المساعد الشخصي الرقمي

مشاهدة النسخة كاملة : شكلي بودع الفانية .. يالله من رخصتكم ..Ciprobay


Classic Evil
02-11-2005, 03:18 PM
السلام عليكم ورحمة الله وبركاته

في الكم يوم اللي مضوا مؤخرًا حسيت بتعب ما حسيته من قبل يا جماعة .. فأرعوني السمع و الطاعة ..تراها أعراض تعتريني من غير سبب .. بلا جهد مبذول و لا تعب .. و أحياناً أغضب من غير غضب .. ( وخروا عني بليز ) .. جسمي متهالك .. ما اشتهي الأكل .. احس بشبع في نهار رمضان ومن بعد الفطور (لكن لازم اتسحر :09: ).. عضلاتي صارت تعبانة .. و عيوني ذبلانة :( .. لا وبعد احمرت .. و ريولي عيزت .. ماعادت تقدر تشلني مثل أول و لاصرت اتجول .. فيني حكة و طفح جلدي .. و الصراحة انا واصل حدي .. أصابعي ترتجف :afraid: .. خشمي ينزف .. صرت طريح الفراش .. ومن زمان ما لعبت كراش .. ما قمت اطلع من البيت إلا للضرورة <==(مثل حرمة في العدة)


هالكلام في الثلاث أيام الماضية تقريبا .. أي فترة تواجدي بالمنتدى .. ما تلاحظون زيادة مشاركاتي .. لكن لا تخافون مب انتم السبب .. انا يلست افكر ليش جذي حالي .. وهذا صار مآلي .. لين ما ذهبت السكرة .. وجاءت الفكرة ! .. فاستغرقت الافكار .. واقتصيت الأخبار .. تذكرت موعد قريب .. إني من ثلاث أيام بالضبط زرت الطبيب .. وأعطاني نوع من الأدوية .. تناولته .. و من ذلك اليوم انا احس بالإرهاق المزمن , و الأرق المدقع <==(وخروا لا يفرقع)


قلت أتأنى قبل لا احكم على الدواء .. مو معقولة هو سبب هالداء .. نسأل الله الشفاء .. فلما يا وقت الارقاد .. ردت كل المصايب و الأوجاع .. كان عقلي بيطرير وانا نايم عالسرير .. شسوي يعني اقوم مثلا احوس في البيت .. المهم رحت شغلت الليت .. وجبت الدوا وطلعته من الباكيت .. ابي اقرى الوصفة المرفقة في السم القاتل اللي اتعاطاه .. إذا هذي وصفة الطبيب ما اقول الا يا اسفاه .. فقريتها وانعمت النظر فيها , فمما جاء فيها النبأ التالي :


الآثار الجانبية :


1- آثار في القناة الهضمية : فقدان الشهية ( امي عيزت من تناديني تعال وتعال وانا اقولها شبعان) , غممان النفس , قيء (عادي تراكم بعد ما شفتوا شي :D ) , ألم في البطن (متعود ;) ) , ريح في البطن(فشلة :09: ) , عسر في الهضم , إسهال . ( و أحيانا إسهال شديد يهدد الحياة لانه يسبب إلتهاب القولون الكاذب و الذي يتطلب علاج فوري) . تخيلوا يعني عسر في الهضم بعد معركة في المعدة يصير عقبها اسهال , كل تعب المعدة يروح بلاش !


2-آثار في الجهاز العصبي المركزي : دوخة , صداع , إرهاق , ارتعاش , هياج ,(وش بعد بقى :p ) و أحيانا : أرق , اضطراب في الحس في الأذرع و الساقين(ممكن طراقات وترفيسات بدون لا احس يعني :biggthump ) , عرق , هزة في المشي(كله إلا هذي يا خيبتي !! :D ) , تشنجات(وابويييه صرعة) , زيادة في الضغط داخل الجمجمة , قلق , كابوس ليلا (والله متبهدل قاعد ونايم ..ما ارتاح يعني؟! ) , اضطراب , اكتآب , هلوسة , تفاعلات نفسانية تهدد الحياة ( عطب نفساني متغير لدرجة إمكانية أن يعرض المريض نفسه للخطر ) <==(شو يعني بنتحر مثلا :ciao: )

3-آثار في الحواس : يحدث اضطراب في حاسة التذوق و الشم متضمنا فقدان ملحوظ في حاسة الشم و الذي ينعكس عادة عند إيقاف العلاج ,( سمعوا اذا وقفت بيصير جذي بخبركم شو بصير عقب (الله المستعان ) اضطراب في الرؤية ( مثل : ازدواج المرئيات (يعني احول خخخخخخ!) , رؤية ألوان ) طنين في الأذن , فقدان مؤقت في السمع خاصة للموجات الصوتية عالية التردد . (حمدلله هالاشيا ماصارت ابد)

4- تفاعلات الحساسية : طفح جلدي , هراش , حمى الدواء .

و أحيانا في حالات نادرة :

* بقع دموية في الجلد , فقاقيع في الجلد تحتوي على دم , عقد صغيرة بها قشرة تدل على تضمن وعائي , الحمامى العجرية , احمرار جلدي مستدير بما يتضمن أشكال شديدة من هذه الحالة "متلازمة ستيفن-جونسون" , انفصال سطحي بفقاقيع لطبقات الجلد العليا و الغشاء المخاطي للأنف و الفم "متلازمة لايل" . ((مبروك علي صرت زومبي عيل ))

* عطب في الكلى و الكبد " التهاب انسجة الكلى و الكبد , نخرة خلايا الكبد التي قد تؤدي إلى الفشل الكبدي المهدد للحياة .

* تفاعلات تشابه التفاعلات المصحوبة بالمرض المصلي "مثل الحمى تضخم الغدد الليمفاوية , احمرار الجلد ,عرق بارد , ذهول , سرعة نبض , الهراش , تورم , حساسية فورية شديدة تتضمن تورم الوجه ,الأوعية الدموية و المزمار وصعوبة في التنفس و التي قد تؤدي إلى صدمة مهددة للحياة ( تفاعلات استهدافية / شبه استهدافية) . ( فهمتوا شي:p )


5- آثار في الجهاز القلبي الوقائي : خفقان , تورم الساقين ( تورم محيطي) , احمرار الوجه الساخن , صداع نصفي , غشيان . ( راسي كم بيستحمل )

6- آثار في الجهاز الحركي : تورم المفاصل , ألم في العضلات , التهاب الأوتار " وتر العرقوب" (والله عرقوب صار له وتر بعد)

7- آثار في الدم ومكوناته : قد تزداد نوعية معينة من الكرات الدموية البيضاء , أو نقص البيضاء و الحمراء "انيميا" , حدوث قشعريرة (كم مرة يعني :wow: ؟), فقاقيع في الغشاء المخاطي للفم و الحلق (اللي يبي يشوف يخبرني :09: )

8- تأثريات على المقاييس المعملية و البولية : حدوث يرقان(شو اليرقان ياناس؟) , تواجد دم أو بلورات في البول .( تواجد الدم عرفناه , بس خبروووني كيف تواجد بلورات )

9- تأثيرات أخرى : ضعف عام , فشل كلوي مؤقت , تأثر بالضوء .



10- انتهت الحصة .



و الغريب العجيب ان آخر توصية طبعا بعد التوصيات المعروفة مثل ابعد هذا عن متناول الأظفال , استخدمه مع استشارة الطبيب ...ألخ لكن تفاجأت بزيادة توصية جديدة ألا وهي :

لا تقطع مدة العلاج المحددة لك من تلقاء نفسك . يا سلااااام .. يعني اذبح نفسي باكل هذا السم ..انا آكل يوميا 1500 ملجم , وبالوصفة المرفقة حدك حدك 1000 ملجم يوميا .. كيف وصف لي الدكتور يوميا 1500 كييييف ؟؟؟؟


قسم بالله هذا سم زعاف ..وأترككم مع صورة للغلاف :



http://www.geocities.com/evilneverdie770/mid.JPG


اسم الدواء : Ciprobay

الناشر : ألمانيا Bayer AG - D 51368 Leverkusen

النوع : مضاد حيوي Anti buty

التقييم : 4/10 so bad


بعدما تابعنا معاكم وصفة هذا المستحضر الرائع , هنا نوجه سؤال للمنتبهين في الحصة , خلاص ماعاد ترفع الصفحة مرة ثانية :


السؤال : كم مرة ذكر بجانب الأعراض الجانبية "تهدد الحياة" ؟؟

وقبل ما انسى صح .. كل عام وانتو بخير ومن العايدين .. والله يبلغنا رمضان الياي آميين ..
leopard_1
02-11-2005, 07:18 PM
ياحبيبي يا ايفل ( اسمحلي ازقرك باول اسم ولو انه معناته الشر :p )

انا توبت اخذ مضادات حيويه ... لانها تهدد المناعه وتضعفه ...حتى قامت الحمى اتيني5 او 6 مرات سنويا

يعني نصيحه مني لا تاخذ مضادات حيويه الا يوم بتيك سكرة الموت

وما اوصيك بالتمر والعسل ترا يفيد ... اسال مجرب

وبعدين تعال بقولك ...هاذي كلها اثار جانبيه لووووووووووول ... وانا اتحريته درس بالاحياء

الحمدلله انا عمري ماقريت شو مكتوب على الدوا ... ولا صدقني ما باخذه
نيو ايرفين
02-11-2005, 07:24 PM
الدكتور احتمال يكون غلطان في الجرعه

Ciprobay 500 mg

حبة كل 12 ساعة لمدة 7 ايام فقط !!

كل الوصفات اللي مرت على كذا وتراني مجرد متدرب حتى الحين ما توظفنا :jester:

http://home.intekom.com/pharm/bayer/ciprobay.html
7_Dark Soul
02-11-2005, 08:00 PM
بل.....هذا الحين علاج يعني؟؟؟ :blackeye:

اظن اثاره العن من المرض نفسه....:blackeye:

الله يكون في عونك....

و اذا صار لك شي عطني الدواء علشان اوكله الطبيب الي عطاك اياه


و من العايدين :p
القــعـقـاع
02-11-2005, 08:07 PM
لأه...انا مش حاسامحك ابداً..ابداً...ابداً..T_T
Dr_X
02-11-2005, 09:00 PM
حدوث يرقان(شو اليرقان ياناس؟)

صفار... ( عرض مرضي )

نصيحتي لك ..

راجع دكتور غيره ... إما يغير لك الدواء أو يخفف الجرعة .

و سلامتك ما تشوف غير العافية :)
Yamato
03-11-2005, 08:18 AM
الخير لا بد وان ينتصر يوما ما على الايفل... :أفكر:

المهم...
انا من كم شهر جاني زكام والدكتور وصفلي مضاد حيوي.. الصراحة.. زي الزفت.. وانا اللي عبالي انه بيكون نفس اللي الكرتون اللي كان عن جسم الانسان.. مثل طيارات حربية تشن هجوما صاعقا على قوات العدو الغاشم.. والله انها شنت الهجوم علي انا ._.


وكل عام وانت بخير يا فتى وما تشوف شر.. :)
ميستي
03-11-2005, 09:39 AM
اهليين وسهليين


كل عام وانت بخير..والحمد لله على سلامتك. والحافظ هو الله^^


بس صدق دوا مثل هذا ..تتركه أحسن..وخيراً فعلت .. الواحد أحسن له يموت ولا ياخذه..لأن هذا النوع من الأدوية


هو بروحه يجيب الموت


يعني غريبه انه مثل هل دوا موجود لحد الحين..المفروض يمنعونه


بس اكيد أنه فايدته كبيرة .. بس إلي يشوف ورقة التعليمات ..يقول على طول هذا مساوءه أكثر من منافعه


ولا انا عطوني حبوب............... ما اقدر اكمل:( خلني ساكته احسن


والله اعلم..يمكن هل دواء هو إلي اثر علي..ويمكن شي من ربي مابين إلا بعدين
Lena
03-11-2005, 10:56 AM
يؤ والله مب زين

الحمدلله والشكر على كل حال..منسدحه لي يومين بسبب الانفلونزا وجسمي صار مزرعة لهالادوية من كل حدب وصوب..بس حسيت بنعمة يوم سمعت وصفك لمرضك الله يشفيك

ومعاي مضاد حيوي..لكن مشالله عليك انت سنع تقرا وتحلل..انا مجرد ابلع من غير قراءة ولا شي..

على كل حال

انا لو مكانك بسوي شي واحد

اروح للدكتور واساله شسالفه؟!!
Master ArNab
03-11-2005, 12:00 PM
أولاً .. سلامات وطهوراً وكله بحكمة من الله .. وتذكر إنما يوفى الصابرون أجرهم بغير حساب يوم القيامة :)

ثانياً .. أنا ما أواطن الأدويه الكيميائيه .. أحب أي شيء طبيعي .. يعني عسل , حبه سوداء , غذاء ملكة النحل , عصير برتقال وهاكزا

ثالثاً .. أعتقد يوجد بدائل .. الطب الشعبي الصيني يعتبر قوي جداً جداً .. خذ مثلاً الأبر الصينيه .. أتذكرت مشهد في مسلسل داي جانغوماي يوم يستخدمون قرصات النحل كبديل للأبر الصينية :bigeyes:

رابعاً .. عليك بالحبة السوداء فهي دواء لكل شيء إلا السام [ الموت ] .. أعتقد أنها تعطي Power-UPs لجهاز المناعة بشكل فعال .. بس لا تكثر البور أبس .. 7 حبات مع ملعقة صغيرة من العسل على ثلاث فترات في اليوم مناسبه ويُفضل لو تطحن الحبات بسنونك بدل أن تبلعها لتخرج الفائدة :D

هممم .. خامساً : وش فيك بالضبط .. إذا ما نفع شيء ... نتسويك تسسسسس أح :196:
Angel whisper
03-11-2005, 12:40 PM
كل الادوية جيه ..

عشان جيه انا ما آخذ ادوية الا للضرورة القصوى



هزة في المشي(كله إلا هذي يا خيبتي !! :D )

هههههههههههههه اتخيلك ترزف وانته تمشي :p

ما تشوف شر بو جسوم :)
نيو ايرفين
03-11-2005, 08:30 PM
الانفلونزا فيروس!

وش دخل ام المضادات الحيوية!!

المضادات تعتبر Antibactria -_-

وبعدين شكلك معاك حساسية لبعض المضادات الحيوية:(

اذا معاك التهاب في الجهاز التنفسي روح سو لك مزرعة في المستشفي وخل الدكتور يوصفلك الدواء المناسب على حسب نتائج المزرعة
rushin_911
04-11-2005, 05:46 AM
سلامتك يا اخوي ما تشوف شر
نصيحتي انتبه من سالفة المضاد الحيوي
قبل كم سنة مرضت و رحت للدكتور
و عاد مستشفياتنا الحكومية تعيسة في الرياض
ما أمداه الأخ دقيقتين كشف علي كشف سريع و عطاني وصفة آخذ 1800 ملجم من المضاد الحيوي في اليوم
صرت آخذه و بعد كم يوم صارت حالتي أسوأ بكثير فرجعت له
و هالمرّة اكتشف إن عمتي تشتغل بالمستشفى و يا سبحان الله كيف تغيّرت المعاملة
"فلانة عمّتك؟ لا مستحيل مو معقول! ليه ما قلت من أول؟ يا أهلاً و سهلاً"
هالمرّة الكشف أخذ 10 دقايق و كمان أشعة و غيرها كشف شامل و يا سبحان الله ههه
و بعد ما طلعت النتايج تغيّرت الوصفة ل1000 ملجم في اليوم ههه و الحمدلله صرت أحسن

الزبدة نصيحة انتبه تراي أحس إن ذا الدكتور كتبها وهو باله بشي ثاني
Classic Evil
04-11-2005, 09:31 PM
مشكورين مشكورييييييين

صارت حالتي الآن على ما لا يُلام (نفس على مايرام) :) وما تقصرووون ..

رحت المستشفى وعطوني ابرة تسكن آلام الحكة الفظيعة واللي تشبه غز الأبر فنمت بعدها نوما هنيئا ..


LEOPARD :

مسموح الغالي مسموح .. واسمك انت فيه معنى الخطورة اوكي :09: وعلى فكرة ترى اسمي مب مخالف لشرعنا الحنيف http://images.montada.com/x/icons/icon4.gif

ونصيحتك غريبة نوعا ما .. الحين الدوا انت تقولي ما ينفعني بالمرض عيل برد عني سكرة الموت :p <==بعد عمرٍ طويل

وتصدق كلها آثار جانبية لااا وكل هالاثار وتييني ستين علة عشان اعالج شي واحد !


هيومان :

ياخي أين انت من زمااان ؟؟

الدكتور ما اظن غلطان الصيدلانية هي الغلطانة .. تعرف صايمين والصيام ومايسوي :) .. وفعلا برافو عليك 1000 ملجم باليوم فقط .. واسأل الله أن تتوظف بأسرع وقت .. ودامك هنيه بغيت اسألك (انتهازي :D ) هل الكودايين او الكوكودول والله نسيت اسمه نوع من انواع المورفين ؟ محظور التناول يعني ..


دارك سوول :

شفت كيييف اخوك مسكين .. وبعدين شلون اذا صار لي شي اعطيك الدوا انا بكون محد :09: وبعدين ليش من العايدين لايكون تقصد يعود علي المرض بالصحة والسلامة كل سنة :wow:


القعقاع :

عاااد الا انت نقيت ما تسامحني :( .. الله بيسامحني :p

انا كنت اتابع لك مواضيع و نُقُول كانت مميزة ... ليش توقفت فحرمتنا من ذلك ؟؟


دكتور اكس :

الدكتور ماقدر اغيره هذا طبيبي من زمان يعرف حالتي تمام .. وان شالله بغير الدوا ..و الله يعطيك العافية :)


ياماتو :

اول جملة لك تذكرتني بنهاية بعض المسلسلات المأساوية .. يعني صار المرض خير وانا الشر http://images.montada.com/x/icons/icon9.gif

لكن ابشرك تغلب الإيفل على المرض http://images.montada.com/x/icons/icon6.gif .. وانا سأتحدى المرض ماحييت!

وانت بخير كذلك وما تشووف شر ..


ميستي :

لا عااد وشو للموت ! عند الموت الواحد بياكل كل شي لأنه بيودع :ciao:

وانا الحمدلله كنت زين قبل لا آكل هالدوا .. مو مجبور عليه .. ليش اجبر نفسي باخذ غيره ..
Classic Evil
04-11-2005, 09:32 PM
لينا :
مزرعة مرة وحدة :bigeyes:

عسى ما نبت شي :09:

والله زييين يوم موضوعي يخفف عن مرضى المسلمين .. وانا مب مريض هالعلة الدوا هو سبب لي المرض ..

ولازم طبعا اقرى الدوا نستفيد .. والشي بالشي يذكر : توي جاي من محل العاب فيه لعبة عدنان و"لينا" ماجربتيها .. انا استخسرت اشتريها :09: اخاف تطلع مو شي !


مستر ارنب :

ماشالله عليك ردك عيبني وايد وايد .. اشكرك بكل عنف ..وترى هالدوا مب كيميائي مثل ادوية المرض الخبيث والعياذ بالله اللي يسمعني يقول : الحمدلله الذي عافانا مما ابتلا غيرنا من الناس .. والادوية والبدائل اللي ذكرتها ممتازة جدا .. لكن اخرتها مب زييينة .. تس اح يعني شوي لاااا .. اولا منهي عنه .. ثانيا : فيني جرح وتس اح شبتسوي فيني عقب ؟؟؟؟
وانا ياخوي اشكو -يسلمك الله- من التهاب بسبب عملية جراحية اجريتها من فترة قريبة "شهر" .. قبل رمضان بيومين او ثلاثة ..

انجل :

ماهي المشكلة مب انت من يحدد الضرورة .. الدختر :09:

وانت الصااجة مب رزيف .. الرزيف اذا كنت واقف .. لكن هزة في المشي يعني مثلا اذا شفتيني من مكان بعييد راح تتخيلين اني واحد من اللي شفتيهم يمشون في اروقة مستشفى سايلت هيل 3 :afraid:


والشر ما اييج ..


هيومان :

انا ماقلت فيني انفونزا http://images.montada.com/x/icons/icon3.gif عندي التهاب ..

وانا الحمدلله ما معاي حساسية من الادوية .. لكن لسبب الزيادة في الجرعة .. او ان هالدوا يسبب هالاعراض لكل احد .. او يمكن عندي حساسية مادري :) !!
وانا عندي ضيق في التنفس .. لكن هالدوا ليس لهذا الشيء .


راشن 911 :

الشر ما اييك اخوووي ..

والله سالفتك غريبة .. عشنا وشفنا .. اخس دكاترة من هالنوع!

والدكتور طبيبي من زماااان وانا اتعالج على يده - والشفاء بيد الله وحده- ..

لكن شي ثاني مثل شنووو :wow: ؟!!
نيو ايرفين
05-11-2005, 06:53 AM
هيومان :

ياخي أين انت من زمااان ؟؟

الدكتور ما اظن غلطان الصيدلانية هي الغلطانة .. تعرف صايمين والصيام ومايسوي :) .. وفعلا برافو عليك 1000 ملجم باليوم فقط .. واسأل الله أن تتوظف بأسرع وقت .. ودامك هنيه بغيت اسألك (انتهازي :D ) هل الكودايين او الكوكودول والله نسيت اسمه نوع من انواع المورفين ؟ محظور التناول يعني ..


..

شوف الادويه المخدرة (Narcotic)

هذي مثل الفلوس في البنك مقفل عليها في خزنه

وعليها صيدلي اذا صار اي نقص او اي خلل راح فيها

هذي بالنسبه للحبوب
......................................


لكن هناك ادويه طوارئ
وهي مثل ما قلت عن طريق الحقن وهذي للحالات الطارئه !
................................................................................

هناك ادويه عاديه مثل المراهم مثلا عندك ادوية البواسير بالاضافة الى المادة الفعاله اللي تعالج البواسير يضيفون عليها مادة مهدئه ( تعرف انت الآم البواسير :( )
.................................................................................................

بعدين انا ما قلت ان معاك انفلونزا :02:


يؤ والله مب زين

الحمدلله والشكر على كل حال..منسدحه لي يومين بسبب الانفلونزا وجسمي صار مزرعة لهالادوية من كل حدب وصوب..بس حسيت بنعمة يوم سمعت وصفك لمرضك الله يشفيك

ومعاي مضاد حيوي..لكن مشالله عليك انت سنع تقرا وتحلل..انا مجرد ابلع من غير قراءة ولا شي..

على كل حال

انا لو مكانك بسوي شي واحد

اروح للدكتور واساله شسالفه؟!!

لينا اللي قالت :afraid:

نصيحه ببلاش اذا كنت مصاب بزكام او انفلونزا وكتب لك الدكتور مضادحيوي قول له علي مين تلعبها

وصكها بوجهه الانفلونزا فيروس وش دخل المضاد


وخذ لك أكتفيد أصلي من الشركة الام ممتاز للانفونزا

وحمدلله علي السلامة
The Coder
05-11-2005, 08:18 AM
موضوع غريب ^^
بس مجهود جميل يا مراسل الشفرات ^^
Kaze
05-11-2005, 09:14 AM
السلام عليكم ورحمة الله وبركاته


ما تشوف شر عزيز ^_^


بس فعلا الدوية شيء نحتاجه ساعات وهذا طبعا ما يغنينا عن التعالج التقليدي XD


والله ساعات امرض مرض فيروسي عادي اتعالج به بكم شيء بسيط اشوفه افود من الادوية الكيميائية ما عدى الزكام وان سداد الأنف هذا لا زم يحتاج له دواع علشان نتنفس :09:


وهذه بعض النصائح وان شاء الله تفيدك ^^



شباب هذا الموضوع يتكلم عن اي داء بسيط ( بعيد الشر ) وكيف تتخلص منه بعامل نفسي بالدل أخذه الادوية الكيميائي التى لا انكر فائدتها وايضا لماذا لا نرجع الى الطرق والوسائل التى استخدمها اجدادنا من قبلنا و حتى الآن موجوده عن بعض العائلات التى تتبعد العادت والتقاليد , فهنك كم عامل نفسي قبل ان تبدء في اي علاج حتى لو استخدمة الادوية الكيميائية :


1) الرغبة الجامحة بالتعافي من المرض ,اثبت الاطباء ان بمجرد التفكير والرغبة بالتعافي يساعد على زيادة كريات الدم البيضاء التى تقوم بالدفاع عن الجسم منها تكوين مناعة للجسم لفترة مؤقتة قد تستمر لأشهر .


2) الثقة بالنفس , تعتبر الثقة بالنفس من اكبر العوامل انتشار في كل انواع النواحي النفسية اي بمجرد انك تثق بقدراتك الجسمانية العقلية قد يقيك من الاصابة بالامراض حيث يقوم جهاز المناعة بالتصدي المسبق او بالاحرى تكوين المناعة من الخبرات المكتسبة من الامراض .


سبحان الخالق , هذا كل من فضل الله سبحانه وتعالا .


التعافي بالوسائل التقليدية , ان من اكثر الوسائل نفعا هي الحجامة وقد أوصا الرسول علية الف الصلات والسلام بها وما لها من نفع على الفرد المسلم .


واليكم كم علاج استخدمة الاسلام و الاجداد من قبلنا :


1) الحبة السوداء : التى تستخدم في بعض المعجنات هههه

ان من فوائدها هي تعزيز ورفع مناعة الجسم وقد اوصى الرسول بها حيث ان خمس حبات يوميا بحجم حبات السمسم قد تقيك من الامراض. باذن الله .


2) العسل : العسل الطبيعي فقط

يساعد العسل على تنظيف الجهاز الهظمي من الاوساخ العالقة كيف ؟ حيث يقوم بتلين الجدران ومنها انزلاق الاوساخ و البقايا منها , وايضا له الدور في امراض الامساك حيث يقوم بارجاء الفرد الى حالتة الطبيعية. بأذن الله


3)الليمون الاسود : يطحن ثم يخلط مع القيل من الماء ثم بالهناء والشفاء ( يشرب) اعلم ان مذاقة لا يطاق ولكن للظرورة احكام .

يستخد الليمون الاسود لآلام المعدة والامعاء و سؤ الهضم . ويكمن سرة في كونه حمض قوي . بأذن الله


4) اوراق الشاي : يأكل وهو جاف اي لبتون ههه ملعقة صغيرة تكفي ليوم

تستخدم اوراق الشاء لعلاج امراض الاسهال . ويكمن سر هذا العلاج هو القدرة العجيبة لاوراق الشاي على سحب السوائل والاحتفاض بها مما يساعد على تقلل نسبة الذهاب الى حمام ( انتو بكرامة ) و في نفس الوقت يذهب آلام التى تصاحبها.

بأذن الله .


سبحان الخالق




ونشوفكم على خير ^^
Anima
05-11-2005, 09:29 AM
سلام عليكم

انا لي سالفة مع الادواية

مهما بلغ مني المرض ما اخذ دواء ابدا

اروح للدكتور اخليه يكشف علي ويكتبلي الدواء بس ما اخذه

سحن الله وكلها يوم يومين وانا متشافي <<<<اللهم لا حسد :bigeyes:

بس نصحك بالعسل والحليب والفواكه والخضروات وراح تحافظ على صحتك انشالله
kirby64
05-11-2005, 06:52 PM
جرب تزيد الجرعه <------تبي تموتك (&)
Lena
06-11-2005, 01:15 PM
لا لا .. انا قلت انا الي فيني انفلونزا والحمدلله الحين طبت وبقت الكحة بس ._. مافاول على ولد الناس

ويومين مع المضاد وقطيته بالدرام مالي خلقه >.>

ولكن الظاهر اني قاعدة اكل عواقب هالاهمال زادت الكحة T_T

وماتشوفون شر

P.S: وش هي لعبه عدنان ولينا ؟؟؟
Electro M
06-11-2005, 03:22 PM
سلامات اخوي ايفل ما تشوف شر ان شاء الله

المرض شكله جاك لانك مفارق واحد من حبايبك :196:

المضاد حقك عليه اعراض جانبية:blackeye:
بس ترا اغلب الادوية تلقى فيها اعراض جانبية تجيب الهم

بالنسبة لي الله يبعدنا عن المرض
لما اضطر اني اخذ علاج لازم اتاكد اولا من الجرعة اللي عطاني اياها الدكتور و بين الجرعة المكتوبة في تعليمات العلاج نفسه
اذا كانت اكبر اسحب على وصفة الدكتور و اطبق وصفة العلاج
في مثل يقول زيادة الخير خيرين
في العلاج خذ العكس حق هالمثل

بس عليك سجع في المقدمة تصلح تكون كاتب صحفي عليه :09:
Classic Evil
07-11-2005, 01:00 AM
هيومان :

ياخوي الله لا يحوجنا لا لحاكم ولا لحكيم ويصرفنا عن هالادوية اللي ذكرتها كلها يارب ..

وانا لا اخفيك جربت الكثير من المسكنات , القوي منها و الضعيف , لذلك أعرف تماما ادمان مدمني المخدرات لأي سبب , لأنها فعلا ذات نشوة لها لذة عجيبة !! الله يعافينا ..

واذا كانت عندك نصايح وخصوصا"ببلاش" :09: كثر منها ,, نستفيد منك ..


ذا كودر :

وما الغرابة في ذلك يا أخا العرب :33: ؟


انجل اوف ديفل :

وعليكم السلام ورحمة الله وبركاته

الشر ما يعرف دربك ان شالله يا رب ..
وشاكر لك جدا جدا اثرائك الموضوع .. والله درر نصايحك وراح اعمل فيها ..
تصدق من فترة كنت لازم اكل ملعقتين من عسل ابتدىء فيه واختم فيه .. وكنت الحمدلله تمام ,, لكن انقطعت :( وان شالله برجع العادة اللي كنت عليها ,, واشكر مرورك مرة ثانية عزيزي ..


أنيما :

وعليكم السلام ورحمة الله وبركاته
أجل ليش تروح للدكتور :06: ؟
لكن مرات الواحد تضطره الظروف تخليه ياكل هذا غصبا عليه .. وشكرا على نصيحتك القيمة ..

لينا :
ماحد قال تفاولين علي :) ..
بس ما سمعتي هيومان شقال , لا تاخذين مضاد للإنفلونزا لأنها غير مجدية http://images.montada.com/x/icons/icon13.gif ..
لكن فعلا الحكة مؤذية وصعبة المراس .. الله المستعان ..

لعبة عدنان ولينا : هي لعبة Games و ليس Toys وأظن تعرفين الفرق بينهما , ولاشك انا اقصد الاولى :09: هو عبارة عن مغامرات , أنا كنت رايح في بالي لعبة معينة وحبي لهالرسوم يخليني اشتري اللعبة ولو اني عارف بتطلع مو شي .. ماخذ فكرة اي رسوم او فلم يصير لعبة ما أخذه لانه يكون بايخ .. فشفت لينا قلت يمكن مادري يمكن تعرف هاللعبة ...

E-mad :

ربي يسلمك ماتشوف شر ..
امممم تقدر تقول مفارق واحد من الحبايب ..
مفارق رمضان ;)
باين عليك متعقد من الدكاترة صاير وسواسي تشيك علي الوصفة ..
وبالنسبة للسجع : لأنه يخفف على القراء , تعرف امهد حق موضوع فيه ذكر المرض و البلاوي .. يترتب عليه لوعة جبود وكلاوي :09: فخلك دوووم عالقافية , والله يعطيك العافية .
Dark Watch
07-11-2005, 03:34 AM
ماعليك سلامات ماتشوف شر

هالادوية الحين ماوراها الا الشر
ASHMO44
11-11-2005, 02:33 AM
السلام عليك
اولا سلامتك اخوي وخلني اتفلسف عليك شوي بما اني صيدلي
اولا الدواء اللي اخذته هو سبروباي واسمه العلمي هو سبروفلوكساسين مضاد حيوي
على الغالب عند تحسس من المضا د هذا وكنتيجه لذلك فان اي اي مضاد ينتمي لهذي لمجموعه المضاد هذا عندك حساسيه منها بمعنى اخر لازم تعلم الدكتور ان صارت لك الاعراض مع السبروباي عشان يغير نوعيه الدواء لمجموعه ثانية لاتنتمي لهذي المجموعه
احيانا للعامل النفسي دور مهم مجرد ان الشخص تاتيه فكره بان الدواء هو سبب مشكله معينه فان الشخص يبداء يهيء لنفسه المشكله بعد الاخرى وممكن يتطور اعراض لاول مره يشوفها المريض بسبب العامل النفسي

ثالتا بخصوص الاثار الجانبيه اللي قريتها فهي موجوده بكل دواء تقريبا نذكر بالاخص الاوروبيه والامريكه فتجد جميع الاثار الجانبيه مكتوبه حتى لو نسبتها ضئيله لاسباب الامانه العلميه وخلاء للمسوليه مو مثل الشركات العربيه ورقه 5 سم في 5سم نصها شعار الشركه

وماتشوف شر والسامعين
Classic Evil
11-11-2005, 12:24 PM
دارك ووتش :

الشر مايعرف دربك يا رب .. جزاك الله خير .


ASHMO44 :

وعليك السلام ورحمة الله وبركاته

الله يسلمك , وعاادي جدا ياخوي تفلسف إن كنت حقا من المتفلسفين :09:

كلامك صحيح وانا غيرت الدوا وقمت اتعاطى فيونكس Phunex مادري ان كان اسمه صح كتبته من حفظي وسبب لي اعراض لكن أخف من سابقه , والعامل النفسي أكيد لازم يكون شذي http://images.montada.com/x/icons/icon14.gif ..
أما ان العرب يذكرون المحاسن ويسكتون عن المساوىء فهم يعلمون بالقاعدة : قل خير او اصمت :09: ..

والشر مااييك شاكر لك مرورك .