المساعد الشخصي الرقمي

مشاهدة النسخة كاملة : شعر رأيكم يهمني ( طفلة وغازلتني )


aبحرينيهa
13-11-2005, 01:02 PM
عنوان القصيده شفته من قبل على قصيده ماذكر لاي شاعر لاكن حبيت انه يكون عنوان لقصيدتي اليوم ,,,

قبل البدأ راح اذكر سبب كتابتي لهذي القصيده ,,, أعرف شخص يقرب لي عمره 35 سنه ومر بعلاقه

من عشر سنين ومن بعد هالعلاقه مافكر يرتبط ولا فكر يتعرف على حد ,, مرت الأيام وصادف انه تعرف

على وحده عمره 17 سنه وكانت هذي البنت تتقرب له من ناحية الأتصالات وتقوله كلام حلو ماسمعه من عشر سنين

من فتره اتصل فيني هالشخص وقالي عن سالفته مع هذي البنت وانا طبعاً نصحته انه يتركها بحكم السن

لاكنه رفض هالشي ,,,, المهم قالي كتبي لي قصيده تروي قصتي هذي وعطيني اياها كاهديه

وانا كتبت قصته وحبيت تعطوني رايكم قبل لعطيها لهذا الشخص للعلم البنت اللي عمرها 17 سنه اسمها عبير


القصيده تقول :


طفله وغازلتني وانا سنـي كبيـرعيشتني كني في عمـر الزهـور

حسستني احساس عمره مايصيـرأحساس ماذقته اكثر من شهـور

آآآآه ياني مـن الفرحـه باطيـرحتى المشاعر احس انهـا تثـور

غازلتني وحسبـت نفسـي أميـرهي الوحيـده غرقتنـي بالبحـور

عبير وادري انـه اسمهـا عبيـراناديهـا بالأسـم وانطـق بنـور

لعنبو جدك صـرت انسـى كثيـروكل ماشفتك قمت انجـب وخـور

صرت احب ألعب كالطفل الصغيـروصرت ماسهر صرت إنسانٍ غيور

صرت ماشرب صرت ماكل بالأخيرصرت ماصحى إلا لحظات السحور

غيرت طبعي فـي وقـتٍ عسيـروقت محتـاج المحبـه والشعـور

مايهمني شي فيهـا لـو تصيـرحتى لوكانت سفور احبها سفـور

هي طفله وتملك احساسٍ خطيـراجذبتنـي حالهـا حـال العطـور

لوكبيره وغازلتنـي غيـر عبيـروالله ماحسيت بكل هـذا الشعـور


وسلامتكم
a بحرينيهa
abonife
13-11-2005, 01:24 PM
ههههههههههههههههههههههه القصيده روعه
غالي الساهر
13-11-2005, 03:05 PM
بالتوفيق أن شاء الله :أفكر:

القصيده جميلة

تحياتي
غالي الساهر
BuTtErFlY lOvE
13-11-2005, 03:16 PM
والله ماشااء الله عليك لو انت إلى كاتبها
صدقني صورة المشهد كله
وكيف كان وكيف صار معها
والله حلوووه ماشااء الله عليك
لكن ماادري مو تحس يبيلها نهاية أقوى من كذا,,
هذا رأيي ترا وهو مجرد رأي..
لكن كل كلمه رائعة ومعبرة وفي مكانها بعد..
حتى العنوااان اصبت بإختيار العنوان,,
لان بجد "طفلة وغازلتني"
الله ,, وربي عجبتني..
عندك موهبه والله,,حافظ عليها ولا تضيعيها ..
في حفظ الله الكريم..
Batistuta
13-11-2005, 07:40 PM
إحم إحم

جاكم إلحين اللي بيخرب الموضوع

في البداية أقول

صح لسانك وبدنك على القصيدة


but هناك بعض التعديلات التي سأذكرها على بعض الابيات علشان يطلع مطابق للوزن


أحساس ماذقته اكثر من شهـور

هو شعور فاقده لي شهور


هنا اظطريت اضيف التعديل هذا على البيت بسبب لو تلحنين البيت احساس ماذقته من شهور راح تلاحظين فيه انكسار :أفكر:



حتى المشاعر احس انهـا تثـور


حتى المشاعر قربت هي تثور

ايضا هنا حصل انكسار في البيت يوم قلتي احس انها تثور وقبلها سبقتا كلمه بها ال التعريف والحقتي بها الف اخرى بعدها اعتقد الانكسار واضح :31:



عبير وادري انـه اسمهـا عبيـر

عبير اسمه داري انه عبير

علشان الوزن لاينكسر في هذا البيت احرك البيت كشطرنج لكي يتناسق مع الوزن:09:

ترا صعب أحد يهزمني في الشطرنج :D



اناديهـا بالأسـم وانطـق بنـور

اناديها باسمه وانطق بنور

هنا يكون كسرنا الوزن ايضا

لو تكتبيها من جديد مع التعديلات بتطلع جميلة جدا :05:

بالتوفيق لك دوما :)
tristalyana
14-11-2005, 10:29 AM
كيف أستطعت أن تخرج شيئا يمس الوجدان و القلب هكذا ؟ أنا حقا أتعجب منك .. كيف لم تكن أنت بطل تلك القصة و عندما رويتها جعلتني أبكيك دموعا صادقة ؟ .. أذادك الله صدق أحساس و عذوبة ألفاظ و روعة الموهبة :ciao:
Ahmed Blight
14-11-2005, 10:54 AM
القصيدة ابداع حقيقي:D
الكلمات تعجز عن الوصف و لكن كل ما اقدر على قوله هو انها قصيدة مميزه
و جاري الترشيح:p
KANE THE DEAD
19-11-2005, 06:08 PM
هههههههههههههههههههههههههههههههههه

صراحة ولا أروع >>>>>>>>>>>>> <<<<<<<<<<<<<<<
حسونة السودان
14-12-2005, 05:38 AM
ماشا الله قصيدة رائعة
بالمناسبة,القصيدة التي تحمل نفس العنوان هي قصيدة للشاعر كريم العراقي ,طلبت منه فتاة لم تتجاوز الثالثة عشرة ان يوقع على كفها حروف اسمه ,أثار فيه هذا الموقف شيطان الشعر و اعتبر ان طلبها هذا ما هو الا ضرب من الغزل فشرع في كتابة قصيدة "طفلة وغازلتني"!!!!!!!!!!!!!!!!!!!!!!!
wahhab
14-12-2005, 03:17 PM
جميله جداااااااااااااااااااااااااااااااا .. و الفكره كمان .. برافو عليك
_(DEVIL)_
14-12-2005, 04:34 PM
حلوووووووووووووووووووووووووووووو يعطيك العافيه ......
M.megoo
15-12-2005, 12:37 AM
شكرا على الكلمات الجميله