ارجو مساعدتي ( ريم ) [الأرشيف]

kuw

21-10-2001, 06:00 PM

:D

اختي ريم سمعي سالفتي ويا المواقع يمكن تهون سالفتج والمشكله اني المركز الرابع في افضل مئه موقع
اما الحين ولا شىء الانه مصكر موقعي :(

وشوفي مأساتي يمكن تستفيدين كنت كاتبها في منتدى الحلم وبنقلها لج الحين

مذكرات واحد يدور موقع مواصفات خاصه
قلت مدامي الحين ادور موقع استضافه مميزات خاصه أفتح موضوع

واحط فيه كل المواقع الى زرتها ومميزاته
يعني خذ نصيحت مجرب ولا تسأل طبيب

المهم نبلش www.f2s.com

احسن موقع استضافه بس يحتاج الاميل مدفوع يعني بقروش ريالات بدنانير اتركه عنك مالك امل

الى بعده

http://dreamwater.com

Account Size 50 mb المساحه الى يعطونك ياها
Banner Ads Top of Web الاعالان فوق يعني يبي يزعجك نفس الفري سيرفر
File Manager تحمل الملفات عن طريق الموقع

Max File Size 200 K هاهاهاهاها الملف الى تقدر تحمله كل مره لازم يكون 200kb ياعمي مامنه فايده يعني لو عندك ملف 300kb مايصير تنزله بالموقع يعني استريح

الى بعده

http://www.vr9.com/

مادري ليش فاتح هذا تدرون جم المساحه الى يعطيك ياها ؟

5mb

شسوي فيها هذي تقول محكر حمام مو موقع

احلا مافيه انك تقدر تنقل عن طريق الاف تي بي ومافيه دعايه

سجلت فيه بجربه

قالى اميلك بلاش لازم بفلوس

You can't signup using a free email address

الى بعده

http://www.dkbhosting.com/

75mb
تقدر تنقل بالمتصفح او الاف تي بي

شىء جميل ولا ويقولون مجاني

دشيت الموقع والا يقول ماعندى شىء بلاش شنو تبون كل شىء بلاش

المهم صكرت صفحته وطلعت مامنه فايده

دخلت الى بعده

http://www.freeservers.com/

منو مايعرفه ؟

كلنا نعرفه صح

بس انا كنت ماحبه

المهم حدتني الايام عليه سجلت وكل شىء اوكي

تقدر تنقل الملفات عن طريق برنامج الاف تي بي او من عندهم
يعطونك

يحطون اعلانهم فوق الصفحه واذا بطلت الصفحه تطلعلك صفحه ثانيه يعني ماتعجبني بس قلت العوض ولا القطيعه

المهم

لا والاسم شىء جميل ومختصر صراحه عن جد ترى

www.alshe6an.8m.com

8m تقدر تغيرها

هذي صراحه شىء حلو انه مختصر وهذا الى عجبني فيه

نزلت الصفحات كلها الحين باقي

انزل الفلاش وصور

اول فلاش يمكن حجمه 300كيلوبايت

صغير نزل اوكي

الصور نزلت

وصلت عند فلاش حجمه 600 كيلو بايت

نزلته من عندهم عن طريق الاب ديت

ماصار فتحت برنامج الاف تي بي

نزلته ماصار استغربت ولين شالبلشه هذي واطاله تحت الا
مكتوب حجم الملف الاقصى

500kb

يا حلاوه يعني ولا فلاش ولا لعبه اقدر انزل

واشطب كل الصفحات والى فيه واطلع

الى بعده

http://www.the-park.com/

قالولي عنه يعطي

15mb

وسكتو دشيت الموقع اتفحص واشوف المميزات شفت انه

مو مال حشيمه طلع سفر وهدايا ومادري شنو المهم ماشفت فيه كلمه فري دومان طلعت

الى بعده

http://www.50megs.com/

يقولك بدون ماتدفع فلوس يعطونك

50mb

على طول مابدهاش

دشيت الموقع

طلع المساحه المجانيه
12mb بس

قلت يالله مو مشكله تكفي وتوفي

دشيت بشوف شنو مميزات المساحه المجانيه

Web Space 12 MB المساحه المجانيه

File Size Limits 256 K الحد الاقصى لتحميل الملفات

هني ضاق خلقي قلت مايفيدك يا شيطون اطلع

لا وبعد في شرط بالعقد المساحه المجانيه بس شهرين

Get 2 months free هاهاها استريح

الى بعده

http://www.crosswinds.net/

يقولون مساحه غير محدوده

بس تبون الصراحه دشيت الموقع ماعجبني وطلعت

دشيت الى وراه الاني كنت فاتح اثنين ويا بعض

http://www.cybercities.com/ هذا

اول مادشيت واشوف كلام طويل شويه

FREE web hosting with a unique domain name...

AVAILABLE SOON! You will be able to sign up for our free web space and use a unique domain name. You must first register or transfer your new domain name using the CyberCities registration system. CyberCities charges $15 per year to register or transfer any available dot COM, BIZ, INFO, NET, or ORG name.

الظاهر انهم مصكرين ويفتوح قريب

هذي ترجمت عجيب اذا فيكم خير افهمو كلمه

متاح قريبًا ! سوف تكون قادر أن توقّع عقدًا لفراغ ويبنا المجّانيّ و تستعمل اسم اختصاص فريد . أنت يجب السّجلّ الأوّل أو ينقل اسم اختصاصك الجديد باستعمال نظام تسجيل سيبير سيتيس . يتقاضى سيبير سيتيس 15 $ في السّنة للتّسجيل أو نقل أيّ سي أو إم نقطة متاح , العمل , المعلومات , الشّبكة أو اسم أو آر جي .

بلا عوار راس المواقع وايد

صكر

الى بعده

http://www.fsn.net/

30mb

اول ماتدش بيقولك

سيرفرنا سريع ومانسمح الا بنقل الصفحات html

والله مادري ينقلون الصور والفلاش ابي اسجل الحين واعرف

التسجيل فيه سهل مايبيله

لما تكمل البيانات

دربالك ترى يطلع الباسورد على شكله مو نجوم يعني اذا وياك احد بالغرفه لا ضرب الباسور او كافي

المهم لما تخلص رايح يدزلك بالاميل كود علشان التشغيل

قد أرسلنا بريد إلكترونيّ إلى العنوان الذي حدّدته يحتوي قانون تنشيط تقريرك . هذا هو التّحقّق من عنوان بريد إلكترونيّ . من فضلك اتبع الحلقة في البريد الإلكترونيّ لتنشيط تقريرك أو الضّغط إلى أسفل .

والحين ناطر الاميل

http://www.d1d.net/

التسجيل مغلق مؤقتا

التكمل اذا دشيت موقع ثاني
ولكن للمأسات تكمل

لو كنت راعي دراهم ماكنتو رافضين موقعي ولكن بأس الحال ......فقر الحال... مأساتي

المهم نكمل اليوم دشيت موقع

على قولتهم اصطبحنا فيه

http://freeadmin.prohosting.com

سجلت فيه يا محفوظين السلامه يقول يعطيك 50 mb وصج والله عطوني
لا ويصير تحمل ملفات كبيره الحد الاقصى 2mb

في اعلان بانر فوق راح يحطونه بموقعك

بس المفاجأه شنو ؟

لازم تصصمم الصفحه داخل بالفايل منجر مالهم مايصير تيب صفحتك من جهازك بس الى تقدر تنزله من الجهاز

صور والبرامج والفلاشات وحاطيلك برنامج تقريبا نفس الفرونت بيج وفريمات مختلفه للشكل صفحه

مادري شنو هل الميزه العجيبه السخيفه يا اخي خلني انزل من جهازي وفك عمرك

والله للى للحين قاعد اشوف اتفحص الموقع .

اى بعد توني اكتشفت فيه شىء تقدر تنقل الملفات ftp بجرب انزل صفحات والموقع راح يصير شكله

http://cloud.prohosting.com/alshe6an

بعد يدعم CGI scripts

وفيه شغله عجيبه دازيلي بالاميل يقولون تبي تلغي البانر دعايه فوق

Question: How do I remove banners from my site?
Answer: Read the following webpage for more information:
http://www.free.prohosting.com/rembann.html

انا مالى فيها مابي اشيلها خلها حطيتلكم ياها علشان يمكن واحد فهيم فيكم مايبي دعايه وبعرف انجليزي يدش ولا انا مابي

على فكره الى يبي يشوف الموقعي الى نزلته على سيرفرهم صراحه ارتحتله تقدر تنقل الملفات من ftp
واحس انه سريع بنقل الملفات

اذا بتشوفون الموقع على
http://cloud.prohosting.com/alshe6an/

الحين الواحد يرتاح اوف ثلاث ايام من تسجيل بالمواقع خلصنا

ماطول اسبوع وصكروه

اليوم صكروه هذا بعد يالله

الحين نبدأ ندور موقع استضافة غيره انتظرو مأساتي الجديده ويا مواقع الاسضافه

والحين قاعد بدون موقع ولا يحزنون ولا ترشيح ولا زوار ولا نيله :(

تبخرت كل جهودي نشر موقعي الى وصل عدد زواره نص مليون زائر شبكة شيطون للمواقع بح ماكو الحين

ها للى للحين تبين موقع استضافه مجاني ؟