حلمنتشي في سطور

[حلمنتشي]

ترى المخدرات موب زينه

لاتطلع للشارع ترى يجيك حمار القايله

لاتحفظ جدول الضرب لأن اللي يضرب الناس لازم ينضرب

لاتماشي مضحي وصنيدح وجفين لأنهم يشربون دخان تحت الدرج

^
^
^
هذي الجمل اللي فوق كانت اللبنة الأساسية لتكوين شخصيتي ( منتب عاقل يافيكتوريا ):D حيث ان الوالده كانت تخليني ارددها كل صباح قبل ان اتناول جرعتي المفضله من الحليب لانني كنت في وقت المهاد ومنذو ذلك الحين وانا حافظ هالكلمات عن ظهر قلب مدري بطنه .


( اظن ان الفصحي ميب راكبه علي خلوني اكلمكم بالعاميه اصرف لي واصرف لكم ورحم الله شخص عرف قدر نفسه )

اللي ابي اوصله لكم من خلال هذا الموضوع اني اول مرة اكتب معكم هنا وبما انها المرة الأولى حبيت اني ازعجكم وادوخكم بمقتطفات من سيرتي الذاتيه وطموحاتي المستقبلية :D

حيث اني كنت منحوس من البداية لأنه في يوم ولادتي بدأ صدام حسين بحربه مع ايران ويوم وصل عمري ست سنوات طلق فدغوش بنت خالتي حصيصة وفي اليوم اللي بلغت فيه خربها ابو عدي وهجم على الكويت وعندما وصل عمري مقتبل شبابي وعنفوان رجولتي مات جدي دليم وبعد ماخلصت من الثانوية دخل اخوي دورة عسكريه في حفر الباطن مدتها ست شهور وصرت طوال هالفترة انا اللي اتقضى للبيت اللي يبونه من البقالات والاسواق وعندما بدأ شنبي بالظهور على شاشة وجهي بدأ في داخلي احساس اني صرت رجل واقدر اغازل بدون مااخاف من احد وقدرت ولله الحمد على ترقيم وحده في سوق الغنم كانت حاطه فوق راسها البرسيم واتفقت معها على ان اكلمها الساعه 7 المغرب لان اهلها ينامون الساعه خمس العصر مثل الدجاج هههههههههههه وعندما كنت انتظر عقرب الساعه الصغير يوصل لثنعش وعقرب الساعه الكبير يوصل لثنعش بعد الا اعلنوا في القناة الأولى قيام امريكا بحربها ضد العراق وتجنيدي اجباري ( نصاب اصلا السعوديه مافيها اجباري خخخخخخخخخخخخ)

هذي هي قصة النحس اللي لازمني منذو مبطي وبعد ماحكيت لكم عن النحس احب ان اعرفكم على نفسي علشان نتعرف على بعض عن قرب ونزيل الحاجز اللي بيننا ونعلم العالم اجمع بأن نادي النصر الظاهر انه موب جايب بطولات الا بعد الحرب العالمية الرابعه:D /

@الأسم / للحين متمشكل مع جيرانا على الاسم يبون يسمون ولدهم مثل اسمي وانا رافع عليهم قضية خخخخخخ

@ العمر / مدري بس لي مدة انام عند اهلي حتى انهم طفشوا مني واعلنوا في الجرايد اني من اصحاب الفكر المنحرف علشان يصرفوني ويوم جت المباحث تبي تقبض علي شافوا حبة الخال اللي في جبهتي واطلقوا سراحي . :D

@المهنة / عاطل مع مرتبة الشرف وجربت اشتغل في كبينه تليفون لمدة شهرين ماكملت نص شهر الا اعلن صاحب الكبينة افلاسها وتمرمطت في الشوارع ابحث عن لقمة رزق نظيفة ( لقمة رزق ماتقرب لأمينة رزق ابد ابد ) :D
@ العلامة الفارقه /
1_فلقه في نص الجبهة من خالد ناصر يوم كنت ابي آخذ فسحته :D
2_حولان في العين اليمنى بعد ماقبعت بماصورة يومي اطرد فأر الحقل في المقلط
3_ رجولي الثنتين كلهن يسار :D
4_ مسمار ناشب في خدي اليمين من ايام الجاهليه ومفك عجل رابطه في اذني بالشطرطون على بالي انها تعطيني مسحة جمالية :D

@الطموحات /
1_ ان اقدر احصل على اسئلة مسربة لمادة الفنيه للصف الرابع الليلي لأن جفين له اربع سنين وهو يعيد في رابع ليلي بسبب هالمادة :D
2_ ان تلتفت لي حبيبة قلبي ( سهى ) بنت جارنا ابو علي صح ان ابوها غثيث وكل ماشافني يقول سلفني عشرة ريال علشان اشتري صامولي وواحد جبنة وصح ان سرواله اصفر من زود الوساخه وصح انه يشرب دخان وصح ان اسمه مرزوق لكن مايهم اهم شيء الأخلاق خخخخخخخ



قبل لاانسى احب اقول ان هذا الموضوع برعايه /
@شركة اخوي للمقاولات اللي من يوم فتحها ومافيه احد شرى من عنده ولاوقع معه عقد بس مايهم لان اخوي فاهم ان المقاولات رساله وفن وهو مايدري وين الله حاطه ههههههههههههههه

@ عصيرات ( اشرب ولاتهتم **وان اعطيناك قل تم )

@ جوال مميز للبيع خخخخخخخخخخخخخخخخخخ

<--- اقلب وجهك انت وموضوعك ياحفيد تشارلتون ( ماادري من تشارلتون بس احس ان اسمه رزه :D )