ماذا يمكن أن نجد على جدران المدارس ؟ ( قضية خفيفه )

[! غــريــب !]

بدل أن نسير في إطار الخواطر ( خوفاً من أن نتشبع منها ونملها :) )

فكرت أن أطرح قضيه أخرى سوف تكون خفيفه بإذن الله ,,

ماذا يمكن أن نجد على جدران المدارس الثانويه بالأخصَ ؟

1- ليش أدرس ؟

2-روح منّك لله .

3- بعض الأدب قلة أدب .

4- لاتكتب على الجدران .

5- طيب وين نكتب ! :D

6- أحبك يا هند !

7- لاحول ولاقوة إلا بالله ( الظاهر كتبها مدير المدرسة)

8- النصر تاج راسك يالهلال

تُرى هل هناك شاعرية في مايُطبع على الجدران وكم أحتضنت تلك

الجدران من مشاعر فكانت أقرب للانسانية من بعض الناس؟

[فراشة..]

بدل أن نسير في إطار الخواطر ( خوفاً من أن نتشبع منها ونملها :) )

فكرت أن أطرح قضيه أخرى سوف تكون خفيفه بإذن الله ,,

ماذا يمكن أن نجد على جدران المدارس الثانويه بالأخصَ ؟

1- ليش أدرس ؟

2-روح منّك لله .

3- بعض الأدب قلة أدب .

4- لاتكتب على الجدران .

5- طيب وين نكتب ! :D

6- أحبك يا هند !

7- لاحول ولاقوة إلا بالله ( الظاهر كتبها مدير المدرسة)

8- النصر تاج راسك يالهلال

تُرى هل هناك شاعرية في مايُطبع على الجدران وكم أحتضنت تلك

الجدران من مشاعر فكانت أقرب للانسانية من بعض الناس؟








اهلين اخي غريب


قضية حقيقية
وفي وجهة نظري ..
الكتابة علي الجدران
صرخة نفس لم تجد الشجاعة ليطلقها صاحبة عالية مدوية فأثر ان يرسمها لتصرخ ..بها الجدران

وعن نفسي قرات ذات مرة علي جدران مدرستي

ارتحت الان

والي اليوم والجملة تدور بنفسي


يا تري لما كتبت هذه الجملة و.......... اسئلة كثيرة مرت عليها سنوات ولازالت عالقة بذاكرتي

تسلم علي هيك موضوع
اختك فراشة











********
برايفت غريب
***********
ما ملينا من الخواطر فلا تبخل بها علينا.. بانتظار جديدك;)

[! غــريــب !]

أهلاً وسهلاً فراشه



صرخة نفس لم تجد الشجاعة ليطلقها صاحبة عالية مدوية فأثر ان يرسمها لتصرخ ..بها الجدران


فعلاً وهذي وجهة نظري أنا بعد :)


********
برايفت غريب
***********
ما ملينا من الخواطر فلا تبخل بها علينا.. بانتظار جديدك;)


هههههه كنت متوقع من حطيت حتى لانبقى في دائرة الخواطر و نملَ

إنكم كلكم تبون تاكلوني أكل وأنتي أولهم لحبكم المجنون لها

فراشه أنرتي متصفحي

وألف شكر على مرورك

[غالي الساهر]

هههههههههههههههه

رائع يا أخوي غريب ...

بالفعل طرحك للموضوع كان رائعاً منك

وأزيدك من الشعر بيت ..

أذكر في أحدى الحواري وأنا أتمشى شفت مكتوب على أحدى الجدران

(( واحد كاتب قصيدة من 12 بيت :bigeyes: على الجدار مادري ليه :06: ))

( مسوّي الجدار دفتر :p )

ويوم شافه صاحب البيت بعد كم يوم كسر الجدار وسوّى غيره :sad2:

لله في خلقه شؤن :أفكر:

مشكور على الموضوع عزيزي
تحياتي
غالي الساهر

[! غــريــب !]

(( واحد كاتب قصيدة من 12 بيت :bigeyes: على الجدار مادري ليه :06: ))

هههههههههه لا هنا ياغالي يجب الوقوف

فـ أمامنا حالة كبت عاطفي شديده :09:

غالي الأروع هو مرورك وإنارتك لمتصفحي

و .. هلا بك

[BuTtErFlY lOvE]

ههههههههه
موووزوووعك رهييييب وفله:biggthump
عاد تدري أنا وش يعجبني الكتابه على الجدران إيش..
شفت إلى بالافلام إلى يرسموون ويلوونون على الجدراان..
كيف تطلع لوحاات فنيه وهي ببخاخات وعلى جدران الشوارع
>>>فراشة والقصص..:D
هذوولي يعجبووني كثييييييييير..:biggthump
لكن هنا عندنا لا كلماتهم غريبه ومشووهه أحيانا
أنا دائما ألقى أرقام تلفونات>>>متعقدة بقوووة.. >_<
أو توقيعات..
أو ذكريات فلان بن فلان^^
أنا كمان منهم >_< إن اعجبني المكان كتبت أول حرف من اسمي..:05:
لكن كان فيه بنات كثيير فيهم الخير اول يكتبون على الجدران
"إذكرو الله" . "لا إله إلا الله"
ومن هالادعيه..
لا والاشعااار وش تقوول وش تخلي
المشكله عيني عينك جمب السبوره يكتبوها وبالالوااان
ياالله وغزل وحب وحااالة..
وميرسي على الموووزووع,,
بااااي..
:ciao:

[غاده الدلوعة]

هههههههههه
موضوع رائع إخوي غريب ..
وأحب أزيدك وأزيد الجميع على قولتهم من الشعر بيت ...
إنتم يالشباب تطلعون صرخاتكم على الجدران !!!!!
لكن حنا يالبنات تدري وين ؟؟؟؟

أعزك الله والحاضرين والقارين (( جوى دورات المياه :wow: ))
عاد تعال شوف !!!!!!!!!!!!

حبيبي فلا ن طولت الغياب ؟؟؟
وينك عن حبيبتك .......؟؟
تعال خذني تكفى ......؟؟؟

أفهم من وين ياخذها من الحمام ؟؟؟؟؟؟؟؟؟؟؟

والله هالكلام أنا قريته بالمدرسة وحبيت أنقله لكم ....

سوري على الإطالة بس حبيت أشارك بهالمداخلة ...
وشكراً عالطرح الحلو ..

إختك ** غاده **

[! غــريــب !]

شفت إلى بالافلام إلى يرسموون ويلوونون على الجدراان..
كيف تطلع لوحاات فنيه وهي ببخاخات وعلى جدران الشوارع
>>>فراشة والقصص..:D
هذوولي يعجبووني كثييييييييير..:biggthump

Oh yeh man :D


لكن هنا عندنا لا كلماتهم غريبه ومشووهه أحيانا
أنا دائما ألقى أرقام تلفونات>>>متعقدة بقوووة.. >_<

حسبالي جا البلوتوث واشغلهم
بس.. للتخلف بقيه :D


أنا كمان منهم >_< إن اعجبني المكان كتبت أول حرف من اسمي..:05:
ههههههه لا ماقصرتي
في وريقاتك في المنتدى
وفي شوارع خلق الله :p


لا والاشعااار وش تقوول وش تخلي
المشكله عيني عينك جمب السبوره يكتبوها وبالالوااان
ياالله وغزل وحب وحااالة..

الحب .. مايرحم :D

فراشة لاتحرمينا
من مرورك :)

[! غــريــب !]

فاصحاب الكتابه على الجدران..

((ليس جميعهم))

يكتبون..ما يجول في خاطرهم...

او ما يطري على بالهم...


الكتابه على الجدران أو الدفاتر
أو أي شئ آخر
هي عباره عن نزف من المشاعر
ومعظم الإخوه يعتقدون أن النزف
هو المشاعر الحزينه اللي يكون
صاحبها في هم وحزن ونكد
بالعكس ,,النزف هي حالة إبداعية
يعبر فيها الشخص عن ذاته
بأي عاطفة كانت سواء هم وغم
أو فرح وفسحه من بعد ضيق



المهم..

بعد فتره..وبالصدفه....

وجدت هذه الابيات على احد الجداران...

والابيات هي..

يا نور عينــــــي ما تفيد التحاسيف..***..لا صارت الدنيـــــا طويل مداها..

اللي ...انكتب ما فيه... تحـــريف..***..والعين جاها من السهر ما ما كفاها..

بالعون ما قصرت يا غاية الكيف..***..بس الليالي قصرت فــي وفاها..

لا تحسب تادنيا تجي لي على الكيف..***..كلن يموت وحاـــــجته ما قضاها..

صح لسانك وصح
لسان من ( شخمطها ) على الجدر :)
......................


وكما قيل..
مصائب قوم ..عند..قوم...فوائد..
:D
.............
أنا أشهد

خافي عطرَت متصفحي
بمرورك المتميز كـ حضورك
كل الود لك

[! غــريــب !]

لكن حنا يالبنات تدري وين ؟؟؟؟

أعزك الله والحاضرين والقارين (( جوى دورات المياه :wow: ))
عاد تعال شوف !!!!!!!!!!!!


يعني حنا أهون :p


حبيبي فلا ن طولت الغياب ؟؟؟
ماهوب كيفي :D

وينك عن حبيبتك .......؟؟
مشغول بـ شركات الوالد :D

تعال خذني تكفى ......؟؟؟
ربي ياخذني ويآخذك :D


أفهم من وين ياخذها من الحمام ؟؟؟؟؟؟؟؟؟؟؟
ههههههههههههههههههههه سؤال وجيه والله

~~~~~~~~~~~
غاده مرور كـ نسمة الربيع
في متصفحي المتواضع
أهلاً بك في كل وقت :)

[ابتسامــــــه]

فكرة موضوعك وااااااااايد حلوه ..

بخصوص الكتابه على الجدران هذي من قلة الاوراق إلي عندنــا :p


الحمد الله ما تعلمت إنــي اشخبط على الجدران .. لكن أذكر بالثانويه العامه آخر يوم لنا بالمدرسه

البنات ما خلو شي ما اكتبوا قهر سنواااات الدراسه كله طلعو بيوم واحد ومن غير سوالف الحب والعشق
واللوم والعتاااااب ............ الخ








:)

[الرســــــام]

موضوع خفيف وحلو أخوي غريــب ومــاهو "غريــــب" عليك <<<< مبروك على الصورة :p

قد صـارت معي تجربـة في الكتــابات اللي على جدران المدارس ..

لما كنــت قبل تقريبا سنتين في ثـالث ثــانوي <<< أفا ... أثاريك بزر :09:

لقيــت مكتـوب على سور المدرسة بيتين من أروع الأبيــات الشعبية اللي قريتهــا

بودعــك لادمع .. لا عنــاق .. لا ضــــم ............... واترك جروحك فوق صدري وســايم
وان مت لعيــونك .. فـلا اظن بـــــــندم ............... دام الأمل طير على الجــرح حـــايم

وكتـــب واحـــــد تحتهــــــا :

:bawling: تيهي تيهي تيهي تيهي تيهي تيهي :17:

والثــاني اللي كـــاتب : قطعــت قلبي الله يقطع قليبـك

عــاد أنا كتبــت تحتهــا بيتين من تأليفي :
توي برحــل ياعيوني بـــلا عنــــاق ................ يكفي روحي مـا مضى شمعــة طريـــق
وان مت من شوقي على حر الفراق ................. قبري من اشواقي يبي يولع حريــــق

إلا أن الدبــابيس واجــد .. فقبض علي متلبــسا بالجرم المشهـود :(
وانا في حياتي ما كتبت على الجدران غير هالمرة ... بس عاد وش تقول .. القرادة وانا اخوك ..
فعطـاني المدير كلمتيــن في العظــم ... واتهمني "بالعربجـة " رغم إعجـابه بالبيتيـن ..

فخرجــت من مكتبـه هــائما على وجهي ... ومصعـدا في الجبــال ... وراكضــا في الصحــاري والبراري
وســاكبا للدموع .. ومحطم الفــؤاد .. ومكســور الجنــاح ..
حتى ذكريـاتي ضــااااااااعت وتلاشــ ..... <<< إربط فرامل يابو الشبــاب .. هدي أعصابك .. وخذ لك اثنين شهيق واثنين نهيـق :D >>>

عمومــا .... هذه هي قصتي مع " شخبطــات " الجدران ....
بس وش رايك في البيتيـــن :D ...

[ابتسامــــــه]

بس وش رايك في البيتيـــن :D ...


ما شاء الله عليييك كنت عايش في جو الفراق مع الاخ إلي كتب أول شي

بس صراحه يبتها :biggthump

وأحلى شي لم تم إلقاء القبض علييييييييييك :D

[TRY NO RACE]

موضوع رهيب هههههه :D مشكورين جميعاً وشكر خاص لأحمد الحقيـل :D

الحمد لله بحياتي ما حطيت خط على أي جدار :09: بس طاولة الدراسة :p

مشكور يالكاتب

[shjoonal3in]

حلو الموضوع:D

توني اشوفه<<< ايوه وبعدين:D

أنا اعتقد اللي يشخبطون عالجدران عندهم "كبت" وعندهم "دودة في يدهم":09:


أنا عني اكتفي بطاولتي وطاولات المختبرات وما استخدمهم الا في حل المسائل الطويلة:o
ايام المدارس كان عندي بخل مش طبيعي في استهلاك الاوراق:09:
لما اكون ملانه من الحصة اشخبط "أيضاً "^^

يسلمو عالموضوع الرهيب:biggthump

[TRY NO RACE]

وعندهم "دودة في يدهم":09:



ههههههه
حللللللوه :09:
مو أنا اللي قلت ، شجون خخخخ <<< :D دبري عمرك معاهم

[cherif rouan]

نحن نمارس الحلم ... والحياة تمارس الواقع ...
ومابين الحلم والواقع مساحة مشغولة بالأمل في الحلم .

[KANE THE DEAD]

شكرا ويعطــــيك العافـــية

[! غــريــب !]

بخصوص الكتابه على الجدران هذي من قلة الاوراق إلي عندنــا :p


الحمد الله ما تعلمت إنــي اشخبط على الجدران .. لكن أذكر بالثانويه العامه آخر يوم لنا بالمدرسه

البنات ما خلو شي ما اكتبوا قهر سنواااات الدراسه كله طلعو بيوم واحد ومن غير سوالف الحب والعشق
واللوم والعتاااااب ............ الخ



هلا بشبيبة اليوفنتوس كلهم :D

والأنثى تستطيع في أي وقت إيصال شعورها للطرف

الآخر بعكس الرجل الذي يظل يتخبط حتى يضيع كل شئ بين

يدينه

إبتسامه نورتينا هلا فيك

[! غــريــب !]

موضوع خفيف وحلو أخوي غريــب ومــاهو "غريــــب" عليك <<<< مبروك على الصورة :p
الحلوه عيونك ياشيخ أحمد
والصوره جات بعد وسايط وشغله الله لايوريك بس ,,






لقيــت مكتـوب على سور المدرسة بيتين من أروع الأبيــات الشعبية اللي قريتهــا

بودعــك لادمع .. لا عنــاق .. لا ضــــم ............... واترك جروحك فوق صدري وســايم
وان مت لعيــونك .. فـلا اظن بـــــــندم ............... دام الأمل طير على الجــرح حـــايم

!!!!




عــاد أنا كتبــت تحتهــا بيتين من تأليفي :
توي برحــل ياعيوني بـــلا عنــــاق ................ يكفي روحي مـا مضى شمعــة طريـــق
وان مت من شوقي على حر الفراق ................. قبري من اشواقي يبي يولع حريــــق


ونعم.. هذا عشمي فيك
دايم تشرفنا في المحافل الدوليه:D



إلا أن الدبــابيس واجــد .. فقبض علي متلبــسا بالجرم المشهـود :(
وانا في حياتي ما كتبت على الجدران غير هالمرة ... بس عاد وش تقول .. القرادة وانا اخوك ..
فعطـاني المدير كلمتيــن في العظــم ... واتهمني "بالعربجـة " رغم إعجـابه بالبيتيـن ..

هههههههههه نقاده ياخي
<< ماكان عندهم دبابيس الا المصاريه :D



فخرجــت من مكتبـه هــائما على وجهي ... ومصعـدا في الجبــال ... وراكضــا في الصحــاري والبراري
وســاكبا للدموع .. ومحطم الفــؤاد .. ومكســور الجنــاح ..
حتى ذكريـاتي ضــااااااااعت وتلاشــ ..... <<< إربط فرامل يابو الشبــاب .. هدي أعصابك .. وخذ لك اثنين شهيق واثنين نهيـق :D >>>

كل ذا عشان قالك انت عربجي
أجل وشلون لو قالك $َ!$@$@$#@ّ!ّّّ ($َ!$@$@$#@ّ!ّّّ)!! :D



بس وش رايك في البيتيـــن :D ...

روعه بس مرورك أروع يابو حميد :)

[! غــريــب !]

الحمد لله بحياتي ما حطيت خط على أي جدار :09: بس طاولة الدراسة :p
جربها مره ماراح تنساها بالمره :D





مشكور يالكاتب



مسكين ذا الكاتب ,, ماله لايوزر ولا شئ بس
وظيفته يكتب عشان تستانس :(

اممممم بس شئ طيب

مشكور يالرادد << نفس الوزن

~~~~~~~~~~~

تراي هلا فيك وفي مرورك :)