مشاهدة النسخة كاملة : ماذا تشعر حين الوقوع في حادث
S!NDBAD
16-12-2005, 12:27 AM
بسم الله الرحمن الرحيم
قبل سنتين صار لي حادث
مع ولد خالتي المهم السؤال هنا
ماذا تشعر في وقت الحادث و بعده
:::::::::::::::::::::::::::::::::
قصة الحادث :
قبل سنتين ركبت البانشي مع ولد خالتي في البر
رحنا الى الشارع و طالعنا يمين و يسار
ما شفنا احد
ضغط ولد خالتي على الدواسة قوي
و مشينا بسرعة لمن وصلنا الشارع
في نصفه دعمتنا سيارة
و السبب اننا ما شفناهاهو انهم كانو مغلقين اضوائهم
::::::::::::::::::::::::::::::::::
ما هو الشعور الذي يأتيك في وقت الحادث :
في بداية الأمر عند تصادم السيارة مع البانشي
اصبح الوقت بطيئا و كأن كل ثانية عبارة عن دقيقة و هذه الدقائق كانت ثلاث
الدقيقة الأولى : رأيت السيارة و حفظت تفاصيلها
في ثانية وحده بسبب هذا الأمر و هو انني شعرت ببطء الوقت
و رأيت ان السيارة لونها بيضاء و السائق هو مرأة لكني رأيت هذا فقط
الدقيقة الثانية : بعد مرور الدقيقة الاولى اصبحت في الهواء
و رأيت ابن خالتي و هو في الجهة الاخرى
الدقيقة الثالثة : و انا في الهواء اغمي علي و وقعت في الارض لمده
ثلاث دقائق و ليس ثوان و بعدها استيقظت .
(ملحوظة : هذه الدقائق هي تشبيه للوقت الذي شعرت به يمر
اي انا شعرت بأن الثانية = دقيقة في وقت حدوث الحادث)
:::::::::::::::::::::::::::::::::::
عندما استيقظت :
كنت في حالة صدمة و لم استوعب ما حدث
لكني رأيت الناس مجتمعين حولنا
استيقظت و ابن خالتي مازال في حالة الاغماء
مددت يدي الى جيبي و فجأة رأيت تليفوني
اتصلت على أهلي في المخيم و قلت لهم هذا الكلام بالتفصيل
"انا : السلام عليك (بصوت مرتجف)
الوالده : عبود شفيك
انا : يما سويت حادث و حسين ليلحينه في الارض
الوالده : شنو . شلون صار . وينكم . خلكم لا تروحون مكان
انا : مادري ....... لا لا في الشارع عند الطلعة (اصبحت هنا مثل السكران)
بعدها اغلقت التليفون
و اذا بابن خالتي يستيقظ و هو في حالة صدمة كبيرة
اي اراد ان يركب البانشي لأنه لم يكن يعلم بانه عمل حادث
و اوقفه الشباب و هو مثل المخدر يتكلم و يقول كلمات يصعب فهمها
وصل الاهل اخذونا في السيارة
و ابن خالتي يحدق في المرآة لم يستوعب الى الان انه عمل حادث
الى ان وصل البر فتذكر
و بدأو يسألوني عن الحادث و كيف حدث
لأن ابن خالتي كان منصدم
::::::::::::::::::::::::::::::::::::::
النهاية :
بعضكم راح يقول انه بعض هذا الكلام انا
زدته من عندي لكن هذا غلط
كل اللي كتبته شعرت فيه و قلته يوم الحادث
السبب اني اتذكر كل هذا
لأن في هذه اللحظة كان يمكن اني اموت
و هذا سبب يخليك تتذكر كل شي صار و حدث
::::::::::::::::::::::::::::::::::::
و اذا اي واحد عنده تجربه
مثل هذي يتكلم عنها و يقول
ما حدث له
:::::::::::::::::::::::::::::::::::
و مع السلامة
Classic Evil
16-12-2005, 12:30 AM
الحمدلله ما سويت حادث ... و بما أن فاقد الشي لا يعطيه , فما أعرف شو الشعور الله يكفينا :ciao:
ننتظر الجواب من أهل الخبرة :09:
S!NDBAD
16-12-2005, 12:32 AM
الحمدلله ما سويت حادث ... و بما أن فاقد الشي لا يعطيه , فما أعرف شو الشعور الله يكفينا :ciao:
ننتظر الجواب من أهل الخبرة :09:
و الله اخوي خلك حذر
لا يحوشك
راح تصيرلك حالة نفسية معقدة
و راح تكون خبل في وقت الحادث
الموهوب
16-12-2005, 12:58 AM
السلام عليكم
مادري لو انك ذكرت حادث سيارة ..كان قلتلك ماقد سويت حادث والحمدلله ..
لكنك ذكرت البر ,, وذّكرتني بحادث أليم حصل لي >_>
كنت ماشي بالليل بـدبــّاب وفي لحظة طحت منه :blackeye: ... وش صار وش السالفه ..
قمت لقيت يديني مشلّخه ... وكادت تُقطع .. وقمت فزع والله :afraid: .. الدباب انقلب طبعاً :09:
طلعت وشو ..
كان فيه سلك من التسليكات القوية اللي يفرقون فيها بين الأراضي او بالأصح يسكرون فيها اماكن معينه ’
فأنا قطعتها بيديني ((المنطقه بين الكوع والكتف)) ..
الاسلاك مكونه من اربعه .. 2 فوق .. و2 تحت
اللي فوق بيديني , واللي تحت حكّت بساقي , لكن لدباب ماقصر وانقلب ^_^
عموماً يوم استعوبت الوضع .... لقيت جمل (ابل) (بعير) قدامي ... قمت مثل المهبوول :09:
ماقول الا الحمدلله اللي قمت عقب هالحادث , والحمدلله ماهالأسلاك جات على الرقبه >_>
أخي العزيز .. الحمد لله على سلامتك و سلامة ولد خالتك ... أنا صراحة ما صار لي حادث و لله الحمد و إن شاء الله ما يصير ..... أسأل الله لي و للجميع السلامة.
الموهوب ...... الحمد لله على سلامتك يالطيب..... و الله فعلاً لو كانت جات على رقبتك ... كان رحت فيها.... لكن الحمدلله. :)
الله يكفينا شر الحوادث يارب ..
اول شي الحمدلله على سلامتكم يا الموهوب ويا pm
جد جد ترى والله الحوادث القوية تجربه صعبه للانسان .. يعيش بحاله غريبه لمدة اسبوع والا اسبوعين بس يحمد ربه ويشكره
انا صارلي مرة حادث قوي ..
السيارة راحت والحمدلله بالنسبة لقوة الحادث اعتبر ما تضررت الا بشي بسيط نعمة من الله
صارله سنتين هذا الحادث
وانا ماشي 140 انصلخ على كفر بالهاي واي .. وفجأة فقدت التحكم بالسيارة واصقع بالي جنبي بعدها تنرمي السيارة للشارع الثاني واقطعه الى ما طبيت بالمكان الي فيه تراب على جنب الطريق .. بعدها وقفت السيارة
طبعا سبحان الله لحظتها وانت بنص الحادث ما تحس انه صاير شي ! ما تستوعب ابد انك بوسط حادث ..
كذا تدخل بمرحله اللاواعي ولا تحس بشي .. ما تحس الا بعد ما ينتهي الحادث وتوقف السيارة
خاصه ان راسي ارتطم بالشباك وهذا خلاني ما استوعب ايش الي صاير ..
انتهى الحادث .. ووقفت السيارة .. فتحت الباب الي جنبي ما انفتح ما قدرت اطلع منه .. نقزت للباب الثاني وطلعت منه
والا لقيت الرجال الي صقعته جاي عندي يتطمن
بدون وعي كذا رحت له و عانقته وتحمدنا لبعض السلامة
اكثر شي مرعب هو صوت الصقعه .. مرعب بشكل فظيع والايام الي بعد الحادث كل ما تتذكره ينقز قلبك من مكانه ..
الله يكفينا شرها يارب ..
][-][Mr.ZeNoN][-][
16-12-2005, 05:57 AM
الحمد لله على السلامة ولكن أخوي مافي داعي لذكر مواقف مثل هاذي وشكرا..
S!NDBAD
16-12-2005, 08:19 AM
[-][Mr.ZeNoN][-][']الحمد لله على السلامة ولكن أخوي مافي داعي لذكر مواقف مثل هاذي وشكرا..
اخوي ممكن تقول ليش ؟
و الشكر للأعضاء في تفاعلهم
و السلام
ashraf_2003
16-12-2005, 01:38 PM
انا ما صار لي حادث الحمد لله لحتى الان :p
بس مش عارف ليش لما اكون في الشارع اقعد اتخيل انه ممكن يصير حادث :09: ......وهذا الكلام مش دايما يصير بس مرات واعتقد السبب لاني شفت هذا الكلام
كنا قاعدين بسلام في الدار وفجاة
سمعنا صوت انفجار قرييييب جدا ......بعدين اكملكم القصة لانه لازم اطفي الجهاز
Classic Evil
16-12-2005, 06:18 PM
[color=darkorchid]سمعنا صوت انفجار قرييييب جدا ......بعدين اكملكم القصة لانه لازم اطفي الجهاز
حمستني :09: ....... ماذا كان هذا الصوت يا ترى ؟؟
شظية مثلا :33: ؟!؟
S!NDBAD
16-12-2005, 06:25 PM
انا ما صار لي حادث الحمد لله لحتى الان :p
بس مش عارف ليش لما اكون في الشارع اقعد اتخيل انه ممكن يصير حادث :09: ......وهذا الكلام مش دايما يصير بس مرات واعتقد السبب لاني شفت هذا الكلام
كنا قاعدين بسلام في الدار وفجاة
سمعنا صوت انفجار قرييييب جدا ......بعدين اكملكم القصة لانه لازم اطفي الجهاز
بسرعة
متحمسين لردك :D
ashraf_2003
17-12-2005, 09:57 AM
حمستني :09: ....... ماذا كان هذا الصوت يا ترى ؟؟
شظية مثلا :33: ؟!؟
بسرعة
متحمسين لردك :D
عملت تشويق من غير ما اعرف:p
المهم.........
احنا البني اّدمين :p رحنا لموقع الحادث قبل ما نوصل وفي الطريق للحادث قبله بامتار كبيرة .....الي قلبه ضعيف لا يكمل لو سمحتوا :afraid:
شفتا لحمة بشر مرمية على الارض وكانت مليانة منها....:196: انا وابوي عملنا turn rond ورجعنا بس بعض الاناس كملوا الي شاف راس ورجل كله مرمي
كل هذا كان ناتج عن قصف من مروحية اسرائلية لباص كان محمل لغم واعتقد صواريخ ....بس كانت جريمة بشعة :12: حتى انه في ناس مالها علاقة بالباص اتئذت وفي ماتوا هذا غير البيوت الي صارت تصوت بسبب الذعر او بسبب طيران اجزاء بشرية امام ناظرهم
S!NDBAD
17-12-2005, 10:46 AM
الله يعينكم اهل فلسطين
من اسرائيل
عيال الكلاب
و السلام
7_Dark Soul
17-12-2005, 05:36 PM
اخ.......
قبل شوي(قبل 10 دقايق) كان بيصير لي حادث قوي....يمكن جان ما تشوفني الحين مرة ثانية....:blackeye: جان انا الحين في القبر اندفن....اللهم كافينا الشر
جالس امشي في الشارع تقربا بسرعة 80 -100
و كان في واحد وراي من بعيد...يمكن يمشي 160....
المهم.....خفتت السرعة علشان بلف يمين.....و اخونا بالله مب حاس.....و يبي يتجاوز من اليمين
شوي الا اسمع(بيييييييييييييب ححححححححححححححححححححط)صوت الهرن\البوري\جرس السيارة و صوت تفحيط الكفرات......طبعا انا من الخوف....خفت يصقع فيني و اروح فيها.....خلاني ادعس البانزين كامل و انا الف.....اظن انه دخل في الرصيف....و انا الحمد لله ما صار لي شي......:)
زين الله ستر....
شعوري في تلك الحظة...
مع انها كم ثانية....بس حسيتها اكثر من نص ساعة.......:blackeye:
بعد اذكر اني مرة طحت من جدار ...على ان ارتفاعه مترين...الا اني حسيت اني اطيح شهر
بعد شنو.....
مرة صدمتني سيارة.....(انا...مو كنت راكب في سيارة....)
المهم.....صدمتني و طحت على الارض....رمشت عيني بس....الا اشوف اكثر من 20 واحد متجمعين علي.....متى جاو ...ما ادري....
المهم.....الحمد لله على كل حال.....و الله يكفينا شر الحوادث....
و مشكور pm10 على الموضوع ^.^
S!NDBAD
17-12-2005, 05:56 PM
اخ.......
قبل شوي(قبل 10 دقايق) كان بيصير لي حادث قوي....يمكن جان ما تشوفني الحين مرة ثانية....:blackeye: جان انا الحين في القبر اندفن....اللهم كافينا الشر
جالس امشي في الشارع تقربا بسرعة 80 -100
و كان في واحد وراي من بعيد...يمكن يمشي 160....
المهم.....خفتت السرعة علشان بلف يمين.....و اخونا بالله مب حاس.....و يبي يتجاوز من اليمين
شوي الا اسمع(بيييييييييييييب ححححححححححححححححححححط)صوت الهرن\البوري\جرس السيارة و صوت تفحيط الكفرات......طبعا انا من الخوف....خفت يصقع فيني و اروح فيها.....خلاني ادعس البانزين كامل و انا الف.....اظن انه دخل في الرصيف....و انا الحمد لله ما صار لي شي......:)
زين الله ستر....
شعوري في تلك الحظة...
مع انها كم ثانية....بس حسيتها اكثر من نص ساعة.......:blackeye:
بعد اذكر اني مرة طحت من جدار ...على ان ارتفاعه مترين...الا اني حسيت اني اطيح شهر
بعد شنو.....
مرة صدمتني سيارة.....(انا...مو كنت راكب في سيارة....)
المهم.....صدمتني و طحت على الارض....رمشت عيني بس....الا اشوف اكثر من 20 واحد متجمعين علي.....متى جاو ...ما ادري....
المهم.....الحمد لله على كل حال.....و الله يكفينا شر الحوادث....
و مشكور pm10 على الموضوع ^.^
أخوي خذ حذرك الحوادث شكلها
تلحقك :)
و العفو
الصراحة ما كنت متوقع تفاعل من الاعضاء لكن الحمدالله
ان في تفاعل بالموضوع
و السلام
Angel whisper
17-12-2005, 06:08 PM
كم مرة كنت في سيارة ويا حد من اخواني .. ومره في باص الكليه واستوى حادث ..
المشكله انه ردة فعلي بليدة . او بطيئة؟ مادري كيف ..
المهم انه عقب ما تستوي الدعمه وتخلص .. اقول بس .. هاه؟
اوه .. اوكي ..
بس ..
وما يكون عندي اي شعور محدد .. يعني مب خايفه او معصبه او اي شي .. لا عادي ..
~_~
S!NDBAD
17-12-2005, 06:15 PM
كم مرة كنت في سيارة ويا حد من اخواني .. ومره في باص الكليه واستوى حادث ..
المشكله انه ردة فعلي بليدة . او بطيئة؟ مادري كيف ..
المهم انه عقب ما تستوي الدعمه وتخلص .. اقول بس .. هاه؟
اوه .. اوكي ..
بس ..
وما يكون عندي اي شعور محدد .. يعني مب خايفه او معصبه او اي شي .. لا عادي ..
~_~
هذا نفس شعور ولد خالتي
لأنه بعد الحادث ما كان مستوعب
شي
فكان يقول "خلوني اركب البقي / باشي مرة ثانية"
لأنه مو متسوعب انه سوى حادث
لكن بعدها بعشردقائق لمن رجع المخيم
تذكر .
و انا بعد الحادث صارتلي
عقده من البانشيات / بقيات
و من وقت الحادث الى الان
انا ما ركبت و لا سقت
اي بانشي / بقي
و السلام
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .