مبيعات الإكس بوكس 360 في أمريكا

[hussien-11]

********************
فيما لم تفصح مايكروسوفت عن ذلك رسميا ، قدرت USA TODAY عدد الوحدات التي بيعت حتى الان بـ300 - 400 ألف وحدة مباعة ، و تتوقع مايكروسوفت أن تبيع 3 ملايين جهاز خلال فترة لا تتعدى الثلاثة أشهر حول العالم ، و أعلنت مايكروسوفت كذلك عن أنها تقوم باتخاذ جميع الإجراءات اللازمة للعناية باللاعبين الذين اشتكوا من وجود أعطال بأجهزتهم .

المصدر : USA TODAY

http://www.games4arab.com/index.php?option=com_content&task=view&id=5323&Itemid=36

********************

[SNYMA]

ممم شي جميل لكن تظل توقعات
شكراً حسين ^^

[Emirates]

مشكور اخ حسين على الخبر

لو كان بالفعل 400 الف جهاز لحد الآن اذن خصصت مايكروسوفت للسوق الامريكي هذا العدد

لان المحلات عندنا يقولون خلاص ماشي اكس بوكس 360 وننتظر دفعه جديده

واللي اشتراهن من السوق السودا باعهن ب 3000 وفوق الكور

تخيلوا اجهزة الاكس بيعت عندنا ب 3000 درهم في اقل من ساعه :bigeyes:

تو ماتش الصراحه وننتظر مسيرة الجهاز في الايام المقبله

وتظل توقعات الى ان ياتينا الخبر اليقين وما اعتقد ارقام فلكيه في الايام المقبله :D

[hussien-11]

سيرفانتس ، عدد الوحدات المشحونة تقريبا 800 ألف في أمريكا :)

[Emirates]

اذا انها توقعات لا اكثر

لانه اكثر المحلات عندنا قالوا انه الاكس بوكس 360 بالاساس اكثر المحلات فيها فاضيه اهمها EB GAMES game stop و ال مارت

الحين قاموا يشترونها من السوق السودا ... يعني عن طريق المزادات وما اعرف شووو

قبل كنا نلقى على الاقل 10 اجهزه لحظة الاصدار

لكن العكس تماما في اسواقنا

ارجو اذا على كلامك والارقام صحيحه انه يكون متوفر في امريكا لاني انا قريت انه الكثير ردوا زعلانين لبيوتهم والسبب ما لقوا اجهزه حتى طلبات شهر اكتوبر اتاجلت لحين صدور شحنه جديده

وشكرا :biggthump

[hussien-11]

عزيزي ، أمريكا دولة عملاقة ، يعني الأجهزة أكيد نفذت من ولايات و متوفرة بولايات أخرى :)
و الأرقام في الموضوع ليس مجرد توقعات على فكرة بل هو ناتج عن أبحاث تقوم بها usa today لمعرفة عدد الأجهزة المباعة ، يعني الرقم يعتبر تقدير و ليس توقع ، وهو أكيد قريب من الرقم الحقيقي :)

[Emirates]

ممتاز يعني النص بعده موجود في امريكاا

واعتقد التحليل هذا ما شمل الولايات المتحده ككل ;) وانما محلات كبيره وهكذا

والتحليل لو بنقيسه على الولايات المتحده ككل ما يمديك اسبوعين وتحلل شبه قاره بكبرها

اعتقد التقديرات وارقام المبيعات لو تصدر من الام مايكروسوفت بتكون اكثر واقعيه وبرهان (( مع اني لا اتوقع ارقام فلكيه حقيقه )) مب من جريده

انا اقول ننتظر الاحصائيات الدقيقه وتعليق مايكروسوفت اللي تريد تبيع اربع ملايين خلال ثلاث اشهر حسب تحليلهاا خخخخ

الف شكر وفعلا المناقشه معاك ما تنمل اخ حسين ^_^

تحياتي

سيرفانتس :biggthump

[Mr_Gamer]

و تتوقع مايكروسوفت أن تبيع 3 ملايين جهاز خلال فترة لا تتعدى الثلاثة أشهر حول العالم ،
انا اتوقع كل جهاز يصدرونه راح ينباع بالتاكيد
حتى ولو اصدرو اكثر من خمسة ملايين
كلها راح تنباع خلال الثلاثة اشهر !

[zulu]

انا الان في امريكا وبالتحديد في سياتل يعني مقر مايكروسوفت الاصلي واقدر اقول انو الان مافي ولاحبة اكس بوكس 360 في كل الولاية الي انافيها ولاية واشنطون وكل المواقع اللي على النت مافي حتى امازون باي بس اي باي فيه لانو الناس تحاول تستغل الناس الثانية فيه على الله بس الدفعة الجاية على الكرسماس

[Angry Odin]

عزيزي ، أمريكا دولة عملاقة ، يعني الأجهزة أكيد نفذت من ولايات و متوفرة بولايات أخرى :)
و الأرقام في الموضوع ليس مجرد توقعات على فكرة بل هو ناتج عن أبحاث تقوم بها usa today لمعرفة عدد الأجهزة المباعة ، يعني الرقم يعتبر تقدير و ليس توقع ، وهو أكيد قريب من الرقم الحقيقي :)

انا قريت الخبر منتدى الاكس بوكس الرسمي...لكن اعتقد ان ال 400 كان عدد اجهزة الcore المباعة وليس العدد الكلي..
اذا عندك المصدر من الجريدة ممكن نتأكد..

[Emirates]

موقع تيم اكس بوكس

يقولون من 300 الى 400 الف حسب المصادر ويستغربون ولا وحده متوفره قدروا يلقونهاا !!!!


الصراحه شكله في امريكا صابهم جفاااف وقحط من الاكس بوكس 360

خخخخخخ

ننتظر الدفعه الجايه سرت لفيرجن في دبي وقال كل الاجهزه اللي حصل عليها المحل كانت كور وكلها انباعت في يوم واحد ما بقت الا الالعاب

تخيلوا الجهاز الواحد بيع ب 3200 درهم !!!!!!!!!!!

الله يستر ونبغي الدفعه الجايه توصل على احر من الجمر :02:

[hussien-11]

شباب أنا عندي تساؤل بسيط ، ليه الأجهزة المشحونة في الأسواق أقل من الطلب الكبير المتزايد على الجهاز ؟ يعني الأجهزة في أمريكا ما كفت و في أوروبا على الأرجح لن تكفي ، ما السبب ؟ :33:

[Emirates]

اقدر اجاوبك

سياسة مايكروسوفت المتقاربه في المدة الزمنيه

قبل كنا نشوف الفتره بين القاره والقاره تقدر تقول عنها شهر على الاقل

كما شفنا قبل الجهاز الواحدكان يصدر مثلا في اليابان ويوفر حاجة المستهلكين بعدها بشهر او شهرين في امريكا

لكن نشوف مايكروسوفت بسياستها وفي فترات متقاربه توزع الاجهزه المتاحه على اوربا وامريكا واليابان

لين وين بتوصل ما ادري

والا خلتهااا بهالطريقه لتضمن شراء قوي ايضااا في المرات الجايه خصوصا في كريسماس


والله فيه حيره وهذي مجرد توقعات لا اكثر محتملة الصواب

[Dark Watch]

خيبة 3 ملاين ؟ ؟

وانا اقول ps3 اختفى

[zulu]

باركولي يا شباب أشتريت XBOX 360 من واحد عندنا في الدورم ابن الكلب باعني اياه 600 دولار بس النسخة الكاملة بس والله مستعد ادفع ضعف المبلغ وانا الان رايح اشتري برفكت دارك

والله ماني مصدق حالي واااااااااااااااااااااااااااو

[Angry Odin]

باركولي يا شباب أشتريت XBOX 360 من واحد عندنا في الدورم ابن الكلب باعني اياه 600 دولار بس النسخة الكاملة بس والله مستعد ادفع ضعف المبلغ وانا الان رايح اشتري برفكت دارك

والله ماني مصدق حالي واااااااااااااااااااااااااااو


مبروووك ..600 سعر ممتاز في الوقت الحالي ...يعني صعب انك تلقى بارخص من هالسعر من غير الموزعين .