مشاهدة النسخة كاملة : بأي لعبة تنصحوني ؟
squall 911
19-10-2001, 09:52 PM
أنا الحين ألعب فاينل فانتسي 7 وقربت أخلصها وناوي أشتري واحدة من هذي الألعاب
1- كرنو كريسس
2- فاينل فانتسي 6
3- فاينل فانتسي 9
4- ليجند أوف دراجون
لو سمحتم إختاروا لي لأنه كثير من الأصدقاء والأعضاء نصحوني بهذي الألعاب
M7MOOOD
19-10-2001, 10:14 PM
أوووووووووووه ...
الألعاب اللي ذكرتهم كلهم روعة ... و ما أقدر أنقيلك وحده منهم .... و لازم ما تفوت وحده منهم ...
فنصيتي لك هي أن تشتريهم كلهم كوبي ( نفس ما أنا سويت ) ....
لأن كلهم روعة و أنا أمتلكهم و أنصحك أن تلعبهم كلهم دون أستثناء ...
خصوصا ( فاينل فانتسي 9 ) و ( فاينل فانتسي 6 و 5 لأن الخامس يي مع الجزء السادس ) ...
فروح و أشتريهم كلهم دون أستثناء و بدون أي تفكير ...
و أي ... أي مشكلة تواجهك في وحدة من هالألعاب فأنا حااااااضر ...
و أنا راح أعطيك شفرات ( فاينل فانتسي 9 - 5 - 6 - و ليجند أوف دراجون ) أذا شريتهم .
The King Of Roma:Totti
19-10-2001, 10:53 PM
يا squall 911 هل لعبت فاينل فانتسي 8 ؟؟؟
في رأيي الشخصي هي أفضل جزء في السلسلة حتى الآن :واو: :واو:
squall 911
20-10-2001, 02:44 PM
أنا لعبت فاينل فانتسي 8 و فعلا مثل ماقلت أفضل جزء في السلسلة بس في بعض الأعضاء نصحوني بهذي الألعاب فأنا قلت أشتريها
أما يا أخ محمود إني أشتري كل هذي الألعاب مرة وحدة فأنا ما أوافقك في هذي الفكرة لأني أنا بدي ألعب كل لعبة وأنا مركز في اللعبة مو هيك ألعبها بسرعة عشان أشوف الألعاب اللي بعدها
وشكرا على الرد :D :D :D
ريـــنــــوا
20-10-2001, 03:31 PM
لو كنت بغى لعبه وحده حاليا أفضل لو بدأت بـ FF9
و ابدا لا تفكر بلجيند اوف دارجون لانها مو حلوه.
M7MOOOD
20-10-2001, 04:30 PM
أوكي يا العزيز ( سكوال 911 ) ...
عيل أشتري ( فاينل فانتسي 6 / 5 ) و ( فاينل فانتسي 9 ) ...
و نصيحة مني :
لا تفوت أبدا أبدا هالألعاب اللي ذكرتهم لك ...
و لازم ... لازم تشتريهم كلهم بدون أستثناء ...
و أنا ناطر علما تشتريهم و تقولي رايك فيهم .
squall 911
20-10-2001, 04:59 PM
طيب خلاص أنا لحتى الآن شايف الكل يقول فاينل فانتسي 9
أشتريها ولا لأ ؟ ?: ?: ?:
M7MOOOD
20-10-2001, 05:08 PM
و الله أمرك عجيب يا أخ ( سكوال 911 ) ...
الحين فاينل فانتسي و ما تشتريها !!
و لا ... و هاذا أنت مجرب الجزء الثامن و السابع !!
أنا بس جربت الثامن .... و لما خلصته و لقيته حلو ... قلت أكيد عيل الأجزاء اللي قبله هم حلو نفسه ... و بعدين على طول شريت التاسع و السابع و الخامس و السادس و كانوا روعة ... و بعدين ندمت كثر شعر راسي لأني ما شريتهم من قبل .....
يا ( سكوال 911 ) ...
أنت أشتري الجزء التاسع ....
و الخامس و السادس ( لأنهم مع بعض ) ...
و صدقني أنك راح تتعجب من نفسك لأنك كنت متردد بشرائهم ...
فروح أشتريهم و بأقرب وقت و صدقني ... صدقني أنك ماراح تندم و لا لحظه على شرائك لهم ...
و يالله يا ( سكوال 911 ) ...
روح و أشتريهم ...
ترى مليت و أنا أقولك ( أشتريهم ) ...
يالله ... بسرعة لا تفوت على نفسك المتعة اللي راح تعيشها لما تشتريهم ... و أول ما تشتريهم قولي ...
و راح أعطيك كل شفراتهم علشان تكبر المتعة ( شفرات التاسع و السادس و الخامس ) .
أنا أنصحك بفاينل فانتسي 9
squall 911
20-10-2001, 06:16 PM
يالعزيز (M7MOOOD) :
أنا فعلا جربت فايل فانتسي 7 و8 وعجبوني وعارف إني المفروض أجرب 6و 5 و 9
بس إنت نصحتني في لعبة كرنو كريسس فأنا قلت خلني أتأكد أي واحدة أحلى هي و لا فاينل فانتسي وسمعتك تتكلم كثير عن لعبة (( ليجند أوف دراجون )) فقلت يمكن تكون اللعبة أحلى من كرونو كريسس
بس حسب كلام الأخت رينوا أنا فهمت إنها اللعبة سخبفة و إنو باقي الألعاب أحلى منها
المهم مشكور على الرد
أما إنت يا أخ edge فشكرا على النصيحة ;)
ريـــنــــوا
20-10-2001, 07:11 PM
على فكره أول مره أعرف أن الشريط الثاني الي مع FF5 هو FF6
شوف لعبه لينجد اوف دارجون سخيفه بنظري و ما أظن أن كل الي لعبها يقول عنها كذا بالعكس اللعبه جدا ناجحه بس أنا ما أحبها.
بس برضو أظن أن الكل يوافق أن اي جزء من FF أحسن منها.
بعدين عندك ( تاوزند ارمز ) من شركه ريد كونبني لعبه جدا حلووووووه و مو لازم تشتريها اصليه.
و في العاب RPG كثيره على الـ PSX كلها حلوه.
شوف هذه صوره للعبه.
Pentium
20-10-2001, 09:58 PM
السلام عليكم......
نصيحة مني.......
لا تفوت و لا جزء من فاينل فانتسي......
و استمتع بكل جزء ...........
لأن المرة الأولى التي تلعب فيها اللعبة هي أحلى واحدة فلا تلعبها بسرعة حتى تختمها فقط.......:( :cool:
squall 911
21-10-2001, 01:43 PM
مشكور يا أخت رينوا هذي لعبة جديدة ثاوزند آرمز بحاول أشوفها
ومشكور يا لأخ Pentium على النصيحة على كل حال أنا ما راح أشتريها قبل ما تخلص الإختبارات
وكلكم مشكورين :D :D :D
M7MOOOD
21-10-2001, 01:59 PM
العفو ...
و يا أخت ( رنــوا ) الصراحة لعبة ( ليجند أوف دراجون لعبة رااااائعة ... و هي بالفعل تحفة شركة سوني ) ...
و لكن و الصراحة ... مافي أي لعبة RBG تتفوق على أي جزء من أجزاء الفاينل فانتسي ( من الأول الى العاشر ) ...
و يا جماعة ... مافي أحد منكم يعرف لعبة ( Threads of Fate ) اللي من شركة سكوير ؟؟
ترى و الله اللعبة عجيييييييييبة مرررررره .
ريـــنــــوا
21-10-2001, 02:21 PM
أنا ما أقول أنها مو رائعه .... أنا أقول اني ما أحبها و هي مو رائعة بالنسبه ليه الا ان اللعبه ناجحه جدا.
طبعا اروع وأحلى شيء في اللعبه روز و أغنيه النهايه و العروض ماشي حالها .
صح يا أخ محمود ( صح ولا قرأتها خطأ ) وين وصلت باللعبه ؟؟
أما Threads of Fate أول مره اسمع فيها بس متى طلعت و على اي جهاز ؟
و ثاوزند ارمز لعبه من سنه 1999
M7MOOOD
21-10-2001, 02:42 PM
معقوله مافي أحد يعرف لعبة ( Threads of Fate ) ...
اللعبة و الله رائعة و حلوه و سهلة ... و بطلتها ( مينت ) أكثر شخصيات الألعاب فرحا و مرحا ...
هي اللعبة من شركة ( سكوير سوفت ... صانعت فاينل فانتسي ) و هي نازله على البلاي ستيشن 1 ...
و قصتها تدور حول شخصين الأول :
بطل رجل عمره 33 ... يجي واحد عند بيت خطيبته قبل يوم واحد من زفافهم و يحاول يسرقها ... بس البنت تدافع عن نفسها و تقاوم السارق ... و تجرهة بخاتمها و تعمله ندبة على جبينه ... فيعصب السارق و يذبح البنت ... و يوم العرس ينتظر الرجل حبيبته في الكنسية ... بس يلاقاها تأخرت فيحسب أنها تخلت عنه ... و يروح عند بيتها علشان يسألها ليش تخلت عنه ... بس يلقاها تحتضر و تبي تموت عند باب بيتها ... فيسألها شنو اللي صار .. فتقوله اللي صار و أوصاف الريال اللي ذبحها و أنها عملت ندبه على جبينه ... و تومت البنت ... و تمر خمس سنين و الرجل يدور على السارق حتى عرف أنه موجود في مدينة ( ليما ) و هو هناك معروف أنه سارق محترف ... فيدور سفينة متجه الى ليما ... و يلقاها هالسفينة موجودة في مدينة _ نسيت أسمها ) و يقرر أنه يسافر على متنها و يتجه لمدينة قاتل خطيبته لينتقم ....
أما البنت ( مينت ) فهي أميرة ... و ما عندها أخوان غير أخت وحده و أسمها ( هم نسيت :D :D ) ...
و يوم من الأيامو بعد وفاة الملكة تجي أختها و تقولها ( أنا عينت نفسي ملكة على مدينتنا بعد أمي ...و تقول حق أختها ( أنتي غبية و نكره ... و بقائج ماله معنى ... و ما ييب غير المشاكل ... علشان جذي أنا أبي أطردج من المدينة ... و مابليج ترجعين الا اذا عملتي عمل مفيد واحد ... مثلا أذا يبتي كتاب ( السحر البني ) ... و الحقيقة أنه مافي كتاب اسمه السحر البني .. بس الأخت تبي الفطه من أختها .. و تبي توخرها عنها طول حياتها ... بس الغبية تصدق كلام أختها ... و تظل 5 سنين و هي تدور على هالكتاب الخيالي اللي ماله وجود ( طالع ... صج انها غبية :D :D ) المهم بعدين يطلع صج أنه في كتاب اسمه ( السحر البني ) و هو موجود في مدينة ( ليما ) يعني ... لازم مينت تروح هناك علشان تلقى الكتاب ... و بعدين تكون بهالشي عملت عمل مفيد ... و راح تقدر ترجع المدينة ... و يمكن بعد تتعين حاكمة ... و علشان توصل لمدينة ( ليما ) لازم تروح مدينة بحرية موجود فيها سفينة متجه الى ليما ... و هناك و على متن السفينة يلتقي البطلان في بعض ... و هني يبدأ التعارف بينهم .. و تبدأ مغامرة طويلة .. نتعرف فيها على كل من ( ماركوس ... الساحرة ليندا ... اللعبة اللطيفة بريما ... العالم كالوس ... أبنة كالوس ) و الكثير الكثير ....
يعني نصيحة مني ( لا تفوتون هاللعبة لأنها رائعة بمعنى الكلمه ) .
أيييييييي ... ايدي عورتني من الكتابه .
:": :":
ريـــنــــوا
21-10-2001, 03:18 PM
ايوووووووه عرفتها عندي :D .
بس بيني وبين أختى شيء غريب أن لو أنا لعبت لعبه ما تلعبها هي الا في حالات نادره ولو هي لعبت لعبه ما العبها أنا خاصه العاب الـ RPG ( معادله رياضيه :D )
فأنا اشتريت هذه اللعبه مع ساجا 2 و كنت لسه ما خلصت ليجند اوف دارجون فقلت خليني اخلصها بعدين اشوف الالعاب الجديد بعد أسبوع كنت ماره من الغرفه الي فيها PSX الا الاقي اختى احتلت اللعبه.:واو: :واو:
و بس الى الان اللعبه عندي و ما جربتها ولا حتى أعرف اسمها.
نفس القصه صارت مع FF9 أنا سبقتها على اللعبه السنه الى فاتت و هي دوبها هي مخلصه الشريط الاول.
Night Fox
21-10-2001, 06:04 PM
السلام عليكم.......
و الله يا أخ M7MOOOD قصة هذه اللعبة باينتها رائعة......
ألف شكر لك..........
بس هذه اللعبةThreads of Fate على أي أجهزة نزلت؟
?: ?: على السوني بس؟
Night Fox
21-10-2001, 06:33 PM
أنا و بكل تأكيد أنصحك بفاينل فانتسي 9........
و بدون تردد و من ثم فاينل فانتسي 6......
squall 911
21-10-2001, 06:50 PM
كلكم مشكورين وخصوصا الأخ محمود والأخت رينوا و الأخ Night Fox
على كل حال كلكم مشكورين :D :D :D
M7MOOOD
21-10-2001, 10:19 PM
العفو العفو يا عزيزي ( سكوال 911 ) ...
و بالنسبة للعبة اللي ذكرت قصتها ... فنعم ... هي نازلة فقط على البلاي ستيشن 1 ... و الصراحة أنت راح تنصدم لما تشوف رسوماتها ( رووووووووووووووووووووووووووووعة ... و الشخصيات تصميمهم يفوق تصميم شخصيات فاينل فانتسي بمئااااااااات المرااااات ) و هي ترى لعبة ثلاثية الأبعاد بالكامل ...
و أنا أنصح الجميع أنهم يشترونها ....
و لا يفوتونها أبدا ... أبدا ... أبدا .
squall 911
23-10-2001, 07:01 PM
ما في نصائح جديدة ؟ ?: ?: ?:
M7MOOOD
24-10-2001, 01:29 PM
آخر نصيحة مني هي :
أشتر فاينل فانتسي ( 9-6-5 ) ...
و عمرك ماراح تندم .
squall 911
24-10-2001, 01:39 PM
مشكور على النصيحة
M7MOOOD
24-10-2001, 01:48 PM
العفو يا عزيزي .
;)
GloryForever
24-10-2001, 11:24 PM
انا انصحك على عكس الكثيرين انك تشتري ( اذا ما كنت اشتريت شي للحين ) LEGEND OF THE DRAGON . صراحة لعبة روعة وفي ناس ما عجبتهم اللعبة بس انصحهم يلعبونها كاملة بعدين يقيمون اللعبة وانا متأكد ان اللعبة بتعجبهم .
squall 911
25-10-2001, 08:47 AM
تدرون أنا غيرت رأيي صرت أبي أشتريهم كلهم مرة وحدة
AbuEve
21-11-2001, 10:08 PM
الوصفة المثلى ان تشترى كل رواية (لعبة) من انتاج سكويرسوفت .
خصوصاً( فاينل فانتسي 9) و ( Parasite Eve2-1) ;)
AbuEve
21-11-2001, 10:13 PM
الوصفة المثلى ان تشترى كل رواية (لعبة) من انتاج سكويرسوفت .
خصوصاً( فاينل فانتسي 9) و ( Parasite Eve2-1) ;) http://
HAMAD
21-11-2001, 10:21 PM
فاينل فانتزي 9
Anime-Girl
22-11-2001, 04:03 AM
مرحبا اخ سكوال
معليش طولت في اعطائك نصيحه..
بس كل الالعاب اللي ذكرتها مرررررررررررره حلوووووووووووه..
من الصعب انك تختار وحده منهم...
بس يمكن نقول ان الالعاب اللي من شركة سكوير سوفت ابدا ما تتفوت
وخاصه سلسلة فاينل فانتسي...
طبعا :عليك فورا بشرائها 5 , 6, 9...
وكرونو كروس حلووووووووه ..
وايضا ليجند اوف ذا دراجون مرررررررررررررررره حلووووووووووه..
ما اقدر استنى الجزء الثاني منها على البلاي سيشن 2..
فــــــ لاتحتار ولا تندم كلها حلوووووه..
وبالنسبه يا اخ محمود للعبه Threads of Fate..هي موجوده عندي..
وهي حلووووووووه ..ومينت مررررره خفيفة دم...
من قال لك ان ما احد يعرفها ..هذي انا عرفتها..:D
على العموم توكل على الله اخ سكوال واشتريهم ...
والعبها بعد الامتحانات...:D
اتمنى اني افدتك...مثل الباقيين
squall 911
22-11-2001, 01:17 PM
مشكور لكل من شارك
SHADOW2002
22-11-2001, 01:33 PM
اخوي سكوال جرب اخر جزء نزل لبريتث اوف فاير
وجميع اجزاء فاينل فانتسي
:D
Angel whisper
22-11-2001, 07:42 PM
بالنسبة للعبة Thousand Arms ابغي اقولك ان هاللعبة وايد سهلة.. وما تقدر تقارنها بأي جزء من اجزاء الفاينال.. وانا خلصت الديسك الاول بسرعة.. لكن اخوي الصغير المتخلف يابالي اياها كوبي وبعد الديسك الاول بس.. بس عموما اللعبة سهلة وبتخلصها بسرعة وما بقولك انها وايد بايخة لان فيها بعض النواحي الجيدة..
شتاينر
24-11-2001, 10:50 AM
أنا أنصحك ب فف9 .. وكمان أنصحك بلعبة Parasite eve 2 لأنها لعبة رائعة بمعنى الكلمة ...
squall 911
24-11-2001, 03:42 PM
طيب خلص فهمنا
قفلوا عن الموضوع
M7MOOOD
25-11-2001, 01:10 PM
للرفع ...
:D :D :D :D :D :D :D
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .