~*¤ô§ô¤*~ بات مان بالنسخه السعوديه ~*¤ô§ô¤*~

[Dark Flame]

~*¤ô§ô¤*~ بات مان بالنسخه العربيه ~*¤ô§ô¤*~







الفصل الأول : التعريف بالشخصيات .



الفصل الثاني : أنواع الخطوط .



الفصل الثالث : الهرج ( القصه ).



الفصل الرابع : ملاحظات .



الفصل الأخير : طلب الترشيح ^.^



-----------------









ألفصل الأول : التعريف بالشخصيات



بات مان



http://n9com.com/n9/11-13-2005/w6w_2005100917294357ecd731.jpg

هذا المقرود الدحمي ....مكثر كرتون وهو صغير .... يحب لينا خويه عدنان ويتمنى لقائها ><"

وهو قرد القصه مدري بطل الروايه





http://n9com.com/n9/11-13-2005/CRE00018.JPG


هذه سيارة الدحمي مدري بات بان
المواصفات ( كفرات خط ومساعدات وجنوط مرسدس ....وشئ طبيعي مركب دبه وهيدرز ) <<< أدري أن أكثركم ما فهمه ...بس خلوها للي يفهمونها.





http://n9com.com/n9/11-13-2005/avatar244171_1.gif


هذا السواق حقهم ...مدري الخدام اللي يعرف الكهف السري حق بات مان ...واللي معه كل أسراره ...من قدمه البلديه ملصقه على ظهره لوحه مكتوب عليها بالخط العريض تالف...على العموم هو عضو زايد ...يعني مال امه داعي هنا .....وحطيته عشان بس ما يزعل أبو الدحمي.



http://arab4up.com/File/1134241448.jpg

هذا الدرج ( عبص ) صديق الدحمي الروح بالروح ...بالكشتات والطلعات والمضاربات ...بس للأسف الدحمي مخبي عليه أنه بات مان ......وللمعلوميه ترى هذا الشخص ينوب عن الصديقه ..لأنه كما تعرفون ...حنا بالنسخه العربيه ( الله يديم علينا هذه النعمه )





http://arab4up.com/File/1134241546.jpg

صلوحي ....صديق بات مان ...يعمل بسلك الشرطه ....تم الإتفاق بينه وبين بات مان على أن الأول عند أي مشكله يشغل الكبس العالي ( زينون) ...ويحطه فوق بالسماء ....على فكره .... الصوره اللي تطلع من خلال الكبس مو خفاش ...مسوي الدحمي ذهين ويبي يطور النسخه حقته من بات مان ...وطلب من صلوحي يخليها بدال صوره خفاش قرد <<< قايل لكم التميز لا حدود له





----------------






الفصل الثاني الوان الخطوط


الأسود : هذا اللي ابكتب فيه القصه





هذا اللون اللي مدري وش تسمونه : ابكتب تعليقاتي على القصه ( يعني خارج القصه )











يتبع ،،،

[Dark Flame]

الفصل الثالث : الهرج ( القصه )



تدور أحداث هذه القصه في بلده عربيه ...حيث أبدعت هيفاء وهبي بالرقص ...وحيث كان للمجون كل مأخذ << لا يكثر وأخلص.



يوم من يوميات الشخصيه العاديه

كان بطلنا الدحمي يمشي بالشارع ...وهو يمشي ..لقى واحد مطول للأغاني على كسرات نانسي عجرم .... فراح لمه وقال له : لعنبو أبليسك أنت ما تستحي ؟......ياخوووك عيب ...شغل عباس ابراهيم أو خالد عبد الرحمن ....راعي السياره ماعرف مع من قاعد يكلم ( تعرفون ان القناع مدري اللطمه تغير الملامح ...زي نظارة سوبر مان ..اذا لبسها صار شخص عادي ومحد تعرف عليه ) قاله : وش تبا الحين أنت ؟....قال بات مان : سلامك <<< عاشو الأبطال .... وكمل البطل مشواره للبقاله عشان يشري علبه السفن ويرجع ينستدح زي العاده.



يوم من يوميات البطل الخارق

وفي يوم من الأيام ...الساعه 9.5 كان البطل يمشي مع خويه عبص ........ وفي طريقهم للمقهى كانت هناك إشاره مانكي مان ترفرف في السماء <<<<<وين ياخوك ...علم السعوديه على غفله ......شاف عبص هذي الإشاره وقال للدحمي : الدحمي الدحمي ....شوف الكبس فوق ...سبحان الله ...يخلق من الشبه أربعين قال الدحمي بنفسه : الله يلعنه ...كيف عرف أن هذي الإشاره لي ..قطع عبص حبل الغسيل ..مدري حبل افكار الدحمي وهو يقول :تعال ...شكله مطعم جديد فاتح ...وللحين ما جتهم فاتوره الكهرب ومخربين ابوها فاتحين اللمبات...خل نترك الشيشه اليوم ونروح لم المطعم ...أكيد عندهم تخفيضات <<<<لعنبو الطفره ...يتعشون على راس شيشه.....الدحمي بلش بالنشبه عبص كيف يبي يصرفه ....قاله هيه عبص ...ترى خالد عازمنا اليوم ( خالد = واحد من الربع ) علشاني فزت عليه بالسوني امس ....قال عبص : صدق والله ؟.....يعني أخلي العشره ريال حق عشى بكره ؟ ....قال الدحمي : أي يادرج .....المهم ....صرف الدحمي عبص وراح لم البيت وغير ملابسه الى ملابس البطل ..واتجه الى مصدر النور .........ومن وصل الى مصدر النور لقى صلوحي متكي على الكبس يلعب psp قاله الدحمي ....وش عندوووه مشغل مانكي مان ؟ .....قال صلوحي : لا بس حبيت أجرب انك تجي ولا لا ... بس لعنبوك ثلاث ساعات عشان تجي ؟......الحرامي شغال عند أهلك أنت ؟.....قال الدحمي : لا بس كانو أهلي ناكبين العشى والصراحه كان لذيذ .....الا اقول حبيبي صلوحي .........صلوحي : هاااااه .......الدحمي : ترى انا بعدك باللعبه ....وترى آخر مره أخذت دوري .......صلوحي : لا اااا ؟.....ما تبيني أصكك بالجهاز على خشك بعد ؟ .....الدحمي : لا .......... يكفي ألعب <<< قايلكم مخفه ......... بعد شوي من سحب صلوحي على الدحمي وما خلاه يلعب ..سأله الدحمي سؤال ذكي ..ينم عن فطنه لا حدود لها : الا اقول صلحلح <<<دلع الدلع حق صلوحي : اذا صار الصبح فيه جريمه ...وانت بغيتني ....كيف تبي تناديني ؟ ....يعني النور حق زينون مو قادر يطلع الا بالليل .......... قال صلوحي : يادرج أدق عليك جوال .<<<<<< ياحمار انت وياه ...ليه مو من أول جوال وخلصنا .











يوم من يوميات الشخصيه العاديه

الدحمي وعبص زي العاده منسدحين عند عتبه باب الجيران ....سأل عبص : الا اقول الدحمي .....وش راي البنات فيني ؟ .......الدحمي: وش رايهم يعني ؟....التكارنه يكرمون عنك ........عبص : الله يسلمك <<< المسكين .. يحسبه يمدحه ......المهم فكر الذهين عبص وقال للدحمي : خل نروح للتحليه ( مكان تجمع الخكاريا ) .....وش رايك ؟.....الدحمي : خلاص ...بس القطه خمس طعش ريال ....المهم وهم رايحين للتحليه بالهايلوكس ...ويرقون رصيف التحليه ويشغلون السكن ...مسوين فيها كاشخين بالموتر ...وأن البنات الحين يبون ينكبون عليهم كب .........مشكله الدروج اول مره يروحون للتحليه....الأول لابس ثوب نوم ( بيجاما )...والثاني مكشخ بنت البكار .<<<طريقه معينه للبس الشماغ .....نزلو وراح الدحمي مسوي كريم يبي يباشر على عبص بشاهي <<< يلعن شكله ماخذ قطه خمس طعش ريال ويباشر بريالين ؟. .......... المهم من راح لم الكوفي شوب قاله راعي الكوفي : الله يعطينا وياك .....قال الدحمي وش تقول ؟.....قال راعي الكوفي ...ما نعطي تبرعات حنا .....قال الدحمي : يلعن شكلك جاي للسعوديه وتمنعني من فلوس ديرتي ؟....على العموم أنا جيت أشتري يا تسلب ....ها شوف الفلوووس وش عندك ؟.....قال راعي الكوفي : عنا كل المشروبات ...زغير....وكبير ..وإكسترا كبير....قال الدحمي : عطني هذا اللي اسمه أكسترا .....بكم ؟....قاله بعشرين ريال .......الدحمي وقف قلبه ثلاث دقايق ....ومن رجع له النبض قال : عندكم شااااهي ؟...قال إي عنا شاي ...بخمسه ريال ..ومع الحليب بسته ريال .....الدحمي : وش ذا الشاهي ....تقل أشرب مويه ذهب ....اقلب وجهك انت وأسعاركم ...أبعلم البلديه عنكم ....راعي الكوفي : روح يا إبني ...أنا إلتلق انك جاي تتمسخر عليا ......المهم رجع الدحمي للسياره وقال لعبص : خلص الشااهي عندهم ...قال عبص : صدق ؟؟؟؟؟؟؟؟....أبروح أسأل ....قال الدحمي أرتسب لا ارفسك ....فاضيل ابوك أنا احتريك ...يالله ورانا شغل تشبيك .....المهم <<< أزعجتنا بمهم وما شفنا شئ مهم ><" المهم .....راحوو لأول بنت يشوفونها بالشارع نزلو الدروج وصارو يمشون وراها ....هي وقفت وسألتهم : وش تبون <<<< بنات آخر زمان . ...الدحمي قالها : أنا أحبك << خخخخخ .....هي قالت وانا بعد أحبك ..وبعدين ؟ .......الصراحه الدحمي بلش بعمره ...يحسب البنت تبي تنحرج وتنزل راسها .....جا عبص يبي يصرف للدحمي قال : خوذي رقمي ...ويعطيها ورقه مشقوقه من دفتر أسيام مربعات .....وكاتب أسمه الرباعي .....المهم قالت البنت : وش تبي أنت الثاني ....أوووف ياريحتك ...من متى ما تروشت؟ ....وبعدين وش لابس أنت ؟....تمشي في بيتكم أنت ؟........قال عبص لا أمشي في شارع الحكومه .....بعدين وش فيها ريحتي ...آخر مره سبحت قبل اربع أيام ...يعني قريب ....أستغرب الدحمي من جواب عبص....وقاله متى سبحت؟ ...قال عبص ...يحمار من أنا وأنت نسبح في مسبح الإستراحه مع الحلقه الخميس اللي راح .......قال الدحمي : أهاااا الا اقول يا بنت ...معك جوال فيه بلوتوث ؟....أبرسلك صوره ربع والله تبين تخقين معه ......قالت:ربع ريال ؟.....قال عبص : لالالالالالالالا هذي سياره كوبيه <<< يسمع بالكوبيه .يعني بابين..... عاد البنت رحمت الشابين الظريفين شوي وقالت في نفسها : أباخذ وأعطي معاهم فسألتهم : وشي موديل سيارتكم ؟.....أستانس الدحمي وهو يأشر الى سيارته وقال بملء فمه : هذي .قالت البنت : هذي البيك أب حقت الغنم ؟...ويييييييييييييييع ...قال الدحمي: أحترمي نفسك الا الغلط ><" ... تفتح البنت الشنطه وتمد لكل واحد منهم خمسين ريال وتكمل طريقها ...الدحمي وعبص ما صدقو على الله ....أول مره يعرفون أنه فيه فئات نقديه فوق العشره ريال ...مساكين ...أبوانهم ما قط خلوهم يلمسون ورقه فئه عشرين ريال ...المهم رجعو الى بيوتهم وهم مستانسين ...يحسبون ان البنت خقت معهم .











وكذا تنتهي يوم من يوميات الدحمي ....وبسبب قله الأفكار ابوقف الكتابه ...الين عطله الحج ......اتمنى اللي عنده أي فكره لشخصيه الدحمي ...أو الدحمي الخارق ( مانكي مان) ..أنه يرسلها لي على الخاص ( طبعاً أنا ابغير من الفكره وابحولها الى فكره باخيه ) ...وأتمنى ان تكون القصه أعجبتكم















يتبع ،،،

[Dark Flame]

الفصل الرابع : الملاحظات


ملاحظة : ترى التنسيق ماني فاضيله ...فأتمنى أحد المشرفين يتكرم وينق الموضوع ...خاصه اننا بالسعوديه ما تتطلع الصور عندنا ^.^


ملاحظة : بعد ما وصلت نص القصه كنت افكر أغير الموضوع الى يوميات الدحمي ..... بس شفت اني لازم اغير اشياء كثيره فقلت أخليها على ماهي ....وأكتب عن شخصيتين بدال وحده ..اللي هي ..شخصيه مانكي مان ....وشخصيه الدحمي العاديه



ملاحظه : أتمنى أنه محد يحسبني أني أستهبل على ديره معينه من السعوديه .....على العموم اللي يزعل ...عنده أربع جدران ....يطق راسه بأي واحد فيهم .....حنا بالترفيهي أو بقسم السياسيه ؟..........واذا ما اعجبه هذا الكلام بعد .....يروح لحقوق الأمريكان مدري يسمونها حقوق الإنسان .



ملاحظه : أنا متأكد أن أكثركم يمكن ما يفهم بعض الكلام اللي قلته .....اللي ما فهم شئ ....يسأل اللي جنبه .

ملاحظة : <<<<مستانس على الملاحظات ....ترى الملاحظات اللي فوق مهمه ^.^
-------------



الفصل الأخير





بما ان هذي القصه أول قصه أكتبها .....فتحملوني على ثقل دمي ^.^ ........ولا تنسون الترشيح الإجباري ><" ..........وعلى فكره ...اللي اذا حطيت على اسمه سهم الفاره ويقول لازال في الطريق .......مال أمه داعي ترشيحه .........<<<< ياشين الواثقين ....شباب لا أحد يرشح .....عناد له .

[حلزونه]

هعهععهعهععهعهع
انها قصتون رهيبتون @_+
ابدعت اخوي حشروجه
قوصتك كوووووول
مشكوووور ^^

[Dark Flame]

هعهععهعهععهعهع
انها قصتون رهيبتون @_+
ابدعت اخوي حشروجه
قوصتك كوووووول
مشكوووور ^^
الكوووول اني اشوف واحد عبرني ^.^

مشكوره فتو على مرورك وتشجيعك لي ....وإن شاء الله القصه الثانيه بالطريق

---------


أحلى ترشييييييييح لأحلى عضو .. صبرك علي شوي .. بجيك بكره بـ رد متعوب عليه قياعاعاعا خخخ >>> أخوك سوات
<< فضيحه الولد :biggthump .....الف الف الف الف الف الف شكر سوات على مرورك الكريم .....مدري ليه ابن صرصعه يتنزل لموضوعي ويرد :D

----

تستاهل الترشيييييييييييح على القوصه التوووووحفه إختك بنت رزه بس رجه &رزوزه&
بس ما شفنا لك رد ><"
خخخخخخخ ...أمزح لا تقعدين تشتمين فيني عاد ...تقولين طرار ويتشرط .
-------
يامشرف انت وياه ....تراي والله ما اعرف بالتنسيق شئ ....ياناس نسقو الموضوع شوي ...كل ما دخلته كأني داخل على غرفتي ....يكفيني التقريف اللي بالغرفه :09:

[wolverine]

السلام عليكم

حشرجة بصراااااااحة ابدعت :biggthump ...... ولو ان في بعض الكلام مافهمتوش :vereymad:
بس المجمل فهمته :09:

و يستحسن انك تحط الحوارات تحت بعض زي كده

عبص: ..........
الدحمي: .........
وهكذا

وطبعا التقييم ماعليهوش كلام ( اجباري) :D

[The Deadly Shadow]

The Shadow Says: موضوع رائع ياحشروجه .....

ننتظر التكمله ^^ ........

والسلام عليكم.......

[MB'XR]

خـ خـ خـ خـ خـ خـ خـ خـ خـ خـ خـ خـخـ خـ خـ خـخـ خـ خـ خـ

هـ هـ هـ هـ هـ هـهـ هـ هـهـ هـ هـهـ هـ هـهـ هـ هـ هـ هـ هـ

قصه ولا اروع اخوي حشروجه الله يعطيك العافيه

تستحق الترشيح

^_^ سي يو ^_^

[moneeeb]

فتحملوني على ثقل دمي .


اخر مرة و لا تعيدها:biggthump
ترى داخل بس تشجيع:09:

انا عادة من بعيد من بعيد ...

لا تحرمنا من ابداعاتك:o

[Dark Flame]

السلام عليكم
وعليكم السلام والرحمه
حشرجة بصراااااااحة ابدعت :biggthump ...... ولو ان في بعض الكلام مافهمتوش :vereymad:
خخخخخخخخ ...أعتذر عن هذا وتراه باللهجه انجديه ...المهم اي شئ ما تفهمه إن شاء الله بالمسنجر نتفاهم عليه ^.^
بس المجمل فهمته :09:
الحمد الله ^.^
و يستحسن انك تحط الحوارات تحت بعض زي كده

عبص: ..........
الدحمي: .........
وهكذا
اللهم يسمع منك ويجي أحد المراقبين ويضبط الموضوع ><"
وطبعا التقييم ماعليهوش كلام ( اجباري) :Dخخخخخ

ذا ديدلي شادو


The Shadow Says: موضوع رائع ياحشروجه .....

ننتظر التكمله ^^ ........
اي تكمله وانا واخوك ....ان شاء الله اجمع افكاري النيره وأكتب ^.^
والسلام عليكم.......
وعليكم السلام والرحمه

المستشار ميكاتو

خـ خـ خـ خـ خـ خـ خـ خـ خـ خـ خـ خـخـ خـ خـ خـخـ خـ خـ خـ
هو هو هو هو هو هو هو هو هو هو هو <<< ترا هذي بعد ضحكه ^.^ << طلع قرد الولد
هـ هـ هـ هـ هـ هـهـ هـ هـهـ هـ هـهـ هـ هـهـ هـ هـ هـ هـ هـ

قصه ولا اروع اخوي حشروجه الله يعطيك العافيه
الله يعافيك ...ومشكولا على مرورك MeKatO
تستحق الترشيح

^_^ سي يو ^_^
سيهات

أخيراً وإن شاء الله ليس آخراً ^.^....الأخ منيب


اخر مرة و لا تعيدها:biggthump
لا خلاص ... إن شاء الله تكون آخر مره :09:
ترى داخل بس تشجيع:09:
أهم شئ عجبتك ^.^
انا عادة من بعيد من بعيد ...
ما توقعت انك تدخل على مثل هذي الأقسام ^.^ ....مشكور على مرورك و إن شاء الله نشوف لك مواضيع هنا ^.^
لا تحرمنا من ابداعاتك:o
الحمد الله ...صار فيه واحد يعبرني :02:

[خيـ KhyaL ـال]

ما شاءالله عليك ^______^

طلعت شي @.@

تسلم خيو عالقصه الله يعطيك الف الف عافيه ^.^

[Ahmed Blight]

هعهعهعهعهعهع

مع ان نص الكلام ما فهمته بس قصة عجيبة هعهعهعهعهع

روعه حشرجه

تم الترشيح يا الغالي

سلااااااااام

[Dark Flame]

خيال


ما شاءالله عليك ^______^

طلعت شي @.@
خخخخخخ ...الحمد الله ...هذي الإختبارات وما ادراك ما الإختبارات ...من الفضاويه أكتب قصه ^.^
تسلم خيو عالقصه الله يعطيك الف الف عافيه ^.^
الله يسلمك ويسمنك ويزوجك الزوج الطيب ...والله يعافيك ^.^
لوس ...صاحب الـ 18 توقيع :D



هعهعهعهعهعهع

مع ان نص الكلام ما فهمته بس قصة عجيبة هعهعهعهعهع
هههههه ...أهم شئ عجبتك ...وأي شئ ما فهمته حطه برد ثاني وانا اترجم :09:
روعه حشرجه
الروعه وجودك حبيبي :05:
تم الترشيح يا الغالي
تسلم والله ...ومبروك النجمه السادسه وعقبال السابعه إن شاء الله
سلااااااااام
وعليكم والسلام والرحمه

[DeaD MaN]

واااااااااو

فيري نايس

قصه مصرقعه وجميله بس مت من الضحك على الصور خاصه العبد خخخخ

تم الترشيح

[Angel Never Cry]

تستحق الترشيح على هذه القصه المصرقعه

[Dark Flame]

السلام عليكم

DeaD MaN

واااااااااو
واااااوات ^.^
فيري نايس
وش تقول أنت ؟ شكلك قاعد تسب .....أسحب كلامك :vereymad:

نو نو نو دونت فريد ...أيام كيدينك ..ريلي ....أيام أستهبل عليك

قصه مصرقعه وجميله بس مت من الضحك على الصور خاصه العبد خخخخ
استغفر الله ...والله ما كان ودي أحطها بس والله اني دورت بكل مكان ...حتى اني قاعد أسأل أخوياي بالمسنجر ....أقولهم عندكم صوره عبد سلف :09:
تم الترشيح
عاد تصدق أن ترشيحك خلاني من لا زال في الشارع مدري في الطريق ...الى قريباً هي ول بي سيم براد بيت :D


الملاك اللي ما قط صاح

تستحق الترشيح على هذه القصه المصرقعه
ادري ما يحتاج تقولها ...أصلاً الترشيح إجباري ...زي التجنيد :D

[Misho0o]

لووووووووووووول ،، بس بات مان مادخل بالقصه ابد ،، الا في شوي مقاطع http://www.montada2.com/images/smilies/new_icons/09.gif


يلا تابع ،، وبدايه موفقه ^.^

[Dark Flame]

السلام عليكم

دارك ميشو

لووووووووووووول ،، بس بات مان مادخل بالقصه ابد ،، الا في شوي مقاطع http://www.montada2.com/images/smilies/new_icons/09.gif
أدري ><" ....قاعد ادور له قصه بس عجزت ...الحمد الله البلد آمن ...أقصد هو رخمه ^.^

يلا تابع ،، وبدايه موفقه ^.^
ان شاء الله أكمل يوميات الدحمي ...والأسبوع الجاي أبكتب قصه جديده ^.^


------------


كيفكم ^.^





اليوم ابحط يوم من يوميات مانكي مان ..إن شاء الله تعجبكم ^.^





تذكرون من تعطيهم البنت على خمسين ريال ؟ ........شطار ...زين انكم تذكرون ....ذيك الليله الدحمي وعبص ما قدرو ينامون من فرحتهم ...الفرحه الأولى فرحه الخمسين ريال طبعاً ...ثم الفرحه الثانيه اللي هي فرحتهم بشوفتهم أول بنت بحياتهم <<<< الدحمي يخلبط بين أمه وأبوه ..فلا يمكن نعتبره قط شاف بنت بحياته ...وعبص أمه توفيت بداء الغباء وهو صغير ....يعني هو بعد ما قط شاف بنت...من جا الصبح طلع عبص والدحمي عند الحديقه اللي جنب البيت فسأل الدحمي : الا اقول عبصبص ....ما تذكر من ناخذ بالفقه عن الأضحيه ....مو لازم علينا نضحي ونتبرع شوي لفقراء المسلمين ؟

قال عبص : أي والله ....بس أذكر ان أسمها زكاه الفطر مو الأضحيه <<< الله يهدي اللي درسكم فقه أنت وياه ....للمعلوميه ....ترى قصدهم الزكاة....وهي واجبه اذا جاء الحول على المال ...ولا تخرج الزكاء الا للمال فوق الألف .

قال الدحمي : اللي هي ...المهم أذكر أن هناك عمليه حسابيه لازم تتقيد بها ...اللي هي 2.5% من المال الكلي <<< تراها خمسين ريال انت وخشتك.

قال عبص : أووووووووووووف ..أنت ناوي تخلص الخمسين علي ...والله أنك ناوي تسرقني ....أصبر أحسب ...امممممم سبع كمر سطق << قاعد يعد ولا يدري انه يقول لوحات سيارات...يطلع الناتج 12 ونص ريال .<<<< لا تعليق

قال الدحمي : امممممممم ..... تسع خمس ربع <<< برضوو لوحات سيارات ..اي صح عليك الناتج 12.5

قال عبص : يييييييييييييييييييييييييييييييلللللللللللللللللعععععععععععععنننننننننننن ....خلصت الفلوس .... بس مين نعطي الـ 12.5

قال الدحمي : انا ال12.5 حقتي أبعطيها ابوي ....متسلف منه كم قرش وودي أردها له <<< يابن الذين أخبرها صدقه .

قال عبص : شئ راجعلك ...أما انا حقتي فبأوزيها لبعدين ..يمكن أحتاجها وأتصدق فيها على نفسي <<< شكلهم ماخذين فتاوي من الشيطان

قال الدحمي : والله فكره..ودي أزينها ......بس أبوي يحجرني بزاويه الغرفه كل يوم ويلعن خير اللي جابني ....المشكله أن أخواني اللي أصغر مني حاطين كاشير مراهنات على مين ينتصر في المصارعه ......بس اللي يقهرني أكثر ...إذا أمي جت....توها محلقه ذقن ....ما تفك بيني وبين أبوي ولا شئ ...بالعكس ..... هي اللي تعد لم الثلاثه إذا أبوي سوى على حركه ستيف أوستن وبعدين أتبعها بحركه أندرتيكر .

عبص : ههههههههه والله مسكين ....على الأقل أنا احسن منك ......أعرف مكان سري أقدر أتوزى فيه عن أبوي .



--------



وفي يوم من الأيام من كان الدحمي يعد الباقي من الخمسين ريال عند عتبه بابهم للمره السابعه ......على فكره ...تراه محولهن لفلوس فئه الريال عشان يكثرهم .......وقفوا راعين الدبابات اللي يسرقون <<<ظهرت في السعوديه فئه سارقي للجوالات من الأطفار والكبار على حد سواء .........قالو للدحمي : عطنى جوالك وافلوسك اللي معك..... اذا حاولت تكذب والله بالسكين على حلقك.

قال الدحمي: شكلك ما عرفتني أنت وياه ...أنــــــ.........طرطاااع... يصفقه واحد من الشباب وهو يقول ...عطنا كل اللي معك للعن خيرك ...للأسف أستسلم الدحمي وعطاهم اللي يبون ...ومن ضمن المسروقات ..هذه ::: 37.5 ريال من فئه الريال وجوال البصمه غير مطور.





اعتقد ان الحين الكل يبي يفهمها ...لأني حاولت اخليها بلهجه معروفه عند الجميع .

في الحلقه القادمه من مسلسل البطل الدحمي ....نبي نعرف وش سوى عبص بالفلوس ...وامممممم ...والله مدري ..أفكر واكتب ^.^

[S.W.A.T._911]

ياولد وش هالقصة :D

( زحف + هستره + فله + ابداع والله ابداع )

مشاء الله تبارك الله .. بداية قوية يا حشرجة :biggthump

وصدقني القصة كوووووووووووول حد الدعسه خخخ

وخصوصا ً الصور .. الله يرجك يا شيخ رجا ً نافعا ً غير ضار :D

يله .. نبلش في الأقتباسات



بات مان



http://n9com.com/n9/11-13-2005/w6w_2005100917294357ecd731.jpg
أجل هذا بات مان :D
تصدق أحلى مافيه انه اذا صارت جريمة ما يحتاج يروح للكهف و يبدل ملابسه
يفسخ ملابسه ويكون بالزي الرسمي على طول خخخخ


http://n9com.com/n9/11-13-2005/CRE00018.JPG


هذه سيارة الدحمي مدري بات بان
المواصفات ( كفرات خط ومساعدات وجنوط مرسدس ....وشئ طبيعي مركب دبه وهيدرز ) <<< أدري أن أكثركم ما فهمه ...بس خلوها للي يفهمونها.

لا افا عليك فاهمينها حنا :biggthump
و حلوة فكرة الهيلكس .. أحسن من سيارته القديمة هذيك ام مروحة من قدام :D



هذا الدرج ( عبص ) صديق الدحمي الروح بالروح ...بالكشتات والطلعات والمضاربات ...بس للأسف الدحمي مخبي عليه أنه بات مان ......وللمعلوميه ترى هذا الشخص ينوب عن الصديقه ..لأنه كما تعرفون ...حنا بالنسخه العربيه ( الله يديم علينا هذه النعمه )

خخخخخخخخخخخخخخخ
عبص عبص :D

لا وشكله مستانس بعد .. الدحمي شاري له نظارات وقاعد يتمشى فيه :biggthump
الله يلعن الدحمي .. شكله فاك معه الكلب خخخ


اذا صار الصبح فيه جريمه ...وانت بغيتني ....كيف تبي تناديني ؟ ....يعني النور حق زينون مو قادر يطلع الا بالليل .......... قال صلوحي : يادرج أدق عليك جوال .<<<<<< ياحمار انت وياه ...ليه مو من أول جوال وخلصنا .

هههههههههههههههههههههههههههه
يلعن ام الدلاخه ياشيخ
صراحة وجهة نظر قوية .. لو داريه فيها هوليوود كان سكرو سينماتهم و استديوهاتهم وقلبوها سوق خضرة أشرف لهم :D


الدحمي وعبص زي العاده منسدحين عند عتبه باب الجيران ....سأل عبص : الا اقول الدحمي .....وش راي البنات فيني ؟
الظاهر الحبيب ما مر عليه اختراع اسمه ( المراية ) :D
لعنبو ابليسه ما شاف شكله هو وراسه المطعوج تقول بيدجانه داعستها سيارة :D خخخ


قال : خوذي رقمي ...ويعطيها ورقه مشقوقه من دفتر أسيام مربعات .....وكاتب أسمه الرباعي
والوجه الثاني من الورقه مسجل عليه طلبات البيت ( واحد جبن + 5 خبز + ثلاثة تايد :D )


أستانس الدحمي وهو يأشر الى سيارته وقال بملء فمه : هذي .قالت البنت : هذي البيك أب حقت الغنم ؟...ويييييييييييييييع
><"
<< خخخخخخخ
هذي الظاهر ما تعرف فوائد ام عزيز :D
ترص فيها من اكياس الشعير لحد ما تسمع صوت الدفرنش :biggthump


ملاحظه : أنا متأكد أن أكثركم يمكن ما يفهم بعض الكلام اللي قلته
أنا عني والله فاهم الموضوع كله حرف حرف يا ابن آخي :D
و سلمت يداك يا طير شلوى
وخلك بالاسلوب النجدي .. تراه أحسن والله العظيم و أكثر فكاهه من أي لهجة ثانية :biggthump

وفي انتظار باقي مذكرات الدلخ الدحمي مع الواد .. أقصد رفيق دربه عبصبص :D
سلام يالغالي .. ومشكور على القوصة الرهيبة

أخوك سوات ^^

[Dark Leon]

خخخخخخخخخخخخخخخخخخ

بات مان اخر زمن


والله انا احسب كل القصص تكتب في منتدى الصرقعه


لو ادري انها هنا كان جيت من زمان


بس صدفه اليوم فاضي قلت خلينا نشقر على القصص والروايات


طلع كوووووووووووووووووووووووووول


ومشكووووووووور على القيصه

وتستاهل ترشيح

ولا تنسانا من ترشيحاتك الحلوه بليز

[TEDUSE 1=BAGGIO]

هههههههههههه حلوه منك أخوي .

مو ناوي تنزل نسخه اماراتيه .:biggthump

الصراحه أبدعت و ناطرين جديدك .

و تسلم ايدك .

[Dark Flame]

سوات 911 ....لا تفضحنا ....... زين أنهم مو فاهمينك ^.^
على العموم مو ماخذ أقتباسات عشان ما توضح لهم ^.^
أدري أن بعض الملاقيف يبي يقرى كلامك اربع ميه مره الحين ويبدى يظن ظن السؤ ...بس لنا الله ....ولا اقول ...خل نقتبس عشان ما يقولون شئ .


أجل هذا بات مان :D
تصدق أحلى مافيه انه اذا صارت جريمة ما يحتاج يروح للكهف و يبدل ملابسه
يفسخ ملابسه ويكون بالزي الرسمي على طول خخخخ

خخخخخخخ ...بس لازم يلبس شئ أسود يغطي الفضايح .


لا افا عليك فاهمينها حنا :biggthump
و حلوة فكرة الهيلكس .. أحسن من سيارته القديمة هذيك ام مروحة من قدام :D لو تشوف الجزء الجديد ...معطين بات مان سياره مدرعه ...ويستمر مسلسل السخافات ...يازين بس القلب الشجاع ولاست ساموري ...ما بعدهم أفلام .


خخخخخخخخخخخخخخخ
عبص عبص :D

لا وشكله مستانس بعد .. الدحمي شاري له نظارات وقاعد يتمشى فيه :biggthump
الله يلعن الدحمي .. شكله فاك معه الكلب خخخ هههههههههههههههههههههههههههههههههههههههههههههههههههههههههههههههههههههه



هههههههههههههههههههههههههههه
يلعن ام الدلاخه ياشيخ
صراحة وجهة نظر قوية .. لو داريه فيها هوليوود كان سكرو سينماتهم و استديوهاتهم وقلبوها سوق خضرة أشرف لهم :D
يمكن تفكيرهم أنهم يوفرون قيمة المكالمه .



الظاهر الحبيب ما مر عليه اختراع اسمه ( المراية ) :D
لعنبو ابليسه ما شاف شكله هو وراسه المطعوج تقول بيدجانه داعستها سيارة :D خخخ
ههههههههههه

والوجه الثاني من الورقه مسجل عليه طلبات البيت ( واحد جبن + 5 خبز + ثلاثة تايد :D ) هههههههههههههههههه كأنك مجرب هالشئ .



><"
<< خخخخخخخ
هذي الظاهر ما تعرف فوائد ام عزيز :D
ترص فيها من اكياس الشعير لحد ما تسمع صوت الدفرنش :biggthump
عاد تصدق أن موتري مثله ..بس حمارين ^.^
يازين أذا وأنت مديور حطيته بالثاني ودعست ^.^ ....بس كل خمس شهور يلعن تشوف الكفرات اللي قدام جديده تلق ...واللي ورا متحليه ^.^


أنا عني والله فاهم الموضوع كله حرف حرف يا ابن آخي :D
و سلمت يداك يا طير شلوى
وخلك بالاسلوب النجدي .. تراه أحسن والله العظيم و أكثر فكاهه من أي لهجة ثانية :biggthump
اي والله أحسن ..بس يمكنك لاحظت كثير من الأعضاء ما فهم شئ ^^"
وفي انتظار باقي مذكرات الدلخ الدحمي مع الواد .. أقصد رفيق دربه عبصبص :D
هههههههههههههههههههههههههههههههههههههههههههههههههههههههههههههههههههههههههههههههههههههههههههه
سلام يالغالي .. ومشكور على القوصة الرهيبة
العفو ...ومشكور على المرور المشجع ..وإن شاء الله اليوم أبنزل دفعه جديده للأسوق ....أكيد مو صايره زي الدفعه الأولى ...بأن الأولى قعدت فيها ساعتين أما الدفعات اللي بعدها أقعد عليها نص ساعه ...فتحملوني على سخافتي ^.^
أخوك سوات ^^



-------------------------------------------------------
مافيا 16

خخخخخخخخخخخخخخخخخخ

بات مان اخر زمن


والله انا احسب كل القصص تكتب في منتدى الصرقعه


لو ادري انها هنا كان جيت من زمان


بس صدفه اليوم فاضي قلت خلينا نشقر على القصص والروايات


طلع كوووووووووووووووووووووووووول
ويشرفني أن أول قصه تقراها ...هذي القصه .

ومشكووووووووور على القيصه

وتستاهل ترشيح
تسلم والله
ولا تنسانا من ترشيحاتك الحلوه بليز
ناوي تلعب علي أن ؟ ......اذا رشحتك تزيد نقطه ....واذا رشحتني ما ازين ولا نقطه ......ههههه أمزح معك .....أبتحرالك موضوع وأرشحك .



-------------------

TEDUSE 1=BAGGIO (http://www.montada2.com/member.php?u=68464)
مراقب منتديات المصارعة
.^_^ HaSTa LaVISTa ^_^.



صعب أسمك فنسخته نسخ ^.^


هههههههههههه حلوه منك أخوي .
تسلم والله .
مو ناوي تنزل نسخه اماراتيه .:biggthump
اذا عندك مترجم ....أرسله لي ^.^
الصراحه أبدعت و ناطرين جديدك .
تابع المسلسل ..وإن شاء الله يعجبك.
و تسلم ايدك .
الله يسلمك من كل شر ......بس أشوفك نسيت العيديه للمواضيع اللي ترد عليها ^.^ ...<<< الله يعينك على النشبه ^.^

[Dark Flame]

نعود لمحور هرجنا ............. عبص من شاف الدحمي حزين ومكتئب ومضطهد قرر إنه يعطيه نص اللي معاه ...يعني 18.5 ريال <<< موقف مؤثر .....من شاف الدحمي هذا الموقف قال لعبص : عبص .....آآآآآسف ....بس بالحقيقه أنا مخبي عنك حاجه .

قال عبص : وشو ؟.....لا تصير انت اللي دبس وقال للمدرس عني من أشخبط بالجدار ؟

قال الدحمي: لا يادرج ...ذاك اليوم أنا وانت شخبطنى ...نسيت من ننجلد أنا وياك عقب الصلاه ؟

قال عبص: أي صح ...طيب وش عندك ؟

قال الدحمي: بالصراحة والواقع ....انا عندي شخصيه ثانيه اللي هي شخصيه البطل ...شخصيه تحمي الحَلبه من كل الشرور <<< مقطع من أغنيه النمر المقنع .

قال عبص : أي حلبه ؟.......ياخوك وراك ما تهرج عدل ...والله أهون ولا أعطي نص باقي الخمسين .

قال الدحمي : لالالالالا الحين أقولك .... بس كذا تفقد الجو الحماسي اللي يعيشه الجمهور ....على العموم ...ما قط قريت بالجريده عن ظهور شخصيه مجنونه بلباس غريب ....يعتقد أنها قد خرجت من مصحه عقليه .....ويحذر من الإقتراب منه ؟

قال عبص : الا ....بس وش دخل هذ بالسالفه ؟....الله يكافينا شر هالمجنون ..مدري شلون طلع .....شكله من جد غبي ......يعني مفروض يمنعون الأنمي <<<< لعشاق الأنمي ...اللي براسه حرش يقابلني برى بالطلعه .



ويطب الدحمي على عبص وهو يقول : والله لو تستهبل علي مره ثانيه قسم بالله لأرفس ببطنك .

قال عبص : والله ما تشم قرش من الباقي من الخمسين .

قال الدحمي : والله أني أمزح ...وش فيك زعول ...والله الي كنت ابقوله إني أنا هذا المجنون . <<< يا حليلهم.....يحسبون أن الحلف ببلاش.

قال عبص : أنت البطل المجنون ؟......اذا كان هذا صدق ...أثبت هذا ....يعني من يلعن خير خيرك أبو نجر بالطلعه ذاك اليوم ....ليه ما دافعت عن نفسك ...بعدين أنت ما تشبه الصوره اللي نشروها عنك .........أذكر أنهم ما لقو صوره لمانكي مان فأستعارو بصوره غرولا وكتبو تحتها ..صوره طبق الأصل ....صحيح فسه شبه قليل ...بس والله العالم إن اللي بينك وبين مانكي مان صله قرابه بس.

قال الدحمي : اولاً ...ذاك اليوم من أنجلد من قبل أبو نجر كان مالي خلق أضارب ....لأني ما احب المشاكل ....ثاني شئ ضوف إذا تلطمت وش ابصير .

ويتلطم بطلنا ويتفاجأ عبص لوقوفه أمام بطل كبير ...أو بالأحرى صديقه العزيز <<< ياشيخ ......والله أصلح كاتب سينمائي ....ترى الجمله اللي قبل سارق أسلوبه من قصه أدهم صبري للكاتب المصري ...والله ناسي أسمه ...بعدين أقوله .

قال عبص : لـ ........ لــ ........ لــ .... لــــ ........ لـيش ما قلت لي أنك البطل من أول ؟ ....الا اقول ...تبي الباقي من الخمسين خذه ....والله جد ....بس على شرط ........أبغى أصير معك ....أبغى أعرف كل شئ عنك .

قال الدحمي : اممممممم ...خلاص ..هات الباقي ...وأختار اسم لك .....ويالله ..ورانا شغل الليله ........سمعت من مصادر مقربه لي أن اليوم فيه عمليه سرقه للبقاله اللي نتكي فيها .

قال عبص : يا حمار ...هذا انا اللي قلت لك .

ويهز الحمار مدري البطل رأسه ....لخيبه الأمل التي أصيب بها .

يكمل عبص هرجه : طيب مين يبي يفصل لي ملابس البطل؟ ..... ياخي فكرتك حلوه ....أنك تتلطم ويتغير شكلك ....بس أنا لازم أغير أفصل لي لباس ..........على العموم أفكر أختار أسم ماوس مان .

قال الدحمي ....أي رجل فار وي خرابيط ...أختار حيوان أكبر <<<< ما تلاحظون أن بات مان وسبيادر مان أسماء حيوانات ؟ <<<<< ياشين اللي عرفو لهم كلمتين بالإنجليزي وبدو يتفلسفون .

قال عبص : طيب وش رايك بـ لاين مان ....يعني الرجل الأسد .....ولا اقول ..هذا الأسم يبي يخليني أهم منك ..أبختار أسم أقل منك عشانك أنت القائد ....أبختار أسم .... أمممممم ....وش رايك بـدونكي مان .

قال الدحمي : خلاص تم ...أنا مانكي مان ....وأنت دونكي مان .











الحلقه الجايه تبي تصير عن حراسه البطلين للبقاله ومقابلتهم للصوص وجهاً لوجه .



اذا ما اعجبكم أسلوبي أو أي شئ ..أو ما فهمتو شئ....أو عندكم فكره أو مغامره ودكم أدخل عبص والدحمي فيها ..بس أرسلو خاص أو هنا .

[Dark Flame]

السلام عليكم



مشكور ياراعي العيديه على العيديه ^.^

--------------


خخخخخخخخخخ
حطيت رد ومسحته ....بس ان شاء الله الرد الجاي اكمل القصه .:09:

[Shredder]

افا ياذا العلم افا ياذا الهرج افا يبو الشباب وين هذا وهذاك :09:

عطني خمس سندوتشات خبز يابويا >>>>>>> سوات تحذيرات بشأن الحشيش لا تضر ولا تنفع خخ :D

يابن عبد الرب ادريس افلق القير وفحج بالمدفع >>> تصدق القصة مفهومة مية بالمية يوم تقارنها بكلامي :11: :11:

القصة ورعة >> = روعة << وقلل منها >> كثر منها << واحرمنا من قديمك >> ولاتحرمنا من جديدك

اخوك كريس المنطعج باللفة :D >> احم

جاري التنطيح المعهود >>> الترشيح

[Freaky Angel]

افا ياذا العلم افا ياذا الهرج افا يبو الشباب وين هذا وهذاك :09:


عطني خمس سندوتشات خبز يابويا >>>>>>> سوات تحذيرات بشأن الحشيش لا تضر ولا تنفع خخ :D


يابن عبد الرب ادريس افلق القير وفحج بالمدفع >>> تصدق القصة مفهومة مية بالمية يوم تقارنها بكلامي :11: :11:


القصة ورعة >> = روعة << وقلل منها >> كثر منها << واحرمنا من قديمك >> ولاتحرمنا من جديدك

اخوك كريس المنطعج باللفة :D >> احم


جاري التنطيح المعهود >>> الترشيح :09:

[Dark Flame]

افا ياذا العلم افا ياذا الهرج افا يبو الشباب وين هذا وهذاك :09:


وينك من زماااانن عن الموضوع ^.^

عطني خمس سندوتشات خبز يابويا >>>>>>> سوات تحذيرات بشأن الحشيش لا تضر ولا تنفع خخ :D

سنتدويش مقلقل لحم ولا دجاج .<<< أبخلي الدحمي يزينه لك ^.^
يابن عبد الرب ادريس افلق القير وفحج بالمدفع >>> تصدق القصة مفهومة مية بالمية يوم تقارنها بكلامي :11: :11:

ههههههههه
أنا أقول أن قصتي مفهومه 200 بالميه بالنسبه لكلامك
القصة ورعة >> = روعة << وقلل منها >> كثر منها << واحرمنا من قديمك >> ولاتحرمنا من جديدك
الله لا يسلمك = الله يسلمك ولا ترجع ترد = وارجع رد ...ومدري وش أقول بالأخيره :D
اخوك كريس المنطعج باللفة :D >> احم

يبيلي كورس مو لهجه ...يبيلي كورس لغه عندك :09:
جاري التنطيح المعهود >>> الترشيح :09:
هذا الشئ الوحيد اللي فهمته زيييييييييييين :biggthump




يلزمك عشره أحرف على الأقل عشان تضيف هذا الرد .:05:

[Dark Flame]

السلام عليكم



كيفك ^.^



تذكرون البطلين مانكي مان ( الدحمي ) ودونكي مان ( عبص ) ؟ اللي ما يذكر يراجع الصفحات اللي قبل :09:



المهم

راح الدحمي وعبص عند البقاله الساعه 12 الليل وهم متلبسين بملابسهم التنكريه عشان ما أحد يعرفهم من اللي بالحاره ....وهم قاعدين يقشمون فصفص سمعوا صوت داخل البقاله

قال الدحمي : تسمع اللي أسمعه يا عبص ؟

قال عبص : أي ...هذي أغنيه هنديه .

قال الدحمي : يلعن أبو السراق الفاضي ..... يالله خلنا نقبض عليه .

قال عبص :كيف دخل ؟ وبعدين كيف حنا نبي ندخل عليه ؟

قال الدحمي : شكلنا نواجه حرامي ذكي ....هات الشاكوش من عند بيتكم ..نبي نكسر الباب وندخل نمسك الحرامي متلبس <<< فيه حراميه ينمسكون مفاصيخ ؟

راح عبص لم بيتهم وجاب الشاكوش وهاك هالظرب على الباب الين ما كسروه ويدخلون على الحرامي اللي داخل .

يوم يدخلون سمعو صوت بالغرفه الخلفيه التابعه للبقاله <<<< أبوك يالإثاره ولا فلم المهمه المستحيله.... أنا مدري كيف جتهم الجرائه لمواجه المجرمين ...وكان الباب مسكر ......فجاء عبص يطق الباب ثلاث مرات

قال الدحمي : وش تسوي ؟

قال عبص : ما تعرف آداب الإستئذان أنت ؟

قال الدحمي : ياحمار حنا نبي نباغتهم

قال عبص: أي صح ....يالله ندخل



يوم يدخلون لقو فراش وتلفزيون 15 بوصه ....ولقو ابو هنود عند الزاويه لابس علاقيه وهو يقول : أنا في كلم شرطه ....الحين شرطه يجي يمسك إنتا

الدحمي ما فهم وش القصه ووش مصحي هندي البقاله لهالحزه من الليل ......فقال للهندي : هيه أنت ....وين وزيت الحرامي ؟

قال الهندي : تكفى محمد ما في ذبح أنا ...أنا مسكين .



وفي هذا الوقت وصلت الشرطه وتم القبض على المجرمين دونكي مان ومانكي مان ..... وتم إيداع مانكي مان بالمصحه العقليه وتمت تبرئة دونكي مان عشان عنده واسطه قويه .



وهكذا تنتهي هذه السلسله البايخه من مسلسل بات مان النسخه السعوديه .:o

[أدوارد]

بصراحه أبدعت في هل قصه أبداع
رووعه قصتووووك
وطار عندك ترشيح

[Dark Flame]

بصراحه أبدعت في هل قصه أبداع

رووعه قصتووووك
وطار عندك ترشيح

تسلم يالغالي أدوارت ويشرفني حظورك :05:

ومشكوووووووووور على التصويت ...إن شاء الله الأعضاء الثانين ياخذونك قدوه لهم ويصوتون :biggthump

[IRON]

مشكور احي :biggthump

[Dark Flame]

مشكور احي :biggthump
هلا بك أخوي ^.^

ومبروك عليك اعتزال قسم البرامج :D

بس الصراحه خسروا خسارتون عظيمتون :02:

وأشوف النقاط عندك واجد :09: .. بس نسيت تصوت :12:

<< ما ينعطى وجه :biggthump

[wolverine]

مشكور على القصة :biggthump

بس لاتتوقف و ياريت تكمل :mad22:

[من التراب]

هاي ....حشروج ..^^

هعهعهعهعهعهعهعهعهعهعهع

قصة مصرقعة .....ما صار بات مان .....<..<

شيشه ولعب والدوري ...×..×

روعة حشرجة .... وسوري على التأخير ...^..^

تم الترشوح ...^..^"

[Dark Flame]

wolverine

مشكور على القصة :biggthump

بس لاتتوقف و ياريت تكمل :mad22:
تسلم والله بس الدحمي تم القبض عليه وصار في شهار ...يعني أنتهت القصه ^.^
وغير كذا التصويت من الأعضاء أنقطع ^.^
يعني لازم نفتح موضوع جديد عشان يصوتون لي ^.^

مشكور على مرورك حبيبي ...وإن شاء الله أبهزمك باللعبه اللي بالمسنجر المره الجايه ^.^
------------------
من التراب وفوق التراب وإلى التراب ^.^


هاي ....حشروج ..^^
هعهعهعهعهعهعهعهعهعهعهع

قصة مصرقعة .....ما صار بات مان .....<..<

شيشه ولعب والدوري ...×..×

روعة حشرجة .... وسوري على التأخير ...^..^

تم الترشوح ...^..^"
هلا بك حبيبي ^.^
وينك أتحرى ترشيحك ...أقصد ردك من زمان ^.^
مشكور على الترشيح ....وهذا الدحمي ..وش أدريك فيه ^.^ بات مان زمانه ^.^

[wolverine]

[QUOTE=حشرجة قلم]wolverine

تسلم والله بس الدحمي تم القبض عليه وصار في شهار ...يعني أنتهت القصه ^.^
وغير كذا التصويت من الأعضاء أنقطع ^.^
يعني لازم نفتح موضوع جديد عشان يصوتون لي ^.^

مشكور على مرورك حبيبي ...وإن شاء الله أبهزمك باللعبه اللي بالمسنجر المره الجايه ^.^
QUOTE]

ياسيدي اعمل موضوع جديد وانا برشحلك وانا مغمض :biggthump

لكن انسا انك تهزمني في اللعبة :09:

[KANE THE DEAD]

مشكوووور على القصتين الرائعتين




وشكراً

[Dark Flame]

أخي وحبيبي wolverine ^.^

ياسيدي اعمل موضوع جديد وانا برشحلك وانا مغمض :biggthump
هههههههههههه ...ما تقصر ...وصلت نقطتين بفضل الله ثم ترشيحاتك وترشيحات الأعضاء الكرام .

لكن انسا انك تهزمني في اللعبة :09:خخخخخخخخ هازمك هازمك ....بس أصبر علي الين العطله وأتفرغ لك :09:

الخيالي

مشكوووور على القصتين الرائعتين

أهلا وسهلاً بك ...أشكر متابعتك لهذه القصه اللي شكلك قريتها مرتين مو مره :D
القصه وحده ..من أربع أجزاء :12: <<<<< :09:


وشكراً العفو وحياك الله أخوي
:ciao:

[Fly_Batman]

وعليكم السلام ورحمة الله وبركاته

ههههه :D ...صراحة قصة جميلة جدأ :D ...إنك رجلٌ محششٌ و مضحكٌ... :09: ...بارك الله فيك... :D
واضحك الله كما اضحكتنا... :p ..وتقبل تحياتي..^^

[Dark Flame]

هلا فلاي باتمان

لا تصير أنت الدحمي بس

تكلمنا من ...... ولا ما يحتاج :09:

ههههههههههه ...أمزح معك ...لا تكون زعلت .





وعليكم السلام ورحمة الله وبركاته





ههههه :D ...صراحة قصة جميلة جدأ :D .
تسلم والله
..إنك رجلٌ محششٌ و مضحكٌ...ما عليك زود :09: :09: ...بارك الله فيك... :D


واضحك الله كما اضحكتنا...الله يديم هذي الضحكه عليك ^.^ :p ..وتقبل تحياتي..^^ إجعلها تحيه واحده أفضل ....فالتحيات لله وحده ...شكراً لتواجدك في قسم الصرقعه ^.^
شوفو الناس اللي تقدر الأعمال الرائعه :05:
<<< وش رايك تاخذ عفشك وتقلب وجهك :أفكر: ...وتاخذ معك قصتك بعد :09:

[Dark Flame]

السلام عليكم

شفت أني فاضي قلت انزل تكمله ليوميات الدحمي ^.^

-----


خروج الدحمي وتبرئته...ومواجهته لثعبان أبو لسان مقطوع.


تم التحقيق مع الدحمي بتهمه الإرهاب ....وبعد معرفه نواياه الصالحه لخدمه المجتمع وتوسط صلوحي له بعد أن ذله

سُمح له بالخروج مع المراقبه لمده سنه <<< نظام أمريكي .

طلع الدحمي نفسه على خشمه يدور بس عبص عشانه جاب لنفسه واسطه وهو لا ><"

ناوي يلعن سلسبيله





مشكله الدحمي حبوب وقلبه أبيض

من شاف عبص ...عبص راح لمه وأعتذر منه وقاله أنه مشبك ولد مدير الشرطه وكذا قدر يطلع وأنه ما قدر يطلع الدحمي لأن ولد مدير الشرطه ما يواطن الدحمي << طلعت مدرسه هذي

المهم عرض عبص على الدحمي أنهم يكشتون للبر << يبي يراضيه

وافق الدحمي وطلعو للبر

يوم هم قاعدين يطقون خيمتهم حس الدحمي أنه حسران

أستأذن من الربع على أنه يبي يروح يشنترها دقايق ويرجع << نصاب ..ناوي يتركهم يشتغلون ويهج << حركات قديمه.

ويوم هو شنترها لقى ثعبان أبو جرس جنبه مطلع لسانه .

قال الدحمي : هيه أنت يابو لسان مشقوق ..وش تناظر ؟<< شوفو البطوله كيف هي .

قال الثعبان : أشوف كابوس مرعب ما راح أنساها طول عمري

قال الدحمي : أ أ أ أ أنت ت تـ تـ تتتتتكلم؟

قال الثعبان : وأتكلم أحسن منك ...وآآآآآآآآآه لو تعرف قصتي

قال الدحمي : وش علي منك أنا .. طبيبك النفسي على غفله

قال الثعبان : تراي جني.

قال الدحمي : سم أمر تدلل << قلب 180 درجه .

قال اثعبان : أنا حبيت بنت أبليس .....وشافنا أبليس الحالنا وحولني الى ثعبان

قال الدحمي: وطيب ...وش أسوي لك ؟

قال الثعبان : أبغاك تشبك ولد ابليس يعني أخت حبيبتي.

قال الدحمي : الحين ما شبكنا ولد مدير الشرطه نشبك ولد أبليس....لعنبو ابليسك وش تقول أنت .

قال الثعبان : أنت تبي تشبكه ولا لا ؟ << طاحت الأخلاك.

قال الدحمي :طيب كيف أشبكه وهو جني ؟

قال الثعبان : لا تخاف ..هو خويك من أصل.

قال الدحمي : كيف خويي؟

قال الثعبان : خويك عبص داخلبه شيطان مضيع ....للحين ما لقى مخرج طوارئ يطلع معه من عبص .

قال الدحمي : هههه ذاك المنسم ...والله داري أنه وراه بلى << داقها خوايا مع الثعبان الله يرجه.



يوم أتفقو على أن الدحمي يحاول أنه يسولف مع الجني اللي داخل عبص رجع الدحمي الى الخيمه وكأن ماصار شئ .



المووووهم ...اللي ما فهم يرجع لم أول الموضوع ^.^