مشاهدة النسخة كاملة : الجهاز و القطع تعبت و انا ادور عن معالجات AMD
THE-FABLED
09-12-2005, 01:48 PM
السلام عليكم
صار لي اسبوع و انا ادور عن محل عنده معالجات amd او حتى يقدر يجيب لي و لا حصلت ولا محل في القطيف او الدمام
فياريت واحد يقول لي عن محل في القطيف او الدمام
انا تعبت من التدوير لهذا قررت اني آخد انتل و افك حالي
و قلت باخد intel P4 3.6
لهذا اريد ان اعرف هل هو انواع الـ 3.6 و ياريت تقولوا لي عن مذربورد متوافقة معاه و تكون متوفره عندنا
و فيها خاصية ( ديل شانل للرام ) و فتحات PCI-E لكرت الشاشة و اذا ايضا موجود تكون فيها خاصية الـ SLI
و بسألكم هل الفرق كبير بين معالج 3.6 و 3.8
و بالنسبة للرام هل تنصحوني بـ DDR2 or DDR
و هل الفرق بينهم كبير
و بالنسبة لكرت الشاشة
احتمال آخد 6800GT او 7800GT
و الهارد ديسك
WE 160GB SATA II
و الباور سوبلاي
Enermax EG425P-VE 420W
و مشكورين مقدماً
BeaUnkill
09-12-2005, 03:51 PM
اطلع الخبر .. روح لمجمع ابراج الدوسري . هناك سوق الكمبيوتر والي تحصل فيه كل الي تبي ..
وتجنب المحلات الصغيرة والي شكلها مشبوه .
خليك على احد ثلاثة :
SAM - Icon - Golden Systems
وفيه محل اسمه الاطلنطي .. انصحك ما تخشه . لان بضايعه مثل باضيع SAM واسعاره غالية مرة !
صلاح9
09-12-2005, 04:09 PM
صام و الاطلنطي صاحبهم واحد ولهم محل ثالث لكن نسيت اسمه (كلهم نفس المحل لكن باسامي مختلفه)
في محلين يبيعون AMD .. واحد صغير مره والثاني راح تعرفه من الواجهه (حاط المنتجات بالواجهه)
THE-FABLED
09-12-2005, 04:18 PM
انا هذا اللي اريد تجنبة الذهاب للخبر لانيها ساعتين روحة و جية
...<<<<هههه على فكره انا ما عندي رخصة الوالد هو اللي يوديني
لهذا ياريت تساعدوني.................راجعوا الرد الأول
BeaUnkill
09-12-2005, 05:52 PM
صام و الاطلنطي صاحبهم واحد ولهم محل ثالث لكن نسيت اسمه (كلهم نفس المحل لكن باسامي مختلفه)
في محلين يبيعون AMD .. واحد صغير مره والثاني راح تعرفه من الواجهه (حاط المنتجات بالواجهه)
ايه ادري ان صاحبهم واحد . بس برضو الاطلطني اسعاره اغلى من صام . ونفس البضايع موجودة بالمحلين . واذا ما حصلها يجيبه من المحل الثاني .. لكن صام يعرضها بسعر ارخص من الثاني .
والثالث في الخلفية .. ورى المحلات بس مدري يمين أو يسار .
---------
الاخ جامع الاسرار .
بصراحة اذا تبي سوق كمبيوتر مالك الا ابراج الدوسري . ولو انها مو بالمستوى المطلوب لكن احيان تحصل بعض مما تريد ..
ما عندي اماكن ثانية للأسف
عمود ارتكاز
09-12-2005, 10:51 PM
على فكره انا ما عندي رخصة الوالد هو اللي يوديني
ياخي خذ تاكسي ورح الخبر من بعدها الحين لا تصير مدلع واتكالي بابا بابا اعتمد على نفسك شوي دبر عمرك مهو كل شي أبوك :31:
إلا انت كم عمرك ؟؟
BLACK _G
10-12-2005, 12:50 AM
ياخي خذ تاكسي ورح الخبر من بعدها الحين لا تصير مدلع واتكالي بابا بابا اعتمد على نفسك شوي دبر عمرك مهو كل شي أبوك :31:
إلا انت كم عمرك ؟؟
احم،، شباب لاحد يآخذه ترا من يوم فكر يغير النك نيم وبعد ماغيره وهو يسب ويلعن في المنتدى المسكين :( :09: :laughing: :stupid:
abmola
10-12-2005, 09:22 AM
السلام عليكم
صار لي اسبوع و انا ادور عن محل عنده معالجات amd او حتى يقدر يجيب لي و لا حصلت ولا محل في القطيف او الدمام
فياريت واحد يقول لي عن محل في القطيف او الدمام
انا تعبت من التدوير لهذا قررت اني آخد انتل و افك حالي
و قلت باخد intel P4 3.6
لهذا اريد ان اعرف هل هو انواع الـ 3.6 و ياريت تقولوا لي عن مذربورد متوافقة معاه و تكون متوفره عندنا
و فيها خاصية ( ديل شانل للرام ) و فتحات PCI-E لكرت الشاشة و اذا ايضا موجود تكون فيها خاصية الـ SLI
و بسألكم هل الفرق كبير بين معالج 3.6 و 3.8
و بالنسبة للرام هل تنصحوني بـ DDR2 or DDR
و هل الفرق بينهم كبير
و بالنسبة لكرت الشاشة
احتمال آخد 6800GT او 7800GT
و الهارد ديسك
WE 160GB SATA II
و الباور سوبلاي
Enermax EG425P-VE 420W
و مشكورين مقدماً
أتمنى من جميع الأخوة قراءة الخبر التالي :
(إنتل ) تفتح مصنعها الثاني في مستوطنة ( كريات غات ) بالأراضي المحتلة
أعلنت رسميا شركة ( إنتل INTEL(، أكبر منتج في العالم للرقائق الإلكترونية إقامتها لمصنع ثاني في مستوطنة " كريات غات " في جنوب فلسطين المحتلة عام 1948 ، وذلك بعد أن قررت الشركة استثمار 4.2 مليار دولار في هذا المشروع .
وأوضح مدير فرع الشركة إن المصنع سيحتل واجهة التكنولوجيا في شركة (إنتل ) بعد انتهاء الاستثمار في تطويره ، مشيرا أن إنتل لم تكن لتتمكن من إطلاق مثل هذا المشروع الضخم لو لم تقم الحكومة الإسرائيلية مؤخّراً بالمصادقة على هبةٍ بقيمة 525 مليون دولار لهذا الغرض ، يذكر أن شركة ( مايكروسوفت ) العالمية ، قد سبقت ( إنتل ) في إبرام اتفاقيات مع الإسرائيليين في مجال التعاون المشترك لإنشاء مركزٍ لها داخل الأراضي المحتلة عام 1948 .
المصدر : موقع الجزيرة
هذا سبب و السبب الأخر هو أن معالجات أى أم دي أحسن بألف مره في الألعاب من الأنتل .. و الراي رأيك
THE-FABLED
10-12-2005, 02:54 PM
الاخ جامع الاسرار .
بصراحة اذا تبي سوق كمبيوتر مالك الا ابراج الدوسري . ولو انها مو بالمستوى المطلوب لكن احيان تحصل بعض مما تريد ..
ما عندي اماكن ثانية للأسف
ابيك بس تعطيني اسامي القطع
ياخي خذ تاكسي ورح الخبر من بعدها الحين لا تصير مدلع واتكالي بابا بابا اعتمد على نفسك شوي دبر عمرك مهو كل شي أبوك :31:
إلا انت كم عمرك ؟؟
انا بعدني طالب في الثانوية .....يعني من وين اجيب فلوس للجهاز:D لازم احتاج للوالد كذا و لا كذا
و انا ما ابي اروح بتاكسي لو ابي اروح كان رحت بلوموزين..<<<<<<<<هههههه مصدق حالة:D :09:
انا عمري 17 سنة و انت كم عمرك؟؟؟
أتمنى من جميع الأخوة قراءة الخبر التالي :
(إنتل ) تفتح مصنعها الثاني فيمستوطنة ( كريات غات ) بالأراضي المحتلة
أعلنت رسميا شركة ( إنتل INTEL(، أكبر منتج في العالم للرقائقالإلكترونية إقامتها لمصنع ثاني في مستوطنة " كريات غات " في جنوب فلسطين المحتلةعام 1948 ، وذلك بعد أن قررت الشركة استثمار 4.2 مليار دولار في هذا المشروع .
وأوضح مدير فرع الشركة إن المصنع سيحتل واجهة التكنولوجيا في شركة (إنتل ) بعدانتهاء الاستثمار في تطويره ، مشيرا أن إنتل لم تكن لتتمكن من إطلاق مثل هذاالمشروع الضخم لو لم تقم الحكومة الإسرائيلية مؤخّراً بالمصادقة على هبةٍ بقيمة 525مليون دولار لهذا الغرض ، يذكر أن شركة ( مايكروسوفت ) العالمية ، قد سبقت ( إنتل ) في إبرام اتفاقيات مع الإسرائيليين في مجال التعاون المشترك لإنشاء مركزٍ لها داخلالأراضي المحتلة عام 1948 .
المصدر : موقع الجزيرة
هذا سبب و السبب الأخر هو أن معالجات أى أم دي أحسن بألف مره في الألعاب من الأنتل .. و الراي رأيك
__________________
وش نسوي بعد هذا المتوفر عندنا و انا ادري ان الاي ام دي احسن من الأنتل
و انا كنت اتمنى آخد AMD:(
BeaUnkill
10-12-2005, 06:18 PM
اوكي علمني وش القطع الي تبيها .
وكم حاط ميزانية لها .
وحط في بالك مو كل القطع راح تحصلها .. انا باقول لك الي ممكن تحصله في الخبر .
THE-FABLED
10-12-2005, 10:34 PM
intel P4 3.6
لهذا اريد ان اعرف هل هو انواع الـ 3.6 و ياريت تقولوا لي عن مذربورد متوافقة معاه و تكون متوفره عندنا
و فيها خاصية ( ديل شانل للرام ) و فتحات PCI-E لكرت الشاشة و اذا ايضا موجود تكون فيها خاصية الـ SLI
و بسألكم هل الفرق كبير بين معالج 3.6 و 3.8
و بالنسبة للرام هل تنصحوني بـ DDR2 or DDR
و هل الفرق بينهم كبير
يعني
1- معالج انتل 3.6
2- مذربورد
3- رام 2 جيجا
بسألك مع هذه المواصفات اذا ركبت كرت شاشة عادي مثل FX5200 هل ستصبع الألعاب بطيئة
BLACK _G
10-12-2005, 10:55 PM
intel P4 3.6
لهذا اريد ان اعرف هل هو انواع الـ 3.6 و ياريت تقولوا لي عن مذربورد متوافقة معاه و تكون متوفره عندنا
و فيها خاصية ( ديل شانل للرام ) و فتحات PCI-E لكرت الشاشة و اذا ايضا موجود تكون فيها خاصية الـ SLI
و بسألكم هل الفرق كبير بين معالج 3.6 و 3.8
و بالنسبة للرام هل تنصحوني بـ DDR2 or DDR
و هل الفرق بينهم كبير
يعني
1- معالج انتل 3.6
2- مذربورد
3- رام 2 جيجا
بسألك مع هذه المواصفات اذا ركبت كرت شاشة عادي مثل FX5200 هل ستصبع الألعاب بطيئة
مدري أحس انك حايس وبديت تخبط شوي !!!
أول شي ليش بتاخذ مذر فيها تقنية SLI ؟ يعني هل تفكر انك تشتري كرت ثاني نفس الكرت في الجهاز الجديد ؟؟ (راجعين لهالنقطة)
ثانيا بالنسبة للفرق بين الـ3.6 والـ3.8 لا مافي فرق يسوى...
ثالثا --- كرت الشاشة وهنا التخبيط على أصول !!
يوم تقول أفكر بـ6800gt أو 7800gt الفرق كبير بينهم من ناحية الأداء والسعر والتوافرية !!
والحين تقول وش رايكم لو آخذ الـ5200 !!!!!! كرت خاايس مايسوى تبي تاخذه لجهاز جديد وحق ألعاب كمان !!
نرجع لحكاية المذر بالله فين بتحصل هالكرت بمنفذ PCI-E علشان تركبه في المذر ؟!؟ والمذر SLI يا سلام لاتقلي تبي تركب كرتين منه بس :ciao:
أخوي لا تفتح موضوع جديد وتقول شوفلي جهاز بهالميزانية ولكن خلنا في الموضوع هذا وحط ميزانيتك علشان ندبر لك جهاز صح :)
واي خدمة حاضرين ;)
BeaUnkill
11-12-2005, 10:09 AM
مثل ما قال ابو الشباب فوق .
عطنا ميزانيتك ;)
GoldenLion
11-12-2005, 02:52 PM
السلام عليكم ورحمة الله وبركاته
معالجات AMD متوفره بكثرة لمن يريدها ويبحث عنها
أما عن جامع الأسرار فقد سمعت قبل أشهر في هذا المنتدى أنك تريد شراء كمبيوتر
ونصحتك بـ AMD ودعوتنا بالجهل وأننا ننصحك بالأسوأ لأنه المحلات تتدعي أنه سيء
فكنت تحامي عن انتل ... إلى يومنا هذا ما اشتريت كمبيوتر ؟؟؟
THE-FABLED
11-12-2005, 11:10 PM
مدري أحس انك حايس وبديت تخبط شوي !!!
أول شي ليش بتاخذ مذر فيها تقنية SLI ؟ يعني هل تفكر انك تشتري كرت ثاني نفس الكرت في الجهاز الجديد ؟؟ (راجعين لهالنقطة)
ثانيا بالنسبة للفرق بين الـ3.6 والـ3.8 لا مافي فرق يسوى...
ثالثا --- كرت الشاشة وهنا التخبيط على أصول !!
يوم تقول أفكر بـ6800gt أو 7800gt الفرق كبير بينهم من ناحية الأداء والسعر والتوافرية !!
والحين تقول وش رايكم لو آخذ الـ5200 !!!!!! كرت خاايس مايسوى تبي تاخذه لجهاز جديد وحق ألعاب كمان !!
نرجع لحكاية المذر بالله فين بتحصل هالكرت بمنفذ PCI-E علشان تركبه في المذر ؟!؟ والمذر SLI يا سلام لاتقلي تبي تركب كرتين منه بس :ciao:
أخوي لا تفتح موضوع جديد وتقول شوفلي جهاز بهالميزانية ولكن خلنا في الموضوع هذا وحط ميزانيتك علشان ندبر لك جهاز صح :)
واي خدمة حاضرين ;)
ههههه انا مو مخبط شوي انا مخبط واجد
عجل تروح محلات كمبيوترات كبيره و جميلة و الشاشات اللي فيها اكبر من 40 بوصة<<<<اي مجنون بيأخده
المهم و بعدين ما تحصل عندهم الا كروت خااااااااااااااااايسة FX5200 ,X550.....ألخ
ولا بعد ما عنده كروت نيفلدا
ياريت عنده على الأقل 6800GT كان خديتة بدون تردد
و بالنسبة لتقنية ال SLI انا عارف 5200 ما يدعم هذه التقنية
انا اللي كنت افكر فيه اذا حصلت 6800جي تي يمكن اشتري واحد و بعد شهر اذا صار عندي فلوس اشتري الثاني
ادري ان الفرق بين 6800 و 7800 كبير و انا ما قصدت بكلمة ( افكر ) يعني محتار بينهم:D على حسب اللي احصلة و ايضا على حسب السعر
نرجع لحكاية المذر بالله فين بتحصل هالكرت بمنفذ PCI-E علشان تركبه في المذر ؟!؟ والمذر SLI يا سلام لاتقلي تبي تركب كرتين منه بس
هههه صار بالموضوع شوي تداخل بين الكروت:31: :D
المهم انا اللي ناقصني بس الذربورد اما الباقي كلة عارفنة و عارف احسنة
.....
تعرفون مذربورد
intel mb 915
هالبياع يبي يلعب عليي و يعطيني اياها
THE-FABLED
11-12-2005, 11:14 PM
أما عن جامع الأسرار فقد سمعت قبل أشهر في هذا المنتدى أنك تريد شراء كمبيوتر
ونصحتك بـ AMD ودعوتنا بالجهل وأننا ننصحك بالأسوأ لأنه المحلات تتدعي أنه سيء
انا ما دعوتكم بالجهل....:أفكر: و اذا كلامك صح اسمح لينا
... إلى يومنا هذا ما اشتريت كمبيوتر ؟؟
هههههه ايوه
شباب بالنسبة للميزانية
ما عليكم منها
المهم عطوني اسم مذربورد ممتازه
...يفضل 3 مذربوردات:D <<<<< طماع
BLACK _G
12-12-2005, 05:13 AM
ههههه يالحبيب وش اللي ماعلينا منها ؟؟ ياخي استغرب من الناس اللي تستحي من هالموضوع !!
تراه لمصلحتك أولاً وأخيراً وحنا مانقدر ننصحك على شي الا بناءاً على الميزانية !
شد حيلك ..
BeaUnkill
12-12-2005, 01:03 PM
لا تقول شد حيلك حقتي :D خخخخخ .
المهم يا جامع الاسرار .
فيه في محل الانظمة الذهبية المذربورد
ASUS A8N SLi Deluxe وقيمته حدود 1000 ريال .
المعالج . والله انصحك تتصل بمحل باث للحاسبات وتطلب لمعالج AMD Athlon 64 3700+ Socket 939
او تطلب AMD Athlon 64 4000+ Socket 939 . ويشحنه لك بـ 50 ريال واسعاره ممتازة .
والرامات للأسف مافي محل يبيع رامات زي الناس بالشرقية . مالك الا تطلبها من باث أو من جولدن ليون من جدة .
يبقى لك الهاردسك تاخذه من SAM هو والكيس وكرت الشاشة اتوقع بتحصل عنده 6800GT من شركةeVGA أو MSI . ماني متأكد بس تراك بتحصل كرت زين .
(( ملاحظة : اذا كنت بتتصل في باث بتاخذ منه المعالج . انصحك تاخذ الكرت والرامات من عنده كمان :) ))
اتوقع بعد كذا مافيه مشكلة توقف قدامك ..
موفق ؛؛؛
THE-FABLED
12-12-2005, 01:40 PM
ههههه يالحبيب وش اللي ماعلينا منها ؟؟ ياخي استغرب من الناس اللي تستحي من هالموضوع !!
تراه لمصلحتك أولاً وأخيراً وحنا مانقدر ننصحك على شي الا بناءاً على الميزانية !
شد حيلك ..
:D :D
هههه انا ما حطيت ميزانية لأني بس ابي مذر بورد
يالله الميزانية تقريباً 600 - 800 ريال متوافقة مع معالج انتل 3.6
الجهاز كامل تقريبا 4000 ريال
على فكره انا طلبت الجهاز
معالج 3.6 انتل
كرت .....ما حددت للأن ما عندهم الا ATI و انا ما عندي خبره بكروتها
المهم باقول له يجيب ليx850pro
مذر بورد ...هو كتب لي مذر بورد خايسة intel 915 اليوم باكلمة حشان يغيرها
لهذا اريدكم تنصحوني بكم من مذربورد
رام 2GB .... انا قلت له ابي kingston بس ما عنده
هارد ديسك 200GB sata
اسمح لينا طولنا الهدره
THE-FABLED
12-12-2005, 01:41 PM
اخي وناسة...
محل باث وين موجود
و هل عندك رقم محل سام اللي بالخبر
BLACK _G
12-12-2005, 07:36 PM
لا تقول شد حيلك حقتي :D خخخخخ .
dude cant u just leave me alone >_<"
والله يستر عليك :09:
-----------------------
-----------------------
www.pc-path.com
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .