح به..ويحوز عليه غالبا اقوى بس بالحارة..


منقول

[Pôwër Of |ôvë]

كيف يوسع البس صدره ؟

- الأستهبال على عيال يلعبون كورة..( وغالبا ماتكون نتايجها وخيمه...حيث يصفق بزبيرية عربجي)

- ملاحقة حمامه متوهقة وتعجز تطير..

- المناقز من نخله الى نخلة اخرة...والتشعبط بعسيب النخله..للوصول الى بيت الجيران..

- الأستهبال على الشغالاات...خاصة لاصارت الشغاله اندونيسيه..وذروقه...حيث يستمتع البس في تخويفها..


المخاطر التي يواجهها البس ..

- اكبر خطر يواجهه البس..هو بزران الحارة..الذين في طريقهم الى البقالة..حيث يوسعون صدورهم بملاحق البساسة..والتحجير لهن..بزاوية...وتصفيقة بزبيرية..

- عندما يبيعها البس ويسوي فيها فدائي وينقز من شجره الى سور البيت..فغالبا ماينفضه الكهرب...ويخر صريعا..

- عندما يسوي فيها البس فاهم..ويعبر شارع..العالم توهم طالعين من المدرسه..وماسكه غلط على تفحيط...فهناكم احتمال كبير...ان يلقى البس مصرعه تحت كفر ددسن..ساحب جلنط..

[Pôwër Of |ôvë]

كيف يغازل البس ..؟

- البس ذوق..تراه وله اسلوبه الخاص اذا جا يغازل بسة..ثانيه ..فبينما هو يتمشى بالشارع..شاف بسة مشخصة ورازة ذيله ..ومسويه فيها رسميه..عاد يعجبها ذا البس..فيجي..وطب عليها يتهاوش..نعم..هكذا اسلوبه..ويكفخها ويفقع وجهها..لين تستسلم...عاد ويروح..

وهي بكل دلاخه تلحقه...ويشبكها...

[Dantos_xx 5 xx]

امحق من معلومات :D

لا بس مشكور على الموضوع الحلو
وهذي مجموعه من الصور هديه لك

http://www.starzz.cx/pics/071601/cats/alexis.jpg

http://www.starzz.cx/pics/071601/cats/alexis3.jpg

صور لاخونا في الله وهو غااااااط في سابع نومه (توه داق ببقايا المثلوثه)
http://www.starzz.cx/pics/071601/cats/tinksleep.jpg

وهذا اطخمهم:
http://www.starzz.cx/pics/071601/cats/tinkerbell.jpg



المهم .....

انا بصراحه ماقريت اكثر كلامك . لاني مدري وش السالفه بس عندي مداخله بسيطه:
وهي ان البس مايتمغط الا عقب الاكل
اما عقب مايقوم من النوم .... فهذا هو وقت تنشيب ظفوره في الفرشه وتمعيطها (ههه يحليله)

وعلى سالفه مغازل البساس هههه هذي نكته حليوه
يقولك بس يطارد ورى بسيسه من رصيف لرصيف . الا ويجيك موتر كامخ ويطير البسه
قال البس : خلي الشرف ينفعتس !!!!


وسلام

[Pôwër Of |ôvë]

انا كتبت الموضوع لانه يتماشى مع هواياتي :)
مطارد وملاحق بساس كخخخخخ

[Pôwër Of |ôvë]

كتب العضو (DigitaL)


اقول يازينك ساكت ..

اجل اول ماشوف بنت بفقع وجهها:":

لا افقع وجه اللي بجمبها

[داج2222]

هههههههههههههههاااااي الله يرجك:D

[MoaeD]

يقولون ان البس يرجعلك لو تبعده على بعد 5 كيلو (مجربينه مع اللي اقلقنا)

فاخر ما سوينا في وادي بالسويدي:)