مجاراة بين فهد الفويه و راكان بن حثلين في مجلس بن رشيد

[عكرود السبيعي]

هذي ردية حصلت بين الشاعرين الكبار فهد الفويه السبيعي وراكان بن حثلين العجمي في مجلس ابن رشيد حاكم حائل .

قال راكان اولا ..

عزي لقلب كاثرات شطونه
لو قلت زلت عبرته جا بدلها

واخلي اللي في محاجر عيونه
خيل مشاهير تطارد بهلها

يهل مراديم النظا اللي تجونه
ردوا سلامي (نافدا) من نقلها

اتلا العلم به يوم قفت ضعونه
يم النفود وحد مقطع سهلها

وتحدى ان يرد عليه اي شاعر وان ابياته قويه وصعبه مجاراتها

فبحث ابن رشيد عن من يجاري راكان فقال لن يستطيع مجاراته سوى فهد الفويه .. فحضر فهد وقال له بن رشيد نريدك ان ترد على هذه الابيات .. قال لاباس ولكن غدا .. فرد عليه ابن رشيد نريدها منك اليله بعد العشاء .. فجهز فهد قصيدته

ورد عليه فهد ..وقال


اقول بيت ماحلا من فنونه
آخذ جدايدها وأخلي سملها

وقلبي علي قامت تصافق ركونه
دليت اجيب القاف من محتملها

وبالكبد نار كنهم يشعلونه
حرق صناديق الضماير شعلها

على حبيب فوتت بي طعونه
مرت علي وصوبتني قبلها

أتلى العلم به والخدم يتبعونه
أقفت تعد خطاه تمشي مهلها

علي دينٍ ماظهر مثل لونه
عندي فلا والله يخلق مثلها

كود القمر اليا ظهر من مزونه
يوضي على سكن الوعر مع سهلها

والخشم سلّة مصقلٍ يصقلونه
والملح والقبلة معازل جذلها

حسن التهايا كالقحاوي سنونه
بين الشفايا تقل يمرس عسلها

والبطن كالديباج لو تلمسونه
جديد ماعمر المسوّي عملها

قلبي الياراعيت شذرة عيونه
نثر عليها دودها ثم اكلها

واش سعر بالقلب لو تفتشونه
دود على بسرة ضميري دهلها

أبا اتمنى منوة تفهمونه
هني منهو للمودة غسلها

إما غسلته ربعنا يفضحونه
قلبي يبينها ويدرون اهلها


والابيات فيها اختلاف من طبعة مجلة المختلف ومخطوطة اخرى ..

عكرود - الخرج .