المساعد الشخصي الرقمي

مشاهدة النسخة كاملة : مين يعطيني الحل الكامل لزيلدا اوركال اوف أجز


البطران
15-10-2001, 07:16 PM
الي ختمه بس بسئله سؤال مني بقايله يعطيني الحل الكامل
raayg
01-11-2001, 09:31 PM
اعذرني عارف إني متأخر في الرد عليك لكن لو تبي الحل الكامل اسألني أي سؤال وأنا أجاوبك عليه لأني تقريبا ختمته وخلصت الـ 8 مراحل وانتهيت من كل تمبل والحين خلصت من البرج الأسود ووصلت لفيران Veran وباقي لي أقتلها وأنتهي ... أي خدمة أنا موجود ... وإذا تبي موقع للحل الكامل ممكن أدور لك ... :) ;)
مع محبتي ,,,
رايق
البطران
01-11-2001, 10:21 PM
وهو إيش اسوي بعد ما آخذ الstink
raayg
05-11-2001, 11:30 PM
والله ما فهمت وش قصدك بال stink ؟؟؟
قلي انت في أية تمبل يعني كم جوهرة أخذت ؟؟؟
وعلى فكرة تراني ختمته بالمرة وقضيت على فيران وأعرف كل كم سر يعني أي شيء تبيه إن شاء الله حتلاقيه عندي بس يا ليت توضح لي أكثر انت وين الحين في الماضيولا الحاضر وفي أي تمبل قصدي أية مرحلة وكم جوهرة أخذت وإن شاء الله حأقدر أساعدك .. :) ;)
مع محبتي,,,
رايق
البطران
10-11-2001, 04:35 PM
أيش هو التيمبل بس أنا أقدر أروح للماضي و الحاضر بالآلة الي تعزف وإي جواهر يمكن قصدك الخواتم
والstinkهو الزبالة الي تاخذها من عند البيت الصغير
raayg
11-11-2001, 12:39 AM
أستنى أظن عرفت الـ Stink أظن هذه الزبالة أخذتها من الماضي من بيت صغير ما يظهر في هذا البيت إلا يد واحد تطلع وتنزل من تحت صح ولا لا؟؟؟
هذه الزبالة لسه بدري عليها بعدين حتأخذها وتعطيها لطباخ في جزيرة كاسكنت اللي في البحر وأظنك للحين ما رحت لهذه الجزيرة لكن لما يجي وقتها حأقلك ...
الحين أقلك التمبل هو المعبد يعني المرحلة اللي خلصتها شنهي أو كم معبد خلصت ... أظن إنك خلصت من معبد واحد واللي هو في المقبرة اللي في الحاضر وقصدي بالجوهرة هي الشيء اللي أخذته بعد ما قتلت الوحش اللي في المعبد الأول وأظنك أخذت جوهرة وحدة للحين ...
هالحين لازم تروح للمعبد الثاني وهذا تلاقيه في الماضي في غابة موجودة في غرب القرية يعني في اليسار ولما تروح هناك قلي لأن للحين كل اللي قلته افتراضات لأن آلة الوقت ما تأخذها إلا بعد المعبد الأول وتستعملها عشان تروح للمعبد الثاني .. انت بس قلي إذا كلامي صح وروح للمنطقة اللي قلتلك عليها وإن شاء الله اكملك .. بس لا تتاخر في الرد ..;) :D :)
مع محبتي ,,,
رايق
البطران
11-11-2001, 06:16 PM
أنا رحت معبدين المعبد الأول هو الي في المقبرة والثاني في مكان ثلجي
مادري وش اسمه وهو في الحاضر يعني رحت المعابد الثلاث بس المعبد الثالث ماعرفت أدخله يعني قصدي دخلته بس الدوائر تطقني والأبواب مقفولة
raayg
12-11-2001, 12:17 AM
كتب العضو (البطران)
أنا رحت معبدين المعبد الأول هو الي في المقبرة والثاني في مكان ثلجي
مادري وش اسمه وهو في الحاضر يعني رحت المعابد الثلاث بس المعبد الثالث ماعرفت أدخله يعني قصدي دخلته بس الدوائر تطقني والأبواب مقفولة
والله ما أذكر إنه فيه معبد في الثلج أنا كل اللي أذكره إنهم 7 معابد و1 معبد سري وهم :
1- المعبد الأول موجود في المقبرة اللي في الحاضر ..
2- المعبد الثاني موجود في غابة في غرب قرية ليبرينا في الماضي ..
3- المعبد الثالث كان موجود في جزيرة كاسكنت اللي في البحر وفي الحاضر ..
4- المعبد الرابع موجود في قمة بركانية في جبل تالوز في الحاضر ..
5- المعبد الخامس موجود في بداية المنطقة الحلزونية في الحاضر ..
6- المعبد السادس هم بعد موجود في المنطقة الحلزونية بس تلاقيه ما بين لازم تتنقل فيه ما بين الحاضر والماضي ..
7- المعبد السابع موجود في سمكة تحت البحر في قرية زورا ..
8- المعبد الثامن موجود في منطقة سرية في جزيرة كاسكنت في الماضي ..
يعني ولا واحد من هذولي فيه ثلج يمكن قصدك بالمعبد الثاني اللي في الغابة لأنه المراحل متسلسلة من معبد لمعبد ما يمديك تترك معبد وتروح للثاني يعني هي كذه طبيعي الأول فالثاني فالثالث وكذه ...
ولأنك تقول إنك وصلت للمعبد الثالث فأكيد إنك انت الحين في جزيرة كاسكنت يعني أكيد إنك خلصت من لغز الجزيرة ومريت من البحر المهم قلي إذا انت الحين في الجزيرة ولا لا؟؟وإذا انت في الحاضر ولا لا؟؟؟ عشان تأكد إنك خلصت من كل شيء وتجهزت إنك تدخل للمعبد لأن في هذه الجزيرة فيه مخلوقات اسمها توكاي تسرق منك أشياءك يعني لازم يكون عندك كل شيء عشان تقدر تحارب الوحوش في هذا المعبد؟؟؟وبعد كذه إن شاء الله حأقلك وش تسوي في هذا المعبد خطوة بخطوة ...;)
مع محبتي ,,,
رايق
البطران
12-11-2001, 01:58 PM
أنا أصلن مامريت على بحر المعبد الي أقولك في الثلج هو أصلاً زيلدا سيسون آسف على الخربطه
رحت معبد في الماضي ماعرفت أدخله وهو المعبد الثاني الي فيه دوائر تطقك
raayg
13-11-2001, 10:31 PM
أهااااا الحين فهمت انت كنت مخربط بين أوراكل أف إيجز وأوراكل أف سيزنس ;) ...
المهم المعبد اللي قلت عنه هو صح موجود في الماضي وهو المعبد الثاني بالنسبة للدوائر اللي تطقك هم ثلاث دوائر على ما أذكر وعشان تطقهم لازم تستخدم السيف والدرع المهم خليهم يهجمون عليك زي الأغبياء وأول ما يخبطوا حيبنقلبوا وعاد انزل فيها تصقيع لين ما تموت ... وإن شاء الله يكون هذا الحل ... وعلى فكرة بعد ما تقتل هذه الدوائر حيتفتح الباب اللي على اليسار ... ;) :D
مع محبتي ,,,
رايق
البطران
14-11-2001, 08:08 AM
طيب أنا دخلت البوابة وبعدين ماعرف أدخل البوابة الثانية اشلون افتحه
raayg
15-11-2001, 03:31 PM
علشان تفتح الباب اللي بعده لازم تدخل المكعب في الحفرة السوداء وعشان تدخله لازم تحركه ادفعه ثلاث مسافات لليمين - مسافة وحدة للأسفل - مسافة وحدة لليسار - مسافة وحدة للأعلى - وبعدها دخله في الحفرة .. وحينفتح الباب ...
في الغرفة اللي بعدها في جدار محطم شوية استخدم القنابل عشان تفجره وبعدها خذ الخريطة بعد كذه امشي لين ما توصل لغرفة فيها أربعو وحوش اقتلهم وبعدها حتأخذ مفتاح أرجع لبداية المعبد وروح للغرفة اللي فيها دوائر وحتلاقي باب على اليمين يحتاج للمفتاح أفتحه وأدخل ...
تبيني أكملك ولا تبي تكتشف بنفسك ...:) ;) :D
مع محبتي ,,,
رايق
البطران
15-11-2001, 11:25 PM
تكفا كمل إلى ما تخلص المعبد
الاميرة زيلدا
16-11-2001, 10:23 AM
يا الرايق

تعرف وين القى التبل السادس

ملاحظة

انا ضعت في الاست وودس

اختكم

princrss zelda