|| Elfen Lied .. رائـع .. لـكن تجـاوز الـخط الأحـمر ! ||

[Homeless]

السلام عليكم و رحمة الله و بركاته .. :)

كيف الحال جميعاً ,, ان شاء لله تكونون بخير ^_^

عندي لكم تقرير بسيط ..

أتمنى ينال رضاكم .. :uicon10:

××××××××××

http://www.elfenlied.net/wall/wall16_resize.jpg (http://www.elfenlied.net/wall/wall16.jpg)

|| معلـومات ||


الاسم : Elfen Lied

الاسم الياباني : エルフェンリート

نـوع الانـيمي : مسلسل مـكون من 13 حلقة .. ^_^

الموقـع : http://www.elfenlied.net

تـصنيف الانيمي : دراما / أكشن / عنف / و فيه رومانسية بعد XD..

سنة الانتاج : 2004

الفئة العمرية : 18+ .. لاحتوائه على الكثير من اللقطات الدموية + و الصور المخلة .. ><"

××××××××××

|| القصــة ||


تحكي عن فئة من المخلوقات تسمى " diclonius " .. تتميز بوجود قرنين في الرأس ..

و قــوى رهيبة للـقتل .. عن طريق أيادي خفـيــة ..

و يبدأ الانيمي عندما تهرب Lucy ( وهي احد الـ diclonius ) من مختبر الابحاث العلمية طبعا المشاهد عبارة عن مجزرة << لمحبين العنف :09: ..

و ينتهي بها في المطاف في القرية اللى يعيش فيها Kouta ..

لتبدأ قصة رائعـة و دراما أروع .. :)

ماهـو الرابـط بيـنهم ؟ .. ماهـو سبب تعلقهم في بعض ؟ ..

ايـش هـو ماضـيـهم .. ؟

هـل كـان حـب أو كراهيـة .. ^^

تابــع الإنـيمي .. و تـلقـى الأجـوبة .. :D

××××××××××

|| الشخصــيات ||

http://www.elfenlied.net/chara/nyu.gif

lucy // Nyuu

لـها شخصيتين :

* الأولى - Lucy - تـكون فـيها قاتلـة .. تـعـيش للـقتل و بـلا رحمة ..

و سبب هذا شي هـو كرهها للـبشر .. كونـها من فئة الـ " diclonius " المنبوذة من الناس ..

* الثانية - Nyuu - وتكون في هذي الشخصية قمة في البراءة و الطفولة - لدرجة انها ما تعرف تقول غير اسمها :D -

طبعا الرابـط الوحيد بين الشخصيتين : حـبها لـ Kouta .. ^_^

(( و انا سمعت ان الشخصية هذي حازت على جائزة افضل شخصية نسائية لـ 2004 .. مادري لو صج :06: ))

http://www.elfenlied.net/chara/kouta.gif

Kouta

الشخصية الرئيسية .. شاب طيب .. ينتقل لمنطقة جديدة للدراسة

و هناك يلتقي في Lucy .. و يساعدها و يعيشها معاه .. و يتعلق فيها بصورة كبيرة :D

لكن الأيام راح تكشف أسرار الماضي .. !

http://www.elfenlied.net/chara/yuka.gif

Yuka

قريبة Kouta .. انفصلا منذ ايام الطفولة ..

تحبه و تغار عليه .. :09:

http://www.elfenlied.net/chara/mayu.gif

mayu

فتاة صغيرة مشردة .. هربت من بيتها لسوء تعامل زوج ابيها معها ( :196: )

تعيش على الشاطئ مع كلبها الصغير Wanta

حتى يلتقي بها Kouta .. و يأخذها للعيش معه .. ^_^



http://www.elfenlied.net/chara/nana.gif

Nana

diclonius .. يكلفها Kurama مدير مركز الابحاث بالذهاب لإرجاع Lucy .. و تقبل المهمة من أجل المدير اللي تنادي دوم ( papa ) ..

تنتهي معركتها مع Lucy .. ببتر اطرافها الاربعة .. :afraid:



http://www.elfenlied.net/chara/bando.gif

bando

عبارة عن جــندي .. أو بمـعنى أصح قاتــل !

ياخـذ فريق مكلف بمهمة ارجاع Lucy ..

لكن المهمة تفشل .. و يفقد فيها ذراعـه و بصره ..

و يبقى هدفه .. الانتقام :أفكر:


** الانـيمي لاحـظت عليـه قلـة الشخصـيات المـوجودة .. ^^

و أتـوقـع السـبـب يرجـع كونـه 13 حلقـة فـقـط ..

××××××××××


يـتـبـع :)

[Homeless]

:D



|| إيجابــيات ||

الانـيمي بصفة عامة روعـــة .. من حيث القصة ..

أو الرســوم و الألــوان الرهيـبـة .. :bigeyes:

و الـ OST أيــضا قـمـة فـي الإبـداع .. و هـو عبارة عـن معـزوفـة الـمانية ( Elfien Lied )

|| سلـبـيـات ||

الـعـنــف الشــديد ><"

و كـثـرة الـمشاهـد الـعاريـة في الـمسلسل .. :196:

اللي أشـك إن +18 راح تنفع مع الانـيمي هذا :31:

××××××××××

|| صـــور ||

http://www.elfenlied.net/screencaps/Elfenlied34.jpg

http://www.elfenlied.net/screencaps/Elfenlied123.jpg

http://www.elfenlied.net/screencaps/Elfenlied21.jpg

http://www.elfenlied.net/screencaps/Elfenlied22.jpg

http://www.elfenlied.net/screencaps/Elfenlied25.jpg

http://www.elfenlied.net/screencaps/Elfenlied24.jpg

http://www.elfenlied.net/screencaps/Elfenlied35.jpg

http://www.elfenlied.net/screencaps/Elfenlied57.jpg

http://www.elfenlied.net/screencaps/Elfenlied96.jpg

http://www.elfenlied.net/screencaps/Elfenlied98.jpg

××××××××××

|| رأيي فـي الأنـيمي <<-- أدري محد طلب رايي بس اتفلسف :09: ||

عـجـبـني فـوق الـتـصـور :bigeyes:

لـكن أرجـع و أقــول تـرى مـصـخـوها وايـــد :argh:

تـجاوزات بالهبــل ><"

يعني الرســوم و الـقـصـة 10/10

لـكن الـنهايـة الغامضـة .. مـا حـبـيـتـها ..

و أخــيراً

اذا كـنـت شفت الأنـيمي عـطني رايــك .. :)

و اذا ليـلـحين .. لا تـشوفـه أحسـن :196:


أتمنى يكون الموضوع عجبكم .. و على فكرة تراه مجهود فردي ^^"



و شــــكراً

:bye:

[Snake-87]

مشكور جدا على التقرير البسيط




اذا كـنـت شفت الأنـيمي عـطني رايــك .. :)

و اذا ليـلـحين .. لا تـشوفـه أحسـن

ليش كاتب الموضوع عيل علشام ما نشوف الانيمي
لووول ^^

[Homeless]

Snake-87


مشكور جدا على التقرير البسيط

العفـو اخـوي الغالي :D


ليش كاتب الموضوع عيل علشام ما نشوف الانيمي
لووول ^^

هعهعهع :D :09:

انا بس قاعد أبري ذمتي XD

و اللي خاطره يشوفـه ,, ماكون انا نصحته :biggthump

<< أقـول اسكت :09:

و يسلموووو على ردك :)

[TNT-BOY]

الفين لايد من الانميات المميزة اله نزلت في سنة 2004

بالرغم من انه 13 حلقة اله انه احتوى على الكثير من المتعة
دماء منتشرة في كل الحلقات والتقطيع فيه بشكل جميل :)
تسلسل في القصة مرتب
دراما حزينة مع لمحة كوميديا
واكيد ما ننسى العري :09:

للأسف للحين ماشاهدت الـOVA بس يقولون انها "اسعد حلقة فيه" XD

والـOST ماله عجيب


و الـ OST أيــضا قـمـة فـي الإبـداع .. و هـو عبارة عـن معـزوفـة الـمانية ( Elfien Lied )

متأكد من الشي دا ؟
لااني من زمان اذكر قاري ان اغنية lilium مأخوذة من اغنية قديمة جداً ولها قصة وتاريخ بس ما اذكر السالفة كلها حالياً @_@



و اذا ليـلـحين .. لا تـشوفـه أحسـن

بالنسبة لي .........
ادا انت تستحمل عنف و عري فلا تفوته <<<< عناد لك :09:

[OrOcHiMaRu SaMa]

السلام عليكم ورحمة الله وبركاته ...^^


كيفك Homeless ان شاء الله تكون بخير وصحة ... :)


كل عام وانت بخير (( وان شاء الله تكون من عواده ))



مشكوور يالغالي على التقرير البسيط والرائع .....بالتوفيق

[fuuchan]

سلام

لوول انا معاك بنصيحتك هومليس اللي ماشافه لا يشوفه

كله صوب واغنية البداية شي عجيبXD

طالعت اول 3 حلقات وعفت الانيمي معنه كامل بس صراحه ما تقدر اطالعه على راحتك -_____-

[ahmadkb]

السلام عليكم ورحمة الله وبركاته

مشكور أخي Homeless على التقرير الجميل والبسيط.

لم أشاهد الألأنمي بعد ولكنه في اللسته القريبه جداً (بعده ماوصل دوره:))


للأسف للحين ماشاهدت الـOVA بس يقولون انها "اسعد حلقة فيه" XD

أول مره أسمع أنه فيه OVA للمسلسل؟! (سأبحث عنه)

[Homeless]

TNT-BOY


الفين لايد من الانميات المميزة اله نزلت في سنة 2004

و انا معــاك 100% :biggthump


بالرغم من انه 13 حلقة اله انه احتوى على الكثير من المتعة
دماء منتشرة في كل الحلقات والتقطيع فيه بشكل جميل :)
تسلسل في القصة مرتب
دراما حزينة مع لمحة كوميديا

معـاك حــق .. ^_^

أحـس إن القصـة محـبـوكـة عـــدل .. :D


واكيد ما ننسى العري :09:

و انا أقــول TNT-BOY شـلـون يـنسى هالشي :18:


للأسف للحين ماشاهدت الـOVA بس يقولون انها "اسعد حلقة فيه" XD

انا لـو مـا كنت ناسي شفت وحدة منهم وكانت عن Nana .. :biggrin:


والـOST ماله عجيب
[size=2]
متأكد من الشي دا ؟
لااني من زمان اذكر قاري ان اغنية lilium مأخوذة من اغنية قديمة جداً ولها قصة وتاريخ بس ما اذكر السالفة كلها حالياً @_@

انا سمعت إنـها المانيـة .. و الحين دورت في جووجل و لقيت :)


تمت تسمية الانمي بهذا الاسم نسبة إلى المانجا اللتي سبقت الأنمي ..
المانجاكا : Rin Okamoto
أما المانجا نفسا فقامت فكرتها من قصيدة لشاعر ألماني اسمه : Eduard rike
و الأغنية تعود لعام 1894 و كاتبها هو Hugo Wolf


بالنسبة لي .........
ادا انت تستحمل عنف و عري فلا تفوته <<<< عناد لك :09:

هههههههههه :ds001: لا تعانــد

و مشــكور على الـمـرور :)[/SIZE

[Homeless]

Snake Never Die


السلام عليكم ورحمة الله وبركاته ...^^

و عليكم السلام و رحمة الله و بركاته :D


كيفك Homeless ان شاء الله تكون بخير وصحة ... :)

بخــير جعـلك خير .. :)


كل عام وانت بخير (( وان شاء الله تكون من عواده ))

و إنت بألف صحة و سلامـة و عسـاك من العايـدين :D


مشكوور يالغالي على التقرير البسيط والرائع .....بالتوفيق

و الشـكر لك على تواصلك .. سواء هنا أو في التصميم :)

و تـسلم يمناك على الـترشيح .. ^_^

[Homeless]

fuuchan


سلام

و عليكم السلام :D


لوول انا معاك بنصيحتك هومليس اللي ماشافه لا يشوفه

:jap038: تعيش fuuchan ,,, تعيش تعيش تعيش XD


كله صوب واغنية البداية شي عجيبXD

اي و الله صـحيح :D

و على طـاريـها .. هذي هـي للي حـاب يسـمعها :biggthump

عاد ان شاء الله تشتغل الروابط :33:

|| OPENING || (http://www.elfenlied.co.uk/download/el-lilium-openingversion.zip)

|| OPENING full version || (http://www.elfenlied.co.uk/download/el-lilium-extendedversion.zip)


طالعت اول 3 حلقات وعفت الانيمي معنه كامل بس صراحه ما تقدر اطالعه على راحتك -_____-

و انا طـالعت 3 حلقات ماقدرت أوقــف :D

و مشــكورة على الـرد إخـتي fuuchan ^__^

[Homeless]

ahmadkb


السلام عليكم ورحمة الله وبركاته

و عليكم السلام و رحمة الله و بركاته :D


مشكور أخي Homeless على التقرير الجميل والبسيط.

العفو يا الغالي ^_^ و الشكر لك على تواجدك :)


لم أشاهد الألأنمي بعد ولكنه في اللسته القريبه جداً (بعده ماوصل دوره:))

لا تنسى ^_^ .. ابي اعرف رايك بعد ما تشوف الانيمي :D

بس خـوفي اللستة القريبة جداً تعني عقب شهووور :scratchch


أول مره أسمع أنه فيه OVA للمسلسل؟! (سأبحث عنه)

جرب ملف التورنت اللي في المرفقات ,, :)

و اذا لقيت شي ثاني ,, لا تنسانا .. :biggthump

و يسلمووو يا الغالي على ردك .. نـورت ^_^

[fuuchan]

و انا طـالعت 3 حلقات ماقدرت أوقــف




لووووووووول اي اكيد بتكمل ^_^

انا بكمله باجر بشوف الدرما اللي تقولون فيه-_-

[Homeless]

لووووووووول اي اكيد بتكمل ^_^

انا بكمله باجر بشوف الدرما اللي تقولون فيه-_-


شي طبيعي راح أكمل XD

و يكون هذا شكلي -->> :bigeyes:

:09:

خـلاص كمليـه .. و انا واثـق ان راح يـعـجبـج :biggthump

حتى لـو 1% :D

[fuuchan]

شي طبيعي راح أكمل XD

و يكون هذا شكلي -->> :bigeyes:

:09:



لاشكلك بيكون جذي:jap049: :jap049: :jap049: :jap047:



خـلاص كمليـه .. و انا واثـق ان راح يـعـجبـج :biggthump

حتى لـو 1% :D

اي انا ما كملته علشان رمضان..... يومها كنت مطالعه منه3 حلقات وPARONIA AGENT حلقتين وحسيت يومها صيامي راح من البلاوي اللي شفتها:jap053: :jap053:

[Homeless]

لاشكلك بيكون جذي:jap049: :jap049: :jap049: :jap047:

بسم الله .. وين شفتيني :afraid:


اي انا ما كملته علشان رمضان..... يومها كنت مطالعه منه3 حلقات وPARONIA AGENT حلقتين وحسيت يومها صيامي راح من البلاوي اللي شفتها:jap053: :jap053:

خلاص خلاص لا تقلبينها مناحة :02: بكرة العيد :biggthump :09:

[Tokimeki]

يو هوملس !! كيف الحال ^-^

انا هذا الانمي سامعه عنه من زمان بس ما حصلي الشرف اني شفته @_@ بس من الصور الي حاطها KAKOIIIII :wow:

http://www.elfenlied.net/screencaps/Elfenlied98.jpg

هذه عجيييبه :bigeyes:




الفئة العمرية : 18+

Pass :biggthump


.. لاحتوائه على الكثير من اللقطات الدموية

و منهم نستفيد :D


+ و الصور المخلة .. ><"


عاد هذا الي راح يخليني اهون عن الانمي :09:



و اذا ليـلـحين .. لا تـشوفـه أحسـن


Areee :06:

يعني انت تدري فينا طول عمرنا مخنا مركب عكس الاوادم تقول يمين نروح شمال :D راح انزله ان شاء الله بس قاعده اشوف الحين Bakuretsu Tenshi خل اخلصه و هذا وراه ;)


ساااانكيو دود ^o^

[Homeless]

Tokimeki



يو هوملس !! كيف الحال ^-^

حـيالله TOKI .. صباح الـخير :D

الحمدلله ماشي الحال و بـكرة الـعيد :biggthump


انا هذا الانمي سامعه عنه من زمان بس ما حصلي الشرف اني شفته @_@ بس من الصور الي حاطها KAKOIIIII :wow:

طـبعا تعبت على بال ما اخـتـرت الصـور :09:

كل ما بـغـيت احط صـورة :33: .. أقـول : Angel راح يجي يحذف الموضوع و يحذفني وراه :afraid:


http://www.elfenlied.net/screencaps/Elfenlied98.jpg
هذه عجيييبه :bigeyes:

اذا كنتي تـقصدين الدم و هالسوالـف :D ترى الصـورة هذي نقطة في بحر :biggthump


Pass :biggthump

أسوي نفسي ما شفت شي :scratchch


و منهم نستفيد :D

خـوش اسـتـفادة .. XD


عاد هذا الي راح يخليني اهون عن الانمي :09:

تـرى و الله هـو كشخة .. و بس هذا اللي مخرب عليه :hmpf:


Areee :06:
يعني انت تدري فينا طول عمرنا مخنا مركب عكس الاوادم تقول يمين نروح شمال :D راح انزله ان شاء الله بس قاعده اشوف الحين Bakuretsu Tenshi خل اخلصه و هذا وراه ;)

خـلاص صـرتي مع أحمد :D

و ضــروري رايـج بـعـد ما تـشوفـيـنه ^__^



ساااانكيو دود ^o^


يو ويــــــــلكم :slaphappy

[INTERawee]

سلااااااااام عليهم ..

>> شباب اعذروه داش عرظ توه راد من الدوانيه

اسمحلي بس الموضوع جذبني .. من برااا:D

وانا صار لي فتره قاطع انمي .. وودي اتابع شي

الصراحه قريت تقريرك المبسط .. واحلا مافيه البساطه

وشفت كلمه " دم " متكرره وايد :33:

ف .......أبشر ان شاء الله

يومين انا شايفه ومعطيك رايي فيه ;)

وتسلم عالموضوع .. ترا عجبني حيل ماشاء الله عليك

وعيدك مبارك مقدماً;)

[DANTSHUO]

بصراحة فيني هاجس يقولي أني لازم أشاهد الأنمي:09:
بس الرسوم مو روعة كول زي ما تقول ( تستاهل 7.4 )
و لكن بالنسبة لأنه مخصص للرعب بس ... فهي جيدة
أما القصة فهي مثل الرسوم ( 7.4 ) و لكنها بالنسبة لأنمي
رعب فهي جيدة جداً .:.
لكن بري ذمتك في البداية مب داعي أنك تكتب طول الوقت DX
كذا بنكرهه كراه و لا فيـ فايدة من تقريرك
على كل حال مشكور على التقرير البسيط و الرائع
و أنا رح أبحث عن الحلقة الأولى و أتمنى أنه ما يكون مثل الهيلسج
تافه 13 حلقة عن جزء واحد يحاولون القضاء على واحد
و طول الوقت كلام كلام بدون تنفيض أو شيء بس لين ما زعيم هيلسج قتل رئيس القلعة و أتنهى الأمر .

السلام

[Pika-Chu]

السلام عليكم ورحمه الله وبركاته ...
شلونك اخي هومليس ان شاء الله بخير ^^
تسلم والله على التقرير
انا نزلت هذا الانمي وشفت اغنيه البدايه وانسدت نفسي
ندمت اني نزلته وما فكرت اشوفه الا اذا خلص الانمي اللي عندي <<== تقريبا بعد سنتين :09:
بس تقريرك شدني الصراحه بحاول اشوف بأقرب فرصه ^^
وتسلم مره ثانيه على التقرير

[NnAaDdAa]

ياااااو عاد تصدق ان هالأنمي من شفت الحلقة الأولى منه ماقدرت اوقف
مع اني فيه كثير من الأنميات اغصب نفسي علشان اتابعها بس هذا الأنمي خطييييييير
والمعركه اللي صارت بين لوس ونانا انا صرت كذا :jap005:

وأنا ونانا :jap027:

بس فعلا انا ما عجبتني النهاية المفتوحه إلا إذا كان عندهم نيه يطلعون جزء ثاني

واللي يسألون عن الاوفا اقول لهم ما في اوفا هي حلقه اكسترا بس

[Homeless]

INTERawee


سلااااااااام عليهم ..

و عليكم السلام و رحمة الله .. :)


>> شباب اعذروه داش عرظ توه راد من الدوانيه

ديوانية .. يبيله .. انيمي .. يبيله .. :D :D


اسمحلي بس الموضوع جذبني .. من برااا:D

حياك الله في موضوعك .. ^_^


وانا صار لي فتره قاطع انمي .. وودي اتابع شي

اذا ودك تتابع قصة حلوة .. و مسلسل تخلصه في يوم واحد .. عليك بـ Elfen Lied :biggthump


الصراحه قريت تقريرك المبسط .. واحلا مافيه البساطه

تسلم اخـوي من ذوقـك .. و انا كتبت و احاول قدر الامكان اني ما احرق عليكم المسلسل ^_^


وشفت كلمه " دم " متكرره وايد :33:

افا عليــك .. بتشوف اللي يسرك :D


ف .......أبشر ان شاء الله
يومين انا شايفه ومعطيك رايي فيه ;)

و انا أنـتـظر رايك بفارغ الصـبر .. ^_^


وتسلم عالموضوع .. ترا عجبني حيل ماشاء الله عليك

الله يسلمك اخـوي INTERawee .. و خلينا نشـوفك دوم فـي القـسم :D


وعيدك مبارك مقدماً;)

علينا و عليك و على الجميع ان شاء الله .. :)

خليت لك الرد ازرق و أسود :biggthump

[Homeless]

SONIC4ANIME


بصراحة فيني هاجس يقولي أني لازم أشاهد الأنمي:09:
بس الرسوم مو روعة كول زي ما تقول ( تستاهل 7.4 )
و لكن بالنسبة لأنه مخصص للرعب بس ... فهي جيدة
أما القصة فهي مثل الرسوم ( 7.4 ) و لكنها بالنسبة لأنمي
رعب فهي جيدة جداً .:.
لكن بري ذمتك في البداية مب داعي أنك تكتب طول الوقت DX
كذا بنكرهه كراه و لا فيـ فايدة من تقريرك
على كل حال مشكور على التقرير البسيط و الرائع
و أنا رح أبحث عن الحلقة الأولى و أتمنى أنه ما يكون مثل الهيلسج
تافه 13 حلقة عن جزء واحد يحاولون القضاء على واحد
و طول الوقت كلام كلام بدون تنفيض أو شيء بس لين ما زعيم هيلسج قتل رئيس القلعة و أتنهى الأمر .

السلام


هـلا و الله اخـوي .. :)

الأذواق تختلـف اخـوي .. ^_^

و النـظرة تختلف من شخص لآخر .. ;)

بالضبط مثل حلقات الفيلر في ناروتو .. تلاقي البعض يكرهها بشدة .. :196:

و البعض يحبونها أكثر من القصة الأصلية :06:

خلاص خلاص برينا ذمتنا مع Snake-87 و كل شي تمام و الكلام يعم :09:

اما Hellsing فهو من الاشياء اللي ما شفتهم ليلحين :)

ان شالله قريب ..

و مشـكور على مرورك و ردك .. ^_^

[Homeless]

Pika-Chu



السلام عليكم ورحمه الله وبركاته ...

و عليكم السلام و رحمة الله و بركاته .. :)


شلونك اخي هومليس ان شاء الله بخير ^^

الحمدلله بخير دام الكل بخير .. :D


تسلم والله على التقرير

الله يسلمك اخـوي ^_^


انا نزلت هذا الانمي وشفت اغنيه البدايه وانسدت نفسي

افا :wow: .. ليه كذا بس :D


ندمت اني نزلته وما فكرت اشوفه الا اذا خلص الانمي اللي عندي <<== تقريبا بعد سنتين :09:

الله يزيد و يبارك XD و عقبال ما يكون عندنا شي حق اسبوعين علشان يكون عندنا حق سنتين .. :biggthump


بس تقريرك شدني الصراحه بحاول اشوف بأقرب فرصه ^^
وتسلم مره ثانيه على التقرير

الله يسلمك مرة ثانيـة ;)

و حياك الله في موضوعك .. ^_^

[Homeless]

NnAaDdAa


ياااااو عاد تصدق ان هالأنمي من شفت الحلقة الأولى منه ماقدرت اوقف
مع اني فيه كثير من الأنميات اغصب نفسي علشان اتابعها بس هذا الأنمي خطييييييير

شي شي :D اخيراً طلعت وحدة المعجبات :biggthump


[COLOR=Purple][SIZE=3][FONT=Tahoma]والمعركه اللي صارت بين لوس ونانا انا صرت كذا :jap005:

و الله في لقطات وايد تخلي الواحد :jap005:


وأنا ونانا :jap027:

اي حلـوة شخصـيتها :biggthump

و بالنسبة لي Lucy و بـــس :ds011:


بس فعلا انا ما عجبتني النهاية المفتوحه إلا إذا كان عندهم نيه يطلعون جزء ثاني
واللي يسألون عن الاوفا اقول لهم ما في اوفا هي حلقه اكسترا بس

يعـني الصراحـة النهايـة قمة في الغموض :02:

و الواحـد ما يقدر يصنفها لو كانت نهاية حزينة أو سعيدة :sad2:

و مشـكورة على المعلومـة إخـتي .. :D

و يسلموووو على الـمرور و الرد ^_^

[DMC]

صراحة اخوي Homeless تقريرك وايد حلو عن لانمي
ماعليه كلام مبسط وحلو
بس عجبني كلمة واحدة (دم )
بس يفضل لو تحط لينك لانمي
علشان نشوفه :biggthump
واعطيك راي وقتها عدل ^_^

http://www.elfenlied.net/screencaps/Elfenlied98.jpg

هذه عجيييبه :bigeyes:




إقتباس:
الفئة العمرية : 18+


Pass :biggthump


إقتباس:
.. لاحتوائه على الكثير من اللقطات الدموية


و منهم نستفيد :D


باين توكي كانت هني >_>
واونة ماتحبين دم :09:
ماعلي بس -_^
النهاية:reporter:

[INTERawee]

Homeless




ديوانية .. يبيله .. انيمي .. يبيله .. :D :D



اوووه .. من ربعنا الحبيب:D


حياك الله في موضوعك .. ^_^


الله يحييك .. تسلم والله :)


اذا ودك تتابع قصة حلوة .. و مسلسل تخلصه في يوم واحد .. عليك بـ Elfen Lied :biggthump

لوووول المشكله اسمه صعب .. وانا ترا ما اتعامل بالانترنت ومادري شنو انزل ..
ماعرف انا .. اروح المحل وعطني الانمي الفلاني ايلفن ليد ..:biggthump
انا شغلي دايمن فيديو الارقام .. احصله هناك عاد ؟


تسلم اخـوي من ذوقـك .. و انا كتبت و احاول قدر الامكان اني ما احرق عليكم المسلسل ^_^


حبيبي والله انت الي كلك ذوق:D


خليت لك الرد ازرق و أسود :biggthump

والله انك عجيب تسلم والله.. ماشاء الله تعرف رياضه عيل حياك قسمنا

واسفين عالازعاج والله .. ومره ثانيه مشكور على الموضوع عجبني بدون مجامله :)

[Yurilin]

السلام عليكم ورحمة الله وبركاته ^.-
***************************

تسلم اخوي عالموضوع الاكثر من الرااااااااااااااااائع ^-^
وااااااااااي يا حرام >.< !!!!!
هذا الوجه البريئ قاتل >.< >>>> قصدها عن شخصية البطلة >.> مياو
شكلها يونس حييييييييييل ولا كأنها قاتلة اصلا ما صدق ^^" !!!
جنه قطوة -^.^- مياو واكيد تستحق افضل شخصية نسائية ل2004 =^.-= مياو ما توافقوني ؟؟؟؟؟
>>>> اي اهم شي عندج القطاوة يا قطوة >.> مياو
امممممممممم :33: ....... شكل الانمي لا بأس به مع القصة كلش مو عاجبنتي صراحة صراحة :33:
بس لمخرب عليه العنف و القتل هذا -.-" ولا الدنيا بسلام من دونهم -_-" مياو

**************************

تسلم اخوي مره ثانية ^.-
ونتمنى لك التقدم الدائم بإذن الله -^-^- مياو
Au revoir ^.-

[A.N.G.E.L]

ماشاء الله عليك...





تقرير جميل ورائع لأنمي قوي^^



تسلم أخوي مرة ثانية وأن شاء الله احمله:09:



وهذي وصلة للفديو كلبات له هنا (http://www.elfenlied.co.uk/videos.php)

[Arnegrim]

انا شفت الأنمي ^^
طبعا الأنمي كان في غاية الروعة و من افضل ما شفت في 2004 :)
الشي الوحيد الى ما عجبني لون الدم في بعض اللقطات XD


الـعـنــف الشــديد ><"
و كـثـرة الـمشاهـد الـعاريـة في الـمسلسل .. :196:
اللي أشـك إن +18 راح تنفع مع الانـيمي هذا :31:
اعتقد 15+ تكفي :ds022:


للأسف للحين ماشاهدت الـOVA بس يقولون انها "اسعد حلقة فيه" XD
نزلت الأوفا من زمان لكني إلين احين ما شفتة :blackeye:



و أنا رح أبحث عن الحلقة الأولى و أتمنى أنه ما يكون مثل الهيلسج
تافه 13 حلقة عن جزء واحد يحاولون القضاء على واحد
و طول الوقت كلام كلام بدون تنفيض أو شيء بس لين ما زعيم هيلسج قتل رئيس القلعة و أتنهى الأمر .

السلام
انت تقصد Hellsing?
ترى هذا المسلسل مب تافة ^^
هذا روعة :)

[Angel whisper]

This anime is one my all time favorite animes..
بغض النظر عن العري فيه وغيره
صدق هالانمي يعطيك فكرة عن طبيعة البشر وكيف يتعاملون ويا اي شي "غريب" عنهم ..
رائع رائع ..
10 على 10 ..
الاوفا فيها كوميديا بسيطة .. وتوضح قصة لوسي اكثر.. يعني فيها حزن ..

[DMC]

أنا رح أبحث عن الحلقة الأولى و أتمنى أنه ما يكون مثل الهيلسج
تافه 13 حلقة عن جزء واحد يحاولون القضاء على واحد

هليسينج من لانمي الي بالفعل اظن براي الشخصي فيها افضل انمي من ناحية الفامبير والمصاص الدماء
وانت تقول عنه تافه مالومك اذا ماشفته :33:
النهاية:reporter:

[Homeless]

DMC



[center]صراحة اخوي Homeless تقريرك وايد حلو عن لانمي
ماعليه كلام مبسط وحلو
بس عجبني كلمة واحدة (دم )

تسلم اخوي من ذوقك الطيب و الله :D

مادري شفيكم كلكم متولعـين في الـ " دم " :33:


بس يفضل لو تحط لينك لانمي

في رد لأخـوي ((The King Of Anime)) ما قصر و حط لـنا وصلة :biggthump

و مشـكور اخـوي DMC على مـرورك ^_^

[Homeless]

[center]Homeless]

ولكم باك اخـوي INTERawee :)


اوووه .. من ربعنا الحبيب:D

ههههه :D شنسوي بعد ^_^

بس تـراني مـن قطــر :D


لوووول المشكله اسمه صعب .. وانا ترا ما اتعامل بالانترنت ومادري شنو انزل ..
ماعرف انا .. اروح المحل وعطني الانمي الفلاني ايلفن ليد ..:biggthump
انا شغلي دايمن فيديو الارقام .. احصله هناك عاد ؟

انا كانت عندي وصلات تحميل مباشرة .. لكن للأسـف ما يشتغلون الحين :02:

روح الـمحل و جـرب حظك .. يمكن عنده :)


والله انك عجيب تسلم والله.. ماشاء الله تعرف رياضه عيل حياك قسمنا

خلاص باذن الله سبحانه راح أزوركم في القسـم :D


واسفين عالازعاج والله .. ومره ثانيه مشكور على الموضوع عجبني بدون مجامله :) [/center

لا يا الـحبيب .. اي إزعـاج :06:

بالعـكس عالعـين و الراس و الله :biggthump

و مشـكور مرة ثانيــة على مـرورك ..

[Homeless]

yuri7h20



السلام عليكم ورحمة الله وبركاته ^.-
***************************

و عليكم السلام و رحمة الله و بركاته :)


تسلم اخوي عالموضوع الاكثر من الرااااااااااااااااائع ^-^

الله يسلمج إخـتي ^_^


وااااااااااي يا حرام >.< !!!!!
هذا الوجه البريئ قاتل >.< >>>> قصدها عن شخصية البطلة >.> مياو

على فـكرة البـطـلة لهـا وجـه ثاني في شخصية القاتلة .. ملامحها تصير قوية :biggthump

اما بشخصيتها الطفـولية فهـي قمة في الـكيوت :D

شوفي الصورتـين و تعرفـين الفرق ^_^

هنا لـما تـكون " لوسـي "

http://www.elfenlied.net/screencaps/Elfenlied42.jpg

و هنا لـما تكون " نيـو "

http://www.elfenlied.net/screencaps/Elfenlied34.jpg

في فـرق صح :أفكر:


شكلها يونس حييييييييييل ولا كأنها قاتلة اصلا ما صدق ^^" !!!
جنه قطوة -^.^- مياو واكيد تستحق افضل شخصية نسائية ل2004 =^.-= مياو ما توافقوني ؟؟؟؟؟

أوافـق و انا مغمض عيوني :biggthump

هي من الشخصيات النسائية الـتـوب عندي ^__^


>>>> اي اهم شي عندج القطاوة يا قطوة >.> مياو
امممممممممم :33: ....... شكل الانمي لا بأس به مع القصة كلش مو عاجبنتي صراحة صراحة :33:
بس لمخرب عليه العنف و القتل هذا -.-" ولا الدنيا بسلام من دونهم -_-" مياو

يللا نشوف العنف و القتل كنوع من التغيير شوي :D


تسلم اخوي مره ثانية ^.-
ونتمنى لك التقدم الدائم بإذن الله -^-^- مياو
Au revoir ^.-

الله يسلـمج و مشـكورة و ماقصـرتي :)

[Homeless]

Arnegrim


انا شفت الأنمي ^^
طبعا الأنمي كان في غاية الروعة و من افضل ما شفت في 2004 :)
الشي الوحيد الى ما عجبني لون الدم في بعض اللقطات XD

مشـكور اخـوي العـزيز على المرور و ابداء رايك .. :)

بس الـدم سوى أكشن قـوي في المسلسل :D


اعتقد 15+ تكفي :ds022:

يللا مب مشكلة .. على أمرك XD

[Homeless]

Angel whisper


This anime is one my all time favorite animes..
بغض النظر عن العري فيه وغيره
صدق هالانمي يعطيك فكرة عن طبيعة البشر وكيف يتعاملون ويا اي شي "غريب" عنهم ..
رائع رائع ..
10 على 10 ..

صحيح كلامج إختي :)

و شـاكر تواجدج و ابداء الرأي .. ^^


الاوفا فيها كوميديا بسيطة .. وتوضح قصة لوسي اكثر.. يعني فيها حزن ..

لمـا nana كانت تبي تتعلم شغل البيت .. صج المواقف كانت تضحك :D

[hussien-11]

..
بغض النظر عن العري فيه وغيره
..


كيف تقدروا تتغاضوا عن شي مثل هذا ؟! مستحيل أشاهده بعد اللي سمعته منكم !

[Yamato]

الفن لايد.. :jap007:
من ناحيتي عجبتني اغنية البداية وايد.. يمكن اكثر شي عجبني.. اضافة الى (XXX) :jap019:

المسلسل بشكل عام بقول عنه رائع لمحبي الدماء او اللي ما ينزعجون منه.. وما يتفوت

بالنسبة للاوفا هو مثل حلقة وصل بين الحلقة 10 و 11 مش تكملة ولا شي.. بس توضح بعض الاشياء..

وشكرا لك اخوي عالتقرير..

[fuuchan]

homless^_^

لوول اي خلاص الحين بكمل الانيمي^_^




(http://montada.com/member.php?u=143491)INTERawee (http://montada.com/member.php?u=143491)



لوووول المشكله اسمه صعب .. وانا ترا ما اتعامل بالانترنت ومادري شنو انزل ..
ماعرف انا .. اروح المحل وعطني الانمي الفلاني ايلفن ليد ..
انا شغلي دايمن فيديو الارقام .. احصله هناك عاد ؟

(http://montada.com/member.php?u=143491)





هلا اخوي انا بقولك وين تلاقينه محل نارتو الي بالرحاب بيعيطيكcd واحد مضغوط فيه 13 حلقة^^

[INTERawee]

Homeless



ولكم باك اخـوي INTERawee :)



تسلم والله ..



ههههه :D شنسوي بعد ^_^

بس تـراني مـن قطــر :D


والنعم والله باهل قطر .. بس والله على لهجتك بالكتابه قلت كويتي من جماعتنا ^^
و " يبيله " >> فقلت الولد خلااص حده من الجماعه:D



انا كانت عندي وصلات تحميل مباشرة .. لكن للأسـف ما يشتغلون الحين :02:

روح الـمحل و جـرب حظك .. يمكن عنده

مشكور والله ما تقصر .. بس انا ما احب انزل من النت .. افضل ال DVD
لاني من النوع الي يحب يكوّد :D
عاد والله رحت المحل امس .. لما وصلت
رحت باشتري خلاص ,, الا انا نااااااااسي الاسم لووووووول والله موقف خايس
الفين ليد .. الفن ليد .. الفن ليد:D



خلاص باذن الله سبحانه راح أزوركم في القسـم :D



لا يا الـحبيب .. اي إزعـاج :06:

بالعـكس عالعـين و الراس و الله :biggthump

و مشـكور مرة ثانيــة على مـرورك ..


حياك الله باي وقت القسم قسمك ..

عزيز وغالي .. الله يسلمك والله و كل عام وانت بخير وعيدك مبارك:biggthump

---------------------------------

fuuchan


هلا اخوي انا بقولك وين تلاقينه محل نارتو الي بالرحاب بيعيطيكcd واحد مضغوط فيه 13 حلقة^^



مشكووره اختي والله .. اي عرفته احمد صاحبنا
بس ما كنت اتوقع انه عنده .. شايف بضاعته نصها قديم
عالعموم انا ان شاء الله بمر عليه .. وان شاء الله احصله .. بس خوفي انسا الاسم لووول:D
شكرا اختي .. ما تقصرين والله:)
وكل عام وانتي بخير .. عيدج مبارك

[Homeless]

hussien-11



مستحيل أشاهده بعد اللي سمعته منكم !

و انا أحيـيـك الصراحـة ^_^

××××××××××××××××××××××××××××

Yamato


الفن لايد.. :jap007:
من ناحيتي عجبتني اغنية البداية وايد.. يمكن اكثر شي عجبني.. اضافة الى (XXX) :jap019:
المسلسل بشكل عام بقول عنه رائع لمحبي الدماء او اللي ما ينزعجون منه.. وما يتفوت

مشـكور على الـمرور .. و على رايك :D


بالنسبة للاوفا هو مثل حلقة وصل بين الحلقة 10 و 11 مش تكملة ولا شي.. بس توضح بعض الاشياء..

تسلم اخوي عـلى الإضـافـة .. ^_^


وشكرا لك اخوي عالتقرير..

العفـو اخــوي Yamato .. :)

[Homeless]

fuuchan



homless^_^
لوول اي خلاص الحين بكمل الانيمي^_^

عاشــوا و الله .. :biggthump

و اذا في مجال ,, ابغي رايج بعد ما تشوفينه ^_^

×××××××××××××××××××××××××××××××××××××××

INTERawee





والنعم والله باهل قطر .. بس والله على لهجتك بالكتابه قلت كويتي من جماعتنا ^^


الله ينعم بحالك :D .. اي ياخي كلهم يقولون فيك عرج كويتي :D

و انا اقول لهم : خليجنا واحد .. و شعبنا واحد :biggthump :D


و " يبيله " >> فقلت الولد خلااص حده من الجماعه:D

ههههههه :D هذي عمايل فريج صويلح :09:


مشكور والله ما تقصر .. بس انا ما احب انزل من النت .. افضل ال DVD
لاني من النوع الي يحب يكوّد :D

مافيها شي :D

انا أنزل من النت ,, و أكـوِّد في نفس الوقت :biggthump

راح اعطيك مثال بسيط :afraid:

http://www.0zz0.com/2005/11/03/613877852.jpg

بالأخير بينفجر الكمبيوتر :09:


عاد والله رحت المحل امس .. لما وصلت
رحت باشتري خلاص ,, الا انا نااااااااسي الاسم لووووووول والله موقف خايس
الفين ليد .. الفن ليد .. الفن ليد:D


ههههههههه XD لا تنسى المرة الجاية تكتب الاسم على ايدك :biggthump

<<--- الله يرحم ايام الامتحانات وايد سويناها :D


حياك الله باي وقت القسم قسمك ..

عزيز وغالي .. الله يسلمك والله و كل عام وانت بخير وعيدك مبارك:biggthump


الله يحييك و يبقيك ^_^

و كل عام و انت بصحة و سلامة ^_^

[fuuchan]

مشكووره اختي والله .. اي عرفته احمد صاحبنا
بس ما كنت اتوقع انه عنده .. شايف بضاعته نصها قديم
عالعموم انا ان شاء الله بمر عليه .. وان شاء الله احصله .. بس خوفي انسا الاسم لووول:D
شكرا اختي .. ما تقصرين والله:)
وكل عام وانتي بخير .. عيدج مبارك



هلا اخوي انتراوي
اييي احمد خوش محل اي انيمي رومانسي حتى اليوم شريت gravtion &3X3 eyes^^

اي تلاقيه عنده عاد اليوم رحت وتاكدت انه عنده^^

بس شغله مو قديم عنده كل شي يديد خصوصل bleach موصل حلقة53 تقريبا ماشي معانا:D

وانت بالصحه وعساك من العواده^^

Homless

اوكي بشوفه وبعطيك راي وان ماعجبني ذبحتك^_^

[Homeless]

Homless
اوكي بشوفه وبعطيك راي وان ماعجبني ذبحتك^_^

يا حسافة شبابك اللي بيروح يا هوملسووه :sad2:

:D

[kuru-neko]

مشكور أخوي على التحذير

كنت ناوي أشوفه بس الحين غضيت البصر موليه

تشكر على التقرير الحلو والله يسلمك

[Homeless]

مشكور أخوي على التحذير

كنت ناوي أشوفه بس الحين غضيت البصر موليه

تشكر على التقرير الحلو والله يسلمك




العفــو :)

و مشكور اخـوي على المرور و الرد

.
.
http://www.0zz0.com/2005/10/26/747840153.jpg
.
.

[Q8_DeVil]

اتذكر اني طالعت 3 حلقات منه وكانوا جيدين بس ماكان عندي وقت اكمله ونسيته
احلى شي فيه التقطع الدم وما ننسى التربل اكس :jap017:
وراح اكمله بالقريب العاجل
وسانكيو عالتقرير

[Homeless]

اتذكر اني طالعت 3 حلقات منه وكانوا جيدين بس ماكان عندي وقت اكمله ونسيته
احلى شي فيه التقطع الدم وما ننسى التربل اكس :jap017:
وراح اكمله بالقريب العاجل
وسانكيو عالتقرير





السلام عليكم و رحمة الله و بركاته .. :)

هههههه :D ترى اخوي Q8_DeVil تربل إكس شوووي :09:

و يسلمووو اخوي على الرد



.
.
http://www.0zz0.com/2005/10/26/747840153.jpg
.
.

[max 79]

اخوي (homeless) :ciao:

مشكور على التقرير البسيط و الرائع

وجميع من ابدو ارائهم في المسلسل :biggthump

انا من شفت التقرير والردود قلت في نفسي ابي اشوف ذا المسلسل بعدين اقولهم رئيي
الحقيقة المسلسل روعه اعجبني لدرجة اني شفتة كامل البارح
ماقدرت اوقف الين تميته كله
القصة حلوه مرة

الرسم ولا احلى

المسيقة واغنية البداية شي جميل

الشخصيات حبيتهم بالذات (nyuu) تذكرني بمسلسل (Chobits) :jap027:

والمسلسل هذا الي اعجبني فيه انه جمع كل الاشياء الي احبها
وهي
( الحب و الدم و شوي ضحك و !#*&^؟.# مشفر )

وفي النهاية اشكركم جميعاً خصوصاً كاتب التقرير لئنكم خليتوني اختار المسلسل هذا لسهرة البارح

والله يعين على سهرة اليلة pop-corn:

( لئنة عندي كم مسلسل ماشفتهم ولا ادري اي واحد اشوف اول )

اخوكم max 79

[Homeless]

هلا اخـوي max 79 .. :)

العفو اخـوي .. سعيد إن التقرير عجبك ^_^

تـصدق انا نـفـسك .. شفـته في يوم واحـد :D

الانـيمي الصراحة يستاهل :)

و تسلم عزيزي على تواصلك ^___^




.
.
http://www.0zz0.com/2005/10/26/747840153.jpg
.
.

[cantona222]

اسمحولي ......... الانمي ما يستاهل و لا شي........ قلة ادب زياده عاللزوم. انا ما كملت نص الحلقة الاولى و بعدين استحيت على ويهي و تعوذت من ابليس و سكرته.
.
.
.
.
.
.
.
ابدا ما انصح فيه .......... و اخوي بدام اهوه متجاوز الخط الاحمر على قولتك. عيل ليش كتبت التقرير عنه ....... فتحت عيوننا على سوالف ما كنه ندري عنها ....... او على الاقل ناسينها.........

انا اطالب بحذف الموضوع ........ تفاديا ان الناس يفتنون بالتقرير و يشوفون هالانمي...... اي والله ...... لا نزيد اثام زياده على اللي عندنا. اقصد فيها (المشاهد و ناشر الفكرة).

و المفروض تزيدون بعض القوانين في المنتدى لمثل هذي الانميات اللا اخلاقية ...... تفاديا لمثل هذي الحالة.
و الله ......... الانمي بشكل عام حلو .......... لا تخربونه بهالسوالف.

شكرا.

[Q8_DeVil]

هلا اخوي انا بقولك وين تلاقينه محل نارتو الي بالرحاب بيعيطيكcd واحد مضغوط فيه 13 حلقة^^


ماحب هالمحل خير شر وخاصة الي اسمه عمار
تعاملت معاه مرة مع اني العادة ما اشتري ( الله يخلي المصادر والانترنت ) بس فيه شغلة بقيتها وما لقيتها إلا عنده قلت يالله نشتريها
كنت ادري ان الريال باعني نسخة هونق كونق الرديئة بس قلت يمكن الكواليتي الزين وبعدين طلع الكواليتي زباااااالة vhs اوضح منه ولمن برجعهم قالي ممنوع الترجيع وتهاوشت معاه لحد ما بدلي وقلت يومها مافيه على محل taz مافيه عالاقل محل محترم ما يبيع الانميات الخلاعية والي يشتغل فيه صاحب المحل فمافيه لف ودوران ولا هنادوة و لا اشكال عجيبة غريبة :jester:
خاصة ان الفيجرز عنده رهيبين جدا خاصة سيف اشيغو وقناع الهولو وسيف اباراي رينجي
اشكالهم عجييييبة

[TNT-BOY]

توني مشاهد الـOVA او السبيشل or what3ver it's :o

بدايتها كانت عبيطة شوي مع كوميديا ونهايتها بعد

بس في النص جت لقطات تتكلم عن ماضي Nyuu وكيف طفولتها واول ما اكتشفت انها diclonius


يعني الحلقة حلوه وما تتفوت في حال انكم شاهدتو السيريس ^_^

[fuuchan]

Q8 devil



ماحب هالمحل خير شر وخاصة الي اسمه عمار
تعاملت معاه مرة مع اني العادة ما اشتري ( الله يخلي المصادر والانترنت ) بس فيه شغلة بقيتها وما لقيتها إلا عنده قلت يالله نشتريها
كنت ادري ان الريال باعني نسخة هونق كونق الرديئة بس قلت يمكن الكواليتي الزين وبعدين طلع الكواليتي زباااااالة vhs اوضح منه ولمن برجعهم قالي ممنوع الترجيع وتهاوشت معاه لحد ما بدلي وقلت يومها مافيه على محل taz مافيه عالاقل محل محترم ما يبيع الانميات الخلاعية والي يشتغل فيه صاحب المحل فمافيه لف ودوران ولا هنادوة و لا اشكال عجيبة غريبة :jester:
خاصة ان الفيجرز عنده رهيبين جدا خاصة سيف اشيغو وقناع الهولو وسيف اباراي رينجي
اشكالهم عجييييبة



غريبة والله عاد انا توني اتعامل معاه بس رفيجتي كله تتعامل معاه

عاد ذاك انا واهي رادين اربع اشرطه بعد ماشفناهم وما عجبونا@@

عاد يرجع دايما ويقول اذا ما عجبكم ردوه وابدل لكم ^_^
وعاد خلاعيه ما ادري عنه لانه رفيجتي نقولي اهو دايما يسالها اذا شريط مو شي تقوله علشان ما يبعيه>_<

محل تاز هذا جم مرة دورت عليه ومالقيته كلش وين صاير بالضبط دايما يمدحونه...عاد خوش شي فيه فيقرز بليش عيل يبيله انروحهXD

[Q8_DeVil]

وعاد خلاعيه ما ادري عنه لانه رفيجتي نقولي اهو دايما يسالها اذا شريط مو شي تقوله علشان ما يبعيه>_<
الظاهر محل ثاني لأني من دشيت عنده قاعد ويتحلطم على اشياء مالها معنى وطايحله سب بالهندي الي معاه :jester:
وعن سالفة الانميات الخلاعية فعنده كاتالوج خاص للايتشي فيه رانما وبارن اب وايكي تاوسن ...الخ



محل تاز هذا جم مرة دورت عليه ومالقيته كلش وين صاير بالضبط دايما يمدحونه...عاد خوش شي فيه فيقرز بليش عيل يبيله انروحهXD

اهوا بالزاوية الي تكون معاكسة للزاوية الي فيها محل ناروتو وفيه يمه كافتريا
عاد حسافة خلص سيف اباراي وسيف اشيغو بس زين لحقت اخذت مال اشيغو لأن قناع الهولو كان معاه :jester:
http://www.blujay.com/1/10/1357083_s1_i1.jpg

[fuuchan]

اشياء مالها معنى وطايحله سب بالهندي الي معاه
وعن سالفة الانميات الخلاعية فعنده كاتالوج خاص للايتشي فيه رانما وبارن اب وايكي تاوسن ...الخ
والله ما ادري:ds013: بس تعال رانما مو ايشي انا شفت اول جزء ما فيه ايشي حرام:ds021:


اهوا بالزاوية الي تكون معاكسة للزاوية الي فيها محل ناروتو وفيه يمه كافتريا
عاد حسافة خلص سيف اباراي وسيف اشيغو بس زين لحقت اخذت مال اشيغو لأن قناع الهولو كان معاه

صبر نارتو جبال الكافتيريا ويمه محل بيع انميات ليكون تاز المحل المرسوم عليه شخصية تاز الكرتون

واااو نايس FIGER حسافة توها رفيجتي يايه من المحل وشاريه 30 شريط جان قلتها تشتريلي هالميداليه وبعد اكو صورة زانزكتو بالعلبه جان احتفظت فيه:jap005: :jap005:

جومينسااااي هومليس قلبنا الموضوع محلات^_^

[3shiro]

hello
فعلا هالانيمي من اروع الانيميات اللي شفتها لسنة 2004 خاصتا القصة.
ومثل ما قال الاخ ماكس اذا شفت اول حلقة من الانيمي ماراح ودك تهده لين تخلصه بنفس اليوم من كثر ما القصة مثيرة.:biggthump
الاوفي ايه احس انه ماله معنى وعبيط نوعا ما ..اعتقدت انه تكلمة للانيمي لان الانيمي احس انه مو كامل خاصتا اخر شي ..الضل اللي ورى الباب..شيء محير.:33:
3Q for the Topic

[thaer89]

مشكور اخوي
انا عارف ليش تحضروا عشان اشياء عاطلة
مهم لو في بس عنف كنت حضرت بس عشان تشليح ممكن ابطل احضره

[fuuchan]

خلصته^_^

اهو مش بطال بس مشكلته اللقطات اللي فيه ×___×

سبويلر

حرام طلعت قاتلة ابوه واخته بس اهو غبي شحاب فيها ذبحت اهله جدامه>__<

[TNT-BOY]

سبويلر

حرام طلعت قاتلة ابوه واخته بس اهو غبي شحاب فيها ذبحت اهله جدامه>__<

الحب مايعرف مجرم وبريء XD

بس يمكن راح تغيري رايك فيها من بعد الـOVA
تكسر الخاطر @_@

[fuuchan]

الحب مايعرف مجرم وبريء XD

بس يمكن راح تغيري رايك فيها من بعد الـOVA
تكسر الخاطر @_@


لوووووووووووول

عيل بسال عن الاوفا يا بنزلها او بشتريها

سؤال انا شريط وقف علي لمن اهو يي يفج الباب شنو يصير بعدين سمعت انه بس ظل يطلع ويخلص؟؟؟؟

[weiss_girl]

انا تابعت فقط من الانيم 4 حلقات فقط والباقي إن شاء الله بعد الامتحانات المهم انا كنت كلش عايفه الانيم ورفيجتي شرت كم ديفيدي وحابه اني اشوفهم كان من بينهم تنجو تانج والفن ليد فجذبني رسم الفن ليد وتابعت الديفيدي من 4 حلقات كله دون توقف من الرعب بصراحه انيمي مرعب حقا ذكرني بالخوف اللي شعرته وانا اتابع the ring ويمكن اكثر بعد مشهد التقطع والدماء مرعب فعلا .... لكن المخرب عليه هذا التعري اللي ماله لزمه يعني اشمعنا صنعوا هالمخلوق بنت كان خلوه ولد عشان مانفتشل احنا...(اوه صحيح نسيت ان الرجال بيفتشلوا اكثر منا خاصه إذا كان المخرج مش هامه وبيرسم جسد الرجل بالتفصيل...امر محرج فعلا)

:ciao:

[Light.Darkness]

بعد التمحيص في لستة الإنتظار (لستة الأنم الي عندي بس بعدهم ما جاهم الدور :D ) لقيته :09:

لما اشاهده ابرجع للموضوع :p

[abdulaziz1]

مشكور على التقرير البسيط..

والله احتمال أشوف الأنمي..مع اني مني متحمس له..

بس 13 حلقه قليله..يعني أقدر أشوفو بسرعه..

بس في أنميات حاطها في اللسته قبلو..

وشكرا مرتن أخرى..

تحياتي..

[Evil Hunter]

السلام عليكم ورحمة الله وبركاته

لقد انهيت الانيمي هذا البارحة لا أدري ما الذي حمسني للانيمي من كام يوم اني احمله لكن اظن الكلام عن Lilium التي كانت محور القصة بشكل ما ....

على اي حال حقيقة ما حمسني للانيم ايضا ان هذا الانيمي يمدح فيه اجنبيا قبل ان يوضع هذا الموضوع لذلك عند معرفتي ان المسلسل 13 حلقة حرصت على مشاهدته ^^ >>>> مساحة ليست كبيرة على الهارد :09:

على اي حال اول ما تشاهد المسلسل تفتتح لك اغنية بداية رائعة بمعنى الكلمة بما فيها من كلمات و اداء و عندما تشاهد الفيديو في اغنية البداية تشعر انك تشاهد فن تشكيلي مما يعطي الانيمي بُعد اخر ( هذا قبل ما تشوف الحلقة اساسا! ) رغم اني لم اعجب بالعريّ الذي كان في صور البداية و النهاية مما يوحي ان الانيمي هنتاي او ايتشي و هو في الحقيقة ارى انه ليس هذا و لا ذاك :)

على اي حال عندما يشاهد المسلسل فعلا لا تشعر ان العريّ يمثل دور مهم في الانيمي مثل رانما تماما لذلك انا غير متفق بخصوص الانيمي هذا فيه عريّ مستفعل لغرض الايشي او شيء مثل هذا بل هو كان مفترض على اساس القصة بدليل ان الانيمي ليس منتشر فيه هذه اللقطات في اغلب الاحيان و رغم ذلك ينوّه ان الانيمي للكبار فقط لما يحتويه من دماء مما جعل الانيمي للبالغين و ليس ايضا اي بالغ يجب الا يكون من ذوي القلوب الضعيفة :D

و القصة فعلا في الانيمي تشعر انها واقعية بسبب الاداء الدرامي فيه و الدخول الى الحالات النفسية بكل شخصية كبيرة او صغيرة فيه و هذا رائع بحد ذاته حتى تتعايش مع الشخصيات و ايضا بسبب هذه الميزة النادرة في الانيمي انصح انك ترتاح قليلا كل فترة تشاهد فيها كم حلقة حتى لا تتعب و بعدها تواصل المسلسل ^^

الانيمي بشكل عام يعتبر اداء فريد من نوعه و من الانيمي المميز الذي شاهدته حتى الآن و من الصعب وجود انيمي بهذا الشكل حتى مسلسل AIR الذي يقترب منه في الدراما لا يستطيع ان يضاهي هذا الانيمي من حيث الكثير من الاشياء في الاداء والقصة و هذا رايي :)




و قد اعجبتني جدا النهاية و مستغرب عن من لم يعجبه النهاية انا ارى ان النهاية كفت ووفت ورغم ان الامر قد يكون غير واضح نوعا ما ويلمح الى جزء ثاني و هذا لا مشكلة فيه ... و يرجى ملاحظة عدم كتابة النهاية عن هذا الانيمي على الملاء لأن حصل لي في الحقيقة بعض التشويش عندما قرأته لكن عندما انهيت الانيمي وجدت انه مختلف عن ما قيل في رايي..


و انا احييك اخي Homeless على الشجاعة التي جعلتك تكتب عن هذا الانيمي في المنتدى :D

و مشكور على هذا التقرير ^_^

[weiss_girl]

خطر ((تخريييييييييييب))

ممكن حد يشرح لي النهاية ؟؟
المفروض تكون لوسي ميته صح؟ (ولا بس القرون اللي تقطعت؟؟) فكيف آخر شي نشوف ظلها بأنها بتدخل البيت ؟؟؟ وماتبين بعد هل كانت هي ام لا ؟؟ وشنو المنى ان بعد الساعة القديمة اشتغلت بالرغم انهم من قبل حاولوا تصليحها بس مافي فايده وفجاءه تشتغل؟؟؟؟

حد يوضح لي هالألغاز؟؟؟

انا بعد شفت الحلقه الاوفا وهي الاحداث تكون بين حلقه 10-11 يعني ماتوضح النهاية توضح ماقبل ذلك اللي كله ذكرايات....

[Evil Hunter]

خطر ((تخريييييييييييب))

ممكن حد يشرح لي النهاية ؟؟
المفروض تكون لوسي ميته صح؟ (ولا بس القرون اللي تقطعت؟؟) فكيف آخر شي نشوف ظلها بأنها بتدخل البيت ؟؟؟ وماتبين بعد هل كانت هي ام لا ؟؟ وشنو المنى ان بعد الساعة القديمة اشتغلت بالرغم انهم من قبل حاولوا تصليحها بس مافي فايده وفجاءه تشتغل؟؟؟؟

حد يوضح لي هالألغاز؟؟؟

انا بعد شفت الحلقه الاوفا وهي الاحداث تكون بين حلقه 10-11 يعني ماتوضح النهاية توضح ماقبل ذلك اللي كله ذكرايات....

لا يوجد تفسير محدد الى الان...

و لكن قد يكون او لا يكون هناك جزء جديد للانيمي و هذا غير معروف مطلقا و هذا بسبب :


في الوسط القصة في المنجا مسيرة القصة تختلف تماما في المنجا و لكن هناك تكملة عن الانيمي


و لكن النهاية في المنجا.............."حرق":


لا تختلف عن الانيمي في موت لوسي الا في بشاعة الموت <_<"

[weiss_girl]

يعني الاختلاف فقط ان المنجا اعنف من الانيم والنهاية واحده ماتختلف...

[TNT-BOY]

يعني الاختلاف فقط ان المنجا اعنف من الانيم والنهاية واحده ماتختلف...

المانجا اطول ونهايتها مختلفة

بس الله يسامح اله كان السبب ~هلا Evil Hunter~ اله خرب علي كل شي وقال لي نهاية المانجا -_-"

بس من اله قريته وهو بداية القصة الموجودة في الانيمي والمانجا حسيت ان الانيمي افضل يعني حسنو بعض الاشيا واضافو شغلات حسنت المشاهد

بس من كلام Evil Hunter مرة لي يقول ان القصة اطول <<<< قراها Raw


والمانجا ترجمتها بطيئين @_@ مع ان المانجا خلصت في اليابان

[*BAKI*]

انا شفت الانمي بصراحه واااايد عجيب وانصح لكل عاشق العنف بمشاهدته

[Evil Hunter]

المانجا اطول ونهايتها مختلفة

بس الله يسامح اله كان السبب ~هلا Evil Hunter~ اله خرب علي كل شي وقال لي نهاية المانجا -_-"

بس من اله قريته وهو بداية القصة الموجودة في الانيمي والمانجا حسيت ان الانيمي افضل يعني حسنو بعض الاشيا واضافو شغلات حسنت المشاهد

بس من كلام Evil Hunter مرة لي يقول ان القصة اطول <<<< قراها Raw


والمانجا ترجمتها بطيئين @_@ مع ان المانجا خلصت في اليابان


اتمنى انك ما تاخد مني موقف بسبب اخر مرة -_-


لان المنجا فيها كام لقطة مصخو الشخصيات فيه قصة الانيمي الجميلة و حقيقة انا ندمان اني شاهدته رغم ان المميز في المنجا الاحداث فيها تفاصيل و فيها تطور في القصة ...

و نعم فهمك كلامي كان صحيحا ان القصة اطول في المنجا و لذلك حتى الان نهاية الانيمي لا تؤكد هناك جزء جديد او تكملة للمسلسل عن طريق الاوفا إلخ..و هذا في رايي

و لكن لا انصح احد بالمنجا اولا كما قال الاخ TNT ترجمتها ابطأ من دابة و السبب الثاني هناك اشياء ارى ان الكاتب افسدها للعمل ان يضعها في المنجا ...و من حسن الحظ الاخراج في الانيمي تلافى اغلبها ...

رغم ذلك ارى في المنجا نهاية حقيقية عن الانيمي و ذلك يجعلني اقول مرة اخرى الانيمي احتمال ان يكون له تكملة ^^"