المساعد الشخصي الرقمي

مشاهدة النسخة كاملة : شفيرة دافشني ... ادخل في ذا .


BIG-M
16-01-2006, 01:52 AM
السلام عليكم ..



شفيرة دافشني ..

http://www.danbrown.com/images/davinci_tn_off.gif

اطرحت من سنتان .. بيع حتى الان 48 مليون نسخة حول العالم ...
اظن كثير منا قرأها ..
الرواية اثارت جدل واسعا في الاوساط المسيحية .. الاساقفة و الكاردلة حاولي انهم يشمعوا عليها بالاحمر ..
منعت في لبنان و الاردن ..

الرواية تتحدث عن عدة امور و تشكك "عيني عينك" بالديانة المسيحية ... "مدعمة بالحقائق".. طبعا هذا شيء مقبول بالنسبة للمسلمين .. لأنه يثبت مافي القرآن الكريم عن تحريفهم لدينهم ..
من هذه الاشياء ... بطلانها لركيزة المسيحية الحالية .. وهي انه تم صلب المسيح و انه "ابن الله" ...استغفر الله ....
و انه الدين محرف تقريبا كليا من الملك قسطنطين ...
و انه عيسى عليه السلام كان متزوج من مريم المجدلية ...
و انه الدين المسيحي الحالي مبني على ديانة وثنية قديمة تمسى "عبادة الشمس"
.... على العموم اكيد لاحظتم عدم ترابط الافكار .. علشان كذا راح اترك الحوار مفتوح بينكم ×__× ...

احب اذكر انه الرواية جاري تحويلها الي فلم ببطولة توم هانكس و ممثله فرنسية مشهورة ..
BeaUnkill
16-01-2006, 02:19 AM
اولاً السلام عليكم

ثانيا ً ، بما انك عارف اني توني اسمع عن هذي الرواية منك . فما عندي شي اتناقش بخصوصه . لكن باشوف اذا اني كنت فايق يومأً ما باروح اشتري الرواية ، ولو اني شايل هم الـ 500 صفحة :D


تحياتي ؛؛؛
SNOoOP
16-01-2006, 03:42 AM
اولاً السلام عليكم

ثانيا ً ، بما انك عارف اني توني اسمع عن هذي الرواية منك . فما عندي شي اتناقش بخصوصه . لكن باشوف اذا اني كنت فايق يومأً ما باروح اشتري الرواية ، ولو اني شايل هم الـ 500 صفحة :D


تحياتي ؛؛؛

ابد اشتر الرواية ولاعليك

من اروع الروايات الي قريتها كل صفحة تشدك للي بعدها غصب عليك انا عن نفسي قريتها باربعة ايام تقريبا

اما بالنسبة للمناقشة فلي عودة
Mada Mada Dane
16-01-2006, 09:58 AM
Overrated =_______=
Angel whisper
16-01-2006, 10:11 AM
Overrated =_______=
X2


ولا تقولون حقائق .. نصها خرطي ~_~

بس الفلم شكله عجيب بالقوووو !


عموما عيبني Angels & Demons اكثر من هذا ..
Electro M
16-01-2006, 03:28 PM
اينجل
ازعجتينا بنص الحقائق خرطي
ترا الكاتب موب عربي :09:
لو عربي نقبل هالشي لكن الاجانب عندهم احترام للحقيقة و لو ان هالحقائق ماهي مثبتة في بعض الكتب كان ذكر ان جميع ما ورد في روايته من وحي الخيال
و انا ما ادري انت وش تقصدين بالضبط بالخرطي
يعني احنا كمسلمين عارفين ان الدين المسيحي محرف و ان المسيح ما تم صلبه فعلا و ان المسيح ماهو ابن الله ايضا
لان هذه هي الحقائق اللي رفعت ضغط المسيحيين
و هي كلها مثبتة عندنا في القرءان و في التاريخ
مثل ان قسطنطين حاول فعلا انه يجمع بين ديانته الوثنية مع المسيحية و كان اول من حرف في الانجيل و ما الى ذلك
فياليت تحددين اكثر لانه الرواية اكثر من رائعة
و موب لازم يكون فيها واحد مات ابوه و راح ينتقم له بسيفه اللي اطول منه بعشرة متر ثم يكتشف ان ابوه حي لكنه ميت بنفس الوقت و فوق هذا يطلع هو زعيم الاشرار :09:
و انه كل هالانتقام عشان حبيبته اللي حبت ابوه اكثر منه لكنه في الاخير ذبحهم هم الاثنين و نتيجة لذلك طلعت زومبية نص مصاصة دماء و نص انسانة و ربع قردة تحبه و تموت فيه

معليش تحمست بس حاولت اني اجمع خزعبلات الانمي و الار بي جي في آن واحد :09:
SNOoOP
16-01-2006, 09:15 PM
X2


ولا تقولون حقائق .. نصها خرطي ~_~

بس الفلم شكله عجيب بالقوووو !


عموما عيبني Angels & Demons اكثر من هذا ..

ممكن تذكرين لنا وش الخرطي في الكتاب لأني اتوقع ان ثلاثة ارباع الكتاب حقائق تاريخية ثابتة تم تحريفها من قبل الكنيسة
وياكثر تحريفات الكنيسة

بالنسبة للفيلم ماتوقع يطلع بنص جمال الرواية ...
Justine
18-01-2006, 07:51 PM
ممم المميز في القصة انها تحوي معلومات غريبة كثيرة !

مثل النسبة الإلهية و حقيقة جماعة قديمة و اشيا غريبة .. اتفق مع ويسبر على روعة ملائكة و شياطين لكن مدري حسيت انه معلوماتها اقل من شيفرة الدافنشي .. بس معلومة انه حركة الThumb Up كانت حركة قديمة تستعمل في ديانة تعبد الذكر كانت عن جد غريبة :tongue2:

مدري صرت متعلق بروبرت لانغدون ! .. هونت اقرا باقي رواياته لانه موش البطل فيها .. الحصن الرقمي بطلته بنية ( يعني حورمة).. و الـDeception Point ماني متحمس لها مدري ليه ..

عموما بافكر اجرب اقرا لكتاب عرب .. و كبداية بجرب لأنيس منصور .. حلوة كتابته في عموده في جريدة الشرق الأوسط .
BIG-M
18-01-2006, 09:18 PM
انجل .. معلوماته صحيحة الا بمقطع متعلق بـ انه عيسى عليه السلام عنده عيال ...

ممكن تراجعين الوثائق التاريخية ... مثلا الديانة المسيحية حرفت في عهد قسطنطين بـ3 مجمعات على 15 سنة ... حاولوا "الموحدون" ينقضن افكار بطرس لكن محاولاتهم فشلت .. وفيه حديث صحيح عن هذا الشيء .
و اخوية سيون موجودة ... و بعد فرسان الهيكل "طلعوا منهم الماسونيين " ..

ومبنى اوبس داي لي كذا صورة عنه ...

مافي الا غلط واحد لمسي .. انه عدد الزجاج في مثلث اللوفر 673 و ليس 666 ×__× ....
Branskins
18-01-2006, 11:07 PM
صراحة أنا عجبتني الألغاز في القصة ..

يعني أول ماقريت O,Đraconian Đevil ..Oh, Lame saint تفاجئت .. وفكرت أنه كل فلسفت روبرت كانت بدون فايدة .. ويمكن رئيس المتحف صج من عبدة الشياطين .. لكن كل شي يتركب لمن يكتشفون أنه معناها Leonardo Da Venci... The Mona lisa! ..

وصراحة الكتاب مشوه للمسيحبة بدرجة مبالغ فيها .. يعني إلا يثبت أنه كل شي عن المسحين غلط .. نفو وجود الكأس التي شرب منها النبي عيسى (الله أعلم إذا كان صج) وكانت مجرد رمز لحفظ الأسرار .. لكنهم أثبتوا وجود هيكل سليمان تحت المسجد الأقصى لمن ذكروا وجود الكنز يعني فيه مسانده لليهود .. ولو كانت بسيطة

لاحظوا أنه في بعض التهجم على المسلمين .. الكتاب يقول أنه محد من الديانات عطى للمرأة أي حق .. ومن عرضهم المسلمين .. حجته أنه ماكان هناك أي شيخ من المسلمين أمرأة .. أنزين لو بس يشوف أشلون الإسلام حافظ على المرأة وكرمها ..

عموماً .. يبقى الكتاب مجرد قصة خيالية .. ليس كل ما يكتب حقيقة مما جعل الكثير من النقاد التفرقة بين الشيئين ..

ليس هناك أي مانع من قراءة القصه .. هي تنشط العقل .. تخليك تحاول تميز بين الصح والخطأ أو الذي علمه عند الله ..
Cyber Master
19-01-2006, 06:32 AM
و موب لازم يكون فيها واحد مات ابوه و راح ينتقم له بسيفه اللي اطول منه بعشرة متر ثم يكتشف ان ابوه حي لكنه ميت بنفس الوقت و فوق هذا يطلع هو زعيم الاشرار :09:
و انه كل هالانتقام عشان حبيبته اللي حبت ابوه اكثر منه لكنه في الاخير ذبحهم هم الاثنين و نتيجة لذلك طلعت زومبية نص مصاصة دماء و نص انسانة و ربع قردة تحبه و تموت فيه

ههههههههههههههههههههههههههههههه والله انه افضل وصف شفته لللأنمي والأربي جي الياباني
Angel whisper
19-01-2006, 12:15 PM
Oh boy ~_~

هذا رايي .. فلحد يأذيني عليه ..

اول شي .. هالكتاب Is a work of fiction .. يعني المفروض انكم ما تعتمدون على معلوماته التاريخيه ابدا ..

ثانيا .. انا لاحظت كم خربطه في الكتاب وما استوعبت كيف انه كاتب "المفروض" انه يكون باحث عن المعلومات زين قبل ما يكتب مسونهم ..

1- سالفة ان الـmerovingians اكتشفو باريس ..
اي واحد قاري شوية تاريخ بيعرف ان الرومان هم اللي اكتشفوها ..

2- الشرطة البريطانية .. تتأمر عليها الشرطة الفرنسية ..؟ من متى؟

3- Dead Sea Scrolls are Christians??
وين يبا؟
معروف انها يهودية ..

4- شي معبد للالهة Isis تحت كنيسة St Sulpice ..
سوري بس لا .. وهاذي fact~

5- وايد من اوصاف الرسومات واللوحات غلط ..
مثلا:
The Penitent Magdalene = the Magdalene With the Smoking Flame
6- سالفة الـPriory of Sion واللي كانت محطوطه في الfacts page 100% مغلوطة!
ما في اي منظمة حقيقيه موجوده بهالاسم .. القصة كلها خرفها واحد فرنسي مينون ..
وحتى الوثائق اللي هو يقول انها تدعم وجود هالمنظمة مزورة اساسا باعتراف اللي سووها ..

7- انه ما كان شي حروب ايام الـpagans بس شي بس يوم ظهرت الاديان ؟..
Yeah right ..

8- Godefroi de Bouillon ملك فرنسي؟
كان مجرد نبيل فرنسي ..

9- في كتابه يقول ان الجانب الايسر من المخ = Irrational thought and evilness ..
العكس صحيح IRL

10 - Ariel is highly related to the Sacred Feminine .. بس لانه اسم انثوي ..
والاسم اساسا يستخدم للجنسين .. الذكور والاناث ..

صدعت ~___~

وطبعا هذا غير اهم خربوطه كتبها وهي ان المسيح تزوج ونسله موجود الين الحين بس مندسين عشان محد يسوي فيهم شي ..

ثالثا - اسلوب كتابة الكتاب كان وايد .. عادي .. واتجرأ اقول اقل من العادي ..
وايد من الجمل تكررت .. والحوارات مكرره .. والكتاب ممطوط مط .. بس اللي يغفرله ان محور الكتاب كان يخلي القاريء يبغي يكمل الكتاب مهما كان طويل ..

رابعا - الشخصيات كأنها مجرد اوراق .. مالها عمق .. الواحد ما يقدر يرتبط باي شي منها .. يعني دان كان يوصف الصناديق اللي في الكتاب اكثر مما كان يوصف شخصياته ..

خامسا - هالكتاب مجرد نسخه من اينجلز & ديمنز بس باختلافات بسيطة ..

عوامل نجاح الكتاب برايي هي:
1- انه استغل فرصة ان الكل ضد المسيحيين الحين .. واهمهم الملحدين .. والكل يطعن في صحة هالديانة وصحة كتابها
2- Thriller .. هذا اللي مشى الكتاب زين .. انه حماسي ومشوق ..

هذا رايي وكل واحد بكيفه ..

انا ما عندي مشكلة في ان الواحد يحب هالكتاب .. لانه فعلا entertaining وانا اعترف بهالشي ..
بس ان تقولولي انه مليان حقائق؟ sorry ..
آخذلي كتاب non-fiction احسن ..
وسالفة انه براون اجنبي = انه ما يخربط في كتابه الصراحه ما بعلق عليها حتى ..
Electro M
19-01-2006, 12:32 PM
احلى شي الاقتباس من مواقع اجنبية لاشياء توني ادري انها موجودة في الكتاب :09:
انا تكلمت عن القصة انها حلوة
الاسلوب بالنسبة لي جديد
الحقائق في بعضها ما نختلف عليه و فيه بعضها حطها كإضافة للقصة مثل سالفة ان عيسى له نسل و ما الى ذلك
و اتفق معك بخصوص التمطيط خصوصا في وصف المكان - و هو مثل ما قلت البعض يشوف انه ميزة لانها تخليك تعيش معهم في نفس الموقع -
اما الشخصيات كأنها ورق فهذه ما ادري وش تقصدين فيها
وش تهمك معلومات اضافية عن البنت الا انها بنت الشايب اللي مات و انه كان يدربها لمثل هاليوم؟
و نفس الشي بالنسبة لروبيرت؟
الكاتب اكتفى بالمعلومات اللي لها علاقة بالاحداث و هالشي افضل من انه يقول لنا انه لما كان صغير كان يحب التفاح الاحمر و يكره التفاح الاخضر او شي من هالقبيل :09:
لكن الاشياء اللي انت ذكرتيها عاد
اعتقد انها تبي واحد محترف عشان يطلعها و مع ذلك هي موب من المعلومات اللي شدتني او علقت في ذاكرتي منه
Angel whisper
19-01-2006, 12:44 PM
اول شي .. نص هالحقائق اشيا بديهيه ومعروفة من قبل .. الغريب ان الناس صدقتها من ورا الاخ براون ..
ثاني شي .. اي اقتباسات من مواقع اجنبية؟
شوية ويكيبيديا على معلومات اعرفها قبل ما تضر :)
القصة حلوة حلوة ما اختلفنا ..
الاسلوب ركيك للغاية :)
الـCharacter Development هي اللي اقصده بان الشخصيات من ورق ..
ما في اي character developement نهائيا ..
شو اللي يخليني اهتم بهالشخصيات اذا ما كنت اعرف عنها غير اسمها؟
ومن المعلومات المهمه هي شكل صندوق توصفه ثلاث شخصيات في ثلاث اماكن من الكتاب؟ واو ..

الاشيا اللي ذكرتها عاديه وتعتبر تقريبا معلومات عامه .. واعتقد سالفة المنظمة كانت مهمة لمجرى القصة ..
انا احيي براون وبشدة على اختياره لمحور القصة وال thrill اللي سواه فيها ..
والاهم انه قدر يجذب ناس للقراءة .. اعرف وايد ناس اول كتب قروه بالانقلش في حياتهم كان الـ DVC .. ومن بعده قامو يقرون ..
اما عن المصداقية فسوري .. براون اخفق من هالناحية ..
هو يحقله يألف بما انه كتاب fiction ..
لكن المشكلة يوم الناس تمشي وتقول انه كل شي كتبه اصلا صح ..
براون ما رد كتب التاريخ من يديد .. التاريخ موجود في كتبه الصح ..
read DVC for entertainment and NOT for education ..
SFS
23-01-2006, 12:04 PM
زين والصور الي عرضها بالكتاب(النسخة الانجليزية) ؟؟
مثل لوحات دافنشي والرمز الي فيها..
ومبني المنظمة الي بنيويورك..
فهل هي وهمية ام حقيقية؟؟
BIG-M
23-01-2006, 12:15 PM
زين والصور الي عرضها بالكتاب(النسخة الانجليزية) ؟؟
مثل لوحات دافنشي والرمز الي فيها..
ومبني المنظمة الي بنيويورك..
فهل هي وهمية ام حقيقية؟؟


يش موجودة -____- و المبنى تقدر تشوف صوره من الياهو .. شكله مثل مباني الثلاثينات .


انجلوا ... احس انك قعدتي تتصيدي الاخطاء بعدين قرتي تقرأي القصة -___- خخ

اي ماد ,,, اوعدكم بموضوع كامل عن الاحداث لأثرت بالمسيحية وتثبت صحة المعلومات بالكتاب ,,, بإستثناء ابناء عيسى عليه السلام
SFS
23-01-2006, 12:55 PM
يش موجودة -____- و المبنى تقدر تشوف صوره من الياهو .. شكله مثل مباني الثلاثينات .


انجلوا ... احس انك قعدتي تتصيدي الاخطاء بعدين قرتي تقرأي القصة -___- خخ

اي ماد ,,, اوعدكم بموضوع كامل عن الاحداث لأثرت بالمسيحية وتثبت صحة المعلومات بالكتاب ,,, بإستثناء ابناء عيسى عليه السلام


على فكرة الصورة تم ازالتها من موقع دان براون لاسباب مجهولة..
ومثل ما قلت ما تقدر تطلعها الا بالياهو..