المساعد الشخصي الرقمي

مشاهدة النسخة كاملة : شعر الف كره بطاريك وطاري حضورك...


AMISHA
31-12-2005, 05:12 PM
السلام عليكم..
شخبااركم؟؟
هذي اول مشاركه لي وياكم..اتمنى تقبلوني من بينكم:o

وفي شعر كتبته من ايام وحبيت تعطوني رايكم فيه >>> بعدني مبتدئة..:09:

اخليكم ويا الابيات وان شاء الله تعجبكم..


صرت ماضي بالنسبة لي..القلب عافك وانتهى اليوم دورك

ابتعد خـلاص ما ابيك فحاضري..والف كره بطاريك وطاري حضورك

ماريد اشوفك ولا يطــاك ناظري..وحلمي اللي بنيته هدمته بفعولك

جرحـت قلبي وطعنت خافقــي..وحبل الود انت اللي قطعته بغرورك

لوتدري اليوم وش هو اللي فخاطري؟! ودي ابهدلك لين ماتنسى عمومك

تندم علــــى كل ما فـات وتبكـي لي..جابك زمانك وابشـــــر هذا يومك

صرت سفينة مرساها شاطئي..وبكيفي امشيـــــــك وبيدي رجوعك

الزمن دوار ماداملك ولاهو دايم لي..واعرف اني بجازيك مثلما جازيتني بصدودك

كنت الحبيــــب الكــامل في ناظري..واليوم اتضح كل شي وبانت عيوبك

لا..لاتعتــــــذر,,لا تحــــاول معي..بعد المر اللي ذقته خله ينفعك جورك

هذاك اول يوم تجرحني وتعتذر لي..كنت اسامح وانسى,بس المهم ارضي غرورك

صبرت وتحملت لأنك كنت مطلبي..كنت اتجاهل اخطاك رغم قسوة ردودك

وجيتني اليوم ندمان,,ياخي وش تبي؟!!ماتستحي!تجي لشخص يكره حضورك!!

وش هالأدب؟؟ وش هالمـذهب القوي؟!!تفـــــرض نفسك تبي تأكد وجـــودك!!

حط في بالك,, ترى كبريائي مايسمح لي..أرجع لأجل تنفـــذ لــي وعودك

انت كلك ماتجي طرفة نظرتـــي..واردى افعالي ماتجي احسن فعولك

اعميتني بحبـــك وبالآخر خنت حسبتي..ورميتني بالغدر في اعمق بحورك

العين بالعين هذا تراه مبــدئـــي..والدين لك برده مو هذي حقوقـــك!

صـــرت مثل الخاتم باصبعـــــــي..وبكيف كيفــــي اقلب امــــــــورك

وانت تعرف اني شــامـخ بعزتـي..وتدري اني باشاره اقدر اقتل شعورك

لأجـــل هذا اعيد : ما ابيك فحاضري..يازين اعرف نفسك والزم حدودك

خلاص عفتك وجفــــــاك هو رغبتي..والف كره بطاريك وطاري حضورك













هاه شرايكم؟؟:06: انتظر ردودكم..:)
fox mox
01-01-2006, 08:44 PM
جميل جداً القصيدة

بس أنا ما أعرف الأوزان لحق القصايد
AMISHA
02-01-2006, 12:22 AM
تسلم على مرورك..نورت الموضوع
AMISHA
05-01-2006, 12:01 AM
افاااا..رد واحد بس..شدعوه عاد؟ صارلي كم يوم عارضة الموضوع :(
كرسس
07-01-2006, 02:46 PM
السلام عليكم

محاولة لا بأس بها <<< أتكلم بكل صراحة

بس لو سمحتي في المره الجايه حاولي أنك ما تستعملي كلمه إلى من الكلمات الي تستعمليها في كلامك مع الناس .

ولهذا سببين
1- لكي تكون الكلمات صحيحة في تركيبها وتقبل التصريف في الغة العربية
2- لكي تكون القصيدة عفوية وسهلة الألفاض يفهمها أي واحد

وهذا وإلى الأمام لأن الكثير من الناس لديهم الشاعرية بدرجة كبيرة لاكنهم يخجلون من طرحها فلا يستفيد أحد منها
وأنتي ما شاء الله تحليتي بالشجاعة عشان تطرحي قصيدتك

بس واصلي وجتهدي ................وفقك الله:ciao:
weaamm
19-02-2006, 03:01 AM
رائع رائع رائع
هذا اقل ما يقال لهذه القصيده فسلم لسانك قبل يدك وارجو ان تمدنا بمثلها
ولا استطيع ان اصف لك شكري لك على هذه الكلمات الفوق رائعه