المساعد الشخصي الرقمي

مشاهدة النسخة كاملة : الشبكة تم تركيب DSL والأن إي لعبة أختار


FXU
19-12-2005, 03:10 AM
السلام عليكم
أنا مشترك جديد ومتحمس لألعاب أون لاين إيش تنصحوني في أحسن لعبة
RPG أون لاين
هل فيه لعبة ممكن أجربها يعني ألعب شيروير عليها قبل ما أشتريه
أبي أكثر الألعاب تثقيل على النت على شان ودي أجرب الإنترنت عندي هل هي فعالة بالألعاب ولا يفتح الله
أخيرا أرجو أن أكون لكم خير صديق في هذا المنتدى الجميل وشكرا
DemonHunter
19-12-2005, 03:37 AM
اخوي في عدة ألعاب اي بي جي رائعة
وأهمها وأفضلها حاليا هي وورلد او واركرفت ولكن اللعب يكون باشتراك شهري
وهناك ايضا لعبة جيدة اسمها جيلد وار وهي مجانية للعب على الأون لاين ففقط اشتر اللعبة الأصلية
ولاتنسى فاينل فانتاسي 11 ولكنها صراحة لم تكن بالمستوى المطلوب من وجهة نظري
luigi128
19-12-2005, 04:41 AM
زي ما قال الأخ DemonHunter :)
FXU
19-12-2005, 04:56 AM
شكرا يا عزيزي على الرد من رأيك أخذ وور كرافت لأني بصراحة محتار بينها وبين جليد وار فهل فيه مقارنة أو العبيتن فيها تشابه مما يخلني أستغني عن وور كرافت ولا ما فيه إي مقارنة ,لأني صراحة سالفت الدفع الشهري ما خشت مزاجي لو هي دولار واحد يعني ما يكفيهم أني شريت العبة أصلي
1000فولت
19-12-2005, 12:16 PM
انا ما عندي معلومات كثيرة عن العاب ال online

بس جربت فاينل فانتسي 11 ومن جد ما عجبتني.

انا الحين توني شريت واو (الحين انا لفل 8 وارلوك :) )

وبصراحه اللعبه افضل بكثير من ف ف 11

انصحك فيها...

على حسب ما سمعت من الشباب انه فيه العاب اون لاين بدون فلوس لكنها مش بمستوى الالعاب اللي بفلوس
CRSA
19-12-2005, 01:25 PM
تبغي تجرب قوة الانترنت عندك؟؟؟
العب كال اون لاين وقت الظهر او العصر وروح مدينة اسمها temp fort لو قدرت تجلس هناك عادي بدون لا ينقطع اتصالك يعني ان عندك اتصال خارق P:
Knight.Online
19-12-2005, 04:31 PM
السلام عليكم جميعا

يا أخي العزيز أنا انصحك بلعبتين عجيبتين
من أروع الألعاب وهما: 1-Knight Online
2-Battle Feild 2
اختر واحدة من هذه الالعاب أو الاثنتين معا
و راح تشكرني في الأخير

وشكرا
Matrix.com
19-12-2005, 06:29 PM
من أروع الألعاب وهما: 1-Knight Online
2-Battle Feild 2
FXU
19-12-2005, 07:40 PM
يعطيكم العافية يا شباب كلهن راح أجربهن لكن ممكن تعطوني رابط للعبة كال وش قصتها بعض الشباب مدحها لي وأنا راح أجرب كل شئ :)
Silver Wolf
19-12-2005, 07:54 PM
اخوي وورلد اوف وار كرافت ولا تدور غيرها !!!

وبعدين الاشتراك حقهم سهل لا يحتاج لا ماستر كارد ولا بطيخ ... اقرب مكتبة جرير .. تلقى عندهم بطاقة ب 140 ريال شهرين ...

وهي اللعبة اللي على مااعتقد تستخدم هالنظام ... اما الالعاب كلها اعتقد بالماستر كارد و الفيزا !

واذا كنت تبي لعبة بدون اشتراك .. عندك جيلد وور .. لعبة رائعة لكن ليست في مستوى واو !!
واذا تبي لعبة مجانية خذ نايت اونلاين ولاتدور غيرها !!

ههذا بالنسبة لالعاب الار بي جي ... اما الالعاب الثانية كلها قوية ... وافضل باتل فيلد او كاونتر سترايك !

في النهاية انصحك تفكر في واو ... اللعبة الوحيدة التي جعلتني اعيش في عالم آخر !!!
Gentleman
19-12-2005, 07:57 PM
الكلللللل يتحدث عن واو ..

ليييييييييييييييييييش .. شنو الزايد فيها عن الالعاب الثاني ...

شنو الميييزه الي فيها ..

وما هو العالم الاخر .......

ارجو التوضيح ..؟؟

وشكرا ..
!! مرجوج07 !!
19-12-2005, 10:54 PM
حبيبي واو لعبة ما بعدها لعبه من جد كل شي محبوك فها انواع الشخصيات وبعد الشخصيات الكلاسات وفريقين هورد والينس في عراك مستمر تحس انك صدق في حرب واقعية يعني ممكن اي احد يغتالك في اي لحظة بس انت وشطارتك عاد يا تقتله يا يبطح والديك وتحس بحماااااااس اذا كنت في رايد تسون غزوة على مدن الفريق الثاني

واهم شي اسلوب اللعب ما تمل منه وكل شوي تلاقى شي جديد منجد يعني اعرف ناس لهم سنة تقريبا يلعبون اللعبة وباقي ماراحو كل المناطق وفي اشياء ما يعرفوها غير كذا ان الشركة بليزرد عمتنا كلنا راعية اللعبة تنزل تحديثات جديدة تقوي اللعيبة وتكمل قوتهم وتنقص من عيوبهم وغير كذا تفتح مناطق جديدة غير انشالله التحديث الجاي رايحن يفتحون قاااااااااااااااااااااااارة جديدة غير القارتين القدام يعني انا اضمن ان اللعبة رايحة تستمر قدام لي 5 سنوات بالقليل

غير الاسلحة ودروع والاكسيسوارات بي مراتبها كلها والبونس حقها الي لا تعد ولا تحصىىىىىى وفيه كتب نادرة تعلمك حركات لي تخصصك و وضيفتك الي تقدر منها تصنع منها ادوية او اسلحة او دروع وغير كذا كثييييييييييييييييييييييييير=========> والله وانفلت الرجل وماحد بيوقفه ماصدق حد يقوله علمني

والله باقي في اشياء كثيرة ما تكلمت عنها غير القرفيكس الي خبل باهلي والاصوات والواقعية(واقعية.... كثر منها)

واخيرا اقولك تراهااااااا من جد ماخذه عقلي بقوووووة غير الناس الي من جد اعرفهم يلعبونها تخيل في واحد اعرفه سعودي عمره فوق ال40 يلعبها بعد وش تبي

غير ان اللعبة ماخذه افضل لعبة لي عام 2004 وثلاث جوايز ثانية وفي 2005 اخذت نفس الجوايز الثلاث وفقها افضل لعبة من حيث الدعم الفني والتحديثات والاستماع لي الزباين خش على موقعهم وشف المنتدى حقهم مليان وانواع المواضيع كل قسم و شخصية وكلاس ونضام لها منتدى خاص لها واكثر من 10 مواضيع تنطرح يوميافي كل قسم غير انه في مواقع ثانية متخصصة في المهمات تبع اللعبة يعني تساعد في حلها مع اماك المهمة وكيف تسويها محدده بضبط في الخريطة غير المواقع المتخصصة في الادوات والشخصيات واماكن الوحوش والدنجيلات والاسلحة=============> ادري ادري طوووووووووووووولة ام السالفة


واترك مع الموقع حق اللعبة اذا عندك انجليزي زين فا خش وتفرج
http://www.wow-europe.com/en/
BLACK _G
20-12-2005, 12:12 AM
ول كل ذي لعبة !!

أهمممممممم شي لايكثر هرجها في المنتدى واللي يرحم والديكم >_<"

ترا المنتدى وضعه مايأهل يكفي انه مسكر وحالته حالة وانتم ماقصرتوا بمواضيع هالـ(لعبة) !!

لا لـــWow لا لــلاتصالات لا لـــلـلعائلات فقط لا للـJunk Food :33: <<<خبط !

.. .
BeaUnkill
20-12-2005, 03:01 AM
والله ياخي ودي انصحك وما ودي .

واو لعبة . لكن اذا كنت انسان تعيش حالة اجتماعية . فما انصحك تلعبها خصوصا ً وانك عارف انه راح تنسجم باللعب وتنسى الناس .

اللعبة هذي متكاملة لدرجة مهولة !

يعني معها تعيش عالم ثاني .

الزبدة . لا تلعبها الا اذا ما عندك شي تسويه بحياتك !
A_Tiger101us
20-12-2005, 03:11 AM
D:
جرب هذه الالعاب ( المجانيه لو تحب ) و اختر افضلها
https://www.knightonlineworld.com/
ثم جرب هذه
www.kalonline.com (http://www.kalonline.com/)
ثم هذه
www.silkroadonline.net (http://www.silkroadonline.net/)
ثم هذه
www.gth.my.com (http://www.gth.my.com/)
و جرب هذه كمان
لعبه اسمها rakion
www.softynx.com (http://www.softynx.com/)
اضغط على يمين الصفحه ^^
FXU
20-12-2005, 10:36 AM
شكرا ياشباب وما قصرتوا والله شكلكم طيحتموني بي WoW
أما قضية إني إجتماعي والله في الحقيقة أحسن أنا هذا الي أبيه أنسى الناس :) وأعيش داخل واو
شكرا لكم جميعاً وما قصرتوا
1000فولت
20-12-2005, 12:24 PM
لا مو شرط.

تقدر تلعبها يوميا بس اضبط نفسك.

يعني ساعه او ساعتين باليوم تكفي... بعدها عيش حياتك الاجتماعيه بشكل طبيعي :)
:":موون:":
20-12-2005, 12:28 PM
انصحك gunbound:biggthump و انا متأكد 100% انها بتعجبك
1000فولت
20-12-2005, 12:36 PM
اذا بتلعب واو انصحك بسيرفر runetotem ... ((يقولون انه احسن شي عشان اني موجود فيه:) ))
FXU
20-12-2005, 03:06 PM
أبشر يا فولت ولا يهمك لكن عسانا نلقاك ;)
حاضر يا موون راح أجربها لكن هل هي مجانية ولا لازم أشتريها :33:
!! مرجوج07 !!
20-12-2005, 03:54 PM
اي والله لازم تشتريها وتشترك شهريا فيها عشان تقدر تلعب وتكمل لعب وثاني شي اغلب الشعب السعودي والعربي في النسخة الاروبية وداخلين على سيرفر اسمه زيندار ولا تنسى تشتري معها بطاقة شحن تبع اللعبة اذا ماكان معك فيزا او مستار قارد
Silver Wolf
20-12-2005, 05:25 PM
غير كذا لا تقربها اذا كان جهازك مواصفاته اقل من 512 الرام او 1.5 بنتيوم 3 .. كرت شاشة 64 !!!

لأنك بتعاني والله ...واسألني انا ....

وياهلا فيك في زيندار .. لاتنسى تشتري نسخة اوروبية !

وبالنسبة لمكان بيع اللعبة .. اكثر مكان انا واثق من وجود اللعبة فيه هو مكتبة جرير ، وايضا موجوده في بيت الكمبيوتر ومحلات النسر ...
FXU
20-12-2005, 07:30 PM
شكرا شكرا يا شباب والله أحرجتوني بمشاركاتكم المنهمره خلاص يا أخ مرجوج أنا جزمت عليها لكن خلنا أول نفتك من الإختبارات
أووووه يا سلفر ولولف ما عليك جهازي أن شاء الله يشغل الي ما ينتشغل الرام 1 جيجا والكرت 850 XT ومشكور على التوجيهات
:":موون:":
20-12-2005, 08:05 PM
ايوه مجانيه ولكن تقدر تشتري بطايق كاش

وفيه قولد علشان تشتري ملابس وكل اسبوع

او اسبوعين ينزل في السوق لبس جديد

لعبه مجانيه ورهيبه ....:ciao:
dark hole
21-12-2005, 09:15 AM
احسن لك خذ warcraft 3 الجزئين و فيها online ببلاش
thaer89
21-12-2005, 07:12 PM
واذا بدك في طرق تقتدر لعب واو بالمجان
!! مرجوج07 !!
22-12-2005, 12:37 AM
بس ما انصحك تلعبها بالمجان لنها على سيرفرات مضروبه وماهي مثل الي نلعبها احنا تماما فيها اختلاف يرفع الضغط غير انه ملخبطة مدري وش تبغى يعني مثلا احنا نلعب الين لفل 60 ونوقف تلفيل ونلتفت على شي ثاني اما هناك فاااااااا التلفيل مفتوح ممكن توصل لي 250 لفل بس ما بتستفيد شي غير رقم اللفلواشيا ثاني مدري عنها وفي ناس اعرفهم انشاتو من اللعبة وامسحت شخصياتهم يعني ضيعو وقت على الفاضي..........وانت بكيفك