المساعد الشخصي الرقمي

مشاهدة النسخة كاملة : الجهاز و القطع صيانة البلايستيشن في مركز خدمات سوني


luisfigo1986
26-10-2005, 07:49 PM
السلام عليكم

كيفكم شباب
انا عندي استفسار وياريت اللي عنده معلومة يساعدني
انا ابغير عدسة البلايستيشن موديل جهازي 39004
كنت ابغيرها عند محلات (مركز خدمات سوني) ويعتبر هو المحل الوحيد المعترف به من الشركة والمهندسين اللي فيه مهندسين يعني مو مثل اللي في المحلات الثانية
بس بعض الشباب قالو لي انهم يشيلوا قطعة المودشيب من الجهاز
فهل هذا الكلام صحيح
http://www.mee.com.sa/images/Home/ServiceTL.gif


والشي الثاني هل موديل جهازي يستحق اني اغير له العدسة وهو صناعة يابانية والبعض قالو ان الصيني احسن

كتبت هذا الموضوع لانه لم يذكر من قبل وكل المواضيع التي ذكرت كانت عن صيانة البلايستيشن
بنفسك ولكن عندما يكون من الصعب صيانته فلابد ان نلجأ الى اهل الخبرة
ولان اغلب المحلات اصبحت تستغل المنتجات التجارية وتبيعها على انها اصليه
وربما الكثير منكم من تفاجأ عندما يخرب جهازة ولم يمر سوى شهر او شهران على تغيير العدسة

فارجوا ممن يعرف في هذا الموضوع شيئا ان يفيدنا


هذا موقع مراكز خدمات سوني
http://www.mee.com.sa/customer/serviceCentersW.asp


تحياتي للجميع
Frank Jeager
27-10-2005, 10:30 AM
موديل جهازك مضبوط، ومايحتاج تبدل العدسة من عند الوكيل بدلها في اي محل بلايستيشن وصحيح اذا الجهاز قيه مودشيب ممكن يسوون لك سالفه لانها غير شرعيه
النورس المعلا
28-10-2005, 03:22 AM
حرام اتهام الناس بدون ذليل

الله يعلم بهم

ارجو اختيار الكلمات المناسبة عند التحدث على اي محل
luisfigo1986
28-10-2005, 06:21 PM
حرام اتهام الناس بدون ذليل

الله يعلم بهم

ارجو اختيار الكلمات المناسبة عند التحدث على اي محل


والله يا اخي لو شفت اللي يحصل عندنا في محلات البلايستيشن ماكان قلت هذا الكلام
خصوصا في السعودية في المنطقة الغربية (ماتعاملت في مدن غير الغربية )

90% من المحلات يدعون ان لديهم مهندسين ولكن للأسف واكبر دليل لو تسأل اي محل ماعنده الا جملتين
1- تنظيف العدسة
2- لازم نغيرلك العدسة عدستك مرة تعبانة

ونادرا ما تلاقي محل عنده مهندسين خبرة يعني يفهم مشكلتك

وانا يا اخي لا اقلل من المحلات والمهندسين ولكن ليس كل من ادعى العلم عالم

وبالنسبة لي انا ما اتخذ اي خطوة الا قبل استشارتك او احد الاعضاء الفاهمين
لانهم احسن من محلاتنا
تحياتي
Frank Jeager
28-10-2005, 06:25 PM
اذا هذي حالتكم صير مهندس نفسك اكتشفها بنفسك ، just like us
AZPC
29-10-2005, 11:55 PM
اذا هذي حالتكم صير مهندس نفسك اكتشفها بنفسك ، just like us

صدقني هذه كانت بدايتي حتى اصبحت مهندس PS2 ... :أفكر:

لا تذكرني بالايام العصيبه :31: الي كنت اقعد 6 ساعات متواصله وانا مع السوني اجرب فيه :afraid:

...

يا اخي انت جهازك مظبوووط وصناعه يبانية .. وش الي ناقصك !!
Frank Jeager
30-10-2005, 12:38 AM
صدقني هذه كانت بدايتي حتى اصبحت مهندس PS2 ... :أفكر:

لا تذكرني بالايام العصيبه :31: الي كنت اقعد 6 ساعات متواصله وانا مع السوني اجرب فيه :afraid:

...
!!
انا اخترب جهازي اللي قبل من هالسالفة ما رحمته :blackeye:




يا اخي انت جهازك مظبوووط وصناعه يبانية .. وش الي ناقصك

تسألني أنا ؟ :D لا الحمد لله مو ناقصني شي لكن الاخ يبي يبدل الليزر ومتحير
luisfigo1986
30-10-2005, 05:24 PM
لما وديت جهازي لاكثر من محل قالو الصيني احسن من الياباني
والله حالة

ومن متى كان الصيني احسن !!
واحد المحلان عرض يشتري مني بـ 250 ريال !!
قالي واعطيك صيني جديد وازيد له 800 ريال

والله بغيت افتح راسه بالصيني اللي فرحان فيه

نرجع لمحور حديثنا

انا رحت لمركز خدمات سوني وقلت له ابغى عدسة وقلتله لا تفك اي قطعة غير العدسة

بعدها ابتسم ابتسامة صفراء وقال لي ممكن ما يشيلها المهندس اذا كانت خربانة
(والله شكله ناوي عليها)

فالحل الوحيد اني افك المود شيب قبل ما اعطيه اياها
بس كيــــــــــــــــــــــــــــــــــــــــف؟؟
Frank Jeager
30-10-2005, 06:14 PM
لما وديت جهازي لاكثر من محل قالو الصيني احسن من الياباني
والله حالة

ومن متى كان الصيني احسن !!
واحد المحلان عرض يشتري مني بـ 250 ريال !!
قالي واعطيك صيني جديد وازيد له 800 ريال

والله بغيت افتح راسه بالصيني اللي فرحان فيه



:D :D :D
الصيني أحدث من الياباني هم من نفس المصنعين لكن سوني نقلت مصنعها من اليابان للصين لتقليل التكلفة فـ مافي مشكله :09: بس بياخذ الجهاز بـ250؟ والله ظلم :31: بيطلع قيمة جهازك دبل السعر هذا بيطلعه بس في مدخل الـيدات :ciao: انا مصلح هذي القطعه طلعت علي بـ150 بدون السلك مالها.. قلت له السلك بـكم قال بـ100 ، أقول روح له واصفعه وخل جهازك سبير بارت ولا تبيعه بهالسعر.



انا رحت لمركز خدمات سوني وقلت له ابغى عدسة وقلتله لا تفك اي قطعة غير العدسة

بعدها ابتسم ابتسامة صفراء وقال لي ممكن ما يشيلها المهندس اذا كانت خربانة
(والله شكله ناوي عليها)

فالحل الوحيد اني افك المود شيب قبل ما اعطيه اياها
بس كيــــــــــــــــــــــــــــــــــــــــف؟؟

آبوها لابو أبوها من خدمه :blackeye: شلون مهندس مايقدر يبدل عدسة !!!! ، المهم اسمعني اشتر الليزر عن طريق النت أو من الوكيل هذا وركبه بنفسك ولا تعتمد على هالـ بقر :31: والمودشيب اذا فكيتها بتنزع تقريبا 20 سلك وبعدين اذا رجعت الجهاز بتركبهم مرة ثانية ما تسوة عليك
luisfigo1986
31-10-2005, 05:17 PM
الله يعطيك العافية اخوي frank وفعلا كلامك مظبوط

تحياتي
layon
09-06-2006, 03:50 PM
السلام عليكم أريد المساعدة عندي جهاز بلايستيشنps2 صغير الجهاز يشتغل لكن الصورة لاتظهر
layon
12-06-2006, 09:12 PM
السلام عليكم أريد المساعدة عندي جهاز بلايستيشنps2 صغير الجهاز يشتغل لكن الصورة لاتظهر وشكرا
عندي جهاز ps2 صغير لمن بركب التشب مابتشتغل وبتضرب العين القطعة m-chip7 cp-688وشكرا