الابداع

[ابتسامــــــه]

الإبداع كلمة جميلة يعشقها كل محب للجمال فتطرب لها أسماعهم وتتفاعل معها أحاسيسهم كل إنسان يمكن أن يبدع في مجال

عمله إذا أراد ذالك حتى من نطلق عليهم (( من ذوي الاحتياجات الخاصة)), قد يكونون مبدعين وكيف لا ؟ وقد بين

الرسول الكريم محمد صلى الله عليه وسلم إن كل إنسان يبدع في هذه الحياة ويعمل حسب قدراته التي وهبها له رب العزة

تبارك وتعالى حيث قال صلى الله عليه وسلم " اعملوا فكل ميسر لما خلق له ". مجالات الابداع كثيرة ولها صور متنوعه تبدو في مراحل

عمر الانسان المختلفة وليس هناك إنسان يستطيع أن يلم بجميع مجالات الابداع فالكمال لله وحده ولكن قد يبدع إنسان ما في مجالا من المجالات

وهذه هبه يمنحها الله لمن يشاء من عباده ولكن على الانسان إن يحافظ على لك الموهبة ويعمل جاهدا على تنميتها

لينفع بها نفسه ومجتمعه و وطنه وفي ذالك يقول الرسول صلى الله عليه وسلم

" خير الناس أنفعهم للناس "
























كل واحد يدخل الموضوع يخبرنا .. عن إبداعاته ..







:)

[غالي الساهر]

مرحبا .. بشيخة المنتدى ..

كنت أركض لحد يسبقني بالرد << أبي أتشرف بأني أكون أول من يرد ^^

موضوع جميل ويفتح النفس بالفعل

بصراحة كلمة الأبداع كلمة جميلة جداً وأعرف بأن الكثير يفرح لسماعها
لذلك أنا دائماً أقولها ..

من الأشياء التي أبدع بها هي ( الرسم وكتابة الخواطر )
وأنا أحس نفسي فيها أكثر والحمدلله ..

أشكرك على الموضوع .. يالله الي بعدي ..^^

تحياتي
غالي الساهر

[ابتسامــــــه]

مرحبا ..بشيخة المنتدى ..


مرحبا ملايين بشيخ المنتدى


كنت أركض لحد يسبقني بالرد << أبي أتشرف بأني أكون أول من يرد ^^

كأنه الاعضاء مندفعين على الموضوع :p


موضوع جميل ويفتح النفس بالفعل
الاجمل وجودك في الموضوع :)




بصراحة كلمة الأبداع كلمة جميلة جداً وأعرف بأن الكثير يفرح لسماعها
لذلك أنا دائماً أقولها ..

حتى كلمة الابداع لها وقع إيجابي على النفس



من الأشياء التي أبدع بها هي ( الرسم وكتابة الخواطر )
وأنا أحس نفسي فيها أكثر والحمدلله ..

كتابة الخواطر ما عليك كلام ما شاء الله عليك فوق المبدع .. اما روسوماتك ما شفناها لكن متأكده إنها لن تقل جمالا عن خواطرك
الله يوفقك إن شاء الله وإلى الامام دائما


أشكرك على الموضوع .. يالله الي بعدي ..^^
وانا شاكره لك تواجدك وردك على موضوعي وسام على صدري :)

[::.SnOw.::]

السلام عليكم

بقمر المنتدى

شخبارك يا قلبي ان شا الله بخير

... تسلمين على الموضوع.. الرائع

و فالبداية .. بما ان هذا الموضوع يحتضن ابداعات الأعضاء

فأنا ابي ابداعاتي تحضن الموضوع

.. الصراحة انا احب او اقدر اقولك اني ابدع فمجال الرسم و الخط

و حل المشاكل

(( ×_× من وين جابت حل المشاكل...<<<))

خخخ

بس ما ادري احس ان عندي قدرة و طاقة على تحمل مشاكل اهلي و غيرهم و استطيع حل مشاكلهم بعد الله سبحانه و تعالى اكيد

يعني طالع بحلول غريبة ترضي المتخاصمين

غريب مو

[ابتسامــــــه]

السلام عليكم

وعليكم السلام




بقمر المنتدى
لا لاهذا وايد علي




شخبارك يا قلبي ان شا الله بخير

الحمد الله


... تسلمين على الموضوع.. الرائع
الله يسلمج والاروع وجودج بالموضوع



و فالبداية .. بما ان هذا الموضوع يحتضن ابداعات الأعضاء
فأنا ابي ابداعاتي تحضن الموضوع

.. الصراحة انا احب او اقدر اقولك اني ابدع فمجال الرسم و الخط

و حل المشاكل

انا أحب الخط بعد بس يطلع خطي حلو إذا تعمدت أخطط أما بالكتاب السريعه خطي :blackeye:
ومــا شاء الله عليج دخلت موضوع مسابقة البوكيمونات >> وما عليج كلام <<




(( ×_× من وين جابت حل المشاكل...<<<))
خخخ

بس ما ادري احس ان عندي قدرة و طاقة على تحمل مشاكل اهلي و غيرهم و استطيع حل مشاكلهم بعد الله سبحانه و تعالى اكيد

يعني طالع بحلول غريبة ترضي المتخاصمين

غريب مو

محلله نفسانيه :33:
مره تعرفت على بنت بالكليه .. ومشيت معاها ويلست كم ساعه معاها
باليوم الثاني تقول لــي .. ابتسامه >> انا عرفت كل شي عنج وعن شخصيتج
صراحه بالبدايه خفت منها >> ما اتخيل تعرف نقاط ضعفي وقوتي
بس بعد ما استمرت العلاقه ولحد الحين هي صديقتي .... اقول لها انتي ما تعرفين ولا شي عني
وتحليلج لــ شخصيتي كله غلط :blackeye: >>> :D



شـــاكره لج مرورج وردج إلي أسعدني

:)

[Amarant]

موضوع جميل جداً
لا يكتبه إلا المبدعين ^^
بس أحسن شي عجبني في الموضوع هو إني نزلت أربعين سطر :09: حتى لقيت ذي الجملة


كل واحد يدخل الموضوع يخبرنا .. عن إبداعاته ..

مممم الصراحة أنا كنت زمان أيام الدراسة <<< تكفى يالقديم :31:
كنت أتميز بشكل كبير في مجال الرسم والخط حتى وصلت المرحلة الثانوية وأبدعت بشكل كبير
في هذا المجال حتى أن صاحب أحد محلات الخطاطة عندنا طلبني للعمل معاه في هذا المجال ولكن ولظروف الدراسة
لم أستطع الاستمرار لأكثر من شهر :blackeye:
بعدها تركت هذا المجال لظروفي الدراسية الصعبة في الجامعة ثم رجعت وبقوة بعد التخرح وطورت مستواي خاصة في مجال التصميم ^^
تسلمين أختي على الموضوع الخفيف والجميييييل ..
تم الترشيح :)

[ابتسامــــــه]

موضوع جميل جداً
الاجمل تواجدك وردك :)


لا يكتبه إلا المبدعين ^^
والله مــا أحس نفسي مبدعه في شي

بس أحسن شي عجبني في الموضوع هو إني نزلت أربعين سطر :09: حتى لقيت ذي الجملة
مب 40 سطر يمكن 39 سطر :09:



مممم الصراحة أنا كنت زمان أيام الدراسة <<< تكفى يالقديم :31:
كنت أتميز بشكل كبير في مجال الرسم والخط حتى وصلت المرحلة الثانوية وأبدعت بشكل كبير
في هذا المجال حتى أن صاحب أحد محلات الخطاطة عندنا طلبني للعمل معاه في هذا المجال ولكن ولظروف الدراسة
لم أستطع الاستمرار لأكثر من شهر :blackeye:

خــاطري أطور من مستواي بالخط ... شو تنصحني ..؟؟

بعدها تركت هذا المجال لظروفي الدراسية الصعبة في الجامعة ثم رجعت وبقوة بعد التخرح وطورت مستواي خاصة في مجال التصميم ^^
شو تصمم ؟؟ والتصميم يتعلق بدراستك ..؟؟

تسلمين أختي على الموضوع الخفيف والجميييييل ..
الله يسلمك اخويه أمارنت .. حياك الله بأي وقت


تم الترشيح :)











مشكور :) <<< ما اعتقد 40 سطر:biggthump

[Amarant]

خــاطري أطور من مستواي بالخط ... شو تنصحني ..؟؟

ممممم
أنا زمان كنت أجمع بعض كتب الخط العربي كان في كتاب مدري وش عنوانه بالضبط لكن الخطاط كان عراقي ومشهور جداً
اسمه على ما أذكر ( الخطاط هاشم البغدادي) كنت أطبق كل الخطوط الموجودة في كتابه لكن ما قدرت أتمكن من كل الخطوط ... هو خط واحد فقط اللي كنت استخدمه دائماً وهو الخط الديواني أما الباقي صفر على الشمال :blackeye:
يعني الموضوع وما فيه تحتاجين للتطبيق حتى تصير يدك خفيفة ومتمرسة وفي نفس الوقت تحتاجين للصبر
لأن هذا الموضوع يطفّش شوي خاصة إذا كنتي تحاولين وما نجحتي في المحاولة لازم تصبري
وتحاولي مرات كثيرة وإن شاء الله تتوفقي ^^



شو تصمم ؟؟ والتصميم يتعلق بدراستك ..؟؟

التصميم بعيد جداً عن دراستي وعن تخصصي .. لأن تخصصي هو إدارة الأعمال ^^



الله يسلمك اخويه أمارنت .. حياك الله بأي وقت


تسلمين أختي وألف شكر مرة ثانية على الموضوع ^^










مشكور :) <<< ما اعتقد 40 سطر:biggthump
ما أقدر أقول شي :09:

[Exodia]

بالنسبة للابداع يمكن صعب أتكلم عنه
كل إنسان يقدر في فترة من حياته يبدع في شيء معين
ولكن في الأغلب هو شيء واحد يبدع فيه
قبل فترة كان أكثر شيء أبدع فيه هو لعب الكورة :D
وكنت في الأغلب كابتن الفصل ومع منتخب المدرسة
ولكن مع مرور الوقت وتدهور حالتي الرياضية :blackeye:
بدأ الابداع يخفت واللياقة تقل
وصار عندي فقط معلومات عن الرياضية مع ممارسة قليلة لها أحياناً في الشهر 3 مرات فقط :blackeye:
وفي الوقت الحالي أكثر شيء ابدع فيه هو مجال الحاسوب ...
وإن شاء الله أستمر فيه ويتطور مستواي أكثر في هذا المجال ...
حتى الان لي في هذا المجال أكثر من 6 سنوات وإن شاء الله يتطور مستواي أكثر مع الوقت ...

يعطيك العافية ابتسامــــــه :)
موضوع مميز وفكرته جديده ورائعه

[Hinata-sama]

السلام عليكم :)

هلا والله أختي ابتسامة ^_^ موضوعج حلو

الابداع كلمة جميلة لها وقعها الخاص و صداها في النفس

أنا عن نفسي :o الله يسلمج على أيام الثانوية أكثر شي كنت احاول أبدع فيه كتابة التعبير :أفكر: هو مستواي ما كان لين هناك ،، بس كنت أستغرب يوم تمدحني المعلمة O_O و أكيييد أستانس :D

و دشيت الجامعة ، و مضت السنين و تبخرت الموهبة و القدرة بحكم طبيعة دراستي T_T

و من شهرين تقريباً تعلمت تصميم البطاقات و مازلت أمارس هذا الشي و أحاول أبدع فيها ، لأني وجدت فيها ما يناسبني " تعبير عن ذاتي باستخدام الكمبيوتر اللي هو أحد ميولي و مجال دراستي " وان شاء الله تخصصي اللي اخترته يتعلق بالتصميم نوعاً ما و بيدعم هذا الشي إذا الله أراد :أفكر:

تسلمين الشيخة ^^ موضوعج يدفع الشخص بالتفكير في نفسه ،
وإن شاء الله ما أكون طولت عليج

[ابتسامــــــه]

ممممم
أنا زمان كنت أجمع بعض كتب الخط العربي كان في كتاب مدري وش عنوانه بالضبط لكن الخطاط كان عراقي ومشهور جداً
اسمه على ما أذكر ( الخطاط هاشم البغدادي) كنت أطبق كل الخطوط الموجودة في كتابه لكن ما قدرت أتمكن من كل الخطوط ... هو خط واحد فقط اللي كنت استخدمه دائماً وهو الخط الديواني أما الباقي صفر على الشمال :blackeye:
يعني الموضوع وما فيه تحتاجين للتطبيق حتى تصير يدك خفيفة ومتمرسة وفي نفس الوقت تحتاجين للصبر


أبويه كــان يشجعني على الخط .. حتى أذكر مره شرا لــي كتابين خط ..
بس أحس هالكتب لازم تتقيد فيها ... يعني لازم تكتب بقلم خط عشان تضبط
إلي بنفس الكتاب >>> وطبعا نحن ما نستخدم هالاقلام دايما .. لكن لو استخدمته
صراحه اضبط الكتابه فيهم



لأن هذا الموضوع يطفّش شوي خاصة إذا كنتي تحاولين وما نجحتي في المحاولة لازم تصبري
وتحاولي مرات كثيرة وإن شاء الله تتوفقي ^^

من ناحية يطفش يطفش..
لكن تصادفني أوقات لو مسكت قلم
الرصاص أحب أخطط فيه .. وأحس نفسي خطي بالانجليزي أحسن من العربي ><


تسلمين أختي وألف شكر مرة ثانية على الموضوع ^^

واجبي انا أشكرك على هالنصايح وإن شاء الله أعمل فيها ..

وحياك الله








:) <<< هذي لك

[ابتسامــــــه]

هلا هلا بالكابتن أكسوديا


بالنسبة للابداع يمكن صعب أتكلم عنه
كل إنسان يقدر في فترة من حياته يبدع في شيء معين
ولكن في الأغلب هو شيء واحد يبدع فيه

هذي معاك حق ..

قبل فترة كان أكثر شيء أبدع فيه هو لعب الكورة :D
لمن الواحد يتقن قي هوايه من هواياته الرياضيه .. يعتبر إبداع ؟؟؟

وكنت في الأغلب كابتن الفصل ومع منتخب المدرسة
مــا شاء الله عليك


ولكن مع مرور الوقت وتدهور حالتي الرياضية :blackeye:
بدأ الابداع يخفت واللياقة تقل

أفاااا ... :(


متى بتعتزل :biggthump ؟؟

وصار عندي فقط معلومات عن الرياضية مع ممارسة قليلة لها أحياناً في الشهر 3 مرات فقط :blackeye:
افضل سنه جمعت فيها معلومات رياضيه (( كورة قدم)) كانت بعد كاس العالم 1998
عكس كاس العالم 2002 ><



وفي الوقت الحالي أكثر شيء ابدع فيه هو مجال الحاسوب ...
وإن شاء الله أستمر فيه ويتطور مستواي أكثر في هذا المجال ...

عسى الله يوفقك يـــــــــا رب

حتى الان لي في هذا المجال أكثر من 6 سنوات وإن شاء الله يتطور مستواي أكثر مع الوقت ...
ليش لمن أسألك ما تعرف تجاوب علي ...؟؟ :09: <<<< خخخخخ امزح




يعطيك العافية ابتسامــــــه :)
الله يعافيك كابتن أكسوديا




موضوع مميز وفكرته جديده ورائعه



المميزوالاروع وجودك .. :)
ومشكور على الترشيح










:)

[ابتسامــــــه]

السلام عليكم :)

عليكم السلام ..

هلا هلا باختي هيناتا








هلا والله أختي ابتسامة ^_^ موضوعج حلو

تسلمين والله من ذوقج الغاليه




الابداع كلمة جميلة لها وقعها الخاص و صداها في النفس

فعلا






أنا عن نفسي :o الله يسلمج على أيام الثانوية أكثر شي كنت احاول أبدع فيه كتابة التعبير :أفكر: هو مستواي ما كان لين هناك ،، بس كنت أستغرب يوم تمدحني المعلمة O_O و أكيييد أستانس :D

و دشيت الجامعة ، و مضت السنين و تبخرت الموهبة و القدرة بحكم طبيعة دراستي T_T



المفروض ننمي الموهبه مب نعدمها ><

بس الثانويه العامه >< .....

خذت منا كل حلو:(






و من شهرين تقريباً تعلمت تصميم البطاقات و مازلت أمارس هذا الشي و أحاول أبدع فيها ، لأني وجدت فيها ما يناسبني " تعبير عن ذاتي باستخدام الكمبيوتر اللي هو أحد ميولي و مجال دراستي "

عقبالي .. اتعلم اصمم :o


وان شاء الله تخصصي اللي اخترته يتعلق بالتصميم نوعاً ما و بيدعم هذا الشي إذا الله أراد :أفكر:

الله يوفقج يـــا رب




تسلمين الشيخة ^^ موضوعج يدفع الشخص بالتفكير في نفسه ،

الله يسلمج الغاليه .. يشرفني تواجدج








وإن شاء الله ما أكون طولت عليج












افا عليج .. الموضوع موضوعج ونحن بالخدمه وحياج الله بأي وقت





ويعطيج العافيه على الترشيح .. :)

[ADRIANOOOO 10]

السلام عليكم

كيف الحال

انشالله تمام

وش الاخبار

موضوع جميل

وصراحة

كلمة الابداع قليلة علية

مشكورة وايلى الامام

والله يوفقك

صراحة مجهود خبار

تستاهلين كل خير والله يعين

ومع السلامة

واسف على الايطالة

ــــــــ :bigeyes: ــــــــ

الحين الله يعينك تسوين اقتباس ورد على كل جملة :09:

الله يعينك

خخخخ
:D
احم احم داخل عرض:p

[ابتسامــــــه]

السلام عليكم



عليكم السلام




كيف الحال
طاب حالك ..


انشالله تمام
تمام الله يسلمك


وش الاخبار
شيك على قناة الجزيره فيها كل الاخبار:D


موضوع جميل
الجميل هو تواجدك ..


وصراحة

كلمة الابداع قليلة علية

مشكور أخويه أدريانو ..


مشكورة وايلى الامام
يــاليت لو عندي شغله ابدع فيها :(


والله يوفقك
ويوفقك يــا رب


صراحة مجهود خبار
الموضوع متواضع .. :)


تستاهلين كل خير والله يعين
يعطيك العافيه


ومع السلامة :ciao:



واسف على الايطالة

ــــــــ :bigeyes: ــــــــ

انت ما قلت مع السلامه :biggthump


الحين الله يعينك تسوين اقتباس ورد على كل جملة :09:
لا افا عليك ... كم أدريانوو عندنــا
اثنين لاعب الانتر ولاعب المنتدى :D
ولاعب المنتدى يمون علينا ;)


الله يعينك
خخخخخخخخخخخ



خخخخ
:D
احم احم داخل عرض:p


عرض على شنو .. لا تقول هالكلام موضوع موضوعك والله يحييك بأي وقت






:)

[TheCAge]

لا بس حبيت اسلم وارشح:shakehand

[ابتسامــــــه]

لا بس حبيت اسلم وارشح:shakehand




حيااااااااااك الله بأي وقت .. :shakehand

وإن شـــاء الله دايما تكون متواجد ومشكور على الرد والترشيح :)


بس ما خبرتنـــا .. بـ شنو تحب تبدع ..؟؟


:)

[TheCAge]

حيااااااااااك الله بأي وقت .. :shakehand


وإن شـــاء الله دايما تكون متواجد ومشكور على الرد والترشيح :)


بس ما خبرتنـــا .. بـ شنو تحب تبدع ..؟؟


:)


حالياً.. احب ابدع في وفاءي لحب اليوفي اللي للأسف صرت احزن إذا فازوا ويتكدر خلقي وتخرب نفسيتي إذا خسروا ..

[غاده الدلوعة]

أهلين حبيبتي .. إبتسامه ..
على فكرة إسمك حلو ,,,,,,,, هههههههه وحده رايقه
عموماً ألف شكر على موضوعك الحلو ..
والصراحة أنا أحس روحي مبدعة بشي بس لا تضحكين ..!!

بالترتيب ......!!!
يعني لما يعطوني شي أرتيه عال العال ..
بس مو ترتيب الوسواس لا ..

عشان كذا كنت بالمدرسه ماسكة المعرض الفني وأرتبه لك خوش ترتيب:)
حتى أذكر عطوني بالمتوسط جائزة .. ههههههه ’’ مبسوطة :p :D ’’
وأميل لكتابة الخواطر وأتمنى أكون مبدعة فيها ...
ومبدعة بالكمبيوتر .. لأنه مجال تخصصي ......

الظاهر مطولة ههههههههههههه

تسلمين مرة ثانية حبيبتي على فكرتك وأتمنى ما أكون ثقلت بس حبيت أشارك ..

إختك ** غاده **

[ابتسامــــــه]

حالياً.. احب ابدع في وفاءي لحب اليوفي

أيواااااااااا ..يــــاولد :biggthump




اللي للأسف صرت احزن إذا فازوا

:أفكر:






ويتكدر خلقي وتخرب نفسيتي إذا خسروا ..



الخسارة وارده بعالم كورة القدم ..

دامك يوفاوي .. إن شـــاء الله ما تحزن <<< والمشاعر الباقه بنخليها بالرابطه :D

[ابتسامــــــه]

[QUOTE]أهلين حبيبتي .. إبتسامه ..
هلا أختي غاده الدلوعه


على فكرة إسمك حلو ,,,,,,,, هههههههه وحده رايقه
تسلمين حبيبتي من ذوقج


عموماً ألف شكر على موضوعك الحلو ..
والف شكر على تواجدج وردج :)


والصراحة أنا أحس روحي مبدعة بشي بس لا تضحكين ..!!

لا مرح أضحك ...


بالترتيب ......!!!
يعني لما يعطوني شي أرتيه عال العال ..
بس مو ترتيب الوسواس لا ..

بالعكس مجال حلو ..
وعلى طاري الترتيب .. أحب أنسق بالالوان



عشان كذا كنت بالمدرسه ماسكة المعرض الفني وأرتبه لك خوش ترتيب:)
حتى أذكر عطوني بالمتوسط جائزة .. ههههههه ’’ مبسوطة :p :D ’’

ما شاء الله عليج تستاهلين

وأميل لكتابة الخواطر وأتمنى أكون مبدعة فيها ...
عليييج بقسم الخواطر في منتدانا .. ما شاء الله عليهم كل واحد أحسن من الثاني
ورح تستفيدين من خبرتهم وكتاباتهم

ومبدعة بالكمبيوتر .. لأنه مجال تخصصي ......
موفقه إن شاء الله


الظاهر مطولة ههههههههههههه

لا والله عادي خذي راحتج

تسلمين مرة ثانية حبيبتي على فكرتك وأتمنى ما أكون ثقلت بس حبيت أشارك ..
لا بالعكس مشاركتج حلوه وخفيفه .. ويعطيج العافيه على المرور:)




إختك ** غاده **
أختج ابتسامه :)