المساعد الشخصي الرقمي

مشاهدة النسخة كاملة : كيف تكون عين الثقة


اميـــ الحب ــب
03-11-2005, 01:30 PM
كيف انا مراح اكتب هل الموضوع انت قولو رايكم وانا اسوية:33: :ciao:
ورد الليل
04-11-2005, 11:56 PM
الثقه هاي صفه عالميه قله من الناس تحملها

والله ما ادري شو اجولك
بس على حسب علمي وانا اتصف باللي اجوله
1 - حفظ السر حتى لو كان مو زين. او اذا تشاجرت مع اصدقائك ما تجول اللي امنك ايياه شو ما صار.
2 - تساعد اللي يحتاجك حتى لو ما عندك شى تتصرف دبر عمرك عشان تكبر في عينه ( بس )
لا تجوله قصة حياتك كيف خذت ها الشي عشانه ( تراه راح يلحج في خاطره بيحس انك ذليته ) عطه واسكت.
3 - بدي اهلك قبل اصدقائك لانه من دون اهلك ما وقفت على رجليك.
4 - تكلم كلام طيب لا تزيد ولا تنقص ( الاحترام واجب) خلك هااااااااااادي على الاخر
5 لا تسمح لنفسك تاخذ اللي راح يعطونك ايياه( شوف ها المثل) رفيجتي طلبتني 500 درهم وانا عطيتها
لانها غاليه عندي وجالتلي ( برجعهوم لج ) جلتلها ( والله لو رجعتيها ما راح اعرفج وما بينا اي كلام)
جالت (ليش لازم اردها يمكن تحتاجينها) جلتلها (ما ابيها ولا انا محتاجتلها بس كذا ضاربه في راس. و يا ويلج لو رجعتيها فاهمه )
6 - لا تخلي الفلوس اكثر همك بمعنى اخر ( دور على خليلك اللي راح يسكن في قلبك )

احمدو ربكوم انكوم شباب مش بنات يحسرتي ليتنى صدق ولد لأنكوم ترحونا خارج الدنيا هوب مثلنا
جاعدين حاطين ايدنا على خدنا ننتظر النصيب لين ما يجينا :( هههههههههه:D

ما عليه من اللي جلته ................. المهم

ها الثقه في نظريه . ومشكوووور على ها الموضوع الطيب:ciao:
S.W.A.T._911
05-11-2005, 10:24 AM
مرحبا اخوي امير الحب ..

نور الترفيهي بوجودك يالغالي :D

بصراحة ياطويل العمر على شان تكون عين الثقه

فيه حاجات لازم تتحلا بها :

1- الأمانه .
2- الصدق .
3- الأخلاص .. بشتى انواعة .. كالأخلاص للعمل وقس على ذالك ^^
4- احترام مشاعر الأخرين .
5- عدم التصنع وكن على طبيعتك .
6- << وهذي حط فيها اللي يطري على بالك :D



ورد الليل انتي كذا :biggthump


رفيجتي طلبتني 500 درهم وانا عطيتها


ابي اقول لك كلمة راس .. قربي اذنك شوي

بعد شوي ..

لاتخافين .. ما اعض انا !

قربي شوي .. ايوه

( عندك سلف مية ريال :D ) << بدينا بالطراره خخخخ

والله انتي شنب .. من يسلف خمس مية هاليومين

ياليتني اصير بنت << :bigeyes:

على شان تسلفيني خخخخ

...............

شكرا ً على الموضوع الرائع .. من عضو رائع :biggthump

وان شاء الله نشوفك ( مراقب ) يالغالي

وإلى الأمام سر :biggthump
اميـــ الحب ــب
06-11-2005, 04:07 PM
مشكرون الي ضافو ردوالحمد لله عرفت ايش اكتب بس بدال ماكتب مو جود الكلا م الي لكم والحمد لله:33:
BOR
07-11-2005, 12:20 AM
كل اللي قالوة الاخوان اللي قبل كلامهم صح

بس اذا قالولي في شغلة مهم او مو مهم ونفذتها بتامام

اكون عين الثقة
دلوعة العالم
07-11-2005, 01:54 AM
نفس كلاام الاخواان ..


بس انا عندي تعلييق بسييط..



2 - تساعد اللي يحتاجك حتى لو ما عندك شى تتصرف دبر عمرك عشان تكبر في عينه ( بس )




انا ماوافقك الراي..:أفكر:

..(رحم الله امرئ عرف قدر نفسه)..:biggthump

يعني اذا هي طلبت مني طلب وانا ماقدر ..:05:

..انفذله اياه اقووله مااقدر ;)

..لانه خاارج استطااعتي :02:

..بالتالي :D

..بكبر بعيينها ..:05:

هذا رااي ..;)

واذا كان عندكم ..تعقيب ماعني مشكله ..:09:

مشكوووووور ..امييييير الحب ..على المووضووع ..:أفكر:
ورد الليل
07-11-2005, 08:35 PM
الكلام اللي جلتيه يا دلوعة العالم انا اوافقج عليه

بس انا ما اسمح لنفسي اجول لا للي يطلبني المساعده

لانه اذا جلت لا بحس اني جرحته او خيب ظنه فيني

الوضع اللي انا فيه يسمحلى اني ما اجول (لا)

لانه كل شي عندي يرخص للي يبه

بمعني اخر

ادور اجر
لا
مدحه
وهذا اللي تربيت عليه

مشكوره على ملاحظتج:ciao:
دلوعة العالم
08-11-2005, 03:32 AM
الكلام اللي جلتيه يا دلوعة العالم انا اوافقج عليه


بس انا ما اسمح لنفسي اجول لا للي يطلبني المساعده

لانه اذا جلت لا بحس اني جرحته او خيب ظنه فيني

الوضع اللي انا فيه يسمحلى اني ما اجول (لا)

لانه كل شي عندي يرخص للي يبه

بمعني اخر

ادور اجر
لا
مدحه
وهذا اللي تربيت عليه

مشكوره على ملاحظتج:ciao:




اسوي الي اقدر علييه..و الباقي اقووله انه مو من قدراتي وهو بيتفهم مووقفي..

اكييييييييييييييييييييييييييييد..حنا ندور الاجر..ماقلنا شئ ..بس مااسوي شئ انا بعديين اتضرر منه بطريقه غير مباشره..

العفو..

واشكرك على تفهمك معي..