كان اليوم امتحان العربي معقول(صوت على اسهل امتحان عندك) [الأرشيف]

احمد9000

09-01-2001, 09:53 AM

اليوم فرحت لأن امتحان العربي كان معقول
وسويت زين في التعبير.ملاحظة التصويت فقط للعلمي.

Abs133

09-01-2001, 10:24 AM

اقول انه امتحان الانجليزي لاني ما ادرسه ابدا و اجيب درجة عالية
انت اي صف واي بلد

احمد9000

09-01-2001, 11:20 AM

الصراحة الأنجليزي سهل وانا ماادرسه
لكن الجبر اسهل اكثر.
ملاحظة:انا في الصف اول ثانوي(علمي)-البحرين
وعنوان البريد الالكتروني Ahmedd5@excite.com.

cobra

09-01-2001, 02:54 PM

أنا ما أواطن الجبر أبد
لكني أحب الإنجليزي كثييييير مره

a7mdooo_raul

09-01-2001, 10:49 PM

انا خلصت الثانويه علشان جذي باختار
الفيزياء

لاني ما احبها :)

RPG_master

10-01-2001, 10:20 AM

اسهل وابيخ ماده هي الوطنيه ووجودها زي عدمه

Abs133

10-01-2001, 04:31 PM

بالله عليك انت تسمي هذي مادة
على سهولتها كنت اخبص فيها
كنت فعل ماضي
بكرة عندي نحو

عبد الرحمن219

10-01-2001, 04:57 PM

يا أحمد 2000 بصراحة أنك بايخ و تافة : هذا ملتقى اللعيبة العرب وليس ملتقى مناقشة امتحانات

Abs133

10-01-2001, 05:37 PM

يا اخي احمد انسان طيب

احمد9000

10-01-2001, 07:41 PM

جزاك الله خير كوماندر,على كلمة (بايخ و تافه)
ايجي منك اكثر .

يا كوماندر:الرسول دعانا لقول الخير او الصمت
وانت تقول رايك بشكل شتيمة.(ارجو منك ان تعدل من تعاملك مع
اللاعبين).

احمد9000

10-01-2001, 07:51 PM

الى ABS133 :
اشكرك جزيل الشكر على الأطراء

ولك خالص التمنيات بالنجاح في الأمتحانات

وخاصة هذه الأيام.

ملاحظة:نخلص الأمتحانات يوم الأحد21\1\2001

ارفين

10-01-2001, 08:47 PM

كل ماده اصعب من الثانيه:غضب:.

وتضيق الصدر اكثر...

الواحد يدخل في المنتدى يوسع صدره مو يتذكر مواده...

Abs133

11-01-2001, 04:49 AM

ااف
انتم مساكين يا أهل الكويت
تخلصون يوم الحدّ؟ّ؟ّ؟ّّ
بعيد مررة
انا في ابوظبي واخلص هاها يوم السبت
الساعة الحين سبعة الاعشر والامتحان الساعة ثمان ونص وعندنا امتحانات يوم الخميس
امتحان نحو
مع السلامة اتمنى لك التفوق والنجاح يااحمد
في صف انت؟

ارفين

13-01-2001, 10:19 AM

اف تدرسون يوم الخميس...

انا في السعوديه يوم الخميس عطلــــــه....

واليوم كان اول يوم اختبارات...

وكان علي.:

فيزيا * توحيد

باقي مشوار على العطله....

Abs133

13-01-2001, 12:19 PM

وقف صراحة I am interested
لا حنا بس ايام امتحانات فيه يوم الخميس
وبعدين عندكم امتحانين في يوم واحد؟!!
اشرح لاني بدرس السنة الجاية في الرياض

sora

14-01-2001, 01:43 AM

لحظة ليش الثانوية و المتوسطة ((يعني أنا)) ؟؟؟
أنا أسهل مادة عندي الإنجليزي و العربي سهل بعد بس أنا درست له و لا ما درست أخذ 45 يعني :
الطيور تطير و الأسماك تسبح و أنا أخذ 45
و بالعكس يا إرفين أناحبيت الموضوع لأني أطلع حرتي كلها فيه
------------------------------
ترى غيرت إسمي من shahad إلى sora

ارفين

15-01-2001, 10:48 AM

كل يوم امتحانين..

انا اليوم امتحنة كيمياء*مكتبه

وبلامس احياء*تاريخ

وغدا تفسير*حديث

ويوم الخميس والجمعه عطله سواء اختبارات او لا

سيلفي2065

15-01-2001, 05:13 PM

اسهل شي الانجليزي

واصعب شي الاحياء اللي يجيب الضغط والسكر...الحمد الله خلصنا امتحان الاحياء

بس ابشركم جبت العيد فيه....والله يستر

بس يا ارفين كيف حطوا لكم الاحياء مع التاريخ؟

اعوذ بالله كيف ذاكرته؟ كل واحد اصعب من الثاني

sora

15-01-2001, 07:19 PM

لحظة لحظة أمي مدرسة أحياء
بس صج المادة بايخة

ارفين

16-01-2001, 10:40 AM

اهههه..

اذاكر...

فيه اختراع يسمونه [ غش ] هاهاها...

ويوم السبت هذا:

رياضيات*فقه

الجدول رهيب....

سيلفي2065

16-01-2001, 03:13 PM

طيب يا ارفين...انا اتعامل بالغش (بعض الاحيان)

بس اذا جتنا مراقبه كانها رادار...وش اسوي؟

بس اليوم الحمد الله بامتحان الفيزياء راقبت علينا وحده مفهيه

ماتدري عن الدنيا

Zell

16-01-2001, 03:20 PM

الإنجليزي أتفه وأسهل اختبار

احمد9000

17-01-2001, 12:50 PM

اعوذ بالله

كيف تغشون!؟؟ يا اخوان الغش ما منه فايدة

انا ما احب اغش اطلاقا , انا ارسب في الأمتحان

ولا اغش, (من غشنا فليس منا) ,الصراحة خيبتوا

ظني فيكم يا سلفي وارفين

سيلفي2065

17-01-2001, 01:19 PM

كل اللي حولي باللجنه يغشون
وانا ماارفض اي معلومه تجيني بالمجان يعني اذا شفت المراقبه مو منتبهه مافي مانع اني اسال اللي حولي عن الاجوبه (اطلب مساعده فقط)
غريبه اول مره اشوف ولد مايغش....

احمد9000

17-01-2001, 01:58 PM

اصلا انا ملتزم بديني وما احب

شئ تافه مثل الغش في الأمتحان يخرب علي

ديني, الحين لما الله يحبك يوفقك

في الدنيا وانا الحمد لله احصل

درجات ممتازة في الدراسة(يا شباب لا تنسون

وراكم يوم الحساب) ,الأمتحان مو كل شئ,

اكيد ما عندكم ارادة علشان اتغلبون على

الأشياء الصعبة وتعتمدون على الغش .

(لكن الصراحة احس وانااكتب ان السبب هو البلايستيشين

والي يشابهه) .

اتصدقون يشيلون عني البلايستسيشن في الأيام العادية

ويخلوني العب بها ساعة واحدة يوم الخميس!!

وقبل الأمتحان بشهر يشيلونه نهائيا.

gameslover

17-01-2001, 09:29 PM

اسهل ماده الإنجليزي.

ارفين

17-01-2001, 09:33 PM

صادقه سيلفي معلومه بالمجان اضيعها...

بعدين انا ما اغش هذي يسمونها مساعده من اصدقاء...

gameslover

17-01-2001, 09:35 PM

والله الغش زين في بعض الاحيان بس في واحد مخفه يصرخ ويقول غششني بغى يفضحني لكن الله ستر((الحمدلله))وبعدين كنت بصفقه لكنه قال اسف وكسر خاطري فقلت اسمحه المسامح كريم(( والله ما حب الطق)) .

Abs133

18-01-2001, 12:21 PM

صراحة الغش رهييييييب وما فيه ضرر عشان كذا انا اغش بعض الاحيان يعني في عشر امتحانات مرتين بس

احمد9000

20-01-2001, 09:03 AM

شكل المنتدى(منتدى غشاشين)

طحتوا من عيني.

ارفين

20-01-2001, 10:54 AM

يا احمد قلتلك هذا مو غش...

هذي يسمونها مساعده...

sedra

20-01-2001, 11:33 AM

انا جميع المواد اكرها علشان ماادتني فرصه اشوف فيها هذا المنتدى

سيلفي2065

20-01-2001, 09:20 PM

اليوم امتحنا كيمياء وتوحيد..

توقعت ان الكيمياء يكون صعععععععب

والتوحيد يكون سههههههههههل

وركزت على الكيمياء وماذاكرت بالتوحيد الا شوي

وجت اسئله الكيمياء سهله وحلوه والابله حاطه على الورق هابي فيس

وصور حلوه كاننا بالروضه... مره عجبتني الورقه وماكان ودي اسلمها

بس التوحيد جا صعب موت ولا حليت الا الفراغات صح والباقي

كله تأليف..

rushin_911

21-01-2001, 12:04 PM

أنا ما أغش و لا أغشّش آسف قصدي ما أطلب مساعدة و لا أساعد رغم إن اللّي حولي مشغولين بالجوّال يغشو قصدي يطلبون مساعدة

إلى سيلفي:
أنا أقول يمكن إنتي عشانك درست الكيمياء دراسة صح فصار عليك سهل و لأنّك ما لمست التوحيد( و أنا صراحة مستغرب التوحيد صعب) فصار عليك صعب
صح ولاّ لأ؟؟؟

Abs133

21-01-2001, 12:49 PM

صراحة انا خايف من الدين السنة الجاية لاني متعود دين حق الامارات سهل مرة بس اخبص فيه
الله يعين وانا احب المساعدة واللي ما يساعد احد يكون نذل

احمد9000

21-01-2001, 12:51 PM

انا اليوم خلصت امتحان الكيمياء

ومتعجب وين الصعوبة فيه(اليوم بدت العطلة)

هاهاهاهاهاهاهاهاهاهاهاهاهاها

بروح اخذ البلايستيشن والعب فيه (هاهاهاهاهاها)

(خلصتوا ولا للحين).هي هي هي هي هي هي هي هاهاها

Abs133

21-01-2001, 01:50 PM

انا مخلص من زمان

احمد9000

22-01-2001, 11:53 AM

احممممم
احمم احممم
احممAHMED احممم
احممم احممم
احمممم

ارفين

22-01-2001, 06:14 PM

انا الي وراي واحد دلخ...ًٌٍَُُِ{غبيْ}...

وكل شوي يناديني تكفاء غششني....ارحمه واغششه...

ملاحضه:

انا دافور الفصل{يعني من الممتازين}...

selvar

22-01-2001, 07:11 PM

يعنى تاكل كاتب اكل ياساتر أستر

ارفين

22-01-2001, 07:27 PM

اهه كثر منها افتحه..

تشوف كتبي نهاية العام جديده ليه؟؟

لاني ما افتحها...

بس الي فيني فطرة الذكاء..

ما قد سمعت بها؟؟

soconono

26-05-2004, 01:55 PM

كل امتحان كان ابيخ واسخف من الثاني

بس الصراحه اليوم كان امتحان الدين اشويه دقيق و صعب

واسهل امتحان هو الاحياء:)

QataR NighTMarE

26-05-2004, 02:05 PM

كل امتحان كان ابيخ واسخف من الثاني

بس الصراحه اليوم كان امتحان الدين اشويه دقيق و صعب

واسهل امتحان هو الاحياء:)
الموضوع من 3 سنين ياخي والحين تجي ترفعه O_o
ترى رفع المواضيع القديمه ممنوع :)