المساعد الشخصي الرقمي

مشاهدة النسخة كاملة : عام ســاعدنوني ياشبااااااب


المحتـــــار
16-10-2001, 04:46 PM
السلاام عليكم
مرحبــا شباب
انا يا شباب شريت البلاي ستيشن 2 (ntsc/uc) وقالوا لي
انه يشغل أفلام الدي في دي
بس انا شريت فلم دي في دي وما أشتغل عليه
ونظام الفلم بال
وفيه قطعه اسمها all code dvd card شفتها في موقع الألعاب العربي
وسؤالي هو هل هذي القطعه نزلت والا لأ
وهل هذي القطعه تشغل أشرطة الدي في دي البال على الان تي سي
لأن كل الدي في دي اللي هنا بال
وما فيه ان تي سي

لأن فيه قطعه لقيتها في السوق وجربتها وما فيه فايده ما يشتغل شي

وسلامتكم,,,,,,,,,,,,,,,,
المحتـــــار
19-10-2001, 12:24 AM
وينكم يا شباااااااب
والا عشاني عضو جديد
تكفوووون علموني وش السالفه
لأني أبي أشغل الدي في دي على الجهاز
Gladieator
19-10-2001, 12:32 AM
هلا والله المحتـــــــار ....



بالنسبة للقطعة أنا شايف وحده في محل النسر اللي بالشرقية وهي تركب جميع أنظمة الدي في دي المختلفة على البلاي ستيشن 2 ...


لكن ماجربتها والله , بس على ذمة صاحب المحل انها تشغل الأفلام بمختلف أنظمتها ....


وأنا ناوي أشتريها انشالله ....



القطعة أصلية وتركب على الجهاز الـ NTCS الأمريكي ....



ولك تحياتي أخوي ....





.........
المحتـــــار
19-10-2001, 12:43 AM
شكرا أخوي (( جلادييتر )) والله اني اقدر هالفلم
بس أخوي انا في الرياض وما فيه محل الا وسألته
وكل واحد يقول ما عندي فكره عنها .
ياليت اذا كنت تعرف انت والا واحد من الاخوان الاعضاء
تقولون لي
الا على فكره ايش اسم القطعه ؟؟؟؟
Gladieator
19-10-2001, 12:59 AM
هلا والله ...


العفو أخوي ....


والقطعة والله ماني متذكر إسمها الحين .....

بس يمكن يكون All Reagion DVD codes أو شي مثل كذا ....وإذا حاب أتأكد لك , بكرة أروح للمحل وأجيب لك الأسم الكامل .... ولايهمك ....


والله الرياض أنا ماأعرف فيها شي ....



ياليت أحد الأخوان اللي ساكن بالرياض يقدر يساعدك .....



ولك تحياتي أخوي .....



..........
المحتـــــار
19-10-2001, 01:03 AM
يلموني فيك يا (( جلادييتر ))
بس فضلا لا أمرا إذا رحت تسأله عن اسم القطعه
اسأله وين يبيعونها في الرياض

واكون شاكر لك ومقدر
Gladieator
19-10-2001, 01:11 AM
هلا والله ...



خلاص ولا يصير خاطرك الا طيب .... بكره بجيب لك الخبر اليقين انشالله .....


ولك تحياتي ...




........
المحتـــــار
19-10-2001, 08:14 PM
هاه
بشــــر اخوي (( جلادييتر))
وش صار ............
محمد 77
19-10-2001, 08:24 PM
ليش ما تشتريها من النترنت (24 ساعة و تكون واصلة9
من موقع www.amazon .com
المحتـــــار
19-10-2001, 08:32 PM
مهبول انت يشتري لي شي ابوي عن طريق الانترنت
بس ان شا الله الاخ (( قلايدييتر )) والا واحد من الشباب
يعلمنا اسم القطعه ووين تنباع في الرياض وبكم سعرها ...
Gladieator
19-10-2001, 09:40 PM
هلا والله المحتـــــار .....


معليش تأخرت عليك ..... والله مارحت له الا بعد صلاة العشاء ....



المهم ,,,,

رحتلك المحل وجبت اسم القطعة ...

القطعة إسمها :

DVD region X

وعلبتها زرقا مثل علبة الجيم شارك , وسعرها حوالي 220 ريال ( أصلية ) ..


وبالنسبة اذا كانت موجودة بالرياض , سألت الهندي وقالي بالحرف الواحد : والله انا مافي معلوم في موجود ولا لا في رياض ...:)

بس أنا أذكر ان محل النسر لهم فرع بالرياض , ليش ماتسأل هناك , ترى عندهم كل شي ....


وسامحنا على القصور , وأي خدمة ترانا نعين ونعاون لا يردك الا لسانك ....


ولك تحياتي أخوي ....
squall 911
19-10-2001, 10:01 PM
طيب ليش ما تشوف في الجزيرة دايما يكون عندهم كل شي يتعلق في السوني بس ما بعطيك جواب أكيد
المحتـــــار
21-10-2001, 10:53 PM
شكرا اخوي (( جلادييتر ))
بس انا رحت محل ولقيت عنده قطعة دي في دي
وعلبتها زرقا بس لما جربت اشغلها ما أشتغل الفلم
ونظام الفلم بال ونظام الكمبيوتر ان تي سي
أرجوووك ساعدني
وانا داري اني تعبتك معاي

......
Gladieator
21-10-2001, 11:18 PM
هلا والله المحتار ....


شدعوه يخوك ولا تعب ولا شي ....



القطعة والله ماجربتها للحين , بس شفتها من برا .... يعني والله ماعندي أي فكرة عن طريقة تشغيلها ولا الأفلام اللي تركب عليها ....:(


انا ناوي أشتريها انشالله قريب , لأن عندي أفلام كثيرة بال وودي أشغلها على جهازي ....



والله انا حاس بشعورك ومثلك مبتلش بهالأفلام , بس وش نسوي , الشكوى لله ....



معليش ماقدرت أفيدك بشي , لكن ماباليد حيلة ....


ولك تحياتي ......




.............
المحتـــــار
22-10-2001, 04:25 PM
هاه بشر اخوي (( جلا دييتر ))
شريت القطعه والا لأ ؟
اشتغلت والا لأ ؟
تكفى ساعدني وفك ازمتي