كلنا كبار.. لاااكيين في الحضانة صغار.. ._.

[Yamato]

بسم الله.. اول ما جيت اكتب الموضوع الا اشوف مكتوب (الى الكاتب ياماتو).. والله انه زيغني.. :sad2:

المهم.. ما علينا من هالسالفة اللي تفقع بقلب الواحد..

توني من شوية راد من برع بعد ما وصلت ولد اختي للحضانة او المدرسة.. المهم انها روضة :196:
استوى موقف انا مسكت عمري علشان ما اضحك واتفشل..
لما وصلت ولد اختي للصف.. هممت (حلوة صح) بالذهاب ولكن جائني نداء يقول.. عمو عمو عمو.. انا تلفت صوب باب الصف والا اشوف ولد مصري يطالعني.. انا طالعت يمين يسار عالسريع علشان اتاكد.. فذا به يؤشر لي بان اهرول اليه..

قلت لنفسي ما المانع يا مانع.. :33:
يمكن اطلع بموقف جميل مع الاطفال.. :05:

المهم سرت صوبهم.. قلت له نعم حبيبي (ما قلت حبيبي)

قالي.. هناك.. قلته شو.. قال.. الت صية ضربت كرستينا.. وانا بعدني اقول مين قصدي نعم..

ومن صوب ثاني ينط علي شاب مصري صغيرون ماسكا بيدي كالسبال.. ويقولي سلم.. انا اسلم ما عندي مشكلة..

اكمل مع الفتى الاول علشان افهم اللي قاله.. مع تقريب السمع بالطبع..

قاللي.. البت صفية ضربت كرستينا.. :blackeye:

طالعت داخل الصف والا اشوف ثلاث بنات صغار على طرف.. وحدة من اول نظرة تعرف انها من بلاد النيل وخمنت انها صفية والثانية قاعدة على كرسي بادب احترت شو خانتها بس لما طالعتها طالعتني بكل براءة ولسان حالها يقول نفس ما قال شاغي.. Wasnt me :jap031:
والثالثة ما يحتاج تقول شي علشان تعرف انها كرستينا.. لانها طلعت فلبينية.. :chinese: (ما حصلت ابتسامة لفيميل)

المهم.. انا شو سويت..
ما سويت شي.. بس قلت للياهل.. خلهم يتضاربو شعليك انت.. :33: (وانا اقول في نفسي.. صدق انك فتنة)
بس رديت وقلتله.. لما تجي الابله او المدرسة او واط ايفر خبرها عن السالفة زين..

بصراحة ما كان لي خلق في مشاكلهم.. :196:
هي السالفة ما تضحك لما تسمعها.. لكن لازم تعيشها او اي موقف مع اطفال تحصل نفسك فجاة فيه.. ولما تتذكر الموقف تضحك من نفسك :jester:

بس لو تجمع هاليهال اللي في الصف بيعملولك اغنية بابا فين بشكل صح.. :jap021:

انييي وييي..
وانا اتمشى في المدرسة حسيت باني عجوز.. صدق والله.. اشوف الكل صغار وانا امشي بينهم مثل الناطحة.. :blackeye:
يعني شو احساسكم لما تكونو في بيئة موبوءة مليئة بالصغار..
انا من الداخل اكون كذا :jap011:

اضافة الى موضوع اخر يمكن الاساسي الله اعلم..

اكيد الكل عنده عيال اخ او اخت او حتى اخوان صغار في مرحلة الروضة..
السؤال هنا.. هل امهم او ابوهم ياخذونهم للروضة ولا الموضوع راجع للسواق والخدامة.. لاني في الجريدة اقرا عن اهمال الاهل للاطفال وجعل الخدم يقومون بالمهمة..
بس عن نفسي لما رحت المدرسة هذي ما شفت مثل هالكلام.. اكثر شي الامهات موجودات مع اطفالهن..
اضافة الى انه في الشارع الثاني مدرسة ثانوية.. والملاقيع كل واحد جاي بسيارة خاصة به :jap011:


المهم (فاينلي)..
كنت متفيج وقلت خلني اكتب موضوع.. خربانة السالفة..
واعذروني على اي ازعاج.. :196:

[Angel whisper]

ياماتو حاط موضوع O.O
*faints*
عيل ساير الروضة؟
يحليلك
احيد كانت تعيبني الثياب اللي كان يلبسها اخويه الصغير وهو ساير هناك ..
المهم
انا اليهال ما يحبوني .. وولا انا احبهم .. فما اتعامل وياهم وولا هم ايوني ..
nuff said~

[Yamato]

انجل..
عيل لو تغيرين اسمج الى ديمون ويسبر احسن.. >.>

والله وناسة الروضة.. جربي مرة تسيرين مع اليهال.. :05:

كح.. على ايام مراهقتي كنت برنس شارمنج.. :196:

المهم..
روحي الروضة.. خلهم يفلعوج بحصاه.. :196:

[Angel whisper]

هههههه يبالي اغيره تصدق :p

بس لا جد .. انا واليهال مول ما نتوافق ..

بس الاولاد اللي هم اكبر من ثمان سنين يحبوني .. (&)

يمكن عشان يعيبني ايمع actio figures وسيايير وياهم :p

عيل اسير وياهم الروضه تقول؟

والله يبالي .. بس اليهال اللي في العايله كلهم في دبي .. مب صاكه درب الين هناك من صباح الله خير عشانهم ><

يوم مراهق كنت شرات هالاخ يعني؟
http://imdb.com/gallery/ss/0298148/Ss/0298148/11.jpg?path=gallery&path_key=0298148

ويعدين اليهال ما بيلحقون يفلعوني .. بيشردون اول ما يشوفوني ><

[القــعـقـاع]

انا من الداخل اكون كذا :jap011:



هههههه

حتى انا بالاضافة الى التشييك الدوري على الثوب لا يتوصخ...لكن يا اخي مع ان شكلي ما احس انه ذاك اللي يجذب البزران..لكن كل ما جا بزر جنبي لازم يلزق فيني :31: اما عيال اخواتي فوناسة من جد و اياهم...

اتذكر كنت اوري اخواتي كيف تخنق برجولك و كنت اطبق على بنت اختي-5 سنين- (من دون خنق طبعا :31: )و اخوها-سنتين- كان يتفرج... من بكرة كان بينهم مشكلة و اشوف الولد يطبق نفس الحركة تقريبا طبعا ما يحتاج اقول لك وجهي كان :jap018:

[Angel whisper]

اتذكر كنت اوري اخواتي كيف تخنق برجولك و كنت اطبق على بنت اختي-5 سنين- (من دون خنق طبعا :31: )و اخوها-سنتين- كان يتفرج... من بكرة كان بينهم مشكلة و اشوف الولد يطبق نفس الحركة تقريبا طبعا ما يحتاج اقول لك وجهي كان :jap018:
اخويه كان يطبق عليي حركات التايكواندو ومادري شو بعد اللي كان يتعلمهم وانا صغيرة :28:
كان يعور .. :afraid:

بس كنت استانس :05:

[عبودي]

هه
ذكرتوني
انا رحت مدرسة الابتدائية الظهر و المدرسات طلعت عينهم
خخخ المديرة طالبتني :bigeyes:
جاني اتصال من المدرسة
..طو طو
ألو
:: السلام عليكم
:: و عليكم السلام
:: ممكن تجينا المدرسة الحين
:: أن شاء الله
:: يستلم التلفون حد اعرفة ::
تعال الحين بسرعة ..لاتغير ملابسك ولا تغسل وجهك :02:
===========
وصلت ..لابس جينز
طالع شكلي مصري
و الولاد يتنططون علي كنهم ما شايفين خير و نا صاير :blackeye:
و شوي يطلع لي بويهي اخوي الصغير
و يقول
عبدالله عبدالله عبدالله عبدالله عبدالله عبدالله عبدالله :31:
==========
و نا مدري ليش ياي

المههم طلعت بويهي المديرة ودخلت داخل
جلسوني عند كمبيوتر
جاتني اختي و قالت صلح الكمبيوتر خربان :bigeyes: :bigeyes:
=============
أنا الحين لو ادري اسالف كنت ما برد على التلفون

المهم كانت قاعدة بيانات المدرسة خربانة و هم مدخلين عليها درجات ويبوني اصحها
المهم صلحتها .. وروحت
البيت
و صرت فيري فيمس مان إن ماي تاون
و بعد يومين السالفة منتشرة عند كل الخلق و كل يوم يجيني كمبيوتر من عند الاهل :vereymad:
هزا سوي فورمات و ترتيب
هزا في خربان بابا (كرت صوت )
هزا هزا هز ا الى أخ ....
لو فاتح لي محل كمبيوتر احسن لي :09:
وكل ولد شافني خبر اهلة و الاهل يخبرون الاهل و هاكذا...
:31: :196:

[Rory]

ذكرياااااات ~
ههههه .. أذكر يوم كنت في الروضه .. الصراحه هو ماذكر التفاصيل عدل بس هي السالفه كل حد في العايله يعرفها .. ما تنتشر غير الفضايح -_-'
في أول يوم لي في الحضانه امي كانت وياي .. ويوم يايه بتطلع من الصف لصقت فيها وقلتلها تميييي T_T
بس الابله مادري شو سوت وطلعت امي برع ورجعت هي الصف وسكرت الباب .. جان أقوم وأعض ريولها (كانت لابسه mini skirt) .. وبعدين .. مادري شو استوى بالضبط x.x ..
بس ها الابله بعدين استوت وايد ويا اميه وأذكر حتى بنتها استوت ربيعتي وكنت أعرفها للاعداديه تقريبا .. ودوم تقولي امي تسلم على إلي عضتها .. >_>'
--
الموهييم .. أما عن اليهال .. I hate KIDS بنات واولاد ..
بس ولد خالوتي عمره سنه وهو حبيبي الوحيد :jap031:
أمووت عليه وهو بعد يمووت علي .. شعور متبادل يعني :o
بس والله ها الياهل الوحيد إلي أتخبل عليه .. الباجي ماحبهم :blackeye:
--
ومره سرت ويا اميه ناخذ اخواني من المدرسه .. واحد منهم كان في صف أول والثاني كان في صف ثاني ..
احم .. عاد أنا قلت حق اميه أنا باخذ الصغير لأني ما أتفق مع إلي أكبر منه وايد ودووم نتناجر >_>'
عاد الصغير يوم سرت صفهم كانو فاضيين وماعندهم حد جان أدخل وخذته بس قبل ما نطلع الأولاد قالولي .. اخت سلوووم .. تعالي .. أنا هاه O_o شو؟
قالو تعرفين ترسمين؟ و واحد حط في ايدي قلم الصبوره مالهم ..
قلت ليش شو تبغون؟
قالو .. .. .. ارسمي ولد يبوس وبنت
أنا تميت دقيقه مب مستوعبه السالفه يمكن سمعت غلط؟
وبعدين قالوها مره ثانيه و قلت بخبر أبلتكم عليكم شو ها الحركاات عييب ما تستحون انتوو؟
قالو .. عادي كيفنا :blackeye:
قلت بالطقاق يهال آخر زمن .. وخذت سلوم وطلعت ..

[asf4ever]

OH NOES@__@
ياماتو مسوي موضوع



اكيد الكل عنده عيال اخ او اخت او حتى اخوان صغار في مرحلة الروضة..
السؤال هنا.. هل امهم او ابوهم ياخذونهم للروضة ولا الموضوع راجع للسواق والخدامة.. لاني في الجريدة اقرا عن اهمال الاهل للاطفال وجعل الخدم يقومون بالمهمة..

أكييد..بالباص
ولا ما عندكم باصات؟!

اليهال البنين ما عندي أي شعور تجاهم>.> ومرات أكرهم
يمكن لأنه عندي إثنينة عيال أخ وإثنينة عيال إخت
ولكن لو بنية والله نفسي أقطع خدودهم×_×
والحمد لله عندي بنت إخت وحدة من شهر تقريبا بس بعدها ما حلوت
وفيه بنية ثانية بطريج I am in heavenT_T
أما عن الروضة فما دخلت من يوم طلعت منها._.


وبعدين أريد أعرف منو إلي قال إنه اليهال ملائكة..
يا يقول إنهم شياطين يا يسكت :28:

[Arnegrim]

ذكرتوني بأيام الروضة :p
اذكر ان امي قالتلي في المدرسة انها بتروح و بترجع -_-
طبعا كنت طفل بريء بملامحي بس مادري ليش الكل يقول اني كنت شيطان مع اني ما اسوي شي :D بس لأني كنت اشرمخ و اضرب البنات يوم يمسكوني من خدودي؟
المهم من أول يوم تضاربت مع 3 أولاد و مادري ليش تضاربت معاهم أخر الدوام و اذكر اني استخدمت الجاكيت كسلاح فتاك @_@
المهم في النهاية حد غش و فر على عيني رمل و في نفس الوقت امي شافتني و خذتني للبيت :D


اليهال البنين ما عندي أي شعور تجاهم>.> ومرات أكرهم
يمكن لأنه عندي إثنينة عيال أخ وإثنينة عيال إخت
ولكن لو بنية والله نفسي أقطع خدودهم×_×
حتى انا -_- بس مب لدرجة اقطع خدودها
خاصة يوم يطرشوني و يقولولي عط فلانة فلوس وتقولي شكرا @_@ ( مب متعود يسمع كلمة شكرا )
أما الأولاد فهم يخافون مني XD
و محد يقولي شكرا XD

[Yamato]

السلام عليكم يا ناس.. وراي ردود ارد عليها.. هذي جزاة اللي يكتب مواضيع.. T_T

انجل ساما,
هو ديمون ويسبر احسه مووور كووول.. اسم انجل ويسبر ينفع لرقيقات :196:
البنات في العادة يجمعون صناديق معطرة وهالخرابيط.. وانتي اكشن فيجرز.. :biggthump
ويا بنت الناس محد قال صكي درب لدبي علشانهم.. لو انهم قريبين فقط.. :28:
وايه انا كنت مثل هالفارس الحلو.. بس على فكرة البنات صغار وكبار كانوا يقعون في هواي.. :05:
والحين اصبحت شيبة مخرف لا يحبني الا الصبيان :blackeye:

وبعدين اليهال لما يفلعوج بالحصى بيشردون على طول.. نفس ما يقول الفرنسي موارنجي او ما شابه في فيلم ماتريكس.. Cause and Effect حاقة زي كدا

القعقاع بن الاكرمين,
جبتها صح يا فتى.. لازم الواحد يشيك 24 هاورز.. ومشكلة اذا لزق فيك صبي صغيرون.. الصبيان وسخين على كول.. اما البنات فالكل يحرص على نظفتهم يخلونهم زي الانجلز.. :jap031:
وحاسب اليهال عندهم عيون اخس عن الشارينغان (اذا تابعت ناروتو) :jap048:

انجل ساما اقين,
يو ار دجاج سادي.. :jap036:


مستر عبودي,
سالفتك طويلة علشان شي بسيط.. يا عمي المرة الجاية حط لهم البزنس كارد عالطاولة ووراه السعر (ابدا باسعار رمزية) ويمكن تزدهر عندك الاعمال وتصك على بيل جيتس


روري ذا بووك ايتر,
في قاسم مشترك.. انتي عضيتي الابله في رجلها.. وانا عضيت الخدامة في كتفها (شو الكونيكشن مرة ثانية لو سمحت :blackeye: )
على ايامي بالروضة ما كانت روضة من الرياض لكن كانت جهنم يا ناس.. ابلتي كانت وحدة عيوز مخرفة تضربني وما كانت تصدق كلامي :jap053:
مرة كنا نرسم في الصف وواحد من الشباب الصغار (على كل عمر تشوف الشخص كبير بس طوف المرحلة وشف كيف هم صغار) جا وشخبط على رسمي كله.. الاهبلة جت وشافت رسمي وضربتني رغم المحاولات الحثيثة.. :jap015:
المهم.. ليش ساير بعيد انا
شو بلاكم كل واحد كاره اليهال كانهم المرض بزاتو..

بس ولد خالوتي عمره سنه وهو حبيبي الوحيد
انتي لو تشوفين ولد اختي الصغيرون بتطبين اللي عندج :196:

وهذي بنت ادم جابت لنا دليل اخر على الفظايع اللي تستوي بالروضة.. :33:

عصفوري الصغير,
حبيبي خذلك نفس شوي شوي.. مب موضوع هذا حشا.. :blackeye:
تراك خربت ابو الموضوع.. :mad22:
هو اكيد في باصات بس اتكلم عن اللي يودون اليهال بانفسهم.. (اصلا ولد اختي راح عنه الباص فرحت اوصله)

شوف.. هو الاطفال عندهم شاكرا اكثر من اللي عندنا.. لذا تشوفهم انواع الازعاج.. وانت لازم تكون عبقري علشان تصرف الباور هذا (اذا لقيت حل خبرني الله يخليك :jap020: )
والله للحين ما دشت بنت في اللستة.. انا عندي حساسية تجاه البنات بشكل عام.. :jap002:
وانا اقول اليهال ملائكة.. مالك خص

الديناصور ارني البنفسجي,
شلونك يا باشا :196:
شكلك في الروضة كنت نفس الولد اللي خرب رسمتي.. :31:
اي هايت يوو :02:


الحمدلله والشكر اني ما اكتب مواضيع كثيرة..

[Master ArNab]

فيري كوول أوف يو مستر ياماتو :biggthump


وانا اتمشى في المدرسة حسيت باني عجوز.. صدق والله.. اشوف الكل صغار وانا امشي بينهم مثل الناطحة.. :blackeye:
يعني شو احساسكم لما تكونو في بيئة موبوءة مليئة بالصغار..
انا من الداخل اكون كذا :jap011:
ههههه .. نعم , نفس الإحساس تماماً


على ايامي بالروضة ما كانت روضة من الرياض لكن كانت جهنم يا ناس
:afraid: it sure was


.. جان أقوم وأعض ريولها
ههههه .. :biggthump


كان يعور .. :afraid:

بس كنت استانس :05:
ههههه .. :biggthump


الحمدلله والشكر اني ما اكتب مواضيع كثيرة..
والله مواضيعك رهيبه ,, تفتح النفس .. واصل وإستمر بارك الله فيك :biggthump

[Yamato]

فيري كوول أوف يو مستر ياماتو :biggthump
سانك يو سير.. اي ام هونورد :)

ههههه .. نعم , نفس الإحساس تماماً
ايه صدق ياخي.. الا ليت الزمان يرد رييي-وس

:afraid: it sure was
انا ابلتي كانت عجوز شمطاء (الله يذكرها بالخير بس من ناحيتي ما اظن.. سببت لي عقد)


والله مواضيعك رهيبه ,, تفتح النفس .. واصل وإستمر بارك الله فيك :biggthump
ار يو شور.. :33:


الماستر شرفنا هني.. :)
يسعدني انه مشاركتي 4000 هي رد عليك.. :biggthump

[7_Dark Soul]

حتى انا بالاضافة الى التشييك الدوري على الثوب لا يتوصخ

اكبر مصيبة من تجي من العيال:jap010: (http://www.montada.com/misc.php?do=getsmilies&wysiwyg=1&forumid=9#)

.......مع اني ما احب العيال واجد..... بس هم يموتون فيني..... ليش؟؟.......على كلام الناس.. دايما يقلون لي انت فيك حنان الامومة... طبعا كل ما قالي احد انا وجهي يصير:jap011: (http://www.montada.com/misc.php?do=getsmilies&wysiwyg=1&forumid=9#)

....اخخخخ... ايام الروضة....ايام البرائة...الحين صرنا مجرمين.....بس جيل ذي الايام صار جيل وصخ

يعي تخيلو.... واحد عمره 9 سنوات قالي يلعن امك....انا وجهي صار:ds016:

و الحقه و ينحاش... وانا اصارخ عليه..... تعال يا ابن الكلب....بس قدر يدخل بيتهم وينحاش

صاور مجرمين جيل ذي الايام:ds013:

[leopard_1]

اكثر شي الامهات موجودات مع اطفالهن..

دام السالفه جي .. عيل كل يوم بتسير الروضه :p


اضافة الى انه في الشارع الثاني مدرسة ثانوية.. والملاقيع كل واحد جاي بسيارة خاصة به

احم احم .... بس صدق تخطيط غلط ... يعني مدرسه ثانويه ... وجدامها ابتدائيه ...وين عايشين ...بتستوي مجزره ياريال :31:

[asf4ever]

عصفوري الصغير,
حبيبي خذلك نفس شوي شوي.. مب موضوع هذا حشا.. :blackeye:
تراك خربت ابو الموضوع.. :mad22:


ما خربت الموضوع هذاك في التعليق:p


والله للحين ما دشت بنت في اللستة.. انا عندي حساسية تجاه البنات بشكل عام.. :jap002:
وانا اقول اليهال ملائكة.. مالك خص

حساسية إيه يا بني
إنت شوف خدودهم تاكلها أحلى من صالونة الدياي
واليهال شياطين غير مصفدة:196:


حتى انا -_- بس مب لدرجة اقطع خدودها
خاصة يوم يطرشوني و يقولولي عط فلانة فلوس وتقولي شكرا @_@ ( مب متعود يسمع كلمة شكرا )
أما الأولاد فهم يخافون مني XD
و محد يقولي شكرا XD

تعطي فلوس
لا يكون تطري العيدية
أكره إني أوزع عيدية كره البلا@__@
وتصدق إنه الأولاد يحبون يصدعون بي ما يخافون مني -__-




يعي تخيلو.... واحد عمره 9 سنوات قالي يلعن امك....انا وجهي صار:ds016:

وهذا تحسبه وايد >.>
عدنا واحد إلي يمر عداله يقول يا ولد *a big PEEEP* وإنت *PEEEP* وعمره حوالي الست أو سبع سنوات:31:
لا ويعرف كل فلان بالحارة وأنواع سياييرهم وعيالهم(سألناه عنهم)×_×وطلع يعرفني وأنا ما أدري._.


وبالنهاية صورة بنت أختي في المرفقات بسم الله عليها
وكالعادة مثل كل عيال أخواني وأخواتي ما تشبهنا..

[Electro M]

الروضة
اه يالدنيا
كان عندنا حصة اسمها حصة التلفزيون
يحطون لنا الرجل الحديدي غالبا و نجلس نتفرج عليه انواع الحماس

الموقف اللي اذكره هو انه مرة جا واحد لابس بدلة شرطة
و تشوف البزران متعلقين حوله و متجمهرين كانهم شايفين جريندايزر او شي
و بالاخير الولد سواها على نفسه و الكل هرب منه :09:

سؤال
انتم روضتكم فيها عيال اجانب - على سالفة كريستينا الفلبينية- ؟

[Better Days]

موضوع جميييل :)

حاليا ماعندي احد في الروضه والايام اللي كانت فيها بنت اختي سوسو في الروضه ما كنت انا حولها :02: فما اقدر اقلك كيف كان الوضع :09:

[Anima]

اش شعورك لم يمسك في بزر ما تعرفه ويقعد يقول "بابا بابا"

هذي صارت معي :hmpf:

مع ان شكلي ما يدل على اني كبير ابدا

وقعد ناشبلي لين ما جا ابوه وفكني منه

[Mada Mada Dane]

ماادري ليش تكرهون الأطفال ؟

انا احبهم , دايم اجلس وياهم علشانهم يلعبوني :05: خخخ

[Yamato]

السيل الاسود... دارك سيول..
يهال اليوم مستوين نفس الهنود الحمر.. اذا ما انتبهت بيطبون عليك وبيسلخون شعرك وبيشوونك على عصا تلف بك عالنار.. :jap036:
اليهال في فريجنا ما يخلون شي الا ويؤذونه.. علشان كذا نحاول نمنع اختلاط اليهال عندنا بهم.. بس المشكلة العدوى انتقلت بالهوا.. :blackeye:

ليو ذا كينغ اوف جنغل..
ياخي فاهم السالفة غلط.. شي فليبينيات.. :joke:

المدرسة هذي مدرسة انجليزية.. فيها من الروضة للاعدادية او الثانوية.. وجدامها مدرستي الجديمة اللي طلابها هالايام يسيرون لها بمواترهم :blackeye:


عصفوري المغرد..
اي تعليق :33:

وتعال.. شو صالونة دياي.. عالاقل قول حلاوة من اي نوع.. فضحتنا :jap011:

والله يحفظ بنت اختك لكم.. بس ما شاء الله باين انك ما مقصر في خدودها ابد..
اذا صارت فرصة بحط صورة ولد اختي الصغيرون..


عماد الدين الالكتروني يرد على موضوع لي.. :196:
شكلك مشتاق للروضة.. سير امسكلك اي ياهل ووصله الروضة وفكنا.. :biggthump
بالنسبة لسؤالك.. المدرسة انجليزية.. (ذكرتها فوق في الرد) بتحصل فيها من كل الجنسيات.. عاد حلاته ولد اختي يتعرفله على بنت حمرا.. والتكملة في راسي.. :jap017:

ديدمان ايها الرفيق في الحرب (ماي كومراد)..
بس.. موضوع جميل.. :sad2:
يعني بالله ما كنت في حياتك ياهل وودوك للروضة..

الاستاذ انيما..
انا استوالي العكس.. لما كنت صغير مسكت بايد شخص على اساس انه ابوي.. بس اول ما تبينت انه شخص اخر.. شردت عنه :jap009:

ماذا ماذا يا داني.. :196:
انا ما اكره اليهال.. بالعكس احاول اكون لطيف معاهم.. بس صدقني لو انه الياهل (natural born killer) راح تعاني معاه علشان يهدا.. لازم تشد معاهم احيانا.. :jap039:

[Better Days]

ديدمان ايها الرفيق في الحرب (ماي كومراد)..
بس.. موضوع جميل.. :sad2:
يعني بالله ما كنت في حياتك ياهل وودوك للروضة..
:

همممم الا :p
بس يا اخي ايام تعيسه افضل اني ما اتكلم عنها :sad2:

[Yamato]

همممم الا :p
بس يا اخي ايام تعيسه افضل اني ما اتكلم عنها :sad2:
يا راقل..
انا ما اظن انه في حد ذكرياته عن الروضة اتعس من ذكرياتي انا..
المشكلة ما اقدر اتكلم عن اللي صار..
اخف شي اني كنت اكل معجون الاسنان.. :196:

[عبودي]

:31: معجون أسنان .. شكلها اسنانك بيضة الحين ..ها
==============================
:blackeye: خل فضايخح الروضه على جنب .. أذكر كان عندي بنتين ..(بدي جارد )
محد يتجرء يلمسني
بس الدراسة كووول
أنا بروضة كان حجمي صغير ابين صغير وايد عن البقية
فالمدرسة (ليلة ) تجلسني بحيرها وتوكلني كاكاو عشان أكتب حرف
والطلاب الثانين يكتبون جمل ومايحصلون شي :09:
خخخخ
كنت اخاف اسير الروضه :afraid: بس بعدين شفتها هينة ..كل يوم علبة كاكاو
ليش افوت
خخخ :05:
==============================

[Arnegrim]

تعطي فلوس
لا يكون تطري العيدية
أكره إني أوزع عيدية كره البلا@__@
وتصدق إنه الأولاد يحبون يصدعون بي ما يخافون مني -__-
بالله عليك يعني بفتح حصالتي و يوزع الفلوس؟
في العيد انا اوزع ريالات على الياهال و لأني كريم اعطي ل واحد 3 - 4 ريالات :D بس ما يقولون شكرا ارنجريم :blackeye:

الى اقصدة ان يوم يكون عدنا ياهال و يطرشوني اوزع عليهم بيزات فالأولاد يقولون عطنا زيادة >< بينما البنات يقولون ( شكرا ) ^^

أما عن الأولاد الصغار الى يصدعونك فحاول تطلع علامات على ويهك مرة وحدة و الكل بعدين بيخاف منك :D

[Angel whisper]

انجل ساما,
هو ديمون ويسبر احسه مووور كووول.. اسم انجل ويسبر ينفع لرقيقات :196:
البنات في العادة يجمعون صناديق معطرة وهالخرابيط.. وانتي اكشن فيجرز.. :biggthump
ويا بنت الناس محد قال صكي درب لدبي علشانهم.. لو انهم قريبين فقط.. :28:
وايه انا كنت مثل هالفارس الحلو.. بس على فكرة البنات صغار وكبار كانوا يقعون في هواي.. :05:
والحين اصبحت شيبة مخرف لا يحبني الا الصبيان :blackeye:
وبعدين اليهال لما يفلعوج بالحصى بيشردون على طول.. نفس ما يقول الفرنسي موارنجي او ما شابه في فيلم ماتريكس.. Cause and Effect حاقة زي كدا

مادري تصدق .. يبالي اغيره ..
وبعدين شو .. مب رقيقه انا يعني .. مب تارسه عينك؟ ولا بعد ما تعتبرني بنت؟
واشبلاهم الاكشن فيجرز؟ احسن عن باربي المفصخه ..
انا عموما في عمري ما كانت عندي باربي :p
طبعا J/K عن كل شي .. الا آخر جمله
المهم
هههههههه عيل انته تشبه برينس شارمينج مال شريك هاه ..
هههه قصدي "كنت" (6)
الفرنسي مال الماتريكس كان فنان ..
الشي الوحيد االممتع في ريلودد ..

[Yamato]

أبودي..
اسناني خربانة ومعدتي عطبانة.. كله من المعجون.. :blackeye:

أرني.. غريم..
مب كانه الكل يكره يوزع العيدية.. تحس كانها تعذيب.. تعطي بيزات بدل ما تاخذ.. :sad2:


انجل ساما..
لا لا خلج عالاسم الحالي احسن.. اخاف تغيرينه لوصيفة.. (الله يخليكي لا تضربيني بالخيزرانة) :196:


وبعدين شو .. مب رقيقه انا يعني .. مب تارسه عينك؟ ولا بعد ما تعتبرني بنت؟
C'mon.. you are one of the GUYS :196:
:joke:

الفرنسي كان رائع.. خصوصا لما تكون مونيكا بيلوتشي واقفة جنبه.. :196:

[Angel whisper]

انجل ساما..
لا لا خلج عالاسم الحالي احسن.. اخاف تغيرينه لوصيفة.. (الله يخليكي لا تضربيني بالخيزرانة) :196:


C'mon.. you are one of the GUYS :196:
:joke:

الفرنسي كان رائع.. خصوصا لما تكون مونيكا بيلوتشي واقفة جنبه.. :196:
مصيفة .. مصيفة ..
يعني لازم امرغك مراغ بهالخيزرانة يعني؟
احم
لاع انا مب من القايز .. انا من القايزات .. آي قيس
مونيكا ..
she is one of the women that make me feel so ugly that I wish I was dead ..

[NsaN]

نايس..فري نايس..يس فري متش..يس...اي هيت كيدز :196:

[Alan4ever]

انا عضو جديد .. ويشرفني انا انضم إليكم في هالمنتدى الرائع .. ويكون هذا ثاني رد لي:09: ماعلينا

ندخل في الموضوع ..

انا ما اتذكر شيء من ايام الروضة إلا اني حضرت الأسبوع الأول بس .. والباقي نوم ولعب في البيت ..

لا افتكرت شيء بعد ..

اعتقد في اليوم الثالث من ذاك الأسبوع تهاوشت مع ولد .. وكفخت فيه إلين ما قلت بس .. اليوم الثاني استعدوا والدتي ..و تناقشت معلمتي مع الوالدة .. انا ما أفنكر شنو كان النقاش .. بس الشيء اللي مفتكره انها قالت لأمي : ( الولد بتاعك يلعب كراتيه) .. انا لما سمعتها استانست كثيير وكنت بطير من الفرحة ..

بس الشيء الغريب اني عشت في طفولتي عدواني .. لكن لما كبرت شخص هادئ مسالم ما يحب المشاكل وعوار الراس ..

وبس(ذابحكم بسات اليوم ):09:

[Yamato]

((مصيفة))
خلاص انا اسف.. مكنش أصدي.. T_T

قايز.. قايزات.. كله واحد.. وي آر ون فاميلي هير..

بالنسبة لمونيكا..
ما اريد اعلق.. :196:


مستر انسان..اللي كله عنا نسيان..
يو آر ذا نايس ون.. ون داي.. يو ويل هاف كيدز تووو.. يس :28:

باي لوت..
تذكرني بفيلم كانغارو جاك.. لما قال.. صن لوك طونغ.. :196:
ما شاء الله.. اسبوع واحد وعندك ذكرى حميدة.. انا سنتين وما في شي حلو.. :sad2:
وويلكم بك معانا.. انست وشرفت.. ولا هي شرفت وانست.. المهم حياك معانا يا بيه :ciao:

[Justine]

لا لا لا لا اكيد ياماطو انخطب او على وش زواجة .. فقاعد يحسن من صورته على حسابنا (&)

ما اذكر اني وديت احد من اقاربي للحضانة .. لكن الي اعرفه انه ولد خالي صار شرس بعد ما دخل الروضة (&)

على طاري البزارين .. ما يرفع ضغطي اكثر من البراءة في الأوقات الغلط :196:
يعني تخيل انك تاكل ايسكريم من باسكن روبنز .. مبسوط و منتشي لابعد درجة .. يجيك بزر يقعد عند رزتك و يطالع في العسكريم .. و القهر انه ما يتكلم .. بس يطالع فيك :blackeye:
يسود مزاجك .. و تلعن الساعة الي سقطت فيها بغداد تحت يد الاحتلال .. و تدق السلف و تشتري له واحد على حسابك :31: ..

و شكرا على الموضوع بوسهلة ^^

[Yamato]

لا لا لا لا اكيد ياماطو انخطب او على وش زواجة .. فقاعد يحسن من صورته على حسابنا (&)

ما اذكر اني وديت احد من اقاربي للحضانة .. لكن الي اعرفه انه ولد خالي صار شرس بعد ما دخل الروضة (&)

على طاري البزارين .. ما يرفع ضغطي اكثر من البراءة في الأوقات الغلط :196:
يعني تخيل انك تاكل ايسكريم من باسكن روبنز .. مبسوط و منتشي لابعد درجة .. يجيك بزر يقعد عند رزتك و يطالع في العسكريم .. و القهر انه ما يتكلم .. بس يطالع فيك :blackeye:
يسود مزاجك .. و تلعن الساعة الي سقطت فيها بغداد تحت يد الاحتلال .. و تدق السلف و تشتري له واحد على حسابك :31: ..

و شكرا على الموضوع بوسهلة ^^

ياخي انت معجزة زمانك.. انت ولا نوستراداموس.. انت ايه ولا ايه..
انت قول امين بس يا بن زيرو..

على ذكر البراءة ووقتها فمعاك حق.. وكل الحق معاك.. :blackeye:
ياخي البراءة ما تطلع فيهم الا والواحد معاه شي حلو.. :02:


وشرفتنا بالموضوع يا بيه.. ربنا يخليك لنا ولعيالك عدنان ولينا.. :196:

الا اخر كلمة.. من وين طلعتها >.>!

[7_Dark Soul]

على طاري البزارين .. ما يرفع ضغطي اكثر من البراءة في الأوقات الغلط :196:
يعني تخيل انك تاكل ايسكريم من باسكن روبنز .. مبسوط و منتشي لابعد درجة .. يجيك بزر يقعد عند رزتك و يطالع في العسكريم .. و القهر انه ما يتكلم .. بس يطالع فيك :blackeye:



اخخخخخخخ.... ياما كدنر بوينو و ايسكريم من باسكن روبنز طار علي في ذي المواقف..... احيانا ما ادخل البيت الا اذا كلتهم....:blackeye:



وهذا تحسبه وايد >.>
عدنا واحد إلي يمر عداله يقول يا ولد *a big PEEEP* وإنت *PEEEP* وعمره حوالي الست أو سبع سنوات:31:



عادي.....قالولي لي العيال من قبل.... و سو لي بعد حركة..(010) اذا كنت تعرفها...x__x

[Angel whisper]

على طاري البزارين .. ما يرفع ضغطي اكثر من البراءة في الأوقات الغلط :196:
يعني تخيل انك تاكل ايسكريم من باسكن روبنز .. مبسوط و منتشي لابعد درجة .. يجيك بزر يقعد عند رزتك و يطالع في العسكريم .. و القهر انه ما يتكلم .. بس يطالع فيك :blackeye:
يسود مزاجك .. و تلعن الساعة الي سقطت فيها بغداد تحت يد الاحتلال .. و تدق السلف و تشتري له واحد على حسابك :31: ..

و شكرا على الموضوع بوسهلة ^^
والله لو يطالعوني من اليوم الين السنه اليايه ما عطيتهم (&)
اصرف عليهم انا؟
يسيرون عند امهم وابوهم يشترولهم :196:

[Justine]

على ذكر البراءة ووقتها فمعاك حق.. وكل الحق معاك..
ياخي البراءة ما تطلع فيهم الا والواحد معاه شي حلو..

لا تراها مجربة و معترف بيها من ايام القيصر البقدونسي :11:

حتى الي تشوفه ملاك طاهر و خجول و من ظله .. بس لوح له بالريال ( الدرهم في حالتكم ) و راح يعتبرك اقرب من ابوه :tongue2: ..


الا اخر كلمة.. من وين طلعتها >.>!
و الله .. انت مرة كتبتها يا صاحبي .. هل هي taboo في قاموسك >.>

- - -


ياما كدنر بوينو و ايسكريم من باسكن روبنز طار علي في ذي المواقف..... احيانا ما ادخل البيت الا اذا كلتهم....
هذه هي الأصول يا زميل :biggthump

- - -


والله لو يطالعوني من اليوم الين السنه اليايه ما عطيتهم
اصرف عليهم انا؟
يسيرون عند امهم وابوهم يشترولهم

هي دي الأصول بعد =_= .. لكن تخيلي انه بلغ عنك (&) .. وين تودي يور فيس بعدين :11:

[Angel whisper]

هي دي الأصول بعد =_= .. لكن تخيلي انه بلغ عنك (&) .. وين تودي يور فيس بعدين :11:


ياخي عادي .. هم غاسلين اياديهم already
هم يدرون اني مب ويه تعامل عدل ويا يهال
no body asked them to let their stupid children approach me

[.Atlas.]

ماعمري دشيت حضانة :31:
بس تذكرت مواقف مؤلمة صارت لي بالمدرسة -__-

مادري شنو الصلة :S

[Yamato]

و الله .. انت مرة كتبتها يا صاحبي .. هل هي taboo في قاموسك >.>
لا لا.. على كلامك تذكرت الموضوع.. (موضوع محبوس عن الاسامي) @_@
مش تابو ولا حاقة.. بالعكس ربعي ينادوني به.. >.>


ليتل انجل.. بنت ويسبر تقربلج ولا حاقة.. <_>!
حضانة مدرسة جامعة.. كله واحد.. ._.
ما شاء الله ما دشيتي حضانة.. عيل انتي جينيوس سبقت عصرها وزمانها وجعلت الحضانة ورائها

[BOOOB_2002]

احم مش معقول ياماتو حبيب قلبي كاتب موضوع !! :afraid:


على فكرة يا صاح في كلمات ما فهمتها بموضوعك :p عشان كذه اتكلم بالفصحة لو سمحت :196:

أنا ما دخلت روضة وانا صغير على طول ابتدائي :o

وانا من النوع اللي يحب الأطفال اللي توهم صغار صغار يعني توهم ما يمشون احب افغص خدودهم :06:

اما لو كبر الولد وصار عفريت فما أحب اقعد معهم اكثر ن ساعة لأن راسي يصير كذه :11:

كثر من هالمواضيع يالمعصقل :D

[Yamato]

بوووب.. ايها الرفيق..
سوري.. ما انتبهت انه بعض كلماتي ما تنفهم.. (محسوبك مش متعود عالمواضيع)
ان شاء الله المرة الجاية بجهز دكشنري لهجات.. :196:

وتعالو.. كيف مب داشين روضة.. هي فوضى ولا فوضى.. انا اطالب بان يرجع كل من لم يدخل الروضة بسنة اجبارية فيها.. :jap039:

وايضا.. ليش انا اكثر مواضيع.. وين مواضيعك انت.. وين المجلة.. :33:

[BOOOB_2002]

بوووب.. ايها الرفيق..
سوري.. ما انتبهت انه بعض كلماتي ما تنفهم.. (محسوبك مش متعود عالمواضيع)
ان شاء الله المرة الجاية بجهز دكشنري لهجات.. :196:

وتعالو.. كيف مب داشين روضة.. هي فوضى ولا فوضى.. انا اطالب بان يرجع كل من لم يدخل الروضة بسنة اجبارية فيها.. :jap039:

وايضا.. ليش انا اكثر مواضيع.. وين مواضيعك انت.. وين المجلة.. :33:

حلوة ذي سنة اجبارية :D بس ياليت تعرف ليش؟ لأنها بتكون مختلطة XD :09:

واي مواضيع ومجلة تتكلم عنها ! :31: هالزمن ولى خلاص يكفي الردود وتخب على المنتدى المميت :biggthump

[ميستي]

هلا وغلا
موضوعك حلو..وصدق مافيه اجمل من براءة الأطفال
بس تحس انهم ازعاج بزيادة..ولا انا في المناسبات العائلية

اجمع العيال واجلس اقص لهم قصص ولا أسولف معاهم^^وناسة
اما اخواني 2 صغار..دايم هواش معاهم..صدق اننا نحب بعض ونلعب
بس ياكثر مانتهاوش

ولا أيام طفولتي..يوم سجلوني بالروضة..حتى سنة ماخذت..بس كانت ايام
عصيبه..كنت طيبه حيل..وكانو يلعبون فيني لعب

يوم عرفو اني احب الموز..قالوا لي بتصيرين موزة يوم القيامه..وانا اقول
مستحيل..بس كنت اتخيل المنظر(الأبلة كانت دايم تتكلم عن يوم القيامة*الجنه*النار)
تقول انه يوم مرعب..وانه يصير كذا وكذا

وانا الرعب عندي ظلام..اتخيل مكان أظلم وفيه ناس واجد وانا موزه بس كبيرة:(
جاتني عقده منهم..حتى صرت ما اعرف ادافع عن نفسي..كلهم علي..


الله على الذكريات..بس صج الأطفال حلوين وخفيفين دم..بس يبغالهم رعاية ووقت

[Lena]

اللللله

موضوعك يهبل والله..

احب هالسوالف..البزراين والself impressions







لكن اصبر الغريب انه من ياماتو@_@ مبروكيشن ههههههههه يبغالها هدية ذي



وايه صح اسفه عالتاخر في قراءة الموضوع توني امخمخ من يوم رحت للقصيم><

موضوعك نزل في وقت الازمة











يعني شو احساسكم لما تكونو في بيئة موبوءة مليئة بالصغار..

انا من الداخل اكون كذا :jap011:






:jap031:are you asking me
ewh i love the children so much
يعني قمة المتعة اني اناظر تجمع البزران
ولا بعد انط وسطهم والعب فتحي يا ورده سكري يا وردة XD
..مدري يمكن التركيب النفسية الي عندي غير..بس من المخلوقات المحببه لي هي الاطفال ..
كذا شي فطري بدون تفسير:jap018:










اضافة الى موضوع اخر يمكن الاساسي الله اعلم..

اكيد الكل عنده عيال اخ او اخت او حتى اخوان صغار في مرحلة الروضة..
السؤال هنا.. هل امهم او ابوهم ياخذونهم للروضة ولا الموضوع راجع للسواق والخدامة.. لاني في الجريدة اقرا عن اهمال الاهل للاطفال وجعل الخدم يقومون بالمهمة..
بس عن نفسي لما رحت المدرسة هذي ما شفت مثل هالكلام.. اكثر شي الامهات موجودات مع اطفالهن..
اضافة الى انه في الشارع الثاني مدرسة ثانوية.. والملاقيع كل واحد جاي بسيارة خاصة به :jap011:








هممم مالي باع كثير في الموضوع
عيال اختي احيانا نادره يوديهم ابوهم
وغالبا امهم مع السواق..

وش فيه السواق؟؟

عشت طفولتي كلها يوديني سواقنا محمد ابو فحطة مرعبة عالصبح :jap053:

[Yamato]

هلا يا مسز ميستي..
الاطفال بريئين اذا كانوا (واحد فقط لا غير) تعالي وشوفي اثنين شو يسوون @_@

اتخيلتج وانتي موزة.. لووول.. موزة تمشي في الشارع.. وناقصها اخوها رشود..
وشرفتينا بالموضوع سيستر... الحين سيري دوري على بيكاتشو شوفي وينه هو :joke:


قطوة المنتدى..
قلتي هدية.. وين ما شفت شي ._.
وروحة القصيم استوت سالفة.. انتي رحتي تحششين هناك ولا شلون.. :joke:

انا لما طرحت السؤال كنت منزعج من مسالة انهم صغار وانا كبير والا في الاساس انا احبهم.. وعيال اختي دايما العب معاهم.. بس اليوم كرهت نفسي بشدة.. الصغير اللي وديته للحضانة.. اليوم ضربته على رقبته ضربة قوية.. والله اني ندمت على اني مديت ايدي عليه T_T
بس المشكلة اللي يشاغب لازم يتادب شوي..

وانتي من اليهال اللي كان عندهم سواق...... انتي دلوعة.. >.>


وشكرا لكل الباشوات والباشات اللي شرفوني هنا..
سلام

[Lena]

قطوة المنتدى..

i like this name ._. alot



قلتي هدية.. وين ما شفت شي ._.
كنت مريضة ماقدرت اسوي شي :jap015:
(حلوة التصريفة)



وروحة القصيم استوت سالفة.. انتي رحتي تحششين هناك ولا شلون.. :joke:

شلون يعني ><؟ ههههه



انا لما طرحت السؤال كنت منزعج من مسالة انهم صغار وانا كبير والا في الاساس انا احبهم.. وعيال اختي دايما العب معاهم.. بس اليوم كرهت نفسي بشدة.. الصغير اللي وديته للحضانة.. اليوم ضربته على رقبته ضربة قوية.. والله اني ندمت على اني مديت ايدي عليه T_T
بس المشكلة اللي يشاغب لازم يتادب شوي..
i see
وايه طق الاطفال شي يعور القلب..قد طقيت لولو الصغيرة :jap053: بس والله هي قليلة ادب وترفع الضغط




وانتي من اليهال اللي كان عندهم سواق...... انتي دلوعة.. >.>

ليه دلوعة؟T_____T
بالعكس اكسر الخاطر
ماحسيت بشعور اب او ام توصلني
شي دافيء ومليء بالحنان اعتقد
اجل كل يوم اصبح على ريحة الثوم حقت السواق ._. تهؤ؟؟وين الدلع؟؟

[Darkness withiN]

السـلام عليكم ورحمة الله وبركاتــه
كـــــــل عام وأنت بألف خير يافتى الفتيان وسيد الشيبان وقاهر الضبان..عيدك مبــارك

--

ذكرتني ياخي..بحاول أفضى وأشرف إختي الصغيرة بحضوري في روضتها:D
كل خواتي الي اصغر مني كنت أحضر بعض المرات لروضتهم لأرجعهم البيت يوم أخرج من المدرسة لموعد أو غيره ماعدا هالإخت لإن مافضيت

بصراحة شعور جميل..ويوم تشوفهم متعلقين فيك وفخورين,وأنا على قولك مثل ناطحة السحاب بين كل هالزحمه ههههه..بس قمة الإحراج يوم تدور على واحد من خوانك ويكون مع الأبله أو تلقاه ضايع بالروضه وكل الي فيها حريم وعليك تعمل إستجواب

هي يمين وأنا صاد يسار أكلمها:blackeye:


--

أطيب تمنياتي لك بكل خير يالدب..أخيراً شفنا موضوع من الحج ياماتو^^
في أمان الكريم

[Yamato]

i like this name ._. alot



كنت مريضة ماقدرت اسوي شي :jap015:
(حلوة التصريفة)


شلون يعني ><؟ ههههه


i see
وايه طق الاطفال شي يعور القلب..قد طقيت لولو الصغيرة :jap053: بس والله هي قليلة ادب وترفع الضغط



ليه دلوعة؟T_____T
بالعكس اكسر الخاطر
ماحسيت بشعور اب او ام توصلني
شي دافيء ومليء بالحنان اعتقد
اجل كل يوم اصبح على ريحة الثوم حقت السواق ._. تهؤ؟؟وين الدلع؟؟

وهذي لكي في يوم العيد عسى تفرحين بها :jap037:

http://www.gutenberg.org/dirs/1/3/6/4/13648/13648-h/images/277.gif

وخلاص سامحناك ما نبي هدية.. انا عطيتج الهدية.. (انظري الصورتا فوقتا)

وعلى قولتج.. يعور القلب فعلا مرفوع به.. بس لزوم التربية.. :jap039:


الى ظلام المنتدى..
لقد اظلمت على موضوعي بحركتك (عدم النسخ) انا ويهي كذا الحين.. :jap011:
المهم..
كل عام وانت بخير يا ألبي وروحي وبقبق عيني.. (تابع مجلة ماجد قصص كسلان جدا من سنة كحكح علشان تعرف السالفة)
ما شاء الله عندك شلة من الاطفال وراك.. <<<< وخروا عنه موبوء هذا.. :afraid:




وشكرا لكل الباشوات والباشات اللي شرفوني هنا..
ما اظني الفكرة وصلت المرة الاولى.. :blackeye:

[Darkness withiN]

الى ظلام المنتدى..
لقد اظلمت على موضوعي بحركتك (عدم النسخ) انا ويهي كذا الحين.. :jap011:
المهم..
كل عام وانت بخير يا ألبي وروحي وبقبق عيني.. (تابع مجلة ماجد قصص كسلان جدا من سنة كحكح علشان تعرف السالفة)
ما شاء الله عندك شلة من الاطفال وراك.. <<<< وخروا عنه موبوء هذا.. :afraid:

إهئء...تصرفني برع موضوعك ياحج..:sad2:
وإنت بصحة وسلامة وخير ياروح ألبي وبطيخة جوفي ونور عويناتي<عيناي> الثنتين <الإثنتان>

خخخخخخخ على طاري الأطفال؟..الله لايوريك اليوم
تخيل رايح المجلس ببيت جدي وكل الناس لابسين شمغ وغتر..حتى الأطفال الي جو يبوسون فيني ويعطوني عيادي..ومحسوبك الوحيد الي فالها لاشماغ ولا غتره ولابطيخ وبطبخه

أحلى عيديه...حلاوة كرز من ولد عمي أبو كشه وشعر فلافل من الي يحبه قلبك

متى يصير عندي ورعان صغارون..:blackeye: <عقبالك