إنـسـان ثـانـي
30-10-2005, 01:45 AM
من قناة M.J.TV:
ومع الاستاذ:ابو مكلج
..............
السلام عليكم ورحمة الله
اخواني واخواتي احبيباتي واحيبابي >>> سيبوه معذور :31:
هذا احد المواقف التي حصلت لي
وبالاحر..كلجة فعليه
ولا نطيل عليكم
ندعكم مع الموقف:
........
..
.
مره تواعدت مع واحد صديقي على اساس انه يتصل علي بعد ساعه...
والموعد كان مهم...
المهم...كنت جالس اتفرج(اطالع) على التلفزيون , وكنت مره نعسان على وشك النوم..وبجنبي الجوال و الريموت كنترول(بتاع الرسيفر) ...لاحظو (الريموت و الجوال) *
وعلى غفلة نمت في مكاني (في الصالة)..
جات الوالدة وصحتني قالتلي:قوم يا ولدي ونام في غرفة النوم..
على العموم..انا قمت ومرررررره مني داري عن الدنيا..
رحت وحصلت الطراحه مفروشه والمكيف على الاخر والجو يهبل
على طول رميت نفسي ورحت في احلى نومه
(ولا تنسو صاحبي جالس يستنى الموعد..)
المهم...صحيت انا من النوم في اليوم الثاني..
وقمت مبسووووط وجسمي منعنش
غسلت وجهي ووووو..الخ
بعد كذه خرجت وجلست شوي اريح..
وعلى غفلة..رن تلفون البيت...وانا عادي جدا ..بكل برائه رحت رديت
هيا خليكم معايا....:
انا: مرحبا
المتصل:سلام عليكم >>>صوته صوت واحد معصب
انا:وعليكم السلام
المتصل: يا اخي انت ما تستحي على وجهك
انا: اخ..سلامات ياطيب شكلك غلطان
المتصل:غلطان مين ..تسوي نفسك منت عرفيني
انا: لا والله ..طيب هدي انت مين..؟؟
المتصل:يابن الحلال انا (فلان) >>> اخخخخ صاحبي الي تواعدت معاه
انا: اوووه اهـ ـ ـ ـلا ...اهـ ـ ـ ـلا
صاحبي:كمان ترحبي ومبسوووط..ليش كذه....
انا: طيب دقيقه هدي من وضعك على ايه معصب>>>انا مسوي اني ناسي الهرجه
صحابي: لا ياشيخ..فين موعدنا الي امس
انا:عجيب..طيب انت ليش ما اتصلت علي..يا اخي انا اخذتني نومه
صاحبي:الله يمتحنك متصل عليك اكثر من 15 مره >>> انا وجهي صفر وقتها
انا:بس..بس والله انا كنت حاط الجوال جنبي وكمان موم على الصامت
صاحبي: يعني قصدك انا كذاب صح
انا:لا..لا..ما اقصد..دقيقه خليني اتاكد ..اروح محل ماكنت نايم
على العموم حطيت السماعه ورحت في غرفة النوم
عارفين ايش حصلت..؟؟؟؟؟؟!!!!!!!!
تصدقو ما ودي اقول..فضيحه كبيره جدا
المهم....حصلت (الريموت كنترول )بدل الجوال جنبي.
ههههههههههه
وبعدين رحت الصالة وطالعت بجنب الرسيفر حصلت(الجوال) وفيه 15 مكالمه
اخخخخخخخخ..والله احرجت وما ادري كيف اكلم صاحبي..
المهم رجعتله
خلوكم معايا...:
انا:ايوا يا(فلان)
صاحبي:ها اشبك اتاخرت..ايش صار>>>طبعا هو لسى معصب للاخر
انا:والله مدري كيف اقولك..صراحه صارتلي حركه مالها داعي
صاحبي: خلاص لا تكمل..يكفي انك خلفت الوعد
انا:طيب دقيقه اسمع الهرجة
صاحبي:طيب بسرعه لاني مني فاضيلك
انا:يابن الحلال انا امس ...>>>وحكيتله الهرجه كلها
وبعد ما انتهيت وفهمته..تصدقو جلس يضحك للاخر
يقول:والله انك دلخ من جد
لو انا مني عارف انك ..كلجاوي من جد كان ما رحمتك...المهم خلاص ما صار شي
انا: والله معليش بس زي منت عارف النوم يسوي اكثر
صاحبي:لاعادي خلاص مسامحك معاك عذرك..بس لعد تعيدها
وبعد ما انتهينا حسيت اني ..مممممممممم..مدري ايش اقول..هه
بس ما يحتاج غني عن التعريف ومعذور (ابو مكلج) كلاميا وفعليا...ماشاء الله
والسلام عليكم
ومع الاستاذ:ابو مكلج
..............
السلام عليكم ورحمة الله
اخواني واخواتي احبيباتي واحيبابي >>> سيبوه معذور :31:
هذا احد المواقف التي حصلت لي
وبالاحر..كلجة فعليه
ولا نطيل عليكم
ندعكم مع الموقف:
........
..
.
مره تواعدت مع واحد صديقي على اساس انه يتصل علي بعد ساعه...
والموعد كان مهم...
المهم...كنت جالس اتفرج(اطالع) على التلفزيون , وكنت مره نعسان على وشك النوم..وبجنبي الجوال و الريموت كنترول(بتاع الرسيفر) ...لاحظو (الريموت و الجوال) *
وعلى غفلة نمت في مكاني (في الصالة)..
جات الوالدة وصحتني قالتلي:قوم يا ولدي ونام في غرفة النوم..
على العموم..انا قمت ومرررررره مني داري عن الدنيا..
رحت وحصلت الطراحه مفروشه والمكيف على الاخر والجو يهبل
على طول رميت نفسي ورحت في احلى نومه
(ولا تنسو صاحبي جالس يستنى الموعد..)
المهم...صحيت انا من النوم في اليوم الثاني..
وقمت مبسووووط وجسمي منعنش
غسلت وجهي ووووو..الخ
بعد كذه خرجت وجلست شوي اريح..
وعلى غفلة..رن تلفون البيت...وانا عادي جدا ..بكل برائه رحت رديت
هيا خليكم معايا....:
انا: مرحبا
المتصل:سلام عليكم >>>صوته صوت واحد معصب
انا:وعليكم السلام
المتصل: يا اخي انت ما تستحي على وجهك
انا: اخ..سلامات ياطيب شكلك غلطان
المتصل:غلطان مين ..تسوي نفسك منت عرفيني
انا: لا والله ..طيب هدي انت مين..؟؟
المتصل:يابن الحلال انا (فلان) >>> اخخخخ صاحبي الي تواعدت معاه
انا: اوووه اهـ ـ ـ ـلا ...اهـ ـ ـ ـلا
صاحبي:كمان ترحبي ومبسوووط..ليش كذه....
انا: طيب دقيقه هدي من وضعك على ايه معصب>>>انا مسوي اني ناسي الهرجه
صحابي: لا ياشيخ..فين موعدنا الي امس
انا:عجيب..طيب انت ليش ما اتصلت علي..يا اخي انا اخذتني نومه
صاحبي:الله يمتحنك متصل عليك اكثر من 15 مره >>> انا وجهي صفر وقتها
انا:بس..بس والله انا كنت حاط الجوال جنبي وكمان موم على الصامت
صاحبي: يعني قصدك انا كذاب صح
انا:لا..لا..ما اقصد..دقيقه خليني اتاكد ..اروح محل ماكنت نايم
على العموم حطيت السماعه ورحت في غرفة النوم
عارفين ايش حصلت..؟؟؟؟؟؟!!!!!!!!
تصدقو ما ودي اقول..فضيحه كبيره جدا
المهم....حصلت (الريموت كنترول )بدل الجوال جنبي.
ههههههههههه
وبعدين رحت الصالة وطالعت بجنب الرسيفر حصلت(الجوال) وفيه 15 مكالمه
اخخخخخخخخ..والله احرجت وما ادري كيف اكلم صاحبي..
المهم رجعتله
خلوكم معايا...:
انا:ايوا يا(فلان)
صاحبي:ها اشبك اتاخرت..ايش صار>>>طبعا هو لسى معصب للاخر
انا:والله مدري كيف اقولك..صراحه صارتلي حركه مالها داعي
صاحبي: خلاص لا تكمل..يكفي انك خلفت الوعد
انا:طيب دقيقه اسمع الهرجة
صاحبي:طيب بسرعه لاني مني فاضيلك
انا:يابن الحلال انا امس ...>>>وحكيتله الهرجه كلها
وبعد ما انتهيت وفهمته..تصدقو جلس يضحك للاخر
يقول:والله انك دلخ من جد
لو انا مني عارف انك ..كلجاوي من جد كان ما رحمتك...المهم خلاص ما صار شي
انا: والله معليش بس زي منت عارف النوم يسوي اكثر
صاحبي:لاعادي خلاص مسامحك معاك عذرك..بس لعد تعيدها
وبعد ما انتهينا حسيت اني ..مممممممممم..مدري ايش اقول..هه
بس ما يحتاج غني عن التعريف ومعذور (ابو مكلج) كلاميا وفعليا...ماشاء الله
والسلام عليكم