لعبة MMORPG Lineage2 سيرفر مجاني!!

[vipro]

بسم الله الرحمن الرحيم



عن اللعبة :

Lineage2 لعبة أونلاين MMORPG وتشبه لعبة Kalonline تقريباً.







السيرفر :



Lineage2 Private Server

SCARABEUS

http://www.lineage2.neoprana.de/Bilder/gui/lineage2_top.gif

http://www.lineage2.neoprana.de/Bilder/gui/lineage2_banner.gif










طريقة التحميل :


أدخل موقع السيرفر http://www.lineage2.neoprana.de (http://www.lineage2.neoprana.de/)

أدخل على قسم التحميل http://www.lineage2.neoprana.de/Bilder/gui/lineage2_mo_download.gif (http://www.lineage2.neoprana.de/page/en/download.php)

حمل Lineage2 1.8GB

حمل Scarabeus Patch 5MB

بعد تحميل الملفين فك ضغط الملف L2_C3_Installer.zip وافتح ملف التنصيب Setup.exe بعد تنصيب اللعبة قم بتنصيب الباتش scarabeus.exe

بعد ماتخلص من التنصيب راح تطلع لك أيقونة اللعبة أفتحها وحمل الأبديت Update
طريقة التسجيل :


أدخل على قسم التسجيل وسجل لك أكاونت Account http://www.lineage2.neoprana.de/Bilder/gui/lineage2_mo_register.gif (http://www.lineage2.neoprana.de/page/en/register.php)

ملاحظة مهمة!! : إذا دخلت اللعبة وطلعت لك رساله تقولك شي عن Game Guard نزل الملف المرفق Gameguardpatch.zip وافتحه واختار ملف nwindow.dll من مجلد اللعبه C:\Program Files\Lineage II\system


قائمة الشخصيات :
http://lineage2.reality.lv/images/screenshots/19.gif

أول البداية : (طبعا مايكون عندك شي)
http://lineage2.reality.lv/images/screenshots/5.gif

http://lineage2.reality.lv/images/screenshots/3.gif

مهاجمه الوحوش :
http://lineage2.reality.lv/images/screenshots/14.gif

محاربة الوحوش :
http://lineage2.reality.lv/images/screenshots/15.gif

بعض المعلومات :


تقدر تقرب وتبعد الشاشه عن الشخصية Zoom عن طريق الماوس بالسكرول أو بالكيبورد بالضغط على PageUp / PageDown.(حمل ملف Zoomer.zip من المرفقات وفك الضغط عنه وحط ملف User.ini بمجلد اللعبة C:\Program Files\Lineage II\system واستبدله بالقديم لكي تحصل على Zoom أكثر).

كل شخصيه مقسمه إلى قسمين : محارب وساحر.

المحارب يتعلم المهارات من خلال ال Warrior Guild، والساحر يتعلم المهارات من خلال ال Temple (أضغط على الخريطه "Alt+M" وراح تشوف أماكنهم)

أشترك بمنتدى السيرفر http://www.lineage2.neoprana.de/Bilder/gui/lineage2_mo_forum.gif (http://www.lineage2.neoprana.de/forum) لأنه يمكن راح يحطون قسم حق العرب :bigeyes:
باقي الأشياء ممكن تتعلمها بنفسك لأن اللعبة حلوه فسهل أنك تتعلمها بسرعه

وأي شي مو واضح أو استفسار انا حاضر بالمنتدى وباللعبه :ciao:

نكاتي بالسيرفر :
Vash
Vash90

[Sympathy]

و الله اللعبة شكلها روعة !

ذكرتني بفاينل فانتسي ، بس حجمها كبير جداً !

يعني أنا يمكن على ماتنزل عندي يبيلها يوم كامل

و أنا عندي دي اس ال 320Kbps !! >_<

ـــــــ

على العموم يمكن باجر الصبح أحملها عشان تخلص بالليل

يعطيك ألف عافية أخوي ، اللعبة أكثر من رائعة

حطيت الموقع بالـ Favorites ! ^^

[vipro]

تم تعديل المرفقات

[vipro]

خخخخخخخخخ
أنا شقول عيل قعدت معاي 3 أسابيع أنزلها لووووووووول
أول مره نزلتها بس على 4 ملفات مقسمه بس كان في ملف واحد خربان واهوه اللي خرب كل شي
المره الثانيه نزلتها على نفس الرابط اللي بالموقع بدون تقسيم وقعدت معاي اسبوع على مانزلتها =)

حجمها كبير بس اللعبة تستاهل والله
ياريت الكل يجربها ^.^

[JaRa7oO]

يعطيك الف عافيه اخوي الصراحه مادري شقولك بس فعلا افدتني لاني
كنت ادور لعبه حلوه احول لها لاني زهقت من نايت و انشاءالله نشوف
اقبال كبير على اللعبه و عندي سؤال صغير : هل السيرفر يديد ولا صارله
فتره و هل هو دائم ام تجريبي ؟؟ لول اعذرني صاروا سؤالين يالله سلام

[thaer89]

طبعا بدها خمسة ايام تنزيل ممكن انزلها الاثنين وتخلص الجمعة واشوف اا حلوة او لا شكله لان حجمها كبير راح تكون حلوة

[JaRa7oO]

حبيت اضيف معلومه بخصوص تسجيل الاكاونت لازم تكتب الايميل

بالـ Small letters يعني الحروف صغيره مو كبيره لانه اذا

كبيره ما راح يضبط معاك الريجستر للاكاونت الجديد و سلام :ciao:

[JaRa7oO]

شغله نسيت اسألك عنها اخوي vipro شنو الـ Race مالك والـ Class ؟؟؟

[vipro]

مشكورين شباب على المرور =)


أخوي جراح ..
السيرفر بدأ من تاريخ 14/9/2005
يعني صار له فتره بسيطه، وإن شاء الله السيرفر راح يكون دايم مو تجريبي


أما بالنسبه للRace والClass
Human - Warrior lv 31


ياريت أي أحد يدش السيرفر يكلمني خاص بالجات
طريقه الجات الخاص (أضغط "وبعدين النك مسافه الرساله) ==> vash hi"



أي شي تبونه أنا حاضر وأللي مافهم شي يدخل اللعبة وانا بعلمه كل شي =)

جآآو:ciao:

[thaer89]

انا بنزلها اذا ناس كثير بتلعبها من منتدى

[JaRa7oO]

اخوي Vipro انا من Dark Elves و كلاسي Dark Fighter
و لفلي حاليا وانا قاعد اكتب الرد 16 و انشالله ارفعه اليوم 10 - 20 لفل
التلفيل سهلات و ما يزهق من كثر الشغلات اللي تلعبها والاماكن اللي تكتشفها
و اشلون تساعدي اذا انت من البشر ؟؟؟؟ على العموووم اذا ما اقدر اشوفك الا
اذا كنت من البشر او ما اقدر اسوي كلان معاك الا اذا كنت مثلك بلغني باسرع وقت
علشان احول للبشر (human)

[مُحـب اللـه]

مشكور اخوي واللعبة اكثر من رائعة

لكنها تحتاج 26 ساعة للتحميل

مع انه عندي adsl 640kb/s

وجزاك الله خيراً

[123man]

السلام عليكم ورحمة الله
كيف حالكم انا جربت العبة وعجبتني..
Race:Dwarv
Class:Dwarven Fighters
Lvl:15

بس عندي كم من سؤال:
1- شو الفائدة من الClan و Allies ؟ وهل ممكن نسوهم لأعضاء المنتدى؟

2- الآن بالنسبة لRace الHumans مثلا هل يستطيعون ملاقاة أو مساعدة أو قتال...إلخ RACE ال Dark Elves أو غيرهم؟

وأنا لو سمحتم أريد أفهم شو هي فكرة اللعبة بالضبط لأني الصراحة وكأني ألعب لعبة عادية مثل الGBA؟

وآسف على الإطلة

[JaRa7oO]

اخوي صراحه انا ما عندي اي فكره عن الاجوبه اللي انت تحتاجها

لاني مثلك جديد على اللعبه عرفت ليلحين ما صرت بروفيشينال فيها

و انشاءالله يرد عليك الاخ Vipro و يشرح لك اللي تبيه سلام :ciao:

[vipro]

أخوي 123مان

الجواب على السؤال الأول : فايدة الclan أنه تقدر تجمع لاعبين من اللعبة وتسوون فريق واحد وفي طق بين كلان وكلان.

الجواب على السؤال الثاني : أي يصير تلاقي أي race باللعبة بس مو من أول شي لازم تلفل الشخصية مالتك على الأقل لفل 10 بعدين تسوي teleport حق المدينة أللي تبيها.

فكره اللعبه تمشي وتطق وحوش P:
نظام RPG بس online =)

[thaer89]

هسا لعبة مصاري او لا

[A_Tiger101us]

لعبة رائعه كنت انتظر السيرفر المجانى لها من زمان جدا
مشكور اخى
و ياريت شرح بسيط بخصوص الشخصيات و السكلات

[thaer89]

يعني لعبة بلاش تنصحوني انزلها

[JaRa7oO]

انصحك تنزلها و بأسرع وقت لانها لعبه تستاهل و ايوا اللعبه ما بدها مصاري أخي

[thaer89]

مشكور اخوي كثير
هيني بدت انزلها وضايلها طبعا
ان شاء الله اخر اسبواع جاي ببدا العب

[The Legendry Hero]

السلام عليكم

نصيحة إلعبو واو

هذي اللعبة ما تساوي أقل من ربع واو>>>> يمكن ما تساوي خمس واو

لعبة واو فيها حروب وإكتشافات لأماكن جديدة وفيها شغلات كصياد حداد طباخ والكثير

سلااام

[JaRa7oO]

هاهاهاهاهاهاهاها تصدق ضحكتني صج صج ضحكتني
انا كنت راح العب واو يوم شفت موضوع اللعبه هذي سكبت
بواو ولعبت هاللعبه لانه بخاطري العبها من زمان و الحمدلله
ما خاب ظني باللعبه اطعلت بالمستوى المطلوب و فيها وايد
شغلات حلوه و عجيبه صراحه و انا انصحك انت انك تحول
حق هاللعبه يكون افضل و ماكو امل اني احول حق واو الا
اذا وصلت مستوى ليفل 75 و زهقت من اللعبه و ما ظني
راح امل منها لانها عجيبه فعلا سلاموووووووووز :ciao:

[NnAaDdAa]

انا الحين احمل اللعبة إن شاء الله بعد يوم كامل اقدر اللعب اللعبه

[JaRa7oO]

مو مشكله حبيبي انشاءالله بس تعجبك يالغالي وتكون في
المستوى المطلوب و اذا بلشت لعب بلغنا علشان نشوفك
باللعبه و نتجمع مع بعض لان تدري السيرفر يديد وليلحين
محد يلعب اللعبه الا ناس اقلاء من المنتدى و انشاءالله العدد
في ازدياد بس انطر عليهم شوي تحصلهم محولين اللعبه
و يزن ما سويت انك اخترتها لانها لعبه روعه ما تزهق :ciao:

[A_Tiger101us]

سلاموووووووووز
انت مو متخيل انا اد ايش ببكى الان لان كلمتى انتشرت خخخخخخخخخخخخخخخخخخخخ

[thaer89]

انا صري 35 % واتوقع لعبة روعة مثل واو يكفي مساحة كبيرة

[playstation_30]

هلا أخواني...

أنا نقلت من لعبة نايت للعبة lineage 2 وأللعبة روعة نزلتها ب 5 ساعات وأنا من ال Dark Elf
أسمي shad0w لفل 30:laughing:

[بورش كايين]

انا حملت اللعبه بس ملف setup.exe ما اشتغل :02:

[123man]

السلام عليكم
أنا اسمي في اللعبة ALUSTOORI من الDWARVEN و الفل 21 :(.

بس عندي سؤال : أنا لما كنت ألعب شفت واحد شكله قوي من اللعيبة يوم سرت عنده أشوفه مرة وحدة يهاجم فأنا ما تفاهمت ورديت عليه بالهجوم لكن هو يوم كان يضرب يطلع من سيفه شي كأنه شعاع ومن جسمه فشو هذا ؟

[DustOfNation]

عندي مشكلة في اللعبة وهي انه ما يكتمل عندي الابديت والصورة الي في المرفقات توضح المقصود

[Opal]

السلام عليكم .. اشوف الكل الحين يلعبها .. شكلها حلوه

انا بنزلها وبجربها ^^ انشالله العبها بعد ماصلح جهازي الــ ( الزفت )

[thaer89]

هاي صار في عدد عشان انا في لعبة كنت العبخا وتركها لان فيش حدا بامنتدى يلعبها
لعبه يعطنو رايهم بنسبة لواو

[vipro]

آسف شباب على التأخير
أعذروني لأني كنت مشغول باللعبة لأنها ماخذه كل وقتي =S


الحين برد عليكم واحد واحد

انا حملت اللعبه بس ملف setup.exe ما اشتغل :02:
أخوي شلون ماشتغل
يعني طلعت لك رساله ولا شي؟؟
اذا طلعت لك رساله اكتبها لي



بس عندي سؤال : أنا لما كنت ألعب شفت واحد شكله قوي من اللعيبة يوم سرت عنده أشوفه مرة وحدة يهاجم فأنا ما تفاهمت ورديت عليه بالهجوم لكن هو يوم كان يضرب يطلع من سيفه شي كأنه شعاع ومن جسمه فشو هذا ؟
أخوي هذي الأشعه تطلع لمن تستعمل SS واهيه تستعمل علشان تزيد من طقه السلاح ولازم كل طقه تستعمل SS وتقدر تخليها تستعمل بروحها (تحطها بالبار مال الskills واضغط عليها Right click راح تلمع وجي راح تستعمل بروحها) وطبعاً في أنواع من الSS على حسب السلاح مالك إذا كان C أو D أو B أو A أو No Grade
والSS ماتحصلها بس تصنعها بالDwarf أو تشتريها من Giran بالبسطات :D







عندي مشكلة في اللعبة وهي انه ما يكتمل عندي الابديت والصورة الي في المرفقات توضح المقصود





أخوي نزلت الباتش أول شي ؟؟
حاول تدخل على الأبديت أكثر من مره لأن هالمشكله واجهتني وايد


السلام عليكم .. اشوف الكل الحين يلعبها .. شكلها حلوه

انا بنزلها وبجربها ^^ انشالله العبها بعد ماصلح جهازي الــ ( الزفت )
إن شاء الله نشوفك باللعبة ^^


هاي صار في عدد عشان انا في لعبة كنت العبخا وتركها لان فيش حدا بامنتدى يلعبها
لعبه يعطنو رايهم بنسبة لواو
أخوي أنا لحد الحين مالقيت إلا 3
بس انت ادخل اللعبة وحاول تدخل الحين علشان تلفل معانا وتصير بنفس المستوى علشان لا نسبقك وأنت تتأخر
وصدقني ماراح تندم اذا لعبت Lineage2 راح تصير عندك حاله إدمان :blackeye:

[JaRa7oO]

السلام عليكم
اخوي vipro اشلونك وين وصلت بالتلفيل اي لفل ؟؟؟ انا انشاءالله اليوم
اوصل الاربعين و اتعداها بس بعد الاربعين وين اروح الفل ؟؟؟ و اشلون
احصلي سلاح او درع c او b و a ؟؟؟؟ لانه لفلي يحتاج items اقوى
من الـd Grade عرفت اشلون فما ادري اشلون راح ادبر عمري ؟؟؟؟
و يعطيك العافيه و ناطر ردك و اقتراح اخير اشرايك نسوي كلان دام الشباب
زادوا في اللعبه و علشان ما نكون منتشرين في كل مكان و نكون مع بعض
دايما و سلام يا جماعه (( سلاموووووووووووووز )) لا تنسب الكلمه حق
نفسك يا فلان لاني اكتبها من سنه 98 لووول قال كلمتي هههههههه :ciao:

[thaer89]

مشكلة تاخير عندي تنزيلها بطول
ان شاء الله الاثنين اكون موجود

[JaRa7oO]

انشاءالله تنزل عندك اللعبه و باسرع وقت وانشاءالله تلعب معانا و تستمتع

[بورش كايين]

ليش ما يفتح الملف ؟

[بورش كايين]

http://www.w6w.net/upload2/03-12-2005/w6w_20051203041639d60d604b.gif

[123man]

ليش ما يفتح الملف ؟


حاول تفك الضعط وتحمله.

[JaRa7oO]

http://www.w6w.net/upload2/03-12-2005/w6w_20051203041639d60d604b.gif
حبيبي تشوف كلمة Extract فوق اضغط عليها بعدين اختار الملف
اللي تبي تفك فيه الضغط عن الملفات بمعنى تضع الملفات خارج الملف
المضغوط واستخدامهم بحريه تامه بعد ما تختار و تفك الضغط افتح على
الملف اللي اخترته علشان تفك فيه الضغط راح تلقى ملف الـSetup
نصب اللعبه و استمتع و اي مشكله في التنصيب و احنا في الخدمه اخي

[thaer89]

هاي صار موصل 70% يوم ائنين بكون موجود اكيد
ان شاء الله

[بورش كايين]

شو مشكلة الموقع ليش ما يفتح ؟؟

[123man]

شو مشكلة الموقع ليش ما يفتح ؟؟

أخوي بورش كايين... اتبع الخطوات التالية في التحميل وإنشاء الله تشتغل عندك:

1. قم بفك ضغط الملف L2_C3_Installer وشغل الSETUP.

2. بعد الإنتهاء من عملية الSETUP ... قم بتشغيل scarabeus (وانتبه : يجب أن يكون مسار الملف مكان مجلد اللعبة) مثال C:\Program Files\Lineage II

3. قم بفتح الملف المضغوط Gameguardpatch وشغل التطبيق الذي بداخله L2GGBPS وعن طريق هذا التطبيق اذهب إلى System الموجود بمجلد اللعبة.

4. وإذا أرد الZOOM فقم بفك ضغط الملف ZOOMER إلى ملف System الموجود بمجلد اللعبة.

هذه طريقة مضمونة بإذن الله... واشتغلت معاي:).

[بورش كايين]

انا اقصد السيرفر ابغي اسوي اكاونت بس السيرفر ما يفتح

[JaRa7oO]

سؤال للجميع اللي يلعبون اللعبه و موجوده عندهم حاليا من منكم استطاع الدخول الى اللعبه
اليوم و في اي وقت لاني معظم الاوقات حاولت ادخل و ما ضبط معاي و طلعلي الـerror مال
الـ GameGuardPatch و حطيت نفس الملف المرفق و لا زلت لا استطيع دخول اللعبه
فأين المشكله مع العلم انه اليوم تم عمل Update للسيرفر و استطعت اللعب بعده ولكن الان
لا استطيع فهل من جواب لتساؤلاتي ؟؟ على العمووم مو اليوم في باجر و في عقبه اللعبه تستاهل

[123man]

سؤال للجميع اللي يلعبون اللعبه و موجوده عندهم حاليا من منكم استطاع الدخول الى اللعبه
اليوم و في اي وقت لاني معظم الاوقات حاولت ادخل و ما ضبط معاي و طلعلي الـerror مال
الـ GameGuardPatch و حطيت نفس الملف المرفق و لا زلت لا استطيع دخول اللعبه
فأين المشكله مع العلم انه اليوم تم عمل Update للسيرفر و استطعت اللعب بعده ولكن الان
لا استطيع فهل من جواب لتساؤلاتي ؟؟ على العمووم مو اليوم في باجر و في عقبه اللعبه تستاهل


أنا الآن أحاول أدخل اللعبة لكن لم أستطع :(.
شو السالفة؟
أعتقد انه في صيانه للسيرفر مرة ثانية ... والله أعلم

[123man]

انا اقصد السيرفر ابغي اسوي اكاونت بس السيرفر ما يفتح

باين أخي إنه في مشكلة في السيرفر

[JaRa7oO]

الظاهر انهم قاعدين يسوون Update يديد للسيرفر و انشاءالله ما
راح ياخذون وقت انشاءالله اليوم اللعبه شغاله و بندخل كلنا نلفل و
نستمتع باللعبه و ارجو من فايبروو الرد هل تريد عمل كلان ام لا ؟؟

[123man]

السلام عليكم
أخوي فيبرو شو سالفة السيرفر؟
يوم كنت أكلمك في اللعبة مرة وحدة اللاعب وقف وما يتحرك؟
رجعت أشغل اللعبة مرة ثانية ما دخل على السيرفر؟

[JaRa7oO]

اخوي اللعبه شغاله الحين والآدمن قال انه اليوم راح يسوي شغله في السيرفر بس
شنو لا تسألني لاني ما فهمت منه شي صراحه لان كلامهم بالشفرات وانا ا اعرف
وايد باللعبه للأسف بس محد انخلق عالم وكل يوم راح نتعلم شغله يديده باللعبه

[123man]

والله مادري شو السالفة أنا من يومين وأحاول أزيد اللفل من 21 ... وما قدرت إلا أزيد لفل واجد ... شو هذه الحالة :(

عندي سؤال : هل ممكن اني أحط أحد من اللاعبين في قائمة الأصدقاء أو ماشابه ؟

[vipro]

السلام عليكم
اخوي vipro اشلونك وين وصلت بالتلفيل اي لفل ؟؟؟ انا انشاءالله اليوم
اوصل الاربعين و اتعداها بس بعد الاربعين وين اروح الفل ؟؟؟ و اشلون
احصلي سلاح او درع c او b و a ؟؟؟؟ لانه لفلي يحتاج items اقوى
من الـd Grade عرفت اشلون فما ادري اشلون راح ادبر عمري ؟؟؟؟
و يعطيك العافيه و ناطر ردك و اقتراح اخير اشرايك نسوي كلان دام الشباب
زادوا في اللعبه و علشان ما نكون منتشرين في كل مكان و نكون مع بعض
دايما
وعليكم السلام والرحمة
أنا الحمدلله بس هالجم يومين كانت عندي ظروف دراسيه =S
الحين الله يسلمك أنا لفل 43 وبس أدخل إن شاء الله بصير لفل 44،
خلك بCruma لمن توصل لفل 45 روح TOI بس بعد ماتلبس items يدد
طبعاً الحين أنا نفس حالتك أبي سلاح ودرع وجوتي ....الخ يدد
وإن شاء الله بييب لكم موقع فيه كل الأسلحة والArmors والأغراض ملوت اللعبة

وبالنسبة للكلان بصراحة للحين مادري شلون أسوي كلان :09:
بس أول ماعرف راح أسوي كلان على طول
وياريت تقترحون أسم حلو حق الكلان :biggthump


ليش ما يفتح الملف ؟
نفس ما قالولك الشباب أفتح الضغط وبعدين أفتح المثبت :laughing:


انا اقصد السيرفر ابغي اسوي اكاونت بس السيرفر ما يفتح
السيرفر نازل والموقع بعد لأن أكيد في صيانة
بس إن شاء الله ما تطول الصيانة


والله مادري شو السالفة أنا من يومين وأحاول أزيد اللفل من 21 ... وما قدرت إلا أزيد لفل واجد ... شو هذه الحالة :(

عندي سؤال : هل ممكن اني أحط أحد من اللاعبين في قائمة الأصدقاء أو ماشابه ؟
لووول
أخوي إنت على طول لازم تنتقل من مدينة لي مدينة علشان تلفل بسرعه
واليوم كنت بلفلك بس علق السيرفر وطلعت :blackeye:
إن شاء الله أو مادخل ألفلك

وتقدر تضيف أي لاعب باللست:

وأسم اللاعب friendinvite/

وإن شاء الله راح أشرح لكم بعض الأوامر

[vipro]

هذيل المواقع مثل ما وعدتك أخوي JaRa7oO

الموقع الأول : http://www.lineage2-online.com (http://www.lineage2-online.com/)
هذا أحسن موقع شفته فيه كل شي عن الـ Items والـ Quests ووايد أشياء :laughing:

الموقع الثاني : http://www.l2hq.com (http://www.l2hq.com/)
نفس الموقع أللي مساع بس فيه شوي أختلافات

طبعاً كل شوي موجود عالجنب :bigeyes:

وهذيل المواقع أللي كانوا عندي :D

[thaer89]

انا صار عندي 98 % بوكرة
ان شاء اللع ببدا العب

[vipro]

حياك الله =)

أي مشكلة تواجهك أحنا موجودين :laughing:

[123man]

أخوي عندي سؤال كيف طريقة التلفيل يعني مثل ما تفظلت انت؟

والبنسبة لي وزيادة اللفل لا تخاف أخوي أنا الألعاب الأربي جي أو MMORPG هذي أنا سهلة عندي مع إني ما ألعبها كثير.... يعني أنا لو ما كانت تواجهني مشاكل السيرفر وبعض التأ خيرات الخارجية لكنت موصل لفل عالي لكن هذا تقدير رب العالمين .
:)

[vipro]

أخوي 123man

أنا قصدي يعني أول ماتخلص من المدينة الأولى تروح حق المدينة أللي بعدها بالـ Teleport

بالنسبة لي أنا من أول بدايتي أنتقلت من مدينة لمدينة بهذا الترتيب:
1- Talking Isnlad
2- Gludin
3- Gludio
4- Dion
5- Giran - ومن Giran إلى Cruma من برى وبعدين Cruma Tower داخل ( طبعاً Cruma تروح لها مشي من Giran وأنا أنصحك أنك تستعمل Haste Potion)

مادري إذا فهمت شي ولا لا :09:

[123man]

مب مشكلة أخوي أنا توني يديد على اللعبة وتعرف اللعبة مجالها واسع... يعني مع المداومة نفهم :).

اسمحلي أخوي فيبروو على كثرة الأسئلة وإنشاء بضيفك في قائمة الأصدقاء في اللعبة إذا تسمح؟=)

[vipro]

أخوي 123man

ماله داعي تضيفني لأني أنا ضايفك عندي :09:

ونكي موجود عندك باللست :laughing:

[thaer89]

انا عندي خلص تنزيل

[BOiND]

بديت احملها الساعة 5 تقريبا ، وراح تخلص على 12 بالليل ان شاء الله ^^ >>> الله يخلي الدي اس ال مال الامارات :D 135-150 كيلو بالثانية :09:

بس شباب ، اللي بيحمل اللعبة يحملها على نظام ملف واحد :31:
يعني اذا يستخدم برنامج تحميل ويقسم الملفات خله يضبط نظامه على تقسيم لملف واحد (يعني idm يقسم على 8 ملفات ، ثم يجمعهم ، خله على تقسيم 1 من البداية) لانه اللعبة ما بتشتغل بعدين معاه في التنصيب :09:

يالله ، نشوفها باجر باذن الله بعد اكتمال التحميل ^^>>رايح أنام :09:
اتمنى انها تكون بمستوى جيد

[123man]

أخوي فيبروو لوسمحت تقدر تعطيني الأوامر (commands) التي نكتبها ؟ وشكرا

وآسف على الإزعاج

[JaRa7oO]

اخوي 123 هذي الوصله تحصل فيها كل الاوامر اللي تحتاجها
http://www.lineage2.com/guide/commands.html

[123man]

اخوي 123 هذي الوصله تحصل فيها كل الاوامر اللي تحتاجها
http://www.lineage2.com/guide/commands.html

جزاك الله خير أخوي .
أخوي JaRa7oO شو اسمك في اللعبة ؟أنا اسمي ALUSTOORI ... لأن أبغا أحطك في قائمة الأصدقاء.:)

[thaer89]

انا خلصت تنزيلها بس مشكلة اني بعمل كمان دونلدو ثاني

[123man]

انت تقصد الUPDATE ؟

[vipro]

انا خلصت تنزيلها بس مشكلة اني بعمل كمان دونلدو ثاني
نزل الداون لود كله بالكامل وبعدين أضغط Start

[JaRa7oO]

حبيبي 123 انا اسمي باللعبه Knight و اخوي Vipro يا ليت تساعدي شوي انا صارلي فتره مو قصيره
من وصلت لفل 45 و ليلحين ما زدته ولا حتى لفل واحد لاني مادري وين اروح كل مكان الـMonsters
اقويه مادري شسوي و مادري من وين اييب Armors يديده اذا تقدر تساعدني يا معود على ايدك و ياريت
تضيفني على ايميلي : Arab_No_Mercy@hotmail.com

[vipro]

ضفتك ادخل اللعبة وانا أقولك ويت تلفل

[thaer89]

انا قصدت دولوند للعبة ثانية

[vipro]

انا قصدت دولوند للعبة ثانية
ليش؟ شنو المشكلة؟

[thaer89]

ان شاء الله بوكرة بكون بلعب

[بورش كايين]

يا جماعه احس انه في شي غلط في اللعبه ما اقدر اشوف الاغراض الي احصلها من الوحوش ولا اقدر اغير اسلحتي ولا اقدر اشتري و ابيع و مرات ما يصير اضرب الوحوش مادري شو السالفه ؟؟

[thaer89]

هسا انا بعمل ادبيت بس طول كثير صار موصل اكثر من 3 ارباع

[thaer89]

خلص هسا ابديت

[thaer89]

عندي مشلة ما اقدر اعمل شخصية احط creat بس ما يعطي اشي

[thaer89]

انا العبت وصرت لفل 2

بس صار ان سيرفر في غلط

وانا شايف ان فيش حدا بدخل موضوع

[123man]

أخي أنا ما أدري شو استوى بالسيرفر ؟
يعني كل يوم لازم ما أستطيع الدخول .:(

[123man]

عندي سؤال:
كيف أستطيع إني أقوي السلاح؟
يعني مشتري سلاح Grade D والسلاح ما يضرب فوق ال50 ومحصل صعوبة في التلفيل .

فهل في طريقة؟

[JaRa7oO]

للرفع



للرفع

[thaer89]

انا عندي مشكلة كل ما افتح لعبة جهاز يعمل ريسترت

[thaer89]

ما حدا بعرف حل

[Opal]

ياجماعه نزلت العبه بس يطلعلي ايرور ليش؟؟؟؟

[JaRa7oO]

ممكن تقولي شنو الابرور اللي طلع لك ؟؟؟؟

[thaer89]

انا بدل يعمل ريستارت كل ما اشغلها

[JaRa7oO]

والله اخوي الظاهر الخلل من الجهاز انا ما افتيلك بس يمكن و انا طبعا مو متأكد لانه
من نزلت اللعبه الا الان ما تعملي اي ريستارت بسبب تشغيلي للعبه

[Opal]

ياشباب ياليت واحد يعطيني اكونته .. اجرب العبه

عشان انا .. موراضي سجل عندي

:(

[JaRa7oO]

(( احم احم انا المقصوود بالرد )) من عيوني اويال انا شقايلك قلت لك نزل ولك من يخليك تجرب اللعبه
باكاونته بس خلني اشوفك بالماسنجر علشان اعطيك الاكاونت والباس نتفاهم بالام اس ان

[:":موون:":]

انا دخلت الموقع وسويت ful size download وبعدين دخلت

set up ما يفتح وقعد عندي 9ساعات وا ريت تقولي شو المشكله

ومشكور على اللعبه الحلوه :ciao:

[vipro]

انا دخلت الموقع وسويت ful size download وبعدين دخلت

set up ما يفتح وقعد عندي 9ساعات وا ريت تقولي شو المشكله

ومشكور على اللعبه الحلوه :ciao:

فج الضغط عن الملف